|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 4
Sūkta 21
|
1. Info |
| To: | indra | |
| From: | vāmadeva gautama | |
| Metres: | 1st set of styles: bhurikpaṅkti (1, 2, 7, 10); nicṛttriṣṭup (4, 5); virāṭtrisṭup (6, 8); svarāṭpaṅkti (3); triṣṭup (9); nicṛtpaṅkti (11) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
04.021.01 (Mandala. Sukta. Rik)
3.6.05.01 (Ashtaka. Adhyaya. Varga. Rik)
04.02.110 (Mandala. Anuvāka. Rik)
Samhita Devanagari Accented
आ या॒त्विंद्रोऽव॑स॒ उप॑ न इ॒ह स्तु॒तः स॑ध॒माद॑स्तु॒ शूरः॑ ।
वा॒वृ॒धा॒नस्तवि॑षी॒र्यस्य॑ पू॒र्वीर्द्यौर्न क्ष॒त्रम॒भिभू॑ति॒ पुष्या॑त् ॥
Samhita Devanagari Nonaccented
आ यात्विंद्रोऽवस उप न इह स्तुतः सधमादस्तु शूरः ।
वावृधानस्तविषीर्यस्य पूर्वीर्द्यौर्न क्षत्रमभिभूति पुष्यात् ॥
Samhita Transcription Accented
ā́ yātvíndró’vasa úpa na ihá stutáḥ sadhamā́dastu śū́raḥ ǀ
vāvṛdhānástáviṣīryásya pūrvī́rdyáurná kṣatrámabhíbhūti púṣyāt ǁ
Samhita Transcription Nonaccented
ā yātvindro’vasa upa na iha stutaḥ sadhamādastu śūraḥ ǀ
vāvṛdhānastaviṣīryasya pūrvīrdyaurna kṣatramabhibhūti puṣyāt ǁ
Padapatha Devanagari Accented
आ । या॒तु॒ । इन्द्रः॑ । अव॑से । उप॑ । नः॒ । इ॒ह । स्तु॒तः । स॒ध॒ऽमात् । अ॒स्तु॒ । शूरः॑ ।
व॒वृ॒धा॒नः । तवि॑षीः । यस्य॑ । पू॒र्वीः । द्यौः । न । क्ष॒त्रम् । अ॒भिऽभू॑ति । पुष्या॑त् ॥
Padapatha Devanagari Nonaccented
आ । यातु । इन्द्रः । अवसे । उप । नः । इह । स्तुतः । सधऽमात् । अस्तु । शूरः ।
ववृधानः । तविषीः । यस्य । पूर्वीः । द्यौः । न । क्षत्रम् । अभिऽभूति । पुष्यात् ॥
Padapatha Transcription Accented
ā́ ǀ yātu ǀ índraḥ ǀ ávase ǀ úpa ǀ naḥ ǀ ihá ǀ stutáḥ ǀ sadha-mā́t ǀ astu ǀ śū́raḥ ǀ
vavṛdhānáḥ ǀ táviṣīḥ ǀ yásya ǀ pūrvī́ḥ ǀ dyáuḥ ǀ ná ǀ kṣatrám ǀ abhí-bhūti ǀ púṣyāt ǁ
Padapatha Transcription Nonaccented
ā ǀ yātu ǀ indraḥ ǀ avase ǀ upa ǀ naḥ ǀ iha ǀ stutaḥ ǀ sadha-māt ǀ astu ǀ śūraḥ ǀ
vavṛdhānaḥ ǀ taviṣīḥ ǀ yasya ǀ pūrvīḥ ǀ dyauḥ ǀ na ǀ kṣatram ǀ abhi-bhūti ǀ puṣyāt ǁ
04.021.02 (Mandala. Sukta. Rik)
3.6.05.02 (Ashtaka. Adhyaya. Varga. Rik)
04.02.111 (Mandala. Anuvāka. Rik)
Samhita Devanagari Accented
तस्येदि॒ह स्त॑वथ॒ वृष्ण्या॑नि तुविद्यु॒म्नस्य॑ तुवि॒राध॑सो॒ नॄन् ।
यस्य॒ क्रतु॑र्विद॒थ्यो॒३॒॑ न स॒म्राट् सा॒ह्वाँ तरु॑त्रो अ॒भ्यस्ति॑ कृ॒ष्टीः ॥
Samhita Devanagari Nonaccented
तस्येदिह स्तवथ वृष्ण्यानि तुविद्युम्नस्य तुविराधसो नॄन् ।
यस्य क्रतुर्विदथ्यो न सम्राट् साह्वाँ तरुत्रो अभ्यस्ति कृष्टीः ॥
Samhita Transcription Accented
tásyédihá stavatha vṛ́ṣṇyāni tuvidyumnásya tuvirā́dhaso nṝ́n ǀ
yásya kráturvidathyó ná samrā́ṭ sāhvā́m̐ tárutro abhyásti kṛṣṭī́ḥ ǁ
Samhita Transcription Nonaccented
tasyediha stavatha vṛṣṇyāni tuvidyumnasya tuvirādhaso nṝn ǀ
yasya kraturvidathyo na samrāṭ sāhvām̐ tarutro abhyasti kṛṣṭīḥ ǁ
Padapatha Devanagari Accented
तस्य॑ । इत् । इ॒ह । स्त॒व॒थ॒ । वृष्ण्या॑नि । तु॒वि॒ऽद्यु॒म्नस्य॑ । तु॒वि॒ऽराध॑सः । नॄन् ।
यस्य॑ । क्रतुः॑ । वि॒द॒थ्यः॑ । न । स॒म्ऽराट् । स॒ह्वान् । तरु॑त्रः । अ॒भि । अस्ति॑ । कृ॒ष्टीः ॥
Padapatha Devanagari Nonaccented
तस्य । इत् । इह । स्तवथ । वृष्ण्यानि । तुविऽद्युम्नस्य । तुविऽराधसः । नॄन् ।
यस्य । क्रतुः । विदथ्यः । न । सम्ऽराट् । सह्वान् । तरुत्रः । अभि । अस्ति । कृष्टीः ॥
Padapatha Transcription Accented
tásya ǀ ít ǀ ihá ǀ stavatha ǀ vṛ́ṣṇyāni ǀ tuvi-dyumnásya ǀ tuvi-rā́dhasaḥ ǀ nṝ́n ǀ
yásya ǀ krátuḥ ǀ vidathyáḥ ǀ ná ǀ sam-rā́ṭ ǀ sahvā́n ǀ tárutraḥ ǀ abhí ǀ ásti ǀ kṛṣṭī́ḥ ǁ
Padapatha Transcription Nonaccented
tasya ǀ it ǀ iha ǀ stavatha ǀ vṛṣṇyāni ǀ tuvi-dyumnasya ǀ tuvi-rādhasaḥ ǀ nṝn ǀ
yasya ǀ kratuḥ ǀ vidathyaḥ ǀ na ǀ sam-rāṭ ǀ sahvān ǀ tarutraḥ ǀ abhi ǀ asti ǀ kṛṣṭīḥ ǁ
04.021.03 (Mandala. Sukta. Rik)
3.6.05.03 (Ashtaka. Adhyaya. Varga. Rik)
04.02.112 (Mandala. Anuvāka. Rik)
Samhita Devanagari Accented
आ या॒त्विंद्रो॑ दि॒व आ पृ॑थि॒व्या म॒क्षू स॑मु॒द्रादु॒त वा॒ पुरी॑षात् ।
स्व॑र्णरा॒दव॑से नो म॒रुत्वा॑न्परा॒वतो॑ वा॒ सद॑नादृ॒तस्य॑ ॥
Samhita Devanagari Nonaccented
आ यात्विंद्रो दिव आ पृथिव्या मक्षू समुद्रादुत वा पुरीषात् ।
स्वर्णरादवसे नो मरुत्वान्परावतो वा सदनादृतस्य ॥
Samhita Transcription Accented
ā́ yātvíndro divá ā́ pṛthivyā́ makṣū́ samudrā́dutá vā púrīṣāt ǀ
svárṇarādávase no marútvānparāváto vā sádanādṛtásya ǁ
Samhita Transcription Nonaccented
ā yātvindro diva ā pṛthivyā makṣū samudrāduta vā purīṣāt ǀ
svarṇarādavase no marutvānparāvato vā sadanādṛtasya ǁ
Padapatha Devanagari Accented
आ । या॒तु॒ । इन्द्रः॑ । दि॒वः । आ । पृ॒थि॒व्याः । म॒क्षु । स॒मु॒द्रात् । उ॒त । वा॒ । पुरी॑षात् ।
स्वः॑ऽनरात् । अव॑से । नः॒ । म॒रुत्वा॑न् । प॒रा॒ऽवतः॑ । वा॒ । सद॑नात् । ऋ॒तस्य॑ ॥
Padapatha Devanagari Nonaccented
आ । यातु । इन्द्रः । दिवः । आ । पृथिव्याः । मक्षु । समुद्रात् । उत । वा । पुरीषात् ।
स्वःऽनरात् । अवसे । नः । मरुत्वान् । पराऽवतः । वा । सदनात् । ऋतस्य ॥
Padapatha Transcription Accented
ā́ ǀ yātu ǀ índraḥ ǀ diváḥ ǀ ā́ ǀ pṛthivyā́ḥ ǀ makṣú ǀ samudrā́t ǀ utá ǀ vā ǀ púrīṣāt ǀ
sváḥ-narāt ǀ ávase ǀ naḥ ǀ marútvān ǀ parā-vátaḥ ǀ vā ǀ sádanāt ǀ ṛtásya ǁ
Padapatha Transcription Nonaccented
ā ǀ yātu ǀ indraḥ ǀ divaḥ ǀ ā ǀ pṛthivyāḥ ǀ makṣu ǀ samudrāt ǀ uta ǀ vā ǀ purīṣāt ǀ
svaḥ-narāt ǀ avase ǀ naḥ ǀ marutvān ǀ parā-vataḥ ǀ vā ǀ sadanāt ǀ ṛtasya ǁ
04.021.04 (Mandala. Sukta. Rik)
3.6.05.04 (Ashtaka. Adhyaya. Varga. Rik)
04.02.113 (Mandala. Anuvāka. Rik)
Samhita Devanagari Accented
स्थू॒रस्य॑ रा॒यो बृ॑ह॒तो य ईशे॒ तमु॑ ष्टवाम वि॒दथे॒ष्विंद्रं॑ ।
यो वा॒युना॒ जय॑ति॒ गोम॑तीषु॒ प्र धृ॑ष्णु॒या नय॑ति॒ वस्यो॒ अच्छ॑ ॥
Samhita Devanagari Nonaccented
स्थूरस्य रायो बृहतो य ईशे तमु ष्टवाम विदथेष्विंद्रं ।
यो वायुना जयति गोमतीषु प्र धृष्णुया नयति वस्यो अच्छ ॥
Samhita Transcription Accented
sthūrásya rāyó bṛható yá ī́śe támu ṣṭavāma vidátheṣvíndram ǀ
yó vāyúnā jáyati gómatīṣu prá dhṛṣṇuyā́ náyati vásyo áccha ǁ
Samhita Transcription Nonaccented
sthūrasya rāyo bṛhato ya īśe tamu ṣṭavāma vidatheṣvindram ǀ
yo vāyunā jayati gomatīṣu pra dhṛṣṇuyā nayati vasyo accha ǁ
Padapatha Devanagari Accented
स्थू॒रस्य॑ । रा॒यः । बृ॒ह॒तः । यः । ईशे॑ । तम् । ऊं॒ इति॑ । स्त॒वा॒म॒ । वि॒दथे॑षु । इन्द्र॑म् ।
यः । वा॒युना॑ । जय॑ति । गोऽम॑तीषु । प्र । धृ॒ष्णु॒ऽया । नय॑ति । वस्यः॑ । अच्छ॑ ॥
Padapatha Devanagari Nonaccented
स्थूरस्य । रायः । बृहतः । यः । ईशे । तम् । ऊं इति । स्तवाम । विदथेषु । इन्द्रम् ।
यः । वायुना । जयति । गोऽमतीषु । प्र । धृष्णुऽया । नयति । वस्यः । अच्छ ॥
Padapatha Transcription Accented
sthūrásya ǀ rāyáḥ ǀ bṛhatáḥ ǀ yáḥ ǀ ī́śe ǀ tám ǀ ūṃ íti ǀ stavāma ǀ vidátheṣu ǀ índram ǀ
yáḥ ǀ vāyúnā ǀ jáyati ǀ gó-matīṣu ǀ prá ǀ dhṛṣṇu-yā́ ǀ náyati ǀ vásyaḥ ǀ áccha ǁ
Padapatha Transcription Nonaccented
sthūrasya ǀ rāyaḥ ǀ bṛhataḥ ǀ yaḥ ǀ īśe ǀ tam ǀ ūṃ iti ǀ stavāma ǀ vidatheṣu ǀ indram ǀ
yaḥ ǀ vāyunā ǀ jayati ǀ go-matīṣu ǀ pra ǀ dhṛṣṇu-yā ǀ nayati ǀ vasyaḥ ǀ accha ǁ
04.021.05 (Mandala. Sukta. Rik)
3.6.05.05 (Ashtaka. Adhyaya. Varga. Rik)
04.02.114 (Mandala. Anuvāka. Rik)
Samhita Devanagari Accented
उप॒ यो नमो॒ नम॑सि स्तभा॒यन्निय॑र्ति॒ वाचं॑ ज॒नय॒न्यज॑ध्यै ।
ऋं॒ज॒सा॒नः पु॑रु॒वार॑ उ॒क्थैरेंद्रं॑ कृण्वीत॒ सद॑नेषु॒ होता॑ ॥
Samhita Devanagari Nonaccented
उप यो नमो नमसि स्तभायन्नियर्ति वाचं जनयन्यजध्यै ।
ऋंजसानः पुरुवार उक्थैरेंद्रं कृण्वीत सदनेषु होता ॥
Samhita Transcription Accented
úpa yó námo námasi stabhāyánníyarti vā́cam janáyanyájadhyai ǀ
ṛñjasānáḥ puruvā́ra uktháiréndram kṛṇvīta sádaneṣu hótā ǁ
Samhita Transcription Nonaccented
upa yo namo namasi stabhāyanniyarti vācam janayanyajadhyai ǀ
ṛñjasānaḥ puruvāra ukthairendram kṛṇvīta sadaneṣu hotā ǁ
Padapatha Devanagari Accented
उप॑ । यः । नमः॑ । नम॑सि । स्त॒भा॒यन् । इय॑र्ति । वाच॑म् । ज॒नय॑न् । यज॑ध्यै ।
ऋ॒ञ्ज॒सा॒नः । पु॒रु॒ऽवारः॑ । उ॒क्थैः । आ । इन्द्र॑म् । कृ॒ण्वी॒त॒ । सद॑नेषु । होता॑ ॥
Padapatha Devanagari Nonaccented
उप । यः । नमः । नमसि । स्तभायन् । इयर्ति । वाचम् । जनयन् । यजध्यै ।
ऋञ्जसानः । पुरुऽवारः । उक्थैः । आ । इन्द्रम् । कृण्वीत । सदनेषु । होता ॥
Padapatha Transcription Accented
úpa ǀ yáḥ ǀ námaḥ ǀ námasi ǀ stabhāyán ǀ íyarti ǀ vā́cam ǀ janáyan ǀ yájadhyai ǀ
ṛñjasānáḥ ǀ puru-vā́raḥ ǀ uktháiḥ ǀ ā́ ǀ índram ǀ kṛṇvīta ǀ sádaneṣu ǀ hótā ǁ
Padapatha Transcription Nonaccented
upa ǀ yaḥ ǀ namaḥ ǀ namasi ǀ stabhāyan ǀ iyarti ǀ vācam ǀ janayan ǀ yajadhyai ǀ
ṛñjasānaḥ ǀ puru-vāraḥ ǀ ukthaiḥ ǀ ā ǀ indram ǀ kṛṇvīta ǀ sadaneṣu ǀ hotā ǁ
04.021.06 (Mandala. Sukta. Rik)
3.6.06.01 (Ashtaka. Adhyaya. Varga. Rik)
04.02.115 (Mandala. Anuvāka. Rik)
Samhita Devanagari Accented
धि॒षा यदि॑ धिष॒ण्यंतः॑ सर॒ण्यान्त्सदं॑तो॒ अद्रि॑मौशि॒जस्य॒ गोहे॑ ।
आ दु॒रोषाः॑ पा॒स्त्यस्य॒ होता॒ यो नो॑ म॒हान्त्सं॒वर॑णेषु॒ वह्निः॑ ॥
Samhita Devanagari Nonaccented
धिषा यदि धिषण्यंतः सरण्यान्त्सदंतो अद्रिमौशिजस्य गोहे ।
आ दुरोषाः पास्त्यस्य होता यो नो महान्त्संवरणेषु वह्निः ॥
Samhita Transcription Accented
dhiṣā́ yádi dhiṣaṇyántaḥ saraṇyā́ntsádanto ádrimauśijásya góhe ǀ
ā́ duróṣāḥ pāstyásya hótā yó no mahā́ntsaṃváraṇeṣu váhniḥ ǁ
Samhita Transcription Nonaccented
dhiṣā yadi dhiṣaṇyantaḥ saraṇyāntsadanto adrimauśijasya gohe ǀ
ā duroṣāḥ pāstyasya hotā yo no mahāntsaṃvaraṇeṣu vahniḥ ǁ
Padapatha Devanagari Accented
धि॒षा । यदि॑ । धि॒ष॒ण्यन्तः॑ । स॒र॒ण्यान् । सद॑न्तः । अद्रि॑म् । औ॒शि॒जस्य॑ । गोहे॑ ।
आ । दु॒रोषाः॑ । पा॒स्त्यस्य॑ । होता॑ । यः । नः॒ । म॒हान् । स॒म्ऽवर॑णेषु । वह्निः॑ ॥
Padapatha Devanagari Nonaccented
धिषा । यदि । धिषण्यन्तः । सरण्यान् । सदन्तः । अद्रिम् । औशिजस्य । गोहे ।
आ । दुरोषाः । पास्त्यस्य । होता । यः । नः । महान् । सम्ऽवरणेषु । वह्निः ॥
Padapatha Transcription Accented
dhiṣā́ ǀ yádi ǀ dhiṣaṇyántaḥ ǀ saraṇyā́n ǀ sádantaḥ ǀ ádrim ǀ auśijásya ǀ góhe ǀ
ā́ ǀ duróṣāḥ ǀ pāstyásya ǀ hótā ǀ yáḥ ǀ naḥ ǀ mahā́n ǀ sam-váraṇeṣu ǀ váhniḥ ǁ
Padapatha Transcription Nonaccented
dhiṣā ǀ yadi ǀ dhiṣaṇyantaḥ ǀ saraṇyān ǀ sadantaḥ ǀ adrim ǀ auśijasya ǀ gohe ǀ
ā ǀ duroṣāḥ ǀ pāstyasya ǀ hotā ǀ yaḥ ǀ naḥ ǀ mahān ǀ sam-varaṇeṣu ǀ vahniḥ ǁ
04.021.07 (Mandala. Sukta. Rik)
3.6.06.02 (Ashtaka. Adhyaya. Varga. Rik)
04.02.116 (Mandala. Anuvāka. Rik)
Samhita Devanagari Accented
स॒त्रा यदीं॑ भार्व॒रस्य॒ वृष्णः॒ सिष॑क्ति॒ शुष्मः॑ स्तुव॒ते भरा॑य ।
गुहा॒ यदी॑मौशि॒जस्य॒ गोहे॒ प्र यद्धि॒ये प्राय॑से॒ मदा॑य ॥
Samhita Devanagari Nonaccented
सत्रा यदीं भार्वरस्य वृष्णः सिषक्ति शुष्मः स्तुवते भराय ।
गुहा यदीमौशिजस्य गोहे प्र यद्धिये प्रायसे मदाय ॥
Samhita Transcription Accented
satrā́ yádīm bhārvarásya vṛ́ṣṇaḥ síṣakti śúṣmaḥ stuvaté bhárāya ǀ
gúhā yádīmauśijásya góhe prá yáddhiyé prā́yase mádāya ǁ
Samhita Transcription Nonaccented
satrā yadīm bhārvarasya vṛṣṇaḥ siṣakti śuṣmaḥ stuvate bharāya ǀ
guhā yadīmauśijasya gohe pra yaddhiye prāyase madāya ǁ
Padapatha Devanagari Accented
स॒त्रा । यत् । ई॒म् । भा॒र्व॒रस्य॑ । वृष्णः॑ । सिस॑क्ति । शुष्मः॑ । स्तु॒व॒ते । भरा॑य ।
गुहा॑ । यत् । ई॒म् । औ॒शि॒जस्य॑ । गोहे॑ । प्र । यत् । धि॒ये । प्र । अय॑से । मदा॑य ॥
Padapatha Devanagari Nonaccented
सत्रा । यत् । ईम् । भार्वरस्य । वृष्णः । सिसक्ति । शुष्मः । स्तुवते । भराय ।
गुहा । यत् । ईम् । औशिजस्य । गोहे । प्र । यत् । धिये । प्र । अयसे । मदाय ॥
Padapatha Transcription Accented
satrā́ ǀ yát ǀ īm ǀ bhārvarásya ǀ vṛ́ṣṇaḥ ǀ sísakti ǀ śúṣmaḥ ǀ stuvaté ǀ bhárāya ǀ
gúhā ǀ yát ǀ īm ǀ auśijásya ǀ góhe ǀ prá ǀ yát ǀ dhiyé ǀ prá ǀ áyase ǀ mádāya ǁ
Padapatha Transcription Nonaccented
satrā ǀ yat ǀ īm ǀ bhārvarasya ǀ vṛṣṇaḥ ǀ sisakti ǀ śuṣmaḥ ǀ stuvate ǀ bharāya ǀ
guhā ǀ yat ǀ īm ǀ auśijasya ǀ gohe ǀ pra ǀ yat ǀ dhiye ǀ pra ǀ ayase ǀ madāya ǁ
04.021.08 (Mandala. Sukta. Rik)
3.6.06.03 (Ashtaka. Adhyaya. Varga. Rik)
04.02.117 (Mandala. Anuvāka. Rik)
Samhita Devanagari Accented
वि यद्वरां॑सि॒ पर्व॑तस्य वृ॒ण्वे पयो॑भिर्जि॒न्वे अ॒पां जवां॑सि ।
वि॒दद्गौ॒रस्य॑ गव॒यस्य॒ गोहे॒ यदी॒ वाजा॑य सु॒ध्यो॒३॒॑ वहं॑ति ॥
Samhita Devanagari Nonaccented
वि यद्वरांसि पर्वतस्य वृण्वे पयोभिर्जिन्वे अपां जवांसि ।
विदद्गौरस्य गवयस्य गोहे यदी वाजाय सुध्यो वहंति ॥
Samhita Transcription Accented
ví yádvárāṃsi párvatasya vṛṇvé páyobhirjinvé apā́m jávāṃsi ǀ
vidádgaurásya gavayásya góhe yádī vā́jāya sudhyó váhanti ǁ
Samhita Transcription Nonaccented
vi yadvarāṃsi parvatasya vṛṇve payobhirjinve apām javāṃsi ǀ
vidadgaurasya gavayasya gohe yadī vājāya sudhyo vahanti ǁ
Padapatha Devanagari Accented
वि । यत् । वरां॑सि । पर्व॑तस्य । वृ॒ण्वे । पयः॑ऽभिः । जि॒न्वे । अ॒पाम् । जवां॑सि ।
वि॒दत् । गौ॒रस्य॑ । ग॒व॒यस्य॑ । गोहे॑ । यदि॑ । वाजा॑य । सु॒ऽध्यः॑ । वह॑न्ति ॥
Padapatha Devanagari Nonaccented
वि । यत् । वरांसि । पर्वतस्य । वृण्वे । पयःऽभिः । जिन्वे । अपाम् । जवांसि ।
विदत् । गौरस्य । गवयस्य । गोहे । यदि । वाजाय । सुऽध्यः । वहन्ति ॥
Padapatha Transcription Accented
ví ǀ yát ǀ várāṃsi ǀ párvatasya ǀ vṛṇvé ǀ páyaḥ-bhiḥ ǀ jinvé ǀ apā́m ǀ jávāṃsi ǀ
vidát ǀ gaurásya ǀ gavayásya ǀ góhe ǀ yádi ǀ vā́jāya ǀ su-dhyáḥ ǀ váhanti ǁ
Padapatha Transcription Nonaccented
vi ǀ yat ǀ varāṃsi ǀ parvatasya ǀ vṛṇve ǀ payaḥ-bhiḥ ǀ jinve ǀ apām ǀ javāṃsi ǀ
vidat ǀ gaurasya ǀ gavayasya ǀ gohe ǀ yadi ǀ vājāya ǀ su-dhyaḥ ǀ vahanti ǁ
04.021.09 (Mandala. Sukta. Rik)
3.6.06.04 (Ashtaka. Adhyaya. Varga. Rik)
04.02.118 (Mandala. Anuvāka. Rik)
Samhita Devanagari Accented
भ॒द्रा ते॒ हस्ता॒ सुकृ॑तो॒त पा॒णी प्र॑यं॒तारा॑ स्तुव॒ते राध॑ इंद्र ।
का ते॒ निष॑त्तिः॒ किमु॒ नो म॑मत्सि॒ किं नोदु॑दु हर्षसे॒ दात॒वा उ॑ ॥
Samhita Devanagari Nonaccented
भद्रा ते हस्ता सुकृतोत पाणी प्रयंतारा स्तुवते राध इंद्र ।
का ते निषत्तिः किमु नो ममत्सि किं नोदुदु हर्षसे दातवा उ ॥
Samhita Transcription Accented
bhadrā́ te hástā súkṛtotá pāṇī́ prayantā́rā stuvaté rā́dha indra ǀ
kā́ te níṣattiḥ kímu nó mamatsi kím nódudu harṣase dā́tavā́ u ǁ
Samhita Transcription Nonaccented
bhadrā te hastā sukṛtota pāṇī prayantārā stuvate rādha indra ǀ
kā te niṣattiḥ kimu no mamatsi kim nodudu harṣase dātavā u ǁ
Padapatha Devanagari Accented
भ॒द्रा । ते॒ । हस्ता॑ । सुऽकृ॑ता । उ॒त । पा॒णी इति॑ । प्र॒ऽय॒न्तारा॑ । स्तु॒व॒ते । राधः॑ । इ॒न्द्र॒ ।
का । ते॒ । निऽस॑त्तिः । किम् । ऊं॒ इति॑ । नः॒ । म॒म॒त्सि॒ । किम् । न । उत्ऽउ॑त् । ऊं॒ इति॑ । ह॒र्ष॒से॒ । दात॒वै । ऊं॒ इति॑ ॥
Padapatha Devanagari Nonaccented
भद्रा । ते । हस्ता । सुऽकृता । उत । पाणी इति । प्रऽयन्तारा । स्तुवते । राधः । इन्द्र ।
का । ते । निऽसत्तिः । किम् । ऊं इति । नः । ममत्सि । किम् । न । उत्ऽउत् । ऊं इति । हर्षसे । दातवै । ऊं इति ॥
Padapatha Transcription Accented
bhadrā́ ǀ te ǀ hástā ǀ sú-kṛtā ǀ utá ǀ pāṇī́ íti ǀ pra-yantā́rā ǀ stuvaté ǀ rā́dhaḥ ǀ indra ǀ
kā́ ǀ te ǀ ní-sattiḥ ǀ kím ǀ ūṃ íti ǀ naḥ ǀ mamatsi ǀ kím ǀ ná ǀ út-ut ǀ ūṃ íti ǀ harṣase ǀ dā́tavái ǀ ūṃ íti ǁ
Padapatha Transcription Nonaccented
bhadrā ǀ te ǀ hastā ǀ su-kṛtā ǀ uta ǀ pāṇī iti ǀ pra-yantārā ǀ stuvate ǀ rādhaḥ ǀ indra ǀ
kā ǀ te ǀ ni-sattiḥ ǀ kim ǀ ūṃ iti ǀ naḥ ǀ mamatsi ǀ kim ǀ na ǀ ut-ut ǀ ūṃ iti ǀ harṣase ǀ dātavai ǀ ūṃ iti ǁ
04.021.10 (Mandala. Sukta. Rik)
3.6.06.05 (Ashtaka. Adhyaya. Varga. Rik)
04.02.119 (Mandala. Anuvāka. Rik)
Samhita Devanagari Accented
ए॒वा वस्व॒ इंद्रः॑ स॒त्यः स॒म्राड्ढंता॑ वृ॒त्रं वरि॑वः पू॒रवे॑ कः ।
पुरु॑ष्टुत॒ क्रत्वा॑ नः शग्धि रा॒यो भ॑क्षी॒य तेऽव॑सो॒ दैव्य॑स्य ॥
Samhita Devanagari Nonaccented
एवा वस्व इंद्रः सत्यः सम्राड्ढंता वृत्रं वरिवः पूरवे कः ।
पुरुष्टुत क्रत्वा नः शग्धि रायो भक्षीय तेऽवसो दैव्यस्य ॥
Samhita Transcription Accented
evā́ vásva índraḥ satyáḥ samrā́ḍḍhántā vṛtrám várivaḥ pūráve kaḥ ǀ
púruṣṭuta krátvā naḥ śagdhi rāyó bhakṣīyá té’vaso dáivyasya ǁ
Samhita Transcription Nonaccented
evā vasva indraḥ satyaḥ samrāḍḍhantā vṛtram varivaḥ pūrave kaḥ ǀ
puruṣṭuta kratvā naḥ śagdhi rāyo bhakṣīya te’vaso daivyasya ǁ
Padapatha Devanagari Accented
ए॒व । वस्वः॑ । इन्द्रः॑ । स॒त्यः । स॒म्ऽराट् । हन्ता॑ । वृ॒त्रम् । वरि॑वः । पू॒रवे॑ । क॒रिति॑ कः ।
पुरु॑ऽस्तुत । क्रत्वा॑ । नः॒ । श॒ग्धि॒ । रा॒यः । भ॒क्षी॒य । ते॒ । अव॑सः । दैव्य॑स्य ॥
Padapatha Devanagari Nonaccented
एव । वस्वः । इन्द्रः । सत्यः । सम्ऽराट् । हन्ता । वृत्रम् । वरिवः । पूरवे । करिति कः ।
पुरुऽस्तुत । क्रत्वा । नः । शग्धि । रायः । भक्षीय । ते । अवसः । दैव्यस्य ॥
Padapatha Transcription Accented
evá ǀ vásvaḥ ǀ índraḥ ǀ satyáḥ ǀ sam-rā́ṭ ǀ hántā ǀ vṛtrám ǀ várivaḥ ǀ pūráve ǀ karíti kaḥ ǀ
púru-stuta ǀ krátvā ǀ naḥ ǀ śagdhi ǀ rāyáḥ ǀ bhakṣīyá ǀ te ǀ ávasaḥ ǀ dáivyasya ǁ
Padapatha Transcription Nonaccented
eva ǀ vasvaḥ ǀ indraḥ ǀ satyaḥ ǀ sam-rāṭ ǀ hantā ǀ vṛtram ǀ varivaḥ ǀ pūrave ǀ kariti kaḥ ǀ
puru-stuta ǀ kratvā ǀ naḥ ǀ śagdhi ǀ rāyaḥ ǀ bhakṣīya ǀ te ǀ avasaḥ ǀ daivyasya ǁ
04.021.11 (Mandala. Sukta. Rik)
3.6.06.06 (Ashtaka. Adhyaya. Varga. Rik)
04.02.120 (Mandala. Anuvāka. Rik)
Samhita Devanagari Accented
नू ष्टु॒त इं॑द्र॒ नू गृ॑णा॒न इषं॑ जरि॒त्रे न॒द्यो॒३॒॑ न पी॑पेः ।
अका॑रि ते हरिवो॒ ब्रह्म॒ नव्यं॑ धि॒या स्या॑म र॒थ्यः॑ सदा॒साः ॥
Samhita Devanagari Nonaccented
नू ष्टुत इंद्र नू गृणान इषं जरित्रे नद्यो न पीपेः ।
अकारि ते हरिवो ब्रह्म नव्यं धिया स्याम रथ्यः सदासाः ॥
Samhita Transcription Accented
nū́ ṣṭutá indra nū́ gṛṇāná íṣam jaritré nadyó ná pīpeḥ ǀ
ákāri te harivo bráhma návyam dhiyā́ syāma rathyáḥ sadāsā́ḥ ǁ
Samhita Transcription Nonaccented
nū ṣṭuta indra nū gṛṇāna iṣam jaritre nadyo na pīpeḥ ǀ
akāri te harivo brahma navyam dhiyā syāma rathyaḥ sadāsāḥ ǁ
Padapatha Devanagari Accented
नु । स्तु॒तः । इ॒न्द्र॒ । नु । गृ॒णा॒नः । इष॑म् । ज॒रि॒त्रे । न॒द्यः॑ । न । पी॒पे॒रिति॑ पीपेः ।
अका॑रि । ते॒ । ह॒रि॒ऽवः॒ । ब्रह्म॑ । नव्य॑म् । धि॒या । स्या॒म॒ । र॒थ्यः॑ । स॒दा॒ऽसाः ॥
Padapatha Devanagari Nonaccented
नु । स्तुतः । इन्द्र । नु । गृणानः । इषम् । जरित्रे । नद्यः । न । पीपेरिति पीपेः ।
अकारि । ते । हरिऽवः । ब्रह्म । नव्यम् । धिया । स्याम । रथ्यः । सदाऽसाः ॥
Padapatha Transcription Accented
nú ǀ stutáḥ ǀ indra ǀ nú ǀ gṛṇānáḥ ǀ íṣam ǀ jaritré ǀ nadyáḥ ǀ ná ǀ pīperíti pīpeḥ ǀ
ákāri ǀ te ǀ hari-vaḥ ǀ bráhma ǀ návyam ǀ dhiyā́ ǀ syāma ǀ rathyáḥ ǀ sadā-sā́ḥ ǁ
Padapatha Transcription Nonaccented
nu ǀ stutaḥ ǀ indra ǀ nu ǀ gṛṇānaḥ ǀ iṣam ǀ jaritre ǀ nadyaḥ ǀ na ǀ pīperiti pīpeḥ ǀ
akāri ǀ te ǀ hari-vaḥ ǀ brahma ǀ navyam ǀ dhiyā ǀ syāma ǀ rathyaḥ ǀ sadā-sāḥ ǁ