|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 4
Sūkta 22
|
1. Info |
| To: | indra | |
| From: | vāmadeva gautama | |
| Metres: | 1st set of styles: nicṛttriṣṭup (1, 2, 5, 10); virāṭtrisṭup (3, 4); triṣṭup (6, 7); bhurikpaṅkti (8); svarāṭpaṅkti (9); nicṛtpaṅkti (11) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
04.022.01 (Mandala. Sukta. Rik)
3.6.07.01 (Ashtaka. Adhyaya. Varga. Rik)
04.03.001 (Mandala. Anuvāka. Rik)
Samhita Devanagari Accented
यन्न॒ इंद्रो॑ जुजु॒षे यच्च॒ वष्टि॒ तन्नो॑ म॒हान्क॑रति शु॒ष्म्या चि॑त् ।
ब्रह्म॒ स्तोमं॑ म॒घवा॒ सोम॑मु॒क्था यो अश्मा॑नं॒ शव॑सा॒ बिभ्र॒देति॑ ॥
Samhita Devanagari Nonaccented
यन्न इंद्रो जुजुषे यच्च वष्टि तन्नो महान्करति शुष्म्या चित् ।
ब्रह्म स्तोमं मघवा सोममुक्था यो अश्मानं शवसा बिभ्रदेति ॥
Samhita Transcription Accented
yánna índro jujuṣé yácca váṣṭi tánno mahā́nkarati śuṣmyā́ cit ǀ
bráhma stómam maghávā sómamukthā́ yó áśmānam śávasā bíbhradéti ǁ
Samhita Transcription Nonaccented
yanna indro jujuṣe yacca vaṣṭi tanno mahānkarati śuṣmyā cit ǀ
brahma stomam maghavā somamukthā yo aśmānam śavasā bibhradeti ǁ
Padapatha Devanagari Accented
यत् । नः॒ । इन्द्रः॑ । जु॒जु॒षे । यत् । च॒ । वष्टि॑ । तत् । नः॒ । म॒हान् । क॒र॒ति॒ । शु॒ष्मी । आ । चि॒त् ।
ब्रह्म॑ । स्तोम॑म् । म॒घऽवा॑ । सोम॑म् । उ॒क्था । यः । अश्मा॑नम् । शव॑सा । बिभ्र॑त् । एति॑ ॥
Padapatha Devanagari Nonaccented
यत् । नः । इन्द्रः । जुजुषे । यत् । च । वष्टि । तत् । नः । महान् । करति । शुष्मी । आ । चित् ।
ब्रह्म । स्तोमम् । मघऽवा । सोमम् । उक्था । यः । अश्मानम् । शवसा । बिभ्रत् । एति ॥
Padapatha Transcription Accented
yát ǀ naḥ ǀ índraḥ ǀ jujuṣé ǀ yát ǀ ca ǀ váṣṭi ǀ tát ǀ naḥ ǀ mahā́n ǀ karati ǀ śuṣmī́ ǀ ā́ ǀ cit ǀ
bráhma ǀ stómam ǀ maghá-vā ǀ sómam ǀ ukthā́ ǀ yáḥ ǀ áśmānam ǀ śávasā ǀ bíbhrat ǀ éti ǁ
Padapatha Transcription Nonaccented
yat ǀ naḥ ǀ indraḥ ǀ jujuṣe ǀ yat ǀ ca ǀ vaṣṭi ǀ tat ǀ naḥ ǀ mahān ǀ karati ǀ śuṣmī ǀ ā ǀ cit ǀ
brahma ǀ stomam ǀ magha-vā ǀ somam ǀ ukthā ǀ yaḥ ǀ aśmānam ǀ śavasā ǀ bibhrat ǀ eti ǁ
04.022.02 (Mandala. Sukta. Rik)
3.6.07.02 (Ashtaka. Adhyaya. Varga. Rik)
04.03.002 (Mandala. Anuvāka. Rik)
Samhita Devanagari Accented
वृषा॒ वृषं॑धिं॒ चतु॑रश्रि॒मस्य॑न्नु॒ग्रो बा॒हुभ्यां॒ नृत॑मः॒ शची॑वान् ।
श्रि॒ये परु॑ष्णीमु॒षमा॑ण॒ ऊर्णां॒ यस्याः॒ पर्वा॑णि स॒ख्याय॑ वि॒व्ये ॥
Samhita Devanagari Nonaccented
वृषा वृषंधिं चतुरश्रिमस्यन्नुग्रो बाहुभ्यां नृतमः शचीवान् ।
श्रिये परुष्णीमुषमाण ऊर्णां यस्याः पर्वाणि सख्याय विव्ये ॥
Samhita Transcription Accented
vṛ́ṣā vṛ́ṣandhim cáturaśrimásyannugró bāhúbhyām nṛ́tamaḥ śácīvān ǀ
śriyé páruṣṇīmuṣámāṇa ū́rṇām yásyāḥ párvāṇi sakhyā́ya vivyé ǁ
Samhita Transcription Nonaccented
vṛṣā vṛṣandhim caturaśrimasyannugro bāhubhyām nṛtamaḥ śacīvān ǀ
śriye paruṣṇīmuṣamāṇa ūrṇām yasyāḥ parvāṇi sakhyāya vivye ǁ
Padapatha Devanagari Accented
वृषा॑ । वृष॑न्धिम् । चतुः॑ऽअश्रिम् । अस्य॑न् । उ॒ग्रः । बा॒हुऽभ्या॑म् । नृऽत॑मः । शची॑ऽवान् ।
श्रि॒ये । परु॑ष्णीम् । उ॒षमा॑णः । ऊर्णा॑म् । यस्याः॑ । पर्वा॑णि । स॒ख्याय॑ । वि॒व्ये ॥
Padapatha Devanagari Nonaccented
वृषा । वृषन्धिम् । चतुःऽअश्रिम् । अस्यन् । उग्रः । बाहुऽभ्याम् । नृऽतमः । शचीऽवान् ।
श्रिये । परुष्णीम् । उषमाणः । ऊर्णाम् । यस्याः । पर्वाणि । सख्याय । विव्ये ॥
Padapatha Transcription Accented
vṛ́ṣā ǀ vṛ́ṣandhim ǀ cátuḥ-aśrim ǀ ásyan ǀ ugráḥ ǀ bāhú-bhyām ǀ nṛ́-tamaḥ ǀ śácī-vān ǀ
śriyé ǀ páruṣṇīm ǀ uṣámāṇaḥ ǀ ū́rṇām ǀ yásyāḥ ǀ párvāṇi ǀ sakhyā́ya ǀ vivyé ǁ
Padapatha Transcription Nonaccented
vṛṣā ǀ vṛṣandhim ǀ catuḥ-aśrim ǀ asyan ǀ ugraḥ ǀ bāhu-bhyām ǀ nṛ-tamaḥ ǀ śacī-vān ǀ
śriye ǀ paruṣṇīm ǀ uṣamāṇaḥ ǀ ūrṇām ǀ yasyāḥ ǀ parvāṇi ǀ sakhyāya ǀ vivye ǁ
04.022.03 (Mandala. Sukta. Rik)
3.6.07.03 (Ashtaka. Adhyaya. Varga. Rik)
04.03.003 (Mandala. Anuvāka. Rik)
Samhita Devanagari Accented
यो दे॒वो दे॒वत॑मो॒ जाय॑मानो म॒हो वाजे॑भिर्म॒हद्भि॑श्च॒ शुष्मैः॑ ।
दधा॑नो॒ वज्रं॑ बा॒ह्वोरु॒शंतं॒ द्याममे॑न रेजय॒त्प्र भूम॑ ॥
Samhita Devanagari Nonaccented
यो देवो देवतमो जायमानो महो वाजेभिर्महद्भिश्च शुष्मैः ।
दधानो वज्रं बाह्वोरुशंतं द्याममेन रेजयत्प्र भूम ॥
Samhita Transcription Accented
yó devó devátamo jā́yamāno mahó vā́jebhirmahádbhiśca śúṣmaiḥ ǀ
dádhāno vájram bāhvóruśántam dyā́mámena rejayatprá bhū́ma ǁ
Samhita Transcription Nonaccented
yo devo devatamo jāyamāno maho vājebhirmahadbhiśca śuṣmaiḥ ǀ
dadhāno vajram bāhvoruśantam dyāmamena rejayatpra bhūma ǁ
Padapatha Devanagari Accented
यः । दे॒वः । दे॒वऽत॑मः । जाय॑मानः । म॒हः । वाजे॑भिः । म॒हत्ऽभिः॑ । च॒ । शुष्मैः॑ ।
दधा॑नः । वज्र॑म् । बा॒ह्वोः । उ॒शन्त॑म् । द्याम् । अमे॑न । रे॒ज॒य॒त् । प्र । भूम॑ ॥
Padapatha Devanagari Nonaccented
यः । देवः । देवऽतमः । जायमानः । महः । वाजेभिः । महत्ऽभिः । च । शुष्मैः ।
दधानः । वज्रम् । बाह्वोः । उशन्तम् । द्याम् । अमेन । रेजयत् । प्र । भूम ॥
Padapatha Transcription Accented
yáḥ ǀ deváḥ ǀ devá-tamaḥ ǀ jā́yamānaḥ ǀ maháḥ ǀ vā́jebhiḥ ǀ mahát-bhiḥ ǀ ca ǀ śúṣmaiḥ ǀ
dádhānaḥ ǀ vájram ǀ bāhvóḥ ǀ uśántam ǀ dyā́m ǀ ámena ǀ rejayat ǀ prá ǀ bhū́ma ǁ
Padapatha Transcription Nonaccented
yaḥ ǀ devaḥ ǀ deva-tamaḥ ǀ jāyamānaḥ ǀ mahaḥ ǀ vājebhiḥ ǀ mahat-bhiḥ ǀ ca ǀ śuṣmaiḥ ǀ
dadhānaḥ ǀ vajram ǀ bāhvoḥ ǀ uśantam ǀ dyām ǀ amena ǀ rejayat ǀ pra ǀ bhūma ǁ
04.022.04 (Mandala. Sukta. Rik)
3.6.07.04 (Ashtaka. Adhyaya. Varga. Rik)
04.03.004 (Mandala. Anuvāka. Rik)
Samhita Devanagari Accented
विश्वा॒ रोधां॑सि प्र॒वत॑श्च पू॒र्वीर्द्यौर्ऋ॒ष्वाज्जनि॑मन्रेजत॒ क्षाः ।
आ मा॒तरा॒ भर॑ति शु॒ष्म्या गोर्नृ॒वत्परि॑ज्मन्नोनुवंत॒ वाताः॑ ॥
Samhita Devanagari Nonaccented
विश्वा रोधांसि प्रवतश्च पूर्वीर्द्यौर्ऋष्वाज्जनिमन्रेजत क्षाः ।
आ मातरा भरति शुष्म्या गोर्नृवत्परिज्मन्नोनुवंत वाताः ॥
Samhita Transcription Accented
víśvā ródhāṃsi pravátaśca pūrvī́rdyáurṛṣvā́jjánimanrejata kṣā́ḥ ǀ
ā́ mātárā bhárati śuṣmyā́ górnṛvátpárijmannonuvanta vā́tāḥ ǁ
Samhita Transcription Nonaccented
viśvā rodhāṃsi pravataśca pūrvīrdyaurṛṣvājjanimanrejata kṣāḥ ǀ
ā mātarā bharati śuṣmyā gornṛvatparijmannonuvanta vātāḥ ǁ
Padapatha Devanagari Accented
विश्वा॑ । रोधां॑सि । प्र॒ऽवतः॑ । च॒ । पू॒र्वीः । द्यौः । ऋ॒ष्वात् । जनि॑मन् । रे॒ज॒त॒ । क्षाः ।
आ । मा॒तरा॑ । भर॑ति । शु॒ष्मी । आ । गोः । नृ॒ऽवत् । परि॑ऽज्मन् । नो॒नु॒व॒न्त॒ । वाताः॑ ॥
Padapatha Devanagari Nonaccented
विश्वा । रोधांसि । प्रऽवतः । च । पूर्वीः । द्यौः । ऋष्वात् । जनिमन् । रेजत । क्षाः ।
आ । मातरा । भरति । शुष्मी । आ । गोः । नृऽवत् । परिऽज्मन् । नोनुवन्त । वाताः ॥
Padapatha Transcription Accented
víśvā ǀ ródhāṃsi ǀ pra-vátaḥ ǀ ca ǀ pūrvī́ḥ ǀ dyáuḥ ǀ ṛṣvā́t ǀ jániman ǀ rejata ǀ kṣā́ḥ ǀ
ā́ ǀ mātárā ǀ bhárati ǀ śuṣmī́ ǀ ā́ ǀ góḥ ǀ nṛ-vát ǀ pári-jman ǀ nonuvanta ǀ vā́tāḥ ǁ
Padapatha Transcription Nonaccented
viśvā ǀ rodhāṃsi ǀ pra-vataḥ ǀ ca ǀ pūrvīḥ ǀ dyauḥ ǀ ṛṣvāt ǀ janiman ǀ rejata ǀ kṣāḥ ǀ
ā ǀ mātarā ǀ bharati ǀ śuṣmī ǀ ā ǀ goḥ ǀ nṛ-vat ǀ pari-jman ǀ nonuvanta ǀ vātāḥ ǁ
04.022.05 (Mandala. Sukta. Rik)
3.6.07.05 (Ashtaka. Adhyaya. Varga. Rik)
04.03.005 (Mandala. Anuvāka. Rik)
Samhita Devanagari Accented
ता तू त॑ इंद्र मह॒तो म॒हानि॒ विश्वे॒ष्वित्सव॑नेषु प्र॒वाच्या॑ ।
यच्छू॑र धृष्णो धृष॒ता द॑धृ॒ष्वानहिं॒ वज्रे॑ण॒ शव॒सावि॑वेषीः ॥
Samhita Devanagari Nonaccented
ता तू त इंद्र महतो महानि विश्वेष्वित्सवनेषु प्रवाच्या ।
यच्छूर धृष्णो धृषता दधृष्वानहिं वज्रेण शवसाविवेषीः ॥
Samhita Transcription Accented
tā́ tū́ ta indra maható mahā́ni víśveṣvítsávaneṣu pravā́cyā ǀ
yácchūra dhṛṣṇo dhṛṣatā́ dadhṛṣvā́náhim vájreṇa śávasā́viveṣīḥ ǁ
Samhita Transcription Nonaccented
tā tū ta indra mahato mahāni viśveṣvitsavaneṣu pravācyā ǀ
yacchūra dhṛṣṇo dhṛṣatā dadhṛṣvānahim vajreṇa śavasāviveṣīḥ ǁ
Padapatha Devanagari Accented
ता । तु । ते॒ । इ॒न्द्र॒ । म॒ह॒तः । म॒हानि॑ । विश्वे॑षु । इत् । सव॑नेषु । प्र॒ऽवाच्या॑ ।
यत् । शू॒र॒ । धृ॒ष्णो॒ इति॑ । धृ॒ष॒ता । द॒धृ॒ष्वान् । अहि॑म् । वज्रे॑ण । शव॑सा । अवि॑वेषीः ॥
Padapatha Devanagari Nonaccented
ता । तु । ते । इन्द्र । महतः । महानि । विश्वेषु । इत् । सवनेषु । प्रऽवाच्या ।
यत् । शूर । धृष्णो इति । धृषता । दधृष्वान् । अहिम् । वज्रेण । शवसा । अविवेषीः ॥
Padapatha Transcription Accented
tā́ ǀ tú ǀ te ǀ indra ǀ mahatáḥ ǀ mahā́ni ǀ víśveṣu ǀ ít ǀ sávaneṣu ǀ pra-vā́cyā ǀ
yát ǀ śūra ǀ dhṛṣṇo íti ǀ dhṛṣatā́ ǀ dadhṛṣvā́n ǀ áhim ǀ vájreṇa ǀ śávasā ǀ áviveṣīḥ ǁ
Padapatha Transcription Nonaccented
tā ǀ tu ǀ te ǀ indra ǀ mahataḥ ǀ mahāni ǀ viśveṣu ǀ it ǀ savaneṣu ǀ pra-vācyā ǀ
yat ǀ śūra ǀ dhṛṣṇo iti ǀ dhṛṣatā ǀ dadhṛṣvān ǀ ahim ǀ vajreṇa ǀ śavasā ǀ aviveṣīḥ ǁ
04.022.06 (Mandala. Sukta. Rik)
3.6.08.01 (Ashtaka. Adhyaya. Varga. Rik)
04.03.006 (Mandala. Anuvāka. Rik)
Samhita Devanagari Accented
ता तू ते॑ स॒त्या तु॑विनृम्ण॒ विश्वा॒ प्र धे॒नवः॑ सिस्रते॒ वृष्ण॒ ऊध्नः॑ ।
अधा॑ ह॒ त्वद्वृ॑षमणो भिया॒नाः प्र सिंध॑वो॒ जव॑सा चक्रमंत ॥
Samhita Devanagari Nonaccented
ता तू ते सत्या तुविनृम्ण विश्वा प्र धेनवः सिस्रते वृष्ण ऊध्नः ।
अधा ह त्वद्वृषमणो भियानाः प्र सिंधवो जवसा चक्रमंत ॥
Samhita Transcription Accented
tā́ tū́ te satyā́ tuvinṛmṇa víśvā prá dhenávaḥ sisrate vṛ́ṣṇa ū́dhnaḥ ǀ
ádhā ha tvádvṛṣamaṇo bhiyānā́ḥ prá síndhavo jávasā cakramanta ǁ
Samhita Transcription Nonaccented
tā tū te satyā tuvinṛmṇa viśvā pra dhenavaḥ sisrate vṛṣṇa ūdhnaḥ ǀ
adhā ha tvadvṛṣamaṇo bhiyānāḥ pra sindhavo javasā cakramanta ǁ
Padapatha Devanagari Accented
ता । तु । ते॒ । स॒त्या । तु॒वि॒ऽनृ॒म्ण॒ । विश्वा॑ । प्र । धे॒नवः॑ । सि॒स्र॒ते॒ । वृष्णः॑ । ऊध्नः॑ ।
अध॑ । ह॒ । त्वत् । वृ॒ष॒ऽम॒नः॒ । भि॒या॒नाः । प्र । सिन्ध॑वः । जव॑सा । च॒क्र॒म॒न्त॒ ॥
Padapatha Devanagari Nonaccented
ता । तु । ते । सत्या । तुविऽनृम्ण । विश्वा । प्र । धेनवः । सिस्रते । वृष्णः । ऊध्नः ।
अध । ह । त्वत् । वृषऽमनः । भियानाः । प्र । सिन्धवः । जवसा । चक्रमन्त ॥
Padapatha Transcription Accented
tā́ ǀ tú ǀ te ǀ satyā́ ǀ tuvi-nṛmṇa ǀ víśvā ǀ prá ǀ dhenávaḥ ǀ sisrate ǀ vṛ́ṣṇaḥ ǀ ū́dhnaḥ ǀ
ádha ǀ ha ǀ tvát ǀ vṛṣa-manaḥ ǀ bhiyānā́ḥ ǀ prá ǀ síndhavaḥ ǀ jávasā ǀ cakramanta ǁ
Padapatha Transcription Nonaccented
tā ǀ tu ǀ te ǀ satyā ǀ tuvi-nṛmṇa ǀ viśvā ǀ pra ǀ dhenavaḥ ǀ sisrate ǀ vṛṣṇaḥ ǀ ūdhnaḥ ǀ
adha ǀ ha ǀ tvat ǀ vṛṣa-manaḥ ǀ bhiyānāḥ ǀ pra ǀ sindhavaḥ ǀ javasā ǀ cakramanta ǁ
04.022.07 (Mandala. Sukta. Rik)
3.6.08.02 (Ashtaka. Adhyaya. Varga. Rik)
04.03.007 (Mandala. Anuvāka. Rik)
Samhita Devanagari Accented
अत्राह॑ ते हरिव॒स्ता उ॑ दे॒वीरवो॑भिरिंद्र स्तवंत॒ स्वसा॑रः ।
यत्सी॒मनु॒ प्र मु॒चो ब॑द्बधा॒ना दी॒र्घामनु॒ प्रसि॑तिं स्यंद॒यध्यै॑ ॥
Samhita Devanagari Nonaccented
अत्राह ते हरिवस्ता उ देवीरवोभिरिंद्र स्तवंत स्वसारः ।
यत्सीमनु प्र मुचो बद्बधाना दीर्घामनु प्रसितिं स्यंदयध्यै ॥
Samhita Transcription Accented
átrā́ha te harivastā́ u devī́rávobhirindra stavanta svásāraḥ ǀ
yátsīmánu prá mucó badbadhānā́ dīrghā́mánu prásitim syandayádhyai ǁ
Samhita Transcription Nonaccented
atrāha te harivastā u devīravobhirindra stavanta svasāraḥ ǀ
yatsīmanu pra muco badbadhānā dīrghāmanu prasitim syandayadhyai ǁ
Padapatha Devanagari Accented
अत्र॑ । अह॑ । ते॒ । ह॒रि॒ऽवः॒ । ताः । ऊं॒ इति॑ । दे॒वीः । अवः॑ऽभिः । इ॒न्द्र॒ । स्त॒व॒न्त॒ । स्वसा॑रः ।
यत् । सी॒म् । अनु॑ । प्र । मु॒चः । ब॒द्ब॒धा॒नाः । दी॒र्घाम् । अनु॑ । प्रऽसि॑तिम् । स्य॒न्द॒यध्यै॑ ॥
Padapatha Devanagari Nonaccented
अत्र । अह । ते । हरिऽवः । ताः । ऊं इति । देवीः । अवःऽभिः । इन्द्र । स्तवन्त । स्वसारः ।
यत् । सीम् । अनु । प्र । मुचः । बद्बधानाः । दीर्घाम् । अनु । प्रऽसितिम् । स्यन्दयध्यै ॥
Padapatha Transcription Accented
átra ǀ áha ǀ te ǀ hari-vaḥ ǀ tā́ḥ ǀ ūṃ íti ǀ devī́ḥ ǀ ávaḥ-bhiḥ ǀ indra ǀ stavanta ǀ svásāraḥ ǀ
yát ǀ sīm ǀ ánu ǀ prá ǀ mucáḥ ǀ badbadhānā́ḥ ǀ dīrghā́m ǀ ánu ǀ prá-sitim ǀ syandayádhyai ǁ
Padapatha Transcription Nonaccented
atra ǀ aha ǀ te ǀ hari-vaḥ ǀ tāḥ ǀ ūṃ iti ǀ devīḥ ǀ avaḥ-bhiḥ ǀ indra ǀ stavanta ǀ svasāraḥ ǀ
yat ǀ sīm ǀ anu ǀ pra ǀ mucaḥ ǀ badbadhānāḥ ǀ dīrghām ǀ anu ǀ pra-sitim ǀ syandayadhyai ǁ
04.022.08 (Mandala. Sukta. Rik)
3.6.08.03 (Ashtaka. Adhyaya. Varga. Rik)
04.03.008 (Mandala. Anuvāka. Rik)
Samhita Devanagari Accented
पि॒पी॒ळे अं॒शुर्मद्यो॒ न सिंधु॒रा त्वा॒ शमी॑ शशमा॒नस्य॑ श॒क्तिः ।
अ॒स्म॒द्र्य॑क्शुशुचा॒नस्य॑ यम्या आ॒शुर्न र॒श्मिं तु॒व्योज॑सं॒ गोः ॥
Samhita Devanagari Nonaccented
पिपीळे अंशुर्मद्यो न सिंधुरा त्वा शमी शशमानस्य शक्तिः ।
अस्मद्र्यक्शुशुचानस्य यम्या आशुर्न रश्मिं तुव्योजसं गोः ॥
Samhita Transcription Accented
pipīḷé aṃśúrmádyo ná síndhurā́ tvā śámī śaśamānásya śaktíḥ ǀ
asmadryákśuśucānásya yamyā āśúrná raśmím tuvyójasam góḥ ǁ
Samhita Transcription Nonaccented
pipīḷe aṃśurmadyo na sindhurā tvā śamī śaśamānasya śaktiḥ ǀ
asmadryakśuśucānasya yamyā āśurna raśmim tuvyojasam goḥ ǁ
Padapatha Devanagari Accented
पि॒पी॒ळे । अं॒शुः । मद्यः॑ । न । सिन्धुः॑ । आ । त्वा॒ । शमी॑ । श॒श॒मा॒नस्य॑ । श॒क्तिः ।
अ॒स्म॒द्र्य॑क् । शु॒शु॒चा॒नस्य॑ । य॒म्याः॒ । आ॒शुः । न । र॒श्मिम् । तु॒वि॒ऽओज॑सम् । गोः ॥
Padapatha Devanagari Nonaccented
पिपीळे । अंशुः । मद्यः । न । सिन्धुः । आ । त्वा । शमी । शशमानस्य । शक्तिः ।
अस्मद्र्यक् । शुशुचानस्य । यम्याः । आशुः । न । रश्मिम् । तुविऽओजसम् । गोः ॥
Padapatha Transcription Accented
pipīḷé ǀ aṃśúḥ ǀ mádyaḥ ǀ ná ǀ síndhuḥ ǀ ā́ ǀ tvā ǀ śámī ǀ śaśamānásya ǀ śaktíḥ ǀ
asmadryák ǀ śuśucānásya ǀ yamyāḥ ǀ āśúḥ ǀ ná ǀ raśmím ǀ tuvi-ójasam ǀ góḥ ǁ
Padapatha Transcription Nonaccented
pipīḷe ǀ aṃśuḥ ǀ madyaḥ ǀ na ǀ sindhuḥ ǀ ā ǀ tvā ǀ śamī ǀ śaśamānasya ǀ śaktiḥ ǀ
asmadryak ǀ śuśucānasya ǀ yamyāḥ ǀ āśuḥ ǀ na ǀ raśmim ǀ tuvi-ojasam ǀ goḥ ǁ
04.022.09 (Mandala. Sukta. Rik)
3.6.08.04 (Ashtaka. Adhyaya. Varga. Rik)
04.03.009 (Mandala. Anuvāka. Rik)
Samhita Devanagari Accented
अ॒स्मे वर्षि॑ष्ठा कृणुहि॒ ज्येष्ठा॑ नृ॒म्णानि॑ स॒त्रा स॑हुरे॒ सहां॑सि ।
अ॒स्मभ्यं॑ वृ॒त्रा सु॒हना॑नि रंधि ज॒हि वध॑र्व॒नुषो॒ मर्त्य॑स्य ॥
Samhita Devanagari Nonaccented
अस्मे वर्षिष्ठा कृणुहि ज्येष्ठा नृम्णानि सत्रा सहुरे सहांसि ।
अस्मभ्यं वृत्रा सुहनानि रंधि जहि वधर्वनुषो मर्त्यस्य ॥
Samhita Transcription Accented
asmé várṣiṣṭhā kṛṇuhi jyéṣṭhā nṛmṇā́ni satrā́ sahure sáhāṃsi ǀ
asmábhyam vṛtrā́ suhánāni randhi jahí vádharvanúṣo mártyasya ǁ
Samhita Transcription Nonaccented
asme varṣiṣṭhā kṛṇuhi jyeṣṭhā nṛmṇāni satrā sahure sahāṃsi ǀ
asmabhyam vṛtrā suhanāni randhi jahi vadharvanuṣo martyasya ǁ
Padapatha Devanagari Accented
अ॒स्मे इति॑ । वर्षि॑ष्ठा । कृ॒णु॒हि॒ । ज्येष्ठा॑ । नृ॒म्णानि॑ । स॒त्रा । स॒हु॒रे॒ । सहां॑सि ।
अ॒स्मभ्य॑म् । वृ॒त्रा । सु॒ऽहना॑नि । र॒न्धि॒ । ज॒हि । वधः॑ । व॒नुषः॑ । मर्त्य॑स्य ॥
Padapatha Devanagari Nonaccented
अस्मे इति । वर्षिष्ठा । कृणुहि । ज्येष्ठा । नृम्णानि । सत्रा । सहुरे । सहांसि ।
अस्मभ्यम् । वृत्रा । सुऽहनानि । रन्धि । जहि । वधः । वनुषः । मर्त्यस्य ॥
Padapatha Transcription Accented
asmé íti ǀ várṣiṣṭhā ǀ kṛṇuhi ǀ jyéṣṭhā ǀ nṛmṇā́ni ǀ satrā́ ǀ sahure ǀ sáhāṃsi ǀ
asmábhyam ǀ vṛtrā́ ǀ su-hánāni ǀ randhi ǀ jahí ǀ vádhaḥ ǀ vanúṣaḥ ǀ mártyasya ǁ
Padapatha Transcription Nonaccented
asme iti ǀ varṣiṣṭhā ǀ kṛṇuhi ǀ jyeṣṭhā ǀ nṛmṇāni ǀ satrā ǀ sahure ǀ sahāṃsi ǀ
asmabhyam ǀ vṛtrā ǀ su-hanāni ǀ randhi ǀ jahi ǀ vadhaḥ ǀ vanuṣaḥ ǀ martyasya ǁ
04.022.10 (Mandala. Sukta. Rik)
3.6.08.05 (Ashtaka. Adhyaya. Varga. Rik)
04.03.010 (Mandala. Anuvāka. Rik)
Samhita Devanagari Accented
अ॒स्माक॒मित्सु शृ॑णुहि॒ त्वमिं॑द्रा॒स्मभ्यं॑ चि॒त्राँ उप॑ माहि॒ वाजा॑न् ।
अ॒स्मभ्यं॒ विश्वा॑ इषणः॒ पुरं॑धीर॒स्माकं॒ सु म॑घवन्बोधि गो॒दाः ॥
Samhita Devanagari Nonaccented
अस्माकमित्सु शृणुहि त्वमिंद्रास्मभ्यं चित्राँ उप माहि वाजान् ।
अस्मभ्यं विश्वा इषणः पुरंधीरस्माकं सु मघवन्बोधि गोदाः ॥
Samhita Transcription Accented
asmā́kamítsú śṛṇuhi tvámindrāsmábhyam citrā́m̐ úpa māhi vā́jān ǀ
asmábhyam víśvā iṣaṇaḥ púraṃdhīrasmā́kam sú maghavanbodhi godā́ḥ ǁ
Samhita Transcription Nonaccented
asmākamitsu śṛṇuhi tvamindrāsmabhyam citrām̐ upa māhi vājān ǀ
asmabhyam viśvā iṣaṇaḥ puraṃdhīrasmākam su maghavanbodhi godāḥ ǁ
Padapatha Devanagari Accented
अ॒स्माक॑म् । इत् । सु । शृ॒णु॒हि॒ । त्वम् । इ॒न्द्र॒ । अ॒स्मभ्य॑म् । चि॒त्रान् । उप॑ । मा॒हि॒ । वाजा॑न् ।
अ॒स्मभ्य॑म् । विश्वाः॑ । इ॒ष॒णः॒ । पुर॑म्ऽधीः । अ॒स्माक॑म् । सु । म॒घ॒ऽव॒न् । बो॒धि॒ । गो॒ऽदाः ॥
Padapatha Devanagari Nonaccented
अस्माकम् । इत् । सु । शृणुहि । त्वम् । इन्द्र । अस्मभ्यम् । चित्रान् । उप । माहि । वाजान् ।
अस्मभ्यम् । विश्वाः । इषणः । पुरम्ऽधीः । अस्माकम् । सु । मघऽवन् । बोधि । गोऽदाः ॥
Padapatha Transcription Accented
asmā́kam ǀ ít ǀ sú ǀ śṛṇuhi ǀ tvám ǀ indra ǀ asmábhyam ǀ citrā́n ǀ úpa ǀ māhi ǀ vā́jān ǀ
asmábhyam ǀ víśvāḥ ǀ iṣaṇaḥ ǀ púram-dhīḥ ǀ asmā́kam ǀ sú ǀ magha-van ǀ bodhi ǀ go-dā́ḥ ǁ
Padapatha Transcription Nonaccented
asmākam ǀ it ǀ su ǀ śṛṇuhi ǀ tvam ǀ indra ǀ asmabhyam ǀ citrān ǀ upa ǀ māhi ǀ vājān ǀ
asmabhyam ǀ viśvāḥ ǀ iṣaṇaḥ ǀ puram-dhīḥ ǀ asmākam ǀ su ǀ magha-van ǀ bodhi ǀ go-dāḥ ǁ
04.022.11 (Mandala. Sukta. Rik)
3.6.08.06 (Ashtaka. Adhyaya. Varga. Rik)
04.03.011 (Mandala. Anuvāka. Rik)
Samhita Devanagari Accented
नू ष्टु॒त इं॑द्र॒ नू गृ॑णा॒न इषं॑ जरि॒त्रे न॒द्यो॒३॒॑ न पी॑पेः ।
अका॑रि ते हरिवो॒ ब्रह्म॒ नव्यं॑ धि॒या स्या॑म र॒थ्यः॑ सदा॒साः ॥
Samhita Devanagari Nonaccented
नू ष्टुत इंद्र नू गृणान इषं जरित्रे नद्यो न पीपेः ।
अकारि ते हरिवो ब्रह्म नव्यं धिया स्याम रथ्यः सदासाः ॥
Samhita Transcription Accented
nū́ ṣṭutá indra nū́ gṛṇāná íṣam jaritré nadyó ná pīpeḥ ǀ
ákāri te harivo bráhma návyam dhiyā́ syāma rathyáḥ sadāsā́ḥ ǁ
Samhita Transcription Nonaccented
nū ṣṭuta indra nū gṛṇāna iṣam jaritre nadyo na pīpeḥ ǀ
akāri te harivo brahma navyam dhiyā syāma rathyaḥ sadāsāḥ ǁ
Padapatha Devanagari Accented
नु । स्तु॒तः । इ॒न्द्र॒ । नु । गृ॒णा॒नः । इष॑म् । ज॒रि॒त्रे । न॒द्यः॑ । न । पी॒पे॒रिति॑ पीपेः ।
अका॑रि । ते॒ । ह॒रि॒ऽवः॒ । ब्रह्म॑ । नव्य॑म् । धि॒या । स्या॒म॒ । र॒थ्यः॑ । स॒दा॒ऽसाः ॥
Padapatha Devanagari Nonaccented
नु । स्तुतः । इन्द्र । नु । गृणानः । इषम् । जरित्रे । नद्यः । न । पीपेरिति पीपेः ।
अकारि । ते । हरिऽवः । ब्रह्म । नव्यम् । धिया । स्याम । रथ्यः । सदाऽसाः ॥
Padapatha Transcription Accented
nú ǀ stutáḥ ǀ indra ǀ nú ǀ gṛṇānáḥ ǀ íṣam ǀ jaritré ǀ nadyáḥ ǀ ná ǀ pīperíti pīpeḥ ǀ
ákāri ǀ te ǀ hari-vaḥ ǀ bráhma ǀ návyam ǀ dhiyā́ ǀ syāma ǀ rathyáḥ ǀ sadā-sā́ḥ ǁ
Padapatha Transcription Nonaccented
nu ǀ stutaḥ ǀ indra ǀ nu ǀ gṛṇānaḥ ǀ iṣam ǀ jaritre ǀ nadyaḥ ǀ na ǀ pīperiti pīpeḥ ǀ
akāri ǀ te ǀ hari-vaḥ ǀ brahma ǀ navyam ǀ dhiyā ǀ syāma ǀ rathyaḥ ǀ sadā-sāḥ ǁ