|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 3
Sūkta 52
|
1. Info |
| To: | indra | |
| From: | viśvāmitra gāthina | |
| Metres: | 1st set of styles: gāyatrī (1, 3, 4); nicṛttriṣṭup (5, 7); nicṛdgāyatrī (2); jagatī (6); triṣṭup (8) 2nd set of styles: gāyatrī (1-4); triṣṭubh (5, 7, 8); jagatī (6) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
03.052.01 (Mandala. Sukta. Rik)
3.3.17.01 (Ashtaka. Adhyaya. Varga. Rik)
03.04.092 (Mandala. Anuvāka. Rik)
Samhita Devanagari Accented
धा॒नावं॑तं करं॒भिण॑मपू॒पवं॑तमु॒क्थिनं॑ ।
इंद्र॑ प्रा॒तर्जु॑षस्व नः ॥
Samhita Devanagari Nonaccented
धानावंतं करंभिणमपूपवंतमुक्थिनं ।
इंद्र प्रातर्जुषस्व नः ॥
Samhita Transcription Accented
dhānā́vantam karambhíṇamapūpávantamukthínam ǀ
índra prātárjuṣasva naḥ ǁ
Samhita Transcription Nonaccented
dhānāvantam karambhiṇamapūpavantamukthinam ǀ
indra prātarjuṣasva naḥ ǁ
Padapatha Devanagari Accented
धा॒नाऽव॑न्तम् । क॒र॒म्भिण॑म् । अ॒पू॒पऽव॑न्तम् । उ॒क्थिन॑म् ।
इन्द्र॑ । प्रा॒तः । जु॒ष॒स्व॒ । नः॒ ॥
Padapatha Devanagari Nonaccented
धानाऽवन्तम् । करम्भिणम् । अपूपऽवन्तम् । उक्थिनम् ।
इन्द्र । प्रातः । जुषस्व । नः ॥
Padapatha Transcription Accented
dhānā́-vantam ǀ karambhíṇam ǀ apūpá-vantam ǀ ukthínam ǀ
índra ǀ prātáḥ ǀ juṣasva ǀ naḥ ǁ
Padapatha Transcription Nonaccented
dhānā-vantam ǀ karambhiṇam ǀ apūpa-vantam ǀ ukthinam ǀ
indra ǀ prātaḥ ǀ juṣasva ǀ naḥ ǁ
03.052.02 (Mandala. Sukta. Rik)
3.3.17.02 (Ashtaka. Adhyaya. Varga. Rik)
03.04.093 (Mandala. Anuvāka. Rik)
Samhita Devanagari Accented
पु॒रो॒ळाशं॑ पच॒त्यं॑ जु॒षस्वें॒द्रा गु॑रस्व च ।
तुभ्यं॑ ह॒व्यानि॑ सिस्रते ॥
Samhita Devanagari Nonaccented
पुरोळाशं पचत्यं जुषस्वेंद्रा गुरस्व च ।
तुभ्यं हव्यानि सिस्रते ॥
Samhita Transcription Accented
puroḷā́śam pacatyám juṣásvendrā́ gurasva ca ǀ
túbhyam havyā́ni sisrate ǁ
Samhita Transcription Nonaccented
puroḷāśam pacatyam juṣasvendrā gurasva ca ǀ
tubhyam havyāni sisrate ǁ
Padapatha Devanagari Accented
पु॒रो॒ळाश॑म् । प॒च॒त्य॑म् । जु॒षस्व॑ । इ॒न्द्र॒ । आ । गु॒र॒स्व॒ । च॒ ।
तुभ्य॑म् । ह॒व्यानि॑ । सि॒स्र॒ते॒ ॥
Padapatha Devanagari Nonaccented
पुरोळाशम् । पचत्यम् । जुषस्व । इन्द्र । आ । गुरस्व । च ।
तुभ्यम् । हव्यानि । सिस्रते ॥
Padapatha Transcription Accented
puroḷā́śam ǀ pacatyám ǀ juṣásva ǀ indra ǀ ā́ ǀ gurasva ǀ ca ǀ
túbhyam ǀ havyā́ni ǀ sisrate ǁ
Padapatha Transcription Nonaccented
puroḷāśam ǀ pacatyam ǀ juṣasva ǀ indra ǀ ā ǀ gurasva ǀ ca ǀ
tubhyam ǀ havyāni ǀ sisrate ǁ
03.052.03 (Mandala. Sukta. Rik)
3.3.17.03 (Ashtaka. Adhyaya. Varga. Rik)
03.04.094 (Mandala. Anuvāka. Rik)
Samhita Devanagari Accented
पु॒रो॒ळाशं॑ च नो॒ घसो॑ जो॒षया॑से॒ गिर॑श्च नः ।
व॒धू॒युरि॑व॒ योष॑णां ॥
Samhita Devanagari Nonaccented
पुरोळाशं च नो घसो जोषयासे गिरश्च नः ।
वधूयुरिव योषणां ॥
Samhita Transcription Accented
puroḷā́śam ca no gháso joṣáyāse gíraśca naḥ ǀ
vadhūyúriva yóṣaṇām ǁ
Samhita Transcription Nonaccented
puroḷāśam ca no ghaso joṣayāse giraśca naḥ ǀ
vadhūyuriva yoṣaṇām ǁ
Padapatha Devanagari Accented
पु॒रो॒ळाश॑म् । च॒ । नः॒ । घसः॑ । जो॒षया॑से । गिरः॑ । च॒ । नः॒ ।
व॒धू॒युःऽइ॑व । योष॑णाम् ॥
Padapatha Devanagari Nonaccented
पुरोळाशम् । च । नः । घसः । जोषयासे । गिरः । च । नः ।
वधूयुःऽइव । योषणाम् ॥
Padapatha Transcription Accented
puroḷā́śam ǀ ca ǀ naḥ ǀ ghásaḥ ǀ joṣáyāse ǀ gíraḥ ǀ ca ǀ naḥ ǀ
vadhūyúḥ-iva ǀ yóṣaṇām ǁ
Padapatha Transcription Nonaccented
puroḷāśam ǀ ca ǀ naḥ ǀ ghasaḥ ǀ joṣayāse ǀ giraḥ ǀ ca ǀ naḥ ǀ
vadhūyuḥ-iva ǀ yoṣaṇām ǁ
03.052.04 (Mandala. Sukta. Rik)
3.3.17.04 (Ashtaka. Adhyaya. Varga. Rik)
03.04.095 (Mandala. Anuvāka. Rik)
Samhita Devanagari Accented
पु॒रो॒ळाशं॑ सनश्रुत प्रातःसा॒वे जु॑षस्व नः ।
इंद्र॒ क्रतु॒र्हि ते॑ बृ॒हन् ॥
Samhita Devanagari Nonaccented
पुरोळाशं सनश्रुत प्रातःसावे जुषस्व नः ।
इंद्र क्रतुर्हि ते बृहन् ॥
Samhita Transcription Accented
puroḷā́śam sanaśruta prātaḥsāvé juṣasva naḥ ǀ
índra kráturhí te bṛhán ǁ
Samhita Transcription Nonaccented
puroḷāśam sanaśruta prātaḥsāve juṣasva naḥ ǀ
indra kraturhi te bṛhan ǁ
Padapatha Devanagari Accented
पु॒रो॒ळाश॑म् । स॒न॒ऽश्रु॒त॒ । प्रा॒तः॒ऽसा॒वे । जु॒ष॒स्व॒ । नः॒ ।
इन्द्र॑ । क्रतुः॑ । हि । ते॒ । बृ॒हन् ॥
Padapatha Devanagari Nonaccented
पुरोळाशम् । सनऽश्रुत । प्रातःऽसावे । जुषस्व । नः ।
इन्द्र । क्रतुः । हि । ते । बृहन् ॥
Padapatha Transcription Accented
puroḷā́śam ǀ sana-śruta ǀ prātaḥ-sāvé ǀ juṣasva ǀ naḥ ǀ
índra ǀ krátuḥ ǀ hí ǀ te ǀ bṛhán ǁ
Padapatha Transcription Nonaccented
puroḷāśam ǀ sana-śruta ǀ prātaḥ-sāve ǀ juṣasva ǀ naḥ ǀ
indra ǀ kratuḥ ǀ hi ǀ te ǀ bṛhan ǁ
03.052.05 (Mandala. Sukta. Rik)
3.3.17.05 (Ashtaka. Adhyaya. Varga. Rik)
03.04.096 (Mandala. Anuvāka. Rik)
Samhita Devanagari Accented
माध्यं॑दिनस्य॒ सव॑नस्य धा॒नाः पु॑रो॒ळाश॑मिंद्र कृष्वे॒ह चारुं॑ ।
प्र यत्स्तो॒ता ज॑रि॒ता तूर्ण्य॑र्थो वृषा॒यमा॑ण॒ उप॑ गी॒र्भिरीट्टे॑ ॥
Samhita Devanagari Nonaccented
माध्यंदिनस्य सवनस्य धानाः पुरोळाशमिंद्र कृष्वेह चारुं ।
प्र यत्स्तोता जरिता तूर्ण्यर्थो वृषायमाण उप गीर्भिरीट्टे ॥
Samhita Transcription Accented
mā́dhyaṃdinasya sávanasya dhānā́ḥ puroḷā́śamindra kṛṣvehá cā́rum ǀ
prá yátstotā́ jaritā́ tū́rṇyartho vṛṣāyámāṇa úpa gīrbhírī́ṭṭe ǁ
Samhita Transcription Nonaccented
mādhyaṃdinasya savanasya dhānāḥ puroḷāśamindra kṛṣveha cārum ǀ
pra yatstotā jaritā tūrṇyartho vṛṣāyamāṇa upa gīrbhirīṭṭe ǁ
Padapatha Devanagari Accented
माध्य॑न्दिनस्य । सव॑नस्य । धा॒नाः । पु॒रो॒ळाश॑म् । इ॒न्द्र॒ । कृ॒ष्व॒ । इ॒ह । चारु॑म् ।
प्र । यत् । स्तो॒ता । ज॒रि॒ता । तूर्णि॑ऽअर्थः । वृ॒ष॒ऽयमा॑णः । उप॑ । गीः॒ऽभिः । ईट्टे॑ ॥
Padapatha Devanagari Nonaccented
माध्यन्दिनस्य । सवनस्य । धानाः । पुरोळाशम् । इन्द्र । कृष्व । इह । चारुम् ।
प्र । यत् । स्तोता । जरिता । तूर्णिऽअर्थः । वृषऽयमाणः । उप । गीःऽभिः । ईट्टे ॥
Padapatha Transcription Accented
mā́dhyandinasya ǀ sávanasya ǀ dhānā́ḥ ǀ puroḷā́śam ǀ indra ǀ kṛṣva ǀ ihá ǀ cā́rum ǀ
prá ǀ yát ǀ stotā́ ǀ jaritā́ ǀ tū́rṇi-arthaḥ ǀ vṛṣa-yámāṇaḥ ǀ úpa ǀ gīḥ-bhíḥ ǀ ī́ṭṭe ǁ
Padapatha Transcription Nonaccented
mādhyandinasya ǀ savanasya ǀ dhānāḥ ǀ puroḷāśam ǀ indra ǀ kṛṣva ǀ iha ǀ cārum ǀ
pra ǀ yat ǀ stotā ǀ jaritā ǀ tūrṇi-arthaḥ ǀ vṛṣa-yamāṇaḥ ǀ upa ǀ gīḥ-bhiḥ ǀ īṭṭe ǁ
03.052.06 (Mandala. Sukta. Rik)
3.3.18.01 (Ashtaka. Adhyaya. Varga. Rik)
03.04.097 (Mandala. Anuvāka. Rik)
Samhita Devanagari Accented
तृ॒तीये॑ धा॒नाः सव॑ने पुरुष्टुत पुरो॒ळाश॒माहु॑तं मामहस्व नः ।
ऋ॒भु॒मंतं॒ वाज॑वंतं त्वा कवे॒ प्रय॑स्वंत॒ उप॑ शिक्षेम धी॒तिभिः॑ ॥
Samhita Devanagari Nonaccented
तृतीये धानाः सवने पुरुष्टुत पुरोळाशमाहुतं मामहस्व नः ।
ऋभुमंतं वाजवंतं त्वा कवे प्रयस्वंत उप शिक्षेम धीतिभिः ॥
Samhita Transcription Accented
tṛtī́ye dhānā́ḥ sávane puruṣṭuta puroḷā́śamā́hutam māmahasva naḥ ǀ
ṛbhumántam vā́javantam tvā kave práyasvanta úpa śikṣema dhītíbhiḥ ǁ
Samhita Transcription Nonaccented
tṛtīye dhānāḥ savane puruṣṭuta puroḷāśamāhutam māmahasva naḥ ǀ
ṛbhumantam vājavantam tvā kave prayasvanta upa śikṣema dhītibhiḥ ǁ
Padapatha Devanagari Accented
तृ॒तीये॑ । धा॒नाः । सव॑ने । पु॒रु॒ऽस्तु॒त॒ । पु॒रो॒ळाश॑म् । आऽहु॑तम् । म॒म॒ह॒स्व॒ । नः॒ ।
ऋ॒भु॒ऽमन्त॑म् । वाज॑ऽवन्तम् । त्वा॒ । क॒वे॒ । प्रय॑स्वन्तः । उप॑ । शि॒क्षे॒म॒ । धी॒तिऽभिः॑ ॥
Padapatha Devanagari Nonaccented
तृतीये । धानाः । सवने । पुरुऽस्तुत । पुरोळाशम् । आऽहुतम् । ममहस्व । नः ।
ऋभुऽमन्तम् । वाजऽवन्तम् । त्वा । कवे । प्रयस्वन्तः । उप । शिक्षेम । धीतिऽभिः ॥
Padapatha Transcription Accented
tṛtī́ye ǀ dhānā́ḥ ǀ sávane ǀ puru-stuta ǀ puroḷā́śam ǀ ā́-hutam ǀ mamahasva ǀ naḥ ǀ
ṛbhu-mántam ǀ vā́ja-vantam ǀ tvā ǀ kave ǀ práyasvantaḥ ǀ úpa ǀ śikṣema ǀ dhītí-bhiḥ ǁ
Padapatha Transcription Nonaccented
tṛtīye ǀ dhānāḥ ǀ savane ǀ puru-stuta ǀ puroḷāśam ǀ ā-hutam ǀ mamahasva ǀ naḥ ǀ
ṛbhu-mantam ǀ vāja-vantam ǀ tvā ǀ kave ǀ prayasvantaḥ ǀ upa ǀ śikṣema ǀ dhīti-bhiḥ ǁ
03.052.07 (Mandala. Sukta. Rik)
3.3.18.02 (Ashtaka. Adhyaya. Varga. Rik)
03.04.098 (Mandala. Anuvāka. Rik)
Samhita Devanagari Accented
पू॒ष॒ण्वते॑ ते चकृमा करं॒भं हरि॑वते॒ हर्य॑श्वाय धा॒नाः ।
अ॒पू॒पम॑द्धि॒ सग॑णो म॒रुद्भिः॒ सोमं॑ पिब वृत्र॒हा शू॑र वि॒द्वान् ॥
Samhita Devanagari Nonaccented
पूषण्वते ते चकृमा करंभं हरिवते हर्यश्वाय धानाः ।
अपूपमद्धि सगणो मरुद्भिः सोमं पिब वृत्रहा शूर विद्वान् ॥
Samhita Transcription Accented
pūṣaṇváte te cakṛmā karambhám hárivate háryaśvāya dhānā́ḥ ǀ
apūpámaddhi ságaṇo marúdbhiḥ sómam piba vṛtrahā́ śūra vidvā́n ǁ
Samhita Transcription Nonaccented
pūṣaṇvate te cakṛmā karambham harivate haryaśvāya dhānāḥ ǀ
apūpamaddhi sagaṇo marudbhiḥ somam piba vṛtrahā śūra vidvān ǁ
Padapatha Devanagari Accented
पू॒ष॒ण्ऽवते॑ । ते॒ । च॒कृ॒म॒ । क॒र॒म्भम् । हरि॑ऽवते । हरि॑ऽअश्वाय । धा॒नाः ।
अ॒पू॒पम् । अ॒द्धि॒ । सऽग॑णः । म॒रुत्ऽभिः॑ । सोम॑म् । पि॒ब॒ । वृ॒त्र॒ऽहा । शू॒र॒ । वि॒द्वान् ॥
Padapatha Devanagari Nonaccented
पूषण्ऽवते । ते । चकृम । करम्भम् । हरिऽवते । हरिऽअश्वाय । धानाः ।
अपूपम् । अद्धि । सऽगणः । मरुत्ऽभिः । सोमम् । पिब । वृत्रऽहा । शूर । विद्वान् ॥
Padapatha Transcription Accented
pūṣaṇ-váte ǀ te ǀ cakṛma ǀ karambhám ǀ hári-vate ǀ hári-aśvāya ǀ dhānā́ḥ ǀ
apūpám ǀ addhi ǀ sá-gaṇaḥ ǀ marút-bhiḥ ǀ sómam ǀ piba ǀ vṛtra-hā́ ǀ śūra ǀ vidvā́n ǁ
Padapatha Transcription Nonaccented
pūṣaṇ-vate ǀ te ǀ cakṛma ǀ karambham ǀ hari-vate ǀ hari-aśvāya ǀ dhānāḥ ǀ
apūpam ǀ addhi ǀ sa-gaṇaḥ ǀ marut-bhiḥ ǀ somam ǀ piba ǀ vṛtra-hā ǀ śūra ǀ vidvān ǁ
03.052.08 (Mandala. Sukta. Rik)
3.3.18.03 (Ashtaka. Adhyaya. Varga. Rik)
03.04.099 (Mandala. Anuvāka. Rik)
Samhita Devanagari Accented
प्रति॑ धा॒ना भ॑रत॒ तूय॑मस्मै पुरो॒ळाशं॑ वी॒रत॑माय नृ॒णां ।
दि॒वेदि॑वे स॒दृशी॑रिंद्र॒ तुभ्यं॒ वर्धं॑तु त्वा सोम॒पेया॑य धृष्णो ॥
Samhita Devanagari Nonaccented
प्रति धाना भरत तूयमस्मै पुरोळाशं वीरतमाय नृणां ।
दिवेदिवे सदृशीरिंद्र तुभ्यं वर्धंतु त्वा सोमपेयाय धृष्णो ॥
Samhita Transcription Accented
práti dhānā́ bharata tū́yamasmai puroḷā́śam vīrátamāya nṛṇā́m ǀ
divédive sadṛ́śīrindra túbhyam várdhantu tvā somapéyāya dhṛṣṇo ǁ
Samhita Transcription Nonaccented
prati dhānā bharata tūyamasmai puroḷāśam vīratamāya nṛṇām ǀ
divedive sadṛśīrindra tubhyam vardhantu tvā somapeyāya dhṛṣṇo ǁ
Padapatha Devanagari Accented
प्रति॑ । धा॒नाः । भ॒र॒त॒ । तूय॑म् । अ॒स्मै॒ । पु॒रो॒ळाश॑म् । वी॒रऽत॑माय । नृ॒णाम् ।
दि॒वेऽदि॑वे । स॒ऽदृशीः॑ । इ॒न्द्र॒ । तुभ्य॑म् । वर्ध॑न्तु । त्वा॒ । सो॒म॒ऽपेया॑य । धृ॒ष्णो॒ इति॑ ॥
Padapatha Devanagari Nonaccented
प्रति । धानाः । भरत । तूयम् । अस्मै । पुरोळाशम् । वीरऽतमाय । नृणाम् ।
दिवेऽदिवे । सऽदृशीः । इन्द्र । तुभ्यम् । वर्धन्तु । त्वा । सोमऽपेयाय । धृष्णो इति ॥
Padapatha Transcription Accented
práti ǀ dhānā́ḥ ǀ bharata ǀ tū́yam ǀ asmai ǀ puroḷā́śam ǀ vīrá-tamāya ǀ nṛṇā́m ǀ
divé-dive ǀ sa-dṛ́śīḥ ǀ indra ǀ túbhyam ǀ várdhantu ǀ tvā ǀ soma-péyāya ǀ dhṛṣṇo íti ǁ
Padapatha Transcription Nonaccented
prati ǀ dhānāḥ ǀ bharata ǀ tūyam ǀ asmai ǀ puroḷāśam ǀ vīra-tamāya ǀ nṛṇām ǀ
dive-dive ǀ sa-dṛśīḥ ǀ indra ǀ tubhyam ǀ vardhantu ǀ tvā ǀ soma-peyāya ǀ dhṛṣṇo iti ǁ