|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 4
Sūkta 26
|
1. Info |
| To: | 1-3: indra; 4-7: śyena (bird) |
|
| From: | vāmadeva gautama | |
| Metres: | 1st set of styles: svarāṭpaṅkti (3, 7); paṅktiḥ (1); bhurikpaṅkti (2); nicṛttriṣṭup (4); virāṭtrisṭup (5); triṣṭup (6) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
04.026.01 (Mandala. Sukta. Rik)
3.6.15.01 (Ashtaka. Adhyaya. Varga. Rik)
04.03.042 (Mandala. Anuvāka. Rik)
Samhita Devanagari Accented
अ॒हं मनु॑रभवं॒ सूर्य॑श्चा॒हं क॒क्षीवाँ॒ ऋषि॑रस्मि॒ विप्रः॑ ।
अ॒हं कुत्स॑मार्जुने॒यं न्यृं॑जे॒ऽहं क॒विरु॒शना॒ पश्य॑ता मा ॥
Samhita Devanagari Nonaccented
अहं मनुरभवं सूर्यश्चाहं कक्षीवाँ ऋषिरस्मि विप्रः ।
अहं कुत्समार्जुनेयं न्यृंजेऽहं कविरुशना पश्यता मा ॥
Samhita Transcription Accented
ahám mánurabhavam sū́ryaścāhám kakṣī́vām̐ ṛ́ṣirasmi vípraḥ ǀ
ahám kútsamārjuneyám nyṛ́ñje’hám kavíruśánā páśyatā mā ǁ
Samhita Transcription Nonaccented
aham manurabhavam sūryaścāham kakṣīvām̐ ṛṣirasmi vipraḥ ǀ
aham kutsamārjuneyam nyṛñje’ham kaviruśanā paśyatā mā ǁ
Padapatha Devanagari Accented
अ॒हम् । मनुः॑ । अ॒भ॒व॒म् । सूर्यः॑ । च॒ । अ॒हम् । क॒क्षीवा॑न् । ऋषिः॑ । अ॒स्मि॒ । विप्रः॑ ।
अ॒हम् । कुत्स॑म् । आ॒र्जु॒ने॒यम् । नि । ऋ॒ञ्जे॒ । अ॒हम् । क॒विः । उ॒शना॑ । पश्य॑त । मा॒ ॥
Padapatha Devanagari Nonaccented
अहम् । मनुः । अभवम् । सूर्यः । च । अहम् । कक्षीवान् । ऋषिः । अस्मि । विप्रः ।
अहम् । कुत्सम् । आर्जुनेयम् । नि । ऋञ्जे । अहम् । कविः । उशना । पश्यत । मा ॥
Padapatha Transcription Accented
ahám ǀ mánuḥ ǀ abhavam ǀ sū́ryaḥ ǀ ca ǀ ahám ǀ kakṣī́vān ǀ ṛ́ṣiḥ ǀ asmi ǀ vípraḥ ǀ
ahám ǀ kútsam ǀ ārjuneyám ǀ ní ǀ ṛñje ǀ ahám ǀ kavíḥ ǀ uśánā ǀ páśyata ǀ mā ǁ
Padapatha Transcription Nonaccented
aham ǀ manuḥ ǀ abhavam ǀ sūryaḥ ǀ ca ǀ aham ǀ kakṣīvān ǀ ṛṣiḥ ǀ asmi ǀ vipraḥ ǀ
aham ǀ kutsam ǀ ārjuneyam ǀ ni ǀ ṛñje ǀ aham ǀ kaviḥ ǀ uśanā ǀ paśyata ǀ mā ǁ
04.026.02 (Mandala. Sukta. Rik)
3.6.15.02 (Ashtaka. Adhyaya. Varga. Rik)
04.03.043 (Mandala. Anuvāka. Rik)
Samhita Devanagari Accented
अ॒हं भूमि॑मददा॒मार्या॑या॒हं वृ॒ष्टिं दा॒शुषे॒ मर्त्या॑य ।
अ॒हम॒पो अ॑नयं वावशा॒ना मम॑ दे॒वासो॒ अनु॒ केत॑मायन् ॥
Samhita Devanagari Nonaccented
अहं भूमिमददामार्यायाहं वृष्टिं दाशुषे मर्त्याय ।
अहमपो अनयं वावशाना मम देवासो अनु केतमायन् ॥
Samhita Transcription Accented
ahám bhū́mimadadāmā́ryāyāhám vṛṣṭím dāśúṣe mártyāya ǀ
ahámapó anayam vāvaśānā́ máma devā́so ánu kétamāyan ǁ
Samhita Transcription Nonaccented
aham bhūmimadadāmāryāyāham vṛṣṭim dāśuṣe martyāya ǀ
ahamapo anayam vāvaśānā mama devāso anu ketamāyan ǁ
Padapatha Devanagari Accented
अ॒हम् । भूमि॑म् । अ॒द॒दा॒म् । आर्या॑य । अ॒हम् । वृ॒ष्टिम् । दा॒शुषे॑ । मर्त्या॑य ।
अ॒हम् । अ॒पः । अ॒न॒य॒म् । वा॒व॒शा॒नाः । मम॑ । दे॒वासः॑ । अनु॑ । केत॑म् । आ॒य॒न् ॥
Padapatha Devanagari Nonaccented
अहम् । भूमिम् । अददाम् । आर्याय । अहम् । वृष्टिम् । दाशुषे । मर्त्याय ।
अहम् । अपः । अनयम् । वावशानाः । मम । देवासः । अनु । केतम् । आयन् ॥
Padapatha Transcription Accented
ahám ǀ bhū́mim ǀ adadām ǀ ā́ryāya ǀ ahám ǀ vṛṣṭím ǀ dāśúṣe ǀ mártyāya ǀ
ahám ǀ apáḥ ǀ anayam ǀ vāvaśānā́ḥ ǀ máma ǀ devā́saḥ ǀ ánu ǀ kétam ǀ āyan ǁ
Padapatha Transcription Nonaccented
aham ǀ bhūmim ǀ adadām ǀ āryāya ǀ aham ǀ vṛṣṭim ǀ dāśuṣe ǀ martyāya ǀ
aham ǀ apaḥ ǀ anayam ǀ vāvaśānāḥ ǀ mama ǀ devāsaḥ ǀ anu ǀ ketam ǀ āyan ǁ
04.026.03 (Mandala. Sukta. Rik)
3.6.15.03 (Ashtaka. Adhyaya. Varga. Rik)
04.03.044 (Mandala. Anuvāka. Rik)
Samhita Devanagari Accented
अ॒हं पुरो॑ मंदसा॒नो व्यै॑रं॒ नव॑ सा॒कं न॑व॒तीः शंब॑रस्य ।
श॒त॒त॒मं वे॒श्यं॑ स॒र्वता॑ता॒ दिवो॑दासमतिथि॒ग्वं यदावं॑ ॥
Samhita Devanagari Nonaccented
अहं पुरो मंदसानो व्यैरं नव साकं नवतीः शंबरस्य ।
शततमं वेश्यं सर्वताता दिवोदासमतिथिग्वं यदावं ॥
Samhita Transcription Accented
ahám púro mandasānó vyáiram náva sākám navatī́ḥ śámbarasya ǀ
śatatamám veśyám sarvátātā dívodāsamatithigvám yádā́vam ǁ
Samhita Transcription Nonaccented
aham puro mandasāno vyairam nava sākam navatīḥ śambarasya ǀ
śatatamam veśyam sarvatātā divodāsamatithigvam yadāvam ǁ
Padapatha Devanagari Accented
अ॒हम् । पुरः॑ । म॒न्द॒सा॒नः । वि । ऐ॒र॒म् । नव॑ । सा॒कम् । न॒व॒तीः । शम्ब॑रस्य ।
श॒त॒ऽत॒मम् । वे॒श्य॑म् । स॒र्वऽता॑ता । दिवः॑ऽदासम् । अ॒ति॒थि॒ऽग्वम् । यत् । आव॑म् ॥
Padapatha Devanagari Nonaccented
अहम् । पुरः । मन्दसानः । वि । ऐरम् । नव । साकम् । नवतीः । शम्बरस्य ।
शतऽतमम् । वेश्यम् । सर्वऽताता । दिवःऽदासम् । अतिथिऽग्वम् । यत् । आवम् ॥
Padapatha Transcription Accented
ahám ǀ púraḥ ǀ mandasānáḥ ǀ ví ǀ airam ǀ náva ǀ sākám ǀ navatī́ḥ ǀ śámbarasya ǀ
śata-tamám ǀ veśyám ǀ sarvá-tātā ǀ dívaḥ-dāsam ǀ atithi-gvám ǀ yát ǀ ā́vam ǁ
Padapatha Transcription Nonaccented
aham ǀ puraḥ ǀ mandasānaḥ ǀ vi ǀ airam ǀ nava ǀ sākam ǀ navatīḥ ǀ śambarasya ǀ
śata-tamam ǀ veśyam ǀ sarva-tātā ǀ divaḥ-dāsam ǀ atithi-gvam ǀ yat ǀ āvam ǁ
04.026.04 (Mandala. Sukta. Rik)
3.6.15.04 (Ashtaka. Adhyaya. Varga. Rik)
04.03.045 (Mandala. Anuvāka. Rik)
Samhita Devanagari Accented
प्र सु ष विभ्यो॑ मरुतो॒ विर॑स्तु॒ प्र श्ये॒नः श्ये॒नेभ्य॑ आशु॒पत्वा॑ ।
अ॒च॒क्रया॒ यत्स्व॒धया॑ सुप॒र्णो ह॒व्यं भर॒न्मन॑वे दे॒वजु॑ष्टं ॥
Samhita Devanagari Nonaccented
प्र सु ष विभ्यो मरुतो विरस्तु प्र श्येनः श्येनेभ्य आशुपत्वा ।
अचक्रया यत्स्वधया सुपर्णो हव्यं भरन्मनवे देवजुष्टं ॥
Samhita Transcription Accented
prá sú ṣá víbhyo maruto vírastu prá śyenáḥ śyenébhya āśupátvā ǀ
acakráyā yátsvadháyā suparṇó havyám bháranmánave devájuṣṭam ǁ
Samhita Transcription Nonaccented
pra su ṣa vibhyo maruto virastu pra śyenaḥ śyenebhya āśupatvā ǀ
acakrayā yatsvadhayā suparṇo havyam bharanmanave devajuṣṭam ǁ
Padapatha Devanagari Accented
प्र । सु । सः । विऽभ्यः॑ । म॒रु॒तः॒ । विः । अ॒स्तु॒ । प्र । श्ये॒नः । श्ये॒नेभ्यः॑ । आ॒शु॒ऽपत्वा॑ ।
अ॒च॒क्रया॑ । यत् । स्व॒धया॑ । सु॒ऽप॒र्णः । ह॒व्यम् । भर॑त् । मन॑वे । दे॒वऽजु॑ष्टम् ॥
Padapatha Devanagari Nonaccented
प्र । सु । सः । विऽभ्यः । मरुतः । विः । अस्तु । प्र । श्येनः । श्येनेभ्यः । आशुऽपत्वा ।
अचक्रया । यत् । स्वधया । सुऽपर्णः । हव्यम् । भरत् । मनवे । देवऽजुष्टम् ॥
Padapatha Transcription Accented
prá ǀ sú ǀ sáḥ ǀ ví-bhyaḥ ǀ marutaḥ ǀ víḥ ǀ astu ǀ prá ǀ śyenáḥ ǀ śyenébhyaḥ ǀ āśu-pátvā ǀ
acakráyā ǀ yát ǀ svadháyā ǀ su-parṇáḥ ǀ havyám ǀ bhárat ǀ mánave ǀ devá-juṣṭam ǁ
Padapatha Transcription Nonaccented
pra ǀ su ǀ saḥ ǀ vi-bhyaḥ ǀ marutaḥ ǀ viḥ ǀ astu ǀ pra ǀ śyenaḥ ǀ śyenebhyaḥ ǀ āśu-patvā ǀ
acakrayā ǀ yat ǀ svadhayā ǀ su-parṇaḥ ǀ havyam ǀ bharat ǀ manave ǀ deva-juṣṭam ǁ
04.026.05 (Mandala. Sukta. Rik)
3.6.15.05 (Ashtaka. Adhyaya. Varga. Rik)
04.03.046 (Mandala. Anuvāka. Rik)
Samhita Devanagari Accented
भर॒द्यदि॒ विरतो॒ वेवि॑जानः प॒थोरुणा॒ मनो॑जवा असर्जि ।
तूयं॑ ययौ॒ मधु॑ना सो॒म्येनो॒त श्रवो॑ विविदे श्ये॒नो अत्र॑ ॥
Samhita Devanagari Nonaccented
भरद्यदि विरतो वेविजानः पथोरुणा मनोजवा असर्जि ।
तूयं ययौ मधुना सोम्येनोत श्रवो विविदे श्येनो अत्र ॥
Samhita Transcription Accented
bháradyádi víráto vévijānaḥ pathórúṇā mánojavā asarji ǀ
tū́yam yayau mádhunā somyénotá śrávo vivide śyenó átra ǁ
Samhita Transcription Nonaccented
bharadyadi virato vevijānaḥ pathoruṇā manojavā asarji ǀ
tūyam yayau madhunā somyenota śravo vivide śyeno atra ǁ
Padapatha Devanagari Accented
भर॑त् । यदि॑ । विः । अतः॑ । वेवि॑जानः । प॒था । उ॒रुणा॑ । मनः॑ऽजवाः । अ॒स॒र्जि॒ ।
तूय॑म् । य॒यौ॒ । मधु॑ना । सो॒म्येन॑ । उ॒त । श्रवः॑ । वि॒वि॒दे॒ । श्ये॒नः । अत्र॑ ॥
Padapatha Devanagari Nonaccented
भरत् । यदि । विः । अतः । वेविजानः । पथा । उरुणा । मनःऽजवाः । असर्जि ।
तूयम् । ययौ । मधुना । सोम्येन । उत । श्रवः । विविदे । श्येनः । अत्र ॥
Padapatha Transcription Accented
bhárat ǀ yádi ǀ víḥ ǀ átaḥ ǀ vévijānaḥ ǀ pathā́ ǀ urúṇā ǀ mánaḥ-javāḥ ǀ asarji ǀ
tū́yam ǀ yayau ǀ mádhunā ǀ somyéna ǀ utá ǀ śrávaḥ ǀ vivide ǀ śyenáḥ ǀ átra ǁ
Padapatha Transcription Nonaccented
bharat ǀ yadi ǀ viḥ ǀ ataḥ ǀ vevijānaḥ ǀ pathā ǀ uruṇā ǀ manaḥ-javāḥ ǀ asarji ǀ
tūyam ǀ yayau ǀ madhunā ǀ somyena ǀ uta ǀ śravaḥ ǀ vivide ǀ śyenaḥ ǀ atra ǁ
04.026.06 (Mandala. Sukta. Rik)
3.6.15.06 (Ashtaka. Adhyaya. Varga. Rik)
04.03.047 (Mandala. Anuvāka. Rik)
Samhita Devanagari Accented
ऋ॒जी॒पी श्ये॒नो दद॑मानो अं॒शुं प॑रा॒वतः॑ शकु॒नो मं॒द्रं मदं॑ ।
सोमं॑ भरद्दादृहा॒णो दे॒वावां॑दि॒वो अ॒मुष्मा॒दुत्त॑रादा॒दाय॑ ॥
Samhita Devanagari Nonaccented
ऋजीपी श्येनो ददमानो अंशुं परावतः शकुनो मंद्रं मदं ।
सोमं भरद्दादृहाणो देवावांदिवो अमुष्मादुत्तरादादाय ॥
Samhita Transcription Accented
ṛjīpī́ śyenó dádamāno aṃśúm parāvátaḥ śakunó mandrám mádam ǀ
sómam bharaddādṛhāṇó devā́vāndivó amúṣmādúttarādādā́ya ǁ
Samhita Transcription Nonaccented
ṛjīpī śyeno dadamāno aṃśum parāvataḥ śakuno mandram madam ǀ
somam bharaddādṛhāṇo devāvāndivo amuṣmāduttarādādāya ǁ
Padapatha Devanagari Accented
ऋ॒जी॒पी । श्ये॒नः । दद॑मानः । अं॒शुम् । प॒रा॒ऽवतः॑ । श॒कु॒नः । म॒न्द्रम् । मद॑म् ।
सोम॑म् । भ॒र॒त् । द॒दृ॒हा॒णः । दे॒वऽवा॑न् । दि॒वः । अ॒मुष्मा॑त् । उत्ऽत॑रात् । आ॒ऽदाय॑ ॥
Padapatha Devanagari Nonaccented
ऋजीपी । श्येनः । ददमानः । अंशुम् । पराऽवतः । शकुनः । मन्द्रम् । मदम् ।
सोमम् । भरत् । ददृहाणः । देवऽवान् । दिवः । अमुष्मात् । उत्ऽतरात् । आऽदाय ॥
Padapatha Transcription Accented
ṛjīpī́ ǀ śyenáḥ ǀ dádamānaḥ ǀ aṃśúm ǀ parā-vátaḥ ǀ śakunáḥ ǀ mandrám ǀ mádam ǀ
sómam ǀ bharat ǀ dadṛhāṇáḥ ǀ devá-vān ǀ diváḥ ǀ amúṣmāt ǀ út-tarāt ǀ ā-dā́ya ǁ
Padapatha Transcription Nonaccented
ṛjīpī ǀ śyenaḥ ǀ dadamānaḥ ǀ aṃśum ǀ parā-vataḥ ǀ śakunaḥ ǀ mandram ǀ madam ǀ
somam ǀ bharat ǀ dadṛhāṇaḥ ǀ deva-vān ǀ divaḥ ǀ amuṣmāt ǀ ut-tarāt ǀ ā-dāya ǁ
04.026.07 (Mandala. Sukta. Rik)
3.6.15.07 (Ashtaka. Adhyaya. Varga. Rik)
04.03.048 (Mandala. Anuvāka. Rik)
Samhita Devanagari Accented
आ॒दाय॑ श्ये॒नो अ॑भर॒त्सोमं॑ स॒हस्रं॑ स॒वाँ अ॒युतं॑ च सा॒कं ।
अत्रा॒ पुरं॑धिरजहा॒दरा॑ती॒र्मदे॒ सोम॑स्य मू॒रा अमू॑रः ॥
Samhita Devanagari Nonaccented
आदाय श्येनो अभरत्सोमं सहस्रं सवाँ अयुतं च साकं ।
अत्रा पुरंधिरजहादरातीर्मदे सोमस्य मूरा अमूरः ॥
Samhita Transcription Accented
ādā́ya śyenó abharatsómam sahásram savā́m̐ ayútam ca sākám ǀ
átrā púraṃdhirajahādárātīrmáde sómasya mūrā́ ámūraḥ ǁ
Samhita Transcription Nonaccented
ādāya śyeno abharatsomam sahasram savām̐ ayutam ca sākam ǀ
atrā puraṃdhirajahādarātīrmade somasya mūrā amūraḥ ǁ
Padapatha Devanagari Accented
आ॒ऽदाय॑ । श्ये॒नः । अ॒भ॒र॒त् । सोम॑म् । स॒हस्र॑म् । स॒वान् । अ॒युत॑म् । च॒ । सा॒कम् ।
अत्र॑ । पुर॑म्ऽधिः । अ॒ज॒हा॒त् । अरा॑तीः । मदे॑ । सोम॑स्य । मू॒राः । अमू॑रः ॥
Padapatha Devanagari Nonaccented
आऽदाय । श्येनः । अभरत् । सोमम् । सहस्रम् । सवान् । अयुतम् । च । साकम् ।
अत्र । पुरम्ऽधिः । अजहात् । अरातीः । मदे । सोमस्य । मूराः । अमूरः ॥
Padapatha Transcription Accented
ā-dā́ya ǀ śyenáḥ ǀ abharat ǀ sómam ǀ sahásram ǀ savā́n ǀ ayútam ǀ ca ǀ sākám ǀ
átra ǀ púram-dhiḥ ǀ ajahāt ǀ árātīḥ ǀ máde ǀ sómasya ǀ mūrā́ḥ ǀ ámūraḥ ǁ
Padapatha Transcription Nonaccented
ā-dāya ǀ śyenaḥ ǀ abharat ǀ somam ǀ sahasram ǀ savān ǀ ayutam ǀ ca ǀ sākam ǀ
atra ǀ puram-dhiḥ ǀ ajahāt ǀ arātīḥ ǀ made ǀ somasya ǀ mūrāḥ ǀ amūraḥ ǁ