|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 3
Sūkta 43
|
1. Info |
| To: | indra | |
| From: | viśvāmitra gāthina | |
| Metres: | 1st set of styles: nicṛttriṣṭup (2, 4, 6); virāṭpaṅkti (1, 3); triṣṭup (7, 8); bhuriktriṣṭup (5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
03.043.01 (Mandala. Sukta. Rik)
3.3.07.01 (Ashtaka. Adhyaya. Varga. Rik)
03.04.037 (Mandala. Anuvāka. Rik)
Samhita Devanagari Accented
आ या॑ह्य॒र्वाङुप॑ वंधुरे॒ष्ठास्तवेदनु॑ प्र॒दिवः॑ सोम॒पेयं॑ ।
प्रि॒या सखा॑या॒ वि मु॒चोप॑ ब॒र्हिस्त्वामि॒मे ह॑व्य॒वाहो॑ हवंते ॥
Samhita Devanagari Nonaccented
आ याह्यर्वाङुप वंधुरेष्ठास्तवेदनु प्रदिवः सोमपेयं ।
प्रिया सखाया वि मुचोप बर्हिस्त्वामिमे हव्यवाहो हवंते ॥
Samhita Transcription Accented
ā́ yāhyarvā́ṅúpa vandhureṣṭhā́stávédánu pradívaḥ somapéyam ǀ
priyā́ sákhāyā ví mucópa barhístvā́mimé havyavā́ho havante ǁ
Samhita Transcription Nonaccented
ā yāhyarvāṅupa vandhureṣṭhāstavedanu pradivaḥ somapeyam ǀ
priyā sakhāyā vi mucopa barhistvāmime havyavāho havante ǁ
Padapatha Devanagari Accented
आ । या॒हि॒ । अ॒र्वाङ् । उप॑ । व॒न्धु॒रे॒ऽस्थाः । तव॑ । इत् । अनु॑ । प्र॒ऽदिवः॑ । सो॒म॒ऽपेय॑म् ।
प्रि॒या । सखा॑या । वि । मु॒च॒ । उप॑ । ब॒र्हिः । त्वाम् । इ॒मे । ह॒व्य॒ऽवाहः॑ । ह॒व॒न्ते॒ ॥
Padapatha Devanagari Nonaccented
आ । याहि । अर्वाङ् । उप । वन्धुरेऽस्थाः । तव । इत् । अनु । प्रऽदिवः । सोमऽपेयम् ।
प्रिया । सखाया । वि । मुच । उप । बर्हिः । त्वाम् । इमे । हव्यऽवाहः । हवन्ते ॥
Padapatha Transcription Accented
ā́ ǀ yāhi ǀ arvā́ṅ ǀ úpa ǀ vandhure-sthā́ḥ ǀ táva ǀ ít ǀ ánu ǀ pra-dívaḥ ǀ soma-péyam ǀ
priyā́ ǀ sákhāyā ǀ ví ǀ muca ǀ úpa ǀ barhíḥ ǀ tvā́m ǀ imé ǀ havya-vā́haḥ ǀ havante ǁ
Padapatha Transcription Nonaccented
ā ǀ yāhi ǀ arvāṅ ǀ upa ǀ vandhure-sthāḥ ǀ tava ǀ it ǀ anu ǀ pra-divaḥ ǀ soma-peyam ǀ
priyā ǀ sakhāyā ǀ vi ǀ muca ǀ upa ǀ barhiḥ ǀ tvām ǀ ime ǀ havya-vāhaḥ ǀ havante ǁ
03.043.02 (Mandala. Sukta. Rik)
3.3.07.02 (Ashtaka. Adhyaya. Varga. Rik)
03.04.038 (Mandala. Anuvāka. Rik)
Samhita Devanagari Accented
आ या॑हि पू॒र्वीरति॑ चर्ष॒णीराँ अ॒र्य आ॒शिष॒ उप॑ नो॒ हरि॑भ्यां ।
इ॒मा हि त्वा॑ म॒तयः॒ स्तोम॑तष्टा॒ इंद्र॒ हवं॑ते स॒ख्यं जु॑षा॒णाः ॥
Samhita Devanagari Nonaccented
आ याहि पूर्वीरति चर्षणीराँ अर्य आशिष उप नो हरिभ्यां ।
इमा हि त्वा मतयः स्तोमतष्टा इंद्र हवंते सख्यं जुषाणाः ॥
Samhita Transcription Accented
ā́ yāhi pūrvī́ráti carṣaṇī́rā́m̐ aryá āśíṣa úpa no háribhyām ǀ
imā́ hí tvā matáyaḥ stómataṣṭā índra hávante sakhyám juṣāṇā́ḥ ǁ
Samhita Transcription Nonaccented
ā yāhi pūrvīrati carṣaṇīrām̐ arya āśiṣa upa no haribhyām ǀ
imā hi tvā matayaḥ stomataṣṭā indra havante sakhyam juṣāṇāḥ ǁ
Padapatha Devanagari Accented
आ । या॒हि॒ । पू॒र्वीः । अति॑ । च॒र्ष॒णीः । आ । अ॒र्यः । आ॒ऽशिषः॑ । उप॑ । नः॒ । हरि॑ऽभ्याम् ।
इ॒माः । हि । त्वा॒ । म॒तयः॑ । स्तोम॑ऽतष्टाः । इन्द्र॑ । हव॑न्ते । स॒ख्यम् । जु॒षा॒णाः ॥
Padapatha Devanagari Nonaccented
आ । याहि । पूर्वीः । अति । चर्षणीः । आ । अर्यः । आऽशिषः । उप । नः । हरिऽभ्याम् ।
इमाः । हि । त्वा । मतयः । स्तोमऽतष्टाः । इन्द्र । हवन्ते । सख्यम् । जुषाणाः ॥
Padapatha Transcription Accented
ā́ ǀ yāhi ǀ pūrvī́ḥ ǀ áti ǀ carṣaṇī́ḥ ǀ ā́ ǀ aryáḥ ǀ ā-śíṣaḥ ǀ úpa ǀ naḥ ǀ hári-bhyām ǀ
imā́ḥ ǀ hí ǀ tvā ǀ matáyaḥ ǀ stóma-taṣṭāḥ ǀ índra ǀ hávante ǀ sakhyám ǀ juṣāṇā́ḥ ǁ
Padapatha Transcription Nonaccented
ā ǀ yāhi ǀ pūrvīḥ ǀ ati ǀ carṣaṇīḥ ǀ ā ǀ aryaḥ ǀ ā-śiṣaḥ ǀ upa ǀ naḥ ǀ hari-bhyām ǀ
imāḥ ǀ hi ǀ tvā ǀ matayaḥ ǀ stoma-taṣṭāḥ ǀ indra ǀ havante ǀ sakhyam ǀ juṣāṇāḥ ǁ
03.043.03 (Mandala. Sukta. Rik)
3.3.07.03 (Ashtaka. Adhyaya. Varga. Rik)
03.04.039 (Mandala. Anuvāka. Rik)
Samhita Devanagari Accented
आ नो॑ य॒ज्ञं न॑मो॒वृधं॑ स॒जोषा॒ इंद्र॑ देव॒ हरि॑भिर्याहि॒ तूयं॑ ।
अ॒हं हि त्वा॑ म॒तिभि॒र्जोह॑वीमि घृ॒तप्र॑याः सध॒मादे॒ मधू॑नां ॥
Samhita Devanagari Nonaccented
आ नो यज्ञं नमोवृधं सजोषा इंद्र देव हरिभिर्याहि तूयं ।
अहं हि त्वा मतिभिर्जोहवीमि घृतप्रयाः सधमादे मधूनां ॥
Samhita Transcription Accented
ā́ no yajñám namovṛ́dham sajóṣā índra deva háribhiryāhi tū́yam ǀ
ahám hí tvā matíbhirjóhavīmi ghṛtáprayāḥ sadhamā́de mádhūnām ǁ
Samhita Transcription Nonaccented
ā no yajñam namovṛdham sajoṣā indra deva haribhiryāhi tūyam ǀ
aham hi tvā matibhirjohavīmi ghṛtaprayāḥ sadhamāde madhūnām ǁ
Padapatha Devanagari Accented
आ । नः॒ । य॒ज्ञम् । न॒मः॒ऽवृध॑म् । स॒ऽजोषाः॑ । इन्द्र॑ । दे॒व॒ । हरि॑ऽभिः । या॒हि॒ । तूय॑म् ।
अ॒हम् । हि । त्वा॒ । म॒तिऽभिः॑ । जोह॑वीमि । घृ॒तऽप्र॑याः । स॒ध॒ऽमादे॑ । मधू॑नाम् ॥
Padapatha Devanagari Nonaccented
आ । नः । यज्ञम् । नमःऽवृधम् । सऽजोषाः । इन्द्र । देव । हरिऽभिः । याहि । तूयम् ।
अहम् । हि । त्वा । मतिऽभिः । जोहवीमि । घृतऽप्रयाः । सधऽमादे । मधूनाम् ॥
Padapatha Transcription Accented
ā́ ǀ naḥ ǀ yajñám ǀ namaḥ-vṛ́dham ǀ sa-jóṣāḥ ǀ índra ǀ deva ǀ hári-bhiḥ ǀ yāhi ǀ tū́yam ǀ
ahám ǀ hí ǀ tvā ǀ matí-bhiḥ ǀ jóhavīmi ǀ ghṛtá-prayāḥ ǀ sadha-mā́de ǀ mádhūnām ǁ
Padapatha Transcription Nonaccented
ā ǀ naḥ ǀ yajñam ǀ namaḥ-vṛdham ǀ sa-joṣāḥ ǀ indra ǀ deva ǀ hari-bhiḥ ǀ yāhi ǀ tūyam ǀ
aham ǀ hi ǀ tvā ǀ mati-bhiḥ ǀ johavīmi ǀ ghṛta-prayāḥ ǀ sadha-māde ǀ madhūnām ǁ
03.043.04 (Mandala. Sukta. Rik)
3.3.07.04 (Ashtaka. Adhyaya. Varga. Rik)
03.04.040 (Mandala. Anuvāka. Rik)
Samhita Devanagari Accented
आ च॒ त्वामे॒ता वृष॑णा॒ वहा॑तो॒ हरी॒ सखा॑या सु॒धुरा॒ स्वंगा॑ ।
धा॒नाव॒दिंद्रः॒ सव॑नं जुषा॒णः सखा॒ सख्युः॑ शृणव॒द्वंद॑नानि ॥
Samhita Devanagari Nonaccented
आ च त्वामेता वृषणा वहातो हरी सखाया सुधुरा स्वंगा ।
धानावदिंद्रः सवनं जुषाणः सखा सख्युः शृणवद्वंदनानि ॥
Samhita Transcription Accented
ā́ ca tvā́metā́ vṛ́ṣaṇā váhāto hárī sákhāyā sudhúrā sváṅgā ǀ
dhānā́vadíndraḥ sávanam juṣāṇáḥ sákhā sákhyuḥ śṛṇavadvándanāni ǁ
Samhita Transcription Nonaccented
ā ca tvāmetā vṛṣaṇā vahāto harī sakhāyā sudhurā svaṅgā ǀ
dhānāvadindraḥ savanam juṣāṇaḥ sakhā sakhyuḥ śṛṇavadvandanāni ǁ
Padapatha Devanagari Accented
आ । च॒ । त्वाम् । ए॒ता । वृष॑णा । वहा॑तः । हरी॒ इति॑ । सखा॑या । सु॒ऽधुरा॑ । सु॒ऽअङ्गा॑ ।
धा॒नाऽव॑त् । इन्द्रः॑ । सव॑नम् । जु॒षा॒णः । सखा॑ । सख्युः॑ । शृ॒ण॒व॒त् । वन्द॑नानि ॥
Padapatha Devanagari Nonaccented
आ । च । त्वाम् । एता । वृषणा । वहातः । हरी इति । सखाया । सुऽधुरा । सुऽअङ्गा ।
धानाऽवत् । इन्द्रः । सवनम् । जुषाणः । सखा । सख्युः । शृणवत् । वन्दनानि ॥
Padapatha Transcription Accented
ā́ ǀ ca ǀ tvā́m ǀ etā́ ǀ vṛ́ṣaṇā ǀ váhātaḥ ǀ hárī íti ǀ sákhāyā ǀ su-dhúrā ǀ su-áṅgā ǀ
dhānā́-vat ǀ índraḥ ǀ sávanam ǀ juṣāṇáḥ ǀ sákhā ǀ sákhyuḥ ǀ śṛṇavat ǀ vándanāni ǁ
Padapatha Transcription Nonaccented
ā ǀ ca ǀ tvām ǀ etā ǀ vṛṣaṇā ǀ vahātaḥ ǀ harī iti ǀ sakhāyā ǀ su-dhurā ǀ su-aṅgā ǀ
dhānā-vat ǀ indraḥ ǀ savanam ǀ juṣāṇaḥ ǀ sakhā ǀ sakhyuḥ ǀ śṛṇavat ǀ vandanāni ǁ
03.043.05 (Mandala. Sukta. Rik)
3.3.07.05 (Ashtaka. Adhyaya. Varga. Rik)
03.04.041 (Mandala. Anuvāka. Rik)
Samhita Devanagari Accented
कु॒विन्मा॑ गो॒पां कर॑से॒ जन॑स्य कु॒विद्राजा॑नं मघवन्नृजीषिन् ।
कु॒विन्म॒ ऋषिं॑ पपि॒वांसं॑ सु॒तस्य॑ कु॒विन्मे॒ वस्वो॑ अ॒मृत॑स्य॒ शिक्षाः॑ ॥
Samhita Devanagari Nonaccented
कुविन्मा गोपां करसे जनस्य कुविद्राजानं मघवन्नृजीषिन् ।
कुविन्म ऋषिं पपिवांसं सुतस्य कुविन्मे वस्वो अमृतस्य शिक्षाः ॥
Samhita Transcription Accented
kuvínmā gopā́m kárase jánasya kuvídrā́jānam maghavannṛjīṣin ǀ
kuvínma ṛ́ṣim papivā́ṃsam sutásya kuvínme vásvo amṛ́tasya śíkṣāḥ ǁ
Samhita Transcription Nonaccented
kuvinmā gopām karase janasya kuvidrājānam maghavannṛjīṣin ǀ
kuvinma ṛṣim papivāṃsam sutasya kuvinme vasvo amṛtasya śikṣāḥ ǁ
Padapatha Devanagari Accented
कु॒वित् । मा॒ । गो॒पाम् । कर॑से । जन॑स्य । कु॒वित् । राजा॑नम् । म॒घ॒ऽव॒न् । ऋ॒जी॒षि॒न् ।
कु॒वित् । मा॒ । ऋषि॑म् । प॒पि॒ऽवांस॑म् । सु॒तस्य॑ । कु॒वित् । मे॒ । वस्वः॑ । अ॒मृत॑स्य । शिक्षाः॑ ॥
Padapatha Devanagari Nonaccented
कुवित् । मा । गोपाम् । करसे । जनस्य । कुवित् । राजानम् । मघऽवन् । ऋजीषिन् ।
कुवित् । मा । ऋषिम् । पपिऽवांसम् । सुतस्य । कुवित् । मे । वस्वः । अमृतस्य । शिक्षाः ॥
Padapatha Transcription Accented
kuvít ǀ mā ǀ gopā́m ǀ kárase ǀ jánasya ǀ kuvít ǀ rā́jānam ǀ magha-van ǀ ṛjīṣin ǀ
kuvít ǀ mā ǀ ṛ́ṣim ǀ papi-vā́ṃsam ǀ sutásya ǀ kuvít ǀ me ǀ vásvaḥ ǀ amṛ́tasya ǀ śíkṣāḥ ǁ
Padapatha Transcription Nonaccented
kuvit ǀ mā ǀ gopām ǀ karase ǀ janasya ǀ kuvit ǀ rājānam ǀ magha-van ǀ ṛjīṣin ǀ
kuvit ǀ mā ǀ ṛṣim ǀ papi-vāṃsam ǀ sutasya ǀ kuvit ǀ me ǀ vasvaḥ ǀ amṛtasya ǀ śikṣāḥ ǁ
03.043.06 (Mandala. Sukta. Rik)
3.3.07.06 (Ashtaka. Adhyaya. Varga. Rik)
03.04.042 (Mandala. Anuvāka. Rik)
Samhita Devanagari Accented
आ त्वा॑ बृ॒हंतो॒ हर॑यो युजा॒ना अ॒र्वागिं॑द्र सध॒मादो॑ वहंतु ।
प्र ये द्वि॒ता दि॒व ऋं॒जंत्याताः॒ सुस॑म्मृष्टासो वृष॒भस्य॑ मू॒राः ॥
Samhita Devanagari Nonaccented
आ त्वा बृहंतो हरयो युजाना अर्वागिंद्र सधमादो वहंतु ।
प्र ये द्विता दिव ऋंजंत्याताः सुसम्मृष्टासो वृषभस्य मूराः ॥
Samhita Transcription Accented
ā́ tvā bṛhánto hárayo yujānā́ arvā́gindra sadhamā́do vahantu ǀ
prá yé dvitā́ divá ṛñjántyā́tāḥ súsammṛṣṭāso vṛṣabhásya mūrā́ḥ ǁ
Samhita Transcription Nonaccented
ā tvā bṛhanto harayo yujānā arvāgindra sadhamādo vahantu ǀ
pra ye dvitā diva ṛñjantyātāḥ susammṛṣṭāso vṛṣabhasya mūrāḥ ǁ
Padapatha Devanagari Accented
आ । त्वा॒ । बृ॒हन्तः॑ । हर॑यः । यु॒जा॒नाः । अ॒र्वाक् । इ॒न्द्र॒ । स॒ध॒ऽमादः॑ । व॒ह॒न्तु॒ ।
प्र । ये । द्वि॒ता । दि॒वः । ऋ॒ञ्जन्ति॑ । आताः॑ । सुऽस॑म्मृष्टासः । वृ॒ष॒भस्य॑ । मू॒राः ॥
Padapatha Devanagari Nonaccented
आ । त्वा । बृहन्तः । हरयः । युजानाः । अर्वाक् । इन्द्र । सधऽमादः । वहन्तु ।
प्र । ये । द्विता । दिवः । ऋञ्जन्ति । आताः । सुऽसम्मृष्टासः । वृषभस्य । मूराः ॥
Padapatha Transcription Accented
ā́ ǀ tvā ǀ bṛhántaḥ ǀ hárayaḥ ǀ yujānā́ḥ ǀ arvā́k ǀ indra ǀ sadha-mā́daḥ ǀ vahantu ǀ
prá ǀ yé ǀ dvitā́ ǀ diváḥ ǀ ṛñjánti ǀ ā́tāḥ ǀ sú-sammṛṣṭāsaḥ ǀ vṛṣabhásya ǀ mūrā́ḥ ǁ
Padapatha Transcription Nonaccented
ā ǀ tvā ǀ bṛhantaḥ ǀ harayaḥ ǀ yujānāḥ ǀ arvāk ǀ indra ǀ sadha-mādaḥ ǀ vahantu ǀ
pra ǀ ye ǀ dvitā ǀ divaḥ ǀ ṛñjanti ǀ ātāḥ ǀ su-sammṛṣṭāsaḥ ǀ vṛṣabhasya ǀ mūrāḥ ǁ
03.043.07 (Mandala. Sukta. Rik)
3.3.07.07 (Ashtaka. Adhyaya. Varga. Rik)
03.04.043 (Mandala. Anuvāka. Rik)
Samhita Devanagari Accented
इंद्र॒ पिब॒ वृष॑धूतस्य॒ वृष्ण॒ आ यं ते॑ श्ये॒न उ॑श॒ते ज॒भार॑ ।
यस्य॒ मदे॑ च्या॒वय॑सि॒ प्र कृ॒ष्टीर्यस्य॒ मदे॒ अप॑ गो॒त्रा व॒वर्थ॑ ॥
Samhita Devanagari Nonaccented
इंद्र पिब वृषधूतस्य वृष्ण आ यं ते श्येन उशते जभार ।
यस्य मदे च्यावयसि प्र कृष्टीर्यस्य मदे अप गोत्रा ववर्थ ॥
Samhita Transcription Accented
índra píba vṛ́ṣadhūtasya vṛ́ṣṇa ā́ yám te śyená uśaté jabhā́ra ǀ
yásya máde cyāváyasi prá kṛṣṭī́ryásya máde ápa gotrā́ vavártha ǁ
Samhita Transcription Nonaccented
indra piba vṛṣadhūtasya vṛṣṇa ā yam te śyena uśate jabhāra ǀ
yasya made cyāvayasi pra kṛṣṭīryasya made apa gotrā vavartha ǁ
Padapatha Devanagari Accented
इन्द्र॑ । पिब॑ । वृष॑ऽधूतस्य । वृष्णः॑ । आ । यम् । ते॒ । श्ये॒नः । उ॒श॒ते । ज॒भार॑ ।
यस्य॑ । मदे॑ । च्य॒वय॑सि । प्र । कृ॒ष्टीः । यस्य॑ । मदे॑ । अप॑ । गो॒त्रा । व॒वर्थ॑ ॥
Padapatha Devanagari Nonaccented
इन्द्र । पिब । वृषऽधूतस्य । वृष्णः । आ । यम् । ते । श्येनः । उशते । जभार ।
यस्य । मदे । च्यवयसि । प्र । कृष्टीः । यस्य । मदे । अप । गोत्रा । ववर्थ ॥
Padapatha Transcription Accented
índra ǀ píba ǀ vṛ́ṣa-dhūtasya ǀ vṛ́ṣṇaḥ ǀ ā́ ǀ yám ǀ te ǀ śyenáḥ ǀ uśaté ǀ jabhā́ra ǀ
yásya ǀ máde ǀ cyaváyasi ǀ prá ǀ kṛṣṭī́ḥ ǀ yásya ǀ máde ǀ ápa ǀ gotrā́ ǀ vavártha ǁ
Padapatha Transcription Nonaccented
indra ǀ piba ǀ vṛṣa-dhūtasya ǀ vṛṣṇaḥ ǀ ā ǀ yam ǀ te ǀ śyenaḥ ǀ uśate ǀ jabhāra ǀ
yasya ǀ made ǀ cyavayasi ǀ pra ǀ kṛṣṭīḥ ǀ yasya ǀ made ǀ apa ǀ gotrā ǀ vavartha ǁ
03.043.08 (Mandala. Sukta. Rik)
3.3.07.08 (Ashtaka. Adhyaya. Varga. Rik)
03.04.044 (Mandala. Anuvāka. Rik)
Samhita Devanagari Accented
शु॒नं हु॑वेम म॒घवा॑न॒मिंद्र॑म॒स्मिन्भरे॒ नृत॑मं॒ वाज॑सातौ ।
शृ॒ण्वंत॑मु॒ग्रमू॒तये॑ स॒मत्सु॒ घ्नंतं॑ वृ॒त्राणि॑ सं॒जितं॒ धना॑नां ॥
Samhita Devanagari Nonaccented
शुनं हुवेम मघवानमिंद्रमस्मिन्भरे नृतमं वाजसातौ ।
शृण्वंतमुग्रमूतये समत्सु घ्नंतं वृत्राणि संजितं धनानां ॥
Samhita Transcription Accented
śunám huvema maghávānamíndramasmínbháre nṛ́tamam vā́jasātau ǀ
śṛṇvántamugrámūtáye samátsu ghnántam vṛtrā́ṇi saṃjítam dhánānām ǁ
Samhita Transcription Nonaccented
śunam huvema maghavānamindramasminbhare nṛtamam vājasātau ǀ
śṛṇvantamugramūtaye samatsu ghnantam vṛtrāṇi saṃjitam dhanānām ǁ
Padapatha Devanagari Accented
शु॒नम् । हु॒वे॒म॒ । म॒घऽवा॑नम् । इन्द्र॑म् । अ॒स्मिन् । भरे॑ । नृऽत॑मम् । वाज॑ऽसातौ ।
शृ॒ण्वन्त॑म् । उ॒ग्रम् । ऊ॒तये॑ । स॒मत्ऽसु॑ । घ्नन्त॑म् । वृ॒त्राणि॑ । स॒म्ऽजित॑म् । धना॑नाम् ॥
Padapatha Devanagari Nonaccented
शुनम् । हुवेम । मघऽवानम् । इन्द्रम् । अस्मिन् । भरे । नृऽतमम् । वाजऽसातौ ।
शृण्वन्तम् । उग्रम् । ऊतये । समत्ऽसु । घ्नन्तम् । वृत्राणि । सम्ऽजितम् । धनानाम् ॥
Padapatha Transcription Accented
śunám ǀ huvema ǀ maghá-vānam ǀ índram ǀ asmín ǀ bháre ǀ nṛ́-tamam ǀ vā́ja-sātau ǀ
śṛṇvántam ǀ ugrám ǀ ūtáye ǀ samát-su ǀ ghnántam ǀ vṛtrā́ṇi ǀ sam-jítam ǀ dhánānām ǁ
Padapatha Transcription Nonaccented
śunam ǀ huvema ǀ magha-vānam ǀ indram ǀ asmin ǀ bhare ǀ nṛ-tamam ǀ vāja-sātau ǀ
śṛṇvantam ǀ ugram ǀ ūtaye ǀ samat-su ǀ ghnantam ǀ vṛtrāṇi ǀ sam-jitam ǀ dhanānām ǁ