|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 4
Sūkta 16
|
1. Info |
| To: | indra | |
| From: | vāmadeva gautama | |
| Metres: | 1st set of styles: nicṛttriṣṭup (1, 4, 6, 8, 9, 12, 19); svarāṭpaṅkti (5, 13-15); bhurikpaṅkti (10, 11, 18, 20); virāṭtrisṭup (7, 16, 17); nicṛtpaṅkti (2, 21); triṣṭup (3) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
04.016.01 (Mandala. Sukta. Rik)
3.5.17.01 (Ashtaka. Adhyaya. Varga. Rik)
04.02.033 (Mandala. Anuvāka. Rik)
Samhita Devanagari Accented
आ स॒त्यो या॑तु म॒घवाँ॑ ऋजी॒षी द्रवं॑त्वस्य॒ हर॑य॒ उप॑ नः ।
तस्मा॒ इदंधः॑ सुषुमा सु॒दक्ष॑मि॒हाभि॑पि॒त्वं क॑रते गृणा॒नः ॥
Samhita Devanagari Nonaccented
आ सत्यो यातु मघवाँ ऋजीषी द्रवंत्वस्य हरय उप नः ।
तस्मा इदंधः सुषुमा सुदक्षमिहाभिपित्वं करते गृणानः ॥
Samhita Transcription Accented
ā́ satyó yātu maghávām̐ ṛjīṣī́ drávantvasya háraya úpa naḥ ǀ
tásmā ídándhaḥ suṣumā sudákṣamihā́bhipitvám karate gṛṇānáḥ ǁ
Samhita Transcription Nonaccented
ā satyo yātu maghavām̐ ṛjīṣī dravantvasya haraya upa naḥ ǀ
tasmā idandhaḥ suṣumā sudakṣamihābhipitvam karate gṛṇānaḥ ǁ
Padapatha Devanagari Accented
आ । स॒त्यः । या॒तु॒ । म॒घऽवा॑न् । ऋ॒जी॒षी । द्रव॑न्तु । अ॒स्य॒ । हर॑यः । उप॑ । नः॒ ।
तस्मै॑ । इत् । अन्धः॑ । सु॒सु॒म॒ । सु॒ऽदक्ष॑म् । इ॒ह । अ॒भि॒ऽपि॒त्वम् । क॒र॒ते॒ । गृ॒णा॒नः ॥
Padapatha Devanagari Nonaccented
आ । सत्यः । यातु । मघऽवान् । ऋजीषी । द्रवन्तु । अस्य । हरयः । उप । नः ।
तस्मै । इत् । अन्धः । सुसुम । सुऽदक्षम् । इह । अभिऽपित्वम् । करते । गृणानः ॥
Padapatha Transcription Accented
ā́ ǀ satyáḥ ǀ yātu ǀ maghá-vān ǀ ṛjīṣī́ ǀ drávantu ǀ asya ǀ hárayaḥ ǀ úpa ǀ naḥ ǀ
tásmai ǀ ít ǀ ándhaḥ ǀ susuma ǀ su-dákṣam ǀ ihá ǀ abhi-pitvám ǀ karate ǀ gṛṇānáḥ ǁ
Padapatha Transcription Nonaccented
ā ǀ satyaḥ ǀ yātu ǀ magha-vān ǀ ṛjīṣī ǀ dravantu ǀ asya ǀ harayaḥ ǀ upa ǀ naḥ ǀ
tasmai ǀ it ǀ andhaḥ ǀ susuma ǀ su-dakṣam ǀ iha ǀ abhi-pitvam ǀ karate ǀ gṛṇānaḥ ǁ
04.016.02 (Mandala. Sukta. Rik)
3.5.17.02 (Ashtaka. Adhyaya. Varga. Rik)
04.02.034 (Mandala. Anuvāka. Rik)
Samhita Devanagari Accented
अव॑ स्य शू॒राध्व॑नो॒ नांते॒ऽस्मिन्नो॑ अ॒द्य सव॑ने मं॒दध्यै॑ ।
शंसा॑त्यु॒क्थमु॒शने॑व वे॒धाश्चि॑कि॒तुषे॑ असु॒र्या॑य॒ मन्म॑ ॥
Samhita Devanagari Nonaccented
अव स्य शूराध्वनो नांतेऽस्मिन्नो अद्य सवने मंदध्यै ।
शंसात्युक्थमुशनेव वेधाश्चिकितुषे असुर्याय मन्म ॥
Samhita Transcription Accented
áva sya śūrā́dhvano nā́nte’smínno adyá sávane mandádhyai ǀ
śáṃsātyukthámuśáneva vedhā́ścikitúṣe asuryā́ya mánma ǁ
Samhita Transcription Nonaccented
ava sya śūrādhvano nānte’sminno adya savane mandadhyai ǀ
śaṃsātyukthamuśaneva vedhāścikituṣe asuryāya manma ǁ
Padapatha Devanagari Accented
अव॑ । स्य॒ । शू॒र॒ । अध्व॑नः । न । अन्ते॑ । अ॒स्मिन् । नः॒ । अ॒द्य । सव॑ने । म॒न्दध्यै॑ ।
शंसा॑ति । उ॒क्थम् । उ॒शना॑ऽइव । वे॒धाः । चि॒कि॒तुषे॑ । अ॒सु॒र्या॑य । मन्म॑ ॥
Padapatha Devanagari Nonaccented
अव । स्य । शूर । अध्वनः । न । अन्ते । अस्मिन् । नः । अद्य । सवने । मन्दध्यै ।
शंसाति । उक्थम् । उशनाऽइव । वेधाः । चिकितुषे । असुर्याय । मन्म ॥
Padapatha Transcription Accented
áva ǀ sya ǀ śūra ǀ ádhvanaḥ ǀ ná ǀ ánte ǀ asmín ǀ naḥ ǀ adyá ǀ sávane ǀ mandádhyai ǀ
śáṃsāti ǀ ukthám ǀ uśánā-iva ǀ vedhā́ḥ ǀ cikitúṣe ǀ asuryā́ya ǀ mánma ǁ
Padapatha Transcription Nonaccented
ava ǀ sya ǀ śūra ǀ adhvanaḥ ǀ na ǀ ante ǀ asmin ǀ naḥ ǀ adya ǀ savane ǀ mandadhyai ǀ
śaṃsāti ǀ uktham ǀ uśanā-iva ǀ vedhāḥ ǀ cikituṣe ǀ asuryāya ǀ manma ǁ
04.016.03 (Mandala. Sukta. Rik)
3.5.17.03 (Ashtaka. Adhyaya. Varga. Rik)
04.02.035 (Mandala. Anuvāka. Rik)
Samhita Devanagari Accented
क॒विर्न नि॒ण्यं वि॒दथा॑नि॒ साध॒न्वृषा॒ यत्सेकं॑ विपिपा॒नो अर्चा॑त् ।
दि॒व इ॒त्था जी॑जनत्स॒प्त का॒रूनह्ना॑ चिच्चक्रुर्व॒युना॑ गृ॒णंतः॑ ॥
Samhita Devanagari Nonaccented
कविर्न निण्यं विदथानि साधन्वृषा यत्सेकं विपिपानो अर्चात् ।
दिव इत्था जीजनत्सप्त कारूनह्ना चिच्चक्रुर्वयुना गृणंतः ॥
Samhita Transcription Accented
kavírná niṇyám vidáthāni sā́dhanvṛ́ṣā yátsékam vipipānó árcāt ǀ
divá itthā́ jījanatsaptá kārū́náhnā ciccakrurvayúnā gṛṇántaḥ ǁ
Samhita Transcription Nonaccented
kavirna niṇyam vidathāni sādhanvṛṣā yatsekam vipipāno arcāt ǀ
diva itthā jījanatsapta kārūnahnā ciccakrurvayunā gṛṇantaḥ ǁ
Padapatha Devanagari Accented
क॒विः । न । नि॒ण्यम् । वि॒दथा॑नि । साध॑न् । वृषा॑ । यत् । सेक॑म् । वि॒ऽपि॒पा॒नः । अर्चा॑त् ।
दि॒वः । इ॒त्था । जी॒ज॒न॒त् । स॒प्त । का॒रून् । अह्ना॑ । चि॒त् । च॒क्रुः॒ । व॒युना॑ । गृ॒णन्तः॑ ॥
Padapatha Devanagari Nonaccented
कविः । न । निण्यम् । विदथानि । साधन् । वृषा । यत् । सेकम् । विऽपिपानः । अर्चात् ।
दिवः । इत्था । जीजनत् । सप्त । कारून् । अह्ना । चित् । चक्रुः । वयुना । गृणन्तः ॥
Padapatha Transcription Accented
kavíḥ ǀ ná ǀ niṇyám ǀ vidáthāni ǀ sā́dhan ǀ vṛ́ṣā ǀ yát ǀ sékam ǀ vi-pipānáḥ ǀ árcāt ǀ
diváḥ ǀ itthā́ ǀ jījanat ǀ saptá ǀ kārū́n ǀ áhnā ǀ cit ǀ cakruḥ ǀ vayúnā ǀ gṛṇántaḥ ǁ
Padapatha Transcription Nonaccented
kaviḥ ǀ na ǀ niṇyam ǀ vidathāni ǀ sādhan ǀ vṛṣā ǀ yat ǀ sekam ǀ vi-pipānaḥ ǀ arcāt ǀ
divaḥ ǀ itthā ǀ jījanat ǀ sapta ǀ kārūn ǀ ahnā ǀ cit ǀ cakruḥ ǀ vayunā ǀ gṛṇantaḥ ǁ
04.016.04 (Mandala. Sukta. Rik)
3.5.17.04 (Ashtaka. Adhyaya. Varga. Rik)
04.02.036 (Mandala. Anuvāka. Rik)
Samhita Devanagari Accented
स्व१॒॑र्यद्वेदि॑ सु॒दृशी॑कम॒र्कैर्महि॒ ज्योती॑ रुरुचु॒र्यद्ध॒ वस्तोः॑ ।
अं॒धा तमां॑सि॒ दुधि॑ता वि॒चक्षे॒ नृभ्य॑श्चकार॒ नृत॑मो अ॒भिष्टौ॑ ॥
Samhita Devanagari Nonaccented
स्वर्यद्वेदि सुदृशीकमर्कैर्महि ज्योती रुरुचुर्यद्ध वस्तोः ।
अंधा तमांसि दुधिता विचक्षे नृभ्यश्चकार नृतमो अभिष्टौ ॥
Samhita Transcription Accented
sváryádvédi sudṛ́śīkamarkáirmáhi jyótī rurucuryáddha vástoḥ ǀ
andhā́ támāṃsi dúdhitā vicákṣe nṛ́bhyaścakāra nṛ́tamo abhíṣṭau ǁ
Samhita Transcription Nonaccented
svaryadvedi sudṛśīkamarkairmahi jyotī rurucuryaddha vastoḥ ǀ
andhā tamāṃsi dudhitā vicakṣe nṛbhyaścakāra nṛtamo abhiṣṭau ǁ
Padapatha Devanagari Accented
स्वः॑ । यत् । वेदि॑ । सु॒ऽदृशी॑कम् । अ॒र्कैः । महि॑ । ज्योतिः॑ । रु॒रु॒चुः॒ । यत् । ह॒ । वस्तोः॑ ।
अ॒न्धा । तमां॑सि । दुधि॑ता । वि॒ऽचक्षे॑ । नृऽभ्यः॑ । च॒का॒र॒ । नृऽत॑मः । अ॒भिष्टौ॑ ॥
Padapatha Devanagari Nonaccented
स्वः । यत् । वेदि । सुऽदृशीकम् । अर्कैः । महि । ज्योतिः । रुरुचुः । यत् । ह । वस्तोः ।
अन्धा । तमांसि । दुधिता । विऽचक्षे । नृऽभ्यः । चकार । नृऽतमः । अभिष्टौ ॥
Padapatha Transcription Accented
sváḥ ǀ yát ǀ védi ǀ su-dṛ́śīkam ǀ arkáiḥ ǀ máhi ǀ jyótiḥ ǀ rurucuḥ ǀ yát ǀ ha ǀ vástoḥ ǀ
andhā́ ǀ támāṃsi ǀ dúdhitā ǀ vi-cákṣe ǀ nṛ́-bhyaḥ ǀ cakāra ǀ nṛ́-tamaḥ ǀ abhíṣṭau ǁ
Padapatha Transcription Nonaccented
svaḥ ǀ yat ǀ vedi ǀ su-dṛśīkam ǀ arkaiḥ ǀ mahi ǀ jyotiḥ ǀ rurucuḥ ǀ yat ǀ ha ǀ vastoḥ ǀ
andhā ǀ tamāṃsi ǀ dudhitā ǀ vi-cakṣe ǀ nṛ-bhyaḥ ǀ cakāra ǀ nṛ-tamaḥ ǀ abhiṣṭau ǁ
04.016.05 (Mandala. Sukta. Rik)
3.5.17.05 (Ashtaka. Adhyaya. Varga. Rik)
04.02.037 (Mandala. Anuvāka. Rik)
Samhita Devanagari Accented
व॒व॒क्ष इंद्रो॒ अमि॑तमृजी॒ष्यु१॒॑भे आ प॑प्रौ॒ रोद॑सी महि॒त्वा ।
अत॑श्चिदस्य महि॒मा वि रे॑च्य॒भि यो विश्वा॒ भुव॑ना ब॒भूव॑ ॥
Samhita Devanagari Nonaccented
ववक्ष इंद्रो अमितमृजीष्युभे आ पप्रौ रोदसी महित्वा ।
अतश्चिदस्य महिमा वि रेच्यभि यो विश्वा भुवना बभूव ॥
Samhita Transcription Accented
vavakṣá índro ámitamṛjīṣyúbhé ā́ paprau ródasī mahitvā́ ǀ
átaścidasya mahimā́ ví recyabhí yó víśvā bhúvanā babhū́va ǁ
Samhita Transcription Nonaccented
vavakṣa indro amitamṛjīṣyubhe ā paprau rodasī mahitvā ǀ
ataścidasya mahimā vi recyabhi yo viśvā bhuvanā babhūva ǁ
Padapatha Devanagari Accented
व॒व॒क्षे । इन्द्रः॑ । अमि॑तम् । ऋ॒जी॒षी । उ॒भे इति॑ । आ । प॒प्रौ॒ । रोद॑सी॒ इति॑ । म॒हि॒ऽत्वा ।
अतः॑ । चि॒त् । अ॒स्य॒ । म॒हि॒मा । वि । रे॒चि॒ । अ॒भि । यः । विश्वा॑ । भुव॑ना । ब॒भूव॑ ॥
Padapatha Devanagari Nonaccented
ववक्षे । इन्द्रः । अमितम् । ऋजीषी । उभे इति । आ । पप्रौ । रोदसी इति । महिऽत्वा ।
अतः । चित् । अस्य । महिमा । वि । रेचि । अभि । यः । विश्वा । भुवना । बभूव ॥
Padapatha Transcription Accented
vavakṣé ǀ índraḥ ǀ ámitam ǀ ṛjīṣī́ ǀ ubhé íti ǀ ā́ ǀ paprau ǀ ródasī íti ǀ mahi-tvā́ ǀ
átaḥ ǀ cit ǀ asya ǀ mahimā́ ǀ ví ǀ reci ǀ abhí ǀ yáḥ ǀ víśvā ǀ bhúvanā ǀ babhū́va ǁ
Padapatha Transcription Nonaccented
vavakṣe ǀ indraḥ ǀ amitam ǀ ṛjīṣī ǀ ubhe iti ǀ ā ǀ paprau ǀ rodasī iti ǀ mahi-tvā ǀ
ataḥ ǀ cit ǀ asya ǀ mahimā ǀ vi ǀ reci ǀ abhi ǀ yaḥ ǀ viśvā ǀ bhuvanā ǀ babhūva ǁ
04.016.06 (Mandala. Sukta. Rik)
3.5.18.01 (Ashtaka. Adhyaya. Varga. Rik)
04.02.038 (Mandala. Anuvāka. Rik)
Samhita Devanagari Accented
विश्वा॑नि श॒क्रो नर्या॑णि वि॒द्वान॒पो रि॑रेच॒ सखि॑भि॒र्निका॑मैः ।
अश्मा॑नं चि॒द्ये बि॑भि॒दुर्वचो॑भिर्व्र॒जं गोमं॑तमु॒शिजो॒ वि व॑व्रुः ॥
Samhita Devanagari Nonaccented
विश्वानि शक्रो नर्याणि विद्वानपो रिरेच सखिभिर्निकामैः ।
अश्मानं चिद्ये बिभिदुर्वचोभिर्व्रजं गोमंतमुशिजो वि वव्रुः ॥
Samhita Transcription Accented
víśvāni śakró náryāṇi vidvā́napó rireca sákhibhirníkāmaiḥ ǀ
áśmānam cidyé bibhidúrvácobhirvrajám gómantamuśíjo ví vavruḥ ǁ
Samhita Transcription Nonaccented
viśvāni śakro naryāṇi vidvānapo rireca sakhibhirnikāmaiḥ ǀ
aśmānam cidye bibhidurvacobhirvrajam gomantamuśijo vi vavruḥ ǁ
Padapatha Devanagari Accented
विश्वा॑नि । श॒क्रः । नर्या॑णि । वि॒द्वान् । अ॒पः । रि॒रे॒च॒ । सखि॑ऽभिः । निऽका॑मैः ।
अश्मा॑नम् । चि॒त् । ये । बि॒भि॒दुः । वचः॑ऽभिः । व्र॒जम् । गोऽम॑न्तम् । उ॒शिजः॑ । वि । व॒व्रु॒रिति॑ वव्रुः ॥
Padapatha Devanagari Nonaccented
विश्वानि । शक्रः । नर्याणि । विद्वान् । अपः । रिरेच । सखिऽभिः । निऽकामैः ।
अश्मानम् । चित् । ये । बिभिदुः । वचःऽभिः । व्रजम् । गोऽमन्तम् । उशिजः । वि । वव्रुरिति वव्रुः ॥
Padapatha Transcription Accented
víśvāni ǀ śakráḥ ǀ náryāṇi ǀ vidvā́n ǀ apáḥ ǀ rireca ǀ sákhi-bhiḥ ǀ ní-kāmaiḥ ǀ
áśmānam ǀ cit ǀ yé ǀ bibhidúḥ ǀ vácaḥ-bhiḥ ǀ vrajám ǀ gó-mantam ǀ uśíjaḥ ǀ ví ǀ vavruríti vavruḥ ǁ
Padapatha Transcription Nonaccented
viśvāni ǀ śakraḥ ǀ naryāṇi ǀ vidvān ǀ apaḥ ǀ rireca ǀ sakhi-bhiḥ ǀ ni-kāmaiḥ ǀ
aśmānam ǀ cit ǀ ye ǀ bibhiduḥ ǀ vacaḥ-bhiḥ ǀ vrajam ǀ go-mantam ǀ uśijaḥ ǀ vi ǀ vavruriti vavruḥ ǁ
04.016.07 (Mandala. Sukta. Rik)
3.5.18.02 (Ashtaka. Adhyaya. Varga. Rik)
04.02.039 (Mandala. Anuvāka. Rik)
Samhita Devanagari Accented
अ॒पो वृ॒त्रं व॑व्रि॒वांसं॒ परा॑ह॒न्प्राव॑त्ते॒ वज्रं॑ पृथि॒वी सचे॑ताः ।
प्रार्णां॑सि समु॒द्रिया॑ण्यैनोः॒ पति॒र्भव॒ञ्छव॑सा शूर धृष्णो ॥
Samhita Devanagari Nonaccented
अपो वृत्रं वव्रिवांसं पराहन्प्रावत्ते वज्रं पृथिवी सचेताः ।
प्रार्णांसि समुद्रियाण्यैनोः पतिर्भवञ्छवसा शूर धृष्णो ॥
Samhita Transcription Accented
apó vṛtrám vavrivā́ṃsam párāhanprā́vatte vájram pṛthivī́ sácetāḥ ǀ
prā́rṇāṃsi samudríyāṇyainoḥ pátirbhávañchávasā śūra dhṛṣṇo ǁ
Samhita Transcription Nonaccented
apo vṛtram vavrivāṃsam parāhanprāvatte vajram pṛthivī sacetāḥ ǀ
prārṇāṃsi samudriyāṇyainoḥ patirbhavañchavasā śūra dhṛṣṇo ǁ
Padapatha Devanagari Accented
अ॒पः । वृ॒त्रम् । व॒व्रि॒ऽवांस॑म् । परा॑ । अ॒ह॒न् । प्र । आ॒व॒त् । ते॒ । वज्र॑म् । पृ॒थि॒वी । सऽचे॑ताः ।
प्र । अर्णां॑सि । स॒मु॒द्रिया॑णि । ऐ॒नोः॒ । पतिः॑ । भव॑न् । शव॑सा । शू॒र॒ । धृ॒ष्णो॒ इति॑ ॥
Padapatha Devanagari Nonaccented
अपः । वृत्रम् । वव्रिऽवांसम् । परा । अहन् । प्र । आवत् । ते । वज्रम् । पृथिवी । सऽचेताः ।
प्र । अर्णांसि । समुद्रियाणि । ऐनोः । पतिः । भवन् । शवसा । शूर । धृष्णो इति ॥
Padapatha Transcription Accented
apáḥ ǀ vṛtrám ǀ vavri-vā́ṃsam ǀ párā ǀ ahan ǀ prá ǀ āvat ǀ te ǀ vájram ǀ pṛthivī́ ǀ sá-cetāḥ ǀ
prá ǀ árṇāṃsi ǀ samudríyāṇi ǀ ainoḥ ǀ pátiḥ ǀ bhávan ǀ śávasā ǀ śūra ǀ dhṛṣṇo íti ǁ
Padapatha Transcription Nonaccented
apaḥ ǀ vṛtram ǀ vavri-vāṃsam ǀ parā ǀ ahan ǀ pra ǀ āvat ǀ te ǀ vajram ǀ pṛthivī ǀ sa-cetāḥ ǀ
pra ǀ arṇāṃsi ǀ samudriyāṇi ǀ ainoḥ ǀ patiḥ ǀ bhavan ǀ śavasā ǀ śūra ǀ dhṛṣṇo iti ǁ
04.016.08 (Mandala. Sukta. Rik)
3.5.18.03 (Ashtaka. Adhyaya. Varga. Rik)
04.02.040 (Mandala. Anuvāka. Rik)
Samhita Devanagari Accented
अ॒पो यदद्रिं॑ पुरुहूत॒ दर्द॑रा॒विर्भु॑वत्स॒रमा॑ पू॒र्व्यं ते॑ ।
स नो॑ ने॒ता वाज॒मा द॑र्षि॒ भूरिं॑ गो॒त्रा रु॒जन्नंगि॑रोभिर्गृणा॒नः ॥
Samhita Devanagari Nonaccented
अपो यदद्रिं पुरुहूत दर्दराविर्भुवत्सरमा पूर्व्यं ते ।
स नो नेता वाजमा दर्षि भूरिं गोत्रा रुजन्नंगिरोभिर्गृणानः ॥
Samhita Transcription Accented
apó yádádrim puruhūta dárdarāvírbhuvatsarámā pūrvyám te ǀ
sá no netā́ vā́jamā́ darṣi bhū́rim gotrā́ rujánnáṅgirobhirgṛṇānáḥ ǁ
Samhita Transcription Nonaccented
apo yadadrim puruhūta dardarāvirbhuvatsaramā pūrvyam te ǀ
sa no netā vājamā darṣi bhūrim gotrā rujannaṅgirobhirgṛṇānaḥ ǁ
Padapatha Devanagari Accented
अ॒पः । यत् । अद्रि॑म् । पु॒रु॒ऽहू॒त॒ । दर्दः॑ । आ॒विः । भु॒व॒त् । स॒रमा॑ । पू॒र्व्यम् । ते॒ ।
सः । नः॒ । ने॒ता । वाज॑म् । आ । द॒र्षि॒ । भूरि॑म् । गो॒त्रा । रु॒जन् । अङ्गि॑रःऽभिः । गृ॒णा॒नः ॥
Padapatha Devanagari Nonaccented
अपः । यत् । अद्रिम् । पुरुऽहूत । दर्दः । आविः । भुवत् । सरमा । पूर्व्यम् । ते ।
सः । नः । नेता । वाजम् । आ । दर्षि । भूरिम् । गोत्रा । रुजन् । अङ्गिरःऽभिः । गृणानः ॥
Padapatha Transcription Accented
apáḥ ǀ yát ǀ ádrim ǀ puru-hūta ǀ dárdaḥ ǀ āvíḥ ǀ bhuvat ǀ sarámā ǀ pūrvyám ǀ te ǀ
sáḥ ǀ naḥ ǀ netā́ ǀ vā́jam ǀ ā́ ǀ darṣi ǀ bhū́rim ǀ gotrā́ ǀ ruján ǀ áṅgiraḥ-bhiḥ ǀ gṛṇānáḥ ǁ
Padapatha Transcription Nonaccented
apaḥ ǀ yat ǀ adrim ǀ puru-hūta ǀ dardaḥ ǀ āviḥ ǀ bhuvat ǀ saramā ǀ pūrvyam ǀ te ǀ
saḥ ǀ naḥ ǀ netā ǀ vājam ǀ ā ǀ darṣi ǀ bhūrim ǀ gotrā ǀ rujan ǀ aṅgiraḥ-bhiḥ ǀ gṛṇānaḥ ǁ
04.016.09 (Mandala. Sukta. Rik)
3.5.18.04 (Ashtaka. Adhyaya. Varga. Rik)
04.02.041 (Mandala. Anuvāka. Rik)
Samhita Devanagari Accented
अच्छा॑ क॒विं नृ॑मणो गा अ॒भिष्टौ॒ स्व॑र्षाता मघव॒न्नाध॑मानं ।
ऊ॒तिभि॒स्तमि॑षणो द्यु॒म्नहू॑तौ॒ नि मा॒यावा॒नब्र॑ह्मा॒ दस्यु॑रर्त ॥
Samhita Devanagari Nonaccented
अच्छा कविं नृमणो गा अभिष्टौ स्वर्षाता मघवन्नाधमानं ।
ऊतिभिस्तमिषणो द्युम्नहूतौ नि मायावानब्रह्मा दस्युरर्त ॥
Samhita Transcription Accented
ácchā kavím nṛmaṇo gā abhíṣṭau svárṣātā maghavannā́dhamānam ǀ
ūtíbhistámiṣaṇo dyumnáhūtau ní māyā́vānábrahmā dásyurarta ǁ
Samhita Transcription Nonaccented
acchā kavim nṛmaṇo gā abhiṣṭau svarṣātā maghavannādhamānam ǀ
ūtibhistamiṣaṇo dyumnahūtau ni māyāvānabrahmā dasyurarta ǁ
Padapatha Devanagari Accented
अच्छ॑ । क॒विम् । नृ॒ऽम॒नः॒ । गाः॒ । अ॒भिष्टौ॑ । स्वः॑ऽसाता । म॒घ॒ऽव॒न् । नाध॑मानम् ।
ऊ॒तिऽभिः॑ । तम् । इ॒ष॒णः॒ । द्यु॒म्नऽहू॑तौ । नि । मा॒याऽवा॑न् । अब्र॑ह्मा । दस्युः॑ । अ॒र्त॒ ॥
Padapatha Devanagari Nonaccented
अच्छ । कविम् । नृऽमनः । गाः । अभिष्टौ । स्वःऽसाता । मघऽवन् । नाधमानम् ।
ऊतिऽभिः । तम् । इषणः । द्युम्नऽहूतौ । नि । मायाऽवान् । अब्रह्मा । दस्युः । अर्त ॥
Padapatha Transcription Accented
áccha ǀ kavím ǀ nṛ-manaḥ ǀ gāḥ ǀ abhíṣṭau ǀ sváḥ-sātā ǀ magha-van ǀ nā́dhamānam ǀ
ūtí-bhiḥ ǀ tám ǀ iṣaṇaḥ ǀ dyumná-hūtau ǀ ní ǀ māyā́-vān ǀ ábrahmā ǀ dásyuḥ ǀ arta ǁ
Padapatha Transcription Nonaccented
accha ǀ kavim ǀ nṛ-manaḥ ǀ gāḥ ǀ abhiṣṭau ǀ svaḥ-sātā ǀ magha-van ǀ nādhamānam ǀ
ūti-bhiḥ ǀ tam ǀ iṣaṇaḥ ǀ dyumna-hūtau ǀ ni ǀ māyā-vān ǀ abrahmā ǀ dasyuḥ ǀ arta ǁ
04.016.10 (Mandala. Sukta. Rik)
3.5.18.05 (Ashtaka. Adhyaya. Varga. Rik)
04.02.042 (Mandala. Anuvāka. Rik)
Samhita Devanagari Accented
आ द॑स्यु॒घ्ना मन॑सा या॒ह्यस्तं॒ भुव॑त्ते॒ कुत्सः॑ स॒ख्ये निका॑मः ।
स्वे योनौ॒ नि ष॑दतं॒ सरू॑पा॒ वि वां॑ चिकित्सदृत॒चिद्ध॒ नारी॑ ॥
Samhita Devanagari Nonaccented
आ दस्युघ्ना मनसा याह्यस्तं भुवत्ते कुत्सः सख्ये निकामः ।
स्वे योनौ नि षदतं सरूपा वि वां चिकित्सदृतचिद्ध नारी ॥
Samhita Transcription Accented
ā́ dasyughnā́ mánasā yāhyástam bhúvatte kútsaḥ sakhyé níkāmaḥ ǀ
své yónau ní ṣadatam sárūpā ví vām cikitsadṛtacíddha nā́rī ǁ
Samhita Transcription Nonaccented
ā dasyughnā manasā yāhyastam bhuvatte kutsaḥ sakhye nikāmaḥ ǀ
sve yonau ni ṣadatam sarūpā vi vām cikitsadṛtaciddha nārī ǁ
Padapatha Devanagari Accented
आ । द॒स्यु॒ऽघ्ना । मन॑सा । या॒हि॒ । अस्त॑म् । भुव॑त् । ते॒ । कुत्सः॑ । स॒ख्ये । निऽका॑मः ।
स्वे । योनौ॑ । नि । स॒द॒त॒म् । सऽरू॑पा । वि । वा॒म् । चि॒कि॒त्स॒त् । ऋ॒त॒ऽचित् । ह॒ । नारी॑ ॥
Padapatha Devanagari Nonaccented
आ । दस्युऽघ्ना । मनसा । याहि । अस्तम् । भुवत् । ते । कुत्सः । सख्ये । निऽकामः ।
स्वे । योनौ । नि । सदतम् । सऽरूपा । वि । वाम् । चिकित्सत् । ऋतऽचित् । ह । नारी ॥
Padapatha Transcription Accented
ā́ ǀ dasyu-ghnā́ ǀ mánasā ǀ yāhi ǀ ástam ǀ bhúvat ǀ te ǀ kútsaḥ ǀ sakhyé ǀ ní-kāmaḥ ǀ
své ǀ yónau ǀ ní ǀ sadatam ǀ sá-rūpā ǀ ví ǀ vām ǀ cikitsat ǀ ṛta-cít ǀ ha ǀ nā́rī ǁ
Padapatha Transcription Nonaccented
ā ǀ dasyu-ghnā ǀ manasā ǀ yāhi ǀ astam ǀ bhuvat ǀ te ǀ kutsaḥ ǀ sakhye ǀ ni-kāmaḥ ǀ
sve ǀ yonau ǀ ni ǀ sadatam ǀ sa-rūpā ǀ vi ǀ vām ǀ cikitsat ǀ ṛta-cit ǀ ha ǀ nārī ǁ
04.016.11 (Mandala. Sukta. Rik)
3.5.19.01 (Ashtaka. Adhyaya. Varga. Rik)
04.02.043 (Mandala. Anuvāka. Rik)
Samhita Devanagari Accented
यासि॒ कुत्से॑न स॒रथ॑मव॒स्युस्तो॒दो वात॑स्य॒ हर्यो॒रीशा॑नः ।
ऋ॒ज्रा वाजं॒ न गध्यं॒ युयू॑षन्क॒विर्यदह॒न्पार्या॑य॒ भूषा॑त् ॥
Samhita Devanagari Nonaccented
यासि कुत्सेन सरथमवस्युस्तोदो वातस्य हर्योरीशानः ।
ऋज्रा वाजं न गध्यं युयूषन्कविर्यदहन्पार्याय भूषात् ॥
Samhita Transcription Accented
yā́si kútsena saráthamavasyústodó vā́tasya háryorī́śānaḥ ǀ
ṛjrā́ vā́jam ná gádhyam yúyūṣankavíryádáhanpā́ryāya bhū́ṣāt ǁ
Samhita Transcription Nonaccented
yāsi kutsena sarathamavasyustodo vātasya haryorīśānaḥ ǀ
ṛjrā vājam na gadhyam yuyūṣankaviryadahanpāryāya bhūṣāt ǁ
Padapatha Devanagari Accented
यासि॑ । कुत्से॑न । स॒ऽरथ॑म् । अ॒व॒स्युः । तो॒दः । वात॑स्य । हर्योः॑ । ईशा॑नः ।
ऋ॒ज्रा । वाज॑म् । न । गध्य॑म् । युयू॑षन् । क॒विः । यत् । अह॑न् । पार्या॑य । भूषा॑त् ॥
Padapatha Devanagari Nonaccented
यासि । कुत्सेन । सऽरथम् । अवस्युः । तोदः । वातस्य । हर्योः । ईशानः ।
ऋज्रा । वाजम् । न । गध्यम् । युयूषन् । कविः । यत् । अहन् । पार्याय । भूषात् ॥
Padapatha Transcription Accented
yā́si ǀ kútsena ǀ sa-rátham ǀ avasyúḥ ǀ todáḥ ǀ vā́tasya ǀ háryoḥ ǀ ī́śānaḥ ǀ
ṛjrā́ ǀ vā́jam ǀ ná ǀ gádhyam ǀ yúyūṣan ǀ kavíḥ ǀ yát ǀ áhan ǀ pā́ryāya ǀ bhū́ṣāt ǁ
Padapatha Transcription Nonaccented
yāsi ǀ kutsena ǀ sa-ratham ǀ avasyuḥ ǀ todaḥ ǀ vātasya ǀ haryoḥ ǀ īśānaḥ ǀ
ṛjrā ǀ vājam ǀ na ǀ gadhyam ǀ yuyūṣan ǀ kaviḥ ǀ yat ǀ ahan ǀ pāryāya ǀ bhūṣāt ǁ
04.016.12 (Mandala. Sukta. Rik)
3.5.19.02 (Ashtaka. Adhyaya. Varga. Rik)
04.02.044 (Mandala. Anuvāka. Rik)
Samhita Devanagari Accented
कुत्सा॑य॒ शुष्ण॑म॒शुषं॒ नि ब॑र्हीः प्रपि॒त्वे अह्नः॒ कुय॑वं स॒हस्रा॑ ।
स॒द्यो दस्यू॒न्प्र मृ॑ण कु॒त्स्येन॒ प्र सूर॑श्च॒क्रं वृ॑हताद॒भीके॑ ॥
Samhita Devanagari Nonaccented
कुत्साय शुष्णमशुषं नि बर्हीः प्रपित्वे अह्नः कुयवं सहस्रा ।
सद्यो दस्यून्प्र मृण कुत्स्येन प्र सूरश्चक्रं वृहतादभीके ॥
Samhita Transcription Accented
kútsāya śúṣṇamaśúṣam ní barhīḥ prapitvé áhnaḥ kúyavam sahásrā ǀ
sadyó dásyūnprá mṛṇa kutsyéna prá sū́raścakrám vṛhatādabhī́ke ǁ
Samhita Transcription Nonaccented
kutsāya śuṣṇamaśuṣam ni barhīḥ prapitve ahnaḥ kuyavam sahasrā ǀ
sadyo dasyūnpra mṛṇa kutsyena pra sūraścakram vṛhatādabhīke ǁ
Padapatha Devanagari Accented
कुत्सा॑य । शुष्ण॑म् । अ॒शुष॑म् । नि । ब॒र्हीः॒ । प्र॒ऽपि॒त्वे । अह्नः॑ । कुय॑वम् । स॒हस्रा॑ ।
स॒द्यः । दस्यू॑न् । प्र । मृ॒ण॒ । कु॒त्स्येन॑ । प्र । सूरः॑ । च॒क्रम् । वृ॒ह॒ता॒त् । अ॒भीके॑ ॥
Padapatha Devanagari Nonaccented
कुत्साय । शुष्णम् । अशुषम् । नि । बर्हीः । प्रऽपित्वे । अह्नः । कुयवम् । सहस्रा ।
सद्यः । दस्यून् । प्र । मृण । कुत्स्येन । प्र । सूरः । चक्रम् । वृहतात् । अभीके ॥
Padapatha Transcription Accented
kútsāya ǀ śúṣṇam ǀ aśúṣam ǀ ní ǀ barhīḥ ǀ pra-pitvé ǀ áhnaḥ ǀ kúyavam ǀ sahásrā ǀ
sadyáḥ ǀ dásyūn ǀ prá ǀ mṛṇa ǀ kutsyéna ǀ prá ǀ sū́raḥ ǀ cakrám ǀ vṛhatāt ǀ abhī́ke ǁ
Padapatha Transcription Nonaccented
kutsāya ǀ śuṣṇam ǀ aśuṣam ǀ ni ǀ barhīḥ ǀ pra-pitve ǀ ahnaḥ ǀ kuyavam ǀ sahasrā ǀ
sadyaḥ ǀ dasyūn ǀ pra ǀ mṛṇa ǀ kutsyena ǀ pra ǀ sūraḥ ǀ cakram ǀ vṛhatāt ǀ abhīke ǁ
04.016.13 (Mandala. Sukta. Rik)
3.5.19.03 (Ashtaka. Adhyaya. Varga. Rik)
04.02.045 (Mandala. Anuvāka. Rik)
Samhita Devanagari Accented
त्वं पिप्रुं॒ मृग॑यं शूशु॒वांस॑मृ॒जिश्व॑ने वैदथि॒नाय॑ रंधीः ।
पं॒चा॒शत्कृ॒ष्णा नि व॑पः स॒हस्रात्कं॒ न पुरो॑ जरि॒मा वि द॑र्दः ॥
Samhita Devanagari Nonaccented
त्वं पिप्रुं मृगयं शूशुवांसमृजिश्वने वैदथिनाय रंधीः ।
पंचाशत्कृष्णा नि वपः सहस्रात्कं न पुरो जरिमा वि दर्दः ॥
Samhita Transcription Accented
tvám píprum mṛ́gayam śūśuvā́ṃsamṛjíśvane vaidathinā́ya randhīḥ ǀ
pañcāśátkṛṣṇā́ ní vapaḥ sahásrā́tkam ná púro jarimā́ ví dardaḥ ǁ
Samhita Transcription Nonaccented
tvam piprum mṛgayam śūśuvāṃsamṛjiśvane vaidathināya randhīḥ ǀ
pañcāśatkṛṣṇā ni vapaḥ sahasrātkam na puro jarimā vi dardaḥ ǁ
Padapatha Devanagari Accented
त्वम् । पिप्रु॑म् । मृग॑यम् । शू॒शु॒ऽवांस॑म् । ऋ॒जिश्व॑ने । वै॒द॒थि॒नाय॑ । र॒न्धीः॒ ।
प॒ञ्चा॒शत् । कृ॒ष्णा । नि । व॒पः॒ । स॒हस्रा॑ । अत्क॑म् । न । पुरः॑ । ज॒रि॒मा । वि । द॒र्द॒रिति॑ दर्दः ॥
Padapatha Devanagari Nonaccented
त्वम् । पिप्रुम् । मृगयम् । शूशुऽवांसम् । ऋजिश्वने । वैदथिनाय । रन्धीः ।
पञ्चाशत् । कृष्णा । नि । वपः । सहस्रा । अत्कम् । न । पुरः । जरिमा । वि । दर्दरिति दर्दः ॥
Padapatha Transcription Accented
tvám ǀ píprum ǀ mṛ́gayam ǀ śūśu-vā́ṃsam ǀ ṛjíśvane ǀ vaidathinā́ya ǀ randhīḥ ǀ
pañcāśát ǀ kṛṣṇā́ ǀ ní ǀ vapaḥ ǀ sahásrā ǀ átkam ǀ ná ǀ púraḥ ǀ jarimā́ ǀ ví ǀ dardaríti dardaḥ ǁ
Padapatha Transcription Nonaccented
tvam ǀ piprum ǀ mṛgayam ǀ śūśu-vāṃsam ǀ ṛjiśvane ǀ vaidathināya ǀ randhīḥ ǀ
pañcāśat ǀ kṛṣṇā ǀ ni ǀ vapaḥ ǀ sahasrā ǀ atkam ǀ na ǀ puraḥ ǀ jarimā ǀ vi ǀ dardariti dardaḥ ǁ
04.016.14 (Mandala. Sukta. Rik)
3.5.19.04 (Ashtaka. Adhyaya. Varga. Rik)
04.02.046 (Mandala. Anuvāka. Rik)
Samhita Devanagari Accented
सूर॑ उपा॒के त॒न्वं१॒॑ दधा॑नो॒ वि यत्ते॒ चेत्य॒मृत॑स्य॒ वर्पः॑ ।
मृ॒गो न ह॒स्ती तवि॑षीमुषा॒णः सिं॒हो न भी॒म आयु॑धानि॒ बिभ्र॑त् ॥
Samhita Devanagari Nonaccented
सूर उपाके तन्वं दधानो वि यत्ते चेत्यमृतस्य वर्पः ।
मृगो न हस्ती तविषीमुषाणः सिंहो न भीम आयुधानि बिभ्रत् ॥
Samhita Transcription Accented
sū́ra upāké tanvám dádhāno ví yátte cétyamṛ́tasya várpaḥ ǀ
mṛgó ná hastī́ táviṣīmuṣāṇáḥ siṃhó ná bhīmá ā́yudhāni bíbhrat ǁ
Samhita Transcription Nonaccented
sūra upāke tanvam dadhāno vi yatte cetyamṛtasya varpaḥ ǀ
mṛgo na hastī taviṣīmuṣāṇaḥ siṃho na bhīma āyudhāni bibhrat ǁ
Padapatha Devanagari Accented
सूरः॑ । उ॒पा॒के । त॒न्व॑म् । दधा॑नः । वि । यत् । ते॒ । चेति॑ । अ॒मृत॑स्य । वर्पः॑ ।
मृ॒गः । न । ह॒स्ती । तवि॑षीम् । उ॒षा॒णः । सिं॒हः । न । भी॒मः । आयु॑धानि । बिभ्र॑त् ॥
Padapatha Devanagari Nonaccented
सूरः । उपाके । तन्वम् । दधानः । वि । यत् । ते । चेति । अमृतस्य । वर्पः ।
मृगः । न । हस्ती । तविषीम् । उषाणः । सिंहः । न । भीमः । आयुधानि । बिभ्रत् ॥
Padapatha Transcription Accented
sū́raḥ ǀ upāké ǀ tanvám ǀ dádhānaḥ ǀ ví ǀ yát ǀ te ǀ céti ǀ amṛ́tasya ǀ várpaḥ ǀ
mṛgáḥ ǀ ná ǀ hastī́ ǀ táviṣīm ǀ uṣāṇáḥ ǀ siṃháḥ ǀ ná ǀ bhīmáḥ ǀ ā́yudhāni ǀ bíbhrat ǁ
Padapatha Transcription Nonaccented
sūraḥ ǀ upāke ǀ tanvam ǀ dadhānaḥ ǀ vi ǀ yat ǀ te ǀ ceti ǀ amṛtasya ǀ varpaḥ ǀ
mṛgaḥ ǀ na ǀ hastī ǀ taviṣīm ǀ uṣāṇaḥ ǀ siṃhaḥ ǀ na ǀ bhīmaḥ ǀ āyudhāni ǀ bibhrat ǁ
04.016.15 (Mandala. Sukta. Rik)
3.5.19.05 (Ashtaka. Adhyaya. Varga. Rik)
04.02.047 (Mandala. Anuvāka. Rik)
Samhita Devanagari Accented
इंद्रं॒ कामा॑ वसू॒यंतो॑ अग्म॒न्त्स्व॑र्मीळ्हे॒ न सव॑ने चका॒नाः ।
श्र॒व॒स्यवः॑ शशमा॒नास॑ उ॒क्थैरोको॒ न र॒ण्वा सु॒दृशी॑व पु॒ष्टिः ॥
Samhita Devanagari Nonaccented
इंद्रं कामा वसूयंतो अग्मन्त्स्वर्मीळ्हे न सवने चकानाः ।
श्रवस्यवः शशमानास उक्थैरोको न रण्वा सुदृशीव पुष्टिः ॥
Samhita Transcription Accented
índram kā́mā vasūyánto agmantsvármīḷhe ná sávane cakānā́ḥ ǀ
śravasyávaḥ śaśamānā́sa uktháiróko ná raṇvā́ sudṛ́śīva puṣṭíḥ ǁ
Samhita Transcription Nonaccented
indram kāmā vasūyanto agmantsvarmīḷhe na savane cakānāḥ ǀ
śravasyavaḥ śaśamānāsa ukthairoko na raṇvā sudṛśīva puṣṭiḥ ǁ
Padapatha Devanagari Accented
इन्द्र॑म् । कामाः॑ । व॒सु॒ऽयन्तः॑ । अ॒ग्म॒न् । स्वः॑ऽमीळ्हे । न । सव॑ने । च॒का॒नाः ।
श्र॒व॒स्यवः॑ । श॒श॒मा॒नासः॑ । उ॒क्थैः । ओकः॑ । न । र॒ण्वा । सु॒दृशी॑ऽइव । पु॒ष्टिः ॥
Padapatha Devanagari Nonaccented
इन्द्रम् । कामाः । वसुऽयन्तः । अग्मन् । स्वःऽमीळ्हे । न । सवने । चकानाः ।
श्रवस्यवः । शशमानासः । उक्थैः । ओकः । न । रण्वा । सुदृशीऽइव । पुष्टिः ॥
Padapatha Transcription Accented
índram ǀ kā́māḥ ǀ vasu-yántaḥ ǀ agman ǀ sváḥ-mīḷhe ǀ ná ǀ sávane ǀ cakānā́ḥ ǀ
śravasyávaḥ ǀ śaśamānā́saḥ ǀ uktháiḥ ǀ ókaḥ ǀ ná ǀ raṇvā́ ǀ sudṛ́śī-iva ǀ puṣṭíḥ ǁ
Padapatha Transcription Nonaccented
indram ǀ kāmāḥ ǀ vasu-yantaḥ ǀ agman ǀ svaḥ-mīḷhe ǀ na ǀ savane ǀ cakānāḥ ǀ
śravasyavaḥ ǀ śaśamānāsaḥ ǀ ukthaiḥ ǀ okaḥ ǀ na ǀ raṇvā ǀ sudṛśī-iva ǀ puṣṭiḥ ǁ
04.016.16 (Mandala. Sukta. Rik)
3.5.20.01 (Ashtaka. Adhyaya. Varga. Rik)
04.02.048 (Mandala. Anuvāka. Rik)
Samhita Devanagari Accented
तमिद्व॒ इंद्रं॑ सु॒हवं॑ हुवेम॒ यस्ता च॒कार॒ नर्या॑ पु॒रूणि॑ ।
यो माव॑ते जरि॒त्रे गध्यं॑ चिन्म॒क्षू वाजं॒ भर॑ति स्पा॒र्हरा॑धाः ॥
Samhita Devanagari Nonaccented
तमिद्व इंद्रं सुहवं हुवेम यस्ता चकार नर्या पुरूणि ।
यो मावते जरित्रे गध्यं चिन्मक्षू वाजं भरति स्पार्हराधाः ॥
Samhita Transcription Accented
támídva índram suhávam huvema yástā́ cakā́ra náryā purū́ṇi ǀ
yó mā́vate jaritré gádhyam cinmakṣū́ vā́jam bhárati spārhárādhāḥ ǁ
Samhita Transcription Nonaccented
tamidva indram suhavam huvema yastā cakāra naryā purūṇi ǀ
yo māvate jaritre gadhyam cinmakṣū vājam bharati spārharādhāḥ ǁ
Padapatha Devanagari Accented
तम् । इत् । वः॒ । इन्द्र॑म् । सु॒ऽहव॑म् । हु॒वे॒म॒ । यः । ता । च॒कार॑ । नर्या॑ । पु॒रूणि॑ ।
यः । माऽव॑ते । ज॒रि॒त्रे । गध्य॑म् । चि॒त् । म॒क्षु । वाज॑म् । भर॑ति । स्पा॒र्हऽरा॑धाः ॥
Padapatha Devanagari Nonaccented
तम् । इत् । वः । इन्द्रम् । सुऽहवम् । हुवेम । यः । ता । चकार । नर्या । पुरूणि ।
यः । माऽवते । जरित्रे । गध्यम् । चित् । मक्षु । वाजम् । भरति । स्पार्हऽराधाः ॥
Padapatha Transcription Accented
tám ǀ ít ǀ vaḥ ǀ índram ǀ su-hávam ǀ huvema ǀ yáḥ ǀ tā́ ǀ cakā́ra ǀ náryā ǀ purū́ṇi ǀ
yáḥ ǀ mā́-vate ǀ jaritré ǀ gádhyam ǀ cit ǀ makṣú ǀ vā́jam ǀ bhárati ǀ spārhá-rādhāḥ ǁ
Padapatha Transcription Nonaccented
tam ǀ it ǀ vaḥ ǀ indram ǀ su-havam ǀ huvema ǀ yaḥ ǀ tā ǀ cakāra ǀ naryā ǀ purūṇi ǀ
yaḥ ǀ mā-vate ǀ jaritre ǀ gadhyam ǀ cit ǀ makṣu ǀ vājam ǀ bharati ǀ spārha-rādhāḥ ǁ
04.016.17 (Mandala. Sukta. Rik)
3.5.20.02 (Ashtaka. Adhyaya. Varga. Rik)
04.02.049 (Mandala. Anuvāka. Rik)
Samhita Devanagari Accented
ति॒ग्मा यदं॒तर॒शनिः॒ पता॑ति॒ कस्मिं॑चिच्छूर मुहु॒के जना॑नां ।
घो॒रा यद॑र्य॒ समृ॑ति॒र्भवा॒त्यध॑ स्मा नस्त॒न्वो॑ बोधि गो॒पाः ॥
Samhita Devanagari Nonaccented
तिग्मा यदंतरशनिः पताति कस्मिंचिच्छूर मुहुके जनानां ।
घोरा यदर्य समृतिर्भवात्यध स्मा नस्तन्वो बोधि गोपाः ॥
Samhita Transcription Accented
tigmā́ yádantáraśániḥ pátāti kásmiñcicchūra muhuké jánānām ǀ
ghorā́ yádarya sámṛtirbhávātyádha smā nastanvó bodhi gopā́ḥ ǁ
Samhita Transcription Nonaccented
tigmā yadantaraśaniḥ patāti kasmiñcicchūra muhuke janānām ǀ
ghorā yadarya samṛtirbhavātyadha smā nastanvo bodhi gopāḥ ǁ
Padapatha Devanagari Accented
ति॒ग्मा । यत् । अ॒न्तः । अ॒शनिः॑ । पता॑ति । कस्मि॑न् । चि॒त् । शू॒र॒ । मु॒हु॒के । जना॑नाम् ।
घो॒रा । यत् । अ॒र्य॒ । सम्ऽऋ॑तिः । भवा॑ति । अध॑ । स्म॒ । नः॒ । त॒न्वः॑ । बो॒धि॒ । गो॒पाः ॥
Padapatha Devanagari Nonaccented
तिग्मा । यत् । अन्तः । अशनिः । पताति । कस्मिन् । चित् । शूर । मुहुके । जनानाम् ।
घोरा । यत् । अर्य । सम्ऽऋतिः । भवाति । अध । स्म । नः । तन्वः । बोधि । गोपाः ॥
Padapatha Transcription Accented
tigmā́ ǀ yát ǀ antáḥ ǀ aśániḥ ǀ pátāti ǀ kásmin ǀ cit ǀ śūra ǀ muhuké ǀ jánānām ǀ
ghorā́ ǀ yát ǀ arya ǀ sám-ṛtiḥ ǀ bhávāti ǀ ádha ǀ sma ǀ naḥ ǀ tanváḥ ǀ bodhi ǀ gopā́ḥ ǁ
Padapatha Transcription Nonaccented
tigmā ǀ yat ǀ antaḥ ǀ aśaniḥ ǀ patāti ǀ kasmin ǀ cit ǀ śūra ǀ muhuke ǀ janānām ǀ
ghorā ǀ yat ǀ arya ǀ sam-ṛtiḥ ǀ bhavāti ǀ adha ǀ sma ǀ naḥ ǀ tanvaḥ ǀ bodhi ǀ gopāḥ ǁ
04.016.18 (Mandala. Sukta. Rik)
3.5.20.03 (Ashtaka. Adhyaya. Varga. Rik)
04.02.050 (Mandala. Anuvāka. Rik)
Samhita Devanagari Accented
भुवो॑ऽवि॒ता वा॒मदे॑वस्य धी॒नां भुवः॒ सखा॑वृ॒को वाज॑सातौ ।
त्वामनु॒ प्रम॑ति॒मा ज॑गन्मोरु॒शंसो॑ जरि॒त्रे वि॒श्वध॑ स्याः ॥
Samhita Devanagari Nonaccented
भुवोऽविता वामदेवस्य धीनां भुवः सखावृको वाजसातौ ।
त्वामनु प्रमतिमा जगन्मोरुशंसो जरित्रे विश्वध स्याः ॥
Samhita Transcription Accented
bhúvo’vitā́ vāmádevasya dhīnā́m bhúvaḥ sákhāvṛkó vā́jasātau ǀ
tvā́mánu prámatimā́ jaganmoruśáṃso jaritré viśvádha syāḥ ǁ
Samhita Transcription Nonaccented
bhuvo’vitā vāmadevasya dhīnām bhuvaḥ sakhāvṛko vājasātau ǀ
tvāmanu pramatimā jaganmoruśaṃso jaritre viśvadha syāḥ ǁ
Padapatha Devanagari Accented
भुवः॑ । अ॒वि॒ता । वा॒मऽदे॑वस्य । धी॒नाम् । भुवः॑ । सखा॑ । अ॒वृ॒कः । वाज॑ऽसातौ ।
त्वाम् । अनु॑ । प्रऽम॑तिम् । आ । ज॒ग॒न्म॒ । उ॒रु॒ऽशंसः॑ । ज॒रि॒त्रे । वि॒श्वध॑ । स्याः॒ ॥
Padapatha Devanagari Nonaccented
भुवः । अविता । वामऽदेवस्य । धीनाम् । भुवः । सखा । अवृकः । वाजऽसातौ ।
त्वाम् । अनु । प्रऽमतिम् । आ । जगन्म । उरुऽशंसः । जरित्रे । विश्वध । स्याः ॥
Padapatha Transcription Accented
bhúvaḥ ǀ avitā́ ǀ vāmá-devasya ǀ dhīnā́m ǀ bhúvaḥ ǀ sákhā ǀ avṛkáḥ ǀ vā́ja-sātau ǀ
tvā́m ǀ ánu ǀ prá-matim ǀ ā́ ǀ jaganma ǀ uru-śáṃsaḥ ǀ jaritré ǀ viśvádha ǀ syāḥ ǁ
Padapatha Transcription Nonaccented
bhuvaḥ ǀ avitā ǀ vāma-devasya ǀ dhīnām ǀ bhuvaḥ ǀ sakhā ǀ avṛkaḥ ǀ vāja-sātau ǀ
tvām ǀ anu ǀ pra-matim ǀ ā ǀ jaganma ǀ uru-śaṃsaḥ ǀ jaritre ǀ viśvadha ǀ syāḥ ǁ
04.016.19 (Mandala. Sukta. Rik)
3.5.20.04 (Ashtaka. Adhyaya. Varga. Rik)
04.02.051 (Mandala. Anuvāka. Rik)
Samhita Devanagari Accented
ए॒भिर्नृभि॑रिंद्र त्वा॒युभि॑ष्ट्वा म॒घव॑द्भिर्मघव॒न्विश्व॑ आ॒जौ ।
द्यावो॒ न द्यु॒म्नैर॒भि संतो॑ अ॒र्यः क्ष॒पो म॑देम श॒रद॑श्च पू॒र्वीः ॥
Samhita Devanagari Nonaccented
एभिर्नृभिरिंद्र त्वायुभिष्ट्वा मघवद्भिर्मघवन्विश्व आजौ ।
द्यावो न द्युम्नैरभि संतो अर्यः क्षपो मदेम शरदश्च पूर्वीः ॥
Samhita Transcription Accented
ebhírnṛ́bhirindra tvāyúbhiṣṭvā maghávadbhirmaghavanvíśva ājáu ǀ
dyā́vo ná dyumnáirabhí sánto aryáḥ kṣapó madema śarádaśca pūrvī́ḥ ǁ
Samhita Transcription Nonaccented
ebhirnṛbhirindra tvāyubhiṣṭvā maghavadbhirmaghavanviśva ājau ǀ
dyāvo na dyumnairabhi santo aryaḥ kṣapo madema śaradaśca pūrvīḥ ǁ
Padapatha Devanagari Accented
ए॒भिः । नृऽभिः॑ । इ॒न्द्र॒ । त्वा॒युऽभिः॑ । त्वा॒ । म॒घव॑त्ऽभिः । म॒घ॒ऽव॒न् । विश्वे॑ । आ॒जौ ।
द्यावः॑ । न । द्यु॒म्नैः । अ॒भि । सन्तः॑ । अ॒र्यः । क्ष॒पः । म॒दे॒म॒ । श॒रदः॑ । च॒ । पू॒र्वीः ॥
Padapatha Devanagari Nonaccented
एभिः । नृऽभिः । इन्द्र । त्वायुऽभिः । त्वा । मघवत्ऽभिः । मघऽवन् । विश्वे । आजौ ।
द्यावः । न । द्युम्नैः । अभि । सन्तः । अर्यः । क्षपः । मदेम । शरदः । च । पूर्वीः ॥
Padapatha Transcription Accented
ebhíḥ ǀ nṛ́-bhiḥ ǀ indra ǀ tvāyú-bhiḥ ǀ tvā ǀ maghávat-bhiḥ ǀ magha-van ǀ víśve ǀ ājáu ǀ
dyā́vaḥ ǀ ná ǀ dyumnáiḥ ǀ abhí ǀ sántaḥ ǀ aryáḥ ǀ kṣapáḥ ǀ madema ǀ śarádaḥ ǀ ca ǀ pūrvī́ḥ ǁ
Padapatha Transcription Nonaccented
ebhiḥ ǀ nṛ-bhiḥ ǀ indra ǀ tvāyu-bhiḥ ǀ tvā ǀ maghavat-bhiḥ ǀ magha-van ǀ viśve ǀ ājau ǀ
dyāvaḥ ǀ na ǀ dyumnaiḥ ǀ abhi ǀ santaḥ ǀ aryaḥ ǀ kṣapaḥ ǀ madema ǀ śaradaḥ ǀ ca ǀ pūrvīḥ ǁ
04.016.20 (Mandala. Sukta. Rik)
3.5.20.05 (Ashtaka. Adhyaya. Varga. Rik)
04.02.052 (Mandala. Anuvāka. Rik)
Samhita Devanagari Accented
ए॒वेदिंद्रा॑य वृष॒भाय॒ वृष्णे॒ ब्रह्मा॑कर्म॒ भृग॑वो॒ न रथं॑ ।
नू चि॒द्यथा॑ नः स॒ख्या वि॒योष॒दस॑न्न उ॒ग्रो॑ऽवि॒ता त॑नू॒पाः ॥
Samhita Devanagari Nonaccented
एवेदिंद्राय वृषभाय वृष्णे ब्रह्माकर्म भृगवो न रथं ।
नू चिद्यथा नः सख्या वियोषदसन्न उग्रोऽविता तनूपाः ॥
Samhita Transcription Accented
evédíndrāya vṛṣabhā́ya vṛ́ṣṇe bráhmākarma bhṛ́gavo ná rátham ǀ
nū́ cidyáthā naḥ sakhyā́ viyóṣadásanna ugró’vitā́ tanūpā́ḥ ǁ
Samhita Transcription Nonaccented
evedindrāya vṛṣabhāya vṛṣṇe brahmākarma bhṛgavo na ratham ǀ
nū cidyathā naḥ sakhyā viyoṣadasanna ugro’vitā tanūpāḥ ǁ
Padapatha Devanagari Accented
ए॒व । इत् । इन्द्रा॑य । वृ॒ष॒भाय॑ । वृष्णे॑ । ब्रह्म॑ । अ॒क॒र्म॒ । भृग॑वः । न । रथ॑म् ।
नु । चि॒त् । यथा॑ । नः॒ । स॒ख्या । वि॒ऽयोष॑त् । अस॑त् । नः॒ । उ॒ग्रः । अ॒वि॒ता । त॒नू॒ऽपाः ॥
Padapatha Devanagari Nonaccented
एव । इत् । इन्द्राय । वृषभाय । वृष्णे । ब्रह्म । अकर्म । भृगवः । न । रथम् ।
नु । चित् । यथा । नः । सख्या । विऽयोषत् । असत् । नः । उग्रः । अविता । तनूऽपाः ॥
Padapatha Transcription Accented
evá ǀ ít ǀ índrāya ǀ vṛṣabhā́ya ǀ vṛ́ṣṇe ǀ bráhma ǀ akarma ǀ bhṛ́gavaḥ ǀ ná ǀ rátham ǀ
nú ǀ cit ǀ yáthā ǀ naḥ ǀ sakhyā́ ǀ vi-yóṣat ǀ ásat ǀ naḥ ǀ ugráḥ ǀ avitā́ ǀ tanū-pā́ḥ ǁ
Padapatha Transcription Nonaccented
eva ǀ it ǀ indrāya ǀ vṛṣabhāya ǀ vṛṣṇe ǀ brahma ǀ akarma ǀ bhṛgavaḥ ǀ na ǀ ratham ǀ
nu ǀ cit ǀ yathā ǀ naḥ ǀ sakhyā ǀ vi-yoṣat ǀ asat ǀ naḥ ǀ ugraḥ ǀ avitā ǀ tanū-pāḥ ǁ
04.016.21 (Mandala. Sukta. Rik)
3.5.20.06 (Ashtaka. Adhyaya. Varga. Rik)
04.02.053 (Mandala. Anuvāka. Rik)
Samhita Devanagari Accented
नू ष्टु॒त इं॑द्र॒ नू गृ॑णा॒न इषं॑ जरि॒त्रे न॒द्यो॒३॒॑ न पी॑पेः ।
अका॑रि ते हरिवो॒ ब्रह्म॒ नव्यं॑ धि॒या स्या॑म र॒थ्यः॑ सदा॒साः ॥
Samhita Devanagari Nonaccented
नू ष्टुत इंद्र नू गृणान इषं जरित्रे नद्यो न पीपेः ।
अकारि ते हरिवो ब्रह्म नव्यं धिया स्याम रथ्यः सदासाः ॥
Samhita Transcription Accented
nū́ ṣṭutá indra nū́ gṛṇāná íṣam jaritré nadyó ná pīpeḥ ǀ
ákāri te harivo bráhma návyam dhiyā́ syāma rathyáḥ sadāsā́ḥ ǁ
Samhita Transcription Nonaccented
nū ṣṭuta indra nū gṛṇāna iṣam jaritre nadyo na pīpeḥ ǀ
akāri te harivo brahma navyam dhiyā syāma rathyaḥ sadāsāḥ ǁ
Padapatha Devanagari Accented
नु । स्तु॒तः । इ॒न्द्र॒ । नु । गृ॒णा॒नः । इष॑म् । ज॒रि॒त्रे । न॒द्यः॑ । न । पी॒पे॒रिति॑ पीपेः ।
अका॑रि । ते॒ । ह॒रि॒ऽवः॒ । ब्रह्म॑ । नव्य॑म् । धि॒या । स्या॒म॒ । र॒थ्यः॑ । स॒दा॒ऽसाः ॥
Padapatha Devanagari Nonaccented
नु । स्तुतः । इन्द्र । नु । गृणानः । इषम् । जरित्रे । नद्यः । न । पीपेरिति पीपेः ।
अकारि । ते । हरिऽवः । ब्रह्म । नव्यम् । धिया । स्याम । रथ्यः । सदाऽसाः ॥
Padapatha Transcription Accented
nú ǀ stutáḥ ǀ indra ǀ nú ǀ gṛṇānáḥ ǀ íṣam ǀ jaritré ǀ nadyáḥ ǀ ná ǀ pīperíti pīpeḥ ǀ
ákāri ǀ te ǀ hari-vaḥ ǀ bráhma ǀ návyam ǀ dhiyā́ ǀ syāma ǀ rathyáḥ ǀ sadā-sā́ḥ ǁ
Padapatha Transcription Nonaccented
nu ǀ stutaḥ ǀ indra ǀ nu ǀ gṛṇānaḥ ǀ iṣam ǀ jaritre ǀ nadyaḥ ǀ na ǀ pīperiti pīpeḥ ǀ
akāri ǀ te ǀ hari-vaḥ ǀ brahma ǀ navyam ǀ dhiyā ǀ syāma ǀ rathyaḥ ǀ sadā-sāḥ ǁ