|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 4
Sūkta 36
|
1. Info |
| To: | ṛbhus | |
| From: | vāmadeva gautama | |
| Metres: | 1st set of styles: virāḍjagatī (2-5); svarāṭtriṣṭup (1, 6, 8); jagatī (7); triṣṭup (9) 2nd set of styles: jagatī (1-8); triṣṭubh (9) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
04.036.01 (Mandala. Sukta. Rik)
3.7.07.01 (Ashtaka. Adhyaya. Varga. Rik)
04.04.032 (Mandala. Anuvāka. Rik)
Samhita Devanagari Accented
अ॒न॒श्वो जा॒तो अ॑नभी॒शुरु॒क्थ्यो॒३॒॑ रथ॑स्त्रिच॒क्रः परि॑ वर्तते॒ रजः॑ ।
म॒हत्तद्वो॑ दे॒व्य॑स्य प्र॒वाच॑नं॒ द्यामृ॑भवः पृथि॒वीं यच्च॒ पुष्य॑थ ॥
Samhita Devanagari Nonaccented
अनश्वो जातो अनभीशुरुक्थ्यो रथस्त्रिचक्रः परि वर्तते रजः ।
महत्तद्वो देव्यस्य प्रवाचनं द्यामृभवः पृथिवीं यच्च पुष्यथ ॥
Samhita Transcription Accented
anaśvó jātó anabhīśúrukthyó ráthastricakráḥ pári vartate rájaḥ ǀ
maháttádvo devyásya pravā́canam dyā́mṛbhavaḥ pṛthivī́m yácca púṣyatha ǁ
Samhita Transcription Nonaccented
anaśvo jāto anabhīśurukthyo rathastricakraḥ pari vartate rajaḥ ǀ
mahattadvo devyasya pravācanam dyāmṛbhavaḥ pṛthivīm yacca puṣyatha ǁ
Padapatha Devanagari Accented
अ॒न॒श्वः । जा॒तः । अ॒न॒भी॒शुः । उ॒क्थ्यः॑ । रथः॑ । त्रि॒ऽच॒क्रः । परि॑ । व॒र्त॒ते॒ । रजः॑ ।
म॒हत् । तत् । वः॒ । दे॒व्य॑स्य । प्र॒ऽवाच॑नम् । द्याम् । ऋ॒भ॒वः॒ । पृ॒थि॒वीम् । यत् । च॒ । पुष्य॑थ ॥
Padapatha Devanagari Nonaccented
अनश्वः । जातः । अनभीशुः । उक्थ्यः । रथः । त्रिऽचक्रः । परि । वर्तते । रजः ।
महत् । तत् । वः । देव्यस्य । प्रऽवाचनम् । द्याम् । ऋभवः । पृथिवीम् । यत् । च । पुष्यथ ॥
Padapatha Transcription Accented
anaśváḥ ǀ jātáḥ ǀ anabhīśúḥ ǀ ukthyáḥ ǀ ráthaḥ ǀ tri-cakráḥ ǀ pári ǀ vartate ǀ rájaḥ ǀ
mahát ǀ tát ǀ vaḥ ǀ devyásya ǀ pra-vā́canam ǀ dyā́m ǀ ṛbhavaḥ ǀ pṛthivī́m ǀ yát ǀ ca ǀ púṣyatha ǁ
Padapatha Transcription Nonaccented
anaśvaḥ ǀ jātaḥ ǀ anabhīśuḥ ǀ ukthyaḥ ǀ rathaḥ ǀ tri-cakraḥ ǀ pari ǀ vartate ǀ rajaḥ ǀ
mahat ǀ tat ǀ vaḥ ǀ devyasya ǀ pra-vācanam ǀ dyām ǀ ṛbhavaḥ ǀ pṛthivīm ǀ yat ǀ ca ǀ puṣyatha ǁ
04.036.02 (Mandala. Sukta. Rik)
3.7.07.02 (Ashtaka. Adhyaya. Varga. Rik)
04.04.033 (Mandala. Anuvāka. Rik)
Samhita Devanagari Accented
रथं॒ ये च॒क्रुः सु॒वृतं॑ सु॒चेत॒सोऽवि॑ह्वरंतं॒ मन॑स॒स्परि॒ ध्यया॑ ।
ताँ ऊ॒ न्व१॒॑स्य सव॑नस्य पी॒तय॒ आ वो॑ वाजा ऋभवो वेदयामसि ॥
Samhita Devanagari Nonaccented
रथं ये चक्रुः सुवृतं सुचेतसोऽविह्वरंतं मनसस्परि ध्यया ।
ताँ ऊ न्वस्य सवनस्य पीतय आ वो वाजा ऋभवो वेदयामसि ॥
Samhita Transcription Accented
rátham yé cakrúḥ suvṛ́tam sucétasó’vihvarantam mánasaspári dhyáyā ǀ
tā́m̐ ū nvásyá sávanasya pītáya ā́ vo vājā ṛbhavo vedayāmasi ǁ
Samhita Transcription Nonaccented
ratham ye cakruḥ suvṛtam sucetaso’vihvarantam manasaspari dhyayā ǀ
tām̐ ū nvasya savanasya pītaya ā vo vājā ṛbhavo vedayāmasi ǁ
Padapatha Devanagari Accented
रथ॑म् । ये । च॒क्रुः । सु॒ऽवृत॑म् । सु॒ऽचेत॑सः । अवि॑ऽह्वरन्तम् । मन॑सः । परि॑ । ध्यया॑ ।
तान् । ऊं॒ इति॑ । नु । अ॒स्य । सव॑नस्य । पी॒तये॑ । आ । वः॒ । वा॒जाः॒ । ऋ॒भ॒वः॒ । वे॒द॒या॒म॒सि॒ ॥
Padapatha Devanagari Nonaccented
रथम् । ये । चक्रुः । सुऽवृतम् । सुऽचेतसः । अविऽह्वरन्तम् । मनसः । परि । ध्यया ।
तान् । ऊं इति । नु । अस्य । सवनस्य । पीतये । आ । वः । वाजाः । ऋभवः । वेदयामसि ॥
Padapatha Transcription Accented
rátham ǀ yé ǀ cakrúḥ ǀ su-vṛ́tam ǀ su-cétasaḥ ǀ ávi-hvarantam ǀ mánasaḥ ǀ pári ǀ dhyáyā ǀ
tā́n ǀ ūṃ íti ǀ nú ǀ asyá ǀ sávanasya ǀ pītáye ǀ ā́ ǀ vaḥ ǀ vājāḥ ǀ ṛbhavaḥ ǀ vedayāmasi ǁ
Padapatha Transcription Nonaccented
ratham ǀ ye ǀ cakruḥ ǀ su-vṛtam ǀ su-cetasaḥ ǀ avi-hvarantam ǀ manasaḥ ǀ pari ǀ dhyayā ǀ
tān ǀ ūṃ iti ǀ nu ǀ asya ǀ savanasya ǀ pītaye ǀ ā ǀ vaḥ ǀ vājāḥ ǀ ṛbhavaḥ ǀ vedayāmasi ǁ
04.036.03 (Mandala. Sukta. Rik)
3.7.07.03 (Ashtaka. Adhyaya. Varga. Rik)
04.04.034 (Mandala. Anuvāka. Rik)
Samhita Devanagari Accented
तद्वो॑ वाजा ऋभवः सुप्रवाच॒नं दे॒वेषु॑ विभ्वो अभवन्महित्व॒नं ।
जिव्री॒ यत्संता॑ पि॒तरा॑ सना॒जुरा॒ पुन॒र्युवा॑ना च॒रथा॑य॒ तक्ष॑थ ॥
Samhita Devanagari Nonaccented
तद्वो वाजा ऋभवः सुप्रवाचनं देवेषु विभ्वो अभवन्महित्वनं ।
जिव्री यत्संता पितरा सनाजुरा पुनर्युवाना चरथाय तक्षथ ॥
Samhita Transcription Accented
tádvo vājā ṛbhavaḥ supravācanám devéṣu vibhvo abhavanmahitvanám ǀ
jívrī yátsántā pitárā sanājúrā púnaryúvānā caráthāya tákṣatha ǁ
Samhita Transcription Nonaccented
tadvo vājā ṛbhavaḥ supravācanam deveṣu vibhvo abhavanmahitvanam ǀ
jivrī yatsantā pitarā sanājurā punaryuvānā carathāya takṣatha ǁ
Padapatha Devanagari Accented
तत् । वः॒ । वा॒जाः॒ । ऋ॒भ॒वः॒ । सु॒ऽप्र॒वा॒च॒नम् । दे॒वेषु॑ । वि॒ऽभ्वः॒ । अ॒भ॒व॒त् । म॒हि॒ऽत्व॒नम् ।
जिव्री॒ इति॑ । यत् । सन्ता॑ । पि॒तरा॑ । स॒ना॒ऽजुरा॑ । पुनः॑ । युवा॑ना । च॒रथा॑य । तक्ष॑थ ॥
Padapatha Devanagari Nonaccented
तत् । वः । वाजाः । ऋभवः । सुऽप्रवाचनम् । देवेषु । विऽभ्वः । अभवत् । महिऽत्वनम् ।
जिव्री इति । यत् । सन्ता । पितरा । सनाऽजुरा । पुनः । युवाना । चरथाय । तक्षथ ॥
Padapatha Transcription Accented
tát ǀ vaḥ ǀ vājāḥ ǀ ṛbhavaḥ ǀ su-pravācanám ǀ devéṣu ǀ vi-bhvaḥ ǀ abhavat ǀ mahi-tvanám ǀ
jívrī íti ǀ yát ǀ sántā ǀ pitárā ǀ sanā-júrā ǀ púnaḥ ǀ yúvānā ǀ caráthāya ǀ tákṣatha ǁ
Padapatha Transcription Nonaccented
tat ǀ vaḥ ǀ vājāḥ ǀ ṛbhavaḥ ǀ su-pravācanam ǀ deveṣu ǀ vi-bhvaḥ ǀ abhavat ǀ mahi-tvanam ǀ
jivrī iti ǀ yat ǀ santā ǀ pitarā ǀ sanā-jurā ǀ punaḥ ǀ yuvānā ǀ carathāya ǀ takṣatha ǁ
04.036.04 (Mandala. Sukta. Rik)
3.7.07.04 (Ashtaka. Adhyaya. Varga. Rik)
04.04.035 (Mandala. Anuvāka. Rik)
Samhita Devanagari Accented
एकं॒ वि च॑क्र चम॒सं चतु॑र्वयं॒ निश्चर्म॑णो॒ गाम॑रिणीत धी॒तिभिः॑ ।
अथा॑ दे॒वेष्व॑मृत॒त्वमा॑नश श्रु॒ष्टी वा॑जा ऋभव॒स्तद्व॑ उ॒क्थ्यं॑ ॥
Samhita Devanagari Nonaccented
एकं वि चक्र चमसं चतुर्वयं निश्चर्मणो गामरिणीत धीतिभिः ।
अथा देवेष्वमृतत्वमानश श्रुष्टी वाजा ऋभवस्तद्व उक्थ्यं ॥
Samhita Transcription Accented
ékam ví cakra camasám cáturvayam níścármaṇo gā́mariṇīta dhītíbhiḥ ǀ
áthā devéṣvamṛtatvámānaśa śruṣṭī́ vājā ṛbhavastádva ukthyam ǁ
Samhita Transcription Nonaccented
ekam vi cakra camasam caturvayam niścarmaṇo gāmariṇīta dhītibhiḥ ǀ
athā deveṣvamṛtatvamānaśa śruṣṭī vājā ṛbhavastadva ukthyam ǁ
Padapatha Devanagari Accented
एक॑म् । वि । च॒क्र॒ । च॒म॒सम् । चतुः॑ऽवयम् । निः । चर्म॑णः । गाम् । अ॒रि॒णी॒त॒ । धी॒तिऽभिः॑ ।
अथ॑ । दे॒वेषु॑ । अ॒मृ॒त॒ऽत्वम् । आ॒न॒श॒ । श्रु॒ष्टी । वा॒जाः॒ । ऋ॒भ॒वः॒ । तत् । वः॒ । उ॒क्थ्य॑म् ॥
Padapatha Devanagari Nonaccented
एकम् । वि । चक्र । चमसम् । चतुःऽवयम् । निः । चर्मणः । गाम् । अरिणीत । धीतिऽभिः ।
अथ । देवेषु । अमृतऽत्वम् । आनश । श्रुष्टी । वाजाः । ऋभवः । तत् । वः । उक्थ्यम् ॥
Padapatha Transcription Accented
ékam ǀ ví ǀ cakra ǀ camasám ǀ cátuḥ-vayam ǀ níḥ ǀ cármaṇaḥ ǀ gā́m ǀ ariṇīta ǀ dhītí-bhiḥ ǀ
átha ǀ devéṣu ǀ amṛta-tvám ǀ ānaśa ǀ śruṣṭī́ ǀ vājāḥ ǀ ṛbhavaḥ ǀ tát ǀ vaḥ ǀ ukthyám ǁ
Padapatha Transcription Nonaccented
ekam ǀ vi ǀ cakra ǀ camasam ǀ catuḥ-vayam ǀ niḥ ǀ carmaṇaḥ ǀ gām ǀ ariṇīta ǀ dhīti-bhiḥ ǀ
atha ǀ deveṣu ǀ amṛta-tvam ǀ ānaśa ǀ śruṣṭī ǀ vājāḥ ǀ ṛbhavaḥ ǀ tat ǀ vaḥ ǀ ukthyam ǁ
04.036.05 (Mandala. Sukta. Rik)
3.7.07.05 (Ashtaka. Adhyaya. Varga. Rik)
04.04.036 (Mandala. Anuvāka. Rik)
Samhita Devanagari Accented
ऋ॒भु॒तो र॒यिः प्र॑थ॒मश्र॑वस्तमो॒ वाज॑श्रुतासो॒ यमजी॑जन॒न्नरः॑ ।
वि॒भ्व॒त॒ष्टो वि॒दथे॑षु प्र॒वाच्यो॒ यं दे॑वा॒सोऽव॑था॒ स विच॑र्षणिः ॥
Samhita Devanagari Nonaccented
ऋभुतो रयिः प्रथमश्रवस्तमो वाजश्रुतासो यमजीजनन्नरः ।
विभ्वतष्टो विदथेषु प्रवाच्यो यं देवासोऽवथा स विचर्षणिः ॥
Samhita Transcription Accented
ṛbhutó rayíḥ prathamáśravastamo vā́jaśrutāso yámájījanannáraḥ ǀ
vibhvataṣṭó vidátheṣu pravā́cyo yám devāsó’vathā sá vícarṣaṇiḥ ǁ
Samhita Transcription Nonaccented
ṛbhuto rayiḥ prathamaśravastamo vājaśrutāso yamajījanannaraḥ ǀ
vibhvataṣṭo vidatheṣu pravācyo yam devāso’vathā sa vicarṣaṇiḥ ǁ
Padapatha Devanagari Accented
ऋ॒भु॒तः । र॒यिः । प्र॒थ॒मश्र॑वःऽतमः । वाज॑ऽश्रुतासः । यम् । अजी॑जनन् । नरः॑ ।
वि॒भ्व॒ऽत॒ष्टः । वि॒दथे॑षु । प्र॒ऽवाच्यः॑ । यम् । दे॒वा॒सः॒ । अव॑थ । सः । विऽच॑र्षणिः ॥
Padapatha Devanagari Nonaccented
ऋभुतः । रयिः । प्रथमश्रवःऽतमः । वाजऽश्रुतासः । यम् । अजीजनन् । नरः ।
विभ्वऽतष्टः । विदथेषु । प्रऽवाच्यः । यम् । देवासः । अवथ । सः । विऽचर्षणिः ॥
Padapatha Transcription Accented
ṛbhutáḥ ǀ rayíḥ ǀ prathamáśravaḥ-tamaḥ ǀ vā́ja-śrutāsaḥ ǀ yám ǀ ájījanan ǀ náraḥ ǀ
vibhva-taṣṭáḥ ǀ vidátheṣu ǀ pra-vā́cyaḥ ǀ yám ǀ devāsaḥ ǀ ávatha ǀ sáḥ ǀ ví-carṣaṇiḥ ǁ
Padapatha Transcription Nonaccented
ṛbhutaḥ ǀ rayiḥ ǀ prathamaśravaḥ-tamaḥ ǀ vāja-śrutāsaḥ ǀ yam ǀ ajījanan ǀ naraḥ ǀ
vibhva-taṣṭaḥ ǀ vidatheṣu ǀ pra-vācyaḥ ǀ yam ǀ devāsaḥ ǀ avatha ǀ saḥ ǀ vi-carṣaṇiḥ ǁ
04.036.06 (Mandala. Sukta. Rik)
3.7.08.01 (Ashtaka. Adhyaya. Varga. Rik)
04.04.037 (Mandala. Anuvāka. Rik)
Samhita Devanagari Accented
स वा॒ज्यर्वा॒ स ऋषि॑र्वच॒स्यया॒ स शूरो॒ अस्ता॒ पृत॑नासु दु॒ष्टरः॑ ।
स रा॒यस्पोषं॒ स सु॒वीर्यं॑ दधे॒ यं वाजो॒ विभ्वाँ॑ ऋ॒भवो॒ यमावि॑षुः ॥
Samhita Devanagari Nonaccented
स वाज्यर्वा स ऋषिर्वचस्यया स शूरो अस्ता पृतनासु दुष्टरः ।
स रायस्पोषं स सुवीर्यं दधे यं वाजो विभ्वाँ ऋभवो यमाविषुः ॥
Samhita Transcription Accented
sá vājyárvā sá ṛ́ṣirvacasyáyā sá śū́ro ástā pṛ́tanāsu duṣṭáraḥ ǀ
sá rāyáspóṣam sá suvī́ryam dadhe yám vā́jo víbhvām̐ ṛbhávo yámā́viṣuḥ ǁ
Samhita Transcription Nonaccented
sa vājyarvā sa ṛṣirvacasyayā sa śūro astā pṛtanāsu duṣṭaraḥ ǀ
sa rāyaspoṣam sa suvīryam dadhe yam vājo vibhvām̐ ṛbhavo yamāviṣuḥ ǁ
Padapatha Devanagari Accented
सः । वा॒जी । अर्वा॑ । सः । ऋषिः॑ । व॒च॒स्यया॑ । सः । शूरः॑ । अस्ता॑ । पृत॑नासु । दु॒स्तरः॑ ।
सः । रा॒यः । पोष॑म् । सः । सु॒ऽवीर्य॑म् । द॒धे॒ । यम् । वाजः॑ । विऽभ्वा॑ । ऋ॒भवः॑ । यम् । आवि॑षुः ॥
Padapatha Devanagari Nonaccented
सः । वाजी । अर्वा । सः । ऋषिः । वचस्यया । सः । शूरः । अस्ता । पृतनासु । दुस्तरः ।
सः । रायः । पोषम् । सः । सुऽवीर्यम् । दधे । यम् । वाजः । विऽभ्वा । ऋभवः । यम् । आविषुः ॥
Padapatha Transcription Accented
sáḥ ǀ vājī́ ǀ árvā ǀ sáḥ ǀ ṛ́ṣiḥ ǀ vacasyáyā ǀ sáḥ ǀ śū́raḥ ǀ ástā ǀ pṛ́tanāsu ǀ dustáraḥ ǀ
sáḥ ǀ rāyáḥ ǀ póṣam ǀ sáḥ ǀ su-vī́ryam ǀ dadhe ǀ yám ǀ vā́jaḥ ǀ ví-bhvā ǀ ṛbhávaḥ ǀ yám ǀ ā́viṣuḥ ǁ
Padapatha Transcription Nonaccented
saḥ ǀ vājī ǀ arvā ǀ saḥ ǀ ṛṣiḥ ǀ vacasyayā ǀ saḥ ǀ śūraḥ ǀ astā ǀ pṛtanāsu ǀ dustaraḥ ǀ
saḥ ǀ rāyaḥ ǀ poṣam ǀ saḥ ǀ su-vīryam ǀ dadhe ǀ yam ǀ vājaḥ ǀ vi-bhvā ǀ ṛbhavaḥ ǀ yam ǀ āviṣuḥ ǁ
04.036.07 (Mandala. Sukta. Rik)
3.7.08.02 (Ashtaka. Adhyaya. Varga. Rik)
04.04.038 (Mandala. Anuvāka. Rik)
Samhita Devanagari Accented
श्रेष्ठं॑ वः॒ पेशो॒ अधि॑ धायि दर्श॒तं स्तोमो॑ वाजा ऋभव॒स्तं जु॑जुष्टन ।
धीरा॑सो॒ हि ष्ठा क॒वयो॑ विप॒श्चित॒स्तान्व॑ ए॒ना ब्रह्म॒णा वे॑दयामसि ॥
Samhita Devanagari Nonaccented
श्रेष्ठं वः पेशो अधि धायि दर्शतं स्तोमो वाजा ऋभवस्तं जुजुष्टन ।
धीरासो हि ष्ठा कवयो विपश्चितस्तान्व एना ब्रह्मणा वेदयामसि ॥
Samhita Transcription Accented
śréṣṭham vaḥ péśo ádhi dhāyi darśatám stómo vājā ṛbhavastám jujuṣṭana ǀ
dhī́rāso hí ṣṭhā́ kaváyo vipaścítastā́nva enā́ bráhmaṇā́ vedayāmasi ǁ
Samhita Transcription Nonaccented
śreṣṭham vaḥ peśo adhi dhāyi darśatam stomo vājā ṛbhavastam jujuṣṭana ǀ
dhīrāso hi ṣṭhā kavayo vipaścitastānva enā brahmaṇā vedayāmasi ǁ
Padapatha Devanagari Accented
श्रेष्ठ॑म् । वः॒ । पेशः॑ । अधि॑ । धा॒यि॒ । द॒र्श॒तम् । स्तोमः॑ । वा॒जाः॒ । ऋ॒भ॒वः॒ । तम् । जु॒जु॒ष्ट॒न॒ ।
धीरा॑सः । हि । स्थ । क॒वयः॑ । वि॒पः॒ऽचितः॑ । तान् । वः॒ । ए॒ना । ब्रह्म॑णा । आ । वे॒द॒या॒म॒सि॒ ॥
Padapatha Devanagari Nonaccented
श्रेष्ठम् । वः । पेशः । अधि । धायि । दर्शतम् । स्तोमः । वाजाः । ऋभवः । तम् । जुजुष्टन ।
धीरासः । हि । स्थ । कवयः । विपःऽचितः । तान् । वः । एना । ब्रह्मणा । आ । वेदयामसि ॥
Padapatha Transcription Accented
śréṣṭham ǀ vaḥ ǀ péśaḥ ǀ ádhi ǀ dhāyi ǀ darśatám ǀ stómaḥ ǀ vājāḥ ǀ ṛbhavaḥ ǀ tám ǀ jujuṣṭana ǀ
dhī́rāsaḥ ǀ hí ǀ sthá ǀ kaváyaḥ ǀ vipaḥ-cítaḥ ǀ tā́n ǀ vaḥ ǀ enā́ ǀ bráhmaṇā ǀ ā́ ǀ vedayāmasi ǁ
Padapatha Transcription Nonaccented
śreṣṭham ǀ vaḥ ǀ peśaḥ ǀ adhi ǀ dhāyi ǀ darśatam ǀ stomaḥ ǀ vājāḥ ǀ ṛbhavaḥ ǀ tam ǀ jujuṣṭana ǀ
dhīrāsaḥ ǀ hi ǀ stha ǀ kavayaḥ ǀ vipaḥ-citaḥ ǀ tān ǀ vaḥ ǀ enā ǀ brahmaṇā ǀ ā ǀ vedayāmasi ǁ
04.036.08 (Mandala. Sukta. Rik)
3.7.08.03 (Ashtaka. Adhyaya. Varga. Rik)
04.04.039 (Mandala. Anuvāka. Rik)
Samhita Devanagari Accented
यू॒यम॒स्मभ्यं॑ धि॒षणा॑भ्य॒स्परि॑ वि॒द्वांसो॒ विश्वा॒ नर्या॑णि॒ भोज॑ना ।
द्यु॒मंतं॒ वाजं॒ वृष॑शुष्ममुत्त॒ममा नो॑ र॒यिमृ॑भवस्तक्ष॒ता वयः॑ ॥
Samhita Devanagari Nonaccented
यूयमस्मभ्यं धिषणाभ्यस्परि विद्वांसो विश्वा नर्याणि भोजना ।
द्युमंतं वाजं वृषशुष्ममुत्तममा नो रयिमृभवस्तक्षता वयः ॥
Samhita Transcription Accented
yūyámasmábhyam dhiṣáṇābhyaspári vidvā́ṃso víśvā náryāṇi bhójanā ǀ
dyumántam vā́jam vṛ́ṣaśuṣmamuttamámā́ no rayímṛbhavastakṣatā́ váyaḥ ǁ
Samhita Transcription Nonaccented
yūyamasmabhyam dhiṣaṇābhyaspari vidvāṃso viśvā naryāṇi bhojanā ǀ
dyumantam vājam vṛṣaśuṣmamuttamamā no rayimṛbhavastakṣatā vayaḥ ǁ
Padapatha Devanagari Accented
यू॒यम् । अ॒स्मभ्य॑म् । धि॒षणा॑भ्यः । परि॑ । वि॒द्वांसः॑ । विश्वा॑ । नर्या॑णि । भोज॑ना ।
द्यु॒ऽमन्त॑म् । वाज॑म् । वृष॑ऽशुष्मम् । उ॒त्ऽत॒मम् । आ । नः॒ । र॒यिम् । ऋ॒भ॒वः॒ । त॒क्ष॒त॒ । आ । वयः॑ ॥
Padapatha Devanagari Nonaccented
यूयम् । अस्मभ्यम् । धिषणाभ्यः । परि । विद्वांसः । विश्वा । नर्याणि । भोजना ।
द्युऽमन्तम् । वाजम् । वृषऽशुष्मम् । उत्ऽतमम् । आ । नः । रयिम् । ऋभवः । तक्षत । आ । वयः ॥
Padapatha Transcription Accented
yūyám ǀ asmábhyam ǀ dhiṣáṇābhyaḥ ǀ pári ǀ vidvā́ṃsaḥ ǀ víśvā ǀ náryāṇi ǀ bhójanā ǀ
dyu-mántam ǀ vā́jam ǀ vṛ́ṣa-śuṣmam ǀ ut-tamám ǀ ā́ ǀ naḥ ǀ rayím ǀ ṛbhavaḥ ǀ takṣata ǀ ā́ ǀ váyaḥ ǁ
Padapatha Transcription Nonaccented
yūyam ǀ asmabhyam ǀ dhiṣaṇābhyaḥ ǀ pari ǀ vidvāṃsaḥ ǀ viśvā ǀ naryāṇi ǀ bhojanā ǀ
dyu-mantam ǀ vājam ǀ vṛṣa-śuṣmam ǀ ut-tamam ǀ ā ǀ naḥ ǀ rayim ǀ ṛbhavaḥ ǀ takṣata ǀ ā ǀ vayaḥ ǁ
04.036.09 (Mandala. Sukta. Rik)
3.7.08.04 (Ashtaka. Adhyaya. Varga. Rik)
04.04.040 (Mandala. Anuvāka. Rik)
Samhita Devanagari Accented
इ॒ह प्र॒जामि॒ह र॒यिं ररा॑णा इ॒ह श्रवो॑ वी॒रव॑त्तक्षता नः ।
येन॑ व॒यं चि॒तये॒मात्य॒न्यांतं वाजं॑ चि॒त्रमृ॑भवो ददा नः ॥
Samhita Devanagari Nonaccented
इह प्रजामिह रयिं रराणा इह श्रवो वीरवत्तक्षता नः ।
येन वयं चितयेमात्यन्यांतं वाजं चित्रमृभवो ददा नः ॥
Samhita Transcription Accented
ihá prajā́mihá rayím rárāṇā ihá śrávo vīrávattakṣatā naḥ ǀ
yéna vayám citáyemā́tyanyā́ntám vā́jam citrámṛbhavo dadā naḥ ǁ
Samhita Transcription Nonaccented
iha prajāmiha rayim rarāṇā iha śravo vīravattakṣatā naḥ ǀ
yena vayam citayemātyanyāntam vājam citramṛbhavo dadā naḥ ǁ
Padapatha Devanagari Accented
इ॒ह । प्र॒ऽजाम् । इ॒ह । र॒यिम् । ररा॑णाः । इ॒ह । श्रवः॑ । वी॒रऽव॑त् । त॒क्ष॒त॒ । नः॒ ।
येन॑ । व॒यम् । चि॒तये॑म । अति॑ । अ॒न्यान् । तम् । वाज॑म् । चि॒त्रम् । ऋ॒भ॒वः॒ । द॒द॒ । नः॒ ॥
Padapatha Devanagari Nonaccented
इह । प्रऽजाम् । इह । रयिम् । रराणाः । इह । श्रवः । वीरऽवत् । तक्षत । नः ।
येन । वयम् । चितयेम । अति । अन्यान् । तम् । वाजम् । चित्रम् । ऋभवः । दद । नः ॥
Padapatha Transcription Accented
ihá ǀ pra-jā́m ǀ ihá ǀ rayím ǀ rárāṇāḥ ǀ ihá ǀ śrávaḥ ǀ vīrá-vat ǀ takṣata ǀ naḥ ǀ
yéna ǀ vayám ǀ citáyema ǀ áti ǀ anyā́n ǀ tám ǀ vā́jam ǀ citrám ǀ ṛbhavaḥ ǀ dada ǀ naḥ ǁ
Padapatha Transcription Nonaccented
iha ǀ pra-jām ǀ iha ǀ rayim ǀ rarāṇāḥ ǀ iha ǀ śravaḥ ǀ vīra-vat ǀ takṣata ǀ naḥ ǀ
yena ǀ vayam ǀ citayema ǀ ati ǀ anyān ǀ tam ǀ vājam ǀ citram ǀ ṛbhavaḥ ǀ dada ǀ naḥ ǁ