|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 3
Sūkta 29
|
1. Info |
| To: | 1-4, 6-16: agni; 5: agni or the priests |
|
| From: | viśvāmitra gāthina | |
| Metres: | 1st set of styles: nicṛttriṣṭup (7-9, 16); triṣṭup (3, 5, 6); jagatī (11, 14, 15); bhuriganuṣṭup (10, 12); nicṛdanuṣṭup (1); bhurikpaṅkti (2); virāḍanuṣṭup (4); svarāṭpaṅkti (13) 2nd set of styles: triṣṭubh (2-3, 5, 7-9, 13, 16); anuṣṭubh (1, 4, 10, 12); jagatī (6, 11, 14, 15) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
03.029.01 (Mandala. Sukta. Rik)
3.1.32.01 (Ashtaka. Adhyaya. Varga. Rik)
03.02.103 (Mandala. Anuvāka. Rik)
Samhita Devanagari Accented
अस्ती॒दम॑धि॒मंथ॑न॒मस्ति॑ प्र॒जन॑नं कृ॒तं ।
ए॒तां वि॒श्पत्नी॒मा भ॑रा॒ग्निं मं॑थाम पू॒र्वथा॑ ॥
Samhita Devanagari Nonaccented
अस्तीदमधिमंथनमस्ति प्रजननं कृतं ।
एतां विश्पत्नीमा भराग्निं मंथाम पूर्वथा ॥
Samhita Transcription Accented
ástīdámadhimánthanamásti prajánanam kṛtám ǀ
etā́m viśpátnīmā́ bharāgním manthāma pūrváthā ǁ
Samhita Transcription Nonaccented
astīdamadhimanthanamasti prajananam kṛtam ǀ
etām viśpatnīmā bharāgnim manthāma pūrvathā ǁ
Padapatha Devanagari Accented
अस्ति॑ । इ॒दम् । अ॒धि॒ऽमन्थ॑नम् । अस्ति॑ । प्र॒ऽजन॑नम् । कृ॒तम् ।
ए॒ताम् । वि॒श्पत्नी॑म् । आ । भ॒र॒ । अ॒ग्निम् । म॒न्था॒म॒ । पू॒र्वऽथा॑ ॥
Padapatha Devanagari Nonaccented
अस्ति । इदम् । अधिऽमन्थनम् । अस्ति । प्रऽजननम् । कृतम् ।
एताम् । विश्पत्नीम् । आ । भर । अग्निम् । मन्थाम । पूर्वऽथा ॥
Padapatha Transcription Accented
ásti ǀ idám ǀ adhi-mánthanam ǀ ásti ǀ pra-jánanam ǀ kṛtám ǀ
etā́m ǀ viśpátnīm ǀ ā́ ǀ bhara ǀ agním ǀ manthāma ǀ pūrvá-thā ǁ
Padapatha Transcription Nonaccented
asti ǀ idam ǀ adhi-manthanam ǀ asti ǀ pra-jananam ǀ kṛtam ǀ
etām ǀ viśpatnīm ǀ ā ǀ bhara ǀ agnim ǀ manthāma ǀ pūrva-thā ǁ
03.029.02 (Mandala. Sukta. Rik)
3.1.32.02 (Ashtaka. Adhyaya. Varga. Rik)
03.02.104 (Mandala. Anuvāka. Rik)
Samhita Devanagari Accented
अ॒रण्यो॒र्निहि॑तो जा॒तवे॑दा॒ गर्भ॑ इव॒ सुधि॑तो ग॒र्भिणी॑षु ।
दि॒वेदि॑व॒ ईड्यो॑ जागृ॒वद्भि॑र्ह॒विष्म॑द्भिर्मनु॒ष्ये॑भिर॒ग्निः ॥
Samhita Devanagari Nonaccented
अरण्योर्निहितो जातवेदा गर्भ इव सुधितो गर्भिणीषु ।
दिवेदिव ईड्यो जागृवद्भिर्हविष्मद्भिर्मनुष्येभिरग्निः ॥
Samhita Transcription Accented
aráṇyorníhito jātávedā gárbha iva súdhito garbhíṇīṣu ǀ
divédiva ī́ḍyo jāgṛvádbhirhavíṣmadbhirmanuṣyébhiragníḥ ǁ
Samhita Transcription Nonaccented
araṇyornihito jātavedā garbha iva sudhito garbhiṇīṣu ǀ
divediva īḍyo jāgṛvadbhirhaviṣmadbhirmanuṣyebhiragniḥ ǁ
Padapatha Devanagari Accented
अ॒रण्योः॑ । निऽहि॑तः । जा॒तऽवे॑दाः । गर्भः॑ऽइव । सुऽधि॑तः । ग॒र्भिणी॑षु ।
दि॒वेऽदि॑वे । ईड्यः॑ । जा॒गृ॒वत्ऽभिः॑ । ह॒विष्म॑त्ऽभिः । म॒नु॒ष्ये॑भिः । अ॒ग्निः ॥
Padapatha Devanagari Nonaccented
अरण्योः । निऽहितः । जातऽवेदाः । गर्भःऽइव । सुऽधितः । गर्भिणीषु ।
दिवेऽदिवे । ईड्यः । जागृवत्ऽभिः । हविष्मत्ऽभिः । मनुष्येभिः । अग्निः ॥
Padapatha Transcription Accented
aráṇyoḥ ǀ ní-hitaḥ ǀ jātá-vedāḥ ǀ gárbhaḥ-iva ǀ sú-dhitaḥ ǀ garbhíṇīṣu ǀ
divé-dive ǀ ī́ḍyaḥ ǀ jāgṛvát-bhiḥ ǀ havíṣmat-bhiḥ ǀ manuṣyébhiḥ ǀ agníḥ ǁ
Padapatha Transcription Nonaccented
araṇyoḥ ǀ ni-hitaḥ ǀ jāta-vedāḥ ǀ garbhaḥ-iva ǀ su-dhitaḥ ǀ garbhiṇīṣu ǀ
dive-dive ǀ īḍyaḥ ǀ jāgṛvat-bhiḥ ǀ haviṣmat-bhiḥ ǀ manuṣyebhiḥ ǀ agniḥ ǁ
03.029.03 (Mandala. Sukta. Rik)
3.1.32.03 (Ashtaka. Adhyaya. Varga. Rik)
03.02.105 (Mandala. Anuvāka. Rik)
Samhita Devanagari Accented
उ॒त्ता॒नाया॒मव॑ भरा चिकि॒त्वान्त्स॒द्यः प्रवी॑ता॒ वृष॑णं जजान ।
अ॒रु॒षस्तू॑पो॒ रुश॑दस्य॒ पाज॒ इळा॑यास्पु॒त्रो व॒युने॑ऽजनिष्ट ॥
Samhita Devanagari Nonaccented
उत्तानायामव भरा चिकित्वान्त्सद्यः प्रवीता वृषणं जजान ।
अरुषस्तूपो रुशदस्य पाज इळायास्पुत्रो वयुनेऽजनिष्ट ॥
Samhita Transcription Accented
uttānā́yāmáva bharā cikitvā́ntsadyáḥ právītā vṛ́ṣaṇam jajāna ǀ
aruṣástūpo rúśadasya pā́ja íḷāyāsputró vayúne’janiṣṭa ǁ
Samhita Transcription Nonaccented
uttānāyāmava bharā cikitvāntsadyaḥ pravītā vṛṣaṇam jajāna ǀ
aruṣastūpo ruśadasya pāja iḷāyāsputro vayune’janiṣṭa ǁ
Padapatha Devanagari Accented
उ॒त्ता॒नाया॑म् । अव॑ । भ॒र॒ । चि॒कि॒त्वान् । स॒द्यः । प्रऽवी॑ता । वृष॑णम् । ज॒जा॒न॒ ।
अ॒रु॒षऽस्तू॑पः । रुश॑त् । अ॒स्य॒ । पाजः॑ । इळा॑याः । पु॒त्रः । व॒युने॑ । अ॒ज॒नि॒ष्ट॒ ॥
Padapatha Devanagari Nonaccented
उत्तानायाम् । अव । भर । चिकित्वान् । सद्यः । प्रऽवीता । वृषणम् । जजान ।
अरुषऽस्तूपः । रुशत् । अस्य । पाजः । इळायाः । पुत्रः । वयुने । अजनिष्ट ॥
Padapatha Transcription Accented
uttānā́yām ǀ áva ǀ bhara ǀ cikitvā́n ǀ sadyáḥ ǀ prá-vītā ǀ vṛ́ṣaṇam ǀ jajāna ǀ
aruṣá-stūpaḥ ǀ rúśat ǀ asya ǀ pā́jaḥ ǀ íḷāyāḥ ǀ putráḥ ǀ vayúne ǀ ajaniṣṭa ǁ
Padapatha Transcription Nonaccented
uttānāyām ǀ ava ǀ bhara ǀ cikitvān ǀ sadyaḥ ǀ pra-vītā ǀ vṛṣaṇam ǀ jajāna ǀ
aruṣa-stūpaḥ ǀ ruśat ǀ asya ǀ pājaḥ ǀ iḷāyāḥ ǀ putraḥ ǀ vayune ǀ ajaniṣṭa ǁ
03.029.04 (Mandala. Sukta. Rik)
3.1.32.04 (Ashtaka. Adhyaya. Varga. Rik)
03.02.106 (Mandala. Anuvāka. Rik)
Samhita Devanagari Accented
इळा॑यास्त्वा प॒दे व॒यं नाभा॑ पृथि॒व्या अधि॑ ।
जात॑वेदो॒ नि धी॑म॒ह्यग्ने॑ ह॒व्याय॒ वोळ्ह॑वे ॥
Samhita Devanagari Nonaccented
इळायास्त्वा पदे वयं नाभा पृथिव्या अधि ।
जातवेदो नि धीमह्यग्ने हव्याय वोळ्हवे ॥
Samhita Transcription Accented
íḷāyāstvā padé vayám nā́bhā pṛthivyā́ ádhi ǀ
jā́tavedo ní dhīmahyágne havyā́ya vóḷhave ǁ
Samhita Transcription Nonaccented
iḷāyāstvā pade vayam nābhā pṛthivyā adhi ǀ
jātavedo ni dhīmahyagne havyāya voḷhave ǁ
Padapatha Devanagari Accented
इळा॑याः । त्वा॒ । प॒दे । व॒यम् । नाभा॑ । पृ॒थि॒व्याः । अधि॑ ।
जात॑ऽवेदः । नि । धी॒म॒हि॒ । अग्ने॑ । ह॒व्याय॑ । वोळ्ह॑वे ॥
Padapatha Devanagari Nonaccented
इळायाः । त्वा । पदे । वयम् । नाभा । पृथिव्याः । अधि ।
जातऽवेदः । नि । धीमहि । अग्ने । हव्याय । वोळ्हवे ॥
Padapatha Transcription Accented
íḷāyāḥ ǀ tvā ǀ padé ǀ vayám ǀ nā́bhā ǀ pṛthivyā́ḥ ǀ ádhi ǀ
jā́ta-vedaḥ ǀ ní ǀ dhīmahi ǀ ágne ǀ havyā́ya ǀ vóḷhave ǁ
Padapatha Transcription Nonaccented
iḷāyāḥ ǀ tvā ǀ pade ǀ vayam ǀ nābhā ǀ pṛthivyāḥ ǀ adhi ǀ
jāta-vedaḥ ǀ ni ǀ dhīmahi ǀ agne ǀ havyāya ǀ voḷhave ǁ
03.029.05 (Mandala. Sukta. Rik)
3.1.32.05 (Ashtaka. Adhyaya. Varga. Rik)
03.02.107 (Mandala. Anuvāka. Rik)
Samhita Devanagari Accented
मंथ॑ता नरः क॒विमद्व॑यंतं॒ प्रचे॑तसम॒मृतं॑ सु॒प्रती॑कं ।
य॒ज्ञस्य॑ के॒तुं प्र॑थ॒मं पु॒रस्ता॑द॒ग्निं न॑रो जनयता सु॒शेवं॑ ॥
Samhita Devanagari Nonaccented
मंथता नरः कविमद्वयंतं प्रचेतसममृतं सुप्रतीकं ।
यज्ञस्य केतुं प्रथमं पुरस्तादग्निं नरो जनयता सुशेवं ॥
Samhita Transcription Accented
mánthatā naraḥ kavímádvayantam prácetasamamṛ́tam suprátīkam ǀ
yajñásya ketúm prathamám purástādagním naro janayatā suśévam ǁ
Samhita Transcription Nonaccented
manthatā naraḥ kavimadvayantam pracetasamamṛtam supratīkam ǀ
yajñasya ketum prathamam purastādagnim naro janayatā suśevam ǁ
Padapatha Devanagari Accented
मन्थ॑त । न॒रः॒ । क॒विम् । अद्व॑यन्तम् । प्रऽचे॑तसम् । अ॒मृत॑म् । सु॒ऽप्रती॑कम् ।
य॒ज्ञस्य॑ । के॒तुम् । प्र॒थ॒मम् । पु॒रस्ता॑त् । अ॒ग्निम् । न॒रः॒ । ज॒न॒य॒त॒ । सु॒ऽशेव॑म् ॥
Padapatha Devanagari Nonaccented
मन्थत । नरः । कविम् । अद्वयन्तम् । प्रऽचेतसम् । अमृतम् । सुऽप्रतीकम् ।
यज्ञस्य । केतुम् । प्रथमम् । पुरस्तात् । अग्निम् । नरः । जनयत । सुऽशेवम् ॥
Padapatha Transcription Accented
mánthata ǀ naraḥ ǀ kavím ǀ ádvayantam ǀ prá-cetasam ǀ amṛ́tam ǀ su-prátīkam ǀ
yajñásya ǀ ketúm ǀ prathamám ǀ purástāt ǀ agním ǀ naraḥ ǀ janayata ǀ su-śévam ǁ
Padapatha Transcription Nonaccented
manthata ǀ naraḥ ǀ kavim ǀ advayantam ǀ pra-cetasam ǀ amṛtam ǀ su-pratīkam ǀ
yajñasya ǀ ketum ǀ prathamam ǀ purastāt ǀ agnim ǀ naraḥ ǀ janayata ǀ su-śevam ǁ
03.029.06 (Mandala. Sukta. Rik)
3.1.33.01 (Ashtaka. Adhyaya. Varga. Rik)
03.02.108 (Mandala. Anuvāka. Rik)
Samhita Devanagari Accented
यदी॒ मंथं॑ति बा॒हुभि॒र्वि रो॑च॒तेऽश्वो॒ न वा॒ज्य॑रु॒षो वने॒ष्वा ।
चि॒त्रो न याम॑न्न॒श्विनो॒रनि॑वृतः॒ परि॑ वृण॒क्त्यश्म॑न॒स्तृणा॒ दह॑न् ॥
Samhita Devanagari Nonaccented
यदी मंथंति बाहुभिर्वि रोचतेऽश्वो न वाज्यरुषो वनेष्वा ।
चित्रो न यामन्नश्विनोरनिवृतः परि वृणक्त्यश्मनस्तृणा दहन् ॥
Samhita Transcription Accented
yádī mánthanti bāhúbhirví rocaté’śvo ná vājyáruṣó váneṣvā́ ǀ
citró ná yā́mannaśvínoránivṛtaḥ pári vṛṇaktyáśmanastṛ́ṇā dáhan ǁ
Samhita Transcription Nonaccented
yadī manthanti bāhubhirvi rocate’śvo na vājyaruṣo vaneṣvā ǀ
citro na yāmannaśvinoranivṛtaḥ pari vṛṇaktyaśmanastṛṇā dahan ǁ
Padapatha Devanagari Accented
यदि॑ । मन्थ॑न्ति । बा॒हुऽभिः॑ । वि । रो॒च॒ते॒ । अश्वः॑ । न । वा॒जी । अ॒रु॒षः । वने॑षु । आ ।
चि॒त्रः । न । याम॑न् । अ॒श्विनोः॑ । अनि॑ऽवृतः । परि॑ । वृ॒ण॒क्ति॒ । अश्म॑नः । तृणा॑ । दह॑न् ॥
Padapatha Devanagari Nonaccented
यदि । मन्थन्ति । बाहुऽभिः । वि । रोचते । अश्वः । न । वाजी । अरुषः । वनेषु । आ ।
चित्रः । न । यामन् । अश्विनोः । अनिऽवृतः । परि । वृणक्ति । अश्मनः । तृणा । दहन् ॥
Padapatha Transcription Accented
yádi ǀ mánthanti ǀ bāhú-bhiḥ ǀ ví ǀ rocate ǀ áśvaḥ ǀ ná ǀ vājī́ ǀ aruṣáḥ ǀ váneṣu ǀ ā́ ǀ
citráḥ ǀ ná ǀ yā́man ǀ aśvínoḥ ǀ áni-vṛtaḥ ǀ pári ǀ vṛṇakti ǀ áśmanaḥ ǀ tṛ́ṇā ǀ dáhan ǁ
Padapatha Transcription Nonaccented
yadi ǀ manthanti ǀ bāhu-bhiḥ ǀ vi ǀ rocate ǀ aśvaḥ ǀ na ǀ vājī ǀ aruṣaḥ ǀ vaneṣu ǀ ā ǀ
citraḥ ǀ na ǀ yāman ǀ aśvinoḥ ǀ ani-vṛtaḥ ǀ pari ǀ vṛṇakti ǀ aśmanaḥ ǀ tṛṇā ǀ dahan ǁ
03.029.07 (Mandala. Sukta. Rik)
3.1.33.02 (Ashtaka. Adhyaya. Varga. Rik)
03.02.109 (Mandala. Anuvāka. Rik)
Samhita Devanagari Accented
जा॒तो अ॒ग्नी रो॑चते॒ चेकि॑तानो वा॒जी विप्रः॑ कविश॒स्तः सु॒दानुः॑ ।
यं दे॒वास॒ ईड्यं॑ विश्व॒विदं॑ हव्य॒वाह॒मद॑धुरध्व॒रेषु॑ ॥
Samhita Devanagari Nonaccented
जातो अग्नी रोचते चेकितानो वाजी विप्रः कविशस्तः सुदानुः ।
यं देवास ईड्यं विश्वविदं हव्यवाहमदधुरध्वरेषु ॥
Samhita Transcription Accented
jātó agnī́ rocate cékitāno vājī́ vípraḥ kaviśastáḥ sudā́nuḥ ǀ
yám devā́sa ī́ḍyam viśvavídam havyavā́hamádadhuradhvaréṣu ǁ
Samhita Transcription Nonaccented
jāto agnī rocate cekitāno vājī vipraḥ kaviśastaḥ sudānuḥ ǀ
yam devāsa īḍyam viśvavidam havyavāhamadadhuradhvareṣu ǁ
Padapatha Devanagari Accented
जा॒तः । अ॒ग्निः । रो॒च॒ते॒ । चेकि॑तानः । वा॒जी । विप्रः॑ । क॒वि॒ऽश॒स्तः । सु॒ऽदानुः॑ ।
यम् । दे॒वासः॑ । ईड्य॑म् । वि॒श्व॒ऽविद॑म् । ह॒व्य॒ऽवाह॑म् । अद॑धुः । अ॒ध्व॒रेषु॑ ॥
Padapatha Devanagari Nonaccented
जातः । अग्निः । रोचते । चेकितानः । वाजी । विप्रः । कविऽशस्तः । सुऽदानुः ।
यम् । देवासः । ईड्यम् । विश्वऽविदम् । हव्यऽवाहम् । अदधुः । अध्वरेषु ॥
Padapatha Transcription Accented
jātáḥ ǀ agníḥ ǀ rocate ǀ cékitānaḥ ǀ vājī́ ǀ vípraḥ ǀ kavi-śastáḥ ǀ su-dā́nuḥ ǀ
yám ǀ devā́saḥ ǀ ī́ḍyam ǀ viśva-vídam ǀ havya-vā́ham ǀ ádadhuḥ ǀ adhvaréṣu ǁ
Padapatha Transcription Nonaccented
jātaḥ ǀ agniḥ ǀ rocate ǀ cekitānaḥ ǀ vājī ǀ vipraḥ ǀ kavi-śastaḥ ǀ su-dānuḥ ǀ
yam ǀ devāsaḥ ǀ īḍyam ǀ viśva-vidam ǀ havya-vāham ǀ adadhuḥ ǀ adhvareṣu ǁ
03.029.08 (Mandala. Sukta. Rik)
3.1.33.03 (Ashtaka. Adhyaya. Varga. Rik)
03.02.110 (Mandala. Anuvāka. Rik)
Samhita Devanagari Accented
सीद॑ होतः॒ स्व उ॑ लो॒के चि॑कि॒त्वान्त्सा॒दया॑ य॒ज्ञं सु॑कृ॒तस्य॒ योनौ॑ ।
दे॒वा॒वीर्दे॒वान्ह॒विषा॑ यजा॒स्यग्ने॑ बृ॒हद्यज॑माने॒ वयो॑ धाः ॥
Samhita Devanagari Nonaccented
सीद होतः स्व उ लोके चिकित्वान्त्सादया यज्ञं सुकृतस्य योनौ ।
देवावीर्देवान्हविषा यजास्यग्ने बृहद्यजमाने वयो धाः ॥
Samhita Transcription Accented
sī́da hotaḥ svá u loké cikitvā́ntsādáyā yajñám sukṛtásya yónau ǀ
devāvī́rdevā́nhavíṣā yajāsyágne bṛhádyájamāne váyo dhāḥ ǁ
Samhita Transcription Nonaccented
sīda hotaḥ sva u loke cikitvāntsādayā yajñam sukṛtasya yonau ǀ
devāvīrdevānhaviṣā yajāsyagne bṛhadyajamāne vayo dhāḥ ǁ
Padapatha Devanagari Accented
सीद॑ । हो॒त॒रिति॑ । स्वे । ऊं॒ इति॑ । लो॒के । चि॒कि॒त्वान् । सा॒दय॑ । य॒ज्ञम् । सु॒ऽकृ॒तस्य॑ । योनौ॑ ।
दे॒व॒ऽअ॒वीः । दे॒वान् । ह॒विषा॑ । य॒जा॒सि॒ । अग्ने॑ । बृ॒हत् । यज॑माने । वयः॑ । धाः॒ ॥
Padapatha Devanagari Nonaccented
सीद । होतरिति । स्वे । ऊं इति । लोके । चिकित्वान् । सादय । यज्ञम् । सुऽकृतस्य । योनौ ।
देवऽअवीः । देवान् । हविषा । यजासि । अग्ने । बृहत् । यजमाने । वयः । धाः ॥
Padapatha Transcription Accented
sī́da ǀ hotaríti ǀ své ǀ ūṃ íti ǀ loké ǀ cikitvā́n ǀ sādáya ǀ yajñám ǀ su-kṛtásya ǀ yónau ǀ
deva-avī́ḥ ǀ devā́n ǀ havíṣā ǀ yajāsi ǀ ágne ǀ bṛhát ǀ yájamāne ǀ váyaḥ ǀ dhāḥ ǁ
Padapatha Transcription Nonaccented
sīda ǀ hotariti ǀ sve ǀ ūṃ iti ǀ loke ǀ cikitvān ǀ sādaya ǀ yajñam ǀ su-kṛtasya ǀ yonau ǀ
deva-avīḥ ǀ devān ǀ haviṣā ǀ yajāsi ǀ agne ǀ bṛhat ǀ yajamāne ǀ vayaḥ ǀ dhāḥ ǁ
03.029.09 (Mandala. Sukta. Rik)
3.1.33.04 (Ashtaka. Adhyaya. Varga. Rik)
03.02.111 (Mandala. Anuvāka. Rik)
Samhita Devanagari Accented
कृ॒णोत॑ धू॒मं वृष॑णं सखा॒योऽस्रे॑धंत इतन॒ वाज॒मच्छ॑ ।
अ॒यम॒ग्निः पृ॑तना॒षाट् सु॒वीरो॒ येन॑ दे॒वासो॒ अस॑हंत॒ दस्यू॑न् ॥
Samhita Devanagari Nonaccented
कृणोत धूमं वृषणं सखायोऽस्रेधंत इतन वाजमच्छ ।
अयमग्निः पृतनाषाट् सुवीरो येन देवासो असहंत दस्यून् ॥
Samhita Transcription Accented
kṛṇóta dhūmám vṛ́ṣaṇam sakhāyó’sredhanta itana vā́jamáccha ǀ
ayámagníḥ pṛtanāṣā́ṭ suvī́ro yéna devā́so ásahanta dásyūn ǁ
Samhita Transcription Nonaccented
kṛṇota dhūmam vṛṣaṇam sakhāyo’sredhanta itana vājamaccha ǀ
ayamagniḥ pṛtanāṣāṭ suvīro yena devāso asahanta dasyūn ǁ
Padapatha Devanagari Accented
कृ॒णोत॑ । धू॒मम् । वृष॑णम् । स॒खा॒यः॒ । अस्रे॑धन्तः । इ॒त॒न॒ । वाज॑म् । अच्छ॑ ।
अ॒यम् । अ॒ग्निः । पृ॒त॒ना॒षाट् । सु॒ऽवीरः॑ । येन॑ । दे॒वासः॑ । अस॑हन्त । दस्यू॑न् ॥
Padapatha Devanagari Nonaccented
कृणोत । धूमम् । वृषणम् । सखायः । अस्रेधन्तः । इतन । वाजम् । अच्छ ।
अयम् । अग्निः । पृतनाषाट् । सुऽवीरः । येन । देवासः । असहन्त । दस्यून् ॥
Padapatha Transcription Accented
kṛṇóta ǀ dhūmám ǀ vṛ́ṣaṇam ǀ sakhāyaḥ ǀ ásredhantaḥ ǀ itana ǀ vā́jam ǀ áccha ǀ
ayám ǀ agníḥ ǀ pṛtanāṣā́ṭ ǀ su-vī́raḥ ǀ yéna ǀ devā́saḥ ǀ ásahanta ǀ dásyūn ǁ
Padapatha Transcription Nonaccented
kṛṇota ǀ dhūmam ǀ vṛṣaṇam ǀ sakhāyaḥ ǀ asredhantaḥ ǀ itana ǀ vājam ǀ accha ǀ
ayam ǀ agniḥ ǀ pṛtanāṣāṭ ǀ su-vīraḥ ǀ yena ǀ devāsaḥ ǀ asahanta ǀ dasyūn ǁ
03.029.10 (Mandala. Sukta. Rik)
3.1.33.05 (Ashtaka. Adhyaya. Varga. Rik)
03.02.112 (Mandala. Anuvāka. Rik)
Samhita Devanagari Accented
अ॒यं ते॒ योनि॑र्ऋ॒त्वियो॒ यतो॑ जा॒तो अरो॑चथाः ।
तं जा॒नन्न॑ग्न॒ आ सी॒दाथा॑ नो वर्धया॒ गिरः॑ ॥
Samhita Devanagari Nonaccented
अयं ते योनिर्ऋत्वियो यतो जातो अरोचथाः ।
तं जानन्नग्न आ सीदाथा नो वर्धया गिरः ॥
Samhita Transcription Accented
ayám te yónirṛtvíyo yáto jātó árocathāḥ ǀ
tám jānánnagna ā́ sīdā́thā no vardhayā gíraḥ ǁ
Samhita Transcription Nonaccented
ayam te yonirṛtviyo yato jāto arocathāḥ ǀ
tam jānannagna ā sīdāthā no vardhayā giraḥ ǁ
Padapatha Devanagari Accented
अ॒यम् । ते॒ । योनिः॑ । ऋ॒त्वियः॑ । यतः॑ । जा॒तः । अरो॑चथाः ।
तम् । जा॒नन् । अ॒ग्ने॒ । आ । सी॒द॒ । अथ॑ । नः॒ । व॒र्ध॒य॒ । गिरः॑ ॥
Padapatha Devanagari Nonaccented
अयम् । ते । योनिः । ऋत्वियः । यतः । जातः । अरोचथाः ।
तम् । जानन् । अग्ने । आ । सीद । अथ । नः । वर्धय । गिरः ॥
Padapatha Transcription Accented
ayám ǀ te ǀ yóniḥ ǀ ṛtvíyaḥ ǀ yátaḥ ǀ jātáḥ ǀ árocathāḥ ǀ
tám ǀ jānán ǀ agne ǀ ā́ ǀ sīda ǀ átha ǀ naḥ ǀ vardhaya ǀ gíraḥ ǁ
Padapatha Transcription Nonaccented
ayam ǀ te ǀ yoniḥ ǀ ṛtviyaḥ ǀ yataḥ ǀ jātaḥ ǀ arocathāḥ ǀ
tam ǀ jānan ǀ agne ǀ ā ǀ sīda ǀ atha ǀ naḥ ǀ vardhaya ǀ giraḥ ǁ
03.029.11 (Mandala. Sukta. Rik)
3.1.34.01 (Ashtaka. Adhyaya. Varga. Rik)
03.02.113 (Mandala. Anuvāka. Rik)
Samhita Devanagari Accented
तनू॒नपा॑दुच्यते॒ गर्भ॑ आसु॒रो नरा॒शंसो॑ भवति॒ यद्वि॒जाय॑ते ।
मा॒त॒रिश्वा॒ यदमि॑मीत मा॒तरि॒ वात॑स्य॒ सर्गो॑ अभव॒त्सरी॑मणि ॥
Samhita Devanagari Nonaccented
तनूनपादुच्यते गर्भ आसुरो नराशंसो भवति यद्विजायते ।
मातरिश्वा यदमिमीत मातरि वातस्य सर्गो अभवत्सरीमणि ॥
Samhita Transcription Accented
tánūnápāducyate gárbha āsuró nárāśáṃso bhavati yádvijā́yate ǀ
mātaríśvā yádámimīta mātári vā́tasya sárgo abhavatsárīmaṇi ǁ
Samhita Transcription Nonaccented
tanūnapāducyate garbha āsuro narāśaṃso bhavati yadvijāyate ǀ
mātariśvā yadamimīta mātari vātasya sargo abhavatsarīmaṇi ǁ
Padapatha Devanagari Accented
तनू॒३॒॑ऽनपा॑त् । उ॒च्य॒ते॒ । गर्भः॑ । आ॒सु॒रः । नरा॒शंसः॑ । भ॒व॒ति॒ । यत् । वि॒ऽजाय॑ते ।
मा॒त॒रिश्वा॑ । यत् । अमि॑मीत । मा॒तरि॑ । वात॑स्य । सर्गः॑ । अ॒भ॒व॒त् । सरी॑मणि ॥
Padapatha Devanagari Nonaccented
तनूऽनपात् । उच्यते । गर्भः । आसुरः । नराशंसः । भवति । यत् । विऽजायते ।
मातरिश्वा । यत् । अमिमीत । मातरि । वातस्य । सर्गः । अभवत् । सरीमणि ॥
Padapatha Transcription Accented
tanū́-nápāt ǀ ucyate ǀ gárbhaḥ ǀ āsuráḥ ǀ nárāśáṃsaḥ ǀ bhavati ǀ yát ǀ vi-jā́yate ǀ
mātaríśvā ǀ yát ǀ ámimīta ǀ mātári ǀ vā́tasya ǀ sárgaḥ ǀ abhavat ǀ sárīmaṇi ǁ
Padapatha Transcription Nonaccented
tanū-napāt ǀ ucyate ǀ garbhaḥ ǀ āsuraḥ ǀ narāśaṃsaḥ ǀ bhavati ǀ yat ǀ vi-jāyate ǀ
mātariśvā ǀ yat ǀ amimīta ǀ mātari ǀ vātasya ǀ sargaḥ ǀ abhavat ǀ sarīmaṇi ǁ
03.029.12 (Mandala. Sukta. Rik)
3.1.34.02 (Ashtaka. Adhyaya. Varga. Rik)
03.02.114 (Mandala. Anuvāka. Rik)
Samhita Devanagari Accented
सु॒नि॒र्मथा॒ निर्म॑थितः सुनि॒धा निहि॑तः क॒विः ।
अग्ने॑ स्वध्व॒रा कृ॑णु दे॒वांदे॑वय॒ते य॑ज ॥
Samhita Devanagari Nonaccented
सुनिर्मथा निर्मथितः सुनिधा निहितः कविः ।
अग्ने स्वध्वरा कृणु देवांदेवयते यज ॥
Samhita Transcription Accented
sunirmáthā nírmathitaḥ sunidhā́ níhitaḥ kavíḥ ǀ
ágne svadhvarā́ kṛṇu devā́ndevayaté yaja ǁ
Samhita Transcription Nonaccented
sunirmathā nirmathitaḥ sunidhā nihitaḥ kaviḥ ǀ
agne svadhvarā kṛṇu devāndevayate yaja ǁ
Padapatha Devanagari Accented
सु॒निः॒ऽमथा॑ । निःऽम॑थितः । सु॒ऽनि॒धा । निऽहि॑तः । क॒विः ।
अग्ने॑ । सु॒ऽअ॒ध्व॒रा । कृ॒णु॒ । दे॒वान् । दे॒व॒ऽय॒ते । य॒ज॒ ॥
Padapatha Devanagari Nonaccented
सुनिःऽमथा । निःऽमथितः । सुऽनिधा । निऽहितः । कविः ।
अग्ने । सुऽअध्वरा । कृणु । देवान् । देवऽयते । यज ॥
Padapatha Transcription Accented
suniḥ-máthā ǀ níḥ-mathitaḥ ǀ su-nidhā́ ǀ ní-hitaḥ ǀ kavíḥ ǀ
ágne ǀ su-adhvarā́ ǀ kṛṇu ǀ devā́n ǀ deva-yaté ǀ yaja ǁ
Padapatha Transcription Nonaccented
suniḥ-mathā ǀ niḥ-mathitaḥ ǀ su-nidhā ǀ ni-hitaḥ ǀ kaviḥ ǀ
agne ǀ su-adhvarā ǀ kṛṇu ǀ devān ǀ deva-yate ǀ yaja ǁ
03.029.13 (Mandala. Sukta. Rik)
3.1.34.03 (Ashtaka. Adhyaya. Varga. Rik)
03.02.115 (Mandala. Anuvāka. Rik)
Samhita Devanagari Accented
अजी॑जनन्न॒मृतं॒ मर्त्या॑सोऽस्रे॒माणं॑ त॒रणिं॑ वी॒ळुजं॑भं ।
दश॒ स्वसा॑रो अ॒ग्रुवः॑ समी॒चीः पुमां॑सं जा॒तम॒भि सं र॑भंते ॥
Samhita Devanagari Nonaccented
अजीजनन्नमृतं मर्त्यासोऽस्रेमाणं तरणिं वीळुजंभं ।
दश स्वसारो अग्रुवः समीचीः पुमांसं जातमभि सं रभंते ॥
Samhita Transcription Accented
ájījanannamṛ́tam mártyāso’sremā́ṇam taráṇim vīḷújambham ǀ
dáśa svásāro agrúvaḥ samīcī́ḥ púmāṃsam jātámabhí sám rabhante ǁ
Samhita Transcription Nonaccented
ajījanannamṛtam martyāso’sremāṇam taraṇim vīḷujambham ǀ
daśa svasāro agruvaḥ samīcīḥ pumāṃsam jātamabhi sam rabhante ǁ
Padapatha Devanagari Accented
अजी॑जनन् । अ॒मृत॑म् । मर्त्या॑सः । अ॒स्रे॒माण॑म् । त॒रणि॑म् । वी॒ळुऽज॑म्भम् ।
दश॑ । स्वसा॑रः । अ॒ग्रुवः॑ । स॒म्ऽई॒चीः । पुमां॑सम् । जा॒तम् । अ॒भि । सम् । र॒भ॒न्ते॒ ॥
Padapatha Devanagari Nonaccented
अजीजनन् । अमृतम् । मर्त्यासः । अस्रेमाणम् । तरणिम् । वीळुऽजम्भम् ।
दश । स्वसारः । अग्रुवः । सम्ऽईचीः । पुमांसम् । जातम् । अभि । सम् । रभन्ते ॥
Padapatha Transcription Accented
ájījanan ǀ amṛ́tam ǀ mártyāsaḥ ǀ asremā́ṇam ǀ taráṇim ǀ vīḷú-jambham ǀ
dáśa ǀ svásāraḥ ǀ agrúvaḥ ǀ sam-īcī́ḥ ǀ púmāṃsam ǀ jātám ǀ abhí ǀ sám ǀ rabhante ǁ
Padapatha Transcription Nonaccented
ajījanan ǀ amṛtam ǀ martyāsaḥ ǀ asremāṇam ǀ taraṇim ǀ vīḷu-jambham ǀ
daśa ǀ svasāraḥ ǀ agruvaḥ ǀ sam-īcīḥ ǀ pumāṃsam ǀ jātam ǀ abhi ǀ sam ǀ rabhante ǁ
03.029.14 (Mandala. Sukta. Rik)
3.1.34.04 (Ashtaka. Adhyaya. Varga. Rik)
03.02.116 (Mandala. Anuvāka. Rik)
Samhita Devanagari Accented
प्र स॒प्तहो॑ता सन॒काद॑रोचत मा॒तुरु॒पस्थे॒ यदशो॑च॒दूध॑नि ।
न नि मि॑षति सु॒रणो॑ दि॒वेदि॑वे॒ यदसु॑रस्य ज॒ठरा॒दजा॑यत ॥
Samhita Devanagari Nonaccented
प्र सप्तहोता सनकादरोचत मातुरुपस्थे यदशोचदूधनि ।
न नि मिषति सुरणो दिवेदिवे यदसुरस्य जठरादजायत ॥
Samhita Transcription Accented
prá saptáhotā sanakā́darocata mātúrupásthe yádáśocadū́dhani ǀ
ná ní miṣati suráṇo divédive yádásurasya jaṭhárādájāyata ǁ
Samhita Transcription Nonaccented
pra saptahotā sanakādarocata māturupasthe yadaśocadūdhani ǀ
na ni miṣati suraṇo divedive yadasurasya jaṭharādajāyata ǁ
Padapatha Devanagari Accented
प्र । स॒प्तऽहो॑ता । स॒न॒कात् । अ॒रो॒च॒त॒ । मा॒तुः । उ॒पऽस्थे॑ । यत् । अशो॑चत् । ऊध॑नि ।
न । नि । मि॒ष॒ति॒ । सु॒ऽरणः॑ । दि॒वेऽदि॑वे । यत् । असु॑रस्य । ज॒ठरा॑त् । अजा॑यत ॥
Padapatha Devanagari Nonaccented
प्र । सप्तऽहोता । सनकात् । अरोचत । मातुः । उपऽस्थे । यत् । अशोचत् । ऊधनि ।
न । नि । मिषति । सुऽरणः । दिवेऽदिवे । यत् । असुरस्य । जठरात् । अजायत ॥
Padapatha Transcription Accented
prá ǀ saptá-hotā ǀ sanakā́t ǀ arocata ǀ mātúḥ ǀ upá-sthe ǀ yát ǀ áśocat ǀ ū́dhani ǀ
ná ǀ ní ǀ miṣati ǀ su-ráṇaḥ ǀ divé-dive ǀ yát ǀ ásurasya ǀ jaṭhárāt ǀ ájāyata ǁ
Padapatha Transcription Nonaccented
pra ǀ sapta-hotā ǀ sanakāt ǀ arocata ǀ mātuḥ ǀ upa-sthe ǀ yat ǀ aśocat ǀ ūdhani ǀ
na ǀ ni ǀ miṣati ǀ su-raṇaḥ ǀ dive-dive ǀ yat ǀ asurasya ǀ jaṭharāt ǀ ajāyata ǁ
03.029.15 (Mandala. Sukta. Rik)
3.1.34.05 (Ashtaka. Adhyaya. Varga. Rik)
03.02.117 (Mandala. Anuvāka. Rik)
Samhita Devanagari Accented
अ॒मि॒त्रा॒युधो॑ म॒रुता॑मिव प्र॒याः प्र॑थम॒जा ब्रह्म॑णो॒ विश्व॒मिद्वि॑दुः ।
द्यु॒म्नव॒द्ब्रह्म॑ कुशि॒कास॒ एरि॑र॒ एक॑एको॒ दमे॑ अ॒ग्निं समी॑धिरे ॥
Samhita Devanagari Nonaccented
अमित्रायुधो मरुतामिव प्रयाः प्रथमजा ब्रह्मणो विश्वमिद्विदुः ।
द्युम्नवद्ब्रह्म कुशिकास एरिर एकएको दमे अग्निं समीधिरे ॥
Samhita Transcription Accented
amitrāyúdho marútāmiva prayā́ḥ prathamajā́ bráhmaṇo víśvamídviduḥ ǀ
dyumnávadbráhma kuśikā́sa érira ékaeko dáme agním sámīdhire ǁ
Samhita Transcription Nonaccented
amitrāyudho marutāmiva prayāḥ prathamajā brahmaṇo viśvamidviduḥ ǀ
dyumnavadbrahma kuśikāsa erira ekaeko dame agnim samīdhire ǁ
Padapatha Devanagari Accented
अ॒मि॒त्र॒ऽयुधः॑ । म॒रुता॑म्ऽइव । प्र॒ऽयाः । प्र॒थ॒म॒ऽजाः । ब्रह्म॑णः । विश्व॑म् । इत् । वि॒दुः॒ ।
द्यु॒म्नऽव॑त् । ब्रह्म॑ । कु॒शि॒कासः॑ । आ । ई॒रि॒रे॒ । एकः॑ऽएकः । दमे॑ । अ॒ग्निम् । सम् । ई॒धि॒रे॒ ॥
Padapatha Devanagari Nonaccented
अमित्रऽयुधः । मरुताम्ऽइव । प्रऽयाः । प्रथमऽजाः । ब्रह्मणः । विश्वम् । इत् । विदुः ।
द्युम्नऽवत् । ब्रह्म । कुशिकासः । आ । ईरिरे । एकःऽएकः । दमे । अग्निम् । सम् । ईधिरे ॥
Padapatha Transcription Accented
amitra-yúdhaḥ ǀ marútām-iva ǀ pra-yā́ḥ ǀ prathama-jā́ḥ ǀ bráhmaṇaḥ ǀ víśvam ǀ ít ǀ viduḥ ǀ
dyumná-vat ǀ bráhma ǀ kuśikā́saḥ ǀ ā́ ǀ īrire ǀ ékaḥ-ekaḥ ǀ dáme ǀ agním ǀ sám ǀ īdhire ǁ
Padapatha Transcription Nonaccented
amitra-yudhaḥ ǀ marutām-iva ǀ pra-yāḥ ǀ prathama-jāḥ ǀ brahmaṇaḥ ǀ viśvam ǀ it ǀ viduḥ ǀ
dyumna-vat ǀ brahma ǀ kuśikāsaḥ ǀ ā ǀ īrire ǀ ekaḥ-ekaḥ ǀ dame ǀ agnim ǀ sam ǀ īdhire ǁ
03.029.16 (Mandala. Sukta. Rik)
3.1.34.06 (Ashtaka. Adhyaya. Varga. Rik)
03.02.118 (Mandala. Anuvāka. Rik)
Samhita Devanagari Accented
यद॒द्य त्वा॑ प्रय॒ति य॒ज्ञे अ॒स्मिन्होत॑श्चिकि॒त्वोऽवृ॑णीमही॒ह ।
ध्रु॒वम॑या ध्रु॒वमु॒ताश॑मिष्ठाः प्रजा॒नन्वि॒द्वाँ उप॑ याहि॒ सोमं॑ ॥
Samhita Devanagari Nonaccented
यदद्य त्वा प्रयति यज्ञे अस्मिन्होतश्चिकित्वोऽवृणीमहीह ।
ध्रुवमया ध्रुवमुताशमिष्ठाः प्रजानन्विद्वाँ उप याहि सोमं ॥
Samhita Transcription Accented
yádadyá tvā prayatí yajñé asmínhótaścikitvó’vṛṇīmahīhá ǀ
dhruvámayā dhruvámutā́śamiṣṭhāḥ prajānánvidvā́m̐ úpa yāhi sómam ǁ
Samhita Transcription Nonaccented
yadadya tvā prayati yajñe asminhotaścikitvo’vṛṇīmahīha ǀ
dhruvamayā dhruvamutāśamiṣṭhāḥ prajānanvidvām̐ upa yāhi somam ǁ
Padapatha Devanagari Accented
यत् । अ॒द्य । त्वा॒ । प्र॒ऽय॒ति । य॒ज्ञे । अ॒स्मिन् । होत॒रिति॑ । चि॒कि॒त्वः॒ । अवृ॑णीमहि । इ॒ह ।
ध्रु॒वम् । अ॒याः॒ । ध्रु॒वम् । उ॒त । अ॒श॒मि॒ष्ठाः॒ । प्र॒ऽजा॒नन् । वि॒द्वान् । उप॑ । या॒हि॒ । सोम॑म् ॥
Padapatha Devanagari Nonaccented
यत् । अद्य । त्वा । प्रऽयति । यज्ञे । अस्मिन् । होतरिति । चिकित्वः । अवृणीमहि । इह ।
ध्रुवम् । अयाः । ध्रुवम् । उत । अशमिष्ठाः । प्रऽजानन् । विद्वान् । उप । याहि । सोमम् ॥
Padapatha Transcription Accented
yát ǀ adyá ǀ tvā ǀ pra-yatí ǀ yajñé ǀ asmín ǀ hótaríti ǀ cikitvaḥ ǀ ávṛṇīmahi ǀ ihá ǀ
dhruvám ǀ ayāḥ ǀ dhruvám ǀ utá ǀ aśamiṣṭhāḥ ǀ pra-jānán ǀ vidvā́n ǀ úpa ǀ yāhi ǀ sómam ǁ
Padapatha Transcription Nonaccented
yat ǀ adya ǀ tvā ǀ pra-yati ǀ yajñe ǀ asmin ǀ hotariti ǀ cikitvaḥ ǀ avṛṇīmahi ǀ iha ǀ
dhruvam ǀ ayāḥ ǀ dhruvam ǀ uta ǀ aśamiṣṭhāḥ ǀ pra-jānan ǀ vidvān ǀ upa ǀ yāhi ǀ somam ǁ