|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 4
Sūkta 28
|
1. Info |
| To: | 1, 2, 5: indra, soma; 3, 4: indra |
|
| From: | vāmadeva gautama | |
| Metres: | 1st set of styles: nicṛttriṣṭup (1); bhurikpaṅkti (2); virāṭtrisṭup (3); triṣṭup (4); paṅktiḥ (5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
04.028.01 (Mandala. Sukta. Rik)
3.6.17.01 (Ashtaka. Adhyaya. Varga. Rik)
04.03.054 (Mandala. Anuvāka. Rik)
Samhita Devanagari Accented
त्वा यु॒जा तव॒ तत्सो॑म स॒ख्य इंद्रो॑ अ॒पो मन॑वे स॒स्रुत॑स्कः ।
अह॒न्नहि॒मरि॑णात्स॒प्त सिंधू॒नपा॑वृणो॒दपि॑हितेव॒ खानि॑ ॥
Samhita Devanagari Nonaccented
त्वा युजा तव तत्सोम सख्य इंद्रो अपो मनवे सस्रुतस्कः ।
अहन्नहिमरिणात्सप्त सिंधूनपावृणोदपिहितेव खानि ॥
Samhita Transcription Accented
tvā́ yujā́ táva tátsoma sakhyá índro apó mánave sasrútaskaḥ ǀ
áhannáhimáriṇātsaptá síndhūnápāvṛṇodápihiteva khā́ni ǁ
Samhita Transcription Nonaccented
tvā yujā tava tatsoma sakhya indro apo manave sasrutaskaḥ ǀ
ahannahimariṇātsapta sindhūnapāvṛṇodapihiteva khāni ǁ
Padapatha Devanagari Accented
त्वा । यु॒जा । तव॑ । तत् । सो॒म॒ । स॒ख्ये । इन्द्रः॑ । अ॒पः । मन॑वे । स॒ऽस्रुतः॑ । क॒रिति॑ कः ।
अह॑न् । अहि॑म् । अरि॑णात् । स॒प्त । सिन्धू॑न् । अप॑ । अ॒वृ॒णो॒त् । अपि॑हिताऽइव । खानि॑ ॥
Padapatha Devanagari Nonaccented
त्वा । युजा । तव । तत् । सोम । सख्ये । इन्द्रः । अपः । मनवे । सऽस्रुतः । करिति कः ।
अहन् । अहिम् । अरिणात् । सप्त । सिन्धून् । अप । अवृणोत् । अपिहिताऽइव । खानि ॥
Padapatha Transcription Accented
tvā́ ǀ yujā́ ǀ táva ǀ tát ǀ soma ǀ sakhyé ǀ índraḥ ǀ apáḥ ǀ mánave ǀ sa-srútaḥ ǀ karíti kaḥ ǀ
áhan ǀ áhim ǀ áriṇāt ǀ saptá ǀ síndhūn ǀ ápa ǀ avṛṇot ǀ ápihitā-iva ǀ khā́ni ǁ
Padapatha Transcription Nonaccented
tvā ǀ yujā ǀ tava ǀ tat ǀ soma ǀ sakhye ǀ indraḥ ǀ apaḥ ǀ manave ǀ sa-srutaḥ ǀ kariti kaḥ ǀ
ahan ǀ ahim ǀ ariṇāt ǀ sapta ǀ sindhūn ǀ apa ǀ avṛṇot ǀ apihitā-iva ǀ khāni ǁ
04.028.02 (Mandala. Sukta. Rik)
3.6.17.02 (Ashtaka. Adhyaya. Varga. Rik)
04.03.055 (Mandala. Anuvāka. Rik)
Samhita Devanagari Accented
त्वा यु॒जा नि खि॑द॒त्सूर्य॒स्येंद्र॑श्च॒क्रं सह॑सा स॒द्य इं॑दो ।
अधि॒ ष्णुना॑ बृह॒ता वर्त॑मानं म॒हो द्रु॒हो अप॑ वि॒श्वायु॑ धायि ॥
Samhita Devanagari Nonaccented
त्वा युजा नि खिदत्सूर्यस्येंद्रश्चक्रं सहसा सद्य इंदो ।
अधि ष्णुना बृहता वर्तमानं महो द्रुहो अप विश्वायु धायि ॥
Samhita Transcription Accented
tvā́ yujā́ ní khidatsū́ryasyéndraścakrám sáhasā sadyá indo ǀ
ádhi ṣṇúnā bṛhatā́ vártamānam mahó druhó ápa viśvā́yu dhāyi ǁ
Samhita Transcription Nonaccented
tvā yujā ni khidatsūryasyendraścakram sahasā sadya indo ǀ
adhi ṣṇunā bṛhatā vartamānam maho druho apa viśvāyu dhāyi ǁ
Padapatha Devanagari Accented
त्वा । यु॒जा । नि । खि॒द॒त् । सूर्य॑स्य । इन्द्रः॑ । च॒क्रम् । सह॑सा । स॒द्यः । इ॒न्दो॒ इति॑ ।
अधि॑ । स्नुना॑ । बृ॒ह॒ता । वर्त॑मानम् । म॒हः । द्रु॒हः । अप॑ । वि॒श्वऽआ॑यु । धा॒यि॒ ॥
Padapatha Devanagari Nonaccented
त्वा । युजा । नि । खिदत् । सूर्यस्य । इन्द्रः । चक्रम् । सहसा । सद्यः । इन्दो इति ।
अधि । स्नुना । बृहता । वर्तमानम् । महः । द्रुहः । अप । विश्वऽआयु । धायि ॥
Padapatha Transcription Accented
tvā́ ǀ yujā́ ǀ ní ǀ khidat ǀ sū́ryasya ǀ índraḥ ǀ cakrám ǀ sáhasā ǀ sadyáḥ ǀ indo íti ǀ
ádhi ǀ snúnā ǀ bṛhatā́ ǀ vártamānam ǀ maháḥ ǀ druháḥ ǀ ápa ǀ viśvá-āyu ǀ dhāyi ǁ
Padapatha Transcription Nonaccented
tvā ǀ yujā ǀ ni ǀ khidat ǀ sūryasya ǀ indraḥ ǀ cakram ǀ sahasā ǀ sadyaḥ ǀ indo iti ǀ
adhi ǀ snunā ǀ bṛhatā ǀ vartamānam ǀ mahaḥ ǀ druhaḥ ǀ apa ǀ viśva-āyu ǀ dhāyi ǁ
04.028.03 (Mandala. Sukta. Rik)
3.6.17.03 (Ashtaka. Adhyaya. Varga. Rik)
04.03.056 (Mandala. Anuvāka. Rik)
Samhita Devanagari Accented
अह॒न्निंद्रो॒ अद॑हद॒ग्निरिं॑दो पु॒रा दस्यू॑न्म॒ध्यंदि॑नाद॒भीके॑ ।
दु॒र्गे दु॑रो॒णे क्रत्वा॒ न या॒तां पु॒रू स॒हस्रा॒ शर्वा॒ नि ब॑र्हीत् ॥
Samhita Devanagari Nonaccented
अहन्निंद्रो अदहदग्निरिंदो पुरा दस्यून्मध्यंदिनादभीके ।
दुर्गे दुरोणे क्रत्वा न यातां पुरू सहस्रा शर्वा नि बर्हीत् ॥
Samhita Transcription Accented
áhanníndro ádahadagnírindo purā́ dásyūnmadhyáṃdinādabhī́ke ǀ
durgé duroṇé krátvā ná yātā́m purū́ sahásrā śárvā ní barhīt ǁ
Samhita Transcription Nonaccented
ahannindro adahadagnirindo purā dasyūnmadhyaṃdinādabhīke ǀ
durge duroṇe kratvā na yātām purū sahasrā śarvā ni barhīt ǁ
Padapatha Devanagari Accented
अह॑न् । इन्द्रः॑ । अद॑हत् । अ॒ग्निः । इ॒न्दो॒ इति॑ । पु॒रा । दस्यू॑न् । म॒ध्यन्दि॑नात् । अ॒भीके॑ ।
दुः॒ऽगे । दु॒रो॒णे । क्रत्वा॑ । न । या॒ताम् । पु॒रु । स॒हस्रा॑ । शर्वा॑ । नि । ब॒र्ही॒त् ॥
Padapatha Devanagari Nonaccented
अहन् । इन्द्रः । अदहत् । अग्निः । इन्दो इति । पुरा । दस्यून् । मध्यन्दिनात् । अभीके ।
दुःऽगे । दुरोणे । क्रत्वा । न । याताम् । पुरु । सहस्रा । शर्वा । नि । बर्हीत् ॥
Padapatha Transcription Accented
áhan ǀ índraḥ ǀ ádahat ǀ agníḥ ǀ indo íti ǀ purā́ ǀ dásyūn ǀ madhyándināt ǀ abhī́ke ǀ
duḥ-gé ǀ duroṇé ǀ krátvā ǀ ná ǀ yātā́m ǀ purú ǀ sahásrā ǀ śárvā ǀ ní ǀ barhīt ǁ
Padapatha Transcription Nonaccented
ahan ǀ indraḥ ǀ adahat ǀ agniḥ ǀ indo iti ǀ purā ǀ dasyūn ǀ madhyandināt ǀ abhīke ǀ
duḥ-ge ǀ duroṇe ǀ kratvā ǀ na ǀ yātām ǀ puru ǀ sahasrā ǀ śarvā ǀ ni ǀ barhīt ǁ
04.028.04 (Mandala. Sukta. Rik)
3.6.17.04 (Ashtaka. Adhyaya. Varga. Rik)
04.03.057 (Mandala. Anuvāka. Rik)
Samhita Devanagari Accented
विश्व॑स्मात्सीमध॒माँ इं॑द्र॒ दस्यू॒न्विशो॒ दासी॑रकृणोरप्रश॒स्ताः ।
अबा॑धेथा॒ममृ॑णतं॒ नि शत्रू॒नविं॑देथा॒मप॑चितिं॒ वध॑त्रैः ॥
Samhita Devanagari Nonaccented
विश्वस्मात्सीमधमाँ इंद्र दस्यून्विशो दासीरकृणोरप्रशस्ताः ।
अबाधेथाममृणतं नि शत्रूनविंदेथामपचितिं वधत्रैः ॥
Samhita Transcription Accented
víśvasmātsīmadhamā́m̐ indra dásyūnvíśo dā́sīrakṛṇorapraśastā́ḥ ǀ
ábādhethāmámṛṇatam ní śátrūnávindethāmápacitim vádhatraiḥ ǁ
Samhita Transcription Nonaccented
viśvasmātsīmadhamām̐ indra dasyūnviśo dāsīrakṛṇorapraśastāḥ ǀ
abādhethāmamṛṇatam ni śatrūnavindethāmapacitim vadhatraiḥ ǁ
Padapatha Devanagari Accented
विश्व॑स्मात् । सी॒म् । अ॒ध॒मान् । इ॒न्द्र॒ । दस्यू॑न् । विशः॑ । दासीः॑ । अ॒कृ॒णोः॒ । अ॒प्र॒ऽश॒स्ताः ।
अबा॑धेथाम् । अमृ॑णतम् । नि । शत्रू॑न् । अवि॑न्देथाम् । अप॑ऽचितिम् । वध॑त्रैः ॥
Padapatha Devanagari Nonaccented
विश्वस्मात् । सीम् । अधमान् । इन्द्र । दस्यून् । विशः । दासीः । अकृणोः । अप्रऽशस्ताः ।
अबाधेथाम् । अमृणतम् । नि । शत्रून् । अविन्देथाम् । अपऽचितिम् । वधत्रैः ॥
Padapatha Transcription Accented
víśvasmāt ǀ sīm ǀ adhamā́n ǀ indra ǀ dásyūn ǀ víśaḥ ǀ dā́sīḥ ǀ akṛṇoḥ ǀ apra-śastā́ḥ ǀ
ábādhethām ǀ ámṛṇatam ǀ ní ǀ śátrūn ǀ ávindethām ǀ ápa-citim ǀ vádhatraiḥ ǁ
Padapatha Transcription Nonaccented
viśvasmāt ǀ sīm ǀ adhamān ǀ indra ǀ dasyūn ǀ viśaḥ ǀ dāsīḥ ǀ akṛṇoḥ ǀ apra-śastāḥ ǀ
abādhethām ǀ amṛṇatam ǀ ni ǀ śatrūn ǀ avindethām ǀ apa-citim ǀ vadhatraiḥ ǁ
04.028.05 (Mandala. Sukta. Rik)
3.6.17.05 (Ashtaka. Adhyaya. Varga. Rik)
04.03.058 (Mandala. Anuvāka. Rik)
Samhita Devanagari Accented
ए॒वा स॒त्यं म॑घवाना यु॒वं तदिंद्र॑श्च सोमो॒र्वमश्व्यं॒ गोः ।
आद॑र्दृत॒मपि॑हिता॒न्यश्ना॑ रिरि॒चथुः॒ क्षाश्चि॑त्ततृदा॒ना ॥
Samhita Devanagari Nonaccented
एवा सत्यं मघवाना युवं तदिंद्रश्च सोमोर्वमश्व्यं गोः ।
आदर्दृतमपिहितान्यश्ना रिरिचथुः क्षाश्चित्ततृदाना ॥
Samhita Transcription Accented
evā́ satyám maghavānā yuvám tádíndraśca somorvámáśvyam góḥ ǀ
ā́dardṛtamápihitānyáśnā riricáthuḥ kṣā́ścittatṛdānā́ ǁ
Samhita Transcription Nonaccented
evā satyam maghavānā yuvam tadindraśca somorvamaśvyam goḥ ǀ
ādardṛtamapihitānyaśnā riricathuḥ kṣāścittatṛdānā ǁ
Padapatha Devanagari Accented
ए॒व । स॒त्यम् । म॒घ॒ऽवा॒ना॒ । यु॒वम् । तत् । इन्द्रः॑ । च॒ । सो॒म॒ । ऊ॒र्वम् । अश्व्य॑म् । गोः ।
आ । अ॒द॒र्दृ॒त॒म् । अपि॑ऽहितानि । अश्ना॑ । रि॒रि॒चथुः॑ । क्षाः । चि॒त् । त॒तृ॒दा॒ना ॥
Padapatha Devanagari Nonaccented
एव । सत्यम् । मघऽवाना । युवम् । तत् । इन्द्रः । च । सोम । ऊर्वम् । अश्व्यम् । गोः ।
आ । अदर्दृतम् । अपिऽहितानि । अश्ना । रिरिचथुः । क्षाः । चित् । ततृदाना ॥
Padapatha Transcription Accented
evá ǀ satyám ǀ magha-vānā ǀ yuvám ǀ tát ǀ índraḥ ǀ ca ǀ soma ǀ ūrvám ǀ áśvyam ǀ góḥ ǀ
ā́ ǀ adardṛtam ǀ ápi-hitāni ǀ áśnā ǀ riricáthuḥ ǀ kṣā́ḥ ǀ cit ǀ tatṛdānā́ ǁ
Padapatha Transcription Nonaccented
eva ǀ satyam ǀ magha-vānā ǀ yuvam ǀ tat ǀ indraḥ ǀ ca ǀ soma ǀ ūrvam ǀ aśvyam ǀ goḥ ǀ
ā ǀ adardṛtam ǀ api-hitāni ǀ aśnā ǀ riricathuḥ ǀ kṣāḥ ǀ cit ǀ tatṛdānā ǁ