|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 3
Sūkta 50
|
1. Info |
| To: | indra | |
| From: | viśvāmitra gāthina | |
| Metres: | 1st set of styles: nicṛttriṣṭup (1, 2, 4); triṣṭup (3, 5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
03.050.01 (Mandala. Sukta. Rik)
3.3.14.01 (Ashtaka. Adhyaya. Varga. Rik)
03.04.075 (Mandala. Anuvāka. Rik)
Samhita Devanagari Accented
इंद्रः॒ स्वाहा॑ पिबतु॒ यस्य॒ सोम॑ आ॒गत्या॒ तुम्रो॑ वृष॒भो म॒रुत्वा॑न् ।
ओरु॒व्यचाः॑ पृणतामे॒भिरन्नै॒रास्य॑ ह॒विस्त॒न्वः१॒॑ काम॑मृध्याः ॥
Samhita Devanagari Nonaccented
इंद्रः स्वाहा पिबतु यस्य सोम आगत्या तुम्रो वृषभो मरुत्वान् ।
ओरुव्यचाः पृणतामेभिरन्नैरास्य हविस्तन्वः काममृध्याः ॥
Samhita Transcription Accented
índraḥ svā́hā pibatu yásya sóma āgátyā túmro vṛṣabhó marútvān ǀ
óruvyácāḥ pṛṇatāmebhíránnairā́sya havístanváḥ kā́mamṛdhyāḥ ǁ
Samhita Transcription Nonaccented
indraḥ svāhā pibatu yasya soma āgatyā tumro vṛṣabho marutvān ǀ
oruvyacāḥ pṛṇatāmebhirannairāsya havistanvaḥ kāmamṛdhyāḥ ǁ
Padapatha Devanagari Accented
इन्द्रः॑ । स्वाहा॑ । पि॒ब॒तु॒ । यस्य॑ । सोमः॑ । आ॒ऽगत्य॑ । तुम्रः॑ । वृ॒ष॒भः । म॒रुत्वा॑न् ।
आ । उ॒रु॒ऽव्यचाः॑ । पृ॒ण॒ता॒म् । ए॒भिः । अन्नैः॑ । आ । अ॒स्य॒ । ह॒विः । त॒न्वः॑ । काम॑म् । ऋ॒ध्याः॒ ॥
Padapatha Devanagari Nonaccented
इन्द्रः । स्वाहा । पिबतु । यस्य । सोमः । आऽगत्य । तुम्रः । वृषभः । मरुत्वान् ।
आ । उरुऽव्यचाः । पृणताम् । एभिः । अन्नैः । आ । अस्य । हविः । तन्वः । कामम् । ऋध्याः ॥
Padapatha Transcription Accented
índraḥ ǀ svā́hā ǀ pibatu ǀ yásya ǀ sómaḥ ǀ ā-gátya ǀ túmraḥ ǀ vṛṣabháḥ ǀ marútvān ǀ
ā́ ǀ uru-vyácāḥ ǀ pṛṇatām ǀ ebhíḥ ǀ ánnaiḥ ǀ ā́ ǀ asya ǀ havíḥ ǀ tanváḥ ǀ kā́mam ǀ ṛdhyāḥ ǁ
Padapatha Transcription Nonaccented
indraḥ ǀ svāhā ǀ pibatu ǀ yasya ǀ somaḥ ǀ ā-gatya ǀ tumraḥ ǀ vṛṣabhaḥ ǀ marutvān ǀ
ā ǀ uru-vyacāḥ ǀ pṛṇatām ǀ ebhiḥ ǀ annaiḥ ǀ ā ǀ asya ǀ haviḥ ǀ tanvaḥ ǀ kāmam ǀ ṛdhyāḥ ǁ
03.050.02 (Mandala. Sukta. Rik)
3.3.14.02 (Ashtaka. Adhyaya. Varga. Rik)
03.04.076 (Mandala. Anuvāka. Rik)
Samhita Devanagari Accented
आ ते॑ सप॒र्यू ज॒वसे॑ युनज्मि॒ ययो॒रनु॑ प्र॒दिवः॑ श्रु॒ष्टिमावः॑ ।
इ॒ह त्वा॑ धेयु॒र्हर॑यः सुशिप्र॒ पिबा॒ त्व१॒॑स्य सुषु॑तस्य॒ चारोः॑ ॥
Samhita Devanagari Nonaccented
आ ते सपर्यू जवसे युनज्मि ययोरनु प्रदिवः श्रुष्टिमावः ।
इह त्वा धेयुर्हरयः सुशिप्र पिबा त्वस्य सुषुतस्य चारोः ॥
Samhita Transcription Accented
ā́ te saparyū́ javáse yunajmi yáyoránu pradívaḥ śruṣṭímā́vaḥ ǀ
ihá tvā dheyurhárayaḥ suśipra píbā tvásyá súṣutasya cā́roḥ ǁ
Samhita Transcription Nonaccented
ā te saparyū javase yunajmi yayoranu pradivaḥ śruṣṭimāvaḥ ǀ
iha tvā dheyurharayaḥ suśipra pibā tvasya suṣutasya cāroḥ ǁ
Padapatha Devanagari Accented
आ । ते॒ । स॒प॒र्यू इति॑ । ज॒वसे॑ । यु॒न॒ज्मि॒ । ययोः॑ । अनु॑ । प्र॒ऽदिवः॑ । श्रु॒ष्टिम् । आवः॑ ।
इ॒ह । त्वा॒ । धे॒युः॒ । हर॑यः । सु॒ऽशि॒प्र॒ । पिब॑ । तु । अ॒स्य । सुऽसु॑तस्य । चारोः॑ ॥
Padapatha Devanagari Nonaccented
आ । ते । सपर्यू इति । जवसे । युनज्मि । ययोः । अनु । प्रऽदिवः । श्रुष्टिम् । आवः ।
इह । त्वा । धेयुः । हरयः । सुऽशिप्र । पिब । तु । अस्य । सुऽसुतस्य । चारोः ॥
Padapatha Transcription Accented
ā́ ǀ te ǀ saparyū́ íti ǀ javáse ǀ yunajmi ǀ yáyoḥ ǀ ánu ǀ pra-dívaḥ ǀ śruṣṭím ǀ ā́vaḥ ǀ
ihá ǀ tvā ǀ dheyuḥ ǀ hárayaḥ ǀ su-śipra ǀ píba ǀ tú ǀ asyá ǀ sú-sutasya ǀ cā́roḥ ǁ
Padapatha Transcription Nonaccented
ā ǀ te ǀ saparyū iti ǀ javase ǀ yunajmi ǀ yayoḥ ǀ anu ǀ pra-divaḥ ǀ śruṣṭim ǀ āvaḥ ǀ
iha ǀ tvā ǀ dheyuḥ ǀ harayaḥ ǀ su-śipra ǀ piba ǀ tu ǀ asya ǀ su-sutasya ǀ cāroḥ ǁ
03.050.03 (Mandala. Sukta. Rik)
3.3.14.03 (Ashtaka. Adhyaya. Varga. Rik)
03.04.077 (Mandala. Anuvāka. Rik)
Samhita Devanagari Accented
गोभि॑र्मिमि॒क्षुं द॑धिरे सुपा॒रमिंद्रं॒ ज्यैष्ठ्या॑य॒ धाय॑से गृणा॒नाः ।
मं॒दा॒नः सोमं॑ पपि॒वाँ ऋ॑जीषि॒न्त्सम॒स्मभ्यं॑ पुरु॒धा गा इ॑षण्य ॥
Samhita Devanagari Nonaccented
गोभिर्मिमिक्षुं दधिरे सुपारमिंद्रं ज्यैष्ठ्याय धायसे गृणानाः ।
मंदानः सोमं पपिवाँ ऋजीषिन्त्समस्मभ्यं पुरुधा गा इषण्य ॥
Samhita Transcription Accented
góbhirmimikṣúm dadhire supārámíndram jyáiṣṭhyāya dhā́yase gṛṇānā́ḥ ǀ
mandānáḥ sómam papivā́m̐ ṛjīṣintsámasmábhyam purudhā́ gā́ iṣaṇya ǁ
Samhita Transcription Nonaccented
gobhirmimikṣum dadhire supāramindram jyaiṣṭhyāya dhāyase gṛṇānāḥ ǀ
mandānaḥ somam papivām̐ ṛjīṣintsamasmabhyam purudhā gā iṣaṇya ǁ
Padapatha Devanagari Accented
गोभिः॑ । मि॒मि॒क्षुम् । द॒धि॒रे॒ । सु॒ऽपा॒रम् । इन्द्र॑म् । ज्यैष्ठ्या॑य । धाय॑से । गृ॒णा॒नाः ।
म॒न्दा॒नः । सोम॑म् । प॒पि॒ऽवान् । ऋ॒जी॒षि॒न् । सम् । अ॒स्मभ्य॑म् । पु॒रु॒धा । गाः । इ॒ष॒ण्य॒ ॥
Padapatha Devanagari Nonaccented
गोभिः । मिमिक्षुम् । दधिरे । सुऽपारम् । इन्द्रम् । ज्यैष्ठ्याय । धायसे । गृणानाः ।
मन्दानः । सोमम् । पपिऽवान् । ऋजीषिन् । सम् । अस्मभ्यम् । पुरुधा । गाः । इषण्य ॥
Padapatha Transcription Accented
góbhiḥ ǀ mimikṣúm ǀ dadhire ǀ su-pārám ǀ índram ǀ jyáiṣṭhyāya ǀ dhā́yase ǀ gṛṇānā́ḥ ǀ
mandānáḥ ǀ sómam ǀ papi-vā́n ǀ ṛjīṣin ǀ sám ǀ asmábhyam ǀ purudhā́ ǀ gā́ḥ ǀ iṣaṇya ǁ
Padapatha Transcription Nonaccented
gobhiḥ ǀ mimikṣum ǀ dadhire ǀ su-pāram ǀ indram ǀ jyaiṣṭhyāya ǀ dhāyase ǀ gṛṇānāḥ ǀ
mandānaḥ ǀ somam ǀ papi-vān ǀ ṛjīṣin ǀ sam ǀ asmabhyam ǀ purudhā ǀ gāḥ ǀ iṣaṇya ǁ
03.050.04 (Mandala. Sukta. Rik)
3.3.14.04 (Ashtaka. Adhyaya. Varga. Rik)
03.04.078 (Mandala. Anuvāka. Rik)
Samhita Devanagari Accented
इ॒मं कामं॑ मंदया॒ गोभि॒रश्वै॑श्चं॒द्रव॑ता॒ राध॑सा प॒प्रथ॑श्च ।
स्व॒र्यवो॑ म॒तिभि॒स्तुभ्यं॒ विप्रा॒ इंद्रा॑य॒ वाहः॑ कुशि॒कासो॑ अक्रन् ॥
Samhita Devanagari Nonaccented
इमं कामं मंदया गोभिरश्वैश्चंद्रवता राधसा पप्रथश्च ।
स्वर्यवो मतिभिस्तुभ्यं विप्रा इंद्राय वाहः कुशिकासो अक्रन् ॥
Samhita Transcription Accented
imám kā́mam mandayā góbhiráśvaiścandrávatā rā́dhasā papráthaśca ǀ
svaryávo matíbhistúbhyam víprā índrāya vā́haḥ kuśikā́so akran ǁ
Samhita Transcription Nonaccented
imam kāmam mandayā gobhiraśvaiścandravatā rādhasā paprathaśca ǀ
svaryavo matibhistubhyam viprā indrāya vāhaḥ kuśikāso akran ǁ
Padapatha Devanagari Accented
इ॒मम् । काम॑म् । म॒न्द॒य॒ । गोभिः॑ । अश्वैः॑ । च॒न्द्रऽव॑ता । राध॑सा । प॒प्रथः॑ । च॒ ।
स्वः॒ऽयवः॑ । म॒तिऽभिः॑ । तुभ्य॑म् । विप्राः॑ । इन्द्रा॑य । वाहः॑ । कु॒शि॒कासः॑ । अ॒क्र॒न् ॥
Padapatha Devanagari Nonaccented
इमम् । कामम् । मन्दय । गोभिः । अश्वैः । चन्द्रऽवता । राधसा । पप्रथः । च ।
स्वःऽयवः । मतिऽभिः । तुभ्यम् । विप्राः । इन्द्राय । वाहः । कुशिकासः । अक्रन् ॥
Padapatha Transcription Accented
imám ǀ kā́mam ǀ mandaya ǀ góbhiḥ ǀ áśvaiḥ ǀ candrá-vatā ǀ rā́dhasā ǀ papráthaḥ ǀ ca ǀ
svaḥ-yávaḥ ǀ matí-bhiḥ ǀ túbhyam ǀ víprāḥ ǀ índrāya ǀ vā́haḥ ǀ kuśikā́saḥ ǀ akran ǁ
Padapatha Transcription Nonaccented
imam ǀ kāmam ǀ mandaya ǀ gobhiḥ ǀ aśvaiḥ ǀ candra-vatā ǀ rādhasā ǀ paprathaḥ ǀ ca ǀ
svaḥ-yavaḥ ǀ mati-bhiḥ ǀ tubhyam ǀ viprāḥ ǀ indrāya ǀ vāhaḥ ǀ kuśikāsaḥ ǀ akran ǁ
03.050.05 (Mandala. Sukta. Rik)
3.3.14.05 (Ashtaka. Adhyaya. Varga. Rik)
03.04.079 (Mandala. Anuvāka. Rik)
Samhita Devanagari Accented
शु॒नं हु॑वेम म॒घवा॑न॒मिंद्र॑म॒स्मिन्भरे॒ नृत॑मं॒ वाज॑सातौ ।
शृ॒ण्वंत॑मु॒ग्रमू॒तये॑ स॒मत्सु॒ घ्नंतं॑ वृ॒त्राणि॑ सं॒जितं॒ धना॑नां ॥
Samhita Devanagari Nonaccented
शुनं हुवेम मघवानमिंद्रमस्मिन्भरे नृतमं वाजसातौ ।
शृण्वंतमुग्रमूतये समत्सु घ्नंतं वृत्राणि संजितं धनानां ॥
Samhita Transcription Accented
śunám huvema maghávānamíndramasmínbháre nṛ́tamam vā́jasātau ǀ
śṛṇvántamugrámūtáye samátsu ghnántam vṛtrā́ṇi saṃjítam dhánānām ǁ
Samhita Transcription Nonaccented
śunam huvema maghavānamindramasminbhare nṛtamam vājasātau ǀ
śṛṇvantamugramūtaye samatsu ghnantam vṛtrāṇi saṃjitam dhanānām ǁ
Padapatha Devanagari Accented
शु॒नम् । हु॒वे॒म॒ । म॒घऽवा॑नम् । इन्द्र॑म् । अ॒स्मिन् । भरे॑ । नृऽत॑मम् । वाज॑ऽसातौ ।
शृ॒ण्वन्त॑म् । उ॒ग्रम् । ऊ॒तये॑ । स॒मत्ऽसु॑ । घ्नन्त॑म् । वृ॒त्राणि॑ । स॒म्ऽजित॑म् । धना॑नाम् ॥
Padapatha Devanagari Nonaccented
शुनम् । हुवेम । मघऽवानम् । इन्द्रम् । अस्मिन् । भरे । नृऽतमम् । वाजऽसातौ ।
शृण्वन्तम् । उग्रम् । ऊतये । समत्ऽसु । घ्नन्तम् । वृत्राणि । सम्ऽजितम् । धनानाम् ॥
Padapatha Transcription Accented
śunám ǀ huvema ǀ maghá-vānam ǀ índram ǀ asmín ǀ bháre ǀ nṛ́-tamam ǀ vā́ja-sātau ǀ
śṛṇvántam ǀ ugrám ǀ ūtáye ǀ samát-su ǀ ghnántam ǀ vṛtrā́ṇi ǀ sam-jítam ǀ dhánānām ǁ
Padapatha Transcription Nonaccented
śunam ǀ huvema ǀ magha-vānam ǀ indram ǀ asmin ǀ bhare ǀ nṛ-tamam ǀ vāja-sātau ǀ
śṛṇvantam ǀ ugram ǀ ūtaye ǀ samat-su ǀ ghnantam ǀ vṛtrāṇi ǀ sam-jitam ǀ dhanānām ǁ