|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 4
Sūkta 20
|
1. Info |
| To: | indra | |
| From: | vāmadeva gautama | |
| Metres: | 1st set of styles: nicṛttriṣṭup (1, 3, 6); virāṭtrisṭup (4, 5); svarāṭpaṅkti (7, 9); triṣṭup (8, 10); paṅktiḥ (2); nicṛtpaṅkti (11) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
04.020.01 (Mandala. Sukta. Rik)
3.6.03.01 (Ashtaka. Adhyaya. Varga. Rik)
04.02.099 (Mandala. Anuvāka. Rik)
Samhita Devanagari Accented
आ न॒ इंद्रो॑ दू॒रादा न॑ आ॒साद॑भिष्टि॒कृदव॑से यासदु॒ग्रः ।
ओजि॑ष्ठेभिर्नृ॒पति॒र्वज्र॑बाहुः सं॒गे स॒मत्सु॑ तु॒र्वणिः॑ पृत॒न्यून् ॥
Samhita Devanagari Nonaccented
आ न इंद्रो दूरादा न आसादभिष्टिकृदवसे यासदुग्रः ।
ओजिष्ठेभिर्नृपतिर्वज्रबाहुः संगे समत्सु तुर्वणिः पृतन्यून् ॥
Samhita Transcription Accented
ā́ na índro dūrā́dā́ na āsā́dabhiṣṭikṛ́dávase yāsadugráḥ ǀ
ójiṣṭhebhirnṛpátirvájrabāhuḥ saṃgé samátsu turváṇiḥ pṛtanyū́n ǁ
Samhita Transcription Nonaccented
ā na indro dūrādā na āsādabhiṣṭikṛdavase yāsadugraḥ ǀ
ojiṣṭhebhirnṛpatirvajrabāhuḥ saṃge samatsu turvaṇiḥ pṛtanyūn ǁ
Padapatha Devanagari Accented
आ । नः॒ । इन्द्रः॑ । दू॒रात् । आ । नः॒ । आ॒सात् । अ॒भि॒ष्टि॒ऽकृत् । अव॑से । या॒स॒त् । उ॒ग्रः ।
ओजि॑ष्ठेभिः । नृ॒ऽपतिः॑ । वज्र॑ऽबाहुः । स॒म्ऽगे । स॒मत्ऽसु॑ । तु॒र्वणिः॑ । पृ॒त॒न्यून् ॥
Padapatha Devanagari Nonaccented
आ । नः । इन्द्रः । दूरात् । आ । नः । आसात् । अभिष्टिऽकृत् । अवसे । यासत् । उग्रः ।
ओजिष्ठेभिः । नृऽपतिः । वज्रऽबाहुः । सम्ऽगे । समत्ऽसु । तुर्वणिः । पृतन्यून् ॥
Padapatha Transcription Accented
ā́ ǀ naḥ ǀ índraḥ ǀ dūrā́t ǀ ā́ ǀ naḥ ǀ āsā́t ǀ abhiṣṭi-kṛ́t ǀ ávase ǀ yāsat ǀ ugráḥ ǀ
ójiṣṭhebhiḥ ǀ nṛ-pátiḥ ǀ vájra-bāhuḥ ǀ sam-gé ǀ samát-su ǀ turváṇiḥ ǀ pṛtanyū́n ǁ
Padapatha Transcription Nonaccented
ā ǀ naḥ ǀ indraḥ ǀ dūrāt ǀ ā ǀ naḥ ǀ āsāt ǀ abhiṣṭi-kṛt ǀ avase ǀ yāsat ǀ ugraḥ ǀ
ojiṣṭhebhiḥ ǀ nṛ-patiḥ ǀ vajra-bāhuḥ ǀ sam-ge ǀ samat-su ǀ turvaṇiḥ ǀ pṛtanyūn ǁ
04.020.02 (Mandala. Sukta. Rik)
3.6.03.02 (Ashtaka. Adhyaya. Varga. Rik)
04.02.100 (Mandala. Anuvāka. Rik)
Samhita Devanagari Accented
आ न॒ इंद्रो॒ हरि॑भिर्या॒त्वच्छा॑र्वाची॒नोऽव॑से॒ राध॑से च ।
तिष्ठा॑ति व॒ज्री म॒घवा॑ विर॒प्शीमं य॒ज्ञमनु॑ नो॒ वाज॑सातौ ॥
Samhita Devanagari Nonaccented
आ न इंद्रो हरिभिर्यात्वच्छार्वाचीनोऽवसे राधसे च ।
तिष्ठाति वज्री मघवा विरप्शीमं यज्ञमनु नो वाजसातौ ॥
Samhita Transcription Accented
ā́ na índro háribhiryātvácchārvācīnó’vase rā́dhase ca ǀ
tíṣṭhāti vajrī́ maghávā virapśī́mám yajñámánu no vā́jasātau ǁ
Samhita Transcription Nonaccented
ā na indro haribhiryātvacchārvācīno’vase rādhase ca ǀ
tiṣṭhāti vajrī maghavā virapśīmam yajñamanu no vājasātau ǁ
Padapatha Devanagari Accented
आ । नः॒ । इन्द्रः॑ । हरि॑ऽभिः । या॒तु॒ । अच्छ॑ । अ॒र्वा॒ची॒नः । अव॑से । राध॑से । च॒ ।
तिष्ठा॑ति । व॒ज्री । म॒घऽवा॑ । वि॒ऽर॒प्शी । इ॒मम् । य॒ज्ञम् । अनु॑ । नः॒ । वाज॑ऽसातौ ॥
Padapatha Devanagari Nonaccented
आ । नः । इन्द्रः । हरिऽभिः । यातु । अच्छ । अर्वाचीनः । अवसे । राधसे । च ।
तिष्ठाति । वज्री । मघऽवा । विऽरप्शी । इमम् । यज्ञम् । अनु । नः । वाजऽसातौ ॥
Padapatha Transcription Accented
ā́ ǀ naḥ ǀ índraḥ ǀ hári-bhiḥ ǀ yātu ǀ áccha ǀ arvācīnáḥ ǀ ávase ǀ rā́dhase ǀ ca ǀ
tíṣṭhāti ǀ vajrī́ ǀ maghá-vā ǀ vi-rapśī́ ǀ imám ǀ yajñám ǀ ánu ǀ naḥ ǀ vā́ja-sātau ǁ
Padapatha Transcription Nonaccented
ā ǀ naḥ ǀ indraḥ ǀ hari-bhiḥ ǀ yātu ǀ accha ǀ arvācīnaḥ ǀ avase ǀ rādhase ǀ ca ǀ
tiṣṭhāti ǀ vajrī ǀ magha-vā ǀ vi-rapśī ǀ imam ǀ yajñam ǀ anu ǀ naḥ ǀ vāja-sātau ǁ
04.020.03 (Mandala. Sukta. Rik)
3.6.03.03 (Ashtaka. Adhyaya. Varga. Rik)
04.02.101 (Mandala. Anuvāka. Rik)
Samhita Devanagari Accented
इ॒मं य॒ज्ञं त्वम॒स्माक॑मिंद्र पु॒रो दध॑त्सनिष्यसि॒ क्रतुं॑ नः ।
श्व॒घ्नीव॑ वज्रिन्त्स॒नये॒ धना॑नां॒ त्वया॑ व॒यम॒र्य आ॒जिं ज॑येम ॥
Samhita Devanagari Nonaccented
इमं यज्ञं त्वमस्माकमिंद्र पुरो दधत्सनिष्यसि क्रतुं नः ।
श्वघ्नीव वज्रिन्त्सनये धनानां त्वया वयमर्य आजिं जयेम ॥
Samhita Transcription Accented
imám yajñám tvámasmā́kamindra puró dádhatsaniṣyasi krátum naḥ ǀ
śvaghnī́va vajrintsanáye dhánānām tváyā vayámaryá ājím jayema ǁ
Samhita Transcription Nonaccented
imam yajñam tvamasmākamindra puro dadhatsaniṣyasi kratum naḥ ǀ
śvaghnīva vajrintsanaye dhanānām tvayā vayamarya ājim jayema ǁ
Padapatha Devanagari Accented
इ॒मम् । य॒ज्ञम् । त्वम् । अ॒स्माक॑म् । इ॒न्द्र॒ । पु॒रः । दध॑त् । स॒नि॒ष्य॒सि॒ । क्रतु॑म् । नः॒ ।
श्व॒घ्नीऽइ॑व । व॒ज्रि॒न् । स॒नये॑ । धना॑नाम् । त्वया॑ । व॒यम् । अ॒र्यः । आ॒जिम् । ज॒ये॒म॒ ॥
Padapatha Devanagari Nonaccented
इमम् । यज्ञम् । त्वम् । अस्माकम् । इन्द्र । पुरः । दधत् । सनिष्यसि । क्रतुम् । नः ।
श्वघ्नीऽइव । वज्रिन् । सनये । धनानाम् । त्वया । वयम् । अर्यः । आजिम् । जयेम ॥
Padapatha Transcription Accented
imám ǀ yajñám ǀ tvám ǀ asmā́kam ǀ indra ǀ puráḥ ǀ dádhat ǀ saniṣyasi ǀ krátum ǀ naḥ ǀ
śvaghnī́-iva ǀ vajrin ǀ sanáye ǀ dhánānām ǀ tváyā ǀ vayám ǀ aryáḥ ǀ ājím ǀ jayema ǁ
Padapatha Transcription Nonaccented
imam ǀ yajñam ǀ tvam ǀ asmākam ǀ indra ǀ puraḥ ǀ dadhat ǀ saniṣyasi ǀ kratum ǀ naḥ ǀ
śvaghnī-iva ǀ vajrin ǀ sanaye ǀ dhanānām ǀ tvayā ǀ vayam ǀ aryaḥ ǀ ājim ǀ jayema ǁ
04.020.04 (Mandala. Sukta. Rik)
3.6.03.04 (Ashtaka. Adhyaya. Varga. Rik)
04.02.102 (Mandala. Anuvāka. Rik)
Samhita Devanagari Accented
उ॒शन्नु॒ षु णः॑ सु॒मना॑ उपा॒के सोम॑स्य॒ नु सुषु॑तस्य स्वधावः ।
पा इं॑द्र॒ प्रति॑भृतस्य॒ मध्वः॒ समंध॑सा ममदः पृ॒ष्ठ्ये॑न ॥
Samhita Devanagari Nonaccented
उशन्नु षु णः सुमना उपाके सोमस्य नु सुषुतस्य स्वधावः ।
पा इंद्र प्रतिभृतस्य मध्वः समंधसा ममदः पृष्ठ्येन ॥
Samhita Transcription Accented
uśánnu ṣú ṇaḥ sumánā upāké sómasya nú súṣutasya svadhāvaḥ ǀ
pā́ indra prátibhṛtasya mádhvaḥ sámándhasā mamadaḥ pṛṣṭhyéna ǁ
Samhita Transcription Nonaccented
uśannu ṣu ṇaḥ sumanā upāke somasya nu suṣutasya svadhāvaḥ ǀ
pā indra pratibhṛtasya madhvaḥ samandhasā mamadaḥ pṛṣṭhyena ǁ
Padapatha Devanagari Accented
उ॒शन् । ऊं॒ इति॑ । सु । नः॒ । सु॒ऽमनाः॑ । उ॒पा॒के । सोम॑स्य । नु । सुऽसु॑तस्य । स्व॒धा॒ऽवः॒ ।
पाः । इ॒न्द्र॒ । प्रति॑ऽभृतस्य । मध्वः॑ । सम् । अन्ध॑सा । म॒म॒दः॒ । पृ॒ष्ठ्ये॑न ॥
Padapatha Devanagari Nonaccented
उशन् । ऊं इति । सु । नः । सुऽमनाः । उपाके । सोमस्य । नु । सुऽसुतस्य । स्वधाऽवः ।
पाः । इन्द्र । प्रतिऽभृतस्य । मध्वः । सम् । अन्धसा । ममदः । पृष्ठ्येन ॥
Padapatha Transcription Accented
uśán ǀ ūṃ íti ǀ sú ǀ naḥ ǀ su-mánāḥ ǀ upāké ǀ sómasya ǀ nú ǀ sú-sutasya ǀ svadhā-vaḥ ǀ
pā́ḥ ǀ indra ǀ práti-bhṛtasya ǀ mádhvaḥ ǀ sám ǀ ándhasā ǀ mamadaḥ ǀ pṛṣṭhyéna ǁ
Padapatha Transcription Nonaccented
uśan ǀ ūṃ iti ǀ su ǀ naḥ ǀ su-manāḥ ǀ upāke ǀ somasya ǀ nu ǀ su-sutasya ǀ svadhā-vaḥ ǀ
pāḥ ǀ indra ǀ prati-bhṛtasya ǀ madhvaḥ ǀ sam ǀ andhasā ǀ mamadaḥ ǀ pṛṣṭhyena ǁ
04.020.05 (Mandala. Sukta. Rik)
3.6.03.05 (Ashtaka. Adhyaya. Varga. Rik)
04.02.103 (Mandala. Anuvāka. Rik)
Samhita Devanagari Accented
वि यो र॑र॒प्श ऋषि॑भि॒र्नवे॑भिर्वृ॒क्षो न प॒क्वः सृण्यो॒ न जेता॑ ।
मर्यो॒ न योषा॑म॒भि मन्य॑मा॒नोऽच्छा॑ विवक्मि पुरुहू॒तमिंद्रं॑ ॥
Samhita Devanagari Nonaccented
वि यो ररप्श ऋषिभिर्नवेभिर्वृक्षो न पक्वः सृण्यो न जेता ।
मर्यो न योषामभि मन्यमानोऽच्छा विवक्मि पुरुहूतमिंद्रं ॥
Samhita Transcription Accented
ví yó rarapśá ṛ́ṣibhirnávebhirvṛkṣó ná pakváḥ sṛ́ṇyo ná jétā ǀ
máryo ná yóṣāmabhí mányamānó’cchā vivakmi puruhūtámíndram ǁ
Samhita Transcription Nonaccented
vi yo rarapśa ṛṣibhirnavebhirvṛkṣo na pakvaḥ sṛṇyo na jetā ǀ
maryo na yoṣāmabhi manyamāno’cchā vivakmi puruhūtamindram ǁ
Padapatha Devanagari Accented
वि । यः । र॒रप्शे । ऋषि॑ऽभिः । नवे॑भिः । वृ॒क्षः । न । प॒क्वः । सृण्यः॑ । न । जेता॑ ।
मर्यः॑ । न । योषा॑म् । अ॒भि । मन्य॑मानः । अच्छ॑ । वि॒व॒क्मि॒ । पु॒रु॒ऽहू॒तम् । इन्द्र॑म् ॥
Padapatha Devanagari Nonaccented
वि । यः । ररप्शे । ऋषिऽभिः । नवेभिः । वृक्षः । न । पक्वः । सृण्यः । न । जेता ।
मर्यः । न । योषाम् । अभि । मन्यमानः । अच्छ । विवक्मि । पुरुऽहूतम् । इन्द्रम् ॥
Padapatha Transcription Accented
ví ǀ yáḥ ǀ rarápśé ǀ ṛ́ṣi-bhiḥ ǀ návebhiḥ ǀ vṛkṣáḥ ǀ ná ǀ pakváḥ ǀ sṛ́ṇyaḥ ǀ ná ǀ jétā ǀ
máryaḥ ǀ ná ǀ yóṣām ǀ abhí ǀ mányamānaḥ ǀ áccha ǀ vivakmi ǀ puru-hūtám ǀ índram ǁ
Padapatha Transcription Nonaccented
vi ǀ yaḥ ǀ rarapśe ǀ ṛṣi-bhiḥ ǀ navebhiḥ ǀ vṛkṣaḥ ǀ na ǀ pakvaḥ ǀ sṛṇyaḥ ǀ na ǀ jetā ǀ
maryaḥ ǀ na ǀ yoṣām ǀ abhi ǀ manyamānaḥ ǀ accha ǀ vivakmi ǀ puru-hūtam ǀ indram ǁ
04.020.06 (Mandala. Sukta. Rik)
3.6.04.01 (Ashtaka. Adhyaya. Varga. Rik)
04.02.104 (Mandala. Anuvāka. Rik)
Samhita Devanagari Accented
गि॒रिर्न यः स्वत॑वाँ ऋ॒ष्व इंद्रः॑ स॒नादे॒व सह॑से जा॒त उ॒ग्रः ।
आद॑र्ता॒ वज्रं॒ स्थवि॑रं॒ न भी॒म उ॒द्नेव॒ कोशं॒ वसु॑ना॒ न्यृ॑ष्टं ॥
Samhita Devanagari Nonaccented
गिरिर्न यः स्वतवाँ ऋष्व इंद्रः सनादेव सहसे जात उग्रः ।
आदर्ता वज्रं स्थविरं न भीम उद्नेव कोशं वसुना न्यृष्टं ॥
Samhita Transcription Accented
girírná yáḥ svátavām̐ ṛṣvá índraḥ sanā́devá sáhase jātá ugráḥ ǀ
ā́dartā vájram stháviram ná bhīmá udnéva kóśam vásunā nyṛ́ṣṭam ǁ
Samhita Transcription Nonaccented
girirna yaḥ svatavām̐ ṛṣva indraḥ sanādeva sahase jāta ugraḥ ǀ
ādartā vajram sthaviram na bhīma udneva kośam vasunā nyṛṣṭam ǁ
Padapatha Devanagari Accented
गि॒रिः । न । यः । स्वऽत॑वान् । ऋ॒ष्वः । इन्द्रः॑ । स॒नात् । ए॒व । सह॑से । जा॒तः । उ॒ग्रः ।
आऽद॑र्ता । वज्र॑म् । स्थवि॑रम् । न । भी॒मः । उ॒द्नाऽइ॑व । कोश॑म् । वसु॑ना । निऽऋ॑ष्टम् ॥
Padapatha Devanagari Nonaccented
गिरिः । न । यः । स्वऽतवान् । ऋष्वः । इन्द्रः । सनात् । एव । सहसे । जातः । उग्रः ।
आऽदर्ता । वज्रम् । स्थविरम् । न । भीमः । उद्नाऽइव । कोशम् । वसुना । निऽऋष्टम् ॥
Padapatha Transcription Accented
giríḥ ǀ ná ǀ yáḥ ǀ svá-tavān ǀ ṛṣváḥ ǀ índraḥ ǀ sanā́t ǀ evá ǀ sáhase ǀ jātáḥ ǀ ugráḥ ǀ
ā́-dartā ǀ vájram ǀ stháviram ǀ ná ǀ bhīmáḥ ǀ udnā́-iva ǀ kóśam ǀ vásunā ǀ ní-ṛṣṭam ǁ
Padapatha Transcription Nonaccented
giriḥ ǀ na ǀ yaḥ ǀ sva-tavān ǀ ṛṣvaḥ ǀ indraḥ ǀ sanāt ǀ eva ǀ sahase ǀ jātaḥ ǀ ugraḥ ǀ
ā-dartā ǀ vajram ǀ sthaviram ǀ na ǀ bhīmaḥ ǀ udnā-iva ǀ kośam ǀ vasunā ǀ ni-ṛṣṭam ǁ
04.020.07 (Mandala. Sukta. Rik)
3.6.04.02 (Ashtaka. Adhyaya. Varga. Rik)
04.02.105 (Mandala. Anuvāka. Rik)
Samhita Devanagari Accented
न यस्य॑ व॒र्ता ज॒नुषा॒ न्वस्ति॒ न राध॑स आमरी॒ता म॒घस्य॑ ।
उ॒द्वा॒वृ॒षा॒णस्त॑विषीव उग्रा॒स्मभ्यं॑ दद्धि पुरुहूत रा॒यः ॥
Samhita Devanagari Nonaccented
न यस्य वर्ता जनुषा न्वस्ति न राधस आमरीता मघस्य ।
उद्वावृषाणस्तविषीव उग्रास्मभ्यं दद्धि पुरुहूत रायः ॥
Samhita Transcription Accented
ná yásya vartā́ janúṣā nvásti ná rā́dhasa āmarītā́ maghásya ǀ
udvāvṛṣāṇástaviṣīva ugrāsmábhyam daddhi puruhūta rāyáḥ ǁ
Samhita Transcription Nonaccented
na yasya vartā januṣā nvasti na rādhasa āmarītā maghasya ǀ
udvāvṛṣāṇastaviṣīva ugrāsmabhyam daddhi puruhūta rāyaḥ ǁ
Padapatha Devanagari Accented
न । यस्य॑ । व॒र्ता । ज॒नुषा॑ । नु । अस्ति॑ । न । राध॑सः । आ॒ऽम॒री॒ता । म॒घस्य॑ ।
उ॒त्ऽव॒वृ॒षा॒णः । त॒वि॒षी॒ऽवः॒ । उ॒ग्र॒ । अ॒स्मभ्य॑म् । द॒द्धि॒ । पु॒रु॒ऽहू॒त॒ । रा॒यः ॥
Padapatha Devanagari Nonaccented
न । यस्य । वर्ता । जनुषा । नु । अस्ति । न । राधसः । आऽमरीता । मघस्य ।
उत्ऽववृषाणः । तविषीऽवः । उग्र । अस्मभ्यम् । दद्धि । पुरुऽहूत । रायः ॥
Padapatha Transcription Accented
ná ǀ yásya ǀ vartā́ ǀ janúṣā ǀ nú ǀ ásti ǀ ná ǀ rā́dhasaḥ ǀ ā-marītā́ ǀ maghásya ǀ
ut-vavṛṣāṇáḥ ǀ taviṣī-vaḥ ǀ ugra ǀ asmábhyam ǀ daddhi ǀ puru-hūta ǀ rāyáḥ ǁ
Padapatha Transcription Nonaccented
na ǀ yasya ǀ vartā ǀ januṣā ǀ nu ǀ asti ǀ na ǀ rādhasaḥ ǀ ā-marītā ǀ maghasya ǀ
ut-vavṛṣāṇaḥ ǀ taviṣī-vaḥ ǀ ugra ǀ asmabhyam ǀ daddhi ǀ puru-hūta ǀ rāyaḥ ǁ
04.020.08 (Mandala. Sukta. Rik)
3.6.04.03 (Ashtaka. Adhyaya. Varga. Rik)
04.02.106 (Mandala. Anuvāka. Rik)
Samhita Devanagari Accented
ईक्षे॑ रा॒यः क्षय॑स्य चर्षणी॒नामु॒त व्र॒जम॑पव॒र्तासि॒ गोनां॑ ।
शि॒क्षा॒न॒रः स॑मि॒थेषु॑ प्र॒हावा॒न्वस्वो॑ रा॒शिम॑भिने॒तासि॒ भूरिं॑ ॥
Samhita Devanagari Nonaccented
ईक्षे रायः क्षयस्य चर्षणीनामुत व्रजमपवर्तासि गोनां ।
शिक्षानरः समिथेषु प्रहावान्वस्वो राशिमभिनेतासि भूरिं ॥
Samhita Transcription Accented
ī́kṣe rāyáḥ kṣáyasya carṣaṇīnā́mutá vrajámapavartā́si gónām ǀ
śikṣānaráḥ samithéṣu prahā́vānvásvo rāśímabhinetā́si bhū́rim ǁ
Samhita Transcription Nonaccented
īkṣe rāyaḥ kṣayasya carṣaṇīnāmuta vrajamapavartāsi gonām ǀ
śikṣānaraḥ samitheṣu prahāvānvasvo rāśimabhinetāsi bhūrim ǁ
Padapatha Devanagari Accented
ईक्षे॑ । रा॒यः । क्षय॑स्य । च॒र्ष॒णी॒नाम् । उ॒त । व्र॒जम् । अ॒प॒ऽव॒र्ता । अ॒सि॒ । गोना॑म् ।
शि॒क्षा॒ऽन॒रः । स॒म्ऽइ॒थेषु॑ । प्र॒हाऽवा॑न् । वस्वः॑ । रा॒शिम् । अ॒भि॒ऽने॒ता । अ॒सि॒ । भूरि॑म् ॥
Padapatha Devanagari Nonaccented
ईक्षे । रायः । क्षयस्य । चर्षणीनाम् । उत । व्रजम् । अपऽवर्ता । असि । गोनाम् ।
शिक्षाऽनरः । सम्ऽइथेषु । प्रहाऽवान् । वस्वः । राशिम् । अभिऽनेता । असि । भूरिम् ॥
Padapatha Transcription Accented
ī́kṣe ǀ rāyáḥ ǀ kṣáyasya ǀ carṣaṇīnā́m ǀ utá ǀ vrajám ǀ apa-vartā́ ǀ asi ǀ gónām ǀ
śikṣā-naráḥ ǀ sam-ithéṣu ǀ prahā́-vān ǀ vásvaḥ ǀ rāśím ǀ abhi-netā́ ǀ asi ǀ bhū́rim ǁ
Padapatha Transcription Nonaccented
īkṣe ǀ rāyaḥ ǀ kṣayasya ǀ carṣaṇīnām ǀ uta ǀ vrajam ǀ apa-vartā ǀ asi ǀ gonām ǀ
śikṣā-naraḥ ǀ sam-itheṣu ǀ prahā-vān ǀ vasvaḥ ǀ rāśim ǀ abhi-netā ǀ asi ǀ bhūrim ǁ
04.020.09 (Mandala. Sukta. Rik)
3.6.04.04 (Ashtaka. Adhyaya. Varga. Rik)
04.02.107 (Mandala. Anuvāka. Rik)
Samhita Devanagari Accented
कया॒ तच्छृ॑ण्वे॒ शच्या॒ शचि॑ष्ठो॒ यया॑ कृ॒णोति॒ मुहु॒ का चि॑दृ॒ष्वः ।
पु॒रु दा॒शुषे॒ विच॑यिष्ठो॒ अंहोऽथा॑ दधाति॒ द्रवि॑णं जरि॒त्रे ॥
Samhita Devanagari Nonaccented
कया तच्छृण्वे शच्या शचिष्ठो यया कृणोति मुहु का चिदृष्वः ।
पुरु दाशुषे विचयिष्ठो अंहोऽथा दधाति द्रविणं जरित्रे ॥
Samhita Transcription Accented
káyā tácchṛṇve śácyā śáciṣṭho yáyā kṛṇóti múhu kā́ cidṛṣváḥ ǀ
purú dāśúṣe vícayiṣṭho áṃhó’thā dadhāti dráviṇam jaritré ǁ
Samhita Transcription Nonaccented
kayā tacchṛṇve śacyā śaciṣṭho yayā kṛṇoti muhu kā cidṛṣvaḥ ǀ
puru dāśuṣe vicayiṣṭho aṃho’thā dadhāti draviṇam jaritre ǁ
Padapatha Devanagari Accented
कया॑ । तत् । शृ॒ण्वे॒ । शच्या॑ । शचि॑ष्ठः । यया॑ । कृ॒णोति॑ । मुहु॑ । का । चि॒त् । ऋ॒ष्वः ।
पु॒रु । दा॒शुषे॑ । विऽच॑यिष्ठः । अंहः॑ । अथ॑ । द॒धा॒ति॒ । द्रवि॑णम् । ज॒रि॒त्रे ॥
Padapatha Devanagari Nonaccented
कया । तत् । शृण्वे । शच्या । शचिष्ठः । यया । कृणोति । मुहु । का । चित् । ऋष्वः ।
पुरु । दाशुषे । विऽचयिष्ठः । अंहः । अथ । दधाति । द्रविणम् । जरित्रे ॥
Padapatha Transcription Accented
káyā ǀ tát ǀ śṛṇve ǀ śácyā ǀ śáciṣṭhaḥ ǀ yáyā ǀ kṛṇóti ǀ múhu ǀ kā́ ǀ cit ǀ ṛṣváḥ ǀ
purú ǀ dāśúṣe ǀ ví-cayiṣṭhaḥ ǀ áṃhaḥ ǀ átha ǀ dadhāti ǀ dráviṇam ǀ jaritré ǁ
Padapatha Transcription Nonaccented
kayā ǀ tat ǀ śṛṇve ǀ śacyā ǀ śaciṣṭhaḥ ǀ yayā ǀ kṛṇoti ǀ muhu ǀ kā ǀ cit ǀ ṛṣvaḥ ǀ
puru ǀ dāśuṣe ǀ vi-cayiṣṭhaḥ ǀ aṃhaḥ ǀ atha ǀ dadhāti ǀ draviṇam ǀ jaritre ǁ
04.020.10 (Mandala. Sukta. Rik)
3.6.04.05 (Ashtaka. Adhyaya. Varga. Rik)
04.02.108 (Mandala. Anuvāka. Rik)
Samhita Devanagari Accented
मा नो॑ मर्धी॒रा भ॑रा द॒द्धि तन्नः॒ प्र दा॒शुषे॒ दात॑वे॒ भूरि॒ यत्ते॑ ।
नव्ये॑ दे॒ष्णे श॒स्ते अ॒स्मिंत॑ उ॒क्थे प्र ब्र॑वाम व॒यमिं॑द्र स्तु॒वंतः॑ ॥
Samhita Devanagari Nonaccented
मा नो मर्धीरा भरा दद्धि तन्नः प्र दाशुषे दातवे भूरि यत्ते ।
नव्ये देष्णे शस्ते अस्मिंत उक्थे प्र ब्रवाम वयमिंद्र स्तुवंतः ॥
Samhita Transcription Accented
mā́ no mardhīrā́ bharā daddhí tánnaḥ prá dāśúṣe dā́tave bhū́ri yátte ǀ
návye deṣṇé śasté asmínta ukthé prá bravāma vayámindra stuvántaḥ ǁ
Samhita Transcription Nonaccented
mā no mardhīrā bharā daddhi tannaḥ pra dāśuṣe dātave bhūri yatte ǀ
navye deṣṇe śaste asminta ukthe pra bravāma vayamindra stuvantaḥ ǁ
Padapatha Devanagari Accented
मा । नः॒ । म॒र्धीः॒ । आ । भ॒र॒ । द॒द्धि । तत् । नः॒ । प्र । दा॒शुषे॑ । दात॑वे । भूरि॑ । यत् । ते॒ ।
नव्ये॑ । दे॒ष्णे । श॒स्ते । अ॒स्मिन् । ते॒ । उ॒क्थे । प्र । ब्र॒वा॒म॒ । व॒यम् । इ॒न्द्र॒ । स्तु॒वन्तः॑ ॥
Padapatha Devanagari Nonaccented
मा । नः । मर्धीः । आ । भर । दद्धि । तत् । नः । प्र । दाशुषे । दातवे । भूरि । यत् । ते ।
नव्ये । देष्णे । शस्ते । अस्मिन् । ते । उक्थे । प्र । ब्रवाम । वयम् । इन्द्र । स्तुवन्तः ॥
Padapatha Transcription Accented
mā́ ǀ naḥ ǀ mardhīḥ ǀ ā́ ǀ bhara ǀ daddhí ǀ tát ǀ naḥ ǀ prá ǀ dāśúṣe ǀ dā́tave ǀ bhū́ri ǀ yát ǀ te ǀ
návye ǀ deṣṇé ǀ śasté ǀ asmín ǀ te ǀ ukthé ǀ prá ǀ bravāma ǀ vayám ǀ indra ǀ stuvántaḥ ǁ
Padapatha Transcription Nonaccented
mā ǀ naḥ ǀ mardhīḥ ǀ ā ǀ bhara ǀ daddhi ǀ tat ǀ naḥ ǀ pra ǀ dāśuṣe ǀ dātave ǀ bhūri ǀ yat ǀ te ǀ
navye ǀ deṣṇe ǀ śaste ǀ asmin ǀ te ǀ ukthe ǀ pra ǀ bravāma ǀ vayam ǀ indra ǀ stuvantaḥ ǁ
04.020.11 (Mandala. Sukta. Rik)
3.6.04.06 (Ashtaka. Adhyaya. Varga. Rik)
04.02.109 (Mandala. Anuvāka. Rik)
Samhita Devanagari Accented
नू ष्टु॒त इं॑द्र॒ नू गृ॑णा॒न इषं॑ जरि॒त्रे न॒द्यो॒३॒॑ न पी॑पेः ।
अका॑रि ते हरिवो॒ ब्रह्म॒ नव्यं॑ धि॒या स्या॑म र॒थ्यः॑ सदा॒साः ॥
Samhita Devanagari Nonaccented
नू ष्टुत इंद्र नू गृणान इषं जरित्रे नद्यो न पीपेः ।
अकारि ते हरिवो ब्रह्म नव्यं धिया स्याम रथ्यः सदासाः ॥
Samhita Transcription Accented
nū́ ṣṭutá indra nū́ gṛṇāná íṣam jaritré nadyó ná pīpeḥ ǀ
ákāri te harivo bráhma návyam dhiyā́ syāma rathyáḥ sadāsā́ḥ ǁ
Samhita Transcription Nonaccented
nū ṣṭuta indra nū gṛṇāna iṣam jaritre nadyo na pīpeḥ ǀ
akāri te harivo brahma navyam dhiyā syāma rathyaḥ sadāsāḥ ǁ
Padapatha Devanagari Accented
नु । स्तु॒तः । इ॒न्द्र॒ । नु । गृ॒णा॒नः । इष॑म् । ज॒रि॒त्रे । न॒द्यः॑ । न । पी॒पे॒रिति॑ पीपेः ।
अका॑रि । ते॒ । ह॒रि॒ऽवः॒ । ब्रह्म॑ । नव्य॑म् । धि॒या । स्या॒म॒ । र॒थ्यः॑ । स॒दा॒ऽसाः ॥
Padapatha Devanagari Nonaccented
नु । स्तुतः । इन्द्र । नु । गृणानः । इषम् । जरित्रे । नद्यः । न । पीपेरिति पीपेः ।
अकारि । ते । हरिऽवः । ब्रह्म । नव्यम् । धिया । स्याम । रथ्यः । सदाऽसाः ॥
Padapatha Transcription Accented
nú ǀ stutáḥ ǀ indra ǀ nú ǀ gṛṇānáḥ ǀ íṣam ǀ jaritré ǀ nadyáḥ ǀ ná ǀ pīperíti pīpeḥ ǀ
ákāri ǀ te ǀ hari-vaḥ ǀ bráhma ǀ návyam ǀ dhiyā́ ǀ syāma ǀ rathyáḥ ǀ sadā-sā́ḥ ǁ
Padapatha Transcription Nonaccented
nu ǀ stutaḥ ǀ indra ǀ nu ǀ gṛṇānaḥ ǀ iṣam ǀ jaritre ǀ nadyaḥ ǀ na ǀ pīperiti pīpeḥ ǀ
akāri ǀ te ǀ hari-vaḥ ǀ brahma ǀ navyam ǀ dhiyā ǀ syāma ǀ rathyaḥ ǀ sadā-sāḥ ǁ