|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 3
Sūkta 22
|
1. Info |
| To: | agni | |
| From: | gāthin kauśika | |
| Metres: | 1st set of styles: bhurikpaṅkti (2, 3); triṣṭup (1); virāḍanuṣṭup (4); nicṛtpaṅkti (5) 2nd set of styles: triṣṭubh (1-3, 5); anuṣṭubh (4) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
03.022.01 (Mandala. Sukta. Rik)
3.1.22.01 (Ashtaka. Adhyaya. Varga. Rik)
03.02.053 (Mandala. Anuvāka. Rik)
Samhita Devanagari Accented
अ॒यं सो अ॒ग्निर्यस्मि॒न्त्सोम॒मिंद्रः॑ सु॒तं द॒धे ज॒ठरे॑ वावशा॒नः ।
स॒ह॒स्रिणं॒ वाज॒मत्यं॒ न सप्तिं॑ सस॒वान्त्सन्त्स्तू॑यसे जातवेदः ॥
Samhita Devanagari Nonaccented
अयं सो अग्निर्यस्मिन्त्सोममिंद्रः सुतं दधे जठरे वावशानः ।
सहस्रिणं वाजमत्यं न सप्तिं ससवान्त्सन्त्स्तूयसे जातवेदः ॥
Samhita Transcription Accented
ayám só agníryásmintsómamíndraḥ sutám dadhé jaṭháre vāvaśānáḥ ǀ
sahasríṇam vā́jamátyam ná sáptim sasavā́ntsántstūyase jātavedaḥ ǁ
Samhita Transcription Nonaccented
ayam so agniryasmintsomamindraḥ sutam dadhe jaṭhare vāvaśānaḥ ǀ
sahasriṇam vājamatyam na saptim sasavāntsantstūyase jātavedaḥ ǁ
Padapatha Devanagari Accented
अ॒यम् । सः । अ॒ग्निः । यस्मि॑न् । सोम॑म् । इन्द्रः॑ । सु॒तम् । द॒धे । ज॒ठरे॑ । वा॒व॒शा॒नः ।
स॒ह॒स्रिण॑म् । वाज॑म् । अत्य॑म् । न । सप्ति॑म् । स॒स॒ऽवान् । सन् । स्तू॒य॒से॒ । जा॒त॒ऽवे॒दः॒ ॥
Padapatha Devanagari Nonaccented
अयम् । सः । अग्निः । यस्मिन् । सोमम् । इन्द्रः । सुतम् । दधे । जठरे । वावशानः ।
सहस्रिणम् । वाजम् । अत्यम् । न । सप्तिम् । ससऽवान् । सन् । स्तूयसे । जातऽवेदः ॥
Padapatha Transcription Accented
ayám ǀ sáḥ ǀ agníḥ ǀ yásmin ǀ sómam ǀ índraḥ ǀ sutám ǀ dadhé ǀ jaṭháre ǀ vāvaśānáḥ ǀ
sahasríṇam ǀ vā́jam ǀ átyam ǀ ná ǀ sáptim ǀ sasa-vā́n ǀ sán ǀ stūyase ǀ jāta-vedaḥ ǁ
Padapatha Transcription Nonaccented
ayam ǀ saḥ ǀ agniḥ ǀ yasmin ǀ somam ǀ indraḥ ǀ sutam ǀ dadhe ǀ jaṭhare ǀ vāvaśānaḥ ǀ
sahasriṇam ǀ vājam ǀ atyam ǀ na ǀ saptim ǀ sasa-vān ǀ san ǀ stūyase ǀ jāta-vedaḥ ǁ
03.022.02 (Mandala. Sukta. Rik)
3.1.22.02 (Ashtaka. Adhyaya. Varga. Rik)
03.02.054 (Mandala. Anuvāka. Rik)
Samhita Devanagari Accented
अग्ने॒ यत्ते॑ दि॒वि वर्चः॑ पृथि॒व्यां यदोष॑धीष्व॒प्स्वा य॑जत्र ।
येनां॒तरि॑क्षमु॒र्वा॑त॒तंथ॑ त्वे॒षः स भा॒नुर॑र्ण॒वो नृ॒चक्षाः॑ ॥
Samhita Devanagari Nonaccented
अग्ने यत्ते दिवि वर्चः पृथिव्यां यदोषधीष्वप्स्वा यजत्र ।
येनांतरिक्षमुर्वाततंथ त्वेषः स भानुरर्णवो नृचक्षाः ॥
Samhita Transcription Accented
ágne yátte diví várcaḥ pṛthivyā́m yádóṣadhīṣvapsvā́ yajatra ǀ
yénāntárikṣamurvā́tatántha tveṣáḥ sá bhānúrarṇavó nṛcákṣāḥ ǁ
Samhita Transcription Nonaccented
agne yatte divi varcaḥ pṛthivyām yadoṣadhīṣvapsvā yajatra ǀ
yenāntarikṣamurvātatantha tveṣaḥ sa bhānurarṇavo nṛcakṣāḥ ǁ
Padapatha Devanagari Accented
अग्ने॑ । यत् । ते॒ । दि॒वि । वर्चः॑ । पृ॒थि॒व्याम् । यत् । ओष॑धीषु । अ॒प्ऽसु । आ । य॒ज॒त्र॒ ।
येन॑ । अ॒न्तरि॑क्षम् । उ॒रु । आ॒ऽत॒तन्थ॑ । त्वे॒षः । सः । भा॒नुः । अ॒र्ण॒वः । नृ॒ऽचक्षाः॑ ॥
Padapatha Devanagari Nonaccented
अग्ने । यत् । ते । दिवि । वर्चः । पृथिव्याम् । यत् । ओषधीषु । अप्ऽसु । आ । यजत्र ।
येन । अन्तरिक्षम् । उरु । आऽततन्थ । त्वेषः । सः । भानुः । अर्णवः । नृऽचक्षाः ॥
Padapatha Transcription Accented
ágne ǀ yát ǀ te ǀ diví ǀ várcaḥ ǀ pṛthivyā́m ǀ yát ǀ óṣadhīṣu ǀ ap-sú ǀ ā́ ǀ yajatra ǀ
yéna ǀ antárikṣam ǀ urú ǀ ā-tatántha ǀ tveṣáḥ ǀ sáḥ ǀ bhānúḥ ǀ arṇaváḥ ǀ nṛ-cákṣāḥ ǁ
Padapatha Transcription Nonaccented
agne ǀ yat ǀ te ǀ divi ǀ varcaḥ ǀ pṛthivyām ǀ yat ǀ oṣadhīṣu ǀ ap-su ǀ ā ǀ yajatra ǀ
yena ǀ antarikṣam ǀ uru ǀ ā-tatantha ǀ tveṣaḥ ǀ saḥ ǀ bhānuḥ ǀ arṇavaḥ ǀ nṛ-cakṣāḥ ǁ
03.022.03 (Mandala. Sukta. Rik)
3.1.22.03 (Ashtaka. Adhyaya. Varga. Rik)
03.02.055 (Mandala. Anuvāka. Rik)
Samhita Devanagari Accented
अग्ने॑ दि॒वो अर्ण॒मच्छा॑ जिगा॒स्यच्छा॑ दे॒वाँ ऊ॑चिषे॒ धिष्ण्या॒ ये ।
या रो॑च॒ने प॒रस्ता॒त्सूर्य॑स्य॒ याश्चा॒वस्ता॑दुप॒तिष्ठं॑त॒ आपः॑ ॥
Samhita Devanagari Nonaccented
अग्ने दिवो अर्णमच्छा जिगास्यच्छा देवाँ ऊचिषे धिष्ण्या ये ।
या रोचने परस्तात्सूर्यस्य याश्चावस्तादुपतिष्ठंत आपः ॥
Samhita Transcription Accented
ágne divó árṇamácchā jigāsyácchā devā́m̐ ūciṣe dhíṣṇyā yé ǀ
yā́ rocané parástātsū́ryasya yā́ścāvástādupatíṣṭhanta ā́paḥ ǁ
Samhita Transcription Nonaccented
agne divo arṇamacchā jigāsyacchā devām̐ ūciṣe dhiṣṇyā ye ǀ
yā rocane parastātsūryasya yāścāvastādupatiṣṭhanta āpaḥ ǁ
Padapatha Devanagari Accented
अग्ने॑ । दि॒वः । अर्ण॑म् । अच्छ॑ । जि॒गा॒सि॒ । अच्छ॑ । दे॒वान् । ऊ॒चि॒षे॒ । धिष्ण्याः॑ । ये ।
याः । रो॒च॒ने । प॒रस्ता॑त् । सूर्य॑स्य । याः । च॒ । अ॒वस्ता॑त् । उ॒प॒ऽतिष्ठ॑न्ते । आपः॑ ॥
Padapatha Devanagari Nonaccented
अग्ने । दिवः । अर्णम् । अच्छ । जिगासि । अच्छ । देवान् । ऊचिषे । धिष्ण्याः । ये ।
याः । रोचने । परस्तात् । सूर्यस्य । याः । च । अवस्तात् । उपऽतिष्ठन्ते । आपः ॥
Padapatha Transcription Accented
ágne ǀ diváḥ ǀ árṇam ǀ áccha ǀ jigāsi ǀ áccha ǀ devā́n ǀ ūciṣe ǀ dhíṣṇyāḥ ǀ yé ǀ
yā́ḥ ǀ rocané ǀ parástāt ǀ sū́ryasya ǀ yā́ḥ ǀ ca ǀ avástāt ǀ upa-tíṣṭhante ǀ ā́paḥ ǁ
Padapatha Transcription Nonaccented
agne ǀ divaḥ ǀ arṇam ǀ accha ǀ jigāsi ǀ accha ǀ devān ǀ ūciṣe ǀ dhiṣṇyāḥ ǀ ye ǀ
yāḥ ǀ rocane ǀ parastāt ǀ sūryasya ǀ yāḥ ǀ ca ǀ avastāt ǀ upa-tiṣṭhante ǀ āpaḥ ǁ
03.022.04 (Mandala. Sukta. Rik)
3.1.22.04 (Ashtaka. Adhyaya. Varga. Rik)
03.02.056 (Mandala. Anuvāka. Rik)
Samhita Devanagari Accented
पु॒री॒ष्या॑सो अ॒ग्नयः॑ प्राव॒णेभिः॑ स॒जोष॑सः ।
जु॒षंतां॑ य॒ज्ञम॒द्रुहो॑ऽनमी॒वा इषो॑ म॒हीः ॥
Samhita Devanagari Nonaccented
पुरीष्यासो अग्नयः प्रावणेभिः सजोषसः ।
जुषंतां यज्ञमद्रुहोऽनमीवा इषो महीः ॥
Samhita Transcription Accented
purīṣyā́so agnáyaḥ prāvaṇébhiḥ sajóṣasaḥ ǀ
juṣántām yajñámadrúho’namīvā́ íṣo mahī́ḥ ǁ
Samhita Transcription Nonaccented
purīṣyāso agnayaḥ prāvaṇebhiḥ sajoṣasaḥ ǀ
juṣantām yajñamadruho’namīvā iṣo mahīḥ ǁ
Padapatha Devanagari Accented
पु॒री॒ष्या॑सः । अ॒ग्नयः॑ । प्र॒व॒णेभिः॑ । स॒ऽजोष॑सः ।
जु॒षन्ता॑म् । य॒ज्ञम् । अ॒द्रुहः॑ । अ॒न॒मी॒वाः । इषः॑ । म॒हीः ॥
Padapatha Devanagari Nonaccented
पुरीष्यासः । अग्नयः । प्रवणेभिः । सऽजोषसः ।
जुषन्ताम् । यज्ञम् । अद्रुहः । अनमीवाः । इषः । महीः ॥
Padapatha Transcription Accented
purīṣyā́saḥ ǀ agnáyaḥ ǀ pravaṇébhiḥ ǀ sa-jóṣasaḥ ǀ
juṣántām ǀ yajñám ǀ adrúhaḥ ǀ anamīvā́ḥ ǀ íṣaḥ ǀ mahī́ḥ ǁ
Padapatha Transcription Nonaccented
purīṣyāsaḥ ǀ agnayaḥ ǀ pravaṇebhiḥ ǀ sa-joṣasaḥ ǀ
juṣantām ǀ yajñam ǀ adruhaḥ ǀ anamīvāḥ ǀ iṣaḥ ǀ mahīḥ ǁ
03.022.05 (Mandala. Sukta. Rik)
3.1.22.05 (Ashtaka. Adhyaya. Varga. Rik)
03.02.057 (Mandala. Anuvāka. Rik)
Samhita Devanagari Accented
इळा॑मग्ने पुरु॒दंसं॑ स॒निं गोः श॑श्वत्त॒मं हव॑मानाय साध ।
स्यान्नः॑ सू॒नुस्तन॑यो वि॒जावाग्ने॒ सा ते॑ सुम॒तिर्भू॑त्व॒स्मे ॥
Samhita Devanagari Nonaccented
इळामग्ने पुरुदंसं सनिं गोः शश्वत्तमं हवमानाय साध ।
स्यान्नः सूनुस्तनयो विजावाग्ने सा ते सुमतिर्भूत्वस्मे ॥
Samhita Transcription Accented
íḷāmagne purudáṃsam saním góḥ śaśvattamám hávamānāya sādha ǀ
syā́nnaḥ sūnústánayo vijā́vā́gne sā́ te sumatírbhūtvasmé ǁ
Samhita Transcription Nonaccented
iḷāmagne purudaṃsam sanim goḥ śaśvattamam havamānāya sādha ǀ
syānnaḥ sūnustanayo vijāvāgne sā te sumatirbhūtvasme ǁ
Padapatha Devanagari Accented
इळा॑म् । अ॒ग्ने॒ । पु॒रु॒ऽदंस॑म् । स॒निम् । गोः । श॒श्व॒त्ऽत॒मम् । हव॑मानाय । सा॒ध॒ ।
स्यात् । नः॒ । सू॒नुः । तन॑यः । वि॒जाऽवा॑ । अ॒ग्ने॒ । सा । ते॒ । सु॒ऽम॒तिः । भू॒तु॒ । अ॒स्मे इति॑ ॥
Padapatha Devanagari Nonaccented
इळाम् । अग्ने । पुरुऽदंसम् । सनिम् । गोः । शश्वत्ऽतमम् । हवमानाय । साध ।
स्यात् । नः । सूनुः । तनयः । विजाऽवा । अग्ने । सा । ते । सुऽमतिः । भूतु । अस्मे इति ॥
Padapatha Transcription Accented
íḷām ǀ agne ǀ puru-dáṃsam ǀ saním ǀ góḥ ǀ śaśvat-tamám ǀ hávamānāya ǀ sādha ǀ
syā́t ǀ naḥ ǀ sūnúḥ ǀ tánayaḥ ǀ vijā́-vā ǀ agne ǀ sā́ ǀ te ǀ su-matíḥ ǀ bhūtu ǀ asmé íti ǁ
Padapatha Transcription Nonaccented
iḷām ǀ agne ǀ puru-daṃsam ǀ sanim ǀ goḥ ǀ śaśvat-tamam ǀ havamānāya ǀ sādha ǀ
syāt ǀ naḥ ǀ sūnuḥ ǀ tanayaḥ ǀ vijā-vā ǀ agne ǀ sā ǀ te ǀ su-matiḥ ǀ bhūtu ǀ asme iti ǁ