|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 3
Sūkta 26
|
1. Info |
| To: | 1-3: agni vaiśvānara; 4-6: agni, maruts; 7, 8: agni or ātmastuti or parabrahma; 9: viśvāmitra himself and the preceptor |
|
| From: | viśvāmitra gāthina | |
| Metres: | 1st set of styles: jagatī (1-6); triṣṭup (7-9) 2nd set of styles: jagatī (1-6); triṣṭubh (7-9) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
03.026.01 (Mandala. Sukta. Rik)
3.1.26.01 (Ashtaka. Adhyaya. Varga. Rik)
03.02.073 (Mandala. Anuvāka. Rik)
Samhita Devanagari Accented
वै॒श्वा॒न॒रं मन॑सा॒ग्निं नि॒चाय्या॑ ह॒विष्मं॑तो अनुष॒त्यं स्व॒र्विदं॑ ।
सु॒दानुं॑ दे॒वं र॑थि॒रं व॑सू॒यवो॑ गी॒र्भी र॒ण्वं कु॑शि॒कासो॑ हवामहे ॥
Samhita Devanagari Nonaccented
वैश्वानरं मनसाग्निं निचाय्या हविष्मंतो अनुषत्यं स्वर्विदं ।
सुदानुं देवं रथिरं वसूयवो गीर्भी रण्वं कुशिकासो हवामहे ॥
Samhita Transcription Accented
vaiśvānarám mánasāgním nicā́yyā havíṣmanto anuṣatyám svarvídam ǀ
sudā́num devám rathirám vasūyávo gīrbhī́ raṇvám kuśikā́so havāmahe ǁ
Samhita Transcription Nonaccented
vaiśvānaram manasāgnim nicāyyā haviṣmanto anuṣatyam svarvidam ǀ
sudānum devam rathiram vasūyavo gīrbhī raṇvam kuśikāso havāmahe ǁ
Padapatha Devanagari Accented
वै॒श्वा॒न॒रम् । मन॑सा । अ॒ग्निम् । नि॒ऽचाय्य॑ । ह॒विष्म॑न्तः । अ॒नु॒ऽस॒त्यम् । स्वः॒ऽविद॑म् ।
सु॒ऽदानु॑म् । दे॒वम् । र॒थि॒रम् । व॒सु॒ऽयवः॑ । गीः॒ऽभिः । र॒ण्वम् । कु॒शि॒कासः॑ । ह॒वा॒म॒हे॒ ॥
Padapatha Devanagari Nonaccented
वैश्वानरम् । मनसा । अग्निम् । निऽचाय्य । हविष्मन्तः । अनुऽसत्यम् । स्वःऽविदम् ।
सुऽदानुम् । देवम् । रथिरम् । वसुऽयवः । गीःऽभिः । रण्वम् । कुशिकासः । हवामहे ॥
Padapatha Transcription Accented
vaiśvānarám ǀ mánasā ǀ agním ǀ ni-cā́yya ǀ havíṣmantaḥ ǀ anu-satyám ǀ svaḥ-vídam ǀ
su-dā́num ǀ devám ǀ rathirám ǀ vasu-yávaḥ ǀ gīḥ-bhíḥ ǀ raṇvám ǀ kuśikā́saḥ ǀ havāmahe ǁ
Padapatha Transcription Nonaccented
vaiśvānaram ǀ manasā ǀ agnim ǀ ni-cāyya ǀ haviṣmantaḥ ǀ anu-satyam ǀ svaḥ-vidam ǀ
su-dānum ǀ devam ǀ rathiram ǀ vasu-yavaḥ ǀ gīḥ-bhiḥ ǀ raṇvam ǀ kuśikāsaḥ ǀ havāmahe ǁ
03.026.02 (Mandala. Sukta. Rik)
3.1.26.02 (Ashtaka. Adhyaya. Varga. Rik)
03.02.074 (Mandala. Anuvāka. Rik)
Samhita Devanagari Accented
तं शु॒भ्रम॒ग्निमव॑से हवामहे वैश्वान॒रं मा॑त॒रिश्वा॑नमु॒क्थ्यं॑ ।
बृह॒स्पतिं॒ मनु॑षो दे॒वता॑तये॒ विप्रं॒ श्रोता॑र॒मति॑थिं रघु॒ष्यदं॑ ॥
Samhita Devanagari Nonaccented
तं शुभ्रमग्निमवसे हवामहे वैश्वानरं मातरिश्वानमुक्थ्यं ।
बृहस्पतिं मनुषो देवतातये विप्रं श्रोतारमतिथिं रघुष्यदं ॥
Samhita Transcription Accented
tám śubhrámagnímávase havāmahe vaiśvānarám mātaríśvānamukthyám ǀ
bṛ́haspátim mánuṣo devátātaye vípram śrótāramátithim raghuṣyádam ǁ
Samhita Transcription Nonaccented
tam śubhramagnimavase havāmahe vaiśvānaram mātariśvānamukthyam ǀ
bṛhaspatim manuṣo devatātaye vipram śrotāramatithim raghuṣyadam ǁ
Padapatha Devanagari Accented
तम् । शु॒भ्रम् । अ॒ग्निम् । अव॑से । ह॒वा॒म॒हे॒ । वै॒श्वा॒न॒रम् । मा॒त॒रिश्वा॑नम् । उ॒क्थ्य॑म् ।
बृह॒स्पति॑म् । मनु॑षः । दे॒वऽता॑तये । विप्र॑म् । श्रोता॑रम् । अति॑थिम् । र॒घु॒ऽस्यद॑म् ॥
Padapatha Devanagari Nonaccented
तम् । शुभ्रम् । अग्निम् । अवसे । हवामहे । वैश्वानरम् । मातरिश्वानम् । उक्थ्यम् ।
बृहस्पतिम् । मनुषः । देवऽतातये । विप्रम् । श्रोतारम् । अतिथिम् । रघुऽस्यदम् ॥
Padapatha Transcription Accented
tám ǀ śubhrám ǀ agním ǀ ávase ǀ havāmahe ǀ vaiśvānarám ǀ mātaríśvānam ǀ ukthyám ǀ
bṛ́haspátim ǀ mánuṣaḥ ǀ devá-tātaye ǀ vípram ǀ śrótāram ǀ átithim ǀ raghu-syádam ǁ
Padapatha Transcription Nonaccented
tam ǀ śubhram ǀ agnim ǀ avase ǀ havāmahe ǀ vaiśvānaram ǀ mātariśvānam ǀ ukthyam ǀ
bṛhaspatim ǀ manuṣaḥ ǀ deva-tātaye ǀ vipram ǀ śrotāram ǀ atithim ǀ raghu-syadam ǁ
03.026.03 (Mandala. Sukta. Rik)
3.1.26.03 (Ashtaka. Adhyaya. Varga. Rik)
03.02.075 (Mandala. Anuvāka. Rik)
Samhita Devanagari Accented
अश्वो॒ न क्रंदं॒जनि॑भिः॒ समि॑ध्यते वैश्वान॒रः कु॑शि॒केभि॑र्यु॒गेयु॑गे ।
स नो॑ अ॒ग्निः सु॒वीर्यं॒ स्वश्व्यं॒ दधा॑तु॒ रत्न॑म॒मृते॑षु॒ जागृ॑विः ॥
Samhita Devanagari Nonaccented
अश्वो न क्रंदंजनिभिः समिध्यते वैश्वानरः कुशिकेभिर्युगेयुगे ।
स नो अग्निः सुवीर्यं स्वश्व्यं दधातु रत्नममृतेषु जागृविः ॥
Samhita Transcription Accented
áśvo ná krándañjánibhiḥ sámidhyate vaiśvānaráḥ kuśikébhiryugéyuge ǀ
sá no agníḥ suvī́ryam sváśvyam dádhātu rátnamamṛ́teṣu jā́gṛviḥ ǁ
Samhita Transcription Nonaccented
aśvo na krandañjanibhiḥ samidhyate vaiśvānaraḥ kuśikebhiryugeyuge ǀ
sa no agniḥ suvīryam svaśvyam dadhātu ratnamamṛteṣu jāgṛviḥ ǁ
Padapatha Devanagari Accented
अश्वः॑ । न । क्रन्द॑न् । जनि॑ऽभिः । सम् । इ॒ध्य॒ते॒ । वै॒श्वा॒न॒रः । कु॒शि॒केभिः॑ । यु॒गेऽयु॑गे ।
सः । नः॒ । अ॒ग्निः । सु॒ऽवीर्य॑म् । सु॒ऽअश्व्य॑म् । दधा॑तु । रत्न॑म् । अ॒मृते॑षु । जागृ॑विः ॥
Padapatha Devanagari Nonaccented
अश्वः । न । क्रन्दन् । जनिऽभिः । सम् । इध्यते । वैश्वानरः । कुशिकेभिः । युगेऽयुगे ।
सः । नः । अग्निः । सुऽवीर्यम् । सुऽअश्व्यम् । दधातु । रत्नम् । अमृतेषु । जागृविः ॥
Padapatha Transcription Accented
áśvaḥ ǀ ná ǀ krándan ǀ jáni-bhiḥ ǀ sám ǀ idhyate ǀ vaiśvānaráḥ ǀ kuśikébhiḥ ǀ yugé-yuge ǀ
sáḥ ǀ naḥ ǀ agníḥ ǀ su-vī́ryam ǀ su-áśvyam ǀ dádhātu ǀ rátnam ǀ amṛ́teṣu ǀ jā́gṛviḥ ǁ
Padapatha Transcription Nonaccented
aśvaḥ ǀ na ǀ krandan ǀ jani-bhiḥ ǀ sam ǀ idhyate ǀ vaiśvānaraḥ ǀ kuśikebhiḥ ǀ yuge-yuge ǀ
saḥ ǀ naḥ ǀ agniḥ ǀ su-vīryam ǀ su-aśvyam ǀ dadhātu ǀ ratnam ǀ amṛteṣu ǀ jāgṛviḥ ǁ
03.026.04 (Mandala. Sukta. Rik)
3.1.26.04 (Ashtaka. Adhyaya. Varga. Rik)
03.02.076 (Mandala. Anuvāka. Rik)
Samhita Devanagari Accented
प्र यं॑तु॒ वाजा॒स्तवि॑षीभिर॒ग्नयः॑ शु॒भे सम्मि॑श्लाः॒ पृष॑तीरयुक्षत ।
बृ॒ह॒दुक्षो॑ म॒रुतो॑ वि॒श्ववे॑दसः॒ प्र वे॑पयंति॒ पर्व॑ताँ॒ अदा॑भ्याः ॥
Samhita Devanagari Nonaccented
प्र यंतु वाजास्तविषीभिरग्नयः शुभे सम्मिश्लाः पृषतीरयुक्षत ।
बृहदुक्षो मरुतो विश्ववेदसः प्र वेपयंति पर्वताँ अदाभ्याः ॥
Samhita Transcription Accented
prá yantu vā́jāstáviṣībhiragnáyaḥ śubhé sámmiślāḥ pṛ́ṣatīrayukṣata ǀ
bṛhadúkṣo marúto viśvávedasaḥ prá vepayanti párvatām̐ ádābhyāḥ ǁ
Samhita Transcription Nonaccented
pra yantu vājāstaviṣībhiragnayaḥ śubhe sammiślāḥ pṛṣatīrayukṣata ǀ
bṛhadukṣo maruto viśvavedasaḥ pra vepayanti parvatām̐ adābhyāḥ ǁ
Padapatha Devanagari Accented
प्र । य॒न्तु॒ । वाजाः॑ । तवि॑षीभिः । अ॒ग्नयः॑ । शु॒भे । सम्ऽमि॑श्लाः । पृष॑तीः । अ॒यु॒क्ष॒त॒ ।
बृ॒ह॒त्ऽउक्षः॑ । म॒रुतः॑ । वि॒श्वऽवे॑दसः । प्र । वे॒प॒य॒न्ति॒ । पर्व॑तान् । अदा॑भ्याः ॥
Padapatha Devanagari Nonaccented
प्र । यन्तु । वाजाः । तविषीभिः । अग्नयः । शुभे । सम्ऽमिश्लाः । पृषतीः । अयुक्षत ।
बृहत्ऽउक्षः । मरुतः । विश्वऽवेदसः । प्र । वेपयन्ति । पर्वतान् । अदाभ्याः ॥
Padapatha Transcription Accented
prá ǀ yantu ǀ vā́jāḥ ǀ táviṣībhiḥ ǀ agnáyaḥ ǀ śubhé ǀ sám-miślāḥ ǀ pṛ́ṣatīḥ ǀ ayukṣata ǀ
bṛhat-úkṣaḥ ǀ marútaḥ ǀ viśvá-vedasaḥ ǀ prá ǀ vepayanti ǀ párvatān ǀ ádābhyāḥ ǁ
Padapatha Transcription Nonaccented
pra ǀ yantu ǀ vājāḥ ǀ taviṣībhiḥ ǀ agnayaḥ ǀ śubhe ǀ sam-miślāḥ ǀ pṛṣatīḥ ǀ ayukṣata ǀ
bṛhat-ukṣaḥ ǀ marutaḥ ǀ viśva-vedasaḥ ǀ pra ǀ vepayanti ǀ parvatān ǀ adābhyāḥ ǁ
03.026.05 (Mandala. Sukta. Rik)
3.1.26.05 (Ashtaka. Adhyaya. Varga. Rik)
03.02.077 (Mandala. Anuvāka. Rik)
Samhita Devanagari Accented
अ॒ग्नि॒श्रियो॑ म॒रुतो॑ वि॒श्वकृ॑ष्टय॒ आ त्वे॒षमु॒ग्रमव॑ ईमहे व॒यं ।
ते स्वा॒निनो॑ रु॒द्रिया॑ व॒र्षनि॑र्णिजः सिं॒हा न हे॒षक्र॑तवः सु॒दान॑वः ॥
Samhita Devanagari Nonaccented
अग्निश्रियो मरुतो विश्वकृष्टय आ त्वेषमुग्रमव ईमहे वयं ।
ते स्वानिनो रुद्रिया वर्षनिर्णिजः सिंहा न हेषक्रतवः सुदानवः ॥
Samhita Transcription Accented
agniśríyo marúto viśvákṛṣṭaya ā́ tveṣámugrámáva īmahe vayám ǀ
té svāníno rudríyā varṣánirṇijaḥ siṃhā́ ná heṣákratavaḥ sudā́navaḥ ǁ
Samhita Transcription Nonaccented
agniśriyo maruto viśvakṛṣṭaya ā tveṣamugramava īmahe vayam ǀ
te svānino rudriyā varṣanirṇijaḥ siṃhā na heṣakratavaḥ sudānavaḥ ǁ
Padapatha Devanagari Accented
अ॒ग्नि॒ऽश्रियः॑ । म॒रुतः॑ । वि॒श्वऽकृ॑ष्टयः । आ । त्वे॒षम् । उ॒ग्रम् । अवः॑ । ई॒म॒हे॒ । व॒यम् ।
ते । स्वा॒निनः॑ । रु॒द्रियाः॑ । व॒र्षऽनि॑र्निजः । सिं॒हाः । न । हे॒षऽक्र॑तवः । सु॒ऽदान॑वः ॥
Padapatha Devanagari Nonaccented
अग्निऽश्रियः । मरुतः । विश्वऽकृष्टयः । आ । त्वेषम् । उग्रम् । अवः । ईमहे । वयम् ।
ते । स्वानिनः । रुद्रियाः । वर्षऽनिर्निजः । सिंहाः । न । हेषऽक्रतवः । सुऽदानवः ॥
Padapatha Transcription Accented
agni-śríyaḥ ǀ marútaḥ ǀ viśvá-kṛṣṭayaḥ ǀ ā́ ǀ tveṣám ǀ ugrám ǀ ávaḥ ǀ īmahe ǀ vayám ǀ
té ǀ svānínaḥ ǀ rudríyāḥ ǀ varṣá-nirnijaḥ ǀ siṃhā́ḥ ǀ ná ǀ heṣá-kratavaḥ ǀ su-dā́navaḥ ǁ
Padapatha Transcription Nonaccented
agni-śriyaḥ ǀ marutaḥ ǀ viśva-kṛṣṭayaḥ ǀ ā ǀ tveṣam ǀ ugram ǀ avaḥ ǀ īmahe ǀ vayam ǀ
te ǀ svāninaḥ ǀ rudriyāḥ ǀ varṣa-nirnijaḥ ǀ siṃhāḥ ǀ na ǀ heṣa-kratavaḥ ǀ su-dānavaḥ ǁ
03.026.06 (Mandala. Sukta. Rik)
3.1.27.01 (Ashtaka. Adhyaya. Varga. Rik)
03.02.078 (Mandala. Anuvāka. Rik)
Samhita Devanagari Accented
व्रातं॑व्रातं ग॒णंग॑णं सुश॒स्तिभि॑र॒ग्नेर्भामं॑ म॒रुता॒मोज॑ ईमहे ।
पृष॑दश्वासो अनव॒भ्ररा॑धसो॒ गंता॑रो य॒ज्ञं वि॒दथे॑षु॒ धीराः॑ ॥
Samhita Devanagari Nonaccented
व्रातंव्रातं गणंगणं सुशस्तिभिरग्नेर्भामं मरुतामोज ईमहे ।
पृषदश्वासो अनवभ्रराधसो गंतारो यज्ञं विदथेषु धीराः ॥
Samhita Transcription Accented
vrā́taṃvrātam gaṇáṃgaṇam suśastíbhiragnérbhā́mam marútāmója īmahe ǀ
pṛ́ṣadaśvāso anavabhrárādhaso gántāro yajñám vidátheṣu dhī́rāḥ ǁ
Samhita Transcription Nonaccented
vrātaṃvrātam gaṇaṃgaṇam suśastibhiragnerbhāmam marutāmoja īmahe ǀ
pṛṣadaśvāso anavabhrarādhaso gantāro yajñam vidatheṣu dhīrāḥ ǁ
Padapatha Devanagari Accented
व्रात॑म्ऽव्रातम् । ग॒णम्ऽग॑णम् । सु॒श॒स्तिऽभिः॑ । अ॒ग्नेः । भाम॑म् । म॒रुता॑म् । ओजः॑ । ई॒म॒हे॒ ।
पृष॑त्ऽअश्वासः । अ॒न॒व॒भ्रऽरा॑धसः । गन्ता॑रः । य॒ज्ञम् । वि॒दथे॑षु । धीराः॑ ॥
Padapatha Devanagari Nonaccented
व्रातम्ऽव्रातम् । गणम्ऽगणम् । सुशस्तिऽभिः । अग्नेः । भामम् । मरुताम् । ओजः । ईमहे ।
पृषत्ऽअश्वासः । अनवभ्रऽराधसः । गन्तारः । यज्ञम् । विदथेषु । धीराः ॥
Padapatha Transcription Accented
vrā́tam-vrātam ǀ gaṇám-gaṇam ǀ suśastí-bhiḥ ǀ agnéḥ ǀ bhā́mam ǀ marútām ǀ ójaḥ ǀ īmahe ǀ
pṛ́ṣat-aśvāsaḥ ǀ anavabhrá-rādhasaḥ ǀ gántāraḥ ǀ yajñám ǀ vidátheṣu ǀ dhī́rāḥ ǁ
Padapatha Transcription Nonaccented
vrātam-vrātam ǀ gaṇam-gaṇam ǀ suśasti-bhiḥ ǀ agneḥ ǀ bhāmam ǀ marutām ǀ ojaḥ ǀ īmahe ǀ
pṛṣat-aśvāsaḥ ǀ anavabhra-rādhasaḥ ǀ gantāraḥ ǀ yajñam ǀ vidatheṣu ǀ dhīrāḥ ǁ
03.026.07 (Mandala. Sukta. Rik)
3.1.27.02 (Ashtaka. Adhyaya. Varga. Rik)
03.02.079 (Mandala. Anuvāka. Rik)
Samhita Devanagari Accented
अ॒ग्निर॑स्मि॒ जन्म॑ना जा॒तवे॑दा घृ॒तं मे॒ चक्षु॑र॒मृतं॑ म आ॒सन् ।
अ॒र्कस्त्रि॒धातू॒ रज॑सो वि॒मानोऽज॑स्रो घ॒र्मो ह॒विर॑स्मि॒ नाम॑ ॥
Samhita Devanagari Nonaccented
अग्निरस्मि जन्मना जातवेदा घृतं मे चक्षुरमृतं म आसन् ।
अर्कस्त्रिधातू रजसो विमानोऽजस्रो घर्मो हविरस्मि नाम ॥
Samhita Transcription Accented
agnírasmi jánmanā jātávedā ghṛtám me cákṣuramṛ́tam ma āsán ǀ
arkástridhā́tū rájaso vimā́nó’jasro gharmó havírasmi nā́ma ǁ
Samhita Transcription Nonaccented
agnirasmi janmanā jātavedā ghṛtam me cakṣuramṛtam ma āsan ǀ
arkastridhātū rajaso vimāno’jasro gharmo havirasmi nāma ǁ
Padapatha Devanagari Accented
अ॒ग्निः । अ॒स्मि॒ । जन्म॑ना । जा॒तऽवे॑दाः । घृ॒तम् । मे॒ । चक्षुः॑ । अ॒मृत॑म् । मे॒ । आ॒सन् ।
अ॒र्कः । त्रि॒ऽधातुः॑ । रज॑सः । वि॒ऽमानः॑ । अज॑स्रः । घ॒र्मः । ह॒विः । अ॒स्मि॒ । नाम॑ ॥
Padapatha Devanagari Nonaccented
अग्निः । अस्मि । जन्मना । जातऽवेदाः । घृतम् । मे । चक्षुः । अमृतम् । मे । आसन् ।
अर्कः । त्रिऽधातुः । रजसः । विऽमानः । अजस्रः । घर्मः । हविः । अस्मि । नाम ॥
Padapatha Transcription Accented
agníḥ ǀ asmi ǀ jánmanā ǀ jātá-vedāḥ ǀ ghṛtám ǀ me ǀ cákṣuḥ ǀ amṛ́tam ǀ me ǀ āsán ǀ
arkáḥ ǀ tri-dhā́tuḥ ǀ rájasaḥ ǀ vi-mā́naḥ ǀ ájasraḥ ǀ gharmáḥ ǀ havíḥ ǀ asmi ǀ nā́ma ǁ
Padapatha Transcription Nonaccented
agniḥ ǀ asmi ǀ janmanā ǀ jāta-vedāḥ ǀ ghṛtam ǀ me ǀ cakṣuḥ ǀ amṛtam ǀ me ǀ āsan ǀ
arkaḥ ǀ tri-dhātuḥ ǀ rajasaḥ ǀ vi-mānaḥ ǀ ajasraḥ ǀ gharmaḥ ǀ haviḥ ǀ asmi ǀ nāma ǁ
03.026.08 (Mandala. Sukta. Rik)
3.1.27.03 (Ashtaka. Adhyaya. Varga. Rik)
03.02.080 (Mandala. Anuvāka. Rik)
Samhita Devanagari Accented
त्रि॒भिः प॒वित्रै॒रपु॑पो॒द्ध्य१॒॑र्कं हृ॒दा म॒तिं ज्योति॒रनु॑ प्रजा॒नन् ।
वर्षि॑ष्ठं॒ रत्न॑मकृत स्व॒धाभि॒रादिद्द्यावा॑पृथि॒वी पर्य॑पश्यत् ॥
Samhita Devanagari Nonaccented
त्रिभिः पवित्रैरपुपोद्ध्यर्कं हृदा मतिं ज्योतिरनु प्रजानन् ।
वर्षिष्ठं रत्नमकृत स्वधाभिरादिद्द्यावापृथिवी पर्यपश्यत् ॥
Samhita Transcription Accented
tribhíḥ pavítrairápupoddhyárkám hṛdā́ matím jyótiránu prajānán ǀ
várṣiṣṭham rátnamakṛta svadhā́bhirā́díddyā́vāpṛthivī́ páryapaśyat ǁ
Samhita Transcription Nonaccented
tribhiḥ pavitrairapupoddhyarkam hṛdā matim jyotiranu prajānan ǀ
varṣiṣṭham ratnamakṛta svadhābhirādiddyāvāpṛthivī paryapaśyat ǁ
Padapatha Devanagari Accented
त्रि॒ऽभिः । प॒वित्रैः॑ । अपु॑पोत् । हि । अ॒र्कम् । हृ॒दा । म॒तिम् । ज्योतिः॑ । अनु॑ । प्र॒ऽजा॒नन् ।
वर्षि॑ष्ठम् । रत्न॑म् । अ॒कृ॒त॒ । स्व॒धाभिः॑ । आत् । इत् । द्यावा॑पृथि॒वी इति॑ । परि॑ । अ॒प॒श्य॒त् ॥
Padapatha Devanagari Nonaccented
त्रिऽभिः । पवित्रैः । अपुपोत् । हि । अर्कम् । हृदा । मतिम् । ज्योतिः । अनु । प्रऽजानन् ।
वर्षिष्ठम् । रत्नम् । अकृत । स्वधाभिः । आत् । इत् । द्यावापृथिवी इति । परि । अपश्यत् ॥
Padapatha Transcription Accented
tri-bhíḥ ǀ pavítraiḥ ǀ ápupot ǀ hí ǀ arkám ǀ hṛdā́ ǀ matím ǀ jyótiḥ ǀ ánu ǀ pra-jānán ǀ
várṣiṣṭham ǀ rátnam ǀ akṛta ǀ svadhā́bhiḥ ǀ ā́t ǀ ít ǀ dyā́vāpṛthivī́ íti ǀ pári ǀ apaśyat ǁ
Padapatha Transcription Nonaccented
tri-bhiḥ ǀ pavitraiḥ ǀ apupot ǀ hi ǀ arkam ǀ hṛdā ǀ matim ǀ jyotiḥ ǀ anu ǀ pra-jānan ǀ
varṣiṣṭham ǀ ratnam ǀ akṛta ǀ svadhābhiḥ ǀ āt ǀ it ǀ dyāvāpṛthivī iti ǀ pari ǀ apaśyat ǁ
03.026.09 (Mandala. Sukta. Rik)
3.1.27.04 (Ashtaka. Adhyaya. Varga. Rik)
03.02.081 (Mandala. Anuvāka. Rik)
Samhita Devanagari Accented
श॒तधा॑र॒मुत्स॒मक्षी॑यमाणं विप॒श्चितं॑ पि॒तरं॒ वक्त्वा॑नां ।
मे॒ळिं मदं॑तं पि॒त्रोरु॒पस्थे॒ तं रो॑दसी पिपृतं सत्य॒वाचं॑ ॥
Samhita Devanagari Nonaccented
शतधारमुत्समक्षीयमाणं विपश्चितं पितरं वक्त्वानां ।
मेळिं मदंतं पित्रोरुपस्थे तं रोदसी पिपृतं सत्यवाचं ॥
Samhita Transcription Accented
śatádhāramútsamákṣīyamāṇam vipaścítam pitáram váktvānām ǀ
meḷím mádantam pitrórupásthe tám rodasī pipṛtam satyavā́cam ǁ
Samhita Transcription Nonaccented
śatadhāramutsamakṣīyamāṇam vipaścitam pitaram vaktvānām ǀ
meḷim madantam pitrorupasthe tam rodasī pipṛtam satyavācam ǁ
Padapatha Devanagari Accented
श॒तऽधा॑रम् । उत्स॑म् । अक्षी॑यमाणम् । वि॒पः॒ऽचित॑म् । पि॒तर॑म् । वक्त्वा॑नाम् ।
मे॒ळिम् । मद॑न्तम् । पि॒त्रोः । उ॒पऽस्थे॑ । तम् । रो॒द॒सी॒ इति॑ । पि॒पृ॒त॒म् । स॒त्य॒ऽवाच॑म् ॥
Padapatha Devanagari Nonaccented
शतऽधारम् । उत्सम् । अक्षीयमाणम् । विपःऽचितम् । पितरम् । वक्त्वानाम् ।
मेळिम् । मदन्तम् । पित्रोः । उपऽस्थे । तम् । रोदसी इति । पिपृतम् । सत्यऽवाचम् ॥
Padapatha Transcription Accented
śatá-dhāram ǀ útsam ǀ ákṣīyamāṇam ǀ vipaḥ-cítam ǀ pitáram ǀ váktvānām ǀ
meḷím ǀ mádantam ǀ pitróḥ ǀ upá-sthe ǀ tám ǀ rodasī íti ǀ pipṛtam ǀ satya-vā́cam ǁ
Padapatha Transcription Nonaccented
śata-dhāram ǀ utsam ǀ akṣīyamāṇam ǀ vipaḥ-citam ǀ pitaram ǀ vaktvānām ǀ
meḷim ǀ madantam ǀ pitroḥ ǀ upa-sthe ǀ tam ǀ rodasī iti ǀ pipṛtam ǀ satya-vācam ǁ