|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 4
Sūkta 34
|
1. Info |
| To: | ṛbhus | |
| From: | vāmadeva gautama | |
| Metres: | 1st set of styles: nicṛttriṣṭup (4, 6-9); svarāṭpaṅkti (3, 11); virāṭtrisṭup (1); bhuriktriṣṭup (2); bhurikpaṅkti (5); triṣṭup (10) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
04.034.01 (Mandala. Sukta. Rik)
3.7.03.01 (Ashtaka. Adhyaya. Varga. Rik)
04.04.012 (Mandala. Anuvāka. Rik)
Samhita Devanagari Accented
ऋ॒भुर्विभ्वा॒ वाज॒ इंद्रो॑ नो॒ अच्छे॒मं य॒ज्ञं र॑त्न॒धेयोप॑ यात ।
इ॒दा हि वो॑ धि॒षणा॑ दे॒व्यह्ना॒मधा॑त्पी॒तिं सं मदा॑ अग्मता वः ॥
Samhita Devanagari Nonaccented
ऋभुर्विभ्वा वाज इंद्रो नो अच्छेमं यज्ञं रत्नधेयोप यात ।
इदा हि वो धिषणा देव्यह्नामधात्पीतिं सं मदा अग्मता वः ॥
Samhita Transcription Accented
ṛbhúrvíbhvā vā́ja índro no ácchemám yajñám ratnadhéyópa yāta ǀ
idā́ hí vo dhiṣáṇā devyáhnāmádhātpītím sám mádā agmatā vaḥ ǁ
Samhita Transcription Nonaccented
ṛbhurvibhvā vāja indro no acchemam yajñam ratnadheyopa yāta ǀ
idā hi vo dhiṣaṇā devyahnāmadhātpītim sam madā agmatā vaḥ ǁ
Padapatha Devanagari Accented
ऋ॒भुः । विऽभ्वा॑ । वाजः॑ । इन्द्रः॑ । नः॒ । अच्छ॑ । इ॒मम् । य॒ज्ञम् । र॒त्न॒ऽधेया॑ । उप॑ । या॒त॒ ।
इ॒दा । हि । वः॒ । धि॒षणा॑ । दे॒वी । अह्ना॑म् । अधा॑त् । पी॒तिम् । सम् । मदाः॑ । अ॒ग्म॒त॒ । वः॒ ॥
Padapatha Devanagari Nonaccented
ऋभुः । विऽभ्वा । वाजः । इन्द्रः । नः । अच्छ । इमम् । यज्ञम् । रत्नऽधेया । उप । यात ।
इदा । हि । वः । धिषणा । देवी । अह्नाम् । अधात् । पीतिम् । सम् । मदाः । अग्मत । वः ॥
Padapatha Transcription Accented
ṛbhúḥ ǀ ví-bhvā ǀ vā́jaḥ ǀ índraḥ ǀ naḥ ǀ áccha ǀ imám ǀ yajñám ǀ ratna-dhéyā ǀ úpa ǀ yāta ǀ
idā́ ǀ hí ǀ vaḥ ǀ dhiṣáṇā ǀ devī́ ǀ áhnām ǀ ádhāt ǀ pītím ǀ sám ǀ mádāḥ ǀ agmata ǀ vaḥ ǁ
Padapatha Transcription Nonaccented
ṛbhuḥ ǀ vi-bhvā ǀ vājaḥ ǀ indraḥ ǀ naḥ ǀ accha ǀ imam ǀ yajñam ǀ ratna-dheyā ǀ upa ǀ yāta ǀ
idā ǀ hi ǀ vaḥ ǀ dhiṣaṇā ǀ devī ǀ ahnām ǀ adhāt ǀ pītim ǀ sam ǀ madāḥ ǀ agmata ǀ vaḥ ǁ
04.034.02 (Mandala. Sukta. Rik)
3.7.03.02 (Ashtaka. Adhyaya. Varga. Rik)
04.04.013 (Mandala. Anuvāka. Rik)
Samhita Devanagari Accented
वि॒दा॒नासो॒ जन्म॑नो वाजरत्ना उ॒त ऋ॒तुभि॑र्ऋभवो मादयध्वं ।
सं वो॒ मदा॒ अग्म॑त॒ सं पुरं॑धिः सु॒वीरा॑म॒स्मे र॒यिमेर॑यध्वं ॥
Samhita Devanagari Nonaccented
विदानासो जन्मनो वाजरत्ना उत ऋतुभिर्ऋभवो मादयध्वं ।
सं वो मदा अग्मत सं पुरंधिः सुवीरामस्मे रयिमेरयध्वं ॥
Samhita Transcription Accented
vidānā́so jánmano vājaratnā utá ṛtúbhirṛbhavo mādayadhvam ǀ
sám vo mádā ágmata sám púraṃdhiḥ suvī́rāmasmé rayímérayadhvam ǁ
Samhita Transcription Nonaccented
vidānāso janmano vājaratnā uta ṛtubhirṛbhavo mādayadhvam ǀ
sam vo madā agmata sam puraṃdhiḥ suvīrāmasme rayimerayadhvam ǁ
Padapatha Devanagari Accented
वि॒दा॒नासः॑ । जन्म॑नः । वा॒ज॒ऽर॒त्नाः॒ । उ॒त । ऋ॒तुऽभिः॑ । ऋ॒भ॒वः॒ । मा॒द॒य॒ध्व॒म् ।
सम् । वः॒ । मदाः॑ । अग्म॑त । सम् । पुर॑म्ऽधिः । सु॒ऽवीरा॑म् । अ॒स्मे इति॑ । र॒यिम् । आ । ई॒र॒य॒ध्व॒म् ॥
Padapatha Devanagari Nonaccented
विदानासः । जन्मनः । वाजऽरत्नाः । उत । ऋतुऽभिः । ऋभवः । मादयध्वम् ।
सम् । वः । मदाः । अग्मत । सम् । पुरम्ऽधिः । सुऽवीराम् । अस्मे इति । रयिम् । आ । ईरयध्वम् ॥
Padapatha Transcription Accented
vidānā́saḥ ǀ jánmanaḥ ǀ vāja-ratnāḥ ǀ utá ǀ ṛtú-bhiḥ ǀ ṛbhavaḥ ǀ mādayadhvam ǀ
sám ǀ vaḥ ǀ mádāḥ ǀ ágmata ǀ sám ǀ púram-dhiḥ ǀ su-vī́rām ǀ asmé íti ǀ rayím ǀ ā́ ǀ īrayadhvam ǁ
Padapatha Transcription Nonaccented
vidānāsaḥ ǀ janmanaḥ ǀ vāja-ratnāḥ ǀ uta ǀ ṛtu-bhiḥ ǀ ṛbhavaḥ ǀ mādayadhvam ǀ
sam ǀ vaḥ ǀ madāḥ ǀ agmata ǀ sam ǀ puram-dhiḥ ǀ su-vīrām ǀ asme iti ǀ rayim ǀ ā ǀ īrayadhvam ǁ
04.034.03 (Mandala. Sukta. Rik)
3.7.03.03 (Ashtaka. Adhyaya. Varga. Rik)
04.04.014 (Mandala. Anuvāka. Rik)
Samhita Devanagari Accented
अ॒यं वो॑ य॒ज्ञ ऋ॑भवोऽकारि॒ यमा म॑नु॒ष्वत्प्र॒दिवो॑ दधि॒ध्वे ।
प्र वोऽच्छा॑ जुजुषा॒णासो॑ अस्थु॒रभू॑त॒ विश्वे॑ अग्रि॒योत वा॑जाः ॥
Samhita Devanagari Nonaccented
अयं वो यज्ञ ऋभवोऽकारि यमा मनुष्वत्प्रदिवो दधिध्वे ।
प्र वोऽच्छा जुजुषाणासो अस्थुरभूत विश्वे अग्रियोत वाजाः ॥
Samhita Transcription Accented
ayám vo yajñá ṛbhavo’kāri yámā́ manuṣvátpradívo dadhidhvé ǀ
prá vó’cchā jujuṣāṇā́so asthurábhūta víśve agriyótá vājāḥ ǁ
Samhita Transcription Nonaccented
ayam vo yajña ṛbhavo’kāri yamā manuṣvatpradivo dadhidhve ǀ
pra vo’cchā jujuṣāṇāso asthurabhūta viśve agriyota vājāḥ ǁ
Padapatha Devanagari Accented
अ॒यम् । वः॒ । य॒ज्ञः । ऋ॒भ॒वः॒ । अ॒का॒रि॒ । यम् । आ । म॒नु॒ष्वत् । प्र॒ऽदिवः॑ । द॒धि॒ध्वे ।
प्र । वः॒ । अच्छ॑ । जु॒जु॒षा॒णासः॑ । अ॒स्थुः॒ । अभू॑त । विश्वे॑ । अ॒ग्रि॒या । उ॒त । वा॒जाः॒ ॥
Padapatha Devanagari Nonaccented
अयम् । वः । यज्ञः । ऋभवः । अकारि । यम् । आ । मनुष्वत् । प्रऽदिवः । दधिध्वे ।
प्र । वः । अच्छ । जुजुषाणासः । अस्थुः । अभूत । विश्वे । अग्रिया । उत । वाजाः ॥
Padapatha Transcription Accented
ayám ǀ vaḥ ǀ yajñáḥ ǀ ṛbhavaḥ ǀ akāri ǀ yám ǀ ā́ ǀ manuṣvát ǀ pra-dívaḥ ǀ dadhidhvé ǀ
prá ǀ vaḥ ǀ áccha ǀ jujuṣāṇā́saḥ ǀ asthuḥ ǀ ábhūta ǀ víśve ǀ agriyā́ ǀ utá ǀ vājāḥ ǁ
Padapatha Transcription Nonaccented
ayam ǀ vaḥ ǀ yajñaḥ ǀ ṛbhavaḥ ǀ akāri ǀ yam ǀ ā ǀ manuṣvat ǀ pra-divaḥ ǀ dadhidhve ǀ
pra ǀ vaḥ ǀ accha ǀ jujuṣāṇāsaḥ ǀ asthuḥ ǀ abhūta ǀ viśve ǀ agriyā ǀ uta ǀ vājāḥ ǁ
04.034.04 (Mandala. Sukta. Rik)
3.7.03.04 (Ashtaka. Adhyaya. Varga. Rik)
04.04.015 (Mandala. Anuvāka. Rik)
Samhita Devanagari Accented
अभू॑दु वो विध॒ते र॑त्न॒धेय॑मि॒दा न॑रो दा॒शुषे॒ मर्त्या॑य ।
पिब॑त वाजा ऋभवो द॒दे वो॒ महि॑ तृ॒तीयं॒ सव॑नं॒ मदा॑य ॥
Samhita Devanagari Nonaccented
अभूदु वो विधते रत्नधेयमिदा नरो दाशुषे मर्त्याय ।
पिबत वाजा ऋभवो ददे वो महि तृतीयं सवनं मदाय ॥
Samhita Transcription Accented
ábhūdu vo vidhaté ratnadhéyamidā́ naro dāśúṣe mártyāya ǀ
píbata vājā ṛbhavo dadé vo máhi tṛtī́yam sávanam mádāya ǁ
Samhita Transcription Nonaccented
abhūdu vo vidhate ratnadheyamidā naro dāśuṣe martyāya ǀ
pibata vājā ṛbhavo dade vo mahi tṛtīyam savanam madāya ǁ
Padapatha Devanagari Accented
अभू॑त् । ऊं॒ इति॑ । वः॒ । वि॒ध॒ते । र॒त्न॒ऽधेय॑म् । इ॒दा । न॒रः॒ । दा॒शुषे॑ । मर्त्या॑य ।
पिब॑त । वा॒जाः॒ । ऋ॒भ॒वः॒ । द॒दे । वः॒ । महि॑ । तृ॒तीय॑म् । सव॑नम् । मदा॑य ॥
Padapatha Devanagari Nonaccented
अभूत् । ऊं इति । वः । विधते । रत्नऽधेयम् । इदा । नरः । दाशुषे । मर्त्याय ।
पिबत । वाजाः । ऋभवः । ददे । वः । महि । तृतीयम् । सवनम् । मदाय ॥
Padapatha Transcription Accented
ábhūt ǀ ūṃ íti ǀ vaḥ ǀ vidhaté ǀ ratna-dhéyam ǀ idā́ ǀ naraḥ ǀ dāśúṣe ǀ mártyāya ǀ
píbata ǀ vājāḥ ǀ ṛbhavaḥ ǀ dadé ǀ vaḥ ǀ máhi ǀ tṛtī́yam ǀ sávanam ǀ mádāya ǁ
Padapatha Transcription Nonaccented
abhūt ǀ ūṃ iti ǀ vaḥ ǀ vidhate ǀ ratna-dheyam ǀ idā ǀ naraḥ ǀ dāśuṣe ǀ martyāya ǀ
pibata ǀ vājāḥ ǀ ṛbhavaḥ ǀ dade ǀ vaḥ ǀ mahi ǀ tṛtīyam ǀ savanam ǀ madāya ǁ
04.034.05 (Mandala. Sukta. Rik)
3.7.03.05 (Ashtaka. Adhyaya. Varga. Rik)
04.04.016 (Mandala. Anuvāka. Rik)
Samhita Devanagari Accented
आ वा॑जा या॒तोप॑ न ऋभुक्षा म॒हो न॑रो॒ द्रवि॑णसो गृणा॒नाः ।
आ वः॑ पी॒तयो॑ऽभिपि॒त्वे अह्ना॑मि॒मा अस्तं॑ नव॒स्व॑ इव ग्मन् ॥
Samhita Devanagari Nonaccented
आ वाजा यातोप न ऋभुक्षा महो नरो द्रविणसो गृणानाः ।
आ वः पीतयोऽभिपित्वे अह्नामिमा अस्तं नवस्व इव ग्मन् ॥
Samhita Transcription Accented
ā́ vājā yātópa na ṛbhukṣā mahó naro dráviṇaso gṛṇānā́ḥ ǀ
ā́ vaḥ pītáyo’bhipitvé áhnāmimā́ ástam navasvá iva gman ǁ
Samhita Transcription Nonaccented
ā vājā yātopa na ṛbhukṣā maho naro draviṇaso gṛṇānāḥ ǀ
ā vaḥ pītayo’bhipitve ahnāmimā astam navasva iva gman ǁ
Padapatha Devanagari Accented
आ । वा॒जाः॒ । या॒त॒ । उप॑ । नः॒ । ऋ॒भु॒क्षाः॒ । म॒हः । न॒रः॒ । द्रवि॑णसः । गृ॒णा॒नाः ।
आ । वः॒ । पी॒तयः॑ । अ॒भि॒ऽपि॒त्वे । अह्ना॑म् । इ॒माः । अस्त॑म् । न॒व॒स्वः॑ऽइव । ग्म॒न् ॥
Padapatha Devanagari Nonaccented
आ । वाजाः । यात । उप । नः । ऋभुक्षाः । महः । नरः । द्रविणसः । गृणानाः ।
आ । वः । पीतयः । अभिऽपित्वे । अह्नाम् । इमाः । अस्तम् । नवस्वःऽइव । ग्मन् ॥
Padapatha Transcription Accented
ā́ ǀ vājāḥ ǀ yāta ǀ úpa ǀ naḥ ǀ ṛbhukṣāḥ ǀ maháḥ ǀ naraḥ ǀ dráviṇasaḥ ǀ gṛṇānā́ḥ ǀ
ā́ ǀ vaḥ ǀ pītáyaḥ ǀ abhi-pitvé ǀ áhnām ǀ imā́ḥ ǀ ástam ǀ navasváḥ-iva ǀ gman ǁ
Padapatha Transcription Nonaccented
ā ǀ vājāḥ ǀ yāta ǀ upa ǀ naḥ ǀ ṛbhukṣāḥ ǀ mahaḥ ǀ naraḥ ǀ draviṇasaḥ ǀ gṛṇānāḥ ǀ
ā ǀ vaḥ ǀ pītayaḥ ǀ abhi-pitve ǀ ahnām ǀ imāḥ ǀ astam ǀ navasvaḥ-iva ǀ gman ǁ
04.034.06 (Mandala. Sukta. Rik)
3.7.04.01 (Ashtaka. Adhyaya. Varga. Rik)
04.04.017 (Mandala. Anuvāka. Rik)
Samhita Devanagari Accented
आ न॑पातः शवसो यात॒नोपे॒मं य॒ज्ञं नम॑सा हू॒यमा॑नाः ।
स॒जोष॑सः सूरयो॒ यस्य॑ च॒ स्थ मध्वः॑ पात रत्न॒धा इंद्र॑वंतः ॥
Samhita Devanagari Nonaccented
आ नपातः शवसो यातनोपेमं यज्ञं नमसा हूयमानाः ।
सजोषसः सूरयो यस्य च स्थ मध्वः पात रत्नधा इंद्रवंतः ॥
Samhita Transcription Accented
ā́ napātaḥ śavaso yātanópemám yajñám námasā hūyámānāḥ ǀ
sajóṣasaḥ sūrayo yásya ca sthá mádhvaḥ pāta ratnadhā́ índravantaḥ ǁ
Samhita Transcription Nonaccented
ā napātaḥ śavaso yātanopemam yajñam namasā hūyamānāḥ ǀ
sajoṣasaḥ sūrayo yasya ca stha madhvaḥ pāta ratnadhā indravantaḥ ǁ
Padapatha Devanagari Accented
आ । न॒पा॒तः॒ । श॒व॒सः॒ । या॒त॒न॒ । उप॑ । इ॒मम् । य॒ज्ञम् । नम॑सा । हू॒यमा॑नाः ।
स॒ऽजोष॑सः । सू॒र॒यः॒ । यस्य॑ । च॒ । स्थ । मध्वः॑ । पा॒त॒ । र॒त्न॒ऽधाः । इन्द्र॑ऽवन्तः ॥
Padapatha Devanagari Nonaccented
आ । नपातः । शवसः । यातन । उप । इमम् । यज्ञम् । नमसा । हूयमानाः ।
सऽजोषसः । सूरयः । यस्य । च । स्थ । मध्वः । पात । रत्नऽधाः । इन्द्रऽवन्तः ॥
Padapatha Transcription Accented
ā́ ǀ napātaḥ ǀ śavasaḥ ǀ yātana ǀ úpa ǀ imám ǀ yajñám ǀ námasā ǀ hūyámānāḥ ǀ
sa-jóṣasaḥ ǀ sūrayaḥ ǀ yásya ǀ ca ǀ sthá ǀ mádhvaḥ ǀ pāta ǀ ratna-dhā́ḥ ǀ índra-vantaḥ ǁ
Padapatha Transcription Nonaccented
ā ǀ napātaḥ ǀ śavasaḥ ǀ yātana ǀ upa ǀ imam ǀ yajñam ǀ namasā ǀ hūyamānāḥ ǀ
sa-joṣasaḥ ǀ sūrayaḥ ǀ yasya ǀ ca ǀ stha ǀ madhvaḥ ǀ pāta ǀ ratna-dhāḥ ǀ indra-vantaḥ ǁ
04.034.07 (Mandala. Sukta. Rik)
3.7.04.02 (Ashtaka. Adhyaya. Varga. Rik)
04.04.018 (Mandala. Anuvāka. Rik)
Samhita Devanagari Accented
स॒जोषा॑ इंद्र॒ वरु॑णेन॒ सोमं॑ स॒जोषाः॑ पाहि गिर्वणो म॒रुद्भिः॑ ।
अ॒ग्रे॒पाभि॑र्ऋतु॒पाभिः॑ स॒जोषा॒ ग्नास्पत्नी॑भी रत्न॒धाभिः॑ स॒जोषाः॑ ॥
Samhita Devanagari Nonaccented
सजोषा इंद्र वरुणेन सोमं सजोषाः पाहि गिर्वणो मरुद्भिः ।
अग्रेपाभिर्ऋतुपाभिः सजोषा ग्नास्पत्नीभी रत्नधाभिः सजोषाः ॥
Samhita Transcription Accented
sajóṣā indra váruṇena sómam sajóṣāḥ pāhi girvaṇo marúdbhiḥ ǀ
agrepā́bhirṛtupā́bhiḥ sajóṣā gnā́spátnībhī ratnadhā́bhiḥ sajóṣāḥ ǁ
Samhita Transcription Nonaccented
sajoṣā indra varuṇena somam sajoṣāḥ pāhi girvaṇo marudbhiḥ ǀ
agrepābhirṛtupābhiḥ sajoṣā gnāspatnībhī ratnadhābhiḥ sajoṣāḥ ǁ
Padapatha Devanagari Accented
स॒ऽजोषाः॑ । इ॒न्द्र॒ । वरु॑णेन । सोम॑म् । स॒ऽजोषाः॑ । पा॒हि॒ । गि॒र्व॒णः॒ । म॒रुत्ऽभिः॑ ।
अ॒ग्रे॒ऽपाभिः॑ । ऋ॒तु॒ऽपाभिः॑ । स॒ऽजोषाः॑ । ग्नाःपत्नी॑भिः । र॒त्न॒ऽधाभिः॑ । स॒ऽजोषाः॑ ॥
Padapatha Devanagari Nonaccented
सऽजोषाः । इन्द्र । वरुणेन । सोमम् । सऽजोषाः । पाहि । गिर्वणः । मरुत्ऽभिः ।
अग्रेऽपाभिः । ऋतुऽपाभिः । सऽजोषाः । ग्नाःपत्नीभिः । रत्नऽधाभिः । सऽजोषाः ॥
Padapatha Transcription Accented
sa-jóṣāḥ ǀ indra ǀ váruṇena ǀ sómam ǀ sa-jóṣāḥ ǀ pāhi ǀ girvaṇaḥ ǀ marút-bhiḥ ǀ
agre-pā́bhiḥ ǀ ṛtu-pā́bhiḥ ǀ sa-jóṣāḥ ǀ gnā́ḥpátnībhiḥ ǀ ratna-dhā́bhiḥ ǀ sa-jóṣāḥ ǁ
Padapatha Transcription Nonaccented
sa-joṣāḥ ǀ indra ǀ varuṇena ǀ somam ǀ sa-joṣāḥ ǀ pāhi ǀ girvaṇaḥ ǀ marut-bhiḥ ǀ
agre-pābhiḥ ǀ ṛtu-pābhiḥ ǀ sa-joṣāḥ ǀ gnāḥpatnībhiḥ ǀ ratna-dhābhiḥ ǀ sa-joṣāḥ ǁ
04.034.08 (Mandala. Sukta. Rik)
3.7.04.03 (Ashtaka. Adhyaya. Varga. Rik)
04.04.019 (Mandala. Anuvāka. Rik)
Samhita Devanagari Accented
स॒जोष॑स आदि॒त्यैर्मा॑दयध्वं स॒जोष॑स ऋभवः॒ पर्व॑तेभिः ।
स॒जोष॑सो॒ दैव्ये॑ना सवि॒त्रा स॒जोष॑सः॒ सिंधु॑भी रत्न॒धेभिः॑ ॥
Samhita Devanagari Nonaccented
सजोषस आदित्यैर्मादयध्वं सजोषस ऋभवः पर्वतेभिः ।
सजोषसो दैव्येना सवित्रा सजोषसः सिंधुभी रत्नधेभिः ॥
Samhita Transcription Accented
sajóṣasa ādityáirmādayadhvam sajóṣasa ṛbhavaḥ párvatebhiḥ ǀ
sajóṣaso dáivyenā savitrā́ sajóṣasaḥ síndhubhī ratnadhébhiḥ ǁ
Samhita Transcription Nonaccented
sajoṣasa ādityairmādayadhvam sajoṣasa ṛbhavaḥ parvatebhiḥ ǀ
sajoṣaso daivyenā savitrā sajoṣasaḥ sindhubhī ratnadhebhiḥ ǁ
Padapatha Devanagari Accented
स॒ऽजोष॑सः । आ॒दि॒त्यैः । मा॒द॒य॒ध्व॒म् । स॒ऽजोष॑सः । ऋ॒भ॒वः॒ । पर्व॑तेभिः ।
स॒ऽजोष॑सः । दैव्ये॑न । स॒वि॒त्रा । स॒ऽजोष॑सः । सिन्धु॑ऽभिः । र॒त्न॒ऽधेभिः॑ ॥
Padapatha Devanagari Nonaccented
सऽजोषसः । आदित्यैः । मादयध्वम् । सऽजोषसः । ऋभवः । पर्वतेभिः ।
सऽजोषसः । दैव्येन । सवित्रा । सऽजोषसः । सिन्धुऽभिः । रत्नऽधेभिः ॥
Padapatha Transcription Accented
sa-jóṣasaḥ ǀ ādityáiḥ ǀ mādayadhvam ǀ sa-jóṣasaḥ ǀ ṛbhavaḥ ǀ párvatebhiḥ ǀ
sa-jóṣasaḥ ǀ dáivyena ǀ savitrā́ ǀ sa-jóṣasaḥ ǀ síndhu-bhiḥ ǀ ratna-dhébhiḥ ǁ
Padapatha Transcription Nonaccented
sa-joṣasaḥ ǀ ādityaiḥ ǀ mādayadhvam ǀ sa-joṣasaḥ ǀ ṛbhavaḥ ǀ parvatebhiḥ ǀ
sa-joṣasaḥ ǀ daivyena ǀ savitrā ǀ sa-joṣasaḥ ǀ sindhu-bhiḥ ǀ ratna-dhebhiḥ ǁ
04.034.09 (Mandala. Sukta. Rik)
3.7.04.04 (Ashtaka. Adhyaya. Varga. Rik)
04.04.020 (Mandala. Anuvāka. Rik)
Samhita Devanagari Accented
ये अ॒श्विना॒ ये पि॒तरा॒ य ऊ॒ती धे॒नुं त॑त॒क्षुर्ऋ॒भवो॒ ये अश्वा॑ ।
ये अंस॑त्रा॒ य ऋध॒ग्रोद॑सी॒ ये विभ्वो॒ नरः॑ स्वप॒त्यानि॑ च॒क्रुः ॥
Samhita Devanagari Nonaccented
ये अश्विना ये पितरा य ऊती धेनुं ततक्षुर्ऋभवो ये अश्वा ।
ये अंसत्रा य ऋधग्रोदसी ये विभ्वो नरः स्वपत्यानि चक्रुः ॥
Samhita Transcription Accented
yé aśvínā yé pitárā yá ūtī́ dhenúm tatakṣúrṛbhávo yé áśvā ǀ
yé áṃsatrā yá ṛ́dhagródasī yé víbhvo náraḥ svapatyā́ni cakrúḥ ǁ
Samhita Transcription Nonaccented
ye aśvinā ye pitarā ya ūtī dhenum tatakṣurṛbhavo ye aśvā ǀ
ye aṃsatrā ya ṛdhagrodasī ye vibhvo naraḥ svapatyāni cakruḥ ǁ
Padapatha Devanagari Accented
ये । अ॒श्विना॑ । ये । पि॒तरा॑ । ये । ऊ॒ती । धे॒नुम् । त॒त॒क्षुः । ऋ॒भवः॑ । ये । अश्वा॑ ।
ये । अंस॑त्रा । ये । ऋध॑क् । रोद॑सी॒ इति॑ । ये । विऽभ्वः॑ । नरः॑ । सु॒ऽअ॒प॒त्यानि॑ । च॒क्रुः ॥
Padapatha Devanagari Nonaccented
ये । अश्विना । ये । पितरा । ये । ऊती । धेनुम् । ततक्षुः । ऋभवः । ये । अश्वा ।
ये । अंसत्रा । ये । ऋधक् । रोदसी इति । ये । विऽभ्वः । नरः । सुऽअपत्यानि । चक्रुः ॥
Padapatha Transcription Accented
yé ǀ aśvínā ǀ yé ǀ pitárā ǀ yé ǀ ūtī́ ǀ dhenúm ǀ tatakṣúḥ ǀ ṛbhávaḥ ǀ yé ǀ áśvā ǀ
yé ǀ áṃsatrā ǀ yé ǀ ṛ́dhak ǀ ródasī íti ǀ yé ǀ ví-bhvaḥ ǀ náraḥ ǀ su-apatyā́ni ǀ cakrúḥ ǁ
Padapatha Transcription Nonaccented
ye ǀ aśvinā ǀ ye ǀ pitarā ǀ ye ǀ ūtī ǀ dhenum ǀ tatakṣuḥ ǀ ṛbhavaḥ ǀ ye ǀ aśvā ǀ
ye ǀ aṃsatrā ǀ ye ǀ ṛdhak ǀ rodasī iti ǀ ye ǀ vi-bhvaḥ ǀ naraḥ ǀ su-apatyāni ǀ cakruḥ ǁ
04.034.10 (Mandala. Sukta. Rik)
3.7.04.05 (Ashtaka. Adhyaya. Varga. Rik)
04.04.021 (Mandala. Anuvāka. Rik)
Samhita Devanagari Accented
ये गोमं॑तं॒ वाज॑वंतं सु॒वीरं॑ र॒यिं ध॒त्थ वसु॑मंतं पुरु॒क्षुं ।
ते अ॑ग्रे॒पा ऋ॑भवो मंदसा॒ना अ॒स्मे ध॑त्त॒ ये च॑ रा॒तिं गृ॒णंति॑ ॥
Samhita Devanagari Nonaccented
ये गोमंतं वाजवंतं सुवीरं रयिं धत्थ वसुमंतं पुरुक्षुं ।
ते अग्रेपा ऋभवो मंदसाना अस्मे धत्त ये च रातिं गृणंति ॥
Samhita Transcription Accented
yé gómantam vā́javantam suvī́ram rayím dhatthá vásumantam purukṣúm ǀ
té agrepā́ ṛbhavo mandasānā́ asmé dhatta yé ca rātím gṛṇánti ǁ
Samhita Transcription Nonaccented
ye gomantam vājavantam suvīram rayim dhattha vasumantam purukṣum ǀ
te agrepā ṛbhavo mandasānā asme dhatta ye ca rātim gṛṇanti ǁ
Padapatha Devanagari Accented
ये । गोऽम॑न्तम् । वाज॑ऽवन्तम् । सु॒ऽवीर॑म् । र॒यिम् । ध॒त्थ । वसु॑ऽमन्तम् । पु॒रु॒ऽक्षुम् ।
ते । अ॒ग्रे॒ऽपाः । ऋ॒भ॒वः॒ । म॒न्द॒सा॒नाः । अ॒स्मे इति॑ । ध॒त्त॒ । ये । च॒ । रा॒तिम् । गृ॒णन्ति॑ ॥
Padapatha Devanagari Nonaccented
ये । गोऽमन्तम् । वाजऽवन्तम् । सुऽवीरम् । रयिम् । धत्थ । वसुऽमन्तम् । पुरुऽक्षुम् ।
ते । अग्रेऽपाः । ऋभवः । मन्दसानाः । अस्मे इति । धत्त । ये । च । रातिम् । गृणन्ति ॥
Padapatha Transcription Accented
yé ǀ gó-mantam ǀ vā́ja-vantam ǀ su-vī́ram ǀ rayím ǀ dhatthá ǀ vásu-mantam ǀ puru-kṣúm ǀ
té ǀ agre-pā́ḥ ǀ ṛbhavaḥ ǀ mandasānā́ḥ ǀ asmé íti ǀ dhatta ǀ yé ǀ ca ǀ rātím ǀ gṛṇánti ǁ
Padapatha Transcription Nonaccented
ye ǀ go-mantam ǀ vāja-vantam ǀ su-vīram ǀ rayim ǀ dhattha ǀ vasu-mantam ǀ puru-kṣum ǀ
te ǀ agre-pāḥ ǀ ṛbhavaḥ ǀ mandasānāḥ ǀ asme iti ǀ dhatta ǀ ye ǀ ca ǀ rātim ǀ gṛṇanti ǁ
04.034.11 (Mandala. Sukta. Rik)
3.7.04.06 (Ashtaka. Adhyaya. Varga. Rik)
04.04.022 (Mandala. Anuvāka. Rik)
Samhita Devanagari Accented
नापा॑भूत॒ न वो॑ऽतीतृषा॒मानिः॑शस्ता ऋभवो य॒ज्ञे अ॒स्मिन् ।
समिंद्रे॑ण॒ मद॑थ॒ सं म॒रुद्भिः॒ सं राज॑भी रत्न॒धेया॑य देवाः ॥
Samhita Devanagari Nonaccented
नापाभूत न वोऽतीतृषामानिःशस्ता ऋभवो यज्ञे अस्मिन् ।
समिंद्रेण मदथ सं मरुद्भिः सं राजभी रत्नधेयाय देवाः ॥
Samhita Transcription Accented
nā́pābhūta ná vo’tītṛṣāmā́niḥśastā ṛbhavo yajñé asmín ǀ
sámíndreṇa mádatha sám marúdbhiḥ sám rā́jabhī ratnadhéyāya devāḥ ǁ
Samhita Transcription Nonaccented
nāpābhūta na vo’tītṛṣāmāniḥśastā ṛbhavo yajñe asmin ǀ
samindreṇa madatha sam marudbhiḥ sam rājabhī ratnadheyāya devāḥ ǁ
Padapatha Devanagari Accented
न । अप॑ । अ॒भू॒त॒ । न । वः॒ । अ॒ती॒तृ॒षा॒म॒ । अनिः॑ऽशस्ताः । ऋ॒भ॒वः॒ । य॒ज्ञे । अ॒स्मिन् ।
सम् । इन्द्रे॑ण । मद॑थ । सम् । म॒रुत्ऽभिः॑ । सम् । राज॑ऽभिः । र॒त्न॒ऽधेया॑य । दे॒वाः॒ ॥
Padapatha Devanagari Nonaccented
न । अप । अभूत । न । वः । अतीतृषाम । अनिःऽशस्ताः । ऋभवः । यज्ञे । अस्मिन् ।
सम् । इन्द्रेण । मदथ । सम् । मरुत्ऽभिः । सम् । राजऽभिः । रत्नऽधेयाय । देवाः ॥
Padapatha Transcription Accented
ná ǀ ápa ǀ abhūta ǀ ná ǀ vaḥ ǀ atītṛṣāma ǀ ániḥ-śastāḥ ǀ ṛbhavaḥ ǀ yajñé ǀ asmín ǀ
sám ǀ índreṇa ǀ mádatha ǀ sám ǀ marút-bhiḥ ǀ sám ǀ rā́ja-bhiḥ ǀ ratna-dhéyāya ǀ devāḥ ǁ
Padapatha Transcription Nonaccented
na ǀ apa ǀ abhūta ǀ na ǀ vaḥ ǀ atītṛṣāma ǀ aniḥ-śastāḥ ǀ ṛbhavaḥ ǀ yajñe ǀ asmin ǀ
sam ǀ indreṇa ǀ madatha ǀ sam ǀ marut-bhiḥ ǀ sam ǀ rāja-bhiḥ ǀ ratna-dheyāya ǀ devāḥ ǁ