|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 3
Sūkta 48
|
1. Info |
| To: | indra | |
| From: | viśvāmitra gāthina | |
| Metres: | 1st set of styles: nicṛttriṣṭup (1, 2); triṣṭup (3, 4); bhurikpaṅkti (5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
03.048.01 (Mandala. Sukta. Rik)
3.3.12.01 (Ashtaka. Adhyaya. Varga. Rik)
03.04.065 (Mandala. Anuvāka. Rik)
Samhita Devanagari Accented
स॒द्यो ह॑ जा॒तो वृ॑ष॒भः क॒नीनः॒ प्रभ॑र्तुमाव॒दंध॑सः सु॒तस्य॑ ।
सा॒धोः पि॑ब प्रतिका॒मं यथा॑ ते॒ रसा॑शिरः प्रथ॒मं सो॒म्यस्य॑ ॥
Samhita Devanagari Nonaccented
सद्यो ह जातो वृषभः कनीनः प्रभर्तुमावदंधसः सुतस्य ।
साधोः पिब प्रतिकामं यथा ते रसाशिरः प्रथमं सोम्यस्य ॥
Samhita Transcription Accented
sadyó ha jātó vṛṣabháḥ kanī́naḥ prábhartumāvadándhasaḥ sutásya ǀ
sādhóḥ piba pratikāmám yáthā te rásāśiraḥ prathamám somyásya ǁ
Samhita Transcription Nonaccented
sadyo ha jāto vṛṣabhaḥ kanīnaḥ prabhartumāvadandhasaḥ sutasya ǀ
sādhoḥ piba pratikāmam yathā te rasāśiraḥ prathamam somyasya ǁ
Padapatha Devanagari Accented
स॒द्यः । ह॒ । जा॒तः । वृ॒ष॒भः । क॒नीनः॑ । प्रऽभ॑र्तुम् । आ॒व॒त् । अन्ध॑सः । सु॒तस्य॑ ।
सा॒धोः । पि॒ब॒ । प्र॒ति॒ऽका॒मम् । यथा॑ । ते॒ । रस॑ऽआशिरः । प्र॒थ॒मम् । सो॒म्यस्य॑ ॥
Padapatha Devanagari Nonaccented
सद्यः । ह । जातः । वृषभः । कनीनः । प्रऽभर्तुम् । आवत् । अन्धसः । सुतस्य ।
साधोः । पिब । प्रतिऽकामम् । यथा । ते । रसऽआशिरः । प्रथमम् । सोम्यस्य ॥
Padapatha Transcription Accented
sadyáḥ ǀ ha ǀ jātáḥ ǀ vṛṣabháḥ ǀ kanī́naḥ ǀ prá-bhartum ǀ āvat ǀ ándhasaḥ ǀ sutásya ǀ
sādhóḥ ǀ piba ǀ prati-kāmám ǀ yáthā ǀ te ǀ rása-āśiraḥ ǀ prathamám ǀ somyásya ǁ
Padapatha Transcription Nonaccented
sadyaḥ ǀ ha ǀ jātaḥ ǀ vṛṣabhaḥ ǀ kanīnaḥ ǀ pra-bhartum ǀ āvat ǀ andhasaḥ ǀ sutasya ǀ
sādhoḥ ǀ piba ǀ prati-kāmam ǀ yathā ǀ te ǀ rasa-āśiraḥ ǀ prathamam ǀ somyasya ǁ
03.048.02 (Mandala. Sukta. Rik)
3.3.12.02 (Ashtaka. Adhyaya. Varga. Rik)
03.04.066 (Mandala. Anuvāka. Rik)
Samhita Devanagari Accented
यज्जाय॑था॒स्तदह॑रस्य॒ कामे॒ऽंशोः पी॒यूष॑मपिबो गिरि॒ष्ठां ।
तं ते॑ मा॒ता परि॒ योषा॒ जनि॑त्री म॒हः पि॒तुर्दम॒ आसिं॑च॒दग्रे॑ ॥
Samhita Devanagari Nonaccented
यज्जायथास्तदहरस्य कामेऽंशोः पीयूषमपिबो गिरिष्ठां ।
तं ते माता परि योषा जनित्री महः पितुर्दम आसिंचदग्रे ॥
Samhita Transcription Accented
yájjā́yathāstádáharasya kā́me’ṃśóḥ pīyū́ṣamapibo giriṣṭhā́m ǀ
tám te mātā́ pári yóṣā jánitrī maháḥ pitúrdáma ā́siñcadágre ǁ
Samhita Transcription Nonaccented
yajjāyathāstadaharasya kāme’ṃśoḥ pīyūṣamapibo giriṣṭhām ǀ
tam te mātā pari yoṣā janitrī mahaḥ piturdama āsiñcadagre ǁ
Padapatha Devanagari Accented
यत् । जाय॑थाः । तत् । अहः॑ । अ॒स्य॒ । कामे॑ । अं॒शोः । पी॒यूष॑म् । अ॒पि॒बः॒ । गि॒रि॒ऽस्थाम् ।
तम् । ते॒ । मा॒ता । परि॑ । योषा॑ । जनि॑त्री । म॒हः । पि॒तुः । दमे॑ । आ । अ॒सि॒ञ्च॒त् । अग्रे॑ ॥
Padapatha Devanagari Nonaccented
यत् । जायथाः । तत् । अहः । अस्य । कामे । अंशोः । पीयूषम् । अपिबः । गिरिऽस्थाम् ।
तम् । ते । माता । परि । योषा । जनित्री । महः । पितुः । दमे । आ । असिञ्चत् । अग्रे ॥
Padapatha Transcription Accented
yát ǀ jā́yathāḥ ǀ tát ǀ áhaḥ ǀ asya ǀ kā́me ǀ aṃśóḥ ǀ pīyū́ṣam ǀ apibaḥ ǀ giri-sthā́m ǀ
tám ǀ te ǀ mātā́ ǀ pári ǀ yóṣā ǀ jánitrī ǀ maháḥ ǀ pitúḥ ǀ dáme ǀ ā́ ǀ asiñcat ǀ ágre ǁ
Padapatha Transcription Nonaccented
yat ǀ jāyathāḥ ǀ tat ǀ ahaḥ ǀ asya ǀ kāme ǀ aṃśoḥ ǀ pīyūṣam ǀ apibaḥ ǀ giri-sthām ǀ
tam ǀ te ǀ mātā ǀ pari ǀ yoṣā ǀ janitrī ǀ mahaḥ ǀ pituḥ ǀ dame ǀ ā ǀ asiñcat ǀ agre ǁ
03.048.03 (Mandala. Sukta. Rik)
3.3.12.03 (Ashtaka. Adhyaya. Varga. Rik)
03.04.067 (Mandala. Anuvāka. Rik)
Samhita Devanagari Accented
उ॒प॒स्थाय॑ मा॒तर॒मन्न॑मैट्ट ति॒ग्मम॑पश्यद॒भि सोम॒मूधः॑ ।
प्र॒या॒वय॑न्नचर॒द्गृत्सो॑ अ॒न्यान्म॒हानि॑ चक्रे पुरु॒धप्र॑तीकः ॥
Samhita Devanagari Nonaccented
उपस्थाय मातरमन्नमैट्ट तिग्ममपश्यदभि सोममूधः ।
प्रयावयन्नचरद्गृत्सो अन्यान्महानि चक्रे पुरुधप्रतीकः ॥
Samhita Transcription Accented
upasthā́ya mātáramánnamaiṭṭa tigmámapaśyadabhí sómamū́dhaḥ ǀ
prayāváyannacaradgṛ́tso anyā́nmahā́ni cakre purudhápratīkaḥ ǁ
Samhita Transcription Nonaccented
upasthāya mātaramannamaiṭṭa tigmamapaśyadabhi somamūdhaḥ ǀ
prayāvayannacaradgṛtso anyānmahāni cakre purudhapratīkaḥ ǁ
Padapatha Devanagari Accented
उ॒प॒ऽस्थाय॑ । मा॒तर॑म् । अन्न॑म् । ऐ॒ट्ट॒ । ति॒ग्मम् । अ॒प॒श्य॒त् । अ॒भि । सोम॑म् । ऊधः॑ ।
प्र॒ऽय॒वय॑न् । अ॒च॒र॒त् । गृत्सः॑ । अ॒न्यान् । म॒हानि॑ । च॒क्रे॒ । पु॒रु॒धऽप्र॑तीकः ॥
Padapatha Devanagari Nonaccented
उपऽस्थाय । मातरम् । अन्नम् । ऐट्ट । तिग्मम् । अपश्यत् । अभि । सोमम् । ऊधः ।
प्रऽयवयन् । अचरत् । गृत्सः । अन्यान् । महानि । चक्रे । पुरुधऽप्रतीकः ॥
Padapatha Transcription Accented
upa-sthā́ya ǀ mātáram ǀ ánnam ǀ aiṭṭa ǀ tigmám ǀ apaśyat ǀ abhí ǀ sómam ǀ ū́dhaḥ ǀ
pra-yaváyan ǀ acarat ǀ gṛ́tsaḥ ǀ anyā́n ǀ mahā́ni ǀ cakre ǀ purudhá-pratīkaḥ ǁ
Padapatha Transcription Nonaccented
upa-sthāya ǀ mātaram ǀ annam ǀ aiṭṭa ǀ tigmam ǀ apaśyat ǀ abhi ǀ somam ǀ ūdhaḥ ǀ
pra-yavayan ǀ acarat ǀ gṛtsaḥ ǀ anyān ǀ mahāni ǀ cakre ǀ purudha-pratīkaḥ ǁ
03.048.04 (Mandala. Sukta. Rik)
3.3.12.04 (Ashtaka. Adhyaya. Varga. Rik)
03.04.068 (Mandala. Anuvāka. Rik)
Samhita Devanagari Accented
उ॒ग्रस्तु॑रा॒षाळ॒भिभू॑त्योजा यथाव॒शं त॒न्वं॑ चक्र ए॒षः ।
त्वष्टा॑र॒मिंद्रो॑ ज॒नुषा॑भि॒भूया॒मुष्या॒ सोम॑मपिबच्च॒मूषु॑ ॥
Samhita Devanagari Nonaccented
उग्रस्तुराषाळभिभूत्योजा यथावशं तन्वं चक्र एषः ।
त्वष्टारमिंद्रो जनुषाभिभूयामुष्या सोममपिबच्चमूषु ॥
Samhita Transcription Accented
ugrásturāṣā́ḷabhíbhūtyojā yathāvaśám tanvám cakra eṣáḥ ǀ
tváṣṭāramíndro janúṣābhibhū́yāmúṣyā sómamapibaccamū́ṣu ǁ
Samhita Transcription Nonaccented
ugrasturāṣāḷabhibhūtyojā yathāvaśam tanvam cakra eṣaḥ ǀ
tvaṣṭāramindro januṣābhibhūyāmuṣyā somamapibaccamūṣu ǁ
Padapatha Devanagari Accented
उ॒ग्रः । तु॒रा॒षाट् । अ॒भिभू॑तिऽओजाः । य॒था॒ऽव॒शम् । त॒न्व॑म् । च॒क्रे॒ । ए॒षः ।
त्वष्टा॑रम् । इन्द्रः॑ । ज॒नुषा॑ । अ॒भि॒ऽभूय॑ । आ॒ऽमुष्य॑ । सोम॑म् । अ॒पि॒ब॒त् । च॒मूषु॑ ॥
Padapatha Devanagari Nonaccented
उग्रः । तुराषाट् । अभिभूतिऽओजाः । यथाऽवशम् । तन्वम् । चक्रे । एषः ।
त्वष्टारम् । इन्द्रः । जनुषा । अभिऽभूय । आऽमुष्य । सोमम् । अपिबत् । चमूषु ॥
Padapatha Transcription Accented
ugráḥ ǀ turāṣā́ṭ ǀ abhíbhūti-ojāḥ ǀ yathā-vaśám ǀ tanvám ǀ cakre ǀ eṣáḥ ǀ
tváṣṭāram ǀ índraḥ ǀ janúṣā ǀ abhi-bhū́ya ǀ ā-múṣya ǀ sómam ǀ apibat ǀ camū́ṣu ǁ
Padapatha Transcription Nonaccented
ugraḥ ǀ turāṣāṭ ǀ abhibhūti-ojāḥ ǀ yathā-vaśam ǀ tanvam ǀ cakre ǀ eṣaḥ ǀ
tvaṣṭāram ǀ indraḥ ǀ januṣā ǀ abhi-bhūya ǀ ā-muṣya ǀ somam ǀ apibat ǀ camūṣu ǁ
03.048.05 (Mandala. Sukta. Rik)
3.3.12.05 (Ashtaka. Adhyaya. Varga. Rik)
03.04.069 (Mandala. Anuvāka. Rik)
Samhita Devanagari Accented
शु॒नं हु॑वेम म॒घवा॑न॒मिंद्र॑म॒स्मिन्भरे॒ नृत॑मं॒ वाज॑सातौ ।
शृ॒ण्वंत॑मु॒ग्रमू॒तये॑ स॒मत्सु॒ घ्नंतं॑ वृ॒त्राणि॑ सं॒जितं॒ धना॑नां ॥
Samhita Devanagari Nonaccented
शुनं हुवेम मघवानमिंद्रमस्मिन्भरे नृतमं वाजसातौ ।
शृण्वंतमुग्रमूतये समत्सु घ्नंतं वृत्राणि संजितं धनानां ॥
Samhita Transcription Accented
śunám huvema maghávānamíndramasmínbháre nṛ́tamam vā́jasātau ǀ
śṛṇvántamugrámūtáye samátsu ghnántam vṛtrā́ṇi saṃjítam dhánānām ǁ
Samhita Transcription Nonaccented
śunam huvema maghavānamindramasminbhare nṛtamam vājasātau ǀ
śṛṇvantamugramūtaye samatsu ghnantam vṛtrāṇi saṃjitam dhanānām ǁ
Padapatha Devanagari Accented
शु॒नम् । हु॒वे॒म॒ । म॒घऽवा॑नम् । इन्द्र॑म् । अ॒स्मिन् । भरे॑ । नृऽत॑मम् । वाज॑ऽसातौ ।
शृ॒ण्वन्त॑म् । उ॒ग्रम् । ऊ॒तये॑ । स॒मत्ऽसु॑ । घ्नन्त॑म् । वृ॒त्राणि॑ । स॒म्ऽजित॑म् । धना॑नाम् ॥
Padapatha Devanagari Nonaccented
शुनम् । हुवेम । मघऽवानम् । इन्द्रम् । अस्मिन् । भरे । नृऽतमम् । वाजऽसातौ ।
शृण्वन्तम् । उग्रम् । ऊतये । समत्ऽसु । घ्नन्तम् । वृत्राणि । सम्ऽजितम् । धनानाम् ॥
Padapatha Transcription Accented
śunám ǀ huvema ǀ maghá-vānam ǀ índram ǀ asmín ǀ bháre ǀ nṛ́-tamam ǀ vā́ja-sātau ǀ
śṛṇvántam ǀ ugrám ǀ ūtáye ǀ samát-su ǀ ghnántam ǀ vṛtrā́ṇi ǀ sam-jítam ǀ dhánānām ǁ
Padapatha Transcription Nonaccented
śunam ǀ huvema ǀ magha-vānam ǀ indram ǀ asmin ǀ bhare ǀ nṛ-tamam ǀ vāja-sātau ǀ
śṛṇvantam ǀ ugram ǀ ūtaye ǀ samat-su ǀ ghnantam ǀ vṛtrāṇi ǀ sam-jitam ǀ dhanānām ǁ