|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 3
Sūkta 44
|
1. Info |
| To: | indra | |
| From: | viśvāmitra gāthina | |
| Metres: | 1st set of styles: nicṛdbṛhatī (1, 2); bṛhatī (3, 5); svarāḍanuṣṭup (4) 2nd set of styles: bṛhatī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
03.044.01 (Mandala. Sukta. Rik)
3.3.08.01 (Ashtaka. Adhyaya. Varga. Rik)
03.04.045 (Mandala. Anuvāka. Rik)
Samhita Devanagari Accented
अ॒यं ते॑ अस्तु हर्य॒तः सोम॒ आ हरि॑भिः सु॒तः ।
जु॒षा॒ण इं॑द्र॒ हरि॑भिर्न॒ आ ग॒ह्या ति॑ष्ठ॒ हरि॑तं॒ रथं॑ ॥
Samhita Devanagari Nonaccented
अयं ते अस्तु हर्यतः सोम आ हरिभिः सुतः ।
जुषाण इंद्र हरिभिर्न आ गह्या तिष्ठ हरितं रथं ॥
Samhita Transcription Accented
ayám te astu haryatáḥ sóma ā́ háribhiḥ sutáḥ ǀ
juṣāṇá indra háribhirna ā́ gahyā́ tiṣṭha háritam rátham ǁ
Samhita Transcription Nonaccented
ayam te astu haryataḥ soma ā haribhiḥ sutaḥ ǀ
juṣāṇa indra haribhirna ā gahyā tiṣṭha haritam ratham ǁ
Padapatha Devanagari Accented
अ॒यम् । ते॒ । अ॒स्तु॒ । ह॒र्य॒तः । सोमः॑ । आ । हरि॑ऽभिः । सु॒तः ।
जु॒षा॒णः । इ॒न्द्र॒ । हरि॑ऽभिः । नः॒ । आ । ग॒हि॒ । आ । ति॒ष्ठ॒ । हरि॑तम् । रथ॑म् ॥
Padapatha Devanagari Nonaccented
अयम् । ते । अस्तु । हर्यतः । सोमः । आ । हरिऽभिः । सुतः ।
जुषाणः । इन्द्र । हरिऽभिः । नः । आ । गहि । आ । तिष्ठ । हरितम् । रथम् ॥
Padapatha Transcription Accented
ayám ǀ te ǀ astu ǀ haryatáḥ ǀ sómaḥ ǀ ā́ ǀ hári-bhiḥ ǀ sutáḥ ǀ
juṣāṇáḥ ǀ indra ǀ hári-bhiḥ ǀ naḥ ǀ ā́ ǀ gahi ǀ ā́ ǀ tiṣṭha ǀ háritam ǀ rátham ǁ
Padapatha Transcription Nonaccented
ayam ǀ te ǀ astu ǀ haryataḥ ǀ somaḥ ǀ ā ǀ hari-bhiḥ ǀ sutaḥ ǀ
juṣāṇaḥ ǀ indra ǀ hari-bhiḥ ǀ naḥ ǀ ā ǀ gahi ǀ ā ǀ tiṣṭha ǀ haritam ǀ ratham ǁ
03.044.02 (Mandala. Sukta. Rik)
3.3.08.02 (Ashtaka. Adhyaya. Varga. Rik)
03.04.046 (Mandala. Anuvāka. Rik)
Samhita Devanagari Accented
ह॒र्यन्नु॒षस॑मर्चयः॒ सूर्यं॑ ह॒र्यन्न॑रोचयः ।
वि॒द्वांश्चि॑कि॒त्वान्ह॑र्यश्व वर्धस॒ इंद्र॒ विश्वा॑ अ॒भि श्रियः॑ ॥
Samhita Devanagari Nonaccented
हर्यन्नुषसमर्चयः सूर्यं हर्यन्नरोचयः ।
विद्वांश्चिकित्वान्हर्यश्व वर्धस इंद्र विश्वा अभि श्रियः ॥
Samhita Transcription Accented
haryánnuṣásamarcayaḥ sū́ryam haryánnarocayaḥ ǀ
vidvā́ṃścikitvā́nharyaśva vardhasa índra víśvā abhí śríyaḥ ǁ
Samhita Transcription Nonaccented
haryannuṣasamarcayaḥ sūryam haryannarocayaḥ ǀ
vidvāṃścikitvānharyaśva vardhasa indra viśvā abhi śriyaḥ ǁ
Padapatha Devanagari Accented
ह॒र्यन् । उ॒षस॑म् । अ॒र्च॒यः॒ । सूर्य॑म् । ह॒र्यन् । अ॒रो॒च॒यः॒ ।
वि॒द्वान् । चि॒कि॒त्वान् । ह॒रि॒ऽअ॒श्व॒ । व॒र्ध॒से॒ । इन्द्र॑ । विश्वा॑ । अ॒भि । श्रियः॑ ॥
Padapatha Devanagari Nonaccented
हर्यन् । उषसम् । अर्चयः । सूर्यम् । हर्यन् । अरोचयः ।
विद्वान् । चिकित्वान् । हरिऽअश्व । वर्धसे । इन्द्र । विश्वा । अभि । श्रियः ॥
Padapatha Transcription Accented
haryán ǀ uṣásam ǀ arcayaḥ ǀ sū́ryam ǀ haryán ǀ arocayaḥ ǀ
vidvā́n ǀ cikitvā́n ǀ hari-aśva ǀ vardhase ǀ índra ǀ víśvā ǀ abhí ǀ śríyaḥ ǁ
Padapatha Transcription Nonaccented
haryan ǀ uṣasam ǀ arcayaḥ ǀ sūryam ǀ haryan ǀ arocayaḥ ǀ
vidvān ǀ cikitvān ǀ hari-aśva ǀ vardhase ǀ indra ǀ viśvā ǀ abhi ǀ śriyaḥ ǁ
03.044.03 (Mandala. Sukta. Rik)
3.3.08.03 (Ashtaka. Adhyaya. Varga. Rik)
03.04.047 (Mandala. Anuvāka. Rik)
Samhita Devanagari Accented
द्यामिंद्रो॒ हरि॑धायसं पृथि॒वीं हरि॑वर्पसं ।
अधा॑रयद्ध॒रितो॒र्भूरि॒ भोज॑नं॒ ययो॑रं॒तर्हरि॒श्चर॑त् ॥
Samhita Devanagari Nonaccented
द्यामिंद्रो हरिधायसं पृथिवीं हरिवर्पसं ।
अधारयद्धरितोर्भूरि भोजनं ययोरंतर्हरिश्चरत् ॥
Samhita Transcription Accented
dyā́míndro háridhāyasam pṛthivī́m hárivarpasam ǀ
ádhārayaddharítorbhū́ri bhójanam yáyorantárháriścárat ǁ
Samhita Transcription Nonaccented
dyāmindro haridhāyasam pṛthivīm harivarpasam ǀ
adhārayaddharitorbhūri bhojanam yayorantarhariścarat ǁ
Padapatha Devanagari Accented
द्याम् । इन्द्रः॑ । हरि॑ऽधायसम् । पृ॒थि॒वीम् । हरि॑ऽवर्पसम् ।
अधा॑रयत् । ह॒रितोः॑ । भूरि॑ । भोज॑नम् । ययोः॑ । अ॒न्तः । हरिः॑ । चर॑त् ॥
Padapatha Devanagari Nonaccented
द्याम् । इन्द्रः । हरिऽधायसम् । पृथिवीम् । हरिऽवर्पसम् ।
अधारयत् । हरितोः । भूरि । भोजनम् । ययोः । अन्तः । हरिः । चरत् ॥
Padapatha Transcription Accented
dyā́m ǀ índraḥ ǀ hári-dhāyasam ǀ pṛthivī́m ǀ hári-varpasam ǀ
ádhārayat ǀ harítoḥ ǀ bhū́ri ǀ bhójanam ǀ yáyoḥ ǀ antáḥ ǀ háriḥ ǀ cárat ǁ
Padapatha Transcription Nonaccented
dyām ǀ indraḥ ǀ hari-dhāyasam ǀ pṛthivīm ǀ hari-varpasam ǀ
adhārayat ǀ haritoḥ ǀ bhūri ǀ bhojanam ǀ yayoḥ ǀ antaḥ ǀ hariḥ ǀ carat ǁ
03.044.04 (Mandala. Sukta. Rik)
3.3.08.04 (Ashtaka. Adhyaya. Varga. Rik)
03.04.048 (Mandala. Anuvāka. Rik)
Samhita Devanagari Accented
ज॒ज्ञा॒नो हरि॑तो॒ वृषा॒ विश्व॒मा भा॑ति रोच॒नं ।
हर्य॑श्वो॒ हरि॑तं धत्त॒ आयु॑ध॒मा वज्रं॑ बा॒ह्वोर्हरिं॑ ॥
Samhita Devanagari Nonaccented
जज्ञानो हरितो वृषा विश्वमा भाति रोचनं ।
हर्यश्वो हरितं धत्त आयुधमा वज्रं बाह्वोर्हरिं ॥
Samhita Transcription Accented
jajñānó hárito vṛ́ṣā víśvamā́ bhāti rocanám ǀ
háryaśvo háritam dhatta ā́yudhamā́ vájram bāhvórhárim ǁ
Samhita Transcription Nonaccented
jajñāno harito vṛṣā viśvamā bhāti rocanam ǀ
haryaśvo haritam dhatta āyudhamā vajram bāhvorharim ǁ
Padapatha Devanagari Accented
ज॒ज्ञा॒नः । हरि॑तः । वृषा॑ । विश्व॑म् । आ । भा॒ति॒ । रो॒च॒नम् ।
हरि॑ऽअश्वः । हरि॑तम् । ध॒त्ते॒ । आयु॑धम् । आ । वज्र॑म् । बा॒ह्वोः । हरि॑म् ॥
Padapatha Devanagari Nonaccented
जज्ञानः । हरितः । वृषा । विश्वम् । आ । भाति । रोचनम् ।
हरिऽअश्वः । हरितम् । धत्ते । आयुधम् । आ । वज्रम् । बाह्वोः । हरिम् ॥
Padapatha Transcription Accented
jajñānáḥ ǀ háritaḥ ǀ vṛ́ṣā ǀ víśvam ǀ ā́ ǀ bhāti ǀ rocanám ǀ
hári-aśvaḥ ǀ háritam ǀ dhatte ǀ ā́yudham ǀ ā́ ǀ vájram ǀ bāhvóḥ ǀ hárim ǁ
Padapatha Transcription Nonaccented
jajñānaḥ ǀ haritaḥ ǀ vṛṣā ǀ viśvam ǀ ā ǀ bhāti ǀ rocanam ǀ
hari-aśvaḥ ǀ haritam ǀ dhatte ǀ āyudham ǀ ā ǀ vajram ǀ bāhvoḥ ǀ harim ǁ
03.044.05 (Mandala. Sukta. Rik)
3.3.08.05 (Ashtaka. Adhyaya. Varga. Rik)
03.04.049 (Mandala. Anuvāka. Rik)
Samhita Devanagari Accented
इंद्रो॑ ह॒र्यंत॒मर्जु॑नं॒ वज्रं॑ शु॒क्रैर॒भीवृ॑तं ।
अपा॑वृणो॒द्धरि॑भि॒रद्रि॑भिः सु॒तमुद्गा हरि॑भिराजत ॥
Samhita Devanagari Nonaccented
इंद्रो हर्यंतमर्जुनं वज्रं शुक्रैरभीवृतं ।
अपावृणोद्धरिभिरद्रिभिः सुतमुद्गा हरिभिराजत ॥
Samhita Transcription Accented
índro haryántamárjunam vájram śukráirabhī́vṛtam ǀ
ápāvṛṇoddháribhirádribhiḥ sutámúdgā́ háribhirājata ǁ
Samhita Transcription Nonaccented
indro haryantamarjunam vajram śukrairabhīvṛtam ǀ
apāvṛṇoddharibhiradribhiḥ sutamudgā haribhirājata ǁ
Padapatha Devanagari Accented
इन्द्रः॑ । ह॒र्यन्त॑म् । अर्जु॑नम् । वज्र॑म् । शु॒क्रैः । अ॒भिऽवृ॑तम् ।
अप॑ । अ॒वृ॒णो॒त् । हरि॑ऽभिः । अद्रि॑ऽभिः । सु॒तम् । उत् । गाः । हरि॑ऽभिः । आ॒ज॒त॒ ॥
Padapatha Devanagari Nonaccented
इन्द्रः । हर्यन्तम् । अर्जुनम् । वज्रम् । शुक्रैः । अभिऽवृतम् ।
अप । अवृणोत् । हरिऽभिः । अद्रिऽभिः । सुतम् । उत् । गाः । हरिऽभिः । आजत ॥
Padapatha Transcription Accented
índraḥ ǀ haryántam ǀ árjunam ǀ vájram ǀ śukráiḥ ǀ abhí-vṛtam ǀ
ápa ǀ avṛṇot ǀ hári-bhiḥ ǀ ádri-bhiḥ ǀ sutám ǀ út ǀ gā́ḥ ǀ hári-bhiḥ ǀ ājata ǁ
Padapatha Transcription Nonaccented
indraḥ ǀ haryantam ǀ arjunam ǀ vajram ǀ śukraiḥ ǀ abhi-vṛtam ǀ
apa ǀ avṛṇot ǀ hari-bhiḥ ǀ adri-bhiḥ ǀ sutam ǀ ut ǀ gāḥ ǀ hari-bhiḥ ǀ ājata ǁ