|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 4
Sūkta 24
|
1. Info |
| To: | indra | |
| From: | vāmadeva gautama | |
| Metres: | 1st set of styles: triṣṭup (1, 5, 7); bhurikpaṅkti (2, 8); nicṛttriṣṭup (3, 9); virāṭtrisṭup (4); svarāṭpaṅkti (6); nicṛdanuṣṭup (10); nicṛtpaṅkti (11) 2nd set of styles: triṣṭubh (1-9, 11); anuṣṭubh (10) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
04.024.01 (Mandala. Sukta. Rik)
3.6.11.01 (Ashtaka. Adhyaya. Varga. Rik)
04.03.023 (Mandala. Anuvāka. Rik)
Samhita Devanagari Accented
का सु॑ष्टु॒तिः शव॑सः सू॒नुमिंद्र॑मर्वाची॒नं राध॑स॒ आ व॑वर्तत् ।
द॒दिर्हि वी॒रो गृ॑ण॒ते वसू॑नि॒ स गोप॑तिर्नि॒ष्षिधां॑ नो जनासः ॥
Samhita Devanagari Nonaccented
का सुष्टुतिः शवसः सूनुमिंद्रमर्वाचीनं राधस आ ववर्तत् ।
ददिर्हि वीरो गृणते वसूनि स गोपतिर्निष्षिधां नो जनासः ॥
Samhita Transcription Accented
kā́ suṣṭutíḥ śávasaḥ sūnúmíndramarvācīnám rā́dhasa ā́ vavartat ǀ
dadírhí vīró gṛṇaté vásūni sá gópatirniṣṣídhām no janāsaḥ ǁ
Samhita Transcription Nonaccented
kā suṣṭutiḥ śavasaḥ sūnumindramarvācīnam rādhasa ā vavartat ǀ
dadirhi vīro gṛṇate vasūni sa gopatirniṣṣidhām no janāsaḥ ǁ
Padapatha Devanagari Accented
का । सु॒ऽस्तु॒तिः । शव॑सः । सू॒नुम् । इन्द्र॑म् । अ॒र्वा॒ची॒नम् । राध॑से । आ । व॒व॒र्त॒त् ।
द॒दिः । हि । वी॒रः । गृ॒ण॒ते । वसू॑नि । सः । गोऽप॑तिः । निः॒ऽसिधा॑म् । नः॒ । ज॒ना॒सः॒ ॥
Padapatha Devanagari Nonaccented
का । सुऽस्तुतिः । शवसः । सूनुम् । इन्द्रम् । अर्वाचीनम् । राधसे । आ । ववर्तत् ।
ददिः । हि । वीरः । गृणते । वसूनि । सः । गोऽपतिः । निःऽसिधाम् । नः । जनासः ॥
Padapatha Transcription Accented
kā́ ǀ su-stutíḥ ǀ śávasaḥ ǀ sūnúm ǀ índram ǀ arvācīnám ǀ rā́dhase ǀ ā́ ǀ vavartat ǀ
dadíḥ ǀ hí ǀ vīráḥ ǀ gṛṇaté ǀ vásūni ǀ sáḥ ǀ gó-patiḥ ǀ niḥ-sídhām ǀ naḥ ǀ janāsaḥ ǁ
Padapatha Transcription Nonaccented
kā ǀ su-stutiḥ ǀ śavasaḥ ǀ sūnum ǀ indram ǀ arvācīnam ǀ rādhase ǀ ā ǀ vavartat ǀ
dadiḥ ǀ hi ǀ vīraḥ ǀ gṛṇate ǀ vasūni ǀ saḥ ǀ go-patiḥ ǀ niḥ-sidhām ǀ naḥ ǀ janāsaḥ ǁ
04.024.02 (Mandala. Sukta. Rik)
3.6.11.02 (Ashtaka. Adhyaya. Varga. Rik)
04.03.024 (Mandala. Anuvāka. Rik)
Samhita Devanagari Accented
स वृ॑त्र॒हत्ये॒ हव्यः॒ स ईड्यः॒ स सुष्टु॑त॒ इंद्रः॑ स॒त्यरा॑धाः ।
स याम॒न्ना म॒घवा॒ मर्त्या॑य ब्रह्मण्य॒ते सुष्व॑ये॒ वरि॑वो धात् ॥
Samhita Devanagari Nonaccented
स वृत्रहत्ये हव्यः स ईड्यः स सुष्टुत इंद्रः सत्यराधाः ।
स यामन्ना मघवा मर्त्याय ब्रह्मण्यते सुष्वये वरिवो धात् ॥
Samhita Transcription Accented
sá vṛtrahátye hávyaḥ sá ī́ḍyaḥ sá súṣṭuta índraḥ satyárādhāḥ ǀ
sá yā́mannā́ maghávā mártyāya brahmaṇyaté súṣvaye várivo dhāt ǁ
Samhita Transcription Nonaccented
sa vṛtrahatye havyaḥ sa īḍyaḥ sa suṣṭuta indraḥ satyarādhāḥ ǀ
sa yāmannā maghavā martyāya brahmaṇyate suṣvaye varivo dhāt ǁ
Padapatha Devanagari Accented
सः । वृ॒त्र॒ऽहत्ये॑ । हव्यः॑ । सः । ईड्यः॑ । सः । सुऽस्तु॑तः । इन्द्रः॑ । स॒त्यऽरा॑धाः ।
सः । याम॑न् । आ । म॒घऽवा॑ । मर्त्या॑य । ब्र॒ह्म॒ण्य॒ते । सुस्व॑ये । वरि॑वः । धा॒त् ॥
Padapatha Devanagari Nonaccented
सः । वृत्रऽहत्ये । हव्यः । सः । ईड्यः । सः । सुऽस्तुतः । इन्द्रः । सत्यऽराधाः ।
सः । यामन् । आ । मघऽवा । मर्त्याय । ब्रह्मण्यते । सुस्वये । वरिवः । धात् ॥
Padapatha Transcription Accented
sáḥ ǀ vṛtra-hátye ǀ hávyaḥ ǀ sáḥ ǀ ī́ḍyaḥ ǀ sáḥ ǀ sú-stutaḥ ǀ índraḥ ǀ satyá-rādhāḥ ǀ
sáḥ ǀ yā́man ǀ ā́ ǀ maghá-vā ǀ mártyāya ǀ brahmaṇyaté ǀ súsvaye ǀ várivaḥ ǀ dhāt ǁ
Padapatha Transcription Nonaccented
saḥ ǀ vṛtra-hatye ǀ havyaḥ ǀ saḥ ǀ īḍyaḥ ǀ saḥ ǀ su-stutaḥ ǀ indraḥ ǀ satya-rādhāḥ ǀ
saḥ ǀ yāman ǀ ā ǀ magha-vā ǀ martyāya ǀ brahmaṇyate ǀ susvaye ǀ varivaḥ ǀ dhāt ǁ
04.024.03 (Mandala. Sukta. Rik)
3.6.11.03 (Ashtaka. Adhyaya. Varga. Rik)
04.03.025 (Mandala. Anuvāka. Rik)
Samhita Devanagari Accented
तमिन्नरो॒ वि ह्व॑यंते समी॒के रि॑रि॒क्वांस॑स्त॒न्वः॑ कृण्वत॒ त्रां ।
मि॒थो यत्त्या॒गमु॒भया॑सो॒ अग्म॒न्नर॑स्तो॒कस्य॒ तन॑यस्य सा॒तौ ॥
Samhita Devanagari Nonaccented
तमिन्नरो वि ह्वयंते समीके रिरिक्वांसस्तन्वः कृण्वत त्रां ।
मिथो यत्त्यागमुभयासो अग्मन्नरस्तोकस्य तनयस्य सातौ ॥
Samhita Transcription Accented
támínnáro ví hvayante samīké ririkvā́ṃsastanváḥ kṛṇvata trā́m ǀ
mithó yáttyāgámubháyāso ágmannárastokásya tánayasya sātáu ǁ
Samhita Transcription Nonaccented
taminnaro vi hvayante samīke ririkvāṃsastanvaḥ kṛṇvata trām ǀ
mitho yattyāgamubhayāso agmannarastokasya tanayasya sātau ǁ
Padapatha Devanagari Accented
तम् । इत् । नरः॑ । वि । ह्व॒य॒न्ते॒ । स॒म्ऽई॒के । रि॒रि॒क्वांसः॑ । त॒न्वः॑ । कृ॒ण्व॒त॒ । त्राम् ।
मि॒थः । यत् । त्या॒गम् । उ॒भया॑सः । अग्म॑न् । नरः॑ । तो॒कस्य॑ । तन॑यस्य । सा॒तौ ॥
Padapatha Devanagari Nonaccented
तम् । इत् । नरः । वि । ह्वयन्ते । सम्ऽईके । रिरिक्वांसः । तन्वः । कृण्वत । त्राम् ।
मिथः । यत् । त्यागम् । उभयासः । अग्मन् । नरः । तोकस्य । तनयस्य । सातौ ॥
Padapatha Transcription Accented
tám ǀ ít ǀ náraḥ ǀ ví ǀ hvayante ǀ sam-īké ǀ ririkvā́ṃsaḥ ǀ tanváḥ ǀ kṛṇvata ǀ trā́m ǀ
mitháḥ ǀ yát ǀ tyāgám ǀ ubháyāsaḥ ǀ ágman ǀ náraḥ ǀ tokásya ǀ tánayasya ǀ sātáu ǁ
Padapatha Transcription Nonaccented
tam ǀ it ǀ naraḥ ǀ vi ǀ hvayante ǀ sam-īke ǀ ririkvāṃsaḥ ǀ tanvaḥ ǀ kṛṇvata ǀ trām ǀ
mithaḥ ǀ yat ǀ tyāgam ǀ ubhayāsaḥ ǀ agman ǀ naraḥ ǀ tokasya ǀ tanayasya ǀ sātau ǁ
04.024.04 (Mandala. Sukta. Rik)
3.6.11.04 (Ashtaka. Adhyaya. Varga. Rik)
04.03.026 (Mandala. Anuvāka. Rik)
Samhita Devanagari Accented
क्र॒तू॒यंति॑ क्षि॒तयो॒ योग॑ उग्राशुषा॒णासो॑ मि॒थो अर्ण॑सातौ ।
सं यद्विशोऽव॑वृत्रंत यु॒ध्मा आदिन्नेम॑ इंद्रयंते अ॒भीके॑ ॥
Samhita Devanagari Nonaccented
क्रतूयंति क्षितयो योग उग्राशुषाणासो मिथो अर्णसातौ ।
सं यद्विशोऽववृत्रंत युध्मा आदिन्नेम इंद्रयंते अभीके ॥
Samhita Transcription Accented
kratūyánti kṣitáyo yóga ugrāśuṣāṇā́so mithó árṇasātau ǀ
sám yádvíśó’vavṛtranta yudhmā́ ā́dínnéma indrayante abhī́ke ǁ
Samhita Transcription Nonaccented
kratūyanti kṣitayo yoga ugrāśuṣāṇāso mitho arṇasātau ǀ
sam yadviśo’vavṛtranta yudhmā ādinnema indrayante abhīke ǁ
Padapatha Devanagari Accented
क्र॒तु॒ऽयन्ति॑ । क्षि॒तयः॑ । योगे॑ । उ॒ग्र॒ । आ॒शु॒षा॒णासः॑ । मि॒थः । अर्ण॑ऽसातौ ।
सम् । यत् । विशः॑ । अव॑वृत्रन्त । यु॒ध्माः । आत् । इत् । नेमे॑ । इ॒न्द्र॒य॒न्ते॒ । अ॒भीके॑ ॥
Padapatha Devanagari Nonaccented
क्रतुऽयन्ति । क्षितयः । योगे । उग्र । आशुषाणासः । मिथः । अर्णऽसातौ ।
सम् । यत् । विशः । अववृत्रन्त । युध्माः । आत् । इत् । नेमे । इन्द्रयन्ते । अभीके ॥
Padapatha Transcription Accented
kratu-yánti ǀ kṣitáyaḥ ǀ yóge ǀ ugra ǀ āśuṣāṇā́saḥ ǀ mitháḥ ǀ árṇa-sātau ǀ
sám ǀ yát ǀ víśaḥ ǀ ávavṛtranta ǀ yudhmā́ḥ ǀ ā́t ǀ ít ǀ néme ǀ indrayante ǀ abhī́ke ǁ
Padapatha Transcription Nonaccented
kratu-yanti ǀ kṣitayaḥ ǀ yoge ǀ ugra ǀ āśuṣāṇāsaḥ ǀ mithaḥ ǀ arṇa-sātau ǀ
sam ǀ yat ǀ viśaḥ ǀ avavṛtranta ǀ yudhmāḥ ǀ āt ǀ it ǀ neme ǀ indrayante ǀ abhīke ǁ
04.024.05 (Mandala. Sukta. Rik)
3.6.11.05 (Ashtaka. Adhyaya. Varga. Rik)
04.03.027 (Mandala. Anuvāka. Rik)
Samhita Devanagari Accented
आदिद्ध॒ नेम॑ इंद्रि॒यं य॑जंत॒ आदित्प॒क्तिः पु॑रो॒ळाशं॑ रिरिच्यात् ।
आदित्सोमो॒ वि प॑पृच्या॒दसु॑ष्वी॒नादिज्जु॑जोष वृष॒भं यज॑ध्यै ॥
Samhita Devanagari Nonaccented
आदिद्ध नेम इंद्रियं यजंत आदित्पक्तिः पुरोळाशं रिरिच्यात् ।
आदित्सोमो वि पपृच्यादसुष्वीनादिज्जुजोष वृषभं यजध्यै ॥
Samhita Transcription Accented
ā́díddha néma indriyám yajanta ā́dítpaktíḥ puroḷā́śam riricyāt ǀ
ā́dítsómo ví papṛcyādásuṣvīnā́díjjujoṣa vṛṣabhám yájadhyai ǁ
Samhita Transcription Nonaccented
ādiddha nema indriyam yajanta āditpaktiḥ puroḷāśam riricyāt ǀ
āditsomo vi papṛcyādasuṣvīnādijjujoṣa vṛṣabham yajadhyai ǁ
Padapatha Devanagari Accented
आत् । इत् । ह॒ । नेमे॑ । इ॒न्द्रि॒यम् । य॒ज॒न्ते॒ । आत् । इत् । प॒क्तिः । पु॒रो॒ळाश॑म् । रि॒रि॒च्या॒त् ।
आत् । इत् । सोमः॑ । वि । प॒पृ॒च्या॒त् । असु॑स्वीन् । आत् । इत् । जु॒जो॒ष॒ । वृ॒ष॒भम् । यज॑ध्यै ॥
Padapatha Devanagari Nonaccented
आत् । इत् । ह । नेमे । इन्द्रियम् । यजन्ते । आत् । इत् । पक्तिः । पुरोळाशम् । रिरिच्यात् ।
आत् । इत् । सोमः । वि । पपृच्यात् । असुस्वीन् । आत् । इत् । जुजोष । वृषभम् । यजध्यै ॥
Padapatha Transcription Accented
ā́t ǀ ít ǀ ha ǀ néme ǀ indriyám ǀ yajante ǀ ā́t ǀ ít ǀ paktíḥ ǀ puroḷā́śam ǀ riricyāt ǀ
ā́t ǀ ít ǀ sómaḥ ǀ ví ǀ papṛcyāt ǀ ásusvīn ǀ ā́t ǀ ít ǀ jujoṣa ǀ vṛṣabhám ǀ yájadhyai ǁ
Padapatha Transcription Nonaccented
āt ǀ it ǀ ha ǀ neme ǀ indriyam ǀ yajante ǀ āt ǀ it ǀ paktiḥ ǀ puroḷāśam ǀ riricyāt ǀ
āt ǀ it ǀ somaḥ ǀ vi ǀ papṛcyāt ǀ asusvīn ǀ āt ǀ it ǀ jujoṣa ǀ vṛṣabham ǀ yajadhyai ǁ
04.024.06 (Mandala. Sukta. Rik)
3.6.12.01 (Ashtaka. Adhyaya. Varga. Rik)
04.03.028 (Mandala. Anuvāka. Rik)
Samhita Devanagari Accented
कृ॒णोत्य॑स्मै॒ वरि॑वो॒ य इ॒त्थेंद्रा॑य॒ सोम॑मुश॒ते सु॒नोति॑ ।
स॒ध्री॒चीने॑न॒ मन॒सावि॑वेनं॒तमित्सखा॑यं कृणुते स॒मत्सु॑ ॥
Samhita Devanagari Nonaccented
कृणोत्यस्मै वरिवो य इत्थेंद्राय सोममुशते सुनोति ।
सध्रीचीनेन मनसाविवेनंतमित्सखायं कृणुते समत्सु ॥
Samhita Transcription Accented
kṛṇótyasmai várivo yá itthéndrāya sómamuśaté sunóti ǀ
sadhrīcī́nena mánasā́vivenantámítsákhāyam kṛṇute samátsu ǁ
Samhita Transcription Nonaccented
kṛṇotyasmai varivo ya itthendrāya somamuśate sunoti ǀ
sadhrīcīnena manasāvivenantamitsakhāyam kṛṇute samatsu ǁ
Padapatha Devanagari Accented
कृ॒णोति॑ । अ॒स्मै॒ । वरि॑वः । यः । इ॒त्था । इन्द्रा॑य । सोम॑म् । उ॒श॒ते । सु॒नोति॑ ।
स॒ध्री॒चीने॑न । मन॑सा । अवि॑ऽवेनन् । तम् । इत् । सखा॑यम् । कृ॒णु॒ते॒ । स॒मत्ऽसु॑ ॥
Padapatha Devanagari Nonaccented
कृणोति । अस्मै । वरिवः । यः । इत्था । इन्द्राय । सोमम् । उशते । सुनोति ।
सध्रीचीनेन । मनसा । अविऽवेनन् । तम् । इत् । सखायम् । कृणुते । समत्ऽसु ॥
Padapatha Transcription Accented
kṛṇóti ǀ asmai ǀ várivaḥ ǀ yáḥ ǀ itthā́ ǀ índrāya ǀ sómam ǀ uśaté ǀ sunóti ǀ
sadhrīcī́nena ǀ mánasā ǀ ávi-venan ǀ tám ǀ ít ǀ sákhāyam ǀ kṛṇute ǀ samát-su ǁ
Padapatha Transcription Nonaccented
kṛṇoti ǀ asmai ǀ varivaḥ ǀ yaḥ ǀ itthā ǀ indrāya ǀ somam ǀ uśate ǀ sunoti ǀ
sadhrīcīnena ǀ manasā ǀ avi-venan ǀ tam ǀ it ǀ sakhāyam ǀ kṛṇute ǀ samat-su ǁ
04.024.07 (Mandala. Sukta. Rik)
3.6.12.02 (Ashtaka. Adhyaya. Varga. Rik)
04.03.029 (Mandala. Anuvāka. Rik)
Samhita Devanagari Accented
य इंद्रा॑य सु॒नव॒त्सोम॑म॒द्य पचा॑त्प॒क्तीरु॒त भृ॒ज्जाति॑ धा॒नाः ।
प्रति॑ मना॒योरु॒चथा॑नि॒ हर्यं॒तस्मिं॑दध॒द्वृष॑णं॒ शुष्म॒मिंद्रः॑ ॥
Samhita Devanagari Nonaccented
य इंद्राय सुनवत्सोममद्य पचात्पक्तीरुत भृज्जाति धानाः ।
प्रति मनायोरुचथानि हर्यंतस्मिंदधद्वृषणं शुष्ममिंद्रः ॥
Samhita Transcription Accented
yá índrāya sunávatsómamadyá pácātpaktī́rutá bhṛjjā́ti dhānā́ḥ ǀ
práti manāyórucáthāni háryantásmindadhadvṛ́ṣaṇam śúṣmamíndraḥ ǁ
Samhita Transcription Nonaccented
ya indrāya sunavatsomamadya pacātpaktīruta bhṛjjāti dhānāḥ ǀ
prati manāyorucathāni haryantasmindadhadvṛṣaṇam śuṣmamindraḥ ǁ
Padapatha Devanagari Accented
यः । इन्द्रा॑य । सु॒नव॑त् । सोम॑म् । अ॒द्य । पचा॑त् । प॒क्तीः । उ॒त । भृ॒ज्जाति॑ । धा॒नाः ।
प्रति॑ । म॒ना॒योः । उ॒चथा॑नि । हर्य॑न् । तस्मि॑न् । द॒ध॒त् । वृष॑णम् । शुष्म॑म् । इन्द्रः॑ ॥
Padapatha Devanagari Nonaccented
यः । इन्द्राय । सुनवत् । सोमम् । अद्य । पचात् । पक्तीः । उत । भृज्जाति । धानाः ।
प्रति । मनायोः । उचथानि । हर्यन् । तस्मिन् । दधत् । वृषणम् । शुष्मम् । इन्द्रः ॥
Padapatha Transcription Accented
yáḥ ǀ índrāya ǀ sunávat ǀ sómam ǀ adyá ǀ pácāt ǀ paktī́ḥ ǀ utá ǀ bhṛjjā́ti ǀ dhānā́ḥ ǀ
práti ǀ manāyóḥ ǀ ucáthāni ǀ háryan ǀ tásmin ǀ dadhat ǀ vṛ́ṣaṇam ǀ śúṣmam ǀ índraḥ ǁ
Padapatha Transcription Nonaccented
yaḥ ǀ indrāya ǀ sunavat ǀ somam ǀ adya ǀ pacāt ǀ paktīḥ ǀ uta ǀ bhṛjjāti ǀ dhānāḥ ǀ
prati ǀ manāyoḥ ǀ ucathāni ǀ haryan ǀ tasmin ǀ dadhat ǀ vṛṣaṇam ǀ śuṣmam ǀ indraḥ ǁ
04.024.08 (Mandala. Sukta. Rik)
3.6.12.03 (Ashtaka. Adhyaya. Varga. Rik)
04.03.030 (Mandala. Anuvāka. Rik)
Samhita Devanagari Accented
य॒दा स॑म॒र्यं व्यचे॒दृघा॑वा दी॒र्घं यदा॒जिम॒भ्यख्य॑द॒र्यः ।
अचि॑क्रद॒द्वृष॑णं॒ पत्न्यच्छा॑ दुरो॒ण आ निशि॑तं सोम॒सुद्भिः॑ ॥
Samhita Devanagari Nonaccented
यदा समर्यं व्यचेदृघावा दीर्घं यदाजिमभ्यख्यदर्यः ।
अचिक्रदद्वृषणं पत्न्यच्छा दुरोण आ निशितं सोमसुद्भिः ॥
Samhita Transcription Accented
yadā́ samaryám vyácedṛ́ghāvā dīrghám yádājímabhyákhyadaryáḥ ǀ
ácikradadvṛ́ṣaṇam pátnyácchā duroṇá ā́ níśitam somasúdbhiḥ ǁ
Samhita Transcription Nonaccented
yadā samaryam vyacedṛghāvā dīrgham yadājimabhyakhyadaryaḥ ǀ
acikradadvṛṣaṇam patnyacchā duroṇa ā niśitam somasudbhiḥ ǁ
Padapatha Devanagari Accented
य॒दा । स॒ऽम॒र्यम् । वि । अचे॑त् । ऋघा॑वा । दी॒र्घम् । यत् । आ॒जिम् । अ॒भि । अख्य॑त् । अ॒र्यः ।
अचि॑क्रदत् । वृष॑णम् । पत्नी॑ । अच्छ॑ । दु॒रो॒णे । आ । निऽशि॑तम् । सो॒म॒सुत्ऽभिः॑ ॥
Padapatha Devanagari Nonaccented
यदा । सऽमर्यम् । वि । अचेत् । ऋघावा । दीर्घम् । यत् । आजिम् । अभि । अख्यत् । अर्यः ।
अचिक्रदत् । वृषणम् । पत्नी । अच्छ । दुरोणे । आ । निऽशितम् । सोमसुत्ऽभिः ॥
Padapatha Transcription Accented
yadā́ ǀ sa-maryám ǀ ví ǀ ácet ǀ ṛ́ghāvā ǀ dīrghám ǀ yát ǀ ājím ǀ abhí ǀ ákhyat ǀ aryáḥ ǀ
ácikradat ǀ vṛ́ṣaṇam ǀ pátnī ǀ áccha ǀ duroṇé ǀ ā́ ǀ ní-śitam ǀ somasút-bhiḥ ǁ
Padapatha Transcription Nonaccented
yadā ǀ sa-maryam ǀ vi ǀ acet ǀ ṛghāvā ǀ dīrgham ǀ yat ǀ ājim ǀ abhi ǀ akhyat ǀ aryaḥ ǀ
acikradat ǀ vṛṣaṇam ǀ patnī ǀ accha ǀ duroṇe ǀ ā ǀ ni-śitam ǀ somasut-bhiḥ ǁ
04.024.09 (Mandala. Sukta. Rik)
3.6.12.04 (Ashtaka. Adhyaya. Varga. Rik)
04.03.031 (Mandala. Anuvāka. Rik)
Samhita Devanagari Accented
भूय॑सा व॒स्नम॑चर॒त्कनी॒योऽवि॑क्रीतो अकानिषं॒ पुन॒र्यन् ।
स भूय॑सा॒ कनी॑यो॒ नारि॑रेचीद्दी॒ना दक्षा॒ वि दु॑हंति॒ प्र वा॒णं ॥
Samhita Devanagari Nonaccented
भूयसा वस्नमचरत्कनीयोऽविक्रीतो अकानिषं पुनर्यन् ।
स भूयसा कनीयो नारिरेचीद्दीना दक्षा वि दुहंति प्र वाणं ॥
Samhita Transcription Accented
bhū́yasā vasnámacaratkánīyó’vikrīto akāniṣam púnaryán ǀ
sá bhū́yasā kánīyo nā́rirecīddīnā́ dákṣā ví duhanti prá vāṇám ǁ
Samhita Transcription Nonaccented
bhūyasā vasnamacaratkanīyo’vikrīto akāniṣam punaryan ǀ
sa bhūyasā kanīyo nārirecīddīnā dakṣā vi duhanti pra vāṇam ǁ
Padapatha Devanagari Accented
भूय॑सा । व॒स्नम् । अ॒च॒र॒त् । कनी॑यः । अवि॑ऽक्रीतः । अ॒का॒नि॒ष॒म् । पुनः॑ । यन् ।
सः । भूय॑सा । कनी॑यः । न । अ॒रि॒रे॒ची॒त् । दी॒नाः । दक्षाः॑ । वि । दु॒ह॒न्ति॒ । प्र । वा॒णम् ॥
Padapatha Devanagari Nonaccented
भूयसा । वस्नम् । अचरत् । कनीयः । अविऽक्रीतः । अकानिषम् । पुनः । यन् ।
सः । भूयसा । कनीयः । न । अरिरेचीत् । दीनाः । दक्षाः । वि । दुहन्ति । प्र । वाणम् ॥
Padapatha Transcription Accented
bhū́yasā ǀ vasnám ǀ acarat ǀ kánīyaḥ ǀ ávi-krītaḥ ǀ akāniṣam ǀ púnaḥ ǀ yán ǀ
sáḥ ǀ bhū́yasā ǀ kánīyaḥ ǀ ná ǀ arirecīt ǀ dīnā́ḥ ǀ dákṣāḥ ǀ ví ǀ duhanti ǀ prá ǀ vāṇám ǁ
Padapatha Transcription Nonaccented
bhūyasā ǀ vasnam ǀ acarat ǀ kanīyaḥ ǀ avi-krītaḥ ǀ akāniṣam ǀ punaḥ ǀ yan ǀ
saḥ ǀ bhūyasā ǀ kanīyaḥ ǀ na ǀ arirecīt ǀ dīnāḥ ǀ dakṣāḥ ǀ vi ǀ duhanti ǀ pra ǀ vāṇam ǁ
04.024.10 (Mandala. Sukta. Rik)
3.6.12.05 (Ashtaka. Adhyaya. Varga. Rik)
04.03.032 (Mandala. Anuvāka. Rik)
Samhita Devanagari Accented
क इ॒मं द॒शभि॒र्ममेंद्रं॑ क्रीणाति धे॒नुभिः॑ ।
य॒दा वृ॒त्राणि॒ जंघ॑न॒दथै॑नं मे॒ पुन॑र्ददत् ॥
Samhita Devanagari Nonaccented
क इमं दशभिर्ममेंद्रं क्रीणाति धेनुभिः ।
यदा वृत्राणि जंघनदथैनं मे पुनर्ददत् ॥
Samhita Transcription Accented
ká imám daśábhirmáméndram krīṇāti dhenúbhiḥ ǀ
yadā́ vṛtrā́ṇi jáṅghanadáthainam me púnardadat ǁ
Samhita Transcription Nonaccented
ka imam daśabhirmamendram krīṇāti dhenubhiḥ ǀ
yadā vṛtrāṇi jaṅghanadathainam me punardadat ǁ
Padapatha Devanagari Accented
कः । इ॒मम् । द॒शऽभिः॑ । मम॑ । इन्द्र॑म् । क्री॒णा॒ति॒ । धे॒नुऽभिः॑ ।
य॒दा । वृ॒त्राणि॑ । जङ्घ॑नत् । अथ॑ । ए॒न॒म् । मे॒ । पुनः॑ । द॒द॒त् ॥
Padapatha Devanagari Nonaccented
कः । इमम् । दशऽभिः । मम । इन्द्रम् । क्रीणाति । धेनुऽभिः ।
यदा । वृत्राणि । जङ्घनत् । अथ । एनम् । मे । पुनः । ददत् ॥
Padapatha Transcription Accented
káḥ ǀ imám ǀ daśá-bhiḥ ǀ máma ǀ índram ǀ krīṇāti ǀ dhenú-bhiḥ ǀ
yadā́ ǀ vṛtrā́ṇi ǀ jáṅghanat ǀ átha ǀ enam ǀ me ǀ púnaḥ ǀ dadat ǁ
Padapatha Transcription Nonaccented
kaḥ ǀ imam ǀ daśa-bhiḥ ǀ mama ǀ indram ǀ krīṇāti ǀ dhenu-bhiḥ ǀ
yadā ǀ vṛtrāṇi ǀ jaṅghanat ǀ atha ǀ enam ǀ me ǀ punaḥ ǀ dadat ǁ
04.024.11 (Mandala. Sukta. Rik)
3.6.12.06 (Ashtaka. Adhyaya. Varga. Rik)
04.03.033 (Mandala. Anuvāka. Rik)
Samhita Devanagari Accented
नू ष्टु॒त इं॑द्र॒ नू गृ॑णा॒न इषं॑ जरि॒त्रे न॒द्यो॒३॒॑ न पी॑पेः ।
अका॑रि ते हरिवो॒ ब्रह्म॒ नव्यं॑ धि॒या स्या॑म र॒थ्यः॑ सदा॒साः ॥
Samhita Devanagari Nonaccented
नू ष्टुत इंद्र नू गृणान इषं जरित्रे नद्यो न पीपेः ।
अकारि ते हरिवो ब्रह्म नव्यं धिया स्याम रथ्यः सदासाः ॥
Samhita Transcription Accented
nū́ ṣṭutá indra nū́ gṛṇāná íṣam jaritré nadyó ná pīpeḥ ǀ
ákāri te harivo bráhma návyam dhiyā́ syāma rathyáḥ sadāsā́ḥ ǁ
Samhita Transcription Nonaccented
nū ṣṭuta indra nū gṛṇāna iṣam jaritre nadyo na pīpeḥ ǀ
akāri te harivo brahma navyam dhiyā syāma rathyaḥ sadāsāḥ ǁ
Padapatha Devanagari Accented
नु । स्तु॒तः । इ॒न्द्र॒ । नु । गृ॒णा॒नः । इष॑म् । ज॒रि॒त्रे । न॒द्यः॑ । न । पी॒पे॒रिति॑ पीपेः ।
अका॑रि । ते॒ । ह॒रि॒ऽवः॒ । ब्रह्म॑ । नव्य॑म् । धि॒या । स्या॒म॒ । र॒थ्यः॑ । स॒दा॒ऽसाः ॥
Padapatha Devanagari Nonaccented
नु । स्तुतः । इन्द्र । नु । गृणानः । इषम् । जरित्रे । नद्यः । न । पीपेरिति पीपेः ।
अकारि । ते । हरिऽवः । ब्रह्म । नव्यम् । धिया । स्याम । रथ्यः । सदाऽसाः ॥
Padapatha Transcription Accented
nú ǀ stutáḥ ǀ indra ǀ nú ǀ gṛṇānáḥ ǀ íṣam ǀ jaritré ǀ nadyáḥ ǀ ná ǀ pīperíti pīpeḥ ǀ
ákāri ǀ te ǀ hari-vaḥ ǀ bráhma ǀ návyam ǀ dhiyā́ ǀ syāma ǀ rathyáḥ ǀ sadā-sā́ḥ ǁ
Padapatha Transcription Nonaccented
nu ǀ stutaḥ ǀ indra ǀ nu ǀ gṛṇānaḥ ǀ iṣam ǀ jaritre ǀ nadyaḥ ǀ na ǀ pīperiti pīpeḥ ǀ
akāri ǀ te ǀ hari-vaḥ ǀ brahma ǀ navyam ǀ dhiyā ǀ syāma ǀ rathyaḥ ǀ sadā-sāḥ ǁ