|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 4
Sūkta 42
|
1. Info |
| To: | 1, 2, 4-6: trasadasyu (आत्मा); 3: indra, tvaṣṭṛ, varuṇa, trasadasyu (आत्मा); 7-10: indra, varuṇa |
|
| From: | trasadasyu paurukutsya sauhotra | |
| Metres: | 1st set of styles: nicṛttriṣṭup (1-4, 6, 9); nicṛtpaṅkti (5); virāṭtrisṭup (7); bhuriktriṣṭup (8); triṣṭup (10) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
04.042.01 (Mandala. Sukta. Rik)
3.7.17.01 (Ashtaka. Adhyaya. Varga. Rik)
04.04.081 (Mandala. Anuvāka. Rik)
Samhita Devanagari Accented
मम॑ द्वि॒ता रा॒ष्ट्रं क्ष॒त्रिय॑स्य वि॒श्वायो॒र्विश्वे॑ अ॒मृता॒ यथा॑ नः ।
क्रतुं॑ सचंते॒ वरु॑णस्य दे॒वा राजा॑मि कृ॒ष्टेरु॑प॒मस्य॑ व॒व्रेः ॥
Samhita Devanagari Nonaccented
मम द्विता राष्ट्रं क्षत्रियस्य विश्वायोर्विश्वे अमृता यथा नः ।
क्रतुं सचंते वरुणस्य देवा राजामि कृष्टेरुपमस्य वव्रेः ॥
Samhita Transcription Accented
máma dvitā́ rāṣṭrám kṣatríyasya viśvā́yorvíśve amṛ́tā yáthā naḥ ǀ
krátum sacante váruṇasya devā́ rā́jāmi kṛṣṭérupamásya vavréḥ ǁ
Samhita Transcription Nonaccented
mama dvitā rāṣṭram kṣatriyasya viśvāyorviśve amṛtā yathā naḥ ǀ
kratum sacante varuṇasya devā rājāmi kṛṣṭerupamasya vavreḥ ǁ
Padapatha Devanagari Accented
मम॑ । द्वि॒ता । रा॒ष्ट्रम् । क्ष॒त्रिय॑स्य । वि॒श्वऽआ॑योः । विश्वे॑ । अ॒मृताः॑ । यथा॑ । नः॒ ।
क्रतु॑म् । स॒च॒न्ते॒ । वरु॑णस्य । दे॒वाः । राजा॑मि । कृ॒ष्टेः । उ॒प॒मस्य॑ । व॒व्रेः ॥
Padapatha Devanagari Nonaccented
मम । द्विता । राष्ट्रम् । क्षत्रियस्य । विश्वऽआयोः । विश्वे । अमृताः । यथा । नः ।
क्रतुम् । सचन्ते । वरुणस्य । देवाः । राजामि । कृष्टेः । उपमस्य । वव्रेः ॥
Padapatha Transcription Accented
máma ǀ dvitā́ ǀ rāṣṭrám ǀ kṣatríyasya ǀ viśvá-āyoḥ ǀ víśve ǀ amṛ́tāḥ ǀ yáthā ǀ naḥ ǀ
krátum ǀ sacante ǀ váruṇasya ǀ devā́ḥ ǀ rā́jāmi ǀ kṛṣṭéḥ ǀ upamásya ǀ vavréḥ ǁ
Padapatha Transcription Nonaccented
mama ǀ dvitā ǀ rāṣṭram ǀ kṣatriyasya ǀ viśva-āyoḥ ǀ viśve ǀ amṛtāḥ ǀ yathā ǀ naḥ ǀ
kratum ǀ sacante ǀ varuṇasya ǀ devāḥ ǀ rājāmi ǀ kṛṣṭeḥ ǀ upamasya ǀ vavreḥ ǁ
04.042.02 (Mandala. Sukta. Rik)
3.7.17.02 (Ashtaka. Adhyaya. Varga. Rik)
04.04.082 (Mandala. Anuvāka. Rik)
Samhita Devanagari Accented
अ॒हं राजा॒ वरु॑णो॒ मह्यं॒ तान्य॑सु॒र्या॑णि प्रथ॒मा धा॑रयंत ।
क्रतुं॑ सचंते॒ वरु॑णस्य दे॒वा राजा॑मि कृ॒ष्टेरु॑प॒मस्य॑ व॒व्रेः ॥
Samhita Devanagari Nonaccented
अहं राजा वरुणो मह्यं तान्यसुर्याणि प्रथमा धारयंत ।
क्रतुं सचंते वरुणस्य देवा राजामि कृष्टेरुपमस्य वव्रेः ॥
Samhita Transcription Accented
ahám rā́jā váruṇo máhyam tā́nyasuryā́ṇi prathamā́ dhārayanta ǀ
krátum sacante váruṇasya devā́ rā́jāmi kṛṣṭérupamásya vavréḥ ǁ
Samhita Transcription Nonaccented
aham rājā varuṇo mahyam tānyasuryāṇi prathamā dhārayanta ǀ
kratum sacante varuṇasya devā rājāmi kṛṣṭerupamasya vavreḥ ǁ
Padapatha Devanagari Accented
अ॒हम् । राजा॑ । वरु॑णः । मह्य॑म् । तानि॑ । अ॒सु॒र्या॑णि । प्र॒थ॒मा । धा॒र॒य॒न्त॒ ।
क्रतु॑म् । स॒च॒न्ते॒ । वरु॑णस्य । दे॒वाः । राजा॑मि । कृ॒ष्टेः । उ॒प॒मस्य॑ । व॒व्रेः ॥
Padapatha Devanagari Nonaccented
अहम् । राजा । वरुणः । मह्यम् । तानि । असुर्याणि । प्रथमा । धारयन्त ।
क्रतुम् । सचन्ते । वरुणस्य । देवाः । राजामि । कृष्टेः । उपमस्य । वव्रेः ॥
Padapatha Transcription Accented
ahám ǀ rā́jā ǀ váruṇaḥ ǀ máhyam ǀ tā́ni ǀ asuryā́ṇi ǀ prathamā́ ǀ dhārayanta ǀ
krátum ǀ sacante ǀ váruṇasya ǀ devā́ḥ ǀ rā́jāmi ǀ kṛṣṭéḥ ǀ upamásya ǀ vavréḥ ǁ
Padapatha Transcription Nonaccented
aham ǀ rājā ǀ varuṇaḥ ǀ mahyam ǀ tāni ǀ asuryāṇi ǀ prathamā ǀ dhārayanta ǀ
kratum ǀ sacante ǀ varuṇasya ǀ devāḥ ǀ rājāmi ǀ kṛṣṭeḥ ǀ upamasya ǀ vavreḥ ǁ
04.042.03 (Mandala. Sukta. Rik)
3.7.17.03 (Ashtaka. Adhyaya. Varga. Rik)
04.04.083 (Mandala. Anuvāka. Rik)
Samhita Devanagari Accented
अ॒हमिंद्रो॒ वरु॑ण॒स्ते म॑हि॒त्वोर्वी ग॑भी॒रे रज॑सी सु॒मेके॑ ।
त्वष्टे॑व॒ विश्वा॒ भुव॑नानि वि॒द्वान्त्समै॑रयं॒ रोद॑सी धा॒रयं॑ च ॥
Samhita Devanagari Nonaccented
अहमिंद्रो वरुणस्ते महित्वोर्वी गभीरे रजसी सुमेके ।
त्वष्टेव विश्वा भुवनानि विद्वान्त्समैरयं रोदसी धारयं च ॥
Samhita Transcription Accented
ahámíndro váruṇasté mahitvórvī́ gabhīré rájasī suméke ǀ
tváṣṭeva víśvā bhúvanāni vidvā́ntsámairayam ródasī dhāráyam ca ǁ
Samhita Transcription Nonaccented
ahamindro varuṇaste mahitvorvī gabhīre rajasī sumeke ǀ
tvaṣṭeva viśvā bhuvanāni vidvāntsamairayam rodasī dhārayam ca ǁ
Padapatha Devanagari Accented
अ॒हम् । इन्द्रः॑ । वरु॑णः । ते इति॑ । म॒हि॒ऽत्वा । उ॒र्वी इति॑ । ग॒भी॒रे इति॑ । रज॑सी॒ इति॑ । सु॒मेके॒ इति॑ सु॒ऽमेके॑ ।
त्वष्टा॑ऽइव । विश्वा॑ । भुव॑नानि । वि॒द्वान् । सम् । ऐ॒र॒य॒म् । रोद॑सी॒ इति॑ । धा॒रय॑म् । च॒ ॥
Padapatha Devanagari Nonaccented
अहम् । इन्द्रः । वरुणः । ते इति । महिऽत्वा । उर्वी इति । गभीरे इति । रजसी इति । सुमेके इति सुऽमेके ।
त्वष्टाऽइव । विश्वा । भुवनानि । विद्वान् । सम् । ऐरयम् । रोदसी इति । धारयम् । च ॥
Padapatha Transcription Accented
ahám ǀ índraḥ ǀ váruṇaḥ ǀ té íti ǀ mahi-tvā́ ǀ urvī́ íti ǀ gabhīré íti ǀ rájasī íti ǀ suméke íti su-méke ǀ
tváṣṭā-iva ǀ víśvā ǀ bhúvanāni ǀ vidvā́n ǀ sám ǀ airayam ǀ ródasī íti ǀ dhāráyam ǀ ca ǁ
Padapatha Transcription Nonaccented
aham ǀ indraḥ ǀ varuṇaḥ ǀ te iti ǀ mahi-tvā ǀ urvī iti ǀ gabhīre iti ǀ rajasī iti ǀ sumeke iti su-meke ǀ
tvaṣṭā-iva ǀ viśvā ǀ bhuvanāni ǀ vidvān ǀ sam ǀ airayam ǀ rodasī iti ǀ dhārayam ǀ ca ǁ
04.042.04 (Mandala. Sukta. Rik)
3.7.17.04 (Ashtaka. Adhyaya. Varga. Rik)
04.04.084 (Mandala. Anuvāka. Rik)
Samhita Devanagari Accented
अ॒हम॒पो अ॑पिन्वमु॒क्षमा॑णा धा॒रयं॒ दिवं॒ सद॑न ऋ॒तस्य॑ ।
ऋ॒तेन॑ पु॒त्रो अदि॑तेर्ऋ॒तावो॒त त्रि॒धातु॑ प्रथय॒द्वि भूम॑ ॥
Samhita Devanagari Nonaccented
अहमपो अपिन्वमुक्षमाणा धारयं दिवं सदन ऋतस्य ।
ऋतेन पुत्रो अदितेर्ऋतावोत त्रिधातु प्रथयद्वि भूम ॥
Samhita Transcription Accented
ahámapó apinvamukṣámāṇā dhāráyam dívam sádana ṛtásya ǀ
ṛténa putró áditerṛtā́votá tridhā́tu prathayadví bhū́ma ǁ
Samhita Transcription Nonaccented
ahamapo apinvamukṣamāṇā dhārayam divam sadana ṛtasya ǀ
ṛtena putro aditerṛtāvota tridhātu prathayadvi bhūma ǁ
Padapatha Devanagari Accented
अ॒हम् । अ॒पः । अ॒पि॒न्व॒म् । उ॒क्षमा॑णाः । धा॒रय॑म् । दिव॑म् । सद॑ने । ऋ॒तस्य॑ ।
ऋ॒तेन॑ । पु॒त्रः । अदि॑तेः । ऋ॒तऽवा॑ । उ॒त । त्रि॒ऽधातु॑ । प्र॒थ॒य॒त् । वि । भूम॑ ॥
Padapatha Devanagari Nonaccented
अहम् । अपः । अपिन्वम् । उक्षमाणाः । धारयम् । दिवम् । सदने । ऋतस्य ।
ऋतेन । पुत्रः । अदितेः । ऋतऽवा । उत । त्रिऽधातु । प्रथयत् । वि । भूम ॥
Padapatha Transcription Accented
ahám ǀ apáḥ ǀ apinvam ǀ ukṣámāṇāḥ ǀ dhāráyam ǀ dívam ǀ sádane ǀ ṛtásya ǀ
ṛténa ǀ putráḥ ǀ áditeḥ ǀ ṛtá-vā ǀ utá ǀ tri-dhā́tu ǀ prathayat ǀ ví ǀ bhū́ma ǁ
Padapatha Transcription Nonaccented
aham ǀ apaḥ ǀ apinvam ǀ ukṣamāṇāḥ ǀ dhārayam ǀ divam ǀ sadane ǀ ṛtasya ǀ
ṛtena ǀ putraḥ ǀ aditeḥ ǀ ṛta-vā ǀ uta ǀ tri-dhātu ǀ prathayat ǀ vi ǀ bhūma ǁ
04.042.05 (Mandala. Sukta. Rik)
3.7.17.05 (Ashtaka. Adhyaya. Varga. Rik)
04.04.085 (Mandala. Anuvāka. Rik)
Samhita Devanagari Accented
मां नरः॒ स्वश्वा॑ वा॒जयं॑तो॒ मां वृ॒ताः स॒मर॑णे हवंते ।
कृ॒णोम्या॒जिं म॒घवा॒हमिंद्र॒ इय॑र्मि रे॒णुम॒भिभू॑त्योजाः ॥
Samhita Devanagari Nonaccented
मां नरः स्वश्वा वाजयंतो मां वृताः समरणे हवंते ।
कृणोम्याजिं मघवाहमिंद्र इयर्मि रेणुमभिभूत्योजाः ॥
Samhita Transcription Accented
mā́m náraḥ sváśvā vājáyanto mā́m vṛtā́ḥ samáraṇe havante ǀ
kṛṇómyājím maghávāhámíndra íyarmi reṇúmabhíbhūtyojāḥ ǁ
Samhita Transcription Nonaccented
mām naraḥ svaśvā vājayanto mām vṛtāḥ samaraṇe havante ǀ
kṛṇomyājim maghavāhamindra iyarmi reṇumabhibhūtyojāḥ ǁ
Padapatha Devanagari Accented
माम् । नरः॑ । सु॒ऽअश्वाः॑ । वा॒जय॑न्तः । माम् । वृ॒ताः । स॒म्ऽअर॑णे । ह॒व॒न्ते॒ ।
कृ॒णोमि॑ । आ॒जिम् । म॒घऽवा॑ । अ॒हम् । इन्द्रः॑ । इय॑र्मि । रे॒णुम् । अ॒भिभू॑तिऽओजाः ॥
Padapatha Devanagari Nonaccented
माम् । नरः । सुऽअश्वाः । वाजयन्तः । माम् । वृताः । सम्ऽअरणे । हवन्ते ।
कृणोमि । आजिम् । मघऽवा । अहम् । इन्द्रः । इयर्मि । रेणुम् । अभिभूतिऽओजाः ॥
Padapatha Transcription Accented
mā́m ǀ náraḥ ǀ su-áśvāḥ ǀ vājáyantaḥ ǀ mā́m ǀ vṛtā́ḥ ǀ sam-áraṇe ǀ havante ǀ
kṛṇómi ǀ ājím ǀ maghá-vā ǀ ahám ǀ índraḥ ǀ íyarmi ǀ reṇúm ǀ abhíbhūti-ojāḥ ǁ
Padapatha Transcription Nonaccented
mām ǀ naraḥ ǀ su-aśvāḥ ǀ vājayantaḥ ǀ mām ǀ vṛtāḥ ǀ sam-araṇe ǀ havante ǀ
kṛṇomi ǀ ājim ǀ magha-vā ǀ aham ǀ indraḥ ǀ iyarmi ǀ reṇum ǀ abhibhūti-ojāḥ ǁ
04.042.06 (Mandala. Sukta. Rik)
3.7.18.01 (Ashtaka. Adhyaya. Varga. Rik)
04.04.086 (Mandala. Anuvāka. Rik)
Samhita Devanagari Accented
अ॒हं ता विश्वा॑ चकरं॒ नकि॑र्मा॒ दैव्यं॒ सहो॑ वरते॒ अप्र॑तीतं ।
यन्मा॒ सोमा॑सो म॒मद॒न्यदु॒क्थोभे भ॑येते॒ रज॑सी अपा॒रे ॥
Samhita Devanagari Nonaccented
अहं ता विश्वा चकरं नकिर्मा दैव्यं सहो वरते अप्रतीतं ।
यन्मा सोमासो ममदन्यदुक्थोभे भयेते रजसी अपारे ॥
Samhita Transcription Accented
ahám tā́ víśvā cakaram nákirmā dáivyam sáho varate ápratītam ǀ
yánmā sómāso mamádanyádukthóbhé bhayete rájasī apāré ǁ
Samhita Transcription Nonaccented
aham tā viśvā cakaram nakirmā daivyam saho varate apratītam ǀ
yanmā somāso mamadanyadukthobhe bhayete rajasī apāre ǁ
Padapatha Devanagari Accented
अ॒हम् । ता । विश्वा॑ । च॒क॒र॒म् । नकिः॑ । मा॒ । दैव्य॑म् । सहः॑ । व॒र॒ते॒ । अप्र॑तिऽइतम् ।
यत् । मा॒ । सोमा॑सः । म॒मद॑न् । यत् । उ॒क्था । उ॒भे इति॑ । भ॒ये॒ते॒ इति॑ । रज॑सी॒ इति॑ । अ॒पा॒रे इति॑ ॥
Padapatha Devanagari Nonaccented
अहम् । ता । विश्वा । चकरम् । नकिः । मा । दैव्यम् । सहः । वरते । अप्रतिऽइतम् ।
यत् । मा । सोमासः । ममदन् । यत् । उक्था । उभे इति । भयेते इति । रजसी इति । अपारे इति ॥
Padapatha Transcription Accented
ahám ǀ tā́ ǀ víśvā ǀ cakaram ǀ nákiḥ ǀ mā ǀ dáivyam ǀ sáhaḥ ǀ varate ǀ áprati-itam ǀ
yát ǀ mā ǀ sómāsaḥ ǀ mamádan ǀ yát ǀ ukthā́ ǀ ubhé íti ǀ bhayete íti ǀ rájasī íti ǀ apāré íti ǁ
Padapatha Transcription Nonaccented
aham ǀ tā ǀ viśvā ǀ cakaram ǀ nakiḥ ǀ mā ǀ daivyam ǀ sahaḥ ǀ varate ǀ aprati-itam ǀ
yat ǀ mā ǀ somāsaḥ ǀ mamadan ǀ yat ǀ ukthā ǀ ubhe iti ǀ bhayete iti ǀ rajasī iti ǀ apāre iti ǁ
04.042.07 (Mandala. Sukta. Rik)
3.7.18.02 (Ashtaka. Adhyaya. Varga. Rik)
04.04.087 (Mandala. Anuvāka. Rik)
Samhita Devanagari Accented
वि॒दुष्टे॒ विश्वा॒ भुव॑नानि॒ तस्य॒ ता प्र ब्र॑वीषि॒ वरु॑णाय वेधः ।
त्वं वृ॒त्राणि॑ शृण्विषे जघ॒न्वांत्वं वृ॒ताँ अ॑रिणा इंद्र॒ सिंधू॑न् ॥
Samhita Devanagari Nonaccented
विदुष्टे विश्वा भुवनानि तस्य ता प्र ब्रवीषि वरुणाय वेधः ।
त्वं वृत्राणि शृण्विषे जघन्वांत्वं वृताँ अरिणा इंद्र सिंधून् ॥
Samhita Transcription Accented
vidúṣṭe víśvā bhúvanāni tásya tā́ prá bravīṣi váruṇāya vedhaḥ ǀ
tvám vṛtrā́ṇi śṛṇviṣe jaghanvā́ntvám vṛtā́m̐ ariṇā indra síndhūn ǁ
Samhita Transcription Nonaccented
viduṣṭe viśvā bhuvanāni tasya tā pra bravīṣi varuṇāya vedhaḥ ǀ
tvam vṛtrāṇi śṛṇviṣe jaghanvāntvam vṛtām̐ ariṇā indra sindhūn ǁ
Padapatha Devanagari Accented
वि॒दुः । ते॒ । विश्वा॑ । भुव॑नानि । तस्य॑ । ता । प्र । ब्र॒वी॒षि॒ । वरु॑णाय । वे॒धः॒ ।
त्वम् । वृ॒त्राणि॑ । शृ॒ण्वि॒षे॒ । ज॒घ॒न्वान् । त्वम् । वृ॒तान् । अ॒रि॒णाः॒ । इ॒न्द्र॒ । सिन्धू॑न् ॥
Padapatha Devanagari Nonaccented
विदुः । ते । विश्वा । भुवनानि । तस्य । ता । प्र । ब्रवीषि । वरुणाय । वेधः ।
त्वम् । वृत्राणि । शृण्विषे । जघन्वान् । त्वम् । वृतान् । अरिणाः । इन्द्र । सिन्धून् ॥
Padapatha Transcription Accented
vidúḥ ǀ te ǀ víśvā ǀ bhúvanāni ǀ tásya ǀ tā́ ǀ prá ǀ bravīṣi ǀ váruṇāya ǀ vedhaḥ ǀ
tvám ǀ vṛtrā́ṇi ǀ śṛṇviṣe ǀ jaghanvā́n ǀ tvám ǀ vṛtā́n ǀ ariṇāḥ ǀ indra ǀ síndhūn ǁ
Padapatha Transcription Nonaccented
viduḥ ǀ te ǀ viśvā ǀ bhuvanāni ǀ tasya ǀ tā ǀ pra ǀ bravīṣi ǀ varuṇāya ǀ vedhaḥ ǀ
tvam ǀ vṛtrāṇi ǀ śṛṇviṣe ǀ jaghanvān ǀ tvam ǀ vṛtān ǀ ariṇāḥ ǀ indra ǀ sindhūn ǁ
04.042.08 (Mandala. Sukta. Rik)
3.7.18.03 (Ashtaka. Adhyaya. Varga. Rik)
04.04.088 (Mandala. Anuvāka. Rik)
Samhita Devanagari Accented
अ॒स्माक॒मत्र॑ पि॒तर॒स्त आ॑सन्त्स॒प्त ऋष॑यो दौर्ग॒हे ब॒ध्यमा॑ने ।
त आय॑जंत त्र॒सद॑स्युमस्या॒ इंद्रं॒ न वृ॑त्र॒तुर॑मर्धदे॒वं ॥
Samhita Devanagari Nonaccented
अस्माकमत्र पितरस्त आसन्त्सप्त ऋषयो दौर्गहे बध्यमाने ।
त आयजंत त्रसदस्युमस्या इंद्रं न वृत्रतुरमर्धदेवं ॥
Samhita Transcription Accented
asmā́kamátra pitárastá āsantsaptá ṛ́ṣayo daurgahé badhyámāne ǀ
tá ā́yajanta trasádasyumasyā índram ná vṛtratúramardhadevám ǁ
Samhita Transcription Nonaccented
asmākamatra pitarasta āsantsapta ṛṣayo daurgahe badhyamāne ǀ
ta āyajanta trasadasyumasyā indram na vṛtraturamardhadevam ǁ
Padapatha Devanagari Accented
अ॒स्माक॑म् । अत्र॑ । पि॒तरः॑ । ते । आ॒स॒न् । स॒प्त । ऋष॑यः । दौः॒ऽग॒हे । ब॒ध्यमा॑ने ।
ते । आ । अ॒य॒ज॒न्त॒ । त्र॒सद॑स्युम् । अ॒स्याः॒ । इन्द्र॑म् । न । वृ॒त्र॒ऽतुर॑म् । अ॒र्ध॒ऽदे॒वम् ॥
Padapatha Devanagari Nonaccented
अस्माकम् । अत्र । पितरः । ते । आसन् । सप्त । ऋषयः । दौःऽगहे । बध्यमाने ।
ते । आ । अयजन्त । त्रसदस्युम् । अस्याः । इन्द्रम् । न । वृत्रऽतुरम् । अर्धऽदेवम् ॥
Padapatha Transcription Accented
asmā́kam ǀ átra ǀ pitáraḥ ǀ té ǀ āsan ǀ saptá ǀ ṛ́ṣayaḥ ǀ dauḥ-gahé ǀ badhyámāne ǀ
té ǀ ā́ ǀ ayajanta ǀ trasádasyum ǀ asyāḥ ǀ índram ǀ ná ǀ vṛtra-túram ǀ ardha-devám ǁ
Padapatha Transcription Nonaccented
asmākam ǀ atra ǀ pitaraḥ ǀ te ǀ āsan ǀ sapta ǀ ṛṣayaḥ ǀ dauḥ-gahe ǀ badhyamāne ǀ
te ǀ ā ǀ ayajanta ǀ trasadasyum ǀ asyāḥ ǀ indram ǀ na ǀ vṛtra-turam ǀ ardha-devam ǁ
04.042.09 (Mandala. Sukta. Rik)
3.7.18.04 (Ashtaka. Adhyaya. Varga. Rik)
04.04.089 (Mandala. Anuvāka. Rik)
Samhita Devanagari Accented
पु॒रु॒कुत्सा॑नी॒ हि वा॒मदा॑शद्ध॒व्येभि॑रिंद्रावरुणा॒ नमो॑भिः ।
अथा॒ राजा॑नं त्र॒सद॑स्युमस्या वृत्र॒हणं॑ ददथुरर्धदे॒वं ॥
Samhita Devanagari Nonaccented
पुरुकुत्सानी हि वामदाशद्धव्येभिरिंद्रावरुणा नमोभिः ।
अथा राजानं त्रसदस्युमस्या वृत्रहणं ददथुरर्धदेवं ॥
Samhita Transcription Accented
purukútsānī hí vāmádāśaddhavyébhirindrāvaruṇā námobhiḥ ǀ
áthā rā́jānam trasádasyumasyā vṛtraháṇam dadathurardhadevám ǁ
Samhita Transcription Nonaccented
purukutsānī hi vāmadāśaddhavyebhirindrāvaruṇā namobhiḥ ǀ
athā rājānam trasadasyumasyā vṛtrahaṇam dadathurardhadevam ǁ
Padapatha Devanagari Accented
पु॒रु॒ऽकुत्सा॑नी । हि । वा॒म् । अदा॑शत् । ह॒व्येभिः॑ । इ॒न्द्रा॒व॒रु॒णा॒ । नमः॑ऽभिः ।
अथ॑ । राजा॑नम् । त्र॒सद॑स्युम् । अ॒स्याः॒ । वृ॒त्र॒ऽहन॑म् । द॒द॒थुः॒ । अ॒र्ध॒ऽदे॒वम् ॥
Padapatha Devanagari Nonaccented
पुरुऽकुत्सानी । हि । वाम् । अदाशत् । हव्येभिः । इन्द्रावरुणा । नमःऽभिः ।
अथ । राजानम् । त्रसदस्युम् । अस्याः । वृत्रऽहनम् । ददथुः । अर्धऽदेवम् ॥
Padapatha Transcription Accented
puru-kútsānī ǀ hí ǀ vām ǀ ádāśat ǀ havyébhiḥ ǀ indrāvaruṇā ǀ námaḥ-bhiḥ ǀ
átha ǀ rā́jānam ǀ trasádasyum ǀ asyāḥ ǀ vṛtra-hánam ǀ dadathuḥ ǀ ardha-devám ǁ
Padapatha Transcription Nonaccented
puru-kutsānī ǀ hi ǀ vām ǀ adāśat ǀ havyebhiḥ ǀ indrāvaruṇā ǀ namaḥ-bhiḥ ǀ
atha ǀ rājānam ǀ trasadasyum ǀ asyāḥ ǀ vṛtra-hanam ǀ dadathuḥ ǀ ardha-devam ǁ
04.042.10 (Mandala. Sukta. Rik)
3.7.18.05 (Ashtaka. Adhyaya. Varga. Rik)
04.04.090 (Mandala. Anuvāka. Rik)
Samhita Devanagari Accented
रा॒या व॒यं स॑स॒वांसो॑ मदेम ह॒व्येन॑ दे॒वा यव॑सेन॒ गावः॑ ।
तां धे॒नुमिं॑द्रावरुणा यु॒वं नो॑ वि॒श्वाहा॑ धत्त॒मन॑पस्फुरंतीं ॥
Samhita Devanagari Nonaccented
राया वयं ससवांसो मदेम हव्येन देवा यवसेन गावः ।
तां धेनुमिंद्रावरुणा युवं नो विश्वाहा धत्तमनपस्फुरंतीं ॥
Samhita Transcription Accented
rāyā́ vayám sasavā́ṃso madema havyéna devā́ yávasena gā́vaḥ ǀ
tā́m dhenúmindrāvaruṇā yuvám no viśvā́hā dhattamánapasphurantīm ǁ
Samhita Transcription Nonaccented
rāyā vayam sasavāṃso madema havyena devā yavasena gāvaḥ ǀ
tām dhenumindrāvaruṇā yuvam no viśvāhā dhattamanapasphurantīm ǁ
Padapatha Devanagari Accented
रा॒या । व॒यम् । स॒स॒ऽवांसः॑ । म॒दे॒म॒ । ह॒व्येन॑ । दे॒वाः । यव॑सेन । गावः॑ ।
ताम् । धे॒नुम् । इ॒न्द्रा॒व॒रु॒णा॒ । यु॒वम् । नः॒ । वि॒श्वाहा॑ । ध॒त्त॒म् । अन॑पऽस्फुरन्तीम् ॥
Padapatha Devanagari Nonaccented
राया । वयम् । ससऽवांसः । मदेम । हव्येन । देवाः । यवसेन । गावः ।
ताम् । धेनुम् । इन्द्रावरुणा । युवम् । नः । विश्वाहा । धत्तम् । अनपऽस्फुरन्तीम् ॥
Padapatha Transcription Accented
rāyā́ ǀ vayám ǀ sasa-vā́ṃsaḥ ǀ madema ǀ havyéna ǀ devā́ḥ ǀ yávasena ǀ gā́vaḥ ǀ
tā́m ǀ dhenúm ǀ indrāvaruṇā ǀ yuvám ǀ naḥ ǀ viśvā́hā ǀ dhattam ǀ ánapa-sphurantīm ǁ
Padapatha Transcription Nonaccented
rāyā ǀ vayam ǀ sasa-vāṃsaḥ ǀ madema ǀ havyena ǀ devāḥ ǀ yavasena ǀ gāvaḥ ǀ
tām ǀ dhenum ǀ indrāvaruṇā ǀ yuvam ǀ naḥ ǀ viśvāhā ǀ dhattam ǀ anapa-sphurantīm ǁ