|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 4
Sūkta 3
|
1. Info |
| To: | agni | |
| From: | vāmadeva gautama | |
| Metres: | 1st set of styles: nicṛttriṣṭup (1, 5, 8, 10, 12, 15); virāṭtrisṭup (2, 3, 7, 9, 13, 14); paṅktiḥ (6, 11, 16); svarāḍbṛhatī (4) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
04.003.01 (Mandala. Sukta. Rik)
3.4.20.01 (Ashtaka. Adhyaya. Varga. Rik)
04.01.041 (Mandala. Anuvāka. Rik)
Samhita Devanagari Accented
आ वो॒ राजा॑नमध्व॒रस्य॑ रु॒द्रं होता॑रं सत्य॒यजं॒ रोद॑स्योः ।
अ॒ग्निं पु॒रा त॑नयि॒त्नोर॒चित्ता॒द्धिर॑ण्यरूप॒मव॑से कृणुध्वं ॥
Samhita Devanagari Nonaccented
आ वो राजानमध्वरस्य रुद्रं होतारं सत्ययजं रोदस्योः ।
अग्निं पुरा तनयित्नोरचित्ताद्धिरण्यरूपमवसे कृणुध्वं ॥
Samhita Transcription Accented
ā́ vo rā́jānamadhvarásya rudrám hótāram satyayájam ródasyoḥ ǀ
agním purā́ tanayitnóracíttāddhíraṇyarūpamávase kṛṇudhvam ǁ
Samhita Transcription Nonaccented
ā vo rājānamadhvarasya rudram hotāram satyayajam rodasyoḥ ǀ
agnim purā tanayitnoracittāddhiraṇyarūpamavase kṛṇudhvam ǁ
Padapatha Devanagari Accented
आ । वः॒ । राजा॑नम् । अ॒ध्व॒रस्य॑ । रु॒द्रम् । होता॑रम् । स॒त्य॒ऽयज॑म् । रोद॑स्योः ।
अ॒ग्निम् । पु॒रा । त॒न॒यि॒त्नोः । अ॒चित्ता॑त् । हिर॑ण्यऽरूपम् । अव॑से । कृ॒णु॒ध्व॒म् ॥
Padapatha Devanagari Nonaccented
आ । वः । राजानम् । अध्वरस्य । रुद्रम् । होतारम् । सत्यऽयजम् । रोदस्योः ।
अग्निम् । पुरा । तनयित्नोः । अचित्तात् । हिरण्यऽरूपम् । अवसे । कृणुध्वम् ॥
Padapatha Transcription Accented
ā́ ǀ vaḥ ǀ rā́jānam ǀ adhvarásya ǀ rudrám ǀ hótāram ǀ satya-yájam ǀ ródasyoḥ ǀ
agním ǀ purā́ ǀ tanayitnóḥ ǀ acíttāt ǀ híraṇya-rūpam ǀ ávase ǀ kṛṇudhvam ǁ
Padapatha Transcription Nonaccented
ā ǀ vaḥ ǀ rājānam ǀ adhvarasya ǀ rudram ǀ hotāram ǀ satya-yajam ǀ rodasyoḥ ǀ
agnim ǀ purā ǀ tanayitnoḥ ǀ acittāt ǀ hiraṇya-rūpam ǀ avase ǀ kṛṇudhvam ǁ
04.003.02 (Mandala. Sukta. Rik)
3.4.20.02 (Ashtaka. Adhyaya. Varga. Rik)
04.01.042 (Mandala. Anuvāka. Rik)
Samhita Devanagari Accented
अ॒यं योनि॑श्चकृ॒मा यं व॒यं ते॑ जा॒येव॒ पत्य॑ उश॒ती सु॒वासाः॑ ।
अ॒र्वा॒ची॒नः परि॑वीतो॒ नि षी॑दे॒मा उ॑ ते स्वपाक प्रती॒चीः ॥
Samhita Devanagari Nonaccented
अयं योनिश्चकृमा यं वयं ते जायेव पत्य उशती सुवासाः ।
अर्वाचीनः परिवीतो नि षीदेमा उ ते स्वपाक प्रतीचीः ॥
Samhita Transcription Accented
ayám yóniścakṛmā́ yám vayám te jāyéva pátya uśatī́ suvā́sāḥ ǀ
arvācīnáḥ párivīto ní ṣīdemā́ u te svapāka pratīcī́ḥ ǁ
Samhita Transcription Nonaccented
ayam yoniścakṛmā yam vayam te jāyeva patya uśatī suvāsāḥ ǀ
arvācīnaḥ parivīto ni ṣīdemā u te svapāka pratīcīḥ ǁ
Padapatha Devanagari Accented
अ॒यम् । योनिः॑ । च॒कृ॒म । यम् । व॒यम् । ते॒ । जा॒याऽइ॑व । पत्ये॑ । उ॒श॒ती । सु॒ऽवासाः॑ ।
अ॒र्वा॒ची॒नः । परि॑ऽवीतः । नि । सी॒द॒ । इ॒माः । ऊं॒ इति॑ । ते॒ । सु॒ऽअ॒पा॒क॒ । प्र॒ती॒चीः ॥
Padapatha Devanagari Nonaccented
अयम् । योनिः । चकृम । यम् । वयम् । ते । जायाऽइव । पत्ये । उशती । सुऽवासाः ।
अर्वाचीनः । परिऽवीतः । नि । सीद । इमाः । ऊं इति । ते । सुऽअपाक । प्रतीचीः ॥
Padapatha Transcription Accented
ayám ǀ yóniḥ ǀ cakṛmá ǀ yám ǀ vayám ǀ te ǀ jāyā́-iva ǀ pátye ǀ uśatī́ ǀ su-vā́sāḥ ǀ
arvācīnáḥ ǀ pári-vītaḥ ǀ ní ǀ sīda ǀ imā́ḥ ǀ ūṃ íti ǀ te ǀ su-apāka ǀ pratīcī́ḥ ǁ
Padapatha Transcription Nonaccented
ayam ǀ yoniḥ ǀ cakṛma ǀ yam ǀ vayam ǀ te ǀ jāyā-iva ǀ patye ǀ uśatī ǀ su-vāsāḥ ǀ
arvācīnaḥ ǀ pari-vītaḥ ǀ ni ǀ sīda ǀ imāḥ ǀ ūṃ iti ǀ te ǀ su-apāka ǀ pratīcīḥ ǁ
04.003.03 (Mandala. Sukta. Rik)
3.4.20.03 (Ashtaka. Adhyaya. Varga. Rik)
04.01.043 (Mandala. Anuvāka. Rik)
Samhita Devanagari Accented
आ॒शृ॒ण्व॒ते अदृ॑पिताय॒ मन्म॑ नृ॒चक्ष॑से सुमृळी॒काय॑ वेधः ।
दे॒वाय॑ श॒स्तिम॒मृता॑य शंस॒ ग्रावे॑व॒ सोता॑ मधु॒षुद्यमी॒ळे ॥
Samhita Devanagari Nonaccented
आशृण्वते अदृपिताय मन्म नृचक्षसे सुमृळीकाय वेधः ।
देवाय शस्तिममृताय शंस ग्रावेव सोता मधुषुद्यमीळे ॥
Samhita Transcription Accented
āśṛṇvaté ádṛpitāya mánma nṛcákṣase sumṛḷīkā́ya vedhaḥ ǀ
devā́ya śastímamṛ́tāya śaṃsa grā́veva sótā madhuṣúdyámīḷé ǁ
Samhita Transcription Nonaccented
āśṛṇvate adṛpitāya manma nṛcakṣase sumṛḷīkāya vedhaḥ ǀ
devāya śastimamṛtāya śaṃsa grāveva sotā madhuṣudyamīḷe ǁ
Padapatha Devanagari Accented
आ॒शृ॒ण्व॒ते । अदृ॑पिताय । मन्म॑ । नृ॒ऽचक्ष॑से । सु॒ऽमृ॒ळी॒काय॑ । वे॒धः॒ ।
दे॒वाय॑ । श॒स्तिम् । अ॒मृता॑य । शं॒स॒ । ग्रावा॑ऽइव । सोता॑ । म॒धु॒ऽसुत् । यम् । ई॒ळे ॥
Padapatha Devanagari Nonaccented
आशृण्वते । अदृपिताय । मन्म । नृऽचक्षसे । सुऽमृळीकाय । वेधः ।
देवाय । शस्तिम् । अमृताय । शंस । ग्रावाऽइव । सोता । मधुऽसुत् । यम् । ईळे ॥
Padapatha Transcription Accented
āśṛṇvaté ǀ ádṛpitāya ǀ mánma ǀ nṛ-cákṣase ǀ su-mṛḷīkā́ya ǀ vedhaḥ ǀ
devā́ya ǀ śastím ǀ amṛ́tāya ǀ śaṃsa ǀ grā́vā-iva ǀ sótā ǀ madhu-sút ǀ yám ǀ īḷé ǁ
Padapatha Transcription Nonaccented
āśṛṇvate ǀ adṛpitāya ǀ manma ǀ nṛ-cakṣase ǀ su-mṛḷīkāya ǀ vedhaḥ ǀ
devāya ǀ śastim ǀ amṛtāya ǀ śaṃsa ǀ grāvā-iva ǀ sotā ǀ madhu-sut ǀ yam ǀ īḷe ǁ
04.003.04 (Mandala. Sukta. Rik)
3.4.20.04 (Ashtaka. Adhyaya. Varga. Rik)
04.01.044 (Mandala. Anuvāka. Rik)
Samhita Devanagari Accented
त्वं चि॑न्नः॒ शम्या॑ अग्ने अ॒स्या ऋ॒तस्य॑ बोध्यृतचित्स्वा॒धीः ।
क॒दा त॑ उ॒क्था स॑ध॒माद्या॑नि क॒दा भ॑वंति स॒ख्या गृ॒हे ते॑ ॥
Samhita Devanagari Nonaccented
त्वं चिन्नः शम्या अग्ने अस्या ऋतस्य बोध्यृतचित्स्वाधीः ।
कदा त उक्था सधमाद्यानि कदा भवंति सख्या गृहे ते ॥
Samhita Transcription Accented
tvám cinnaḥ śámyā agne asyā́ ṛtásya bodhyṛtacitsvādhī́ḥ ǀ
kadā́ ta ukthā́ sadhamā́dyāni kadā́ bhavanti sakhyā́ gṛhé te ǁ
Samhita Transcription Nonaccented
tvam cinnaḥ śamyā agne asyā ṛtasya bodhyṛtacitsvādhīḥ ǀ
kadā ta ukthā sadhamādyāni kadā bhavanti sakhyā gṛhe te ǁ
Padapatha Devanagari Accented
त्वम् । चि॒त् । नः॒ । शम्यै॑ । अ॒ग्ने॒ । अ॒स्याः । ऋ॒तस्य॑ । बो॒धि॒ । ऋ॒त॒ऽचि॒त् । सु॒ऽआ॒धीः ।
क॒दा । ते॒ । उ॒क्था । स॒ध॒ऽमाद्या॑नि । क॒दा । भ॒व॒न्ति॒ । स॒ख्या । गृ॒हे । ते॒ ॥
Padapatha Devanagari Nonaccented
त्वम् । चित् । नः । शम्यै । अग्ने । अस्याः । ऋतस्य । बोधि । ऋतऽचित् । सुऽआधीः ।
कदा । ते । उक्था । सधऽमाद्यानि । कदा । भवन्ति । सख्या । गृहे । ते ॥
Padapatha Transcription Accented
tvám ǀ cit ǀ naḥ ǀ śámyai ǀ agne ǀ asyā́ḥ ǀ ṛtásya ǀ bodhi ǀ ṛta-cit ǀ su-ādhī́ḥ ǀ
kadā́ ǀ te ǀ ukthā́ ǀ sadha-mā́dyāni ǀ kadā́ ǀ bhavanti ǀ sakhyā́ ǀ gṛhé ǀ te ǁ
Padapatha Transcription Nonaccented
tvam ǀ cit ǀ naḥ ǀ śamyai ǀ agne ǀ asyāḥ ǀ ṛtasya ǀ bodhi ǀ ṛta-cit ǀ su-ādhīḥ ǀ
kadā ǀ te ǀ ukthā ǀ sadha-mādyāni ǀ kadā ǀ bhavanti ǀ sakhyā ǀ gṛhe ǀ te ǁ
04.003.05 (Mandala. Sukta. Rik)
3.4.20.05 (Ashtaka. Adhyaya. Varga. Rik)
04.01.045 (Mandala. Anuvāka. Rik)
Samhita Devanagari Accented
क॒था ह॒ तद्वरु॑णाय॒ त्वम॑ग्ने क॒था दि॒वे ग॑र्हसे॒ कन्न॒ आगः॑ ।
क॒था मि॒त्राय॑ मी॒ळ्हुषे॑ पृथि॒व्यै ब्रवः॒ कद॑र्य॒म्णे कद्भगा॑य ॥
Samhita Devanagari Nonaccented
कथा ह तद्वरुणाय त्वमग्ने कथा दिवे गर्हसे कन्न आगः ।
कथा मित्राय मीळ्हुषे पृथिव्यै ब्रवः कदर्यम्णे कद्भगाय ॥
Samhita Transcription Accented
kathā́ ha tádváruṇāya tvámagne kathā́ divé garhase kánna ā́gaḥ ǀ
kathā́ mitrā́ya mīḷhúṣe pṛthivyái brávaḥ kádaryamṇé kádbhágāya ǁ
Samhita Transcription Nonaccented
kathā ha tadvaruṇāya tvamagne kathā dive garhase kanna āgaḥ ǀ
kathā mitrāya mīḷhuṣe pṛthivyai bravaḥ kadaryamṇe kadbhagāya ǁ
Padapatha Devanagari Accented
क॒था । ह॒ । तत् । वरु॑णाय । त्वम् । अ॒ग्ने॒ । क॒था । दि॒वे । ग॒र्ह॒से॒ । कत् । नः॒ । आगः॑ ।
क॒था । मि॒त्राय॑ । मी॒ळ्हुषे॑ । पृ॒थि॒व्यै । ब्रवः॑ । कत् । अ॒र्य॒म्णे । कत् । भगा॑य ॥
Padapatha Devanagari Nonaccented
कथा । ह । तत् । वरुणाय । त्वम् । अग्ने । कथा । दिवे । गर्हसे । कत् । नः । आगः ।
कथा । मित्राय । मीळ्हुषे । पृथिव्यै । ब्रवः । कत् । अर्यम्णे । कत् । भगाय ॥
Padapatha Transcription Accented
kathā́ ǀ ha ǀ tát ǀ váruṇāya ǀ tvám ǀ agne ǀ kathā́ ǀ divé ǀ garhase ǀ kát ǀ naḥ ǀ ā́gaḥ ǀ
kathā́ ǀ mitrā́ya ǀ mīḷhúṣe ǀ pṛthivyái ǀ brávaḥ ǀ kát ǀ aryamṇé ǀ kát ǀ bhágāya ǁ
Padapatha Transcription Nonaccented
kathā ǀ ha ǀ tat ǀ varuṇāya ǀ tvam ǀ agne ǀ kathā ǀ dive ǀ garhase ǀ kat ǀ naḥ ǀ āgaḥ ǀ
kathā ǀ mitrāya ǀ mīḷhuṣe ǀ pṛthivyai ǀ bravaḥ ǀ kat ǀ aryamṇe ǀ kat ǀ bhagāya ǁ
04.003.06 (Mandala. Sukta. Rik)
3.4.21.01 (Ashtaka. Adhyaya. Varga. Rik)
04.01.046 (Mandala. Anuvāka. Rik)
Samhita Devanagari Accented
कद्धिष्ण्या॑सु वृधसा॒नो अ॑ग्ने॒ कद्वाता॑य॒ प्रत॑वसे शुभं॒ये ।
परि॑ज्मने॒ नास॑त्याय॒ क्षे ब्रवः॒ कद॑ग्ने रु॒द्राय॑ नृ॒घ्ने ॥
Samhita Devanagari Nonaccented
कद्धिष्ण्यासु वृधसानो अग्ने कद्वाताय प्रतवसे शुभंये ।
परिज्मने नासत्याय क्षे ब्रवः कदग्ने रुद्राय नृघ्ने ॥
Samhita Transcription Accented
káddhíṣṇyāsu vṛdhasānó agne kádvā́tāya prátavase śubhaṃyé ǀ
párijmane nā́satyāya kṣé brávaḥ kádagne rudrā́ya nṛghné ǁ
Samhita Transcription Nonaccented
kaddhiṣṇyāsu vṛdhasāno agne kadvātāya pratavase śubhaṃye ǀ
parijmane nāsatyāya kṣe bravaḥ kadagne rudrāya nṛghne ǁ
Padapatha Devanagari Accented
कत् । धिष्ण्या॑सु । वृ॒ध॒सा॒नः । अ॒ग्ने॒ । कत् । वाता॑य । प्रऽत॑वसे । शु॒भ॒म्ऽये ।
परि॑ऽज्मने । नास॑त्याय । क्षे । ब्रवः॑ । कत् । अ॒ग्ने॒ । रु॒द्राय॑ । नृ॒ऽघ्ने ॥
Padapatha Devanagari Nonaccented
कत् । धिष्ण्यासु । वृधसानः । अग्ने । कत् । वाताय । प्रऽतवसे । शुभम्ऽये ।
परिऽज्मने । नासत्याय । क्षे । ब्रवः । कत् । अग्ने । रुद्राय । नृऽघ्ने ॥
Padapatha Transcription Accented
kát ǀ dhíṣṇyāsu ǀ vṛdhasānáḥ ǀ agne ǀ kát ǀ vā́tāya ǀ prá-tavase ǀ śubham-yé ǀ
pári-jmane ǀ nā́satyāya ǀ kṣé ǀ brávaḥ ǀ kát ǀ agne ǀ rudrā́ya ǀ nṛ-ghné ǁ
Padapatha Transcription Nonaccented
kat ǀ dhiṣṇyāsu ǀ vṛdhasānaḥ ǀ agne ǀ kat ǀ vātāya ǀ pra-tavase ǀ śubham-ye ǀ
pari-jmane ǀ nāsatyāya ǀ kṣe ǀ bravaḥ ǀ kat ǀ agne ǀ rudrāya ǀ nṛ-ghne ǁ
04.003.07 (Mandala. Sukta. Rik)
3.4.21.02 (Ashtaka. Adhyaya. Varga. Rik)
04.01.047 (Mandala. Anuvāka. Rik)
Samhita Devanagari Accented
क॒था म॒हे पु॑ष्टिंभ॒राय॑ पू॒ष्णे कद्रु॒द्राय॒ सुम॑खाय हवि॒र्दे ।
कद्विष्ण॑व उरुगा॒याय॒ रेतो॒ ब्रवः॒ कद॑ग्ने॒ शर॑वे बृह॒त्यै ॥
Samhita Devanagari Nonaccented
कथा महे पुष्टिंभराय पूष्णे कद्रुद्राय सुमखाय हविर्दे ।
कद्विष्णव उरुगायाय रेतो ब्रवः कदग्ने शरवे बृहत्यै ॥
Samhita Transcription Accented
kathā́ mahé puṣṭimbharā́ya pūṣṇé kádrudrā́ya súmakhāya havirdé ǀ
kádvíṣṇava urugāyā́ya réto brávaḥ kádagne śárave bṛhatyái ǁ
Samhita Transcription Nonaccented
kathā mahe puṣṭimbharāya pūṣṇe kadrudrāya sumakhāya havirde ǀ
kadviṣṇava urugāyāya reto bravaḥ kadagne śarave bṛhatyai ǁ
Padapatha Devanagari Accented
क॒था । म॒हे । पु॒ष्टि॒म्ऽभ॒राय॑ । पू॒ष्णे । कत् । रु॒द्राय॑ । सुऽम॑खाय । ह॒विः॒ऽदे ।
कत् । विष्ण॑वे । उ॒रु॒ऽगा॒याय॑ । रेतः॑ । ब्रवः॑ । कत् । अ॒ग्ने॒ । शर॑वे । बृ॒ह॒त्यै ॥
Padapatha Devanagari Nonaccented
कथा । महे । पुष्टिम्ऽभराय । पूष्णे । कत् । रुद्राय । सुऽमखाय । हविःऽदे ।
कत् । विष्णवे । उरुऽगायाय । रेतः । ब्रवः । कत् । अग्ने । शरवे । बृहत्यै ॥
Padapatha Transcription Accented
kathā́ ǀ mahé ǀ puṣṭim-bharā́ya ǀ pūṣṇé ǀ kát ǀ rudrā́ya ǀ sú-makhāya ǀ haviḥ-dé ǀ
kát ǀ víṣṇave ǀ uru-gāyā́ya ǀ rétaḥ ǀ brávaḥ ǀ kát ǀ agne ǀ śárave ǀ bṛhatyái ǁ
Padapatha Transcription Nonaccented
kathā ǀ mahe ǀ puṣṭim-bharāya ǀ pūṣṇe ǀ kat ǀ rudrāya ǀ su-makhāya ǀ haviḥ-de ǀ
kat ǀ viṣṇave ǀ uru-gāyāya ǀ retaḥ ǀ bravaḥ ǀ kat ǀ agne ǀ śarave ǀ bṛhatyai ǁ
04.003.08 (Mandala. Sukta. Rik)
3.4.21.03 (Ashtaka. Adhyaya. Varga. Rik)
04.01.048 (Mandala. Anuvāka. Rik)
Samhita Devanagari Accented
क॒था शर्धा॑य म॒रुता॑मृ॒ताय॑ क॒था सू॒रे बृ॑ह॒ते पृ॒च्छ्यमा॑नः ।
प्रति॑ ब्र॒वोऽदि॑तये तु॒राय॒ साधा॑ दि॒वो जा॑तवेदश्चिकि॒त्वान् ॥
Samhita Devanagari Nonaccented
कथा शर्धाय मरुतामृताय कथा सूरे बृहते पृच्छ्यमानः ।
प्रति ब्रवोऽदितये तुराय साधा दिवो जातवेदश्चिकित्वान् ॥
Samhita Transcription Accented
kathā́ śárdhāya marútāmṛtā́ya kathā́ sūré bṛhaté pṛcchyámānaḥ ǀ
práti bravó’ditaye turā́ya sā́dhā divó jātavedaścikitvā́n ǁ
Samhita Transcription Nonaccented
kathā śardhāya marutāmṛtāya kathā sūre bṛhate pṛcchyamānaḥ ǀ
prati bravo’ditaye turāya sādhā divo jātavedaścikitvān ǁ
Padapatha Devanagari Accented
क॒था । शर्धा॑य । म॒रुता॑म् । ऋ॒ताय॑ । क॒था । सू॒रे । बृ॒ह॒ते । पृ॒च्छ्यमा॑नः ।
प्रति॑ । ब्र॒वः॒ । अदि॑तये । तु॒राय॑ । साध॑ । दि॒वः । जा॒त॒ऽवे॒दः॒ । चि॒कि॒त्वान् ॥
Padapatha Devanagari Nonaccented
कथा । शर्धाय । मरुताम् । ऋताय । कथा । सूरे । बृहते । पृच्छ्यमानः ।
प्रति । ब्रवः । अदितये । तुराय । साध । दिवः । जातऽवेदः । चिकित्वान् ॥
Padapatha Transcription Accented
kathā́ ǀ śárdhāya ǀ marútām ǀ ṛtā́ya ǀ kathā́ ǀ sūré ǀ bṛhaté ǀ pṛcchyámānaḥ ǀ
práti ǀ bravaḥ ǀ áditaye ǀ turā́ya ǀ sā́dha ǀ diváḥ ǀ jāta-vedaḥ ǀ cikitvā́n ǁ
Padapatha Transcription Nonaccented
kathā ǀ śardhāya ǀ marutām ǀ ṛtāya ǀ kathā ǀ sūre ǀ bṛhate ǀ pṛcchyamānaḥ ǀ
prati ǀ bravaḥ ǀ aditaye ǀ turāya ǀ sādha ǀ divaḥ ǀ jāta-vedaḥ ǀ cikitvān ǁ
04.003.09 (Mandala. Sukta. Rik)
3.4.21.04 (Ashtaka. Adhyaya. Varga. Rik)
04.01.049 (Mandala. Anuvāka. Rik)
Samhita Devanagari Accented
ऋ॒तेन॑ ऋ॒तं निय॑तमीळ॒ आ गोरा॒मा सचा॒ मधु॑मत्प॒क्वम॑ग्ने ।
कृ॒ष्णा स॒ती रुश॑ता धा॒सिनै॒षा जाम॑र्येण॒ पय॑सा पीपाय ॥
Samhita Devanagari Nonaccented
ऋतेन ऋतं नियतमीळ आ गोरामा सचा मधुमत्पक्वमग्ने ।
कृष्णा सती रुशता धासिनैषा जामर्येण पयसा पीपाय ॥
Samhita Transcription Accented
ṛténa ṛtám níyatamīḷa ā́ górāmā́ sácā mádhumatpakvámagne ǀ
kṛṣṇā́ satī́ rúśatā dhāsínaiṣā́ jā́maryeṇa páyasā pīpāya ǁ
Samhita Transcription Nonaccented
ṛtena ṛtam niyatamīḷa ā gorāmā sacā madhumatpakvamagne ǀ
kṛṣṇā satī ruśatā dhāsinaiṣā jāmaryeṇa payasā pīpāya ǁ
Padapatha Devanagari Accented
ऋ॒तेन॑ । ऋ॒तम् । निऽय॑तम् । ई॒ळे॒ । आ । गोः । आ॒मा । सचा॑ । मधु॑ऽमत् । प॒क्वम् । अ॒ग्ने॒ ।
कृ॒ष्णा । स॒ती । रुश॑ता । धा॒सिना॑ । ए॒षा । जाम॑र्येण । पय॑सा । पी॒पा॒य॒ ॥
Padapatha Devanagari Nonaccented
ऋतेन । ऋतम् । निऽयतम् । ईळे । आ । गोः । आमा । सचा । मधुऽमत् । पक्वम् । अग्ने ।
कृष्णा । सती । रुशता । धासिना । एषा । जामर्येण । पयसा । पीपाय ॥
Padapatha Transcription Accented
ṛténa ǀ ṛtám ǀ ní-yatam ǀ īḷe ǀ ā́ ǀ góḥ ǀ āmā́ ǀ sácā ǀ mádhu-mat ǀ pakvám ǀ agne ǀ
kṛṣṇā́ ǀ satī́ ǀ rúśatā ǀ dhāsínā ǀ eṣā́ ǀ jā́maryeṇa ǀ páyasā ǀ pīpāya ǁ
Padapatha Transcription Nonaccented
ṛtena ǀ ṛtam ǀ ni-yatam ǀ īḷe ǀ ā ǀ goḥ ǀ āmā ǀ sacā ǀ madhu-mat ǀ pakvam ǀ agne ǀ
kṛṣṇā ǀ satī ǀ ruśatā ǀ dhāsinā ǀ eṣā ǀ jāmaryeṇa ǀ payasā ǀ pīpāya ǁ
04.003.10 (Mandala. Sukta. Rik)
3.4.21.05 (Ashtaka. Adhyaya. Varga. Rik)
04.01.050 (Mandala. Anuvāka. Rik)
Samhita Devanagari Accented
ऋ॒तेन॒ हि ष्मा॑ वृष॒भश्चि॑द॒क्तः पुमाँ॑ अ॒ग्निः पय॑सा पृ॒ष्ठ्ये॑न ।
अस्पं॑दमानो अचरद्वयो॒धा वृषा॑ शु॒क्रं दु॑दुहे॒ पृश्नि॒रूधः॑ ॥
Samhita Devanagari Nonaccented
ऋतेन हि ष्मा वृषभश्चिदक्तः पुमाँ अग्निः पयसा पृष्ठ्येन ।
अस्पंदमानो अचरद्वयोधा वृषा शुक्रं दुदुहे पृश्निरूधः ॥
Samhita Transcription Accented
ṛténa hí ṣmā vṛṣabháścidaktáḥ púmām̐ agníḥ páyasā pṛṣṭhyéna ǀ
áspandamāno acaradvayodhā́ vṛ́ṣā śukrám duduhe pṛ́śnirū́dhaḥ ǁ
Samhita Transcription Nonaccented
ṛtena hi ṣmā vṛṣabhaścidaktaḥ pumām̐ agniḥ payasā pṛṣṭhyena ǀ
aspandamāno acaradvayodhā vṛṣā śukram duduhe pṛśnirūdhaḥ ǁ
Padapatha Devanagari Accented
ऋ॒तेन॑ । हि । स्म॒ । वृ॒ष॒भः । चि॒त् । अ॒क्तः । पुमा॑न् । अ॒ग्निः । पय॑सा । पृ॒ष्ठ्ये॑न ।
अस्प॑न्दमानः । अ॒च॒र॒त् । व॒यः॒ऽधाः । वृषा॑ । शु॒क्रम् । दु॒दु॒हे॒ । पृश्निः॑ । ऊधः॑ ॥
Padapatha Devanagari Nonaccented
ऋतेन । हि । स्म । वृषभः । चित् । अक्तः । पुमान् । अग्निः । पयसा । पृष्ठ्येन ।
अस्पन्दमानः । अचरत् । वयःऽधाः । वृषा । शुक्रम् । दुदुहे । पृश्निः । ऊधः ॥
Padapatha Transcription Accented
ṛténa ǀ hí ǀ sma ǀ vṛṣabháḥ ǀ cit ǀ aktáḥ ǀ púmān ǀ agníḥ ǀ páyasā ǀ pṛṣṭhyéna ǀ
áspandamānaḥ ǀ acarat ǀ vayaḥ-dhā́ḥ ǀ vṛ́ṣā ǀ śukrám ǀ duduhe ǀ pṛ́śniḥ ǀ ū́dhaḥ ǁ
Padapatha Transcription Nonaccented
ṛtena ǀ hi ǀ sma ǀ vṛṣabhaḥ ǀ cit ǀ aktaḥ ǀ pumān ǀ agniḥ ǀ payasā ǀ pṛṣṭhyena ǀ
aspandamānaḥ ǀ acarat ǀ vayaḥ-dhāḥ ǀ vṛṣā ǀ śukram ǀ duduhe ǀ pṛśniḥ ǀ ūdhaḥ ǁ
04.003.11 (Mandala. Sukta. Rik)
3.4.22.01 (Ashtaka. Adhyaya. Varga. Rik)
04.01.051 (Mandala. Anuvāka. Rik)
Samhita Devanagari Accented
ऋ॒तेनाद्रिं॒ व्य॑सन्भि॒दंतः॒ समंगि॑रसो नवंत॒ गोभिः॑ ।
शु॒नं नरः॒ परि॑ षदन्नु॒षास॑मा॒विः स्व॑रभवज्जा॒ते अ॒ग्नौ ॥
Samhita Devanagari Nonaccented
ऋतेनाद्रिं व्यसन्भिदंतः समंगिरसो नवंत गोभिः ।
शुनं नरः परि षदन्नुषासमाविः स्वरभवज्जाते अग्नौ ॥
Samhita Transcription Accented
ṛténā́drim vyásanbhidántaḥ sámáṅgiraso navanta góbhiḥ ǀ
śunám náraḥ pári ṣadannuṣā́samāvíḥ svárabhavajjāté agnáu ǁ
Samhita Transcription Nonaccented
ṛtenādrim vyasanbhidantaḥ samaṅgiraso navanta gobhiḥ ǀ
śunam naraḥ pari ṣadannuṣāsamāviḥ svarabhavajjāte agnau ǁ
Padapatha Devanagari Accented
ऋ॒तेन॑ । अद्रि॑म् । वि । अ॒स॒न् । भि॒दन्तः॑ । सम् । अङ्गि॑रसः । न॒व॒न्त॒ । गोभिः॑ ।
शु॒नम् । नरः॑ । परि॑ । स॒द॒न् । उ॒षस॑म् । आ॒विः । स्वः॑ । अ॒भ॒व॒त् । जा॒ते । अ॒ग्नौ ॥
Padapatha Devanagari Nonaccented
ऋतेन । अद्रिम् । वि । असन् । भिदन्तः । सम् । अङ्गिरसः । नवन्त । गोभिः ।
शुनम् । नरः । परि । सदन् । उषसम् । आविः । स्वः । अभवत् । जाते । अग्नौ ॥
Padapatha Transcription Accented
ṛténa ǀ ádrim ǀ ví ǀ asan ǀ bhidántaḥ ǀ sám ǀ áṅgirasaḥ ǀ navanta ǀ góbhiḥ ǀ
śunám ǀ náraḥ ǀ pári ǀ sadan ǀ uṣásam ǀ āvíḥ ǀ sváḥ ǀ abhavat ǀ jāté ǀ agnáu ǁ
Padapatha Transcription Nonaccented
ṛtena ǀ adrim ǀ vi ǀ asan ǀ bhidantaḥ ǀ sam ǀ aṅgirasaḥ ǀ navanta ǀ gobhiḥ ǀ
śunam ǀ naraḥ ǀ pari ǀ sadan ǀ uṣasam ǀ āviḥ ǀ svaḥ ǀ abhavat ǀ jāte ǀ agnau ǁ
04.003.12 (Mandala. Sukta. Rik)
3.4.22.02 (Ashtaka. Adhyaya. Varga. Rik)
04.01.052 (Mandala. Anuvāka. Rik)
Samhita Devanagari Accented
ऋ॒तेन॑ दे॒वीर॒मृता॒ अमृ॑क्ता॒ अर्णो॑भि॒रापो॒ मधु॑मद्भिरग्ने ।
वा॒जी न सर्गे॑षु प्रस्तुभा॒नः प्र सद॒मित्स्रवि॑तवे दधन्युः ॥
Samhita Devanagari Nonaccented
ऋतेन देवीरमृता अमृक्ता अर्णोभिरापो मधुमद्भिरग्ने ।
वाजी न सर्गेषु प्रस्तुभानः प्र सदमित्स्रवितवे दधन्युः ॥
Samhita Transcription Accented
ṛténa devī́ramṛ́tā ámṛktā árṇobhirā́po mádhumadbhiragne ǀ
vājī́ ná sárgeṣu prastubhānáḥ prá sádamítsrávitave dadhanyuḥ ǁ
Samhita Transcription Nonaccented
ṛtena devīramṛtā amṛktā arṇobhirāpo madhumadbhiragne ǀ
vājī na sargeṣu prastubhānaḥ pra sadamitsravitave dadhanyuḥ ǁ
Padapatha Devanagari Accented
ऋ॒तेन॑ । दे॒वीः । अ॒मृताः॑ । अमृ॑क्ताः । अर्णः॑ऽभिः । आपः॑ । मधु॑मत्ऽभिः । अ॒ग्ने॒ ।
वा॒जी । न । सर्गे॑षु । प्र॒ऽस्तु॒भा॒नः । प्र । सद॑म् । इत् । स्रवि॑तवे । द॒ध॒न्युः॒ ॥
Padapatha Devanagari Nonaccented
ऋतेन । देवीः । अमृताः । अमृक्ताः । अर्णःऽभिः । आपः । मधुमत्ऽभिः । अग्ने ।
वाजी । न । सर्गेषु । प्रऽस्तुभानः । प्र । सदम् । इत् । स्रवितवे । दधन्युः ॥
Padapatha Transcription Accented
ṛténa ǀ devī́ḥ ǀ amṛ́tāḥ ǀ ámṛktāḥ ǀ árṇaḥ-bhiḥ ǀ ā́paḥ ǀ mádhumat-bhiḥ ǀ agne ǀ
vājī́ ǀ ná ǀ sárgeṣu ǀ pra-stubhānáḥ ǀ prá ǀ sádam ǀ ít ǀ srávitave ǀ dadhanyuḥ ǁ
Padapatha Transcription Nonaccented
ṛtena ǀ devīḥ ǀ amṛtāḥ ǀ amṛktāḥ ǀ arṇaḥ-bhiḥ ǀ āpaḥ ǀ madhumat-bhiḥ ǀ agne ǀ
vājī ǀ na ǀ sargeṣu ǀ pra-stubhānaḥ ǀ pra ǀ sadam ǀ it ǀ sravitave ǀ dadhanyuḥ ǁ
04.003.13 (Mandala. Sukta. Rik)
3.4.22.03 (Ashtaka. Adhyaya. Varga. Rik)
04.01.053 (Mandala. Anuvāka. Rik)
Samhita Devanagari Accented
मा कस्य॑ य॒क्षं सद॒मिद्धु॒रो गा॒ मा वे॒शस्य॑ प्रमिन॒तो मापेः ।
मा भ्रातु॑रग्ने॒ अनृ॑जोर्ऋ॒णं वे॒र्मा सख्यु॒र्दक्षं॑ रि॒पोर्भु॑जेम ॥
Samhita Devanagari Nonaccented
मा कस्य यक्षं सदमिद्धुरो गा मा वेशस्य प्रमिनतो मापेः ।
मा भ्रातुरग्ने अनृजोर्ऋणं वेर्मा सख्युर्दक्षं रिपोर्भुजेम ॥
Samhita Transcription Accented
mā́ kásya yakṣám sádamíddhuró gā mā́ veśásya praminató mā́péḥ ǀ
mā́ bhrā́turagne ánṛjorṛṇám vermā́ sákhyurdákṣam ripórbhujema ǁ
Samhita Transcription Nonaccented
mā kasya yakṣam sadamiddhuro gā mā veśasya praminato māpeḥ ǀ
mā bhrāturagne anṛjorṛṇam vermā sakhyurdakṣam riporbhujema ǁ
Padapatha Devanagari Accented
मा । कस्य॑ । य॒क्षम् । सद॑म् । इत् । हु॒रः । गाः॒ । मा । वे॒शस्य॑ । प्र॒ऽमि॒न॒तः । मा । आ॒पेः ।
मा । भ्रातुः॑ । अ॒ग्ने॒ । अनृ॑जोः । ऋ॒णम् । वेः॒ । मा । सख्युः॑ । दक्ष॑म् । रि॒पोः । भु॒जे॒म॒ ॥
Padapatha Devanagari Nonaccented
मा । कस्य । यक्षम् । सदम् । इत् । हुरः । गाः । मा । वेशस्य । प्रऽमिनतः । मा । आपेः ।
मा । भ्रातुः । अग्ने । अनृजोः । ऋणम् । वेः । मा । सख्युः । दक्षम् । रिपोः । भुजेम ॥
Padapatha Transcription Accented
mā́ ǀ kásya ǀ yakṣám ǀ sádam ǀ ít ǀ huráḥ ǀ gāḥ ǀ mā́ ǀ veśásya ǀ pra-minatáḥ ǀ mā́ ǀ āpéḥ ǀ
mā́ ǀ bhrā́tuḥ ǀ agne ǀ ánṛjoḥ ǀ ṛṇám ǀ veḥ ǀ mā́ ǀ sákhyuḥ ǀ dákṣam ǀ ripóḥ ǀ bhujema ǁ
Padapatha Transcription Nonaccented
mā ǀ kasya ǀ yakṣam ǀ sadam ǀ it ǀ huraḥ ǀ gāḥ ǀ mā ǀ veśasya ǀ pra-minataḥ ǀ mā ǀ āpeḥ ǀ
mā ǀ bhrātuḥ ǀ agne ǀ anṛjoḥ ǀ ṛṇam ǀ veḥ ǀ mā ǀ sakhyuḥ ǀ dakṣam ǀ ripoḥ ǀ bhujema ǁ
04.003.14 (Mandala. Sukta. Rik)
3.4.22.04 (Ashtaka. Adhyaya. Varga. Rik)
04.01.054 (Mandala. Anuvāka. Rik)
Samhita Devanagari Accented
रक्षा॑ णो अग्ने॒ तव॒ रक्ष॑णेभी रारक्षा॒णः सु॑मख प्रीणा॒नः ।
प्रति॑ ष्फुर॒ वि रु॑ज वी॒ड्वंहो॑ ज॒हि रक्षो॒ महि॑ चिद्वावृधा॒नं ॥
Samhita Devanagari Nonaccented
रक्षा णो अग्ने तव रक्षणेभी रारक्षाणः सुमख प्रीणानः ।
प्रति ष्फुर वि रुज वीड्वंहो जहि रक्षो महि चिद्वावृधानं ॥
Samhita Transcription Accented
rákṣā ṇo agne táva rákṣaṇebhī rārakṣāṇáḥ sumakha prīṇānáḥ ǀ
práti ṣphura ví ruja vīḍváṃho jahí rákṣo máhi cidvāvṛdhānám ǁ
Samhita Transcription Nonaccented
rakṣā ṇo agne tava rakṣaṇebhī rārakṣāṇaḥ sumakha prīṇānaḥ ǀ
prati ṣphura vi ruja vīḍvaṃho jahi rakṣo mahi cidvāvṛdhānam ǁ
Padapatha Devanagari Accented
रक्ष॑ । नः॒ । अ॒ग्ने॒ । तव॑ । रक्ष॑णेभिः । र॒र॒क्षा॒णः । सु॒ऽम॒ख॒ । प्री॒णा॒नः ।
प्रति॑ । स्फु॒र॒ । वि । रु॒ज॒ । वी॒ळु । अंहः॑ । ज॒हि । रक्षः॑ । महि॑ । चि॒त् । व॒वृ॒धा॒नम् ॥
Padapatha Devanagari Nonaccented
रक्ष । नः । अग्ने । तव । रक्षणेभिः । ररक्षाणः । सुऽमख । प्रीणानः ।
प्रति । स्फुर । वि । रुज । वीळु । अंहः । जहि । रक्षः । महि । चित् । ववृधानम् ॥
Padapatha Transcription Accented
rákṣa ǀ naḥ ǀ agne ǀ táva ǀ rákṣaṇebhiḥ ǀ rarakṣāṇáḥ ǀ su-makha ǀ prīṇānáḥ ǀ
práti ǀ sphura ǀ ví ǀ ruja ǀ vīḷú ǀ áṃhaḥ ǀ jahí ǀ rákṣaḥ ǀ máhi ǀ cit ǀ vavṛdhānám ǁ
Padapatha Transcription Nonaccented
rakṣa ǀ naḥ ǀ agne ǀ tava ǀ rakṣaṇebhiḥ ǀ rarakṣāṇaḥ ǀ su-makha ǀ prīṇānaḥ ǀ
prati ǀ sphura ǀ vi ǀ ruja ǀ vīḷu ǀ aṃhaḥ ǀ jahi ǀ rakṣaḥ ǀ mahi ǀ cit ǀ vavṛdhānam ǁ
04.003.15 (Mandala. Sukta. Rik)
3.4.22.05 (Ashtaka. Adhyaya. Varga. Rik)
04.01.055 (Mandala. Anuvāka. Rik)
Samhita Devanagari Accented
ए॒भिर्भ॑व सु॒मना॑ अग्ने अ॒र्कैरि॒मान्त्स्पृ॑श॒ मन्म॑भिः शूर॒ वाजा॑न् ।
उ॒त ब्रह्मा॑ण्यंगिरो जुषस्व॒ सं ते॑ श॒स्तिर्दे॒ववा॑ता जरेत ॥
Samhita Devanagari Nonaccented
एभिर्भव सुमना अग्ने अर्कैरिमान्त्स्पृश मन्मभिः शूर वाजान् ।
उत ब्रह्माण्यंगिरो जुषस्व सं ते शस्तिर्देववाता जरेत ॥
Samhita Transcription Accented
ebhírbhava sumánā agne arkáirimā́ntspṛśa mánmabhiḥ śūra vā́jān ǀ
utá bráhmāṇyaṅgiro juṣasva sám te śastírdevávātā jareta ǁ
Samhita Transcription Nonaccented
ebhirbhava sumanā agne arkairimāntspṛśa manmabhiḥ śūra vājān ǀ
uta brahmāṇyaṅgiro juṣasva sam te śastirdevavātā jareta ǁ
Padapatha Devanagari Accented
ए॒भिः । भ॒व॒ । सु॒ऽमनाः॑ । अ॒ग्ने॒ । अ॒र्कैः । इ॒मान् । स्पृ॒श॒ । मन्म॑ऽभिः । शू॒र॒ । वाजा॑न् ।
उ॒त । ब्रह्मा॑णि । अ॒ङ्गि॒रः॒ । जु॒ष॒स्व॒ । सम् । ते॒ । श॒स्तिः । दे॒वऽवा॑ता । ज॒रे॒त॒ ॥
Padapatha Devanagari Nonaccented
एभिः । भव । सुऽमनाः । अग्ने । अर्कैः । इमान् । स्पृश । मन्मऽभिः । शूर । वाजान् ।
उत । ब्रह्माणि । अङ्गिरः । जुषस्व । सम् । ते । शस्तिः । देवऽवाता । जरेत ॥
Padapatha Transcription Accented
ebhíḥ ǀ bhava ǀ su-mánāḥ ǀ agne ǀ arkáiḥ ǀ imā́n ǀ spṛśa ǀ mánma-bhiḥ ǀ śūra ǀ vā́jān ǀ
utá ǀ bráhmāṇi ǀ aṅgiraḥ ǀ juṣasva ǀ sám ǀ te ǀ śastíḥ ǀ devá-vātā ǀ jareta ǁ
Padapatha Transcription Nonaccented
ebhiḥ ǀ bhava ǀ su-manāḥ ǀ agne ǀ arkaiḥ ǀ imān ǀ spṛśa ǀ manma-bhiḥ ǀ śūra ǀ vājān ǀ
uta ǀ brahmāṇi ǀ aṅgiraḥ ǀ juṣasva ǀ sam ǀ te ǀ śastiḥ ǀ deva-vātā ǀ jareta ǁ
04.003.16 (Mandala. Sukta. Rik)
3.4.22.06 (Ashtaka. Adhyaya. Varga. Rik)
04.01.056 (Mandala. Anuvāka. Rik)
Samhita Devanagari Accented
ए॒ता विश्वा॑ वि॒दुषे॒ तुभ्यं॑ वेधो नी॒थान्य॑ग्ने नि॒ण्या वचां॑सि ।
नि॒वच॑ना क॒वये॒ काव्या॒न्यशं॑सिषं म॒तिभि॒र्विप्र॑ उ॒क्थैः ॥
Samhita Devanagari Nonaccented
एता विश्वा विदुषे तुभ्यं वेधो नीथान्यग्ने निण्या वचांसि ।
निवचना कवये काव्यान्यशंसिषं मतिभिर्विप्र उक्थैः ॥
Samhita Transcription Accented
etā́ víśvā vidúṣe túbhyam vedho nīthā́nyagne niṇyā́ vácāṃsi ǀ
nivácanā kaváye kā́vyānyáśaṃsiṣam matíbhirvípra uktháiḥ ǁ
Samhita Transcription Nonaccented
etā viśvā viduṣe tubhyam vedho nīthānyagne niṇyā vacāṃsi ǀ
nivacanā kavaye kāvyānyaśaṃsiṣam matibhirvipra ukthaiḥ ǁ
Padapatha Devanagari Accented
ए॒ता । विश्वा॑ । वि॒दुषे॑ । तुभ्य॑म् । वे॒धः॒ । नी॒थानि॑ । अ॒ग्ने॒ । नि॒ण्या । वचां॑सि ।
नि॒ऽवच॑ना । क॒वये॑ । काव्या॑नि । अशं॑सिषम् । म॒तिऽभिः॑ । विप्रः॑ । उ॒क्थैः ॥
Padapatha Devanagari Nonaccented
एता । विश्वा । विदुषे । तुभ्यम् । वेधः । नीथानि । अग्ने । निण्या । वचांसि ।
निऽवचना । कवये । काव्यानि । अशंसिषम् । मतिऽभिः । विप्रः । उक्थैः ॥
Padapatha Transcription Accented
etā́ ǀ víśvā ǀ vidúṣe ǀ túbhyam ǀ vedhaḥ ǀ nīthā́ni ǀ agne ǀ niṇyā́ ǀ vácāṃsi ǀ
ni-vácanā ǀ kaváye ǀ kā́vyāni ǀ áśaṃsiṣam ǀ matí-bhiḥ ǀ vípraḥ ǀ uktháiḥ ǁ
Padapatha Transcription Nonaccented
etā ǀ viśvā ǀ viduṣe ǀ tubhyam ǀ vedhaḥ ǀ nīthāni ǀ agne ǀ niṇyā ǀ vacāṃsi ǀ
ni-vacanā ǀ kavaye ǀ kāvyāni ǀ aśaṃsiṣam ǀ mati-bhiḥ ǀ vipraḥ ǀ ukthaiḥ ǁ