|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 4
Sūkta 17
|
1. Info |
| To: | indra | |
| From: | vāmadeva gautama | |
| Metres: | 1st set of styles: triṣṭup (3-6, 8, 10, 11, 20); nicṛttriṣṭup (2, 12, 13, 17-19); bhurikpaṅkti (7, 9); svarāṭpaṅkti (14, 16); paṅktiḥ (1); yājuṣīpaṅkti (15); nicṛtpaṅkti (21) 2nd set of styles: triṣṭubh (1-14, 16-21); ekapadā virāj (15) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
04.017.01 (Mandala. Sukta. Rik)
3.5.21.01 (Ashtaka. Adhyaya. Varga. Rik)
04.02.054 (Mandala. Anuvāka. Rik)
Samhita Devanagari Accented
त्वं म॒हाँ इं॑द्र॒ तुभ्यं॑ ह॒ क्षा अनु॑ क्ष॒त्रं मं॒हना॑ मन्यत॒ द्यौः ।
त्वं वृ॒त्रं शव॑सा जघ॒न्वान्त्सृ॒जः सिंधूँ॒रहि॑ना जग्रसा॒नान् ॥
Samhita Devanagari Nonaccented
त्वं महाँ इंद्र तुभ्यं ह क्षा अनु क्षत्रं मंहना मन्यत द्यौः ।
त्वं वृत्रं शवसा जघन्वान्त्सृजः सिंधूँरहिना जग्रसानान् ॥
Samhita Transcription Accented
tvám mahā́m̐ indra túbhyam ha kṣā́ ánu kṣatrám maṃhánā manyata dyáuḥ ǀ
tvám vṛtrám śávasā jaghanvā́ntsṛjáḥ síndhūm̐ráhinā jagrasānā́n ǁ
Samhita Transcription Nonaccented
tvam mahām̐ indra tubhyam ha kṣā anu kṣatram maṃhanā manyata dyauḥ ǀ
tvam vṛtram śavasā jaghanvāntsṛjaḥ sindhūm̐rahinā jagrasānān ǁ
Padapatha Devanagari Accented
त्वम् । म॒हान् । इ॒न्द्र॒ । तुभ्य॑म् । ह॒ । क्षाः । अनु॑ । क्ष॒त्रम् । मं॒हना॑ । म॒न्य॒त॒ । द्यौः ।
त्वम् । वृ॒त्रम् । शव॑सा । ज॒घ॒न्वान् । सृ॒जः । सिन्धू॑न् । अहि॑ना । ज॒ग्र॒सा॒नान् ॥
Padapatha Devanagari Nonaccented
त्वम् । महान् । इन्द्र । तुभ्यम् । ह । क्षाः । अनु । क्षत्रम् । मंहना । मन्यत । द्यौः ।
त्वम् । वृत्रम् । शवसा । जघन्वान् । सृजः । सिन्धून् । अहिना । जग्रसानान् ॥
Padapatha Transcription Accented
tvám ǀ mahā́n ǀ indra ǀ túbhyam ǀ ha ǀ kṣā́ḥ ǀ ánu ǀ kṣatrám ǀ maṃhánā ǀ manyata ǀ dyáuḥ ǀ
tvám ǀ vṛtrám ǀ śávasā ǀ jaghanvā́n ǀ sṛjáḥ ǀ síndhūn ǀ áhinā ǀ jagrasānā́n ǁ
Padapatha Transcription Nonaccented
tvam ǀ mahān ǀ indra ǀ tubhyam ǀ ha ǀ kṣāḥ ǀ anu ǀ kṣatram ǀ maṃhanā ǀ manyata ǀ dyauḥ ǀ
tvam ǀ vṛtram ǀ śavasā ǀ jaghanvān ǀ sṛjaḥ ǀ sindhūn ǀ ahinā ǀ jagrasānān ǁ
04.017.02 (Mandala. Sukta. Rik)
3.5.21.02 (Ashtaka. Adhyaya. Varga. Rik)
04.02.055 (Mandala. Anuvāka. Rik)
Samhita Devanagari Accented
तव॑ त्वि॒षो जनि॑मन्रेजत॒ द्यौ रेज॒द्भूमि॑र्भि॒यसा॒ स्वस्य॑ म॒न्योः ।
ऋ॒घा॒यंत॑ सु॒भ्वः१॒॑ पर्व॑तास॒ आर्दं॒धन्वा॑नि स॒रयं॑त॒ आपः॑ ॥
Samhita Devanagari Nonaccented
तव त्विषो जनिमन्रेजत द्यौ रेजद्भूमिर्भियसा स्वस्य मन्योः ।
ऋघायंत सुभ्वः पर्वतास आर्दंधन्वानि सरयंत आपः ॥
Samhita Transcription Accented
táva tviṣó jánimanrejata dyáu réjadbhū́mirbhiyásā svásya manyóḥ ǀ
ṛghāyánta subhváḥ párvatāsa ā́rdandhánvāni saráyanta ā́paḥ ǁ
Samhita Transcription Nonaccented
tava tviṣo janimanrejata dyau rejadbhūmirbhiyasā svasya manyoḥ ǀ
ṛghāyanta subhvaḥ parvatāsa ārdandhanvāni sarayanta āpaḥ ǁ
Padapatha Devanagari Accented
तव॑ । त्वि॒षः । जनि॑मन् । रे॒ज॒त॒ । द्यौः । रेज॑त् । भूमिः॑ । भि॒यसा॑ । स्वस्य॑ । म॒न्योः ।
ऋ॒घा॒यन्त॑ । सु॒ऽभ्वः॑ । पर्व॑तासः । आर्द॑न् । धन्वा॑नि । स॒रय॑न्ते । आपः॑ ॥
Padapatha Devanagari Nonaccented
तव । त्विषः । जनिमन् । रेजत । द्यौः । रेजत् । भूमिः । भियसा । स्वस्य । मन्योः ।
ऋघायन्त । सुऽभ्वः । पर्वतासः । आर्दन् । धन्वानि । सरयन्ते । आपः ॥
Padapatha Transcription Accented
táva ǀ tviṣáḥ ǀ jániman ǀ rejata ǀ dyáuḥ ǀ réjat ǀ bhū́miḥ ǀ bhiyásā ǀ svásya ǀ manyóḥ ǀ
ṛghāyánta ǀ su-bhváḥ ǀ párvatāsaḥ ǀ ā́rdan ǀ dhánvāni ǀ saráyante ǀ ā́paḥ ǁ
Padapatha Transcription Nonaccented
tava ǀ tviṣaḥ ǀ janiman ǀ rejata ǀ dyauḥ ǀ rejat ǀ bhūmiḥ ǀ bhiyasā ǀ svasya ǀ manyoḥ ǀ
ṛghāyanta ǀ su-bhvaḥ ǀ parvatāsaḥ ǀ ārdan ǀ dhanvāni ǀ sarayante ǀ āpaḥ ǁ
04.017.03 (Mandala. Sukta. Rik)
3.5.21.03 (Ashtaka. Adhyaya. Varga. Rik)
04.02.056 (Mandala. Anuvāka. Rik)
Samhita Devanagari Accented
भि॒नद्गि॒रिं शव॑सा॒ वज्र॑मि॒ष्णन्ना॑विष्कृण्वा॒नः स॑हसा॒न ओजः॑ ।
वधी॑द्वृ॒त्रं वज्रे॑ण मंदसा॒नः सर॒न्नापो॒ जव॑सा ह॒तवृ॑ष्णीः ॥
Samhita Devanagari Nonaccented
भिनद्गिरिं शवसा वज्रमिष्णन्नाविष्कृण्वानः सहसान ओजः ।
वधीद्वृत्रं वज्रेण मंदसानः सरन्नापो जवसा हतवृष्णीः ॥
Samhita Transcription Accented
bhinádgirím śávasā vájramiṣṇánnāviṣkṛṇvānáḥ sahasāná ójaḥ ǀ
vádhīdvṛtrám vájreṇa mandasānáḥ sárannā́po jávasā hatávṛṣṇīḥ ǁ
Samhita Transcription Nonaccented
bhinadgirim śavasā vajramiṣṇannāviṣkṛṇvānaḥ sahasāna ojaḥ ǀ
vadhīdvṛtram vajreṇa mandasānaḥ sarannāpo javasā hatavṛṣṇīḥ ǁ
Padapatha Devanagari Accented
भि॒नत् । गि॒रिम् । शव॑सा । वज्र॑म् । इ॒ष्णन् । आ॒विः॒ऽकृ॒ण्वा॒नः । स॒ह॒सा॒नः । ओजः॑ ।
वधी॑त् । वृ॒त्रम् । वज्रे॑ण । म॒न्द॒सा॒नः । सर॑न् । आपः॑ । जव॑सा । ह॒तऽवृ॑ष्णीः ॥
Padapatha Devanagari Nonaccented
भिनत् । गिरिम् । शवसा । वज्रम् । इष्णन् । आविःऽकृण्वानः । सहसानः । ओजः ।
वधीत् । वृत्रम् । वज्रेण । मन्दसानः । सरन् । आपः । जवसा । हतऽवृष्णीः ॥
Padapatha Transcription Accented
bhinát ǀ girím ǀ śávasā ǀ vájram ǀ iṣṇán ǀ āviḥ-kṛṇvānáḥ ǀ sahasānáḥ ǀ ójaḥ ǀ
vádhīt ǀ vṛtrám ǀ vájreṇa ǀ mandasānáḥ ǀ sáran ǀ ā́paḥ ǀ jávasā ǀ hatá-vṛṣṇīḥ ǁ
Padapatha Transcription Nonaccented
bhinat ǀ girim ǀ śavasā ǀ vajram ǀ iṣṇan ǀ āviḥ-kṛṇvānaḥ ǀ sahasānaḥ ǀ ojaḥ ǀ
vadhīt ǀ vṛtram ǀ vajreṇa ǀ mandasānaḥ ǀ saran ǀ āpaḥ ǀ javasā ǀ hata-vṛṣṇīḥ ǁ
04.017.04 (Mandala. Sukta. Rik)
3.5.21.04 (Ashtaka. Adhyaya. Varga. Rik)
04.02.057 (Mandala. Anuvāka. Rik)
Samhita Devanagari Accented
सु॒वीर॑स्ते जनि॒ता म॑न्यत॒ द्यौरिंद्र॑स्य क॒र्ता स्वप॑स्तमो भूत् ।
य ईं॑ ज॒जान॑ स्व॒र्यं॑ सु॒वज्र॒मन॑पच्युतं॒ सद॑सो॒ न भूम॑ ॥
Samhita Devanagari Nonaccented
सुवीरस्ते जनिता मन्यत द्यौरिंद्रस्य कर्ता स्वपस्तमो भूत् ।
य ईं जजान स्वर्यं सुवज्रमनपच्युतं सदसो न भूम ॥
Samhita Transcription Accented
suvī́raste janitā́ manyata dyáuríndrasya kartā́ svápastamo bhūt ǀ
yá īm jajā́na svaryám suvájramánapacyutam sádaso ná bhū́ma ǁ
Samhita Transcription Nonaccented
suvīraste janitā manyata dyaurindrasya kartā svapastamo bhūt ǀ
ya īm jajāna svaryam suvajramanapacyutam sadaso na bhūma ǁ
Padapatha Devanagari Accented
सु॒ऽवीरः॑ । ते॒ । ज॒नि॒ता । म॒न्य॒त॒ । द्यौः । इन्द्र॑स्य । क॒र्ता । स्वपः॑ऽतमः । भू॒त् ।
यः । ई॒म् । ज॒जान॑ । स्व॒र्य॑म् । सु॒ऽवज्र॑म् । अन॑पऽच्युतम् । सद॑सः । न । भूम॑ ॥
Padapatha Devanagari Nonaccented
सुऽवीरः । ते । जनिता । मन्यत । द्यौः । इन्द्रस्य । कर्ता । स्वपःऽतमः । भूत् ।
यः । ईम् । जजान । स्वर्यम् । सुऽवज्रम् । अनपऽच्युतम् । सदसः । न । भूम ॥
Padapatha Transcription Accented
su-vī́raḥ ǀ te ǀ janitā́ ǀ manyata ǀ dyáuḥ ǀ índrasya ǀ kartā́ ǀ svápaḥ-tamaḥ ǀ bhūt ǀ
yáḥ ǀ īm ǀ jajā́na ǀ svaryám ǀ su-vájram ǀ ánapa-cyutam ǀ sádasaḥ ǀ ná ǀ bhū́ma ǁ
Padapatha Transcription Nonaccented
su-vīraḥ ǀ te ǀ janitā ǀ manyata ǀ dyauḥ ǀ indrasya ǀ kartā ǀ svapaḥ-tamaḥ ǀ bhūt ǀ
yaḥ ǀ īm ǀ jajāna ǀ svaryam ǀ su-vajram ǀ anapa-cyutam ǀ sadasaḥ ǀ na ǀ bhūma ǁ
04.017.05 (Mandala. Sukta. Rik)
3.5.21.05 (Ashtaka. Adhyaya. Varga. Rik)
04.02.058 (Mandala. Anuvāka. Rik)
Samhita Devanagari Accented
य एक॑ इच्च्या॒वय॑ति॒ प्र भूमा॒ राजा॑ कृष्टी॒नां पु॑रुहू॒त इंद्रः॑ ।
स॒त्यमे॑न॒मनु॒ विश्वे॑ मदंति रा॒तिं दे॒वस्य॑ गृण॒तो म॒घोनः॑ ॥
Samhita Devanagari Nonaccented
य एक इच्च्यावयति प्र भूमा राजा कृष्टीनां पुरुहूत इंद्रः ।
सत्यमेनमनु विश्वे मदंति रातिं देवस्य गृणतो मघोनः ॥
Samhita Transcription Accented
yá éka iccyāváyati prá bhū́mā rā́jā kṛṣṭīnā́m puruhūtá índraḥ ǀ
satyámenamánu víśve madanti rātím devásya gṛṇató maghónaḥ ǁ
Samhita Transcription Nonaccented
ya eka iccyāvayati pra bhūmā rājā kṛṣṭīnām puruhūta indraḥ ǀ
satyamenamanu viśve madanti rātim devasya gṛṇato maghonaḥ ǁ
Padapatha Devanagari Accented
यः । एकः॑ । इत् । च्य॒वय॑ति । प्र । भूम॑ । राजा॑ । कृ॒ष्टी॒नाम् । पु॒रु॒ऽहू॒तः । इन्द्रः॑ ।
स॒त्यम् । ए॒न॒म् । अनु॑ । विश्वे॑ । म॒द॒न्ति॒ । रा॒तिम् । दे॒वस्य॑ । गृ॒ण॒तः । म॒घोनः॑ ॥
Padapatha Devanagari Nonaccented
यः । एकः । इत् । च्यवयति । प्र । भूम । राजा । कृष्टीनाम् । पुरुऽहूतः । इन्द्रः ।
सत्यम् । एनम् । अनु । विश्वे । मदन्ति । रातिम् । देवस्य । गृणतः । मघोनः ॥
Padapatha Transcription Accented
yáḥ ǀ ékaḥ ǀ ít ǀ cyaváyati ǀ prá ǀ bhū́ma ǀ rā́jā ǀ kṛṣṭīnā́m ǀ puru-hūtáḥ ǀ índraḥ ǀ
satyám ǀ enam ǀ ánu ǀ víśve ǀ madanti ǀ rātím ǀ devásya ǀ gṛṇatáḥ ǀ maghónaḥ ǁ
Padapatha Transcription Nonaccented
yaḥ ǀ ekaḥ ǀ it ǀ cyavayati ǀ pra ǀ bhūma ǀ rājā ǀ kṛṣṭīnām ǀ puru-hūtaḥ ǀ indraḥ ǀ
satyam ǀ enam ǀ anu ǀ viśve ǀ madanti ǀ rātim ǀ devasya ǀ gṛṇataḥ ǀ maghonaḥ ǁ
04.017.06 (Mandala. Sukta. Rik)
3.5.22.01 (Ashtaka. Adhyaya. Varga. Rik)
04.02.059 (Mandala. Anuvāka. Rik)
Samhita Devanagari Accented
स॒त्रा सोमा॑ अभवन्नस्य॒ विश्वे॑ स॒त्रा मदा॑सो बृह॒तो मदि॑ष्ठाः ।
स॒त्राभ॑वो॒ वसु॑पति॒र्वसू॑नां॒ दत्रे॒ विश्वा॑ अधिथा इंद्र कृ॒ष्टीः ॥
Samhita Devanagari Nonaccented
सत्रा सोमा अभवन्नस्य विश्वे सत्रा मदासो बृहतो मदिष्ठाः ।
सत्राभवो वसुपतिर्वसूनां दत्रे विश्वा अधिथा इंद्र कृष्टीः ॥
Samhita Transcription Accented
satrā́ sómā abhavannasya víśve satrā́ mádāso bṛható mádiṣṭhāḥ ǀ
satrā́bhavo vásupatirvásūnām dátre víśvā adhithā indra kṛṣṭī́ḥ ǁ
Samhita Transcription Nonaccented
satrā somā abhavannasya viśve satrā madāso bṛhato madiṣṭhāḥ ǀ
satrābhavo vasupatirvasūnām datre viśvā adhithā indra kṛṣṭīḥ ǁ
Padapatha Devanagari Accented
स॒त्रा । सोमाः॑ । अ॒भ॒व॒न् । अ॒स्य॒ । विश्वे॑ । स॒त्रा । मदा॑सः । बृ॒ह॒तः । मदि॑ष्ठाः ।
स॒त्रा । अ॒भ॒वः॒ । वसु॑ऽपतिः । वसू॑नाम् । दत्रे॑ । विश्वाः॑ । अ॒धि॒थाः॒ । इ॒न्द्र॒ । कृ॒ष्टीः ॥
Padapatha Devanagari Nonaccented
सत्रा । सोमाः । अभवन् । अस्य । विश्वे । सत्रा । मदासः । बृहतः । मदिष्ठाः ।
सत्रा । अभवः । वसुऽपतिः । वसूनाम् । दत्रे । विश्वाः । अधिथाः । इन्द्र । कृष्टीः ॥
Padapatha Transcription Accented
satrā́ ǀ sómāḥ ǀ abhavan ǀ asya ǀ víśve ǀ satrā́ ǀ mádāsaḥ ǀ bṛhatáḥ ǀ mádiṣṭhāḥ ǀ
satrā́ ǀ abhavaḥ ǀ vásu-patiḥ ǀ vásūnām ǀ dátre ǀ víśvāḥ ǀ adhithāḥ ǀ indra ǀ kṛṣṭī́ḥ ǁ
Padapatha Transcription Nonaccented
satrā ǀ somāḥ ǀ abhavan ǀ asya ǀ viśve ǀ satrā ǀ madāsaḥ ǀ bṛhataḥ ǀ madiṣṭhāḥ ǀ
satrā ǀ abhavaḥ ǀ vasu-patiḥ ǀ vasūnām ǀ datre ǀ viśvāḥ ǀ adhithāḥ ǀ indra ǀ kṛṣṭīḥ ǁ
04.017.07 (Mandala. Sukta. Rik)
3.5.22.02 (Ashtaka. Adhyaya. Varga. Rik)
04.02.060 (Mandala. Anuvāka. Rik)
Samhita Devanagari Accented
त्वमध॑ प्रथ॒मं जाय॑मा॒नोऽमे॒ विश्वा॑ अधिथा इंद्र कृ॒ष्टीः ।
त्वं प्रति॑ प्र॒वत॑ आ॒शया॑न॒महिं॒ वज्रे॑ण मघव॒न्वि वृ॑श्चः ॥
Samhita Devanagari Nonaccented
त्वमध प्रथमं जायमानोऽमे विश्वा अधिथा इंद्र कृष्टीः ।
त्वं प्रति प्रवत आशयानमहिं वज्रेण मघवन्वि वृश्चः ॥
Samhita Transcription Accented
tvámádha prathamám jā́yamānó’me víśvā adhithā indra kṛṣṭī́ḥ ǀ
tvám práti praváta āśáyānamáhim vájreṇa maghavanví vṛścaḥ ǁ
Samhita Transcription Nonaccented
tvamadha prathamam jāyamāno’me viśvā adhithā indra kṛṣṭīḥ ǀ
tvam prati pravata āśayānamahim vajreṇa maghavanvi vṛścaḥ ǁ
Padapatha Devanagari Accented
त्वम् । अध॑ । प्र॒थ॒मम् । जाय॑मानः । अमे॑ । विश्वाः॑ । अ॒धि॒थाः॒ । इ॒न्द्र॒ । कृ॒ष्टीः ।
त्वम् । प्रति॑ । प्र॒ऽवतः॑ । आ॒ऽशया॑नम् । अहि॑म् । वज्रे॑ण । म॒घ॒ऽव॒न् । वि । वृ॒श्चः॒ ॥
Padapatha Devanagari Nonaccented
त्वम् । अध । प्रथमम् । जायमानः । अमे । विश्वाः । अधिथाः । इन्द्र । कृष्टीः ।
त्वम् । प्रति । प्रऽवतः । आऽशयानम् । अहिम् । वज्रेण । मघऽवन् । वि । वृश्चः ॥
Padapatha Transcription Accented
tvám ǀ ádha ǀ prathamám ǀ jā́yamānaḥ ǀ áme ǀ víśvāḥ ǀ adhithāḥ ǀ indra ǀ kṛṣṭī́ḥ ǀ
tvám ǀ práti ǀ pra-vátaḥ ǀ ā-śáyānam ǀ áhim ǀ vájreṇa ǀ magha-van ǀ ví ǀ vṛścaḥ ǁ
Padapatha Transcription Nonaccented
tvam ǀ adha ǀ prathamam ǀ jāyamānaḥ ǀ ame ǀ viśvāḥ ǀ adhithāḥ ǀ indra ǀ kṛṣṭīḥ ǀ
tvam ǀ prati ǀ pra-vataḥ ǀ ā-śayānam ǀ ahim ǀ vajreṇa ǀ magha-van ǀ vi ǀ vṛścaḥ ǁ
04.017.08 (Mandala. Sukta. Rik)
3.5.22.03 (Ashtaka. Adhyaya. Varga. Rik)
04.02.061 (Mandala. Anuvāka. Rik)
Samhita Devanagari Accented
स॒त्रा॒हणं॒ दाधृ॑षिं॒ तुम्र॒मिंद्रं॑ म॒हाम॑पा॒रं वृ॑ष॒भं सु॒वज्रं॑ ।
हंता॒ यो वृ॒त्रं सनि॑तो॒त वाजं॒ दाता॑ म॒घानि॑ म॒घवा॑ सु॒राधाः॑ ॥
Samhita Devanagari Nonaccented
सत्राहणं दाधृषिं तुम्रमिंद्रं महामपारं वृषभं सुवज्रं ।
हंता यो वृत्रं सनितोत वाजं दाता मघानि मघवा सुराधाः ॥
Samhita Transcription Accented
satrāháṇam dā́dhṛṣim túmramíndram mahā́mapārám vṛṣabhám suvájram ǀ
hántā yó vṛtrám sánitotá vā́jam dā́tā maghā́ni maghávā surā́dhāḥ ǁ
Samhita Transcription Nonaccented
satrāhaṇam dādhṛṣim tumramindram mahāmapāram vṛṣabham suvajram ǀ
hantā yo vṛtram sanitota vājam dātā maghāni maghavā surādhāḥ ǁ
Padapatha Devanagari Accented
स॒त्रा॒ऽहन॑न् । दधृ॑षिम् । तुम्र॑म् । इन्द्र॑म् । म॒हाम् । अ॒पा॒रम् । वृ॒ष॒भम् । सु॒ऽवज्र॑म् ।
हन्ता॑ । यः । वृ॒त्रम् । सनि॑ता । उ॒त । वाज॑म् । दाता॑ । म॒घानि॑ । म॒घऽवा॑ । सु॒ऽराधाः॑ ॥
Padapatha Devanagari Nonaccented
सत्राऽहनन् । दधृषिम् । तुम्रम् । इन्द्रम् । महाम् । अपारम् । वृषभम् । सुऽवज्रम् ।
हन्ता । यः । वृत्रम् । सनिता । उत । वाजम् । दाता । मघानि । मघऽवा । सुऽराधाः ॥
Padapatha Transcription Accented
satrā-hánan ǀ dádhṛṣim ǀ túmram ǀ índram ǀ mahā́m ǀ apārám ǀ vṛṣabhám ǀ su-vájram ǀ
hántā ǀ yáḥ ǀ vṛtrám ǀ sánitā ǀ utá ǀ vā́jam ǀ dā́tā ǀ maghā́ni ǀ maghá-vā ǀ su-rā́dhāḥ ǁ
Padapatha Transcription Nonaccented
satrā-hanan ǀ dadhṛṣim ǀ tumram ǀ indram ǀ mahām ǀ apāram ǀ vṛṣabham ǀ su-vajram ǀ
hantā ǀ yaḥ ǀ vṛtram ǀ sanitā ǀ uta ǀ vājam ǀ dātā ǀ maghāni ǀ magha-vā ǀ su-rādhāḥ ǁ
04.017.09 (Mandala. Sukta. Rik)
3.5.22.04 (Ashtaka. Adhyaya. Varga. Rik)
04.02.062 (Mandala. Anuvāka. Rik)
Samhita Devanagari Accented
अ॒यं वृत॑श्चातयते समी॒चीर्य आ॒जिषु॑ म॒घवा॑ शृ॒ण्व एकः॑ ।
अ॒यं वाजं॑ भरति॒ यं स॒नोत्य॒स्य प्रि॒यासः॑ स॒ख्ये स्या॑म ॥
Samhita Devanagari Nonaccented
अयं वृतश्चातयते समीचीर्य आजिषु मघवा शृण्व एकः ।
अयं वाजं भरति यं सनोत्यस्य प्रियासः सख्ये स्याम ॥
Samhita Transcription Accented
ayám vṛ́taścātayate samīcī́ryá ājíṣu maghávā śṛṇvá ékaḥ ǀ
ayám vā́jam bharati yám sanótyasyá priyā́saḥ sakhyé syāma ǁ
Samhita Transcription Nonaccented
ayam vṛtaścātayate samīcīrya ājiṣu maghavā śṛṇva ekaḥ ǀ
ayam vājam bharati yam sanotyasya priyāsaḥ sakhye syāma ǁ
Padapatha Devanagari Accented
अ॒यम् । वृतः॑ । चा॒त॒य॒ते॒ । स॒म्ऽई॒चीः । यः । आ॒जिषु॑ । म॒घऽवा॑ । शृ॒ण्वे । एकः॑ ।
अ॒यम् । वाज॑म् । भ॒र॒ति॒ । यम् । स॒नोति॑ । अ॒स्य । प्रि॒यासः॑ । स॒ख्ये । स्या॒म॒ ॥
Padapatha Devanagari Nonaccented
अयम् । वृतः । चातयते । सम्ऽईचीः । यः । आजिषु । मघऽवा । शृण्वे । एकः ।
अयम् । वाजम् । भरति । यम् । सनोति । अस्य । प्रियासः । सख्ये । स्याम ॥
Padapatha Transcription Accented
ayám ǀ vṛ́taḥ ǀ cātayate ǀ sam-īcī́ḥ ǀ yáḥ ǀ ājíṣu ǀ maghá-vā ǀ śṛṇvé ǀ ékaḥ ǀ
ayám ǀ vā́jam ǀ bharati ǀ yám ǀ sanóti ǀ asyá ǀ priyā́saḥ ǀ sakhyé ǀ syāma ǁ
Padapatha Transcription Nonaccented
ayam ǀ vṛtaḥ ǀ cātayate ǀ sam-īcīḥ ǀ yaḥ ǀ ājiṣu ǀ magha-vā ǀ śṛṇve ǀ ekaḥ ǀ
ayam ǀ vājam ǀ bharati ǀ yam ǀ sanoti ǀ asya ǀ priyāsaḥ ǀ sakhye ǀ syāma ǁ
04.017.10 (Mandala. Sukta. Rik)
3.5.22.05 (Ashtaka. Adhyaya. Varga. Rik)
04.02.063 (Mandala. Anuvāka. Rik)
Samhita Devanagari Accented
अ॒यं शृ॑ण्वे॒ अध॒ जय॑न्नु॒त घ्नन्न॒यमु॒त प्र कृ॑णुते यु॒धा गाः ।
य॒दा स॒त्यं कृ॑णु॒ते म॒न्युमिंद्रो॒ विश्वं॑ दृ॒ळ्हं भ॑यत॒ एज॑दस्मात् ॥
Samhita Devanagari Nonaccented
अयं शृण्वे अध जयन्नुत घ्नन्नयमुत प्र कृणुते युधा गाः ।
यदा सत्यं कृणुते मन्युमिंद्रो विश्वं दृळ्हं भयत एजदस्मात् ॥
Samhita Transcription Accented
ayám śṛṇve ádha jáyannutá ghnánnayámutá prá kṛṇute yudhā́ gā́ḥ ǀ
yadā́ satyám kṛṇuté manyúmíndro víśvam dṛḷhám bhayata éjadasmāt ǁ
Samhita Transcription Nonaccented
ayam śṛṇve adha jayannuta ghnannayamuta pra kṛṇute yudhā gāḥ ǀ
yadā satyam kṛṇute manyumindro viśvam dṛḷham bhayata ejadasmāt ǁ
Padapatha Devanagari Accented
अ॒यम् । शृ॒ण्वे॒ । अध॑ । जय॑न् । उ॒त । घ्नन् । अ॒यम् । उ॒त । प्र । कृ॒णु॒ते॒ । यु॒धा । गाः ।
य॒दा । स॒त्यम् । कृ॒णु॒ते । म॒न्युम् । इन्द्रः॑ । विश्व॑म् । दृ॒ळ्हम् । भ॒य॒ते॒ । एज॑त् । अ॒स्मा॒त् ॥
Padapatha Devanagari Nonaccented
अयम् । शृण्वे । अध । जयन् । उत । घ्नन् । अयम् । उत । प्र । कृणुते । युधा । गाः ।
यदा । सत्यम् । कृणुते । मन्युम् । इन्द्रः । विश्वम् । दृळ्हम् । भयते । एजत् । अस्मात् ॥
Padapatha Transcription Accented
ayám ǀ śṛṇve ǀ ádha ǀ jáyan ǀ utá ǀ ghnán ǀ ayám ǀ utá ǀ prá ǀ kṛṇute ǀ yudhā́ ǀ gā́ḥ ǀ
yadā́ ǀ satyám ǀ kṛṇuté ǀ manyúm ǀ índraḥ ǀ víśvam ǀ dṛḷhám ǀ bhayate ǀ éjat ǀ asmāt ǁ
Padapatha Transcription Nonaccented
ayam ǀ śṛṇve ǀ adha ǀ jayan ǀ uta ǀ ghnan ǀ ayam ǀ uta ǀ pra ǀ kṛṇute ǀ yudhā ǀ gāḥ ǀ
yadā ǀ satyam ǀ kṛṇute ǀ manyum ǀ indraḥ ǀ viśvam ǀ dṛḷham ǀ bhayate ǀ ejat ǀ asmāt ǁ
04.017.11 (Mandala. Sukta. Rik)
3.5.23.01 (Ashtaka. Adhyaya. Varga. Rik)
04.02.064 (Mandala. Anuvāka. Rik)
Samhita Devanagari Accented
समिंद्रो॒ गा अ॑जय॒त्सं हिर॑ण्या॒ सम॑श्वि॒या म॒घवा॒ यो ह॑ पू॒र्वीः ।
ए॒भिर्नृभि॒र्नृत॑मो अस्य शा॒कै रा॒यो वि॑भ॒क्ता सं॑भ॒रश्च॒ वस्वः॑ ॥
Samhita Devanagari Nonaccented
समिंद्रो गा अजयत्सं हिरण्या समश्विया मघवा यो ह पूर्वीः ।
एभिर्नृभिर्नृतमो अस्य शाकै रायो विभक्ता संभरश्च वस्वः ॥
Samhita Transcription Accented
sámíndro gā́ ajayatsám híraṇyā sámaśviyā́ maghávā yó ha pūrvī́ḥ ǀ
ebhírnṛ́bhirnṛ́tamo asya śākái rāyó vibhaktā́ sambharáśca vásvaḥ ǁ
Samhita Transcription Nonaccented
samindro gā ajayatsam hiraṇyā samaśviyā maghavā yo ha pūrvīḥ ǀ
ebhirnṛbhirnṛtamo asya śākai rāyo vibhaktā sambharaśca vasvaḥ ǁ
Padapatha Devanagari Accented
सम् । इन्द्रः॑ । गाः । अ॒ज॒य॒त् । सम् । हिर॑ण्या । सम् । अ॒श्वि॒या । म॒घऽवा॑ । यः । ह॒ । पू॒र्वीः ।
ए॒भिः । नृऽभिः॑ । नृऽत॑मः । अ॒स्य॒ । शा॒कैः । रा॒यः । वि॒ऽभ॒क्ता । स॒म्ऽभ॒रः । च॒ । वस्वः॑ ॥
Padapatha Devanagari Nonaccented
सम् । इन्द्रः । गाः । अजयत् । सम् । हिरण्या । सम् । अश्विया । मघऽवा । यः । ह । पूर्वीः ।
एभिः । नृऽभिः । नृऽतमः । अस्य । शाकैः । रायः । विऽभक्ता । सम्ऽभरः । च । वस्वः ॥
Padapatha Transcription Accented
sám ǀ índraḥ ǀ gā́ḥ ǀ ajayat ǀ sám ǀ híraṇyā ǀ sám ǀ aśviyā́ ǀ maghá-vā ǀ yáḥ ǀ ha ǀ pūrvī́ḥ ǀ
ebhíḥ ǀ nṛ́-bhiḥ ǀ nṛ́-tamaḥ ǀ asya ǀ śākáiḥ ǀ rāyáḥ ǀ vi-bhaktā́ ǀ sam-bharáḥ ǀ ca ǀ vásvaḥ ǁ
Padapatha Transcription Nonaccented
sam ǀ indraḥ ǀ gāḥ ǀ ajayat ǀ sam ǀ hiraṇyā ǀ sam ǀ aśviyā ǀ magha-vā ǀ yaḥ ǀ ha ǀ pūrvīḥ ǀ
ebhiḥ ǀ nṛ-bhiḥ ǀ nṛ-tamaḥ ǀ asya ǀ śākaiḥ ǀ rāyaḥ ǀ vi-bhaktā ǀ sam-bharaḥ ǀ ca ǀ vasvaḥ ǁ
04.017.12 (Mandala. Sukta. Rik)
3.5.23.02 (Ashtaka. Adhyaya. Varga. Rik)
04.02.065 (Mandala. Anuvāka. Rik)
Samhita Devanagari Accented
किय॑त्स्वि॒दिंद्रो॒ अध्ये॑ति मा॒तुः किय॑त्पि॒तुर्ज॑नि॒तुर्यो ज॒जान॑ ।
यो अ॑स्य॒ शुष्मं॑ मुहु॒कैरिय॑र्ति॒ वातो॒ न जू॒तः स्त॒नय॑द्भिर॒भ्रैः ॥
Samhita Devanagari Nonaccented
कियत्स्विदिंद्रो अध्येति मातुः कियत्पितुर्जनितुर्यो जजान ।
यो अस्य शुष्मं मुहुकैरियर्ति वातो न जूतः स्तनयद्भिरभ्रैः ॥
Samhita Transcription Accented
kíyatsvidíndro ádhyeti mātúḥ kíyatpitúrjanitúryó jajā́na ǀ
yó asya śúṣmam muhukáiríyarti vā́to ná jūtáḥ stanáyadbhirabhráiḥ ǁ
Samhita Transcription Nonaccented
kiyatsvidindro adhyeti mātuḥ kiyatpiturjanituryo jajāna ǀ
yo asya śuṣmam muhukairiyarti vāto na jūtaḥ stanayadbhirabhraiḥ ǁ
Padapatha Devanagari Accented
किय॑त् । स्वि॒त् । इन्द्रः॑ । अधि॑ । ए॒ति॒ । मा॒तुः । किय॑त् । पि॒तुः । ज॒नि॒तुः । यः । ज॒जान॑ ।
यः । अ॒स्य॒ । शुष्म॑म् । मु॒हु॒कैः । इय॑र्ति । वातः॑ । न । जू॒तः । स्त॒नय॑त्ऽभिः । अ॒भ्रैः ॥
Padapatha Devanagari Nonaccented
कियत् । स्वित् । इन्द्रः । अधि । एति । मातुः । कियत् । पितुः । जनितुः । यः । जजान ।
यः । अस्य । शुष्मम् । मुहुकैः । इयर्ति । वातः । न । जूतः । स्तनयत्ऽभिः । अभ्रैः ॥
Padapatha Transcription Accented
kíyat ǀ svit ǀ índraḥ ǀ ádhi ǀ eti ǀ mātúḥ ǀ kíyat ǀ pitúḥ ǀ janitúḥ ǀ yáḥ ǀ jajā́na ǀ
yáḥ ǀ asya ǀ śúṣmam ǀ muhukáiḥ ǀ íyarti ǀ vā́taḥ ǀ ná ǀ jūtáḥ ǀ stanáyat-bhiḥ ǀ abhráiḥ ǁ
Padapatha Transcription Nonaccented
kiyat ǀ svit ǀ indraḥ ǀ adhi ǀ eti ǀ mātuḥ ǀ kiyat ǀ pituḥ ǀ janituḥ ǀ yaḥ ǀ jajāna ǀ
yaḥ ǀ asya ǀ śuṣmam ǀ muhukaiḥ ǀ iyarti ǀ vātaḥ ǀ na ǀ jūtaḥ ǀ stanayat-bhiḥ ǀ abhraiḥ ǁ
04.017.13 (Mandala. Sukta. Rik)
3.5.23.03 (Ashtaka. Adhyaya. Varga. Rik)
04.02.066 (Mandala. Anuvāka. Rik)
Samhita Devanagari Accented
क्षि॒यंतं॑ त्व॒मक्षि॑यंतं कृणो॒तीय॑र्ति रे॒णुं म॒घवा॑ स॒मोहं॑ ।
वि॒भं॒ज॒नुर॒शनि॑माँ इव॒ द्यौरु॒त स्तो॒तारं॑ म॒घवा॒ वसौ॑ धात् ॥
Samhita Devanagari Nonaccented
क्षियंतं त्वमक्षियंतं कृणोतीयर्ति रेणुं मघवा समोहं ।
विभंजनुरशनिमाँ इव द्यौरुत स्तोतारं मघवा वसौ धात् ॥
Samhita Transcription Accented
kṣiyántam tvamákṣiyantam kṛṇotī́yarti reṇúm maghávā samóham ǀ
vibhañjanúraśánimām̐ iva dyáurutá stotā́ram maghávā vásau dhāt ǁ
Samhita Transcription Nonaccented
kṣiyantam tvamakṣiyantam kṛṇotīyarti reṇum maghavā samoham ǀ
vibhañjanuraśanimām̐ iva dyauruta stotāram maghavā vasau dhāt ǁ
Padapatha Devanagari Accented
क्षि॒यन्त॑म् । त्व॒म् । अक्षि॑यन्तम् । कृ॒णो॒ति॒ । इय॑र्ति । रे॒णुम् । म॒घऽवा॑ । स॒म्ऽओह॑म् ।
वि॒ऽभ॒ञ्ज॒नुः । अ॒शनि॑मान्ऽइव । द्यौः । उ॒त । स्तो॒तार॑म् । म॒घऽवा॑ । वसौ॑ । धा॒त् ॥
Padapatha Devanagari Nonaccented
क्षियन्तम् । त्वम् । अक्षियन्तम् । कृणोति । इयर्ति । रेणुम् । मघऽवा । सम्ऽओहम् ।
विऽभञ्जनुः । अशनिमान्ऽइव । द्यौः । उत । स्तोतारम् । मघऽवा । वसौ । धात् ॥
Padapatha Transcription Accented
kṣiyántam ǀ tvam ǀ ákṣiyantam ǀ kṛṇoti ǀ íyarti ǀ reṇúm ǀ maghá-vā ǀ sam-óham ǀ
vi-bhañjanúḥ ǀ aśánimān-iva ǀ dyáuḥ ǀ utá ǀ stotā́ram ǀ maghá-vā ǀ vásau ǀ dhāt ǁ
Padapatha Transcription Nonaccented
kṣiyantam ǀ tvam ǀ akṣiyantam ǀ kṛṇoti ǀ iyarti ǀ reṇum ǀ magha-vā ǀ sam-oham ǀ
vi-bhañjanuḥ ǀ aśanimān-iva ǀ dyauḥ ǀ uta ǀ stotāram ǀ magha-vā ǀ vasau ǀ dhāt ǁ
04.017.14 (Mandala. Sukta. Rik)
3.5.23.04 (Ashtaka. Adhyaya. Varga. Rik)
04.02.067 (Mandala. Anuvāka. Rik)
Samhita Devanagari Accented
अ॒यं च॒क्रमि॑षण॒त्सूर्य॑स्य॒ न्येत॑शं रीरमत्ससृमा॒णं ।
आ कृ॒ष्ण ईं॑ जुहुरा॒णो जि॑घर्ति त्व॒चो बु॒ध्ने रज॑सो अ॒स्य योनौ॑ ॥
Samhita Devanagari Nonaccented
अयं चक्रमिषणत्सूर्यस्य न्येतशं रीरमत्ससृमाणं ।
आ कृष्ण ईं जुहुराणो जिघर्ति त्वचो बुध्ने रजसो अस्य योनौ ॥
Samhita Transcription Accented
ayám cakrámiṣaṇatsū́ryasya nyétaśam rīramatsasṛmāṇám ǀ
ā́ kṛṣṇá īm juhurāṇó jigharti tvacó budhné rájaso asyá yónau ǁ
Samhita Transcription Nonaccented
ayam cakramiṣaṇatsūryasya nyetaśam rīramatsasṛmāṇam ǀ
ā kṛṣṇa īm juhurāṇo jigharti tvaco budhne rajaso asya yonau ǁ
Padapatha Devanagari Accented
अ॒यम् । च॒क्रम् । इ॒ष॒ण॒त् । सूर्य॑स्य । नि । एत॑शम् । री॒र॒म॒त् । स॒सृ॒मा॒णम् ।
आ । कृ॒ष्णः । ई॒म् । जु॒हु॒रा॒णः । जि॒घ॒र्ति॒ । त्व॒चः । बु॒ध्ने । रज॑सः । अ॒स्य । योनौ॑ ॥
Padapatha Devanagari Nonaccented
अयम् । चक्रम् । इषणत् । सूर्यस्य । नि । एतशम् । रीरमत् । ससृमाणम् ।
आ । कृष्णः । ईम् । जुहुराणः । जिघर्ति । त्वचः । बुध्ने । रजसः । अस्य । योनौ ॥
Padapatha Transcription Accented
ayám ǀ cakrám ǀ iṣaṇat ǀ sū́ryasya ǀ ní ǀ étaśam ǀ rīramat ǀ sasṛmāṇám ǀ
ā́ ǀ kṛṣṇáḥ ǀ īm ǀ juhurāṇáḥ ǀ jigharti ǀ tvacáḥ ǀ budhné ǀ rájasaḥ ǀ asyá ǀ yónau ǁ
Padapatha Transcription Nonaccented
ayam ǀ cakram ǀ iṣaṇat ǀ sūryasya ǀ ni ǀ etaśam ǀ rīramat ǀ sasṛmāṇam ǀ
ā ǀ kṛṣṇaḥ ǀ īm ǀ juhurāṇaḥ ǀ jigharti ǀ tvacaḥ ǀ budhne ǀ rajasaḥ ǀ asya ǀ yonau ǁ
04.017.15 (Mandala. Sukta. Rik)
3.5.23.05 (Ashtaka. Adhyaya. Varga. Rik)
04.02.068 (Mandala. Anuvāka. Rik)
Samhita Devanagari Accented
असि॑क्न्यां॒ यज॑मानो॒ न होता॑ ॥
Samhita Devanagari Nonaccented
असिक्न्यां यजमानो न होता ॥
Samhita Transcription Accented
ásiknyām yájamāno ná hótā ǁ
Samhita Transcription Nonaccented
asiknyām yajamāno na hotā ǁ
Padapatha Devanagari Accented
असि॑क्न्याम् । यज॑मानः । न । होता॑ ॥
Padapatha Devanagari Nonaccented
असिक्न्याम् । यजमानः । न । होता ॥
Padapatha Transcription Accented
ásiknyām ǀ yájamānaḥ ǀ ná ǀ hótā ǁ
Padapatha Transcription Nonaccented
asiknyām ǀ yajamānaḥ ǀ na ǀ hotā ǁ
04.017.16 (Mandala. Sukta. Rik)
3.5.24.01 (Ashtaka. Adhyaya. Varga. Rik)
04.02.069 (Mandala. Anuvāka. Rik)
Samhita Devanagari Accented
ग॒व्यंत॒ इंद्रं॑ स॒ख्याय॒ विप्रा॑ अश्वा॒यंतो॒ वृष॑णं वा॒जयं॑तः ।
ज॒नी॒यंतो॑ जनि॒दामक्षि॑तोति॒मा च्या॑वयामोऽव॒ते न कोशं॑ ॥
Samhita Devanagari Nonaccented
गव्यंत इंद्रं सख्याय विप्रा अश्वायंतो वृषणं वाजयंतः ।
जनीयंतो जनिदामक्षितोतिमा च्यावयामोऽवते न कोशं ॥
Samhita Transcription Accented
gavyánta índram sakhyā́ya víprā aśvāyánto vṛ́ṣaṇam vājáyantaḥ ǀ
janīyánto janidā́mákṣitotimā́ cyāvayāmo’vaté ná kóśam ǁ
Samhita Transcription Nonaccented
gavyanta indram sakhyāya viprā aśvāyanto vṛṣaṇam vājayantaḥ ǀ
janīyanto janidāmakṣitotimā cyāvayāmo’vate na kośam ǁ
Padapatha Devanagari Accented
ग॒व्यन्तः॑ । इन्द्र॑म् । स॒ख्याय॑ । विप्राः॑ । अ॒श्व॒ऽयन्तः॑ । वृष॑णम् । वा॒जय॑न्तः ।
ज॒नि॒ऽयन्तः॑ । ज॒नि॒ऽदाम् । अक्षि॑तऽऊतिम् । आ । च्य॒व॒या॒मः॒ । अ॒व॒ते । न । कोश॑म् ॥
Padapatha Devanagari Nonaccented
गव्यन्तः । इन्द्रम् । सख्याय । विप्राः । अश्वऽयन्तः । वृषणम् । वाजयन्तः ।
जनिऽयन्तः । जनिऽदाम् । अक्षितऽऊतिम् । आ । च्यवयामः । अवते । न । कोशम् ॥
Padapatha Transcription Accented
gavyántaḥ ǀ índram ǀ sakhyā́ya ǀ víprāḥ ǀ aśva-yántaḥ ǀ vṛ́ṣaṇam ǀ vājáyantaḥ ǀ
jani-yántaḥ ǀ jani-dā́m ǀ ákṣita-ūtim ǀ ā́ ǀ cyavayāmaḥ ǀ avaté ǀ ná ǀ kóśam ǁ
Padapatha Transcription Nonaccented
gavyantaḥ ǀ indram ǀ sakhyāya ǀ viprāḥ ǀ aśva-yantaḥ ǀ vṛṣaṇam ǀ vājayantaḥ ǀ
jani-yantaḥ ǀ jani-dām ǀ akṣita-ūtim ǀ ā ǀ cyavayāmaḥ ǀ avate ǀ na ǀ kośam ǁ
04.017.17 (Mandala. Sukta. Rik)
3.5.24.02 (Ashtaka. Adhyaya. Varga. Rik)
04.02.070 (Mandala. Anuvāka. Rik)
Samhita Devanagari Accented
त्रा॒ता नो॑ बोधि॒ ददृ॑शान आ॒पिर॑भिख्या॒ता म॑र्डि॒ता सो॒म्यानां॑ ।
सखा॑ पि॒ता पि॒तृत॑मः पितॄ॒णां कर्ते॑मु लो॒कमु॑श॒ते व॑यो॒धाः ॥
Samhita Devanagari Nonaccented
त्राता नो बोधि ददृशान आपिरभिख्याता मर्डिता सोम्यानां ।
सखा पिता पितृतमः पितॄणां कर्तेमु लोकमुशते वयोधाः ॥
Samhita Transcription Accented
trātā́ no bodhi dádṛśāna āpírabhikhyātā́ marḍitā́ somyā́nām ǀ
sákhā pitā́ pitṛ́tamaḥ pitṝṇā́m kártemu lokámuśaté vayodhā́ḥ ǁ
Samhita Transcription Nonaccented
trātā no bodhi dadṛśāna āpirabhikhyātā marḍitā somyānām ǀ
sakhā pitā pitṛtamaḥ pitṝṇām kartemu lokamuśate vayodhāḥ ǁ
Padapatha Devanagari Accented
त्रा॒ता । नः॒ । बो॒धि॒ । ददृ॑शानः । आ॒पिः । अ॒भि॒ऽख्या॒ता । म॒र्डि॒ता । सो॒म्याना॑म् ।
सखा॑ । पि॒ता । पि॒तृऽत॑मः । पि॒तॄ॒णाम् । कर्ता॑ । ई॒म् । ऊं॒ इति॑ । लो॒कम् । उ॒श॒ते । व॒यः॒ऽधाः ॥
Padapatha Devanagari Nonaccented
त्राता । नः । बोधि । ददृशानः । आपिः । अभिऽख्याता । मर्डिता । सोम्यानाम् ।
सखा । पिता । पितृऽतमः । पितॄणाम् । कर्ता । ईम् । ऊं इति । लोकम् । उशते । वयःऽधाः ॥
Padapatha Transcription Accented
trātā́ ǀ naḥ ǀ bodhi ǀ dádṛśānaḥ ǀ āpíḥ ǀ abhi-khyātā́ ǀ marḍitā́ ǀ somyā́nām ǀ
sákhā ǀ pitā́ ǀ pitṛ́-tamaḥ ǀ pitṝṇā́m ǀ kártā ǀ īm ǀ ūṃ íti ǀ lokám ǀ uśaté ǀ vayaḥ-dhā́ḥ ǁ
Padapatha Transcription Nonaccented
trātā ǀ naḥ ǀ bodhi ǀ dadṛśānaḥ ǀ āpiḥ ǀ abhi-khyātā ǀ marḍitā ǀ somyānām ǀ
sakhā ǀ pitā ǀ pitṛ-tamaḥ ǀ pitṝṇām ǀ kartā ǀ īm ǀ ūṃ iti ǀ lokam ǀ uśate ǀ vayaḥ-dhāḥ ǁ
04.017.18 (Mandala. Sukta. Rik)
3.5.24.03 (Ashtaka. Adhyaya. Varga. Rik)
04.02.071 (Mandala. Anuvāka. Rik)
Samhita Devanagari Accented
स॒खी॒य॒ताम॑वि॒ता बो॑धि॒ सखा॑ गृणा॒न इं॑द्र स्तुव॒ते वयो॑ धाः ।
व॒यं ह्या ते॑ चकृ॒मा स॒बाध॑ आ॒भिः शमी॑भिर्म॒हयं॑त इंद्र ॥
Samhita Devanagari Nonaccented
सखीयतामविता बोधि सखा गृणान इंद्र स्तुवते वयो धाः ।
वयं ह्या ते चकृमा सबाध आभिः शमीभिर्महयंत इंद्र ॥
Samhita Transcription Accented
sakhīyatā́mavitā́ bodhi sákhā gṛṇāná indra stuvaté váyo dhāḥ ǀ
vayám hyā́ te cakṛmā́ sabā́dha ābhíḥ śámībhirmaháyanta indra ǁ
Samhita Transcription Nonaccented
sakhīyatāmavitā bodhi sakhā gṛṇāna indra stuvate vayo dhāḥ ǀ
vayam hyā te cakṛmā sabādha ābhiḥ śamībhirmahayanta indra ǁ
Padapatha Devanagari Accented
स॒खि॒ऽय॒ताम् । अ॒वि॒ता । बो॒धि॒ । सखा॑ । गृ॒णा॒नः । इ॒न्द्र॒ । स्तु॒व॒ते । वयः॑ । धाः॒ ।
व॒यम् । हि । आ । ते॒ । च॒कृ॒म । स॒ऽबाधः॑ । आ॒भिः । शमी॑भिः । म॒हय॑न्तः । इ॒न्द्र॒ ॥
Padapatha Devanagari Nonaccented
सखिऽयताम् । अविता । बोधि । सखा । गृणानः । इन्द्र । स्तुवते । वयः । धाः ।
वयम् । हि । आ । ते । चकृम । सऽबाधः । आभिः । शमीभिः । महयन्तः । इन्द्र ॥
Padapatha Transcription Accented
sakhi-yatā́m ǀ avitā́ ǀ bodhi ǀ sákhā ǀ gṛṇānáḥ ǀ indra ǀ stuvaté ǀ váyaḥ ǀ dhāḥ ǀ
vayám ǀ hí ǀ ā́ ǀ te ǀ cakṛmá ǀ sa-bā́dhaḥ ǀ ābhíḥ ǀ śámībhiḥ ǀ maháyantaḥ ǀ indra ǁ
Padapatha Transcription Nonaccented
sakhi-yatām ǀ avitā ǀ bodhi ǀ sakhā ǀ gṛṇānaḥ ǀ indra ǀ stuvate ǀ vayaḥ ǀ dhāḥ ǀ
vayam ǀ hi ǀ ā ǀ te ǀ cakṛma ǀ sa-bādhaḥ ǀ ābhiḥ ǀ śamībhiḥ ǀ mahayantaḥ ǀ indra ǁ
04.017.19 (Mandala. Sukta. Rik)
3.5.24.04 (Ashtaka. Adhyaya. Varga. Rik)
04.02.072 (Mandala. Anuvāka. Rik)
Samhita Devanagari Accented
स्तु॒त इंद्रो॑ म॒घवा॒ यद्ध॑ वृ॒त्रा भूरी॒ण्येको॑ अप्र॒तीनि॑ हंति ।
अ॒स्य प्रि॒यो ज॑रि॒ता यस्य॒ शर्म॒न्नकि॑र्दे॒वा वा॒रयं॑ते॒ न मर्ताः॑ ॥
Samhita Devanagari Nonaccented
स्तुत इंद्रो मघवा यद्ध वृत्रा भूरीण्येको अप्रतीनि हंति ।
अस्य प्रियो जरिता यस्य शर्मन्नकिर्देवा वारयंते न मर्ताः ॥
Samhita Transcription Accented
stutá índro maghávā yáddha vṛtrā́ bhū́rīṇyéko apratī́ni hanti ǀ
asyá priyó jaritā́ yásya śármannákirdevā́ vāráyante ná mártāḥ ǁ
Samhita Transcription Nonaccented
stuta indro maghavā yaddha vṛtrā bhūrīṇyeko apratīni hanti ǀ
asya priyo jaritā yasya śarmannakirdevā vārayante na martāḥ ǁ
Padapatha Devanagari Accented
स्तु॒तः । इन्द्रः॑ । म॒घऽवा॑ । यत् । ह॒ । वृ॒त्रा । भूरी॑णि । एकः॑ । अ॒प्र॒तीनि॑ । ह॒न्ति॒ ।
अ॒स्य । प्रि॒यः । ज॒रि॒ता । यस्य॑ । शर्म॑न् । नकिः॑ । दे॒वाः । वा॒रय॑न्ते । न । मर्ताः॑ ॥
Padapatha Devanagari Nonaccented
स्तुतः । इन्द्रः । मघऽवा । यत् । ह । वृत्रा । भूरीणि । एकः । अप्रतीनि । हन्ति ।
अस्य । प्रियः । जरिता । यस्य । शर्मन् । नकिः । देवाः । वारयन्ते । न । मर्ताः ॥
Padapatha Transcription Accented
stutáḥ ǀ índraḥ ǀ maghá-vā ǀ yát ǀ ha ǀ vṛtrā́ ǀ bhū́rīṇi ǀ ékaḥ ǀ apratī́ni ǀ hanti ǀ
asyá ǀ priyáḥ ǀ jaritā́ ǀ yásya ǀ śárman ǀ nákiḥ ǀ devā́ḥ ǀ vāráyante ǀ ná ǀ mártāḥ ǁ
Padapatha Transcription Nonaccented
stutaḥ ǀ indraḥ ǀ magha-vā ǀ yat ǀ ha ǀ vṛtrā ǀ bhūrīṇi ǀ ekaḥ ǀ apratīni ǀ hanti ǀ
asya ǀ priyaḥ ǀ jaritā ǀ yasya ǀ śarman ǀ nakiḥ ǀ devāḥ ǀ vārayante ǀ na ǀ martāḥ ǁ
04.017.20 (Mandala. Sukta. Rik)
3.5.24.05 (Ashtaka. Adhyaya. Varga. Rik)
04.02.073 (Mandala. Anuvāka. Rik)
Samhita Devanagari Accented
ए॒वा न॒ इंद्रो॑ म॒घवा॑ विर॒प्शी कर॑त्स॒त्या च॑र्षणी॒धृद॑न॒र्वा ।
त्वं राजा॑ ज॒नुषां॑ धेह्य॒स्मे अधि॒ श्रवो॒ माहि॑नं॒ यज्ज॑रि॒त्रे ॥
Samhita Devanagari Nonaccented
एवा न इंद्रो मघवा विरप्शी करत्सत्या चर्षणीधृदनर्वा ।
त्वं राजा जनुषां धेह्यस्मे अधि श्रवो माहिनं यज्जरित्रे ॥
Samhita Transcription Accented
evā́ na índro maghávā virapśī́ káratsatyā́ carṣaṇīdhṛ́danarvā́ ǀ
tvám rā́jā janúṣām dhehyasmé ádhi śrávo mā́hinam yájjaritré ǁ
Samhita Transcription Nonaccented
evā na indro maghavā virapśī karatsatyā carṣaṇīdhṛdanarvā ǀ
tvam rājā januṣām dhehyasme adhi śravo māhinam yajjaritre ǁ
Padapatha Devanagari Accented
ए॒व । नः॒ । इन्द्रः॑ । म॒घऽवा॑ । वि॒ऽर॒प्शी । कर॑त् । स॒त्या । च॒र्ष॒णि॒ऽधृत् । अ॒न॒र्वा ।
त्वम् । राजा॑ । ज॒नुषा॑म् । धे॒हि॒ । अ॒स्मे इति॑ । अधि॑ । श्रवः॑ । माहि॑नम् । यत् । ज॒रि॒त्रे ॥
Padapatha Devanagari Nonaccented
एव । नः । इन्द्रः । मघऽवा । विऽरप्शी । करत् । सत्या । चर्षणिऽधृत् । अनर्वा ।
त्वम् । राजा । जनुषाम् । धेहि । अस्मे इति । अधि । श्रवः । माहिनम् । यत् । जरित्रे ॥
Padapatha Transcription Accented
evá ǀ naḥ ǀ índraḥ ǀ maghá-vā ǀ vi-rapśī́ ǀ kárat ǀ satyā́ ǀ carṣaṇi-dhṛ́t ǀ anarvā́ ǀ
tvám ǀ rā́jā ǀ janúṣām ǀ dhehi ǀ asmé íti ǀ ádhi ǀ śrávaḥ ǀ mā́hinam ǀ yát ǀ jaritré ǁ
Padapatha Transcription Nonaccented
eva ǀ naḥ ǀ indraḥ ǀ magha-vā ǀ vi-rapśī ǀ karat ǀ satyā ǀ carṣaṇi-dhṛt ǀ anarvā ǀ
tvam ǀ rājā ǀ januṣām ǀ dhehi ǀ asme iti ǀ adhi ǀ śravaḥ ǀ māhinam ǀ yat ǀ jaritre ǁ
04.017.21 (Mandala. Sukta. Rik)
3.5.24.06 (Ashtaka. Adhyaya. Varga. Rik)
04.02.074 (Mandala. Anuvāka. Rik)
Samhita Devanagari Accented
नू ष्टु॒त इं॑द्र॒ नू गृ॑णा॒न इषं॑ जरि॒त्रे न॒द्यो॒३॒॑ न पी॑पेः ।
अका॑रि ते हरिवो॒ ब्रह्म॒ नव्यं॑ धि॒या स्या॑म र॒थ्यः॑ सदा॒साः ॥
Samhita Devanagari Nonaccented
नू ष्टुत इंद्र नू गृणान इषं जरित्रे नद्यो न पीपेः ।
अकारि ते हरिवो ब्रह्म नव्यं धिया स्याम रथ्यः सदासाः ॥
Samhita Transcription Accented
nū́ ṣṭutá indra nū́ gṛṇāná íṣam jaritré nadyó ná pīpeḥ ǀ
ákāri te harivo bráhma návyam dhiyā́ syāma rathyáḥ sadāsā́ḥ ǁ
Samhita Transcription Nonaccented
nū ṣṭuta indra nū gṛṇāna iṣam jaritre nadyo na pīpeḥ ǀ
akāri te harivo brahma navyam dhiyā syāma rathyaḥ sadāsāḥ ǁ
Padapatha Devanagari Accented
नु । स्तु॒तः । इ॒न्द्र॒ । नु । गृ॒णा॒नः । इष॑म् । ज॒रि॒त्रे । न॒द्यः॑ । न । पी॒पे॒रिति॑ पीपेः ।
अका॑रि । ते॒ । ह॒रि॒ऽवः॒ । ब्रह्म॑ । नव्य॑म् । धि॒या । स्या॒म॒ । र॒थ्यः॑ । स॒दा॒ऽसाः ॥
Padapatha Devanagari Nonaccented
नु । स्तुतः । इन्द्र । नु । गृणानः । इषम् । जरित्रे । नद्यः । न । पीपेरिति पीपेः ।
अकारि । ते । हरिऽवः । ब्रह्म । नव्यम् । धिया । स्याम । रथ्यः । सदाऽसाः ॥
Padapatha Transcription Accented
nú ǀ stutáḥ ǀ indra ǀ nú ǀ gṛṇānáḥ ǀ íṣam ǀ jaritré ǀ nadyáḥ ǀ ná ǀ pīperíti pīpeḥ ǀ
ákāri ǀ te ǀ hari-vaḥ ǀ bráhma ǀ návyam ǀ dhiyā́ ǀ syāma ǀ rathyáḥ ǀ sadā-sā́ḥ ǁ
Padapatha Transcription Nonaccented
nu ǀ stutaḥ ǀ indra ǀ nu ǀ gṛṇānaḥ ǀ iṣam ǀ jaritre ǀ nadyaḥ ǀ na ǀ pīperiti pīpeḥ ǀ
akāri ǀ te ǀ hari-vaḥ ǀ brahma ǀ navyam ǀ dhiyā ǀ syāma ǀ rathyaḥ ǀ sadā-sāḥ ǁ