|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 3
Sūkta 30
|
1. Info |
| To: | indra | |
| From: | viśvāmitra gāthina | |
| Metres: | 1st set of styles: nicṛttriṣṭup (1, 2, 9-11, 14, 17, 20); triṣṭup (5, 6, 8, 13, 19, 21, 22); bhurikpaṅkti (3, 4, 7, 16, 18); virāṭtrisṭup (12, 15) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
03.030.01 (Mandala. Sukta. Rik)
3.2.01.01 (Ashtaka. Adhyaya. Varga. Rik)
03.03.001 (Mandala. Anuvāka. Rik)
Samhita Devanagari Accented
इ॒च्छंति॑ त्वा सो॒म्यासः॒ सखा॑यः सु॒न्वंति॒ सोमं॒ दध॑ति॒ प्रयां॑सि ।
तिति॑क्षंते अ॒भिश॑स्तिं॒ जना॑ना॒मिंद्र॒ त्वदा कश्च॒न हि प्र॑के॒तः ॥
Samhita Devanagari Nonaccented
इच्छंति त्वा सोम्यासः सखायः सुन्वंति सोमं दधति प्रयांसि ।
तितिक्षंते अभिशस्तिं जनानामिंद्र त्वदा कश्चन हि प्रकेतः ॥
Samhita Transcription Accented
icchánti tvā somyā́saḥ sákhāyaḥ sunvánti sómam dádhati práyāṃsi ǀ
títikṣante abhíśastim jánānāmíndra tvádā́ káścaná hí praketáḥ ǁ
Samhita Transcription Nonaccented
icchanti tvā somyāsaḥ sakhāyaḥ sunvanti somam dadhati prayāṃsi ǀ
titikṣante abhiśastim janānāmindra tvadā kaścana hi praketaḥ ǁ
Padapatha Devanagari Accented
इ॒च्छन्ति॑ । त्वा॒ । सो॒म्यासः॑ । सखा॑यः । सु॒न्वन्ति॑ । सोम॑म् । दध॑ति । प्रयां॑सि ।
तिति॑क्षन्ते । अ॒भिऽश॑स्तिम् । जना॑नाम् । इन्द्र॑ । त्वत् । आ । कः । च॒न । हि । प्र॒ऽके॒तः ॥
Padapatha Devanagari Nonaccented
इच्छन्ति । त्वा । सोम्यासः । सखायः । सुन्वन्ति । सोमम् । दधति । प्रयांसि ।
तितिक्षन्ते । अभिऽशस्तिम् । जनानाम् । इन्द्र । त्वत् । आ । कः । चन । हि । प्रऽकेतः ॥
Padapatha Transcription Accented
icchánti ǀ tvā ǀ somyā́saḥ ǀ sákhāyaḥ ǀ sunvánti ǀ sómam ǀ dádhati ǀ práyāṃsi ǀ
títikṣante ǀ abhí-śastim ǀ jánānām ǀ índra ǀ tvát ǀ ā́ ǀ káḥ ǀ caná ǀ hí ǀ pra-ketáḥ ǁ
Padapatha Transcription Nonaccented
icchanti ǀ tvā ǀ somyāsaḥ ǀ sakhāyaḥ ǀ sunvanti ǀ somam ǀ dadhati ǀ prayāṃsi ǀ
titikṣante ǀ abhi-śastim ǀ janānām ǀ indra ǀ tvat ǀ ā ǀ kaḥ ǀ cana ǀ hi ǀ pra-ketaḥ ǁ
03.030.02 (Mandala. Sukta. Rik)
3.2.01.02 (Ashtaka. Adhyaya. Varga. Rik)
03.03.002 (Mandala. Anuvāka. Rik)
Samhita Devanagari Accented
न ते॑ दू॒रे प॑र॒मा चि॒द्रजां॒स्या तु प्र या॑हि हरिवो॒ हरि॑भ्यां ।
स्थि॒राय॒ वृष्णे॒ सव॑ना कृ॒तेमा यु॒क्ता ग्रावा॑णः समिधा॒ने अ॒ग्नौ ॥
Samhita Devanagari Nonaccented
न ते दूरे परमा चिद्रजांस्या तु प्र याहि हरिवो हरिभ्यां ।
स्थिराय वृष्णे सवना कृतेमा युक्ता ग्रावाणः समिधाने अग्नौ ॥
Samhita Transcription Accented
ná te dūré paramā́ cidrájāṃsyā́ tú prá yāhi harivo háribhyām ǀ
sthirā́ya vṛ́ṣṇe sávanā kṛtémā́ yuktā́ grā́vāṇaḥ samidhāné agnáu ǁ
Samhita Transcription Nonaccented
na te dūre paramā cidrajāṃsyā tu pra yāhi harivo haribhyām ǀ
sthirāya vṛṣṇe savanā kṛtemā yuktā grāvāṇaḥ samidhāne agnau ǁ
Padapatha Devanagari Accented
न । ते॒ । दू॒रे । प॒र॒मा । चि॒त् । रजां॑सि । आ । तु । प्र । या॒हि॒ । ह॒रि॒ऽवः॒ । हरि॑ऽभ्याम् ।
स्थि॒राय॑ । वृष्णे॑ । सव॑ना । कृ॒ता । इ॒मा । यु॒क्ताः । ग्रावा॑णः । स॒म्ऽइ॒धा॒ने । अ॒ग्नौ ॥
Padapatha Devanagari Nonaccented
न । ते । दूरे । परमा । चित् । रजांसि । आ । तु । प्र । याहि । हरिऽवः । हरिऽभ्याम् ।
स्थिराय । वृष्णे । सवना । कृता । इमा । युक्ताः । ग्रावाणः । सम्ऽइधाने । अग्नौ ॥
Padapatha Transcription Accented
ná ǀ te ǀ dūré ǀ paramā́ ǀ cit ǀ rájāṃsi ǀ ā́ ǀ tú ǀ prá ǀ yāhi ǀ hari-vaḥ ǀ hári-bhyām ǀ
sthirā́ya ǀ vṛ́ṣṇe ǀ sávanā ǀ kṛtā́ ǀ imā́ ǀ yuktā́ḥ ǀ grā́vāṇaḥ ǀ sam-idhāné ǀ agnáu ǁ
Padapatha Transcription Nonaccented
na ǀ te ǀ dūre ǀ paramā ǀ cit ǀ rajāṃsi ǀ ā ǀ tu ǀ pra ǀ yāhi ǀ hari-vaḥ ǀ hari-bhyām ǀ
sthirāya ǀ vṛṣṇe ǀ savanā ǀ kṛtā ǀ imā ǀ yuktāḥ ǀ grāvāṇaḥ ǀ sam-idhāne ǀ agnau ǁ
03.030.03 (Mandala. Sukta. Rik)
3.2.01.03 (Ashtaka. Adhyaya. Varga. Rik)
03.03.003 (Mandala. Anuvāka. Rik)
Samhita Devanagari Accented
इंद्रः॑ सु॒शिप्रो॑ म॒घवा॒ तरु॑त्रो म॒हाव्रा॑तस्तुविकू॒र्मिर्ऋघा॑वान् ।
यदु॒ग्रो धा बा॑धि॒तो मर्त्ये॑षु॒ क्व१॒॑ त्या ते॑ वृषभ वी॒र्या॑णि ॥
Samhita Devanagari Nonaccented
इंद्रः सुशिप्रो मघवा तरुत्रो महाव्रातस्तुविकूर्मिर्ऋघावान् ।
यदुग्रो धा बाधितो मर्त्येषु क्व त्या ते वृषभ वीर्याणि ॥
Samhita Transcription Accented
índraḥ suśípro maghávā tárutro mahā́vrātastuvikūrmírṛ́ghāvān ǀ
yádugró dhā́ bādhitó mártyeṣu kvá tyā́ te vṛṣabha vīryā́ṇi ǁ
Samhita Transcription Nonaccented
indraḥ suśipro maghavā tarutro mahāvrātastuvikūrmirṛghāvān ǀ
yadugro dhā bādhito martyeṣu kva tyā te vṛṣabha vīryāṇi ǁ
Padapatha Devanagari Accented
इन्द्रः॑ । सु॒ऽशिप्रः॑ । म॒घऽवा॑ । तरु॑त्रः । म॒हाऽव्रा॑तः । तु॒वि॒ऽकू॒र्मिः । ऋघा॑वान् ।
यत् । उ॒ग्रः । धाः । बा॒धि॒तः । मर्त्ये॑षु । क्व॑ । त्या । ते॒ । वृ॒ष॒भ॒ । वी॒र्या॑णि ॥
Padapatha Devanagari Nonaccented
इन्द्रः । सुऽशिप्रः । मघऽवा । तरुत्रः । महाऽव्रातः । तुविऽकूर्मिः । ऋघावान् ।
यत् । उग्रः । धाः । बाधितः । मर्त्येषु । क्व । त्या । ते । वृषभ । वीर्याणि ॥
Padapatha Transcription Accented
índraḥ ǀ su-śípraḥ ǀ maghá-vā ǀ tárutraḥ ǀ mahā́-vrātaḥ ǀ tuvi-kūrmíḥ ǀ ṛ́ghāvān ǀ
yát ǀ ugráḥ ǀ dhā́ḥ ǀ bādhitáḥ ǀ mártyeṣu ǀ kvá ǀ tyā́ ǀ te ǀ vṛṣabha ǀ vīryā́ṇi ǁ
Padapatha Transcription Nonaccented
indraḥ ǀ su-śipraḥ ǀ magha-vā ǀ tarutraḥ ǀ mahā-vrātaḥ ǀ tuvi-kūrmiḥ ǀ ṛghāvān ǀ
yat ǀ ugraḥ ǀ dhāḥ ǀ bādhitaḥ ǀ martyeṣu ǀ kva ǀ tyā ǀ te ǀ vṛṣabha ǀ vīryāṇi ǁ
03.030.04 (Mandala. Sukta. Rik)
3.2.01.04 (Ashtaka. Adhyaya. Varga. Rik)
03.03.004 (Mandala. Anuvāka. Rik)
Samhita Devanagari Accented
त्वं हि ष्मा॑ च्या॒वय॒न्नच्यु॑ता॒न्येको॑ वृ॒त्रा चर॑सि॒ जिघ्न॑मानः ।
तव॒ द्यावा॑पृथि॒वी पर्व॑ता॒सोऽनु॑ व्र॒ताय॒ निमि॑तेव तस्थुः ॥
Samhita Devanagari Nonaccented
त्वं हि ष्मा च्यावयन्नच्युतान्येको वृत्रा चरसि जिघ्नमानः ।
तव द्यावापृथिवी पर्वतासोऽनु व्रताय निमितेव तस्थुः ॥
Samhita Transcription Accented
tvám hí ṣmā cyāváyannácyutānyéko vṛtrā́ cárasi jíghnamānaḥ ǀ
táva dyā́vāpṛthivī́ párvatāsó’nu vratā́ya nímiteva tasthuḥ ǁ
Samhita Transcription Nonaccented
tvam hi ṣmā cyāvayannacyutānyeko vṛtrā carasi jighnamānaḥ ǀ
tava dyāvāpṛthivī parvatāso’nu vratāya nimiteva tasthuḥ ǁ
Padapatha Devanagari Accented
त्वम् । हि । स्म॒ । च्य॒वय॑न् । अच्यु॑तानि । एकः॑ । वृ॒त्रा । चर॑सि । जिघ्न॑मानः ।
तव॑ । द्यावा॑पृथि॒वी इति॑ । पर्व॑तासः । अनु॑ । व्र॒ताय॑ । निमि॑ताऽइव । त॒स्थुः॒ ॥
Padapatha Devanagari Nonaccented
त्वम् । हि । स्म । च्यवयन् । अच्युतानि । एकः । वृत्रा । चरसि । जिघ्नमानः ।
तव । द्यावापृथिवी इति । पर्वतासः । अनु । व्रताय । निमिताऽइव । तस्थुः ॥
Padapatha Transcription Accented
tvám ǀ hí ǀ sma ǀ cyaváyan ǀ ácyutāni ǀ ékaḥ ǀ vṛtrā́ ǀ cárasi ǀ jíghnamānaḥ ǀ
táva ǀ dyā́vāpṛthivī́ íti ǀ párvatāsaḥ ǀ ánu ǀ vratā́ya ǀ nímitā-iva ǀ tasthuḥ ǁ
Padapatha Transcription Nonaccented
tvam ǀ hi ǀ sma ǀ cyavayan ǀ acyutāni ǀ ekaḥ ǀ vṛtrā ǀ carasi ǀ jighnamānaḥ ǀ
tava ǀ dyāvāpṛthivī iti ǀ parvatāsaḥ ǀ anu ǀ vratāya ǀ nimitā-iva ǀ tasthuḥ ǁ
03.030.05 (Mandala. Sukta. Rik)
3.2.01.05 (Ashtaka. Adhyaya. Varga. Rik)
03.03.005 (Mandala. Anuvāka. Rik)
Samhita Devanagari Accented
उ॒ताभ॑ये पुरुहूत॒ श्रवो॑भि॒रेको॑ दृ॒ळ्हम॑वदो वृत्र॒हा सन् ।
इ॒मे चि॑दिंद्र॒ रोद॑सी अपा॒रे यत्सं॑गृ॒भ्णा म॑घवन्का॒शिरित्ते॑ ॥
Samhita Devanagari Nonaccented
उताभये पुरुहूत श्रवोभिरेको दृळ्हमवदो वृत्रहा सन् ।
इमे चिदिंद्र रोदसी अपारे यत्संगृभ्णा मघवन्काशिरित्ते ॥
Samhita Transcription Accented
utā́bhaye puruhūta śrávobhiréko dṛḷhámavado vṛtrahā́ sán ǀ
imé cidindra ródasī apāré yátsaṃgṛbhṇā́ maghavankāśírítte ǁ
Samhita Transcription Nonaccented
utābhaye puruhūta śravobhireko dṛḷhamavado vṛtrahā san ǀ
ime cidindra rodasī apāre yatsaṃgṛbhṇā maghavankāśiritte ǁ
Padapatha Devanagari Accented
उ॒त । अभ॑ये । पु॒रु॒ऽहू॒त॒ । श्रवः॑ऽभिः । एकः॑ । दृ॒ळ्हम् । अ॒व॒दः॒ । वृ॒त्र॒ऽहा । सन् ।
इ॒मे । चि॒त् । इ॒न्द्र॒ । रोद॑सी॒ इति॑ । अ॒पा॒रे इति॑ । यत् । स॒म्ऽगृ॒भ्णाः । म॒घ॒ऽव॒न् । का॒शिः । इत् । ते॒ ॥
Padapatha Devanagari Nonaccented
उत । अभये । पुरुऽहूत । श्रवःऽभिः । एकः । दृळ्हम् । अवदः । वृत्रऽहा । सन् ।
इमे । चित् । इन्द्र । रोदसी इति । अपारे इति । यत् । सम्ऽगृभ्णाः । मघऽवन् । काशिः । इत् । ते ॥
Padapatha Transcription Accented
utá ǀ ábhaye ǀ puru-hūta ǀ śrávaḥ-bhiḥ ǀ ékaḥ ǀ dṛḷhám ǀ avadaḥ ǀ vṛtra-hā́ ǀ sán ǀ
imé ǀ cit ǀ indra ǀ ródasī íti ǀ apāré íti ǀ yát ǀ sam-gṛbhṇā́ḥ ǀ magha-van ǀ kāśíḥ ǀ ít ǀ te ǁ
Padapatha Transcription Nonaccented
uta ǀ abhaye ǀ puru-hūta ǀ śravaḥ-bhiḥ ǀ ekaḥ ǀ dṛḷham ǀ avadaḥ ǀ vṛtra-hā ǀ san ǀ
ime ǀ cit ǀ indra ǀ rodasī iti ǀ apāre iti ǀ yat ǀ sam-gṛbhṇāḥ ǀ magha-van ǀ kāśiḥ ǀ it ǀ te ǁ
03.030.06 (Mandala. Sukta. Rik)
3.2.02.01 (Ashtaka. Adhyaya. Varga. Rik)
03.03.006 (Mandala. Anuvāka. Rik)
Samhita Devanagari Accented
प्र सू त॑ इंद्र प्र॒वता॒ हरि॑भ्यां॒ प्र ते॒ वज्रः॑ प्रमृ॒णन्ने॑तु॒ शत्रू॑न् ।
ज॒हि प्र॑ती॒चो अ॑नू॒चः परा॑चो॒ विश्वं॑ स॒त्यं कृ॑णुहि वि॒ष्टम॑स्तु ॥
Samhita Devanagari Nonaccented
प्र सू त इंद्र प्रवता हरिभ्यां प्र ते वज्रः प्रमृणन्नेतु शत्रून् ।
जहि प्रतीचो अनूचः पराचो विश्वं सत्यं कृणुहि विष्टमस्तु ॥
Samhita Transcription Accented
prá sū́ ta indra pravátā háribhyām prá te vájraḥ pramṛṇánnetu śátrūn ǀ
jahí pratīcó anūcáḥ párāco víśvam satyám kṛṇuhi viṣṭámastu ǁ
Samhita Transcription Nonaccented
pra sū ta indra pravatā haribhyām pra te vajraḥ pramṛṇannetu śatrūn ǀ
jahi pratīco anūcaḥ parāco viśvam satyam kṛṇuhi viṣṭamastu ǁ
Padapatha Devanagari Accented
प्र । सु । ते॒ । इ॒न्द्र॒ । प्र॒ऽवता॑ । हरि॑ऽभ्याम् । प्र । ते॒ । वज्रः॑ । प्र॒ऽमृ॒णन् । ए॒तु॒ । शत्रू॑न् ।
ज॒हि । प्र॒ती॒चः । अ॒नू॒चः । परा॑चः । विश्व॑म् । स॒त्यम् । कृ॒णु॒हि॒ । वि॒ष्टम् । अ॒स्तु॒ ॥
Padapatha Devanagari Nonaccented
प्र । सु । ते । इन्द्र । प्रऽवता । हरिऽभ्याम् । प्र । ते । वज्रः । प्रऽमृणन् । एतु । शत्रून् ।
जहि । प्रतीचः । अनूचः । पराचः । विश्वम् । सत्यम् । कृणुहि । विष्टम् । अस्तु ॥
Padapatha Transcription Accented
prá ǀ sú ǀ te ǀ indra ǀ pra-vátā ǀ hári-bhyām ǀ prá ǀ te ǀ vájraḥ ǀ pra-mṛṇán ǀ etu ǀ śátrūn ǀ
jahí ǀ pratīcáḥ ǀ anūcáḥ ǀ párācaḥ ǀ víśvam ǀ satyám ǀ kṛṇuhi ǀ viṣṭám ǀ astu ǁ
Padapatha Transcription Nonaccented
pra ǀ su ǀ te ǀ indra ǀ pra-vatā ǀ hari-bhyām ǀ pra ǀ te ǀ vajraḥ ǀ pra-mṛṇan ǀ etu ǀ śatrūn ǀ
jahi ǀ pratīcaḥ ǀ anūcaḥ ǀ parācaḥ ǀ viśvam ǀ satyam ǀ kṛṇuhi ǀ viṣṭam ǀ astu ǁ
03.030.07 (Mandala. Sukta. Rik)
3.2.02.02 (Ashtaka. Adhyaya. Varga. Rik)
03.03.007 (Mandala. Anuvāka. Rik)
Samhita Devanagari Accented
यस्मै॒ धायु॒रद॑धा॒ मर्त्या॒याभ॑क्तं चिद्भजते गे॒ह्यं१॒॑ सः ।
भ॒द्रा त॑ इंद्र सुम॒तिर्घृ॒ताची॑ स॒हस्र॑दाना पुरुहूत रा॒तिः ॥
Samhita Devanagari Nonaccented
यस्मै धायुरदधा मर्त्यायाभक्तं चिद्भजते गेह्यं सः ।
भद्रा त इंद्र सुमतिर्घृताची सहस्रदाना पुरुहूत रातिः ॥
Samhita Transcription Accented
yásmai dhā́yurádadhā mártyāyā́bhaktam cidbhajate gehyám sáḥ ǀ
bhadrā́ ta indra sumatírghṛtā́cī sahásradānā puruhūta rātíḥ ǁ
Samhita Transcription Nonaccented
yasmai dhāyuradadhā martyāyābhaktam cidbhajate gehyam saḥ ǀ
bhadrā ta indra sumatirghṛtācī sahasradānā puruhūta rātiḥ ǁ
Padapatha Devanagari Accented
यस्मै॑ । धायुः॑ । अद॑धाः । मर्त्या॑य । अभ॑क्तम् । चि॒त् । भ॒ज॒ते॒ । गे॒ह्य॑म् । सः ।
भ॒द्रा । ते॒ । इ॒न्द्र॒ । सु॒ऽम॒तिः । घृ॒ताची॑ । स॒हस्र॑ऽदाना । पु॒रु॒ऽहू॒त॒ । रा॒तिः ॥
Padapatha Devanagari Nonaccented
यस्मै । धायुः । अदधाः । मर्त्याय । अभक्तम् । चित् । भजते । गेह्यम् । सः ।
भद्रा । ते । इन्द्र । सुऽमतिः । घृताची । सहस्रऽदाना । पुरुऽहूत । रातिः ॥
Padapatha Transcription Accented
yásmai ǀ dhā́yuḥ ǀ ádadhāḥ ǀ mártyāya ǀ ábhaktam ǀ cit ǀ bhajate ǀ gehyám ǀ sáḥ ǀ
bhadrā́ ǀ te ǀ indra ǀ su-matíḥ ǀ ghṛtā́cī ǀ sahásra-dānā ǀ puru-hūta ǀ rātíḥ ǁ
Padapatha Transcription Nonaccented
yasmai ǀ dhāyuḥ ǀ adadhāḥ ǀ martyāya ǀ abhaktam ǀ cit ǀ bhajate ǀ gehyam ǀ saḥ ǀ
bhadrā ǀ te ǀ indra ǀ su-matiḥ ǀ ghṛtācī ǀ sahasra-dānā ǀ puru-hūta ǀ rātiḥ ǁ
03.030.08 (Mandala. Sukta. Rik)
3.2.02.03 (Ashtaka. Adhyaya. Varga. Rik)
03.03.008 (Mandala. Anuvāka. Rik)
Samhita Devanagari Accented
स॒हदा॑नुं पुरुहूत क्षि॒यंत॑मह॒स्तमिं॑द्र॒ सं पि॑ण॒क्कुणा॑रुं ।
अ॒भि वृ॒त्रं वर्ध॑मानं॒ पिया॑रुम॒पाद॑मिंद्र त॒वसा॑ जघंथ ॥
Samhita Devanagari Nonaccented
सहदानुं पुरुहूत क्षियंतमहस्तमिंद्र सं पिणक्कुणारुं ।
अभि वृत्रं वर्धमानं पियारुमपादमिंद्र तवसा जघंथ ॥
Samhita Transcription Accented
sahádānum puruhūta kṣiyántamahastámindra sám piṇakkúṇārum ǀ
abhí vṛtrám várdhamānam píyārumapā́damindra tavásā jaghantha ǁ
Samhita Transcription Nonaccented
sahadānum puruhūta kṣiyantamahastamindra sam piṇakkuṇārum ǀ
abhi vṛtram vardhamānam piyārumapādamindra tavasā jaghantha ǁ
Padapatha Devanagari Accented
स॒हऽदा॑नुम् । पु॒रु॒ऽहू॒त॒ । क्षि॒यन्त॑म् । अ॒ह॒स्तम् । इ॒न्द्र॒ । सम् । पि॒ण॒क् । कुणा॑रुम् ।
अ॒भि । वृ॒त्रम् । वर्ध॑मानम् । पिया॑रुम् । अ॒पाद॑म् । इ॒न्द्र॒ । त॒वसा॑ । ज॒घ॒न्थ॒ ॥
Padapatha Devanagari Nonaccented
सहऽदानुम् । पुरुऽहूत । क्षियन्तम् । अहस्तम् । इन्द्र । सम् । पिणक् । कुणारुम् ।
अभि । वृत्रम् । वर्धमानम् । पियारुम् । अपादम् । इन्द्र । तवसा । जघन्थ ॥
Padapatha Transcription Accented
sahá-dānum ǀ puru-hūta ǀ kṣiyántam ǀ ahastám ǀ indra ǀ sám ǀ piṇak ǀ kúṇārum ǀ
abhí ǀ vṛtrám ǀ várdhamānam ǀ píyārum ǀ apā́dam ǀ indra ǀ tavásā ǀ jaghantha ǁ
Padapatha Transcription Nonaccented
saha-dānum ǀ puru-hūta ǀ kṣiyantam ǀ ahastam ǀ indra ǀ sam ǀ piṇak ǀ kuṇārum ǀ
abhi ǀ vṛtram ǀ vardhamānam ǀ piyārum ǀ apādam ǀ indra ǀ tavasā ǀ jaghantha ǁ
03.030.09 (Mandala. Sukta. Rik)
3.2.02.04 (Ashtaka. Adhyaya. Varga. Rik)
03.03.009 (Mandala. Anuvāka. Rik)
Samhita Devanagari Accented
नि सा॑म॒नामि॑षि॒रामिं॑द्र॒ भूमिं॑ म॒हीम॑पा॒रां सद॑ने ससत्थ ।
अस्त॑भ्ना॒द्द्यां वृ॑ष॒भो अं॒तरि॑क्ष॒मर्षं॒त्वाप॒स्त्वये॒ह प्रसू॑ताः ॥
Samhita Devanagari Nonaccented
नि सामनामिषिरामिंद्र भूमिं महीमपारां सदने ससत्थ ।
अस्तभ्नाद्द्यां वृषभो अंतरिक्षमर्षंत्वापस्त्वयेह प्रसूताः ॥
Samhita Transcription Accented
ní sāmanā́miṣirā́mindra bhū́mim mahī́mapārā́m sádane sasattha ǀ
ástabhnāddyā́m vṛṣabhó antárikṣamárṣantvā́pastváyehá prásūtāḥ ǁ
Samhita Transcription Nonaccented
ni sāmanāmiṣirāmindra bhūmim mahīmapārām sadane sasattha ǀ
astabhnāddyām vṛṣabho antarikṣamarṣantvāpastvayeha prasūtāḥ ǁ
Padapatha Devanagari Accented
नि । सा॒म॒नाम् । इ॒षि॒राम् । इ॒न्द्र॒ । भूमि॑म् । म॒हीम् । अ॒पा॒राम् । सद॑ने । स॒स॒त्थ॒ ।
अस्त॑भ्नात् । द्याम् । वृ॒ष॒भः । अ॒न्तरि॑क्षम् । अर्ष॑न्तु । आपः॑ । त्वया॑ । इ॒ह । प्रऽसू॑ताः ॥
Padapatha Devanagari Nonaccented
नि । सामनाम् । इषिराम् । इन्द्र । भूमिम् । महीम् । अपाराम् । सदने । ससत्थ ।
अस्तभ्नात् । द्याम् । वृषभः । अन्तरिक्षम् । अर्षन्तु । आपः । त्वया । इह । प्रऽसूताः ॥
Padapatha Transcription Accented
ní ǀ sāmanā́m ǀ iṣirā́m ǀ indra ǀ bhū́mim ǀ mahī́m ǀ apārā́m ǀ sádane ǀ sasattha ǀ
ástabhnāt ǀ dyā́m ǀ vṛṣabháḥ ǀ antárikṣam ǀ árṣantu ǀ ā́paḥ ǀ tváyā ǀ ihá ǀ prá-sūtāḥ ǁ
Padapatha Transcription Nonaccented
ni ǀ sāmanām ǀ iṣirām ǀ indra ǀ bhūmim ǀ mahīm ǀ apārām ǀ sadane ǀ sasattha ǀ
astabhnāt ǀ dyām ǀ vṛṣabhaḥ ǀ antarikṣam ǀ arṣantu ǀ āpaḥ ǀ tvayā ǀ iha ǀ pra-sūtāḥ ǁ
03.030.10 (Mandala. Sukta. Rik)
3.2.02.05 (Ashtaka. Adhyaya. Varga. Rik)
03.03.010 (Mandala. Anuvāka. Rik)
Samhita Devanagari Accented
अ॒ला॒तृ॒णो व॒ल इं॑द्र व्र॒जो गोः पु॒रा हंतो॒र्भय॑मानो॒ व्या॑र ।
सु॒गान्प॒थो अ॑कृणोन्नि॒रजे॒ गाः प्राव॒न्वाणीः॑ पुरुहू॒तं धमं॑तीः ॥
Samhita Devanagari Nonaccented
अलातृणो वल इंद्र व्रजो गोः पुरा हंतोर्भयमानो व्यार ।
सुगान्पथो अकृणोन्निरजे गाः प्रावन्वाणीः पुरुहूतं धमंतीः ॥
Samhita Transcription Accented
alātṛṇó valá indra vrajó góḥ purā́ hántorbháyamāno vyā́ra ǀ
sugā́npathó akṛṇonniráje gā́ḥ prā́vanvā́ṇīḥ puruhūtám dhámantīḥ ǁ
Samhita Transcription Nonaccented
alātṛṇo vala indra vrajo goḥ purā hantorbhayamāno vyāra ǀ
sugānpatho akṛṇonniraje gāḥ prāvanvāṇīḥ puruhūtam dhamantīḥ ǁ
Padapatha Devanagari Accented
अ॒ला॒तृ॒णः । व॒लः । इ॒न्द्र॒ । व्र॒जः । गोः । पु॒रा । हन्तोः॑ । भय॑मानः । वि । आ॒र॒ ।
सु॒ऽगान् । प॒थः । अ॒कृ॒णो॒त् । निः॒ऽअजे॑ । गाः । प्र । आ॒व॒न् । वाणीः॑ । पु॒रु॒ऽहू॒तम् । धम॑न्तीः ॥
Padapatha Devanagari Nonaccented
अलातृणः । वलः । इन्द्र । व्रजः । गोः । पुरा । हन्तोः । भयमानः । वि । आर ।
सुऽगान् । पथः । अकृणोत् । निःऽअजे । गाः । प्र । आवन् । वाणीः । पुरुऽहूतम् । धमन्तीः ॥
Padapatha Transcription Accented
alātṛṇáḥ ǀ valáḥ ǀ indra ǀ vrajáḥ ǀ góḥ ǀ purā́ ǀ hántoḥ ǀ bháyamānaḥ ǀ ví ǀ āra ǀ
su-gā́n ǀ patháḥ ǀ akṛṇot ǀ niḥ-áje ǀ gā́ḥ ǀ prá ǀ āvan ǀ vā́ṇīḥ ǀ puru-hūtám ǀ dhámantīḥ ǁ
Padapatha Transcription Nonaccented
alātṛṇaḥ ǀ valaḥ ǀ indra ǀ vrajaḥ ǀ goḥ ǀ purā ǀ hantoḥ ǀ bhayamānaḥ ǀ vi ǀ āra ǀ
su-gān ǀ pathaḥ ǀ akṛṇot ǀ niḥ-aje ǀ gāḥ ǀ pra ǀ āvan ǀ vāṇīḥ ǀ puru-hūtam ǀ dhamantīḥ ǁ
03.030.11 (Mandala. Sukta. Rik)
3.2.03.01 (Ashtaka. Adhyaya. Varga. Rik)
03.03.011 (Mandala. Anuvāka. Rik)
Samhita Devanagari Accented
एको॒ द्वे वसु॑मती समी॒ची इंद्र॒ आ प॑प्रौ पृथि॒वीमु॒त द्यां ।
उ॒तांतरि॑क्षाद॒भि नः॑ समी॒क इ॒षो र॒थीः स॒युजः॑ शूर॒ वाजा॑न् ॥
Samhita Devanagari Nonaccented
एको द्वे वसुमती समीची इंद्र आ पप्रौ पृथिवीमुत द्यां ।
उतांतरिक्षादभि नः समीक इषो रथीः सयुजः शूर वाजान् ॥
Samhita Transcription Accented
éko dvé vásumatī samīcī́ índra ā́ paprau pṛthivī́mutá dyā́m ǀ
utā́ntárikṣādabhí naḥ samīká iṣó rathī́ḥ sayújaḥ śūra vā́jān ǁ
Samhita Transcription Nonaccented
eko dve vasumatī samīcī indra ā paprau pṛthivīmuta dyām ǀ
utāntarikṣādabhi naḥ samīka iṣo rathīḥ sayujaḥ śūra vājān ǁ
Padapatha Devanagari Accented
एकः॑ । द्वे इति॑ । वसु॑मती॒ इति॒ वसु॑ऽमती । स॒मी॒ची इति॑ स॒म्ऽई॒ची । इन्द्रः॑ । आ । प॒प्रौ॒ । पृ॒थि॒वीम् । उ॒त । द्याम् ।
उ॒त । अ॒न्तरि॑क्षात् । अ॒भि । नः॒ । स॒म्ऽई॒के । इ॒षः । र॒थीः । स॒ऽयुजः॑ । शू॒र॒ । वाजा॑न् ॥
Padapatha Devanagari Nonaccented
एकः । द्वे इति । वसुमती इति वसुऽमती । समीची इति सम्ऽईची । इन्द्रः । आ । पप्रौ । पृथिवीम् । उत । द्याम् ।
उत । अन्तरिक्षात् । अभि । नः । सम्ऽईके । इषः । रथीः । सऽयुजः । शूर । वाजान् ॥
Padapatha Transcription Accented
ékaḥ ǀ dvé íti ǀ vásumatī íti vásu-matī ǀ samīcī́ íti sam-īcī́ ǀ índraḥ ǀ ā́ ǀ paprau ǀ pṛthivī́m ǀ utá ǀ dyā́m ǀ
utá ǀ antárikṣāt ǀ abhí ǀ naḥ ǀ sam-īké ǀ iṣáḥ ǀ rathī́ḥ ǀ sa-yújaḥ ǀ śūra ǀ vā́jān ǁ
Padapatha Transcription Nonaccented
ekaḥ ǀ dve iti ǀ vasumatī iti vasu-matī ǀ samīcī iti sam-īcī ǀ indraḥ ǀ ā ǀ paprau ǀ pṛthivīm ǀ uta ǀ dyām ǀ
uta ǀ antarikṣāt ǀ abhi ǀ naḥ ǀ sam-īke ǀ iṣaḥ ǀ rathīḥ ǀ sa-yujaḥ ǀ śūra ǀ vājān ǁ
03.030.12 (Mandala. Sukta. Rik)
3.2.03.02 (Ashtaka. Adhyaya. Varga. Rik)
03.03.012 (Mandala. Anuvāka. Rik)
Samhita Devanagari Accented
दिशः॒ सूर्यो॒ न मि॑नाति॒ प्रदि॑ष्टा दि॒वेदि॑वे॒ हर्य॑श्वप्रसूताः ।
सं यदान॒ळध्व॑न॒ आदिदश्वै॑र्वि॒मोच॑नं कृणुते॒ तत्त्व॑स्य ॥
Samhita Devanagari Nonaccented
दिशः सूर्यो न मिनाति प्रदिष्टा दिवेदिवे हर्यश्वप्रसूताः ।
सं यदानळध्वन आदिदश्वैर्विमोचनं कृणुते तत्त्वस्य ॥
Samhita Transcription Accented
díśaḥ sū́ryo ná mināti prádiṣṭā divédive háryaśvaprasūtāḥ ǀ
sám yádā́naḷádhvana ā́dídáśvairvimócanam kṛṇute táttvásya ǁ
Samhita Transcription Nonaccented
diśaḥ sūryo na mināti pradiṣṭā divedive haryaśvaprasūtāḥ ǀ
sam yadānaḷadhvana ādidaśvairvimocanam kṛṇute tattvasya ǁ
Padapatha Devanagari Accented
दिशः॑ । सूर्यः॑ । न । मि॒ना॒ति॒ । प्रऽदि॑ष्टाः । दि॒वेऽदि॑वे । हर्य॑श्वऽप्रसूताः ।
सम् । यत् । आन॑ट् । अध्व॑नः । आत् । इत् । अश्वैः॑ । वि॒ऽमोच॑नम् । कृ॒णु॒ते॒ । तत् । तु । अ॒स्य॒ ॥
Padapatha Devanagari Nonaccented
दिशः । सूर्यः । न । मिनाति । प्रऽदिष्टाः । दिवेऽदिवे । हर्यश्वऽप्रसूताः ।
सम् । यत् । आनट् । अध्वनः । आत् । इत् । अश्वैः । विऽमोचनम् । कृणुते । तत् । तु । अस्य ॥
Padapatha Transcription Accented
díśaḥ ǀ sū́ryaḥ ǀ ná ǀ mināti ǀ prá-diṣṭāḥ ǀ divé-dive ǀ háryaśva-prasūtāḥ ǀ
sám ǀ yát ǀ ā́naṭ ǀ ádhvanaḥ ǀ ā́t ǀ ít ǀ áśvaiḥ ǀ vi-mócanam ǀ kṛṇute ǀ tát ǀ tú ǀ asya ǁ
Padapatha Transcription Nonaccented
diśaḥ ǀ sūryaḥ ǀ na ǀ mināti ǀ pra-diṣṭāḥ ǀ dive-dive ǀ haryaśva-prasūtāḥ ǀ
sam ǀ yat ǀ ānaṭ ǀ adhvanaḥ ǀ āt ǀ it ǀ aśvaiḥ ǀ vi-mocanam ǀ kṛṇute ǀ tat ǀ tu ǀ asya ǁ
03.030.13 (Mandala. Sukta. Rik)
3.2.03.03 (Ashtaka. Adhyaya. Varga. Rik)
03.03.013 (Mandala. Anuvāka. Rik)
Samhita Devanagari Accented
दिदृ॑क्षंत उ॒षसो॒ याम॑न्न॒क्तोर्वि॒वस्व॑त्या॒ महि॑ चि॒त्रमनी॑कं ।
विश्वे॑ जानंति महि॒ना यदागा॒दिंद्र॑स्य॒ कर्म॒ सुकृ॑ता पु॒रूणि॑ ॥
Samhita Devanagari Nonaccented
दिदृक्षंत उषसो यामन्नक्तोर्विवस्वत्या महि चित्रमनीकं ।
विश्वे जानंति महिना यदागादिंद्रस्य कर्म सुकृता पुरूणि ॥
Samhita Transcription Accented
dídṛkṣanta uṣáso yā́mannaktórvivásvatyā máhi citrámánīkam ǀ
víśve jānanti mahinā́ yádā́gādíndrasya kárma súkṛtā purū́ṇi ǁ
Samhita Transcription Nonaccented
didṛkṣanta uṣaso yāmannaktorvivasvatyā mahi citramanīkam ǀ
viśve jānanti mahinā yadāgādindrasya karma sukṛtā purūṇi ǁ
Padapatha Devanagari Accented
दिदृ॑क्षन्ते । उ॒षसः॑ । याम॑न् । अ॒क्तोः । वि॒वस्व॑त्याः । महि॑ । चि॒त्रम् । अनी॑कम् ।
विश्वे॑ । जा॒न॒न्ति॒ । म॒हि॒ना । यत् । आ । अगा॑त् । इन्द्र॑स्य । कर्म॑ । सुऽकृ॑ता । पु॒रूणि॑ ॥
Padapatha Devanagari Nonaccented
दिदृक्षन्ते । उषसः । यामन् । अक्तोः । विवस्वत्याः । महि । चित्रम् । अनीकम् ।
विश्वे । जानन्ति । महिना । यत् । आ । अगात् । इन्द्रस्य । कर्म । सुऽकृता । पुरूणि ॥
Padapatha Transcription Accented
dídṛkṣante ǀ uṣásaḥ ǀ yā́man ǀ aktóḥ ǀ vivásvatyāḥ ǀ máhi ǀ citrám ǀ ánīkam ǀ
víśve ǀ jānanti ǀ mahinā́ ǀ yát ǀ ā́ ǀ ágāt ǀ índrasya ǀ kárma ǀ sú-kṛtā ǀ purū́ṇi ǁ
Padapatha Transcription Nonaccented
didṛkṣante ǀ uṣasaḥ ǀ yāman ǀ aktoḥ ǀ vivasvatyāḥ ǀ mahi ǀ citram ǀ anīkam ǀ
viśve ǀ jānanti ǀ mahinā ǀ yat ǀ ā ǀ agāt ǀ indrasya ǀ karma ǀ su-kṛtā ǀ purūṇi ǁ
03.030.14 (Mandala. Sukta. Rik)
3.2.03.04 (Ashtaka. Adhyaya. Varga. Rik)
03.03.014 (Mandala. Anuvāka. Rik)
Samhita Devanagari Accented
महि॒ ज्योति॒र्निहि॑तं व॒क्षणा॑स्वा॒मा प॒क्वं च॑रति॒ बिभ्र॑ती॒ गौः ।
विश्वं॒ स्वाद्म॒ संभृ॑तमु॒स्रिया॑यां॒ यत्सी॒मिंद्रो॒ अद॑धा॒द्भोज॑नाय ॥
Samhita Devanagari Nonaccented
महि ज्योतिर्निहितं वक्षणास्वामा पक्वं चरति बिभ्रती गौः ।
विश्वं स्वाद्म संभृतमुस्रियायां यत्सीमिंद्रो अदधाद्भोजनाय ॥
Samhita Transcription Accented
máhi jyótirníhitam vakṣáṇāsvāmā́ pakvám carati bíbhratī gáuḥ ǀ
víśvam svā́dma sámbhṛtamusríyāyām yátsīmíndro ádadhādbhójanāya ǁ
Samhita Transcription Nonaccented
mahi jyotirnihitam vakṣaṇāsvāmā pakvam carati bibhratī gauḥ ǀ
viśvam svādma sambhṛtamusriyāyām yatsīmindro adadhādbhojanāya ǁ
Padapatha Devanagari Accented
महि॑ । ज्योतिः॑ । निऽहि॑तम् । व॒क्षणा॑सु । आ॒मा । प॒क्वम् । च॒र॒ति॒ । बिभ्र॑ती । गौः ।
विश्व॑म् । स्वाद्म॑ । सम्ऽभृ॑तम् । उ॒स्रिया॑याम् । यत् । सी॒म् । इन्द्रः॑ । अद॑धात् । भोज॑नाय ॥
Padapatha Devanagari Nonaccented
महि । ज्योतिः । निऽहितम् । वक्षणासु । आमा । पक्वम् । चरति । बिभ्रती । गौः ।
विश्वम् । स्वाद्म । सम्ऽभृतम् । उस्रियायाम् । यत् । सीम् । इन्द्रः । अदधात् । भोजनाय ॥
Padapatha Transcription Accented
máhi ǀ jyótiḥ ǀ ní-hitam ǀ vakṣáṇāsu ǀ āmā́ ǀ pakvám ǀ carati ǀ bíbhratī ǀ gáuḥ ǀ
víśvam ǀ svā́dma ǀ sám-bhṛtam ǀ usríyāyām ǀ yát ǀ sīm ǀ índraḥ ǀ ádadhāt ǀ bhójanāya ǁ
Padapatha Transcription Nonaccented
mahi ǀ jyotiḥ ǀ ni-hitam ǀ vakṣaṇāsu ǀ āmā ǀ pakvam ǀ carati ǀ bibhratī ǀ gauḥ ǀ
viśvam ǀ svādma ǀ sam-bhṛtam ǀ usriyāyām ǀ yat ǀ sīm ǀ indraḥ ǀ adadhāt ǀ bhojanāya ǁ
03.030.15 (Mandala. Sukta. Rik)
3.2.03.05 (Ashtaka. Adhyaya. Varga. Rik)
03.03.015 (Mandala. Anuvāka. Rik)
Samhita Devanagari Accented
इंद्र॒ दृह्य॑ यामको॒शा अ॑भूवन्य॒ज्ञाय॑ शिक्ष गृण॒ते सखि॑भ्यः ।
दु॒र्मा॒यवो॑ दु॒रेवा॒ मर्त्या॑सो निषं॒गिणो॑ रि॒पवो॒ हंत्वा॑सः ॥
Samhita Devanagari Nonaccented
इंद्र दृह्य यामकोशा अभूवन्यज्ञाय शिक्ष गृणते सखिभ्यः ।
दुर्मायवो दुरेवा मर्त्यासो निषंगिणो रिपवो हंत्वासः ॥
Samhita Transcription Accented
índra dṛ́hya yāmakośā́ abhūvanyajñā́ya śikṣa gṛṇaté sákhibhyaḥ ǀ
durmāyávo durévā mártyāso niṣaṅgíṇo ripávo hántvāsaḥ ǁ
Samhita Transcription Nonaccented
indra dṛhya yāmakośā abhūvanyajñāya śikṣa gṛṇate sakhibhyaḥ ǀ
durmāyavo durevā martyāso niṣaṅgiṇo ripavo hantvāsaḥ ǁ
Padapatha Devanagari Accented
इन्द्र॑ । दृह्य॑ । या॒म॒ऽको॒शाः । अ॒भू॒व॒न् । य॒ज्ञाय॑ । शि॒क्ष॒ । गृ॒ण॒ते । सखि॑ऽभ्यः ।
दुः॒ऽमा॒यवः॑ । दुः॒ऽएवाः॑ । मर्त्या॑सः । नि॒ष॒ङ्गिणः॑ । रि॒पवः॑ । हन्त्वा॑सः ॥
Padapatha Devanagari Nonaccented
इन्द्र । दृह्य । यामऽकोशाः । अभूवन् । यज्ञाय । शिक्ष । गृणते । सखिऽभ्यः ।
दुःऽमायवः । दुःऽएवाः । मर्त्यासः । निषङ्गिणः । रिपवः । हन्त्वासः ॥
Padapatha Transcription Accented
índra ǀ dṛ́hya ǀ yāma-kośā́ḥ ǀ abhūvan ǀ yajñā́ya ǀ śikṣa ǀ gṛṇaté ǀ sákhi-bhyaḥ ǀ
duḥ-māyávaḥ ǀ duḥ-évāḥ ǀ mártyāsaḥ ǀ niṣaṅgíṇaḥ ǀ ripávaḥ ǀ hántvāsaḥ ǁ
Padapatha Transcription Nonaccented
indra ǀ dṛhya ǀ yāma-kośāḥ ǀ abhūvan ǀ yajñāya ǀ śikṣa ǀ gṛṇate ǀ sakhi-bhyaḥ ǀ
duḥ-māyavaḥ ǀ duḥ-evāḥ ǀ martyāsaḥ ǀ niṣaṅgiṇaḥ ǀ ripavaḥ ǀ hantvāsaḥ ǁ
03.030.16 (Mandala. Sukta. Rik)
3.2.04.01 (Ashtaka. Adhyaya. Varga. Rik)
03.03.016 (Mandala. Anuvāka. Rik)
Samhita Devanagari Accented
सं घोषः॑ शृण्वेऽव॒मैर॒मित्रै॑र्ज॒ही न्ये॑ष्व॒शनिं॒ तपि॑ष्ठां ।
वृ॒श्चेम॒धस्ता॒द्वि रु॑जा॒ सह॑स्व ज॒हि रक्षो॑ मघवन्रं॒धय॑स्व ॥
Samhita Devanagari Nonaccented
सं घोषः शृण्वेऽवमैरमित्रैर्जही न्येष्वशनिं तपिष्ठां ।
वृश्चेमधस्ताद्वि रुजा सहस्व जहि रक्षो मघवन्रंधयस्व ॥
Samhita Transcription Accented
sám ghóṣaḥ śṛṇve’vamáiramítrairjahī́ nyéṣvaśánim tápiṣṭhām ǀ
vṛścémadhástādví rujā sáhasva jahí rákṣo maghavanrandháyasva ǁ
Samhita Transcription Nonaccented
sam ghoṣaḥ śṛṇve’vamairamitrairjahī nyeṣvaśanim tapiṣṭhām ǀ
vṛścemadhastādvi rujā sahasva jahi rakṣo maghavanrandhayasva ǁ
Padapatha Devanagari Accented
सम् । घोषः॑ । शृ॒ण्वे॒ । अ॒व॒मैः । अ॒मित्रैः॑ । ज॒हि । नि । ए॒षु॒ । अ॒शनि॑म् । तपि॑ष्ठाम् ।
वृ॒श्च । ई॒म् । अ॒धस्ता॑त् । वि । रु॒ज॒ । सह॑स्व । ज॒हि । रक्षः॑ । म॒घ॒ऽव॒न् । र॒न्धय॑स्व ॥
Padapatha Devanagari Nonaccented
सम् । घोषः । शृण्वे । अवमैः । अमित्रैः । जहि । नि । एषु । अशनिम् । तपिष्ठाम् ।
वृश्च । ईम् । अधस्तात् । वि । रुज । सहस्व । जहि । रक्षः । मघऽवन् । रन्धयस्व ॥
Padapatha Transcription Accented
sám ǀ ghóṣaḥ ǀ śṛṇve ǀ avamáiḥ ǀ amítraiḥ ǀ jahí ǀ ní ǀ eṣu ǀ aśánim ǀ tápiṣṭhām ǀ
vṛścá ǀ īm ǀ adhástāt ǀ ví ǀ ruja ǀ sáhasva ǀ jahí ǀ rákṣaḥ ǀ magha-van ǀ randháyasva ǁ
Padapatha Transcription Nonaccented
sam ǀ ghoṣaḥ ǀ śṛṇve ǀ avamaiḥ ǀ amitraiḥ ǀ jahi ǀ ni ǀ eṣu ǀ aśanim ǀ tapiṣṭhām ǀ
vṛśca ǀ īm ǀ adhastāt ǀ vi ǀ ruja ǀ sahasva ǀ jahi ǀ rakṣaḥ ǀ magha-van ǀ randhayasva ǁ
03.030.17 (Mandala. Sukta. Rik)
3.2.04.02 (Ashtaka. Adhyaya. Varga. Rik)
03.03.017 (Mandala. Anuvāka. Rik)
Samhita Devanagari Accented
उद्वृ॑ह॒ रक्षः॑ स॒हमू॑लमिंद्र वृ॒श्चा मध्यं॒ प्रत्यग्रं॑ शृणीहि ।
आ कीव॑तः सल॒लूकं॑ चकर्थ ब्रह्म॒द्विषे॒ तपु॑षिं हे॒तिम॑स्य ॥
Samhita Devanagari Nonaccented
उद्वृह रक्षः सहमूलमिंद्र वृश्चा मध्यं प्रत्यग्रं शृणीहि ।
आ कीवतः सललूकं चकर्थ ब्रह्मद्विषे तपुषिं हेतिमस्य ॥
Samhita Transcription Accented
údvṛha rákṣaḥ sahámūlamindra vṛścā́ mádhyam prátyágram śṛṇīhi ǀ
ā́ kī́vataḥ salalū́kam cakartha brahmadvíṣe tápuṣim hetímasya ǁ
Samhita Transcription Nonaccented
udvṛha rakṣaḥ sahamūlamindra vṛścā madhyam pratyagram śṛṇīhi ǀ
ā kīvataḥ salalūkam cakartha brahmadviṣe tapuṣim hetimasya ǁ
Padapatha Devanagari Accented
उत् । वृ॒ह॒ । रक्षः॑ । स॒हऽमू॑लम् । इ॒न्द्र॒ । वृ॒श्च । मध्य॑म् । प्रति॑ । अग्र॑म् । शृ॒णी॒हि॒ ।
आ । कीव॑तः । स॒ल॒लूक॑म् । च॒क॒र्थ॒ । ब्र॒ह्म॒ऽद्विषे॑ । तपु॑षिम् । हे॒तिम् । अ॒स्य॒ ॥
Padapatha Devanagari Nonaccented
उत् । वृह । रक्षः । सहऽमूलम् । इन्द्र । वृश्च । मध्यम् । प्रति । अग्रम् । शृणीहि ।
आ । कीवतः । सललूकम् । चकर्थ । ब्रह्मऽद्विषे । तपुषिम् । हेतिम् । अस्य ॥
Padapatha Transcription Accented
út ǀ vṛha ǀ rákṣaḥ ǀ sahá-mūlam ǀ indra ǀ vṛścá ǀ mádhyam ǀ práti ǀ ágram ǀ śṛṇīhi ǀ
ā́ ǀ kī́vataḥ ǀ salalū́kam ǀ cakartha ǀ brahma-dvíṣe ǀ tápuṣim ǀ hetím ǀ asya ǁ
Padapatha Transcription Nonaccented
ut ǀ vṛha ǀ rakṣaḥ ǀ saha-mūlam ǀ indra ǀ vṛśca ǀ madhyam ǀ prati ǀ agram ǀ śṛṇīhi ǀ
ā ǀ kīvataḥ ǀ salalūkam ǀ cakartha ǀ brahma-dviṣe ǀ tapuṣim ǀ hetim ǀ asya ǁ
03.030.18 (Mandala. Sukta. Rik)
3.2.04.03 (Ashtaka. Adhyaya. Varga. Rik)
03.03.018 (Mandala. Anuvāka. Rik)
Samhita Devanagari Accented
स्व॒स्तये॑ वा॒जिभि॑श्च प्रणेतः॒ सं यन्म॒हीरिष॑ आ॒सत्सि॑ पू॒र्वीः ।
रा॒यो वं॒तारो॑ बृह॒तः स्या॑मा॒स्मे अ॑स्तु॒ भग॑ इंद्र प्र॒जावा॑न् ॥
Samhita Devanagari Nonaccented
स्वस्तये वाजिभिश्च प्रणेतः सं यन्महीरिष आसत्सि पूर्वीः ।
रायो वंतारो बृहतः स्यामास्मे अस्तु भग इंद्र प्रजावान् ॥
Samhita Transcription Accented
svastáye vājíbhiśca praṇetaḥ sám yánmahī́ríṣa āsátsi pūrvī́ḥ ǀ
rāyó vantā́ro bṛhatáḥ syāmāsmé astu bhága indra prajā́vān ǁ
Samhita Transcription Nonaccented
svastaye vājibhiśca praṇetaḥ sam yanmahīriṣa āsatsi pūrvīḥ ǀ
rāyo vantāro bṛhataḥ syāmāsme astu bhaga indra prajāvān ǁ
Padapatha Devanagari Accented
स्व॒स्तये॑ । वा॒जिऽभिः॑ । च॒ । प्र॒ने॒त॒रिति॑ प्रऽनेतः । सम् । यत् । म॒हीः । इषः॑ । आ॒ऽसत्सि॑ । पू॒र्वीः ।
रा॒यः । व॒न्तारः॑ । बृ॒ह॒तः । स्या॒म॒ । अ॒स्मे इति॑ । अ॒स्तु॒ । भगः॑ । इ॒न्द्र॒ । प्र॒जाऽवा॑न् ॥
Padapatha Devanagari Nonaccented
स्वस्तये । वाजिऽभिः । च । प्रनेतरिति प्रऽनेतः । सम् । यत् । महीः । इषः । आऽसत्सि । पूर्वीः ।
रायः । वन्तारः । बृहतः । स्याम । अस्मे इति । अस्तु । भगः । इन्द्र । प्रजाऽवान् ॥
Padapatha Transcription Accented
svastáye ǀ vājí-bhiḥ ǀ ca ǀ pranetaríti pra-netaḥ ǀ sám ǀ yát ǀ mahī́ḥ ǀ íṣaḥ ǀ ā-sátsi ǀ pūrvī́ḥ ǀ
rāyáḥ ǀ vantā́raḥ ǀ bṛhatáḥ ǀ syāma ǀ asmé íti ǀ astu ǀ bhágaḥ ǀ indra ǀ prajā́-vān ǁ
Padapatha Transcription Nonaccented
svastaye ǀ vāji-bhiḥ ǀ ca ǀ pranetariti pra-netaḥ ǀ sam ǀ yat ǀ mahīḥ ǀ iṣaḥ ǀ ā-satsi ǀ pūrvīḥ ǀ
rāyaḥ ǀ vantāraḥ ǀ bṛhataḥ ǀ syāma ǀ asme iti ǀ astu ǀ bhagaḥ ǀ indra ǀ prajā-vān ǁ
03.030.19 (Mandala. Sukta. Rik)
3.2.04.04 (Ashtaka. Adhyaya. Varga. Rik)
03.03.019 (Mandala. Anuvāka. Rik)
Samhita Devanagari Accented
आ नो॑ भर॒ भग॑मिंद्र द्यु॒मंतं॒ नि ते॑ दे॒ष्णस्य॑ धीमहि प्ररे॒के ।
ऊ॒र्व इ॑व पप्रथे॒ कामो॑ अ॒स्मे तमा पृ॑ण वसुपते॒ वसू॑नां ॥
Samhita Devanagari Nonaccented
आ नो भर भगमिंद्र द्युमंतं नि ते देष्णस्य धीमहि प्ररेके ।
ऊर्व इव पप्रथे कामो अस्मे तमा पृण वसुपते वसूनां ॥
Samhita Transcription Accented
ā́ no bhara bhágamindra dyumántam ní te deṣṇásya dhīmahi prareké ǀ
ūrvá iva paprathe kā́mo asmé támā́ pṛṇa vasupate vásūnām ǁ
Samhita Transcription Nonaccented
ā no bhara bhagamindra dyumantam ni te deṣṇasya dhīmahi prareke ǀ
ūrva iva paprathe kāmo asme tamā pṛṇa vasupate vasūnām ǁ
Padapatha Devanagari Accented
आ । नः॒ । भ॒र॒ । भग॑म् । इ॒न्द्र॒ । द्यु॒ऽमन्त॑म् । नि । ते॒ । दे॒ष्णस्य॑ । धी॒म॒हि॒ । प्र॒ऽरे॒के ।
ऊ॒र्वःऽइ॑व । प॒प्र॒थे॒ । कामः॑ । अ॒स्मे इति॑ । तम् । आ । पृ॒ण॒ । व॒सु॒ऽप॒ते॒ । वसू॑नाम् ॥
Padapatha Devanagari Nonaccented
आ । नः । भर । भगम् । इन्द्र । द्युऽमन्तम् । नि । ते । देष्णस्य । धीमहि । प्रऽरेके ।
ऊर्वःऽइव । पप्रथे । कामः । अस्मे इति । तम् । आ । पृण । वसुऽपते । वसूनाम् ॥
Padapatha Transcription Accented
ā́ ǀ naḥ ǀ bhara ǀ bhágam ǀ indra ǀ dyu-mántam ǀ ní ǀ te ǀ deṣṇásya ǀ dhīmahi ǀ pra-reké ǀ
ūrváḥ-iva ǀ paprathe ǀ kā́maḥ ǀ asmé íti ǀ tám ǀ ā́ ǀ pṛṇa ǀ vasu-pate ǀ vásūnām ǁ
Padapatha Transcription Nonaccented
ā ǀ naḥ ǀ bhara ǀ bhagam ǀ indra ǀ dyu-mantam ǀ ni ǀ te ǀ deṣṇasya ǀ dhīmahi ǀ pra-reke ǀ
ūrvaḥ-iva ǀ paprathe ǀ kāmaḥ ǀ asme iti ǀ tam ǀ ā ǀ pṛṇa ǀ vasu-pate ǀ vasūnām ǁ
03.030.20 (Mandala. Sukta. Rik)
3.2.04.05 (Ashtaka. Adhyaya. Varga. Rik)
03.03.020 (Mandala. Anuvāka. Rik)
Samhita Devanagari Accented
इ॒मं कामं॑ मंदया॒ गोभि॒रश्वै॑श्चं॒द्रव॑ता॒ राध॑सा प॒प्रथ॑श्च ।
स्व॒र्यवो॑ म॒तिभि॒स्तुभ्यं॒ विप्रा॒ इंद्रा॑य॒ वाहः॑ कुशि॒कासो॑ अक्रन् ॥
Samhita Devanagari Nonaccented
इमं कामं मंदया गोभिरश्वैश्चंद्रवता राधसा पप्रथश्च ।
स्वर्यवो मतिभिस्तुभ्यं विप्रा इंद्राय वाहः कुशिकासो अक्रन् ॥
Samhita Transcription Accented
imám kā́mam mandayā góbhiráśvaiścandrávatā rā́dhasā papráthaśca ǀ
svaryávo matíbhistúbhyam víprā índrāya vā́haḥ kuśikā́so akran ǁ
Samhita Transcription Nonaccented
imam kāmam mandayā gobhiraśvaiścandravatā rādhasā paprathaśca ǀ
svaryavo matibhistubhyam viprā indrāya vāhaḥ kuśikāso akran ǁ
Padapatha Devanagari Accented
इ॒मम् । काम॑म् । म॒न्द॒य॒ । गोभिः॑ । अश्वैः॑ । च॒न्द्रऽव॑ता । राध॑सा । प॒प्रथः॑ । च॒ ।
स्वः॒ऽयवः॑ । म॒तिऽभिः॑ । तुभ्य॑म् । विप्राः॑ । इन्द्रा॑य । वाहः॑ । कु॒शि॒कासः॑ । अ॒क्र॒न् ॥
Padapatha Devanagari Nonaccented
इमम् । कामम् । मन्दय । गोभिः । अश्वैः । चन्द्रऽवता । राधसा । पप्रथः । च ।
स्वःऽयवः । मतिऽभिः । तुभ्यम् । विप्राः । इन्द्राय । वाहः । कुशिकासः । अक्रन् ॥
Padapatha Transcription Accented
imám ǀ kā́mam ǀ mandaya ǀ góbhiḥ ǀ áśvaiḥ ǀ candrá-vatā ǀ rā́dhasā ǀ papráthaḥ ǀ ca ǀ
svaḥ-yávaḥ ǀ matí-bhiḥ ǀ túbhyam ǀ víprāḥ ǀ índrāya ǀ vā́haḥ ǀ kuśikā́saḥ ǀ akran ǁ
Padapatha Transcription Nonaccented
imam ǀ kāmam ǀ mandaya ǀ gobhiḥ ǀ aśvaiḥ ǀ candra-vatā ǀ rādhasā ǀ paprathaḥ ǀ ca ǀ
svaḥ-yavaḥ ǀ mati-bhiḥ ǀ tubhyam ǀ viprāḥ ǀ indrāya ǀ vāhaḥ ǀ kuśikāsaḥ ǀ akran ǁ
03.030.21 (Mandala. Sukta. Rik)
3.2.04.06 (Ashtaka. Adhyaya. Varga. Rik)
03.03.021 (Mandala. Anuvāka. Rik)
Samhita Devanagari Accented
आ नो॑ गो॒त्रा द॑र्दृहि गोपते॒ गाः सम॒स्मभ्यं॑ स॒नयो॑ यंतु॒ वाजाः॑ ।
दि॒वक्षा॑ असि वृषभ स॒त्यशु॑ष्मो॒ऽस्मभ्यं॒ सु म॑घवन्बोधि गो॒दाः ॥
Samhita Devanagari Nonaccented
आ नो गोत्रा दर्दृहि गोपते गाः समस्मभ्यं सनयो यंतु वाजाः ।
दिवक्षा असि वृषभ सत्यशुष्मोऽस्मभ्यं सु मघवन्बोधि गोदाः ॥
Samhita Transcription Accented
ā́ no gotrā́ dardṛhi gopate gā́ḥ sámasmábhyam sanáyo yantu vā́jāḥ ǀ
divákṣā asi vṛṣabha satyáśuṣmo’smábhyam sú maghavanbodhi godā́ḥ ǁ
Samhita Transcription Nonaccented
ā no gotrā dardṛhi gopate gāḥ samasmabhyam sanayo yantu vājāḥ ǀ
divakṣā asi vṛṣabha satyaśuṣmo’smabhyam su maghavanbodhi godāḥ ǁ
Padapatha Devanagari Accented
आ । नः॒ । गो॒त्रा । द॒र्दृ॒हि॒ । गो॒ऽप॒ते॒ । गाः । सम् । अ॒स्मभ्य॑म् । स॒नयः॑ । य॒न्तु॒ । वाजाः॑ ।
दि॒वक्षाः॑ । अ॒सि॒ । वृ॒ष॒भ॒ । स॒त्यऽशु॑ष्मः । अ॒स्मभ्य॑म् । सु । म॒घ॒ऽव॒न् । बो॒धि॒ । गो॒ऽदाः ॥
Padapatha Devanagari Nonaccented
आ । नः । गोत्रा । दर्दृहि । गोऽपते । गाः । सम् । अस्मभ्यम् । सनयः । यन्तु । वाजाः ।
दिवक्षाः । असि । वृषभ । सत्यऽशुष्मः । अस्मभ्यम् । सु । मघऽवन् । बोधि । गोऽदाः ॥
Padapatha Transcription Accented
ā́ ǀ naḥ ǀ gotrā́ ǀ dardṛhi ǀ go-pate ǀ gā́ḥ ǀ sám ǀ asmábhyam ǀ sanáyaḥ ǀ yantu ǀ vā́jāḥ ǀ
divákṣāḥ ǀ asi ǀ vṛṣabha ǀ satyá-śuṣmaḥ ǀ asmábhyam ǀ sú ǀ magha-van ǀ bodhi ǀ go-dā́ḥ ǁ
Padapatha Transcription Nonaccented
ā ǀ naḥ ǀ gotrā ǀ dardṛhi ǀ go-pate ǀ gāḥ ǀ sam ǀ asmabhyam ǀ sanayaḥ ǀ yantu ǀ vājāḥ ǀ
divakṣāḥ ǀ asi ǀ vṛṣabha ǀ satya-śuṣmaḥ ǀ asmabhyam ǀ su ǀ magha-van ǀ bodhi ǀ go-dāḥ ǁ
03.030.22 (Mandala. Sukta. Rik)
3.2.04.07 (Ashtaka. Adhyaya. Varga. Rik)
03.03.022 (Mandala. Anuvāka. Rik)
Samhita Devanagari Accented
शु॒नं हु॑वेम म॒घवा॑न॒मिंद्र॑म॒स्मिन्भरे॒ नृत॑मं॒ वाज॑सातौ ।
शृ॒ण्वंत॑मु॒ग्रमू॒तये॑ स॒मत्सु॒ घ्नंतं॑ वृ॒त्राणि॑ सं॒जितं॒ धना॑नां ॥
Samhita Devanagari Nonaccented
शुनं हुवेम मघवानमिंद्रमस्मिन्भरे नृतमं वाजसातौ ।
शृण्वंतमुग्रमूतये समत्सु घ्नंतं वृत्राणि संजितं धनानां ॥
Samhita Transcription Accented
śunám huvema maghávānamíndramasmínbháre nṛ́tamam vā́jasātau ǀ
śṛṇvántamugrámūtáye samátsu ghnántam vṛtrā́ṇi saṃjítam dhánānām ǁ
Samhita Transcription Nonaccented
śunam huvema maghavānamindramasminbhare nṛtamam vājasātau ǀ
śṛṇvantamugramūtaye samatsu ghnantam vṛtrāṇi saṃjitam dhanānām ǁ
Padapatha Devanagari Accented
शु॒नम् । हु॒वे॒म॒ । म॒घऽवा॑नम् । इन्द्र॑म् । अ॒स्मिन् । भरे॑ । नृऽत॑मम् । वाज॑ऽसातौ ।
शृ॒ण्वन्त॑म् । उ॒ग्रम् । ऊ॒तये॑ । स॒मत्ऽसु॑ । घ्नन्त॑म् । वृ॒त्राणि॑ । स॒म्ऽजित॑म् । धना॑नाम् ॥
Padapatha Devanagari Nonaccented
शुनम् । हुवेम । मघऽवानम् । इन्द्रम् । अस्मिन् । भरे । नृऽतमम् । वाजऽसातौ ।
शृण्वन्तम् । उग्रम् । ऊतये । समत्ऽसु । घ्नन्तम् । वृत्राणि । सम्ऽजितम् । धनानाम् ॥
Padapatha Transcription Accented
śunám ǀ huvema ǀ maghá-vānam ǀ índram ǀ asmín ǀ bháre ǀ nṛ́-tamam ǀ vā́ja-sātau ǀ
śṛṇvántam ǀ ugrám ǀ ūtáye ǀ samát-su ǀ ghnántam ǀ vṛtrā́ṇi ǀ sam-jítam ǀ dhánānām ǁ
Padapatha Transcription Nonaccented
śunam ǀ huvema ǀ magha-vānam ǀ indram ǀ asmin ǀ bhare ǀ nṛ-tamam ǀ vāja-sātau ǀ
śṛṇvantam ǀ ugram ǀ ūtaye ǀ samat-su ǀ ghnantam ǀ vṛtrāṇi ǀ sam-jitam ǀ dhanānām ǁ