|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 4
Sūkta 33
|
1. Info |
| To: | ṛbhus | |
| From: | vāmadeva gautama | |
| Metres: | 1st set of styles: triṣṭup (2, 4, 5, 11); nicṛttriṣṭup (3, 6, 10); bhurikpaṅkti (7, 8); bhuriktriṣṭup (1); svarāṭpaṅkti (9) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
04.033.01 (Mandala. Sukta. Rik)
3.7.01.01 (Ashtaka. Adhyaya. Varga. Rik)
04.04.001 (Mandala. Anuvāka. Rik)
Samhita Devanagari Accented
प्र ऋ॒भुभ्यो॑ दू॒तमि॑व॒ वाच॑मिष्य उप॒स्तिरे॒ श्वैत॑रीं धे॒नुमी॑ळे ।
ये वात॑जूतास्त॒रणि॑भि॒रेवैः॒ परि॒ द्यां स॒द्यो अ॒पसो॑ बभू॒वुः ॥
Samhita Devanagari Nonaccented
प्र ऋभुभ्यो दूतमिव वाचमिष्य उपस्तिरे श्वैतरीं धेनुमीळे ।
ये वातजूतास्तरणिभिरेवैः परि द्यां सद्यो अपसो बभूवुः ॥
Samhita Transcription Accented
prá ṛbhúbhyo dūtámiva vā́camiṣya upastíre śváitarīm dhenúmīḷe ǀ
yé vā́tajūtāstaráṇibhirévaiḥ pári dyā́m sadyó apáso babhūvúḥ ǁ
Samhita Transcription Nonaccented
pra ṛbhubhyo dūtamiva vācamiṣya upastire śvaitarīm dhenumīḷe ǀ
ye vātajūtāstaraṇibhirevaiḥ pari dyām sadyo apaso babhūvuḥ ǁ
Padapatha Devanagari Accented
प्र । ऋ॒भुऽभ्यः॑ । दू॒तम्ऽइ॑व । वाच॑म् । इ॒ष्ये॒ । उ॒प॒ऽस्तिरे॑ । श्वैत॑रीम् । धे॒नुम् । ई॒ळे॒ ।
ये । वात॑ऽजूताः । त॒रणि॑ऽभिः । एवैः॑ । परि॑ । द्याम् । स॒द्यः । अ॒पसः॑ । ब॒भू॒वुः ॥
Padapatha Devanagari Nonaccented
प्र । ऋभुऽभ्यः । दूतम्ऽइव । वाचम् । इष्ये । उपऽस्तिरे । श्वैतरीम् । धेनुम् । ईळे ।
ये । वातऽजूताः । तरणिऽभिः । एवैः । परि । द्याम् । सद्यः । अपसः । बभूवुः ॥
Padapatha Transcription Accented
prá ǀ ṛbhú-bhyaḥ ǀ dūtám-iva ǀ vā́cam ǀ iṣye ǀ upa-stíre ǀ śváitarīm ǀ dhenúm ǀ īḷe ǀ
yé ǀ vā́ta-jūtāḥ ǀ taráṇi-bhiḥ ǀ évaiḥ ǀ pári ǀ dyā́m ǀ sadyáḥ ǀ apásaḥ ǀ babhūvúḥ ǁ
Padapatha Transcription Nonaccented
pra ǀ ṛbhu-bhyaḥ ǀ dūtam-iva ǀ vācam ǀ iṣye ǀ upa-stire ǀ śvaitarīm ǀ dhenum ǀ īḷe ǀ
ye ǀ vāta-jūtāḥ ǀ taraṇi-bhiḥ ǀ evaiḥ ǀ pari ǀ dyām ǀ sadyaḥ ǀ apasaḥ ǀ babhūvuḥ ǁ
04.033.02 (Mandala. Sukta. Rik)
3.7.01.02 (Ashtaka. Adhyaya. Varga. Rik)
04.04.002 (Mandala. Anuvāka. Rik)
Samhita Devanagari Accented
य॒दार॒मक्र॑न्नृ॒भवः॑ पि॒तृभ्यां॒ परि॑विष्टी वे॒षणा॑ दं॒सना॑भिः ।
आदिद्दे॒वाना॒मुप॑ स॒ख्यमा॑यं॒धीरा॑सः पु॒ष्टिम॑वहन्म॒नायै॑ ॥
Samhita Devanagari Nonaccented
यदारमक्रन्नृभवः पितृभ्यां परिविष्टी वेषणा दंसनाभिः ।
आदिद्देवानामुप सख्यमायंधीरासः पुष्टिमवहन्मनायै ॥
Samhita Transcription Accented
yadā́ramákrannṛbhávaḥ pitṛ́bhyām páriviṣṭī veṣáṇā daṃsánābhiḥ ǀ
ā́díddevā́nāmúpa sakhyámāyandhī́rāsaḥ puṣṭímavahanmanā́yai ǁ
Samhita Transcription Nonaccented
yadāramakrannṛbhavaḥ pitṛbhyām pariviṣṭī veṣaṇā daṃsanābhiḥ ǀ
ādiddevānāmupa sakhyamāyandhīrāsaḥ puṣṭimavahanmanāyai ǁ
Padapatha Devanagari Accented
य॒दा । अर॑म् । अक्र॑न् । ऋ॒भवः॑ । पि॒तृऽभ्या॑म् । परि॑ऽविष्टी । वे॒षणा॑ । दं॒सना॑भिः ।
आत् । इत् । दे॒वाना॑म् । उप॑ । स॒ख्यम् । आ॒य॒न् । धीरा॑सः । पु॒ष्टिम् । अ॒व॒ह॒न् । म॒नायै॑ ॥
Padapatha Devanagari Nonaccented
यदा । अरम् । अक्रन् । ऋभवः । पितृऽभ्याम् । परिऽविष्टी । वेषणा । दंसनाभिः ।
आत् । इत् । देवानाम् । उप । सख्यम् । आयन् । धीरासः । पुष्टिम् । अवहन् । मनायै ॥
Padapatha Transcription Accented
yadā́ ǀ áram ǀ ákran ǀ ṛbhávaḥ ǀ pitṛ́-bhyām ǀ pári-viṣṭī ǀ veṣáṇā ǀ daṃsánābhiḥ ǀ
ā́t ǀ ít ǀ devā́nām ǀ úpa ǀ sakhyám ǀ āyan ǀ dhī́rāsaḥ ǀ puṣṭím ǀ avahan ǀ manā́yai ǁ
Padapatha Transcription Nonaccented
yadā ǀ aram ǀ akran ǀ ṛbhavaḥ ǀ pitṛ-bhyām ǀ pari-viṣṭī ǀ veṣaṇā ǀ daṃsanābhiḥ ǀ
āt ǀ it ǀ devānām ǀ upa ǀ sakhyam ǀ āyan ǀ dhīrāsaḥ ǀ puṣṭim ǀ avahan ǀ manāyai ǁ
04.033.03 (Mandala. Sukta. Rik)
3.7.01.03 (Ashtaka. Adhyaya. Varga. Rik)
04.04.003 (Mandala. Anuvāka. Rik)
Samhita Devanagari Accented
पुन॒र्ये च॒क्रुः पि॒तरा॒ युवा॑ना॒ सना॒ यूपे॑व जर॒णा शया॑ना ।
ते वाजो॒ विभ्वाँ॑ ऋ॒भुरिंद्र॑वंतो॒ मधु॑प्सरसो नोऽवंतु य॒ज्ञं ॥
Samhita Devanagari Nonaccented
पुनर्ये चक्रुः पितरा युवाना सना यूपेव जरणा शयाना ।
ते वाजो विभ्वाँ ऋभुरिंद्रवंतो मधुप्सरसो नोऽवंतु यज्ञं ॥
Samhita Transcription Accented
púnaryé cakrúḥ pitárā yúvānā sánā yū́peva jaraṇā́ śáyānā ǀ
té vā́jo víbhvām̐ ṛbhúríndravanto mádhupsaraso no’vantu yajñám ǁ
Samhita Transcription Nonaccented
punarye cakruḥ pitarā yuvānā sanā yūpeva jaraṇā śayānā ǀ
te vājo vibhvām̐ ṛbhurindravanto madhupsaraso no’vantu yajñam ǁ
Padapatha Devanagari Accented
पुनः॑ । ये । च॒क्रुः । पि॒तरा॑ । युवा॑ना । सना॑ । यूपा॑ऽइव । ज॒र॒णा । शया॑ना ।
ते । वाजः॑ । विऽभ्वा॑ । ऋ॒भुः । इन्द्र॑ऽवन्तः । मधु॑ऽप्सरसः । नः॒ । अ॒व॒न्तु॒ । य॒ज्ञम् ॥
Padapatha Devanagari Nonaccented
पुनः । ये । चक्रुः । पितरा । युवाना । सना । यूपाऽइव । जरणा । शयाना ।
ते । वाजः । विऽभ्वा । ऋभुः । इन्द्रऽवन्तः । मधुऽप्सरसः । नः । अवन्तु । यज्ञम् ॥
Padapatha Transcription Accented
púnaḥ ǀ yé ǀ cakrúḥ ǀ pitárā ǀ yúvānā ǀ sánā ǀ yū́pā-iva ǀ jaraṇā́ ǀ śáyānā ǀ
té ǀ vā́jaḥ ǀ ví-bhvā ǀ ṛbhúḥ ǀ índra-vantaḥ ǀ mádhu-psarasaḥ ǀ naḥ ǀ avantu ǀ yajñám ǁ
Padapatha Transcription Nonaccented
punaḥ ǀ ye ǀ cakruḥ ǀ pitarā ǀ yuvānā ǀ sanā ǀ yūpā-iva ǀ jaraṇā ǀ śayānā ǀ
te ǀ vājaḥ ǀ vi-bhvā ǀ ṛbhuḥ ǀ indra-vantaḥ ǀ madhu-psarasaḥ ǀ naḥ ǀ avantu ǀ yajñam ǁ
04.033.04 (Mandala. Sukta. Rik)
3.7.01.04 (Ashtaka. Adhyaya. Varga. Rik)
04.04.004 (Mandala. Anuvāka. Rik)
Samhita Devanagari Accented
यत्सं॒वत्स॑मृ॒भवो॒ गामर॑क्ष॒न्यत्सं॒वत्स॑मृ॒भवो॒ मा अपिं॑शन् ।
यत्सं॒वत्स॒मभ॑र॒न्भासो॑ अस्या॒स्ताभिः॒ शमी॑भिरमृत॒त्वमा॑शुः ॥
Samhita Devanagari Nonaccented
यत्संवत्समृभवो गामरक्षन्यत्संवत्समृभवो मा अपिंशन् ।
यत्संवत्समभरन्भासो अस्यास्ताभिः शमीभिरमृतत्वमाशुः ॥
Samhita Transcription Accented
yátsaṃvátsamṛbhávo gā́márakṣanyátsaṃvátsamṛbhávo mā́ ápiṃśan ǀ
yátsaṃvátsamábharanbhā́so asyāstā́bhiḥ śámībhiramṛtatvámāśuḥ ǁ
Samhita Transcription Nonaccented
yatsaṃvatsamṛbhavo gāmarakṣanyatsaṃvatsamṛbhavo mā apiṃśan ǀ
yatsaṃvatsamabharanbhāso asyāstābhiḥ śamībhiramṛtatvamāśuḥ ǁ
Padapatha Devanagari Accented
यत् । स॒म्ऽवत्स॑म् । ऋ॒भवः॑ । गाम् । अर॑क्षन् । यत् । स॒म्ऽवत्स॑म् । ऋ॒भवः॑ । माः । अपिं॑शन् ।
यत् । स॒म्ऽवत्स॑म् । अ॒भ॑रन् । भासः॑ । अ॒स्याः॒ । ताभिः॑ । शमी॑भिः । अ॒मृ॒त॒ऽत्वम् । आ॒शुः॒ ॥
Padapatha Devanagari Nonaccented
यत् । सम्ऽवत्सम् । ऋभवः । गाम् । अरक्षन् । यत् । सम्ऽवत्सम् । ऋभवः । माः । अपिंशन् ।
यत् । सम्ऽवत्सम् । अभरन् । भासः । अस्याः । ताभिः । शमीभिः । अमृतऽत्वम् । आशुः ॥
Padapatha Transcription Accented
yát ǀ sam-vátsam ǀ ṛbhávaḥ ǀ gā́m ǀ árakṣan ǀ yát ǀ sam-vátsam ǀ ṛbhávaḥ ǀ mā́ḥ ǀ ápiṃśan ǀ
yát ǀ sam-vátsam ǀ abháran ǀ bhā́saḥ ǀ asyāḥ ǀ tā́bhiḥ ǀ śámībhiḥ ǀ amṛta-tvám ǀ āśuḥ ǁ
Padapatha Transcription Nonaccented
yat ǀ sam-vatsam ǀ ṛbhavaḥ ǀ gām ǀ arakṣan ǀ yat ǀ sam-vatsam ǀ ṛbhavaḥ ǀ māḥ ǀ apiṃśan ǀ
yat ǀ sam-vatsam ǀ abharan ǀ bhāsaḥ ǀ asyāḥ ǀ tābhiḥ ǀ śamībhiḥ ǀ amṛta-tvam ǀ āśuḥ ǁ
04.033.05 (Mandala. Sukta. Rik)
3.7.01.05 (Ashtaka. Adhyaya. Varga. Rik)
04.04.005 (Mandala. Anuvāka. Rik)
Samhita Devanagari Accented
ज्ये॒ष्ठ आ॑ह चम॒सा द्वा क॒रेति॒ कनी॑यां॒त्रीन्कृ॑णवा॒मेत्या॑ह ।
क॒नि॒ष्ठ आ॑ह च॒तुर॑स्क॒रेति॒ त्वष्ट॑ ऋभव॒स्तत्प॑नय॒द्वचो॑ वः ॥
Samhita Devanagari Nonaccented
ज्येष्ठ आह चमसा द्वा करेति कनीयांत्रीन्कृणवामेत्याह ।
कनिष्ठ आह चतुरस्करेति त्वष्ट ऋभवस्तत्पनयद्वचो वः ॥
Samhita Transcription Accented
jyeṣṭhá āha camasā́ dvā́ karéti kánīyāntrī́nkṛṇavāmétyāha ǀ
kaniṣṭhá āha catúraskaréti tváṣṭa ṛbhavastátpanayadváco vaḥ ǁ
Samhita Transcription Nonaccented
jyeṣṭha āha camasā dvā kareti kanīyāntrīnkṛṇavāmetyāha ǀ
kaniṣṭha āha caturaskareti tvaṣṭa ṛbhavastatpanayadvaco vaḥ ǁ
Padapatha Devanagari Accented
ज्ये॒ष्ठः । आ॒ह॒ । च॒म॒सा । द्वा । क॒र॒ । इति॑ । कनी॑यान् । त्रीन् । कृ॒ण॒वा॒म॒ । इति॑ । आ॒ह॒ ।
क॒नि॒ष्ठः । आ॒ह॒ । च॒तुरः॑ । क॒र॒ । इति॑ । त्वष्टा॑ । ऋ॒भ॒वः॒ । तत् । प॒न॒य॒त् । वचः॑ । वः॒ ॥
Padapatha Devanagari Nonaccented
ज्येष्ठः । आह । चमसा । द्वा । कर । इति । कनीयान् । त्रीन् । कृणवाम । इति । आह ।
कनिष्ठः । आह । चतुरः । कर । इति । त्वष्टा । ऋभवः । तत् । पनयत् । वचः । वः ॥
Padapatha Transcription Accented
jyeṣṭháḥ ǀ āha ǀ camasā́ ǀ dvā́ ǀ kara ǀ íti ǀ kánīyān ǀ trī́n ǀ kṛṇavāma ǀ íti ǀ āha ǀ
kaniṣṭháḥ ǀ āha ǀ catúraḥ ǀ kara ǀ íti ǀ tváṣṭā ǀ ṛbhavaḥ ǀ tát ǀ panayat ǀ vácaḥ ǀ vaḥ ǁ
Padapatha Transcription Nonaccented
jyeṣṭhaḥ ǀ āha ǀ camasā ǀ dvā ǀ kara ǀ iti ǀ kanīyān ǀ trīn ǀ kṛṇavāma ǀ iti ǀ āha ǀ
kaniṣṭhaḥ ǀ āha ǀ caturaḥ ǀ kara ǀ iti ǀ tvaṣṭā ǀ ṛbhavaḥ ǀ tat ǀ panayat ǀ vacaḥ ǀ vaḥ ǁ
04.033.06 (Mandala. Sukta. Rik)
3.7.02.01 (Ashtaka. Adhyaya. Varga. Rik)
04.04.006 (Mandala. Anuvāka. Rik)
Samhita Devanagari Accented
स॒त्यमू॑चु॒र्नर॑ ए॒वा हि च॒क्रुरनु॑ स्व॒धामृ॒भवो॑ जग्मुरे॒तां ।
वि॒भ्राज॑मानांश्चम॒साँ अहे॒वावे॑न॒त्त्वष्टा॑ च॒तुरो॑ ददृ॒श्वान् ॥
Samhita Devanagari Nonaccented
सत्यमूचुर्नर एवा हि चक्रुरनु स्वधामृभवो जग्मुरेतां ।
विभ्राजमानांश्चमसाँ अहेवावेनत्त्वष्टा चतुरो ददृश्वान् ॥
Samhita Transcription Accented
satyámūcurnára evā́ hí cakrúránu svadhā́mṛbhávo jagmuretā́m ǀ
vibhrā́jamānāṃścamasā́m̐ áhevā́venattváṣṭā catúro dadṛśvā́n ǁ
Samhita Transcription Nonaccented
satyamūcurnara evā hi cakruranu svadhāmṛbhavo jagmuretām ǀ
vibhrājamānāṃścamasām̐ ahevāvenattvaṣṭā caturo dadṛśvān ǁ
Padapatha Devanagari Accented
स॒त्यम् । ऊ॒चुः॒ । नरः॑ । ए॒व । हि । च॒क्रुः । अनु॑ । स्व॒धाम् । ऋ॒भवः॑ । ज॒ग्मुः॒ । ए॒ताम् ।
वि॒ऽभ्राज॑मानान् । च॒म॒सान् । अहा॑ऽइव । अवे॑नत् । त्वष्टा॑ । च॒तुरः॑ । द॒दृ॒श्वान् ॥
Padapatha Devanagari Nonaccented
सत्यम् । ऊचुः । नरः । एव । हि । चक्रुः । अनु । स्वधाम् । ऋभवः । जग्मुः । एताम् ।
विऽभ्राजमानान् । चमसान् । अहाऽइव । अवेनत् । त्वष्टा । चतुरः । ददृश्वान् ॥
Padapatha Transcription Accented
satyám ǀ ūcuḥ ǀ náraḥ ǀ evá ǀ hí ǀ cakrúḥ ǀ ánu ǀ svadhā́m ǀ ṛbhávaḥ ǀ jagmuḥ ǀ etā́m ǀ
vi-bhrā́jamānān ǀ camasā́n ǀ áhā-iva ǀ ávenat ǀ tváṣṭā ǀ catúraḥ ǀ dadṛśvā́n ǁ
Padapatha Transcription Nonaccented
satyam ǀ ūcuḥ ǀ naraḥ ǀ eva ǀ hi ǀ cakruḥ ǀ anu ǀ svadhām ǀ ṛbhavaḥ ǀ jagmuḥ ǀ etām ǀ
vi-bhrājamānān ǀ camasān ǀ ahā-iva ǀ avenat ǀ tvaṣṭā ǀ caturaḥ ǀ dadṛśvān ǁ
04.033.07 (Mandala. Sukta. Rik)
3.7.02.02 (Ashtaka. Adhyaya. Varga. Rik)
04.04.007 (Mandala. Anuvāka. Rik)
Samhita Devanagari Accented
द्वाद॑श॒ द्यून्यदगो॑ह्यस्याति॒थ्ये रण॑न्नृ॒भवः॑ स॒संतः॑ ।
सु॒क्षेत्रा॑कृण्व॒न्नन॑यंत॒ सिंधूं॒धन्वाति॑ष्ठ॒न्नोष॑धीर्नि॒म्नमापः॑ ॥
Samhita Devanagari Nonaccented
द्वादश द्यून्यदगोह्यस्यातिथ्ये रणन्नृभवः ससंतः ।
सुक्षेत्राकृण्वन्ननयंत सिंधूंधन्वातिष्ठन्नोषधीर्निम्नमापः ॥
Samhita Transcription Accented
dvā́daśa dyū́nyádágohyasyātithyé ráṇannṛbhávaḥ sasántaḥ ǀ
sukṣétrākṛṇvannánayanta síndhūndhánvā́tiṣṭhannóṣadhīrnimnámā́paḥ ǁ
Samhita Transcription Nonaccented
dvādaśa dyūnyadagohyasyātithye raṇannṛbhavaḥ sasantaḥ ǀ
sukṣetrākṛṇvannanayanta sindhūndhanvātiṣṭhannoṣadhīrnimnamāpaḥ ǁ
Padapatha Devanagari Accented
द्वाद॑श । द्यून् । यत् । अगो॑ह्यस्य । आ॒ति॒थ्ये । रण॑न् । ऋ॒भवः॑ । स॒सन्तः॑ ।
सु॒ऽक्षेत्रा॑ । अ॒कृ॒ण्व॒न् । अन॑यन्त । सिन्धू॑न् । धन्व॑ । आ । अ॒ति॒ष्ठ॒न् । ओष॑धीः । नि॒म्नम् । आपः॑ ॥
Padapatha Devanagari Nonaccented
द्वादश । द्यून् । यत् । अगोह्यस्य । आतिथ्ये । रणन् । ऋभवः । ससन्तः ।
सुऽक्षेत्रा । अकृण्वन् । अनयन्त । सिन्धून् । धन्व । आ । अतिष्ठन् । ओषधीः । निम्नम् । आपः ॥
Padapatha Transcription Accented
dvā́daśa ǀ dyū́n ǀ yát ǀ ágohyasya ǀ ātithyé ǀ ráṇan ǀ ṛbhávaḥ ǀ sasántaḥ ǀ
su-kṣétrā ǀ akṛṇvan ǀ ánayanta ǀ síndhūn ǀ dhánva ǀ ā́ ǀ atiṣṭhan ǀ óṣadhīḥ ǀ nimnám ǀ ā́paḥ ǁ
Padapatha Transcription Nonaccented
dvādaśa ǀ dyūn ǀ yat ǀ agohyasya ǀ ātithye ǀ raṇan ǀ ṛbhavaḥ ǀ sasantaḥ ǀ
su-kṣetrā ǀ akṛṇvan ǀ anayanta ǀ sindhūn ǀ dhanva ǀ ā ǀ atiṣṭhan ǀ oṣadhīḥ ǀ nimnam ǀ āpaḥ ǁ
04.033.08 (Mandala. Sukta. Rik)
3.7.02.03 (Ashtaka. Adhyaya. Varga. Rik)
04.04.008 (Mandala. Anuvāka. Rik)
Samhita Devanagari Accented
रथं॒ ये च॒क्रुः सु॒वृतं॑ नरे॒ष्ठां ये धे॒नुं वि॑श्व॒जुवं॑ वि॒श्वरू॑पां ।
त आ त॑क्षंत्वृ॒भवो॑ र॒यिं नः॒ स्वव॑सः॒ स्वप॑सः सु॒हस्ताः॑ ॥
Samhita Devanagari Nonaccented
रथं ये चक्रुः सुवृतं नरेष्ठां ये धेनुं विश्वजुवं विश्वरूपां ।
त आ तक्षंत्वृभवो रयिं नः स्ववसः स्वपसः सुहस्ताः ॥
Samhita Transcription Accented
rátham yé cakrúḥ suvṛ́tam nareṣṭhā́m yé dhenúm viśvajúvam viśvárūpām ǀ
tá ā́ takṣantvṛbhávo rayím naḥ svávasaḥ svápasaḥ suhástāḥ ǁ
Samhita Transcription Nonaccented
ratham ye cakruḥ suvṛtam nareṣṭhām ye dhenum viśvajuvam viśvarūpām ǀ
ta ā takṣantvṛbhavo rayim naḥ svavasaḥ svapasaḥ suhastāḥ ǁ
Padapatha Devanagari Accented
रथ॑म् । ये । च॒क्रुः । सु॒ऽवृत॑म् । न॒रे॒ऽस्थाम् । ये । धे॒नुम् । वि॒श्व॒ऽजुव॑म् । वि॒श्वऽरू॑पाम् ।
ते । आ । त॒क्ष॒न्तु॒ । ऋ॒भवः॑ । र॒यिम् । नः॒ । सु॒ऽअव॑सः । सु॒ऽअप॑सः । सु॒ऽहस्ताः॑ ॥
Padapatha Devanagari Nonaccented
रथम् । ये । चक्रुः । सुऽवृतम् । नरेऽस्थाम् । ये । धेनुम् । विश्वऽजुवम् । विश्वऽरूपाम् ।
ते । आ । तक्षन्तु । ऋभवः । रयिम् । नः । सुऽअवसः । सुऽअपसः । सुऽहस्ताः ॥
Padapatha Transcription Accented
rátham ǀ yé ǀ cakrúḥ ǀ su-vṛ́tam ǀ nare-sthā́m ǀ yé ǀ dhenúm ǀ viśva-júvam ǀ viśvá-rūpām ǀ
té ǀ ā́ ǀ takṣantu ǀ ṛbhávaḥ ǀ rayím ǀ naḥ ǀ su-ávasaḥ ǀ su-ápasaḥ ǀ su-hástāḥ ǁ
Padapatha Transcription Nonaccented
ratham ǀ ye ǀ cakruḥ ǀ su-vṛtam ǀ nare-sthām ǀ ye ǀ dhenum ǀ viśva-juvam ǀ viśva-rūpām ǀ
te ǀ ā ǀ takṣantu ǀ ṛbhavaḥ ǀ rayim ǀ naḥ ǀ su-avasaḥ ǀ su-apasaḥ ǀ su-hastāḥ ǁ
04.033.09 (Mandala. Sukta. Rik)
3.7.02.04 (Ashtaka. Adhyaya. Varga. Rik)
04.04.009 (Mandala. Anuvāka. Rik)
Samhita Devanagari Accented
अपो॒ ह्ये॑षा॒मजु॑षंत दे॒वा अ॒भि क्रत्वा॒ मन॑सा॒ दीध्या॑नाः ।
वाजो॑ दे॒वाना॑मभवत्सु॒कर्मेंद्र॑स्य ऋभु॒क्षा वरु॑णस्य॒ विभ्वा॑ ॥
Samhita Devanagari Nonaccented
अपो ह्येषामजुषंत देवा अभि क्रत्वा मनसा दीध्यानाः ।
वाजो देवानामभवत्सुकर्मेंद्रस्य ऋभुक्षा वरुणस्य विभ्वा ॥
Samhita Transcription Accented
ápo hyéṣāmájuṣanta devā́ abhí krátvā mánasā dī́dhyānāḥ ǀ
vā́jo devā́nāmabhavatsukárméndrasya ṛbhukṣā́ váruṇasya víbhvā ǁ
Samhita Transcription Nonaccented
apo hyeṣāmajuṣanta devā abhi kratvā manasā dīdhyānāḥ ǀ
vājo devānāmabhavatsukarmendrasya ṛbhukṣā varuṇasya vibhvā ǁ
Padapatha Devanagari Accented
अपः॑ । हि । ए॒षा॒म् । अजु॑षन्त । दे॒वाः । अ॒भि । क्रत्वा॑ । मन॑सा । दीध्या॑नाः ।
वाजः॑ । दे॒वाना॑म् । अ॒भ॒व॒त् । सु॒ऽकर्मा॑ । इन्द्र॑स्य । ऋ॒भु॒क्षाः । वरु॑णस्य । विऽभ्वा॑ ॥
Padapatha Devanagari Nonaccented
अपः । हि । एषाम् । अजुषन्त । देवाः । अभि । क्रत्वा । मनसा । दीध्यानाः ।
वाजः । देवानाम् । अभवत् । सुऽकर्मा । इन्द्रस्य । ऋभुक्षाः । वरुणस्य । विऽभ्वा ॥
Padapatha Transcription Accented
ápaḥ ǀ hí ǀ eṣām ǀ ájuṣanta ǀ devā́ḥ ǀ abhí ǀ krátvā ǀ mánasā ǀ dī́dhyānāḥ ǀ
vā́jaḥ ǀ devā́nām ǀ abhavat ǀ su-kármā ǀ índrasya ǀ ṛbhukṣā́ḥ ǀ váruṇasya ǀ ví-bhvā ǁ
Padapatha Transcription Nonaccented
apaḥ ǀ hi ǀ eṣām ǀ ajuṣanta ǀ devāḥ ǀ abhi ǀ kratvā ǀ manasā ǀ dīdhyānāḥ ǀ
vājaḥ ǀ devānām ǀ abhavat ǀ su-karmā ǀ indrasya ǀ ṛbhukṣāḥ ǀ varuṇasya ǀ vi-bhvā ǁ
04.033.10 (Mandala. Sukta. Rik)
3.7.02.05 (Ashtaka. Adhyaya. Varga. Rik)
04.04.010 (Mandala. Anuvāka. Rik)
Samhita Devanagari Accented
ये हरी॑ मे॒धयो॒क्था मदं॑त॒ इंद्रा॑य च॒क्रुः सु॒युजा॒ ये अश्वा॑ ।
ते रा॒यस्पोषं॒ द्रवि॑णान्य॒स्मे ध॒त्त ऋ॑भवः क्षेम॒यंतो॒ न मि॒त्रं ॥
Samhita Devanagari Nonaccented
ये हरी मेधयोक्था मदंत इंद्राय चक्रुः सुयुजा ये अश्वा ।
ते रायस्पोषं द्रविणान्यस्मे धत्त ऋभवः क्षेमयंतो न मित्रं ॥
Samhita Transcription Accented
yé hárī medháyokthā́ mádanta índrāya cakrúḥ suyújā yé áśvā ǀ
té rāyáspóṣam dráviṇānyasmé dhattá ṛbhavaḥ kṣemayánto ná mitrám ǁ
Samhita Transcription Nonaccented
ye harī medhayokthā madanta indrāya cakruḥ suyujā ye aśvā ǀ
te rāyaspoṣam draviṇānyasme dhatta ṛbhavaḥ kṣemayanto na mitram ǁ
Padapatha Devanagari Accented
ये । हरी॒ इति॑ । मे॒धया॑ । उ॒क्था । मद॑न्तः । इन्द्रा॑य । च॒क्रुः । सु॒ऽयुजा॑ । ये । अश्वा॑ ।
ते । रा॒यः । पोष॑म् । द्रवि॑णानि । अ॒स्मे इति॑ । ध॒त्त । ऋ॒भ॒वः॒ । क्षे॒म॒ऽयन्तः॑ । न । मि॒त्रम् ॥
Padapatha Devanagari Nonaccented
ये । हरी इति । मेधया । उक्था । मदन्तः । इन्द्राय । चक्रुः । सुऽयुजा । ये । अश्वा ।
ते । रायः । पोषम् । द्रविणानि । अस्मे इति । धत्त । ऋभवः । क्षेमऽयन्तः । न । मित्रम् ॥
Padapatha Transcription Accented
yé ǀ hárī íti ǀ medháyā ǀ ukthā́ ǀ mádantaḥ ǀ índrāya ǀ cakrúḥ ǀ su-yújā ǀ yé ǀ áśvā ǀ
té ǀ rāyáḥ ǀ póṣam ǀ dráviṇāni ǀ asmé íti ǀ dhattá ǀ ṛbhavaḥ ǀ kṣema-yántaḥ ǀ ná ǀ mitrám ǁ
Padapatha Transcription Nonaccented
ye ǀ harī iti ǀ medhayā ǀ ukthā ǀ madantaḥ ǀ indrāya ǀ cakruḥ ǀ su-yujā ǀ ye ǀ aśvā ǀ
te ǀ rāyaḥ ǀ poṣam ǀ draviṇāni ǀ asme iti ǀ dhatta ǀ ṛbhavaḥ ǀ kṣema-yantaḥ ǀ na ǀ mitram ǁ
04.033.11 (Mandala. Sukta. Rik)
3.7.02.06 (Ashtaka. Adhyaya. Varga. Rik)
04.04.011 (Mandala. Anuvāka. Rik)
Samhita Devanagari Accented
इ॒दाह्नः॑ पी॒तिमु॒त वो॒ मदं॑ धु॒र्न ऋ॒ते श्रां॒तस्य॑ स॒ख्याय॑ दे॒वाः ।
ते नू॒नम॒स्मे ऋ॑भवो॒ वसू॑नि तृ॒तीये॑ अ॒स्मिन्त्सव॑ने दधात ॥
Samhita Devanagari Nonaccented
इदाह्नः पीतिमुत वो मदं धुर्न ऋते श्रांतस्य सख्याय देवाः ।
ते नूनमस्मे ऋभवो वसूनि तृतीये अस्मिन्त्सवने दधात ॥
Samhita Transcription Accented
idā́hnaḥ pītímutá vo mádam dhurná ṛté śrāntásya sakhyā́ya devā́ḥ ǀ
té nūnámasmé ṛbhavo vásūni tṛtī́ye asmíntsávane dadhāta ǁ
Samhita Transcription Nonaccented
idāhnaḥ pītimuta vo madam dhurna ṛte śrāntasya sakhyāya devāḥ ǀ
te nūnamasme ṛbhavo vasūni tṛtīye asmintsavane dadhāta ǁ
Padapatha Devanagari Accented
इ॒दा । अह्नः॑ । पी॒तिम् । उ॒त । वः॒ । मद॑म् । धुः॒ । न । ऋ॒ते । श्रा॒न्तस्य॑ । स॒ख्याय॑ । दे॒वाः ।
ते । नू॒नम् । अ॒स्मे इति॑ । ऋ॒भ॒वः॒ । वसू॑नि । तृ॒तीये॑ । अ॒स्मिन् । सव॑ने । द॒धा॒त॒ ॥
Padapatha Devanagari Nonaccented
इदा । अह्नः । पीतिम् । उत । वः । मदम् । धुः । न । ऋते । श्रान्तस्य । सख्याय । देवाः ।
ते । नूनम् । अस्मे इति । ऋभवः । वसूनि । तृतीये । अस्मिन् । सवने । दधात ॥
Padapatha Transcription Accented
idā́ ǀ áhnaḥ ǀ pītím ǀ utá ǀ vaḥ ǀ mádam ǀ dhuḥ ǀ ná ǀ ṛté ǀ śrāntásya ǀ sakhyā́ya ǀ devā́ḥ ǀ
té ǀ nūnám ǀ asmé íti ǀ ṛbhavaḥ ǀ vásūni ǀ tṛtī́ye ǀ asmín ǀ sávane ǀ dadhāta ǁ
Padapatha Transcription Nonaccented
idā ǀ ahnaḥ ǀ pītim ǀ uta ǀ vaḥ ǀ madam ǀ dhuḥ ǀ na ǀ ṛte ǀ śrāntasya ǀ sakhyāya ǀ devāḥ ǀ
te ǀ nūnam ǀ asme iti ǀ ṛbhavaḥ ǀ vasūni ǀ tṛtīye ǀ asmin ǀ savane ǀ dadhāta ǁ