|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 3
Sūkta 46
|
1. Info |
| To: | indra | |
| From: | viśvāmitra gāthina | |
| Metres: | 1st set of styles: nicṛttriṣṭup (2, 5); triṣṭup (3, 4); virāṭtrisṭup (1) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
03.046.01 (Mandala. Sukta. Rik)
3.3.10.01 (Ashtaka. Adhyaya. Varga. Rik)
03.04.055 (Mandala. Anuvāka. Rik)
Samhita Devanagari Accented
यु॒ध्मस्य॑ ते वृष॒भस्य॑ स्व॒राज॑ उ॒ग्रस्य॒ यूनः॒ स्थवि॑रस्य॒ घृष्वेः॑ ।
अजू॑र्यतो व॒ज्रिणो॑ वी॒र्या॒३॒॑णींद्र॑ श्रु॒तस्य॑ मह॒तो म॒हानि॑ ॥
Samhita Devanagari Nonaccented
युध्मस्य ते वृषभस्य स्वराज उग्रस्य यूनः स्थविरस्य घृष्वेः ।
अजूर्यतो वज्रिणो वीर्याणींद्र श्रुतस्य महतो महानि ॥
Samhita Transcription Accented
yudhmásya te vṛṣabhásya svarā́ja ugrásya yū́naḥ sthávirasya ghṛ́ṣveḥ ǀ
ájūryato vajríṇo vīryā́ṇī́ndra śrutásya maható mahā́ni ǁ
Samhita Transcription Nonaccented
yudhmasya te vṛṣabhasya svarāja ugrasya yūnaḥ sthavirasya ghṛṣveḥ ǀ
ajūryato vajriṇo vīryāṇīndra śrutasya mahato mahāni ǁ
Padapatha Devanagari Accented
यु॒ध्मस्य॑ । ते॒ । वृ॒ष॒भस्य॑ । स्व॒ऽराजः॑ । उ॒ग्रस्य॑ । यूनः॑ । स्थवि॑रस्य । घृष्वेः॑ ।
अजू॑र्यतः । व॒ज्रिणः॑ । वी॒र्या॑णि । इन्द्र॑ । श्रु॒तस्य॑ । म॒ह॒तः । म॒हानि॑ ॥
Padapatha Devanagari Nonaccented
युध्मस्य । ते । वृषभस्य । स्वऽराजः । उग्रस्य । यूनः । स्थविरस्य । घृष्वेः ।
अजूर्यतः । वज्रिणः । वीर्याणि । इन्द्र । श्रुतस्य । महतः । महानि ॥
Padapatha Transcription Accented
yudhmásya ǀ te ǀ vṛṣabhásya ǀ sva-rā́jaḥ ǀ ugrásya ǀ yū́naḥ ǀ sthávirasya ǀ ghṛ́ṣveḥ ǀ
ájūryataḥ ǀ vajríṇaḥ ǀ vīryā́ṇi ǀ índra ǀ śrutásya ǀ mahatáḥ ǀ mahā́ni ǁ
Padapatha Transcription Nonaccented
yudhmasya ǀ te ǀ vṛṣabhasya ǀ sva-rājaḥ ǀ ugrasya ǀ yūnaḥ ǀ sthavirasya ǀ ghṛṣveḥ ǀ
ajūryataḥ ǀ vajriṇaḥ ǀ vīryāṇi ǀ indra ǀ śrutasya ǀ mahataḥ ǀ mahāni ǁ
03.046.02 (Mandala. Sukta. Rik)
3.3.10.02 (Ashtaka. Adhyaya. Varga. Rik)
03.04.056 (Mandala. Anuvāka. Rik)
Samhita Devanagari Accented
म॒हाँ अ॑सि महिष॒ वृष्ण्ये॑भिर्धन॒स्पृदु॑ग्र॒ सह॑मानो अ॒न्यान् ।
एको॒ विश्व॑स्य॒ भुव॑नस्य॒ राजा॒ स यो॒धया॑ च क्ष॒यया॑ च॒ जना॑न् ॥
Samhita Devanagari Nonaccented
महाँ असि महिष वृष्ण्येभिर्धनस्पृदुग्र सहमानो अन्यान् ।
एको विश्वस्य भुवनस्य राजा स योधया च क्षयया च जनान् ॥
Samhita Transcription Accented
mahā́m̐ asi mahiṣa vṛ́ṣṇyebhirdhanaspṛ́dugra sáhamāno anyā́n ǀ
éko víśvasya bhúvanasya rā́jā sá yodháyā ca kṣayáyā ca jánān ǁ
Samhita Transcription Nonaccented
mahām̐ asi mahiṣa vṛṣṇyebhirdhanaspṛdugra sahamāno anyān ǀ
eko viśvasya bhuvanasya rājā sa yodhayā ca kṣayayā ca janān ǁ
Padapatha Devanagari Accented
म॒हान् । अ॒सि॒ । म॒हि॒ष॒ । वृष्ण्ये॑भिः । ध॒न॒ऽस्पृत् । उ॒ग्र॒ । सह॑मानः । अ॒न्यान् ।
एकः॑ । विश्व॑स्य । भुव॑नस्य । राजा॑ । सः । यो॒धया॑ । च॒ । क्ष॒यय॑ । च॒ । जना॑न् ॥
Padapatha Devanagari Nonaccented
महान् । असि । महिष । वृष्ण्येभिः । धनऽस्पृत् । उग्र । सहमानः । अन्यान् ।
एकः । विश्वस्य । भुवनस्य । राजा । सः । योधया । च । क्षयय । च । जनान् ॥
Padapatha Transcription Accented
mahā́n ǀ asi ǀ mahiṣa ǀ vṛ́ṣṇyebhiḥ ǀ dhana-spṛ́t ǀ ugra ǀ sáhamānaḥ ǀ anyā́n ǀ
ékaḥ ǀ víśvasya ǀ bhúvanasya ǀ rā́jā ǀ sáḥ ǀ yodháyā ǀ ca ǀ kṣayáya ǀ ca ǀ jánān ǁ
Padapatha Transcription Nonaccented
mahān ǀ asi ǀ mahiṣa ǀ vṛṣṇyebhiḥ ǀ dhana-spṛt ǀ ugra ǀ sahamānaḥ ǀ anyān ǀ
ekaḥ ǀ viśvasya ǀ bhuvanasya ǀ rājā ǀ saḥ ǀ yodhayā ǀ ca ǀ kṣayaya ǀ ca ǀ janān ǁ
03.046.03 (Mandala. Sukta. Rik)
3.3.10.03 (Ashtaka. Adhyaya. Varga. Rik)
03.04.057 (Mandala. Anuvāka. Rik)
Samhita Devanagari Accented
प्र मात्रा॑भी रिरिचे॒ रोच॑मानः॒ प्र दे॒वेभि॑र्वि॒श्वतो॒ अप्र॑तीतः ।
प्र म॒ज्मना॑ दि॒व इंद्रः॑ पृथि॒व्याः प्रोरोर्म॒हो अं॒तरि॑क्षादृजी॒षी ॥
Samhita Devanagari Nonaccented
प्र मात्राभी रिरिचे रोचमानः प्र देवेभिर्विश्वतो अप्रतीतः ।
प्र मज्मना दिव इंद्रः पृथिव्याः प्रोरोर्महो अंतरिक्षादृजीषी ॥
Samhita Transcription Accented
prá mā́trābhī ririce rócamānaḥ prá devébhirviśváto ápratītaḥ ǀ
prá majmánā divá índraḥ pṛthivyā́ḥ prórórmahó antárikṣādṛjīṣī́ ǁ
Samhita Transcription Nonaccented
pra mātrābhī ririce rocamānaḥ pra devebhirviśvato apratītaḥ ǀ
pra majmanā diva indraḥ pṛthivyāḥ prorormaho antarikṣādṛjīṣī ǁ
Padapatha Devanagari Accented
प्र । मात्रा॑भिः । रि॒रि॒चे॒ । रोच॑मानः । प्र । दे॒वेभिः॑ । वि॒श्वतः॑ । अप्र॑तिऽइतः ।
प्र । म॒ज्मना॑ । दि॒वः । इन्द्रः॑ । पृ॒थि॒व्याः । प्र । उ॒रोः । म॒हः । अ॒न्तरि॑क्षात् । ऋ॒जी॒षी ॥
Padapatha Devanagari Nonaccented
प्र । मात्राभिः । रिरिचे । रोचमानः । प्र । देवेभिः । विश्वतः । अप्रतिऽइतः ।
प्र । मज्मना । दिवः । इन्द्रः । पृथिव्याः । प्र । उरोः । महः । अन्तरिक्षात् । ऋजीषी ॥
Padapatha Transcription Accented
prá ǀ mā́trābhiḥ ǀ ririce ǀ rócamānaḥ ǀ prá ǀ devébhiḥ ǀ viśvátaḥ ǀ áprati-itaḥ ǀ
prá ǀ majmánā ǀ diváḥ ǀ índraḥ ǀ pṛthivyā́ḥ ǀ prá ǀ uróḥ ǀ maháḥ ǀ antárikṣāt ǀ ṛjīṣī́ ǁ
Padapatha Transcription Nonaccented
pra ǀ mātrābhiḥ ǀ ririce ǀ rocamānaḥ ǀ pra ǀ devebhiḥ ǀ viśvataḥ ǀ aprati-itaḥ ǀ
pra ǀ majmanā ǀ divaḥ ǀ indraḥ ǀ pṛthivyāḥ ǀ pra ǀ uroḥ ǀ mahaḥ ǀ antarikṣāt ǀ ṛjīṣī ǁ
03.046.04 (Mandala. Sukta. Rik)
3.3.10.04 (Ashtaka. Adhyaya. Varga. Rik)
03.04.058 (Mandala. Anuvāka. Rik)
Samhita Devanagari Accented
उ॒रुं ग॑भी॒रं ज॒नुषा॒भ्यु१॒॑ग्रं वि॒श्वव्य॑चसमव॒तं म॑ती॒नां ।
इंद्रं॒ सोमा॑सः प्र॒दिवि॑ सु॒तासः॑ समु॒द्रं न स्र॒वत॒ आ वि॑शंति ॥
Samhita Devanagari Nonaccented
उरुं गभीरं जनुषाभ्युग्रं विश्वव्यचसमवतं मतीनां ।
इंद्रं सोमासः प्रदिवि सुतासः समुद्रं न स्रवत आ विशंति ॥
Samhita Transcription Accented
urúm gabhīrám janúṣābhyúgrám viśvávyacasamavatám matīnā́m ǀ
índram sómāsaḥ pradívi sutā́saḥ samudrám ná sraváta ā́ viśanti ǁ
Samhita Transcription Nonaccented
urum gabhīram januṣābhyugram viśvavyacasamavatam matīnām ǀ
indram somāsaḥ pradivi sutāsaḥ samudram na sravata ā viśanti ǁ
Padapatha Devanagari Accented
उ॒रुम् । ग॒भी॒रम् । ज॒नुषा॑ । अ॒भि । उ॒ग्रम् । वि॒श्वऽव्य॑चसम् । अ॒व॒तम् । म॒ती॒नाम् ।
इन्द्र॑म् । सोमा॑सः । प्र॒ऽदिवि॑ । सु॒तासः॑ । स॒मु॒द्रम् । न । स्र॒वतः॑ । आ । वि॒श॒न्ति॒ ॥
Padapatha Devanagari Nonaccented
उरुम् । गभीरम् । जनुषा । अभि । उग्रम् । विश्वऽव्यचसम् । अवतम् । मतीनाम् ।
इन्द्रम् । सोमासः । प्रऽदिवि । सुतासः । समुद्रम् । न । स्रवतः । आ । विशन्ति ॥
Padapatha Transcription Accented
urúm ǀ gabhīrám ǀ janúṣā ǀ abhí ǀ ugrám ǀ viśvá-vyacasam ǀ avatám ǀ matīnā́m ǀ
índram ǀ sómāsaḥ ǀ pra-dívi ǀ sutā́saḥ ǀ samudrám ǀ ná ǀ sravátaḥ ǀ ā́ ǀ viśanti ǁ
Padapatha Transcription Nonaccented
urum ǀ gabhīram ǀ januṣā ǀ abhi ǀ ugram ǀ viśva-vyacasam ǀ avatam ǀ matīnām ǀ
indram ǀ somāsaḥ ǀ pra-divi ǀ sutāsaḥ ǀ samudram ǀ na ǀ sravataḥ ǀ ā ǀ viśanti ǁ
03.046.05 (Mandala. Sukta. Rik)
3.3.10.05 (Ashtaka. Adhyaya. Varga. Rik)
03.04.059 (Mandala. Anuvāka. Rik)
Samhita Devanagari Accented
यं सोम॑मिंद्र पृथि॒वीद्यावा॒ गर्भं॒ न मा॒ता बि॑भृ॒तस्त्वा॒या ।
तं ते॑ हिन्वंति॒ तमु॑ ते मृजंत्यध्व॒र्यवो॑ वृषभ॒ पात॒वा उ॑ ॥
Samhita Devanagari Nonaccented
यं सोममिंद्र पृथिवीद्यावा गर्भं न माता बिभृतस्त्वाया ।
तं ते हिन्वंति तमु ते मृजंत्यध्वर्यवो वृषभ पातवा उ ॥
Samhita Transcription Accented
yám sómamindra pṛthivī́dyā́vā gárbham ná mātā́ bibhṛtástvāyā́ ǀ
tám te hinvanti támu te mṛjantyadhvaryávo vṛṣabha pā́tavā́ u ǁ
Samhita Transcription Nonaccented
yam somamindra pṛthivīdyāvā garbham na mātā bibhṛtastvāyā ǀ
tam te hinvanti tamu te mṛjantyadhvaryavo vṛṣabha pātavā u ǁ
Padapatha Devanagari Accented
यम् । सोम॑म् । इ॒न्द्र॒ । पृ॒थि॒वीद्यावा॑ । गर्भ॑म् । न । मा॒ता । बि॒भृ॒तः । त्वा॒ऽया ।
तम् । ते॒ । हि॒न्व॒न्ति॒ । तम् । ऊं॒ इति॑ । ते॒ । मृ॒ज॒न्ति॒ । अ॒ध्व॒र्यवः॑ । वृ॒ष॒भ॒ । पात॒वै । ऊं॒ इति॑ ॥
Padapatha Devanagari Nonaccented
यम् । सोमम् । इन्द्र । पृथिवीद्यावा । गर्भम् । न । माता । बिभृतः । त्वाऽया ।
तम् । ते । हिन्वन्ति । तम् । ऊं इति । ते । मृजन्ति । अध्वर्यवः । वृषभ । पातवै । ऊं इति ॥
Padapatha Transcription Accented
yám ǀ sómam ǀ indra ǀ pṛthivī́dyā́vā ǀ gárbham ǀ ná ǀ mātā́ ǀ bibhṛtáḥ ǀ tvā-yā́ ǀ
tám ǀ te ǀ hinvanti ǀ tám ǀ ūṃ íti ǀ te ǀ mṛjanti ǀ adhvaryávaḥ ǀ vṛṣabha ǀ pā́tavái ǀ ūṃ íti ǁ
Padapatha Transcription Nonaccented
yam ǀ somam ǀ indra ǀ pṛthivīdyāvā ǀ garbham ǀ na ǀ mātā ǀ bibhṛtaḥ ǀ tvā-yā ǀ
tam ǀ te ǀ hinvanti ǀ tam ǀ ūṃ iti ǀ te ǀ mṛjanti ǀ adhvaryavaḥ ǀ vṛṣabha ǀ pātavai ǀ ūṃ iti ǁ