|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 4
Sūkta 25
|
1. Info |
| To: | indra | |
| From: | vāmadeva gautama | |
| Metres: | 1st set of styles: nicṛttriṣṭup (3, 5, 7); svarāṭpaṅkti (2, 8); bhurikpaṅkti (4, 6); nicṛtpaṅkti (1) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
04.025.01 (Mandala. Sukta. Rik)
3.6.13.01 (Ashtaka. Adhyaya. Varga. Rik)
04.03.034 (Mandala. Anuvāka. Rik)
Samhita Devanagari Accented
को अ॒द्य नर्यो॑ दे॒वका॑म उ॒शन्निंद्र॑स्य स॒ख्यं जु॑जोष ।
को वा॑ म॒हेऽव॑से॒ पार्या॑य॒ समि॑द्धे अ॒ग्नौ सु॒तसो॑म ईट्टे ॥
Samhita Devanagari Nonaccented
को अद्य नर्यो देवकाम उशन्निंद्रस्य सख्यं जुजोष ।
को वा महेऽवसे पार्याय समिद्धे अग्नौ सुतसोम ईट्टे ॥
Samhita Transcription Accented
kó adyá náryo devákāma uśánníndrasya sakhyám jujoṣa ǀ
kó vā mahé’vase pā́ryāya sámiddhe agnáu sutásoma īṭṭe ǁ
Samhita Transcription Nonaccented
ko adya naryo devakāma uśannindrasya sakhyam jujoṣa ǀ
ko vā mahe’vase pāryāya samiddhe agnau sutasoma īṭṭe ǁ
Padapatha Devanagari Accented
कः । अ॒द्य । नर्यः॑ । दे॒वऽका॑मः । उ॒शन् । इन्द्र॑स्य । स॒ख्यम् । जु॒जो॒ष॒ ।
कः । वा॒ । म॒हे । अव॑से । पार्या॑य । सम्ऽइ॑द्धे । अ॒ग्नौ । सु॒तऽसो॑मः । ई॒ट्टे॒ ॥
Padapatha Devanagari Nonaccented
कः । अद्य । नर्यः । देवऽकामः । उशन् । इन्द्रस्य । सख्यम् । जुजोष ।
कः । वा । महे । अवसे । पार्याय । सम्ऽइद्धे । अग्नौ । सुतऽसोमः । ईट्टे ॥
Padapatha Transcription Accented
káḥ ǀ adyá ǀ náryaḥ ǀ devá-kāmaḥ ǀ uśán ǀ índrasya ǀ sakhyám ǀ jujoṣa ǀ
káḥ ǀ vā ǀ mahé ǀ ávase ǀ pā́ryāya ǀ sám-iddhe ǀ agnáu ǀ sutá-somaḥ ǀ īṭṭe ǁ
Padapatha Transcription Nonaccented
kaḥ ǀ adya ǀ naryaḥ ǀ deva-kāmaḥ ǀ uśan ǀ indrasya ǀ sakhyam ǀ jujoṣa ǀ
kaḥ ǀ vā ǀ mahe ǀ avase ǀ pāryāya ǀ sam-iddhe ǀ agnau ǀ suta-somaḥ ǀ īṭṭe ǁ
04.025.02 (Mandala. Sukta. Rik)
3.6.13.02 (Ashtaka. Adhyaya. Varga. Rik)
04.03.035 (Mandala. Anuvāka. Rik)
Samhita Devanagari Accented
को ना॑नाम॒ वच॑सा सो॒म्याय॑ मना॒युर्वा॑ भवति॒ वस्त॑ उ॒स्राः ।
क इंद्र॑स्य॒ युज्यं॒ कः स॑खि॒त्वं को भ्रा॒त्रं व॑ष्टि क॒वये॒ क ऊ॒ती ॥
Samhita Devanagari Nonaccented
को नानाम वचसा सोम्याय मनायुर्वा भवति वस्त उस्राः ।
क इंद्रस्य युज्यं कः सखित्वं को भ्रात्रं वष्टि कवये क ऊती ॥
Samhita Transcription Accented
kó nānāma vácasā somyā́ya manāyúrvā bhavati vásta usrā́ḥ ǀ
ká índrasya yújyam káḥ sakhitvám kó bhrātrám vaṣṭi kaváye ká ūtī́ ǁ
Samhita Transcription Nonaccented
ko nānāma vacasā somyāya manāyurvā bhavati vasta usrāḥ ǀ
ka indrasya yujyam kaḥ sakhitvam ko bhrātram vaṣṭi kavaye ka ūtī ǁ
Padapatha Devanagari Accented
कः । न॒ना॒म॒ । वच॑सा । सो॒म्याय॑ । म॒ना॒युः । वा॒ । भ॒व॒ति॒ । वस्ते॑ । उ॒स्राः ।
कः । इन्द्र॑स्य । युज्य॑म् । कः । स॒खि॒ऽत्वम् । कः । भ्रा॒त्रम् । व॒ष्टि॒ । क॒वये॑ । कः । ऊ॒ती ॥
Padapatha Devanagari Nonaccented
कः । ननाम । वचसा । सोम्याय । मनायुः । वा । भवति । वस्ते । उस्राः ।
कः । इन्द्रस्य । युज्यम् । कः । सखिऽत्वम् । कः । भ्रात्रम् । वष्टि । कवये । कः । ऊती ॥
Padapatha Transcription Accented
káḥ ǀ nanāma ǀ vácasā ǀ somyā́ya ǀ manāyúḥ ǀ vā ǀ bhavati ǀ váste ǀ usrā́ḥ ǀ
káḥ ǀ índrasya ǀ yújyam ǀ káḥ ǀ sakhi-tvám ǀ káḥ ǀ bhrātrám ǀ vaṣṭi ǀ kaváye ǀ káḥ ǀ ūtī́ ǁ
Padapatha Transcription Nonaccented
kaḥ ǀ nanāma ǀ vacasā ǀ somyāya ǀ manāyuḥ ǀ vā ǀ bhavati ǀ vaste ǀ usrāḥ ǀ
kaḥ ǀ indrasya ǀ yujyam ǀ kaḥ ǀ sakhi-tvam ǀ kaḥ ǀ bhrātram ǀ vaṣṭi ǀ kavaye ǀ kaḥ ǀ ūtī ǁ
04.025.03 (Mandala. Sukta. Rik)
3.6.13.03 (Ashtaka. Adhyaya. Varga. Rik)
04.03.036 (Mandala. Anuvāka. Rik)
Samhita Devanagari Accented
को दे॒वाना॒मवो॑ अ॒द्या वृ॑णीते॒ क आ॑दि॒त्याँ अदि॑तिं॒ ज्योति॑रीट्टे ।
कस्या॒श्विना॒विंद्रो॑ अ॒ग्निः सु॒तस्यां॒शोः पि॑बंति॒ मन॒सावि॑वेनं ॥
Samhita Devanagari Nonaccented
को देवानामवो अद्या वृणीते क आदित्याँ अदितिं ज्योतिरीट्टे ।
कस्याश्विनाविंद्रो अग्निः सुतस्यांशोः पिबंति मनसाविवेनं ॥
Samhita Transcription Accented
kó devā́nāmávo adyā́ vṛṇīte ká ādityā́m̐ áditim jyótirīṭṭe ǀ
kásyāśvínāvíndro agníḥ sutásyāṃśóḥ pibanti mánasā́vivenam ǁ
Samhita Transcription Nonaccented
ko devānāmavo adyā vṛṇīte ka ādityām̐ aditim jyotirīṭṭe ǀ
kasyāśvināvindro agniḥ sutasyāṃśoḥ pibanti manasāvivenam ǁ
Padapatha Devanagari Accented
कः । दे॒वाना॑म् । अवः॑ । अ॒द्य । वृ॒णी॒ते । कः । आ॒दि॒त्यान् । अदि॑तिम् । ज्योतिः॑ । ई॒ट्टे॒ ।
कस्य॑ । अ॒श्विनौ॑ । इन्द्रः॑ । अ॒ग्निः । सु॒तस्य॑ । अं॒शोः । पि॒ब॒न्ति॒ । मन॑सा । अवि॑ऽवेनम् ॥
Padapatha Devanagari Nonaccented
कः । देवानाम् । अवः । अद्य । वृणीते । कः । आदित्यान् । अदितिम् । ज्योतिः । ईट्टे ।
कस्य । अश्विनौ । इन्द्रः । अग्निः । सुतस्य । अंशोः । पिबन्ति । मनसा । अविऽवेनम् ॥
Padapatha Transcription Accented
káḥ ǀ devā́nām ǀ ávaḥ ǀ adyá ǀ vṛṇīté ǀ káḥ ǀ ādityā́n ǀ áditim ǀ jyótiḥ ǀ īṭṭe ǀ
kásya ǀ aśvínau ǀ índraḥ ǀ agníḥ ǀ sutásya ǀ aṃśóḥ ǀ pibanti ǀ mánasā ǀ ávi-venam ǁ
Padapatha Transcription Nonaccented
kaḥ ǀ devānām ǀ avaḥ ǀ adya ǀ vṛṇīte ǀ kaḥ ǀ ādityān ǀ aditim ǀ jyotiḥ ǀ īṭṭe ǀ
kasya ǀ aśvinau ǀ indraḥ ǀ agniḥ ǀ sutasya ǀ aṃśoḥ ǀ pibanti ǀ manasā ǀ avi-venam ǁ
04.025.04 (Mandala. Sukta. Rik)
3.6.13.04 (Ashtaka. Adhyaya. Varga. Rik)
04.03.037 (Mandala. Anuvāka. Rik)
Samhita Devanagari Accented
तस्मा॑ अ॒ग्निर्भार॑तः॒ शर्म॑ यंस॒ज्ज्योक्प॑श्या॒त्सूर्य॑मु॒च्चरं॑तं ।
य इंद्रा॑य सु॒नवा॒मेत्याह॒ नरे॒ नर्या॑य॒ नृत॑माय नृ॒णां ॥
Samhita Devanagari Nonaccented
तस्मा अग्निर्भारतः शर्म यंसज्ज्योक्पश्यात्सूर्यमुच्चरंतं ।
य इंद्राय सुनवामेत्याह नरे नर्याय नृतमाय नृणां ॥
Samhita Transcription Accented
tásmā agnírbhā́rataḥ śárma yaṃsajjyókpaśyātsū́ryamuccárantam ǀ
yá índrāya sunávāmétyā́ha náre náryāya nṛ́tamāya nṛṇā́m ǁ
Samhita Transcription Nonaccented
tasmā agnirbhārataḥ śarma yaṃsajjyokpaśyātsūryamuccarantam ǀ
ya indrāya sunavāmetyāha nare naryāya nṛtamāya nṛṇām ǁ
Padapatha Devanagari Accented
तस्मै॑ । अ॒ग्निः । भार॑तः । शर्म॑ । यं॒स॒त् । ज्योक् । प॒श्या॒त् । सूर्य॑म् । उ॒त्ऽचर॑न्तम् ।
यः । इन्द्रा॑य । सु॒नवा॑म । इति॑ । आह॑ । नरे॑ । नर्या॑य । नृऽत॑माय । नृ॒णाम् ॥
Padapatha Devanagari Nonaccented
तस्मै । अग्निः । भारतः । शर्म । यंसत् । ज्योक् । पश्यात् । सूर्यम् । उत्ऽचरन्तम् ।
यः । इन्द्राय । सुनवाम । इति । आह । नरे । नर्याय । नृऽतमाय । नृणाम् ॥
Padapatha Transcription Accented
tásmai ǀ agníḥ ǀ bhā́rataḥ ǀ śárma ǀ yaṃsat ǀ jyók ǀ paśyāt ǀ sū́ryam ǀ ut-cárantam ǀ
yáḥ ǀ índrāya ǀ sunávāma ǀ íti ǀ ā́ha ǀ náre ǀ náryāya ǀ nṛ́-tamāya ǀ nṛṇā́m ǁ
Padapatha Transcription Nonaccented
tasmai ǀ agniḥ ǀ bhārataḥ ǀ śarma ǀ yaṃsat ǀ jyok ǀ paśyāt ǀ sūryam ǀ ut-carantam ǀ
yaḥ ǀ indrāya ǀ sunavāma ǀ iti ǀ āha ǀ nare ǀ naryāya ǀ nṛ-tamāya ǀ nṛṇām ǁ
04.025.05 (Mandala. Sukta. Rik)
3.6.13.05 (Ashtaka. Adhyaya. Varga. Rik)
04.03.038 (Mandala. Anuvāka. Rik)
Samhita Devanagari Accented
न तं जि॑नंति ब॒हवो॒ न द॒भ्रा उ॒र्व॑स्मा॒ अदि॑तिः॒ शर्म॑ यंसत् ।
प्रि॒यः सु॒कृत्प्रि॒य इंद्रे॑ मना॒युः प्रि॒यः सु॑प्रा॒वीः प्रि॒यो अ॑स्य सो॒मी ॥
Samhita Devanagari Nonaccented
न तं जिनंति बहवो न दभ्रा उर्वस्मा अदितिः शर्म यंसत् ।
प्रियः सुकृत्प्रिय इंद्रे मनायुः प्रियः सुप्रावीः प्रियो अस्य सोमी ॥
Samhita Transcription Accented
ná tám jinanti bahávo ná dabhrā́ urvásmā áditiḥ śárma yaṃsat ǀ
priyáḥ sukṛ́tpriyá índre manāyúḥ priyáḥ suprāvī́ḥ priyó asya somī́ ǁ
Samhita Transcription Nonaccented
na tam jinanti bahavo na dabhrā urvasmā aditiḥ śarma yaṃsat ǀ
priyaḥ sukṛtpriya indre manāyuḥ priyaḥ suprāvīḥ priyo asya somī ǁ
Padapatha Devanagari Accented
न । तम् । जि॒न॒न्ति॒ । ब॒हवः॑ । न । द॒भ्राः । उ॒रु । अ॒स्मै॒ । अदि॑तिः । शर्म॑ । यं॒स॒त् ।
प्रि॒यः । सु॒ऽकृत् । प्रि॒यः । इन्द्रे॑ । म॒ना॒युः । प्रि॒यः । सु॒प्र॒ऽअ॒वीः । प्रि॒यः । अ॒स्य॒ । सो॒मी ॥
Padapatha Devanagari Nonaccented
न । तम् । जिनन्ति । बहवः । न । दभ्राः । उरु । अस्मै । अदितिः । शर्म । यंसत् ।
प्रियः । सुऽकृत् । प्रियः । इन्द्रे । मनायुः । प्रियः । सुप्रऽअवीः । प्रियः । अस्य । सोमी ॥
Padapatha Transcription Accented
ná ǀ tám ǀ jinanti ǀ bahávaḥ ǀ ná ǀ dabhrā́ḥ ǀ urú ǀ asmai ǀ áditiḥ ǀ śárma ǀ yaṃsat ǀ
priyáḥ ǀ su-kṛ́t ǀ priyáḥ ǀ índre ǀ manāyúḥ ǀ priyáḥ ǀ supra-avī́ḥ ǀ priyáḥ ǀ asya ǀ somī́ ǁ
Padapatha Transcription Nonaccented
na ǀ tam ǀ jinanti ǀ bahavaḥ ǀ na ǀ dabhrāḥ ǀ uru ǀ asmai ǀ aditiḥ ǀ śarma ǀ yaṃsat ǀ
priyaḥ ǀ su-kṛt ǀ priyaḥ ǀ indre ǀ manāyuḥ ǀ priyaḥ ǀ supra-avīḥ ǀ priyaḥ ǀ asya ǀ somī ǁ
04.025.06 (Mandala. Sukta. Rik)
3.6.14.01 (Ashtaka. Adhyaya. Varga. Rik)
04.03.039 (Mandala. Anuvāka. Rik)
Samhita Devanagari Accented
सु॒प्रा॒व्यः॑ प्राशु॒षाळे॒ष वी॒रः सुष्वेः॑ प॒क्तिं कृ॑णुते॒ केव॒लेंद्रः॑ ।
नासु॑ष्वेरा॒पिर्न सखा॒ न जा॒मिर्दु॑ष्प्रा॒व्यो॑ऽवहं॒तेदवा॑चः ॥
Samhita Devanagari Nonaccented
सुप्राव्यः प्राशुषाळेष वीरः सुष्वेः पक्तिं कृणुते केवलेंद्रः ।
नासुष्वेरापिर्न सखा न जामिर्दुष्प्राव्योऽवहंतेदवाचः ॥
Samhita Transcription Accented
suprāvyáḥ prāśuṣā́ḷeṣá vīráḥ súṣveḥ paktím kṛṇute kévaléndraḥ ǀ
nā́suṣverāpírná sákhā ná jāmírduṣprāvyó’vahantédávācaḥ ǁ
Samhita Transcription Nonaccented
suprāvyaḥ prāśuṣāḷeṣa vīraḥ suṣveḥ paktim kṛṇute kevalendraḥ ǀ
nāsuṣverāpirna sakhā na jāmirduṣprāvyo’vahantedavācaḥ ǁ
Padapatha Devanagari Accented
सु॒प्र॒ऽअ॒व्यः॑ । प्रा॒शु॒षाट् । ए॒षः । वी॒रः । सुस्वेः॑ । प॒क्तिम् । कृ॒णु॒ते॒ । केव॑ला । इन्द्रः॑ ।
न । असु॑स्वेः । आ॒पिः । न । सखा॑ । न । जा॒मिः । दुः॒प्र॒ऽअ॒व्यः॑ । अ॒व॒ऽह॒न्ता । इत् । अवा॑चः ॥
Padapatha Devanagari Nonaccented
सुप्रऽअव्यः । प्राशुषाट् । एषः । वीरः । सुस्वेः । पक्तिम् । कृणुते । केवला । इन्द्रः ।
न । असुस्वेः । आपिः । न । सखा । न । जामिः । दुःप्रऽअव्यः । अवऽहन्ता । इत् । अवाचः ॥
Padapatha Transcription Accented
supra-avyáḥ ǀ prāśuṣā́ṭ ǀ eṣáḥ ǀ vīráḥ ǀ súsveḥ ǀ paktím ǀ kṛṇute ǀ kévalā ǀ índraḥ ǀ
ná ǀ ásusveḥ ǀ āpíḥ ǀ ná ǀ sákhā ǀ ná ǀ jāmíḥ ǀ duḥpra-avyáḥ ǀ ava-hantā́ ǀ ít ǀ ávācaḥ ǁ
Padapatha Transcription Nonaccented
supra-avyaḥ ǀ prāśuṣāṭ ǀ eṣaḥ ǀ vīraḥ ǀ susveḥ ǀ paktim ǀ kṛṇute ǀ kevalā ǀ indraḥ ǀ
na ǀ asusveḥ ǀ āpiḥ ǀ na ǀ sakhā ǀ na ǀ jāmiḥ ǀ duḥpra-avyaḥ ǀ ava-hantā ǀ it ǀ avācaḥ ǁ
04.025.07 (Mandala. Sukta. Rik)
3.6.14.02 (Ashtaka. Adhyaya. Varga. Rik)
04.03.040 (Mandala. Anuvāka. Rik)
Samhita Devanagari Accented
न रे॒वता॑ प॒णिना॑ स॒ख्यमिंद्रोऽसु॑न्वता सुत॒पाः सं गृ॑णीते ।
आस्य॒ वेदः॑ खि॒दति॒ हंति॑ न॒ग्नं वि सुष्व॑ये प॒क्तये॒ केव॑लो भूत् ॥
Samhita Devanagari Nonaccented
न रेवता पणिना सख्यमिंद्रोऽसुन्वता सुतपाः सं गृणीते ।
आस्य वेदः खिदति हंति नग्नं वि सुष्वये पक्तये केवलो भूत् ॥
Samhita Transcription Accented
ná revátā paṇínā sakhyámíndró’sunvatā sutapā́ḥ sám gṛṇīte ǀ
ā́sya védaḥ khidáti hánti nagnám ví súṣvaye paktáye kévalo bhūt ǁ
Samhita Transcription Nonaccented
na revatā paṇinā sakhyamindro’sunvatā sutapāḥ sam gṛṇīte ǀ
āsya vedaḥ khidati hanti nagnam vi suṣvaye paktaye kevalo bhūt ǁ
Padapatha Devanagari Accented
न । रे॒वता॑ । प॒णिना॑ । स॒ख्यम् । इन्द्रः॑ । असु॑न्वता । सु॒त॒ऽपाः । सम् । गृ॒णी॒ते॒ ।
आ । अ॒स्य॒ । वेदः॑ । खि॒दति॑ । हन्ति॑ । न॒ग्नम् । वि । सुस्व॑ये । प॒क्तये॑ । केव॑लः । भू॒त् ॥
Padapatha Devanagari Nonaccented
न । रेवता । पणिना । सख्यम् । इन्द्रः । असुन्वता । सुतऽपाः । सम् । गृणीते ।
आ । अस्य । वेदः । खिदति । हन्ति । नग्नम् । वि । सुस्वये । पक्तये । केवलः । भूत् ॥
Padapatha Transcription Accented
ná ǀ revátā ǀ paṇínā ǀ sakhyám ǀ índraḥ ǀ ásunvatā ǀ suta-pā́ḥ ǀ sám ǀ gṛṇīte ǀ
ā́ ǀ asya ǀ védaḥ ǀ khidáti ǀ hánti ǀ nagnám ǀ ví ǀ súsvaye ǀ paktáye ǀ kévalaḥ ǀ bhūt ǁ
Padapatha Transcription Nonaccented
na ǀ revatā ǀ paṇinā ǀ sakhyam ǀ indraḥ ǀ asunvatā ǀ suta-pāḥ ǀ sam ǀ gṛṇīte ǀ
ā ǀ asya ǀ vedaḥ ǀ khidati ǀ hanti ǀ nagnam ǀ vi ǀ susvaye ǀ paktaye ǀ kevalaḥ ǀ bhūt ǁ
04.025.08 (Mandala. Sukta. Rik)
3.6.14.03 (Ashtaka. Adhyaya. Varga. Rik)
04.03.041 (Mandala. Anuvāka. Rik)
Samhita Devanagari Accented
इंद्रं॒ परेऽव॑रे मध्य॒मास॒ इंद्रं॒ यांतोऽव॑सितास॒ इंद्रं॑ ।
इंद्रं॑ क्षि॒यंत॑ उ॒त युध्य॑माना॒ इंद्रं॒ नरो॑ वाज॒यंतो॑ हवंते ॥
Samhita Devanagari Nonaccented
इंद्रं परेऽवरे मध्यमास इंद्रं यांतोऽवसितास इंद्रं ।
इंद्रं क्षियंत उत युध्यमाना इंद्रं नरो वाजयंतो हवंते ॥
Samhita Transcription Accented
índram páré’vare madhyamā́sa índram yā́ntó’vasitāsa índram ǀ
índram kṣiyánta utá yúdhyamānā índram náro vājayánto havante ǁ
Samhita Transcription Nonaccented
indram pare’vare madhyamāsa indram yānto’vasitāsa indram ǀ
indram kṣiyanta uta yudhyamānā indram naro vājayanto havante ǁ
Padapatha Devanagari Accented
इन्द्र॑म् । परे॑ । अव॑रे । म॒ध्य॒मासः॑ । इन्द्र॑म् । यान्तः॑ । अव॑ऽसितासः । इन्द्र॑म् ।
इन्द्र॑म् । क्षि॒यन्तः॑ । उ॒त । युध्य॑मानाः । इन्द्र॑म् । नरः॑ । वा॒ज॒यन्तः॑ । ह॒व॒न्ते॒ ॥
Padapatha Devanagari Nonaccented
इन्द्रम् । परे । अवरे । मध्यमासः । इन्द्रम् । यान्तः । अवऽसितासः । इन्द्रम् ।
इन्द्रम् । क्षियन्तः । उत । युध्यमानाः । इन्द्रम् । नरः । वाजयन्तः । हवन्ते ॥
Padapatha Transcription Accented
índram ǀ páre ǀ ávare ǀ madhyamā́saḥ ǀ índram ǀ yā́ntaḥ ǀ áva-sitāsaḥ ǀ índram ǀ
índram ǀ kṣiyántaḥ ǀ utá ǀ yúdhyamānāḥ ǀ índram ǀ náraḥ ǀ vājayántaḥ ǀ havante ǁ
Padapatha Transcription Nonaccented
indram ǀ pare ǀ avare ǀ madhyamāsaḥ ǀ indram ǀ yāntaḥ ǀ ava-sitāsaḥ ǀ indram ǀ
indram ǀ kṣiyantaḥ ǀ uta ǀ yudhyamānāḥ ǀ indram ǀ naraḥ ǀ vājayantaḥ ǀ havante ǁ