|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 4
Sūkta 35
|
1. Info |
| To: | ṛbhus | |
| From: | vāmadeva gautama | |
| Metres: | 1st set of styles: nicṛttriṣṭup (1, 2, 4, 6, 7, 9); bhurikpaṅkti (3); svarāṭpaṅkti (5); triṣṭup (8) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
04.035.01 (Mandala. Sukta. Rik)
3.7.05.01 (Ashtaka. Adhyaya. Varga. Rik)
04.04.023 (Mandala. Anuvāka. Rik)
Samhita Devanagari Accented
इ॒होप॑ यात शवसो नपातः॒ सौध॑न्वना ऋभवो॒ माप॑ भूत ।
अ॒स्मिन्हि वः॒ सव॑ने रत्न॒धेयं॒ गमं॒त्विंद्र॒मनु॑ वो॒ मदा॑सः ॥
Samhita Devanagari Nonaccented
इहोप यात शवसो नपातः सौधन्वना ऋभवो माप भूत ।
अस्मिन्हि वः सवने रत्नधेयं गमंत्विंद्रमनु वो मदासः ॥
Samhita Transcription Accented
ihópa yāta śavaso napātaḥ sáudhanvanā ṛbhavo mā́pa bhūta ǀ
asmínhí vaḥ sávane ratnadhéyam gámantvíndramánu vo mádāsaḥ ǁ
Samhita Transcription Nonaccented
ihopa yāta śavaso napātaḥ saudhanvanā ṛbhavo māpa bhūta ǀ
asminhi vaḥ savane ratnadheyam gamantvindramanu vo madāsaḥ ǁ
Padapatha Devanagari Accented
इ॒ह । उप॑ । या॒त॒ । श॒व॒सः॒ । न॒पा॒तः॒ । सौध॑न्वनाः । ऋ॒भ॒वः॒ । मा । अप॑ । भू॒त॒ ।
अ॒स्मिन् । हि । वः॒ । सव॑ने । र॒त्न॒ऽधेय॑म् । गम॑न्तु । इन्द्र॑म् । अनु॑ । वः॒ । मदा॑सः ॥
Padapatha Devanagari Nonaccented
इह । उप । यात । शवसः । नपातः । सौधन्वनाः । ऋभवः । मा । अप । भूत ।
अस्मिन् । हि । वः । सवने । रत्नऽधेयम् । गमन्तु । इन्द्रम् । अनु । वः । मदासः ॥
Padapatha Transcription Accented
ihá ǀ úpa ǀ yāta ǀ śavasaḥ ǀ napātaḥ ǀ sáudhanvanāḥ ǀ ṛbhavaḥ ǀ mā́ ǀ ápa ǀ bhūta ǀ
asmín ǀ hí ǀ vaḥ ǀ sávane ǀ ratna-dhéyam ǀ gámantu ǀ índram ǀ ánu ǀ vaḥ ǀ mádāsaḥ ǁ
Padapatha Transcription Nonaccented
iha ǀ upa ǀ yāta ǀ śavasaḥ ǀ napātaḥ ǀ saudhanvanāḥ ǀ ṛbhavaḥ ǀ mā ǀ apa ǀ bhūta ǀ
asmin ǀ hi ǀ vaḥ ǀ savane ǀ ratna-dheyam ǀ gamantu ǀ indram ǀ anu ǀ vaḥ ǀ madāsaḥ ǁ
04.035.02 (Mandala. Sukta. Rik)
3.7.05.02 (Ashtaka. Adhyaya. Varga. Rik)
04.04.024 (Mandala. Anuvāka. Rik)
Samhita Devanagari Accented
आग॑न्नृभू॒णामि॒ह र॑त्न॒धेय॒मभू॒त्सोम॑स्य॒ सुषु॑तस्य पी॒तिः ।
सु॒कृ॒त्यया॒ यत्स्व॑प॒स्यया॑ चँ॒ एकं॑ विच॒क्र च॑म॒सं च॑तु॒र्धा ॥
Samhita Devanagari Nonaccented
आगन्नृभूणामिह रत्नधेयमभूत्सोमस्य सुषुतस्य पीतिः ।
सुकृत्यया यत्स्वपस्यया चँ एकं विचक्र चमसं चतुर्धा ॥
Samhita Transcription Accented
ā́gannṛbhūṇā́mihá ratnadhéyamábhūtsómasya súṣutasya pītíḥ ǀ
sukṛtyáyā yátsvapasyáyā cam̐ ékam vicakrá camasám caturdhā́ ǁ
Samhita Transcription Nonaccented
āgannṛbhūṇāmiha ratnadheyamabhūtsomasya suṣutasya pītiḥ ǀ
sukṛtyayā yatsvapasyayā cam̐ ekam vicakra camasam caturdhā ǁ
Padapatha Devanagari Accented
आ । अ॒ग॒न् । ऋ॒भू॒णाम् । इ॒ह । र॒त्न॒ऽधेय॑म् । अभू॑त् । सोम॑स्य । सुऽसु॑तस्य । पी॒तिः ।
सु॒ऽकृ॒त्यया॑ । यत् । सु॒ऽअ॒प॒स्यया॑ । च॒ । एक॑म् । वि॒ऽच॒क्र । च॒म॒सम् । च॒तुः॒ऽधा ॥
Padapatha Devanagari Nonaccented
आ । अगन् । ऋभूणाम् । इह । रत्नऽधेयम् । अभूत् । सोमस्य । सुऽसुतस्य । पीतिः ।
सुऽकृत्यया । यत् । सुऽअपस्यया । च । एकम् । विऽचक्र । चमसम् । चतुःऽधा ॥
Padapatha Transcription Accented
ā́ ǀ agan ǀ ṛbhūṇā́m ǀ ihá ǀ ratna-dhéyam ǀ ábhūt ǀ sómasya ǀ sú-sutasya ǀ pītíḥ ǀ
su-kṛtyáyā ǀ yát ǀ su-apasyáyā ǀ ca ǀ ékam ǀ vi-cakrá ǀ camasám ǀ catuḥ-dhā́ ǁ
Padapatha Transcription Nonaccented
ā ǀ agan ǀ ṛbhūṇām ǀ iha ǀ ratna-dheyam ǀ abhūt ǀ somasya ǀ su-sutasya ǀ pītiḥ ǀ
su-kṛtyayā ǀ yat ǀ su-apasyayā ǀ ca ǀ ekam ǀ vi-cakra ǀ camasam ǀ catuḥ-dhā ǁ
04.035.03 (Mandala. Sukta. Rik)
3.7.05.03 (Ashtaka. Adhyaya. Varga. Rik)
04.04.025 (Mandala. Anuvāka. Rik)
Samhita Devanagari Accented
व्य॑कृणोत चम॒सं च॑तु॒र्धा सखे॒ वि शि॒क्षेत्य॑ब्रवीत ।
अथै॑त वाजा अ॒मृत॑स्य॒ पंथां॑ ग॒णं दे॒वाना॑मृभवः सुहस्ताः ॥
Samhita Devanagari Nonaccented
व्यकृणोत चमसं चतुर्धा सखे वि शिक्षेत्यब्रवीत ।
अथैत वाजा अमृतस्य पंथां गणं देवानामृभवः सुहस्ताः ॥
Samhita Transcription Accented
vyákṛṇota camasám caturdhā́ sákhe ví śikṣétyabravīta ǀ
áthaita vājā amṛ́tasya pánthām gaṇám devā́nāmṛbhavaḥ suhastāḥ ǁ
Samhita Transcription Nonaccented
vyakṛṇota camasam caturdhā sakhe vi śikṣetyabravīta ǀ
athaita vājā amṛtasya panthām gaṇam devānāmṛbhavaḥ suhastāḥ ǁ
Padapatha Devanagari Accented
वि । अ॒कृ॒णो॒त॒ । च॒म॒सम् । च॒तुः॒ऽधा । सखे॑ । वि । शि॒क्ष॒ । इति॑ । अ॒ब्र॒वी॒त॒ ।
अथ॑ । ऐ॒त॒ । वा॒जाः॒ । अ॒मृत॑स्य । पन्था॑म् । ग॒णम् । दे॒वाना॑म् । ऋ॒भ॒वः॒ । सु॒ऽह॒स्ताः॒ ॥
Padapatha Devanagari Nonaccented
वि । अकृणोत । चमसम् । चतुःऽधा । सखे । वि । शिक्ष । इति । अब्रवीत ।
अथ । ऐत । वाजाः । अमृतस्य । पन्थाम् । गणम् । देवानाम् । ऋभवः । सुऽहस्ताः ॥
Padapatha Transcription Accented
ví ǀ akṛṇota ǀ camasám ǀ catuḥ-dhā́ ǀ sákhe ǀ ví ǀ śikṣa ǀ íti ǀ abravīta ǀ
átha ǀ aita ǀ vājāḥ ǀ amṛ́tasya ǀ pánthām ǀ gaṇám ǀ devā́nām ǀ ṛbhavaḥ ǀ su-hastāḥ ǁ
Padapatha Transcription Nonaccented
vi ǀ akṛṇota ǀ camasam ǀ catuḥ-dhā ǀ sakhe ǀ vi ǀ śikṣa ǀ iti ǀ abravīta ǀ
atha ǀ aita ǀ vājāḥ ǀ amṛtasya ǀ panthām ǀ gaṇam ǀ devānām ǀ ṛbhavaḥ ǀ su-hastāḥ ǁ
04.035.04 (Mandala. Sukta. Rik)
3.7.05.04 (Ashtaka. Adhyaya. Varga. Rik)
04.04.026 (Mandala. Anuvāka. Rik)
Samhita Devanagari Accented
कि॒म्मयः॑ स्विच्चम॒स ए॒ष आ॑स॒ यं काव्ये॑न च॒तुरो॑ विच॒क्र ।
अथा॑ सुनुध्वं॒ सव॑नं॒ मदा॑य पा॒त ऋ॑भवो॒ मधु॑नः सो॒म्यस्य॑ ॥
Samhita Devanagari Nonaccented
किम्मयः स्विच्चमस एष आस यं काव्येन चतुरो विचक्र ।
अथा सुनुध्वं सवनं मदाय पात ऋभवो मधुनः सोम्यस्य ॥
Samhita Transcription Accented
kimmáyaḥ sviccamasá eṣá āsa yám kā́vyena catúro vicakrá ǀ
áthā sunudhvam sávanam mádāya pātá ṛbhavo mádhunaḥ somyásya ǁ
Samhita Transcription Nonaccented
kimmayaḥ sviccamasa eṣa āsa yam kāvyena caturo vicakra ǀ
athā sunudhvam savanam madāya pāta ṛbhavo madhunaḥ somyasya ǁ
Padapatha Devanagari Accented
कि॒म्ऽमयः॑ । स्वि॒त् । च॒म॒सः । ए॒षः । आ॒स॒ । यम् । काव्ये॑न । च॒तुरः॑ । वि॒ऽच॒क्र ।
अथ॑ । सु॒नु॒ध्व॒म् । सव॑नम् । मदा॑य । पा॒त । ऋ॒भ॒वः॒ । मधु॑नः । सो॒म्यस्य॑ ॥
Padapatha Devanagari Nonaccented
किम्ऽमयः । स्वित् । चमसः । एषः । आस । यम् । काव्येन । चतुरः । विऽचक्र ।
अथ । सुनुध्वम् । सवनम् । मदाय । पात । ऋभवः । मधुनः । सोम्यस्य ॥
Padapatha Transcription Accented
kim-máyaḥ ǀ svit ǀ camasáḥ ǀ eṣáḥ ǀ āsa ǀ yám ǀ kā́vyena ǀ catúraḥ ǀ vi-cakrá ǀ
átha ǀ sunudhvam ǀ sávanam ǀ mádāya ǀ pātá ǀ ṛbhavaḥ ǀ mádhunaḥ ǀ somyásya ǁ
Padapatha Transcription Nonaccented
kim-mayaḥ ǀ svit ǀ camasaḥ ǀ eṣaḥ ǀ āsa ǀ yam ǀ kāvyena ǀ caturaḥ ǀ vi-cakra ǀ
atha ǀ sunudhvam ǀ savanam ǀ madāya ǀ pāta ǀ ṛbhavaḥ ǀ madhunaḥ ǀ somyasya ǁ
04.035.05 (Mandala. Sukta. Rik)
3.7.05.05 (Ashtaka. Adhyaya. Varga. Rik)
04.04.027 (Mandala. Anuvāka. Rik)
Samhita Devanagari Accented
शच्या॑कर्त पि॒तरा॒ युवा॑ना॒ शच्या॑कर्त चम॒सं दे॑व॒पानं॑ ।
शच्या॒ हरी॒ धनु॑तरावतष्टेंद्र॒वाहा॑वृभवो वाजरत्नाः ॥
Samhita Devanagari Nonaccented
शच्याकर्त पितरा युवाना शच्याकर्त चमसं देवपानं ।
शच्या हरी धनुतरावतष्टेंद्रवाहावृभवो वाजरत्नाः ॥
Samhita Transcription Accented
śácyākarta pitárā yúvānā śácyākarta camasám devapā́nam ǀ
śácyā hárī dhánutarāvataṣṭendravā́hāvṛbhavo vājaratnāḥ ǁ
Samhita Transcription Nonaccented
śacyākarta pitarā yuvānā śacyākarta camasam devapānam ǀ
śacyā harī dhanutarāvataṣṭendravāhāvṛbhavo vājaratnāḥ ǁ
Padapatha Devanagari Accented
शच्या॑ । अ॒क॒र्त॒ । पि॒तरा॑ । युवा॑ना । शच्या॑ । अ॒क॒र्त॒ । च॒म॒सम् । दे॒व॒ऽपान॑म् ।
शच्या॑ । हरी॒ इति॑ । धनु॑ऽतरौ । अ॒त॒ष्ट॒ । इ॒न्द्र॒ऽवाहौ॑ । ऋ॒भ॒वः॒ । वा॒ज॒ऽर॒त्नाः॒ ॥
Padapatha Devanagari Nonaccented
शच्या । अकर्त । पितरा । युवाना । शच्या । अकर्त । चमसम् । देवऽपानम् ।
शच्या । हरी इति । धनुऽतरौ । अतष्ट । इन्द्रऽवाहौ । ऋभवः । वाजऽरत्नाः ॥
Padapatha Transcription Accented
śácyā ǀ akarta ǀ pitárā ǀ yúvānā ǀ śácyā ǀ akarta ǀ camasám ǀ deva-pā́nam ǀ
śácyā ǀ hárī íti ǀ dhánu-tarau ǀ ataṣṭa ǀ indra-vā́hau ǀ ṛbhavaḥ ǀ vāja-ratnāḥ ǁ
Padapatha Transcription Nonaccented
śacyā ǀ akarta ǀ pitarā ǀ yuvānā ǀ śacyā ǀ akarta ǀ camasam ǀ deva-pānam ǀ
śacyā ǀ harī iti ǀ dhanu-tarau ǀ ataṣṭa ǀ indra-vāhau ǀ ṛbhavaḥ ǀ vāja-ratnāḥ ǁ
04.035.06 (Mandala. Sukta. Rik)
3.7.06.01 (Ashtaka. Adhyaya. Varga. Rik)
04.04.028 (Mandala. Anuvāka. Rik)
Samhita Devanagari Accented
यो वः॑ सु॒नोत्य॑भिपि॒त्वे अह्नां॑ ती॒व्रं वा॑जासः॒ सव॑नं॒ मदा॑य ।
तस्मै॑ र॒यिमृ॑भवः॒ सर्व॑वीर॒मा त॑क्षत वृषणो मंदसा॒नाः ॥
Samhita Devanagari Nonaccented
यो वः सुनोत्यभिपित्वे अह्नां तीव्रं वाजासः सवनं मदाय ।
तस्मै रयिमृभवः सर्ववीरमा तक्षत वृषणो मंदसानाः ॥
Samhita Transcription Accented
yó vaḥ sunótyabhipitvé áhnām tīvrám vājāsaḥ sávanam mádāya ǀ
tásmai rayímṛbhavaḥ sárvavīramā́ takṣata vṛṣaṇo mandasānā́ḥ ǁ
Samhita Transcription Nonaccented
yo vaḥ sunotyabhipitve ahnām tīvram vājāsaḥ savanam madāya ǀ
tasmai rayimṛbhavaḥ sarvavīramā takṣata vṛṣaṇo mandasānāḥ ǁ
Padapatha Devanagari Accented
यः । वः॒ । सु॒नोति॑ । अ॒भि॒ऽपि॒त्वे । अह्ना॑म् । ती॒व्रम् । वा॒जा॒सः॒ । सव॑नम् । मदा॑य ।
तस्मै॑ । र॒यिम् । ऋ॒भ॒वः॒ । सर्व॑ऽवीरम् । आ । त॒क्ष॒त॒ । वृ॒ष॒णः॒ । म॒न्द॒सा॒नाः ॥
Padapatha Devanagari Nonaccented
यः । वः । सुनोति । अभिऽपित्वे । अह्नाम् । तीव्रम् । वाजासः । सवनम् । मदाय ।
तस्मै । रयिम् । ऋभवः । सर्वऽवीरम् । आ । तक्षत । वृषणः । मन्दसानाः ॥
Padapatha Transcription Accented
yáḥ ǀ vaḥ ǀ sunóti ǀ abhi-pitvé ǀ áhnām ǀ tīvrám ǀ vājāsaḥ ǀ sávanam ǀ mádāya ǀ
tásmai ǀ rayím ǀ ṛbhavaḥ ǀ sárva-vīram ǀ ā́ ǀ takṣata ǀ vṛṣaṇaḥ ǀ mandasānā́ḥ ǁ
Padapatha Transcription Nonaccented
yaḥ ǀ vaḥ ǀ sunoti ǀ abhi-pitve ǀ ahnām ǀ tīvram ǀ vājāsaḥ ǀ savanam ǀ madāya ǀ
tasmai ǀ rayim ǀ ṛbhavaḥ ǀ sarva-vīram ǀ ā ǀ takṣata ǀ vṛṣaṇaḥ ǀ mandasānāḥ ǁ
04.035.07 (Mandala. Sukta. Rik)
3.7.06.02 (Ashtaka. Adhyaya. Varga. Rik)
04.04.029 (Mandala. Anuvāka. Rik)
Samhita Devanagari Accented
प्रा॒तः सु॒तम॑पिबो हर्यश्व॒ माध्यं॑दिनं॒ सव॑नं॒ केव॑लं ते ।
समृ॒भुभिः॑ पिबस्व रत्न॒धेभिः॒ सखीँ॒र्याँ इं॑द्र चकृ॒षे सु॑कृ॒त्या ॥
Samhita Devanagari Nonaccented
प्रातः सुतमपिबो हर्यश्व माध्यंदिनं सवनं केवलं ते ।
समृभुभिः पिबस्व रत्नधेभिः सखीँर्याँ इंद्र चकृषे सुकृत्या ॥
Samhita Transcription Accented
prātáḥ sutámapibo haryaśva mā́dhyaṃdinam sávanam kévalam te ǀ
sámṛbhúbhiḥ pibasva ratnadhébhiḥ sákhīm̐ryā́m̐ indra cakṛṣé sukṛtyā́ ǁ
Samhita Transcription Nonaccented
prātaḥ sutamapibo haryaśva mādhyaṃdinam savanam kevalam te ǀ
samṛbhubhiḥ pibasva ratnadhebhiḥ sakhīm̐ryām̐ indra cakṛṣe sukṛtyā ǁ
Padapatha Devanagari Accented
प्रा॒तरिति॑ । सु॒तम् । अ॒पि॒बः॒ । ह॒रि॒ऽअ॒श्व॒ । माध्य॑न्दिनम् । सव॑नम् । केव॑लम् । ते॒ ।
सम् । ऋ॒भुऽभिः॑ । पि॒ब॒स्व॒ । र॒त्न॒ऽधेभिः॑ । सखी॑न् । यान् । इ॒न्द्र॒ । च॒कृ॒षे । सु॒ऽकृ॒त्या ॥
Padapatha Devanagari Nonaccented
प्रातरिति । सुतम् । अपिबः । हरिऽअश्व । माध्यन्दिनम् । सवनम् । केवलम् । ते ।
सम् । ऋभुऽभिः । पिबस्व । रत्नऽधेभिः । सखीन् । यान् । इन्द्र । चकृषे । सुऽकृत्या ॥
Padapatha Transcription Accented
prātáríti ǀ sutám ǀ apibaḥ ǀ hari-aśva ǀ mā́dhyandinam ǀ sávanam ǀ kévalam ǀ te ǀ
sám ǀ ṛbhú-bhiḥ ǀ pibasva ǀ ratna-dhébhiḥ ǀ sákhīn ǀ yā́n ǀ indra ǀ cakṛṣé ǀ su-kṛtyā́ ǁ
Padapatha Transcription Nonaccented
prātariti ǀ sutam ǀ apibaḥ ǀ hari-aśva ǀ mādhyandinam ǀ savanam ǀ kevalam ǀ te ǀ
sam ǀ ṛbhu-bhiḥ ǀ pibasva ǀ ratna-dhebhiḥ ǀ sakhīn ǀ yān ǀ indra ǀ cakṛṣe ǀ su-kṛtyā ǁ
04.035.08 (Mandala. Sukta. Rik)
3.7.06.03 (Ashtaka. Adhyaya. Varga. Rik)
04.04.030 (Mandala. Anuvāka. Rik)
Samhita Devanagari Accented
ये दे॒वासो॒ अभ॑वता सुकृ॒त्या श्ये॒ना इ॒वेदधि॑ दि॒वि नि॑षे॒द ।
ते रत्नं॑ धात शवसो नपातः॒ सौध॑न्वना॒ अभ॑वता॒मृता॑सः ॥
Samhita Devanagari Nonaccented
ये देवासो अभवता सुकृत्या श्येना इवेदधि दिवि निषेद ।
ते रत्नं धात शवसो नपातः सौधन्वना अभवतामृतासः ॥
Samhita Transcription Accented
yé devā́so ábhavatā sukṛtyā́ śyenā́ ivédádhi diví niṣedá ǀ
té rátnam dhāta śavaso napātaḥ sáudhanvanā ábhavatāmṛ́tāsaḥ ǁ
Samhita Transcription Nonaccented
ye devāso abhavatā sukṛtyā śyenā ivedadhi divi niṣeda ǀ
te ratnam dhāta śavaso napātaḥ saudhanvanā abhavatāmṛtāsaḥ ǁ
Padapatha Devanagari Accented
ये । दे॒वासः॑ । अभ॑वत । सु॒ऽकृ॒त्या । श्ये॒नाःऽइ॑व । इत् । अधि॑ । दि॒वि । नि॒ऽसे॒द ।
ते । रत्न॑म् । धा॒त॒ । श॒व॒सः॒ । न॒पा॒तः॒ । सौध॑न्वनाः । अभ॑वत । अ॒मृता॑सः ॥
Padapatha Devanagari Nonaccented
ये । देवासः । अभवत । सुऽकृत्या । श्येनाःऽइव । इत् । अधि । दिवि । निऽसेद ।
ते । रत्नम् । धात । शवसः । नपातः । सौधन्वनाः । अभवत । अमृतासः ॥
Padapatha Transcription Accented
yé ǀ devā́saḥ ǀ ábhavata ǀ su-kṛtyā́ ǀ śyenā́ḥ-iva ǀ ít ǀ ádhi ǀ diví ǀ ni-sedá ǀ
té ǀ rátnam ǀ dhāta ǀ śavasaḥ ǀ napātaḥ ǀ sáudhanvanāḥ ǀ ábhavata ǀ amṛ́tāsaḥ ǁ
Padapatha Transcription Nonaccented
ye ǀ devāsaḥ ǀ abhavata ǀ su-kṛtyā ǀ śyenāḥ-iva ǀ it ǀ adhi ǀ divi ǀ ni-seda ǀ
te ǀ ratnam ǀ dhāta ǀ śavasaḥ ǀ napātaḥ ǀ saudhanvanāḥ ǀ abhavata ǀ amṛtāsaḥ ǁ
04.035.09 (Mandala. Sukta. Rik)
3.7.06.04 (Ashtaka. Adhyaya. Varga. Rik)
04.04.031 (Mandala. Anuvāka. Rik)
Samhita Devanagari Accented
यत्तृ॒तीयं॒ सव॑नं रत्न॒धेय॒मकृ॑णुध्वं स्वप॒स्या सु॑हस्ताः ।
तदृ॑भवः॒ परि॑षिक्तं व ए॒तत्सं मदे॑भिरिंद्रि॒येभिः॑ पिबध्वं ॥
Samhita Devanagari Nonaccented
यत्तृतीयं सवनं रत्नधेयमकृणुध्वं स्वपस्या सुहस्ताः ।
तदृभवः परिषिक्तं व एतत्सं मदेभिरिंद्रियेभिः पिबध्वं ॥
Samhita Transcription Accented
yáttṛtī́yam sávanam ratnadhéyamákṛṇudhvam svapasyā́ suhastāḥ ǀ
tádṛbhavaḥ páriṣiktam va etátsám mádebhirindriyébhiḥ pibadhvam ǁ
Samhita Transcription Nonaccented
yattṛtīyam savanam ratnadheyamakṛṇudhvam svapasyā suhastāḥ ǀ
tadṛbhavaḥ pariṣiktam va etatsam madebhirindriyebhiḥ pibadhvam ǁ
Padapatha Devanagari Accented
यत् । तृ॒तीय॑म् । सव॑नम् । र॒त्न॒ऽधेय॑म् । अकृ॑णुध्वम् । सु॒ऽअ॒प॒स्या । सु॒ऽह॒स्ताः॒ ।
तत् । ऋ॒भ॒वः॒ । परि॑ऽसिक्तम् । वः॒ । ए॒तत् । सम् । मदे॑भिः । इ॒न्द्रि॒येभिः॑ । पि॒ब॒ध्व॒म् ॥
Padapatha Devanagari Nonaccented
यत् । तृतीयम् । सवनम् । रत्नऽधेयम् । अकृणुध्वम् । सुऽअपस्या । सुऽहस्ताः ।
तत् । ऋभवः । परिऽसिक्तम् । वः । एतत् । सम् । मदेभिः । इन्द्रियेभिः । पिबध्वम् ॥
Padapatha Transcription Accented
yát ǀ tṛtī́yam ǀ sávanam ǀ ratna-dhéyam ǀ ákṛṇudhvam ǀ su-apasyā́ ǀ su-hastāḥ ǀ
tát ǀ ṛbhavaḥ ǀ pári-siktam ǀ vaḥ ǀ etát ǀ sám ǀ mádebhiḥ ǀ indriyébhiḥ ǀ pibadhvam ǁ
Padapatha Transcription Nonaccented
yat ǀ tṛtīyam ǀ savanam ǀ ratna-dheyam ǀ akṛṇudhvam ǀ su-apasyā ǀ su-hastāḥ ǀ
tat ǀ ṛbhavaḥ ǀ pari-siktam ǀ vaḥ ǀ etat ǀ sam ǀ madebhiḥ ǀ indriyebhiḥ ǀ pibadhvam ǁ