|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 4
Sūkta 40
|
1. Info |
| To: | 1-4: dadhikrā; 5: sūrya |
|
| From: | vāmadeva gautama | |
| Metres: | 1st set of styles: nicṛttriṣṭup (1); triṣṭup (2); svarāṭtriṣṭup (3); bhuriktriṣṭup (4); nicṛjjagatī (5) 2nd set of styles: jagatī (2-5); triṣṭubh (1) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
04.040.01 (Mandala. Sukta. Rik)
3.7.14.01 (Ashtaka. Adhyaya. Varga. Rik)
04.04.065 (Mandala. Anuvāka. Rik)
Samhita Devanagari Accented
द॒धि॒क्राव्ण॒ इदु॒ नु च॑र्किराम॒ विश्वा॒ इन्मामु॒षसः॑ सूदयंतु ।
अ॒पाम॒ग्नेरु॒षसः॒ सूर्य॑स्य॒ बृह॒स्पते॑रांगिर॒सस्य॑ जि॒ष्णोः ॥
Samhita Devanagari Nonaccented
दधिक्राव्ण इदु नु चर्किराम विश्वा इन्मामुषसः सूदयंतु ।
अपामग्नेरुषसः सूर्यस्य बृहस्पतेरांगिरसस्य जिष्णोः ॥
Samhita Transcription Accented
dadhikrā́vṇa ídu nú carkirāma víśvā ínmā́muṣásaḥ sūdayantu ǀ
apā́magnéruṣásaḥ sū́ryasya bṛ́haspáterāṅgirasásya jiṣṇóḥ ǁ
Samhita Transcription Nonaccented
dadhikrāvṇa idu nu carkirāma viśvā inmāmuṣasaḥ sūdayantu ǀ
apāmagneruṣasaḥ sūryasya bṛhaspaterāṅgirasasya jiṣṇoḥ ǁ
Padapatha Devanagari Accented
द॒धि॒ऽक्राव्णः॑ । इत् । ऊं॒ इति॑ । नु । च॒र्कि॒रा॒म॒ । विश्वा॑ । इत् । माम् । उ॒षसः॑ । सू॒द॒य॒न्तु॒ ।
अ॒पाम् । अ॒ग्नेः । उ॒षसः॑ । सूर्य॑स्य । बृह॒स्पतेः॑ । आ॒ङ्गि॒र॒सस्य॑ । जि॒ष्णोः ॥
Padapatha Devanagari Nonaccented
दधिऽक्राव्णः । इत् । ऊं इति । नु । चर्किराम । विश्वा । इत् । माम् । उषसः । सूदयन्तु ।
अपाम् । अग्नेः । उषसः । सूर्यस्य । बृहस्पतेः । आङ्गिरसस्य । जिष्णोः ॥
Padapatha Transcription Accented
dadhi-krā́vṇaḥ ǀ ít ǀ ūṃ íti ǀ nú ǀ carkirāma ǀ víśvā ǀ ít ǀ mā́m ǀ uṣásaḥ ǀ sūdayantu ǀ
apā́m ǀ agnéḥ ǀ uṣásaḥ ǀ sū́ryasya ǀ bṛ́haspáteḥ ǀ āṅgirasásya ǀ jiṣṇóḥ ǁ
Padapatha Transcription Nonaccented
dadhi-krāvṇaḥ ǀ it ǀ ūṃ iti ǀ nu ǀ carkirāma ǀ viśvā ǀ it ǀ mām ǀ uṣasaḥ ǀ sūdayantu ǀ
apām ǀ agneḥ ǀ uṣasaḥ ǀ sūryasya ǀ bṛhaspateḥ ǀ āṅgirasasya ǀ jiṣṇoḥ ǁ
04.040.02 (Mandala. Sukta. Rik)
3.7.14.02 (Ashtaka. Adhyaya. Varga. Rik)
04.04.066 (Mandala. Anuvāka. Rik)
Samhita Devanagari Accented
सत्वा॑ भरि॒षो ग॑वि॒षो दु॑वन्य॒सच्छ्र॑व॒स्यादि॒ष उ॒षस॑स्तुरण्य॒सत् ।
स॒त्यो द्र॒वो द्र॑व॒रः प॑तंग॒रो द॑धि॒क्रावेष॒मूर्जं॒ स्व॑र्जनत् ॥
Samhita Devanagari Nonaccented
सत्वा भरिषो गविषो दुवन्यसच्छ्रवस्यादिष उषसस्तुरण्यसत् ।
सत्यो द्रवो द्रवरः पतंगरो दधिक्रावेषमूर्जं स्वर्जनत् ॥
Samhita Transcription Accented
sátvā bhariṣó gaviṣó duvanyasácchravasyā́diṣá uṣásasturaṇyasát ǀ
satyó dravó dravaráḥ pataṃgaró dadhikrā́véṣamū́rjam svárjanat ǁ
Samhita Transcription Nonaccented
satvā bhariṣo gaviṣo duvanyasacchravasyādiṣa uṣasasturaṇyasat ǀ
satyo dravo dravaraḥ pataṃgaro dadhikrāveṣamūrjam svarjanat ǁ
Padapatha Devanagari Accented
सत्वा॑ । भ॒रि॒षः । गो॒ऽइ॒षः । दु॒व॒न्य॒ऽसत् । श्र॒व॒स्यात् । इ॒षः । उ॒षसः॑ । तु॒र॒ण्य॒ऽसत् ।
स॒त्यः । द्र॒वः । द्र॒व॒रः । प॒त॒ङ्ग॒रः । द॒धि॒ऽक्रावा॑ । इष॑म् । ऊर्ज॑म् । स्वः॑ । ज॒न॒त् ॥
Padapatha Devanagari Nonaccented
सत्वा । भरिषः । गोऽइषः । दुवन्यऽसत् । श्रवस्यात् । इषः । उषसः । तुरण्यऽसत् ।
सत्यः । द्रवः । द्रवरः । पतङ्गरः । दधिऽक्रावा । इषम् । ऊर्जम् । स्वः । जनत् ॥
Padapatha Transcription Accented
sátvā ǀ bhariṣáḥ ǀ go-iṣáḥ ǀ duvanya-sát ǀ śravasyā́t ǀ iṣáḥ ǀ uṣásaḥ ǀ turaṇya-sát ǀ
satyáḥ ǀ draváḥ ǀ dravaráḥ ǀ pataṅgaráḥ ǀ dadhi-krā́vā ǀ íṣam ǀ ū́rjam ǀ sváḥ ǀ janat ǁ
Padapatha Transcription Nonaccented
satvā ǀ bhariṣaḥ ǀ go-iṣaḥ ǀ duvanya-sat ǀ śravasyāt ǀ iṣaḥ ǀ uṣasaḥ ǀ turaṇya-sat ǀ
satyaḥ ǀ dravaḥ ǀ dravaraḥ ǀ pataṅgaraḥ ǀ dadhi-krāvā ǀ iṣam ǀ ūrjam ǀ svaḥ ǀ janat ǁ
04.040.03 (Mandala. Sukta. Rik)
3.7.14.03 (Ashtaka. Adhyaya. Varga. Rik)
04.04.067 (Mandala. Anuvāka. Rik)
Samhita Devanagari Accented
उ॒त स्मा॑स्य॒ द्रव॑तस्तुरण्य॒तः प॒र्णं न वेरनु॑ वाति प्रग॒र्धिनः॑ ।
श्ये॒नस्ये॑व॒ ध्रज॑तो अंक॒सं परि॑ दधि॒क्राव्णः॑ स॒होर्जा तरि॑त्रतः ॥
Samhita Devanagari Nonaccented
उत स्मास्य द्रवतस्तुरण्यतः पर्णं न वेरनु वाति प्रगर्धिनः ।
श्येनस्येव ध्रजतो अंकसं परि दधिक्राव्णः सहोर्जा तरित्रतः ॥
Samhita Transcription Accented
utá smāsya drávatasturaṇyatáḥ parṇám ná véránu vāti pragardhínaḥ ǀ
śyenásyeva dhrájato aṅkasám pári dadhikrā́vṇaḥ sahórjā́ táritrataḥ ǁ
Samhita Transcription Nonaccented
uta smāsya dravatasturaṇyataḥ parṇam na veranu vāti pragardhinaḥ ǀ
śyenasyeva dhrajato aṅkasam pari dadhikrāvṇaḥ sahorjā taritrataḥ ǁ
Padapatha Devanagari Accented
उ॒त । स्म॒ । अ॒स्य॒ । द्रव॑तः । तु॒र॒ण्य॒तः । प॒र्णम् । न । वेः । अनु॑ । वा॒ति॒ । प्र॒ऽग॒र्धिनः॑ ।
श्ये॒नस्य॑ऽइव । ध्रज॑तः । अ॒ङ्क॒सम् । परि॑ । द॒धि॒ऽक्राव्णः॑ । स॒ह । ऊ॒र्जा । तरि॑त्रतः ॥
Padapatha Devanagari Nonaccented
उत । स्म । अस्य । द्रवतः । तुरण्यतः । पर्णम् । न । वेः । अनु । वाति । प्रऽगर्धिनः ।
श्येनस्यऽइव । ध्रजतः । अङ्कसम् । परि । दधिऽक्राव्णः । सह । ऊर्जा । तरित्रतः ॥
Padapatha Transcription Accented
utá ǀ sma ǀ asya ǀ drávataḥ ǀ turaṇyatáḥ ǀ parṇám ǀ ná ǀ véḥ ǀ ánu ǀ vāti ǀ pra-gardhínaḥ ǀ
śyenásya-iva ǀ dhrájataḥ ǀ aṅkasám ǀ pári ǀ dadhi-krā́vṇaḥ ǀ sahá ǀ ūrjā́ ǀ táritrataḥ ǁ
Padapatha Transcription Nonaccented
uta ǀ sma ǀ asya ǀ dravataḥ ǀ turaṇyataḥ ǀ parṇam ǀ na ǀ veḥ ǀ anu ǀ vāti ǀ pra-gardhinaḥ ǀ
śyenasya-iva ǀ dhrajataḥ ǀ aṅkasam ǀ pari ǀ dadhi-krāvṇaḥ ǀ saha ǀ ūrjā ǀ taritrataḥ ǁ
04.040.04 (Mandala. Sukta. Rik)
3.7.14.04 (Ashtaka. Adhyaya. Varga. Rik)
04.04.068 (Mandala. Anuvāka. Rik)
Samhita Devanagari Accented
उ॒त स्य वा॒जी क्षि॑प॒णिं तु॑रण्यति ग्री॒वायां॑ ब॒द्धो अ॑पिक॒क्ष आ॒सनि॑ ।
क्रतुं॑ दधि॒क्रा अनु॑ सं॒तवी॑त्वत्प॒थामंकां॒स्यन्वा॒पनी॑फणत् ॥
Samhita Devanagari Nonaccented
उत स्य वाजी क्षिपणिं तुरण्यति ग्रीवायां बद्धो अपिकक्ष आसनि ।
क्रतुं दधिक्रा अनु संतवीत्वत्पथामंकांस्यन्वापनीफणत् ॥
Samhita Transcription Accented
utá syá vājī́ kṣipaṇím turaṇyati grīvā́yām baddhó apikakṣá āsáni ǀ
krátum dadhikrā́ ánu saṃtávītvatpathā́máṅkāṃsyánvāpánīphaṇat ǁ
Samhita Transcription Nonaccented
uta sya vājī kṣipaṇim turaṇyati grīvāyām baddho apikakṣa āsani ǀ
kratum dadhikrā anu saṃtavītvatpathāmaṅkāṃsyanvāpanīphaṇat ǁ
Padapatha Devanagari Accented
उ॒त । स्यः । वा॒जी । क्षि॒प॒णिम् । तु॒र॒ण्य॒ति॒ । ग्री॒वाया॑म् । ब॒द्धः । अ॒पि॒ऽक॒क्षे । आ॒सनि॑ ।
क्रतु॑म् । द॒धि॒ऽक्राः । अनु॑ । स॒म्ऽतवी॑त्वत् । प॒थाम् । अङ्कां॑सि । अनु॑ । आ॒ऽपनी॑फणत् ॥
Padapatha Devanagari Nonaccented
उत । स्यः । वाजी । क्षिपणिम् । तुरण्यति । ग्रीवायाम् । बद्धः । अपिऽकक्षे । आसनि ।
क्रतुम् । दधिऽक्राः । अनु । सम्ऽतवीत्वत् । पथाम् । अङ्कांसि । अनु । आऽपनीफणत् ॥
Padapatha Transcription Accented
utá ǀ syáḥ ǀ vājī́ ǀ kṣipaṇím ǀ turaṇyati ǀ grīvā́yām ǀ baddháḥ ǀ api-kakṣé ǀ āsáni ǀ
krátum ǀ dadhi-krā́ḥ ǀ ánu ǀ sam-távītvat ǀ pathā́m ǀ áṅkāṃsi ǀ ánu ǀ ā-pánīphaṇat ǁ
Padapatha Transcription Nonaccented
uta ǀ syaḥ ǀ vājī ǀ kṣipaṇim ǀ turaṇyati ǀ grīvāyām ǀ baddhaḥ ǀ api-kakṣe ǀ āsani ǀ
kratum ǀ dadhi-krāḥ ǀ anu ǀ sam-tavītvat ǀ pathām ǀ aṅkāṃsi ǀ anu ǀ ā-panīphaṇat ǁ
04.040.05 (Mandala. Sukta. Rik)
3.7.14.05 (Ashtaka. Adhyaya. Varga. Rik)
04.04.069 (Mandala. Anuvāka. Rik)
Samhita Devanagari Accented
हं॒सः शु॑चि॒षद्वसु॑रंतरिक्ष॒सद्धोता॑ वेदि॒षदति॑थिर्दुरोण॒सत् ।
नृ॒षद्व॑र॒सदृ॑त॒सद्व्यो॑म॒सद॒ब्जा गो॒जा ऋ॑त॒जा अ॑द्रि॒जा ऋ॒तं ॥
Samhita Devanagari Nonaccented
हंसः शुचिषद्वसुरंतरिक्षसद्धोता वेदिषदतिथिर्दुरोणसत् ।
नृषद्वरसदृतसद्व्योमसदब्जा गोजा ऋतजा अद्रिजा ऋतं ॥
Samhita Transcription Accented
haṃsáḥ śuciṣádvásurantarikṣasáddhótā vediṣádátithirduroṇasát ǀ
nṛṣádvarasádṛtasádvyomasádabjā́ gojā́ ṛtajā́ adrijā́ ṛtám ǁ
Samhita Transcription Nonaccented
haṃsaḥ śuciṣadvasurantarikṣasaddhotā vediṣadatithirduroṇasat ǀ
nṛṣadvarasadṛtasadvyomasadabjā gojā ṛtajā adrijā ṛtam ǁ
Padapatha Devanagari Accented
हं॒सः । शु॒चि॒ऽसत् । वसुः॑ । अ॒न्त॒रि॒क्ष॒ऽसत् । होता॑ । वे॒दि॒ऽसत् । अति॑थिः । दु॒रो॒ण॒ऽसत् ।
नृ॒ऽसत् । व॒र॒ऽसत् । ऋ॒त॒ऽसत् । व्यो॒म॒ऽसत् । अ॒प्ऽजाः । गो॒ऽजाः । ऋ॒त॒ऽजाः । अ॒द्रि॒ऽजाः । ऋ॒तम् ॥
Padapatha Devanagari Nonaccented
हंसः । शुचिऽसत् । वसुः । अन्तरिक्षऽसत् । होता । वेदिऽसत् । अतिथिः । दुरोणऽसत् ।
नृऽसत् । वरऽसत् । ऋतऽसत् । व्योमऽसत् । अप्ऽजाः । गोऽजाः । ऋतऽजाः । अद्रिऽजाः । ऋतम् ॥
Padapatha Transcription Accented
haṃsáḥ ǀ śuci-sát ǀ vásuḥ ǀ antarikṣa-sát ǀ hótā ǀ vedi-sát ǀ átithiḥ ǀ duroṇa-sát ǀ
nṛ-sát ǀ vara-sát ǀ ṛta-sát ǀ vyoma-sát ǀ ap-jā́ḥ ǀ go-jā́ḥ ǀ ṛta-jā́ḥ ǀ adri-jā́ḥ ǀ ṛtám ǁ
Padapatha Transcription Nonaccented
haṃsaḥ ǀ śuci-sat ǀ vasuḥ ǀ antarikṣa-sat ǀ hotā ǀ vedi-sat ǀ atithiḥ ǀ duroṇa-sat ǀ
nṛ-sat ǀ vara-sat ǀ ṛta-sat ǀ vyoma-sat ǀ ap-jāḥ ǀ go-jāḥ ǀ ṛta-jāḥ ǀ adri-jāḥ ǀ ṛtam ǁ