|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 4
Sūkta 43
|
1. Info |
| To: | aśvins | |
| From: | ajamīḷha sauhotra; purumīḷha sauhotra | |
| Metres: | 1st set of styles: nicṛttriṣṭup (2, 3, 5-7); triṣṭup (1); svarāṭpaṅkti (4) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
04.043.01 (Mandala. Sukta. Rik)
3.7.19.01 (Ashtaka. Adhyaya. Varga. Rik)
04.04.091 (Mandala. Anuvāka. Rik)
Samhita Devanagari Accented
क उ॑ श्रवत्कत॒मो य॒ज्ञिया॑नां वं॒दारु॑ दे॒वः क॑त॒मो जु॑षाते ।
कस्ये॒मां दे॒वीम॒मृते॑षु॒ प्रेष्ठां॑ हृ॒दि श्रे॑षाम सुष्टु॒तिं सु॑ह॒व्यां ॥
Samhita Devanagari Nonaccented
क उ श्रवत्कतमो यज्ञियानां वंदारु देवः कतमो जुषाते ।
कस्येमां देवीममृतेषु प्रेष्ठां हृदि श्रेषाम सुष्टुतिं सुहव्यां ॥
Samhita Transcription Accented
ká u śravatkatamó yajñíyānām vandā́ru deváḥ katamó juṣāte ǀ
kásyemā́m devī́mamṛ́teṣu préṣṭhām hṛdí śreṣāma suṣṭutím suhavyā́m ǁ
Samhita Transcription Nonaccented
ka u śravatkatamo yajñiyānām vandāru devaḥ katamo juṣāte ǀ
kasyemām devīmamṛteṣu preṣṭhām hṛdi śreṣāma suṣṭutim suhavyām ǁ
Padapatha Devanagari Accented
कः । ऊं॒ इति॑ । श्र॒व॒त् । क॒त॒मः । य॒ज्ञिया॑नाम् । व॒न्दारु॑ । दे॒वः । क॒त॒मः । जु॒षा॒ते॒ ।
कस्य॑ । इ॒माम् । दे॒वीम् । अ॒मृते॑षु । प्रेष्ठा॑म् । हृ॒दि । श्रे॒षा॒म॒ । सु॒ऽस्तु॒तिम् । सु॒ऽह॒व्याम् ॥
Padapatha Devanagari Nonaccented
कः । ऊं इति । श्रवत् । कतमः । यज्ञियानाम् । वन्दारु । देवः । कतमः । जुषाते ।
कस्य । इमाम् । देवीम् । अमृतेषु । प्रेष्ठाम् । हृदि । श्रेषाम । सुऽस्तुतिम् । सुऽहव्याम् ॥
Padapatha Transcription Accented
káḥ ǀ ūṃ íti ǀ śravat ǀ katamáḥ ǀ yajñíyānām ǀ vandā́ru ǀ deváḥ ǀ katamáḥ ǀ juṣāte ǀ
kásya ǀ imā́m ǀ devī́m ǀ amṛ́teṣu ǀ préṣṭhām ǀ hṛdí ǀ śreṣāma ǀ su-stutím ǀ su-havyā́m ǁ
Padapatha Transcription Nonaccented
kaḥ ǀ ūṃ iti ǀ śravat ǀ katamaḥ ǀ yajñiyānām ǀ vandāru ǀ devaḥ ǀ katamaḥ ǀ juṣāte ǀ
kasya ǀ imām ǀ devīm ǀ amṛteṣu ǀ preṣṭhām ǀ hṛdi ǀ śreṣāma ǀ su-stutim ǀ su-havyām ǁ
04.043.02 (Mandala. Sukta. Rik)
3.7.19.02 (Ashtaka. Adhyaya. Varga. Rik)
04.04.092 (Mandala. Anuvāka. Rik)
Samhita Devanagari Accented
को मृ॑ळाति कत॒म आग॑मिष्ठो दे॒वाना॑मु कत॒मः शंभ॑विष्ठः ।
रथं॒ कमा॑हुर्द्र॒वद॑श्वमा॒शुं यं सूर्य॑स्य दुहि॒तावृ॑णीत ॥
Samhita Devanagari Nonaccented
को मृळाति कतम आगमिष्ठो देवानामु कतमः शंभविष्ठः ।
रथं कमाहुर्द्रवदश्वमाशुं यं सूर्यस्य दुहितावृणीत ॥
Samhita Transcription Accented
kó mṛḷāti katamá ā́gamiṣṭho devā́nāmu katamáḥ śámbhaviṣṭhaḥ ǀ
rátham kámāhurdravádaśvamāśúm yám sū́ryasya duhitā́vṛṇīta ǁ
Samhita Transcription Nonaccented
ko mṛḷāti katama āgamiṣṭho devānāmu katamaḥ śambhaviṣṭhaḥ ǀ
ratham kamāhurdravadaśvamāśum yam sūryasya duhitāvṛṇīta ǁ
Padapatha Devanagari Accented
कः । मृ॒ळा॒ति॒ । क॒त॒मः । आऽग॑मिष्ठः । दे॒वाना॑म् । ऊं॒ इति॑ । क॒त॒मः । शम्ऽभ॑विष्ठः ।
रथ॑म् । कम् । आ॒हुः॒ । द्र॒वत्ऽअ॑श्वम् । आ॒शुम् । यम् । सूर्य॑स्य । दु॒हि॒ता । अवृ॑णीत ॥
Padapatha Devanagari Nonaccented
कः । मृळाति । कतमः । आऽगमिष्ठः । देवानाम् । ऊं इति । कतमः । शम्ऽभविष्ठः ।
रथम् । कम् । आहुः । द्रवत्ऽअश्वम् । आशुम् । यम् । सूर्यस्य । दुहिता । अवृणीत ॥
Padapatha Transcription Accented
káḥ ǀ mṛḷāti ǀ katamáḥ ǀ ā́-gamiṣṭhaḥ ǀ devā́nām ǀ ūṃ íti ǀ katamáḥ ǀ śám-bhaviṣṭhaḥ ǀ
rátham ǀ kám ǀ āhuḥ ǀ dravát-aśvam ǀ āśúm ǀ yám ǀ sū́ryasya ǀ duhitā́ ǀ ávṛṇīta ǁ
Padapatha Transcription Nonaccented
kaḥ ǀ mṛḷāti ǀ katamaḥ ǀ ā-gamiṣṭhaḥ ǀ devānām ǀ ūṃ iti ǀ katamaḥ ǀ śam-bhaviṣṭhaḥ ǀ
ratham ǀ kam ǀ āhuḥ ǀ dravat-aśvam ǀ āśum ǀ yam ǀ sūryasya ǀ duhitā ǀ avṛṇīta ǁ
04.043.03 (Mandala. Sukta. Rik)
3.7.19.03 (Ashtaka. Adhyaya. Varga. Rik)
04.04.093 (Mandala. Anuvāka. Rik)
Samhita Devanagari Accented
म॒क्षू हि ष्मा॒ गच्छ॑थ॒ ईव॑तो॒ द्यूनिंद्रो॒ न श॒क्तिं परि॑तक्म्यायां ।
दि॒व आजा॑ता दि॒व्या सु॑प॒र्णा कया॒ शची॑नां भवथः॒ शचि॑ष्ठा ॥
Samhita Devanagari Nonaccented
मक्षू हि ष्मा गच्छथ ईवतो द्यूनिंद्रो न शक्तिं परितक्म्यायां ।
दिव आजाता दिव्या सुपर्णा कया शचीनां भवथः शचिष्ठा ॥
Samhita Transcription Accented
makṣū́ hí ṣmā gácchatha ī́vato dyū́níndro ná śaktím páritakmyāyām ǀ
divá ā́jātā divyā́ suparṇā́ káyā śácīnām bhavathaḥ śáciṣṭhā ǁ
Samhita Transcription Nonaccented
makṣū hi ṣmā gacchatha īvato dyūnindro na śaktim paritakmyāyām ǀ
diva ājātā divyā suparṇā kayā śacīnām bhavathaḥ śaciṣṭhā ǁ
Padapatha Devanagari Accented
म॒क्षु । हि । स्म॒ । गच्छ॑थः । ईव॑तः । द्यून् । इन्द्रः॑ । न । श॒क्तिम् । परि॑ऽतक्म्यायाम् ।
दि॒वः । आऽजा॑ता । दि॒व्या । सु॒ऽप॒र्णा । कया॑ । शची॑नाम् । भ॒व॒थः॒ । शचि॑ष्ठा ॥
Padapatha Devanagari Nonaccented
मक्षु । हि । स्म । गच्छथः । ईवतः । द्यून् । इन्द्रः । न । शक्तिम् । परिऽतक्म्यायाम् ।
दिवः । आऽजाता । दिव्या । सुऽपर्णा । कया । शचीनाम् । भवथः । शचिष्ठा ॥
Padapatha Transcription Accented
makṣú ǀ hí ǀ sma ǀ gácchathaḥ ǀ ī́vataḥ ǀ dyū́n ǀ índraḥ ǀ ná ǀ śaktím ǀ pári-takmyāyām ǀ
diváḥ ǀ ā́-jātā ǀ divyā́ ǀ su-parṇā́ ǀ káyā ǀ śácīnām ǀ bhavathaḥ ǀ śáciṣṭhā ǁ
Padapatha Transcription Nonaccented
makṣu ǀ hi ǀ sma ǀ gacchathaḥ ǀ īvataḥ ǀ dyūn ǀ indraḥ ǀ na ǀ śaktim ǀ pari-takmyāyām ǀ
divaḥ ǀ ā-jātā ǀ divyā ǀ su-parṇā ǀ kayā ǀ śacīnām ǀ bhavathaḥ ǀ śaciṣṭhā ǁ
04.043.04 (Mandala. Sukta. Rik)
3.7.19.04 (Ashtaka. Adhyaya. Varga. Rik)
04.04.094 (Mandala. Anuvāka. Rik)
Samhita Devanagari Accented
का वां॑ भू॒दुप॑मातिः॒ कया॑ न॒ आश्वि॑ना गमथो हू॒यमा॑ना ।
को वां॑ म॒हश्चि॒त्त्यज॑सो अ॒भीक॑ उरु॒ष्यतं॑ माध्वी दस्रा न ऊ॒ती ॥
Samhita Devanagari Nonaccented
का वां भूदुपमातिः कया न आश्विना गमथो हूयमाना ।
को वां महश्चित्त्यजसो अभीक उरुष्यतं माध्वी दस्रा न ऊती ॥
Samhita Transcription Accented
kā́ vām bhūdúpamātiḥ káyā na ā́śvinā gamatho hūyámānā ǀ
kó vām maháścittyájaso abhī́ka uruṣyátam mādhvī dasrā na ūtī́ ǁ
Samhita Transcription Nonaccented
kā vām bhūdupamātiḥ kayā na āśvinā gamatho hūyamānā ǀ
ko vām mahaścittyajaso abhīka uruṣyatam mādhvī dasrā na ūtī ǁ
Padapatha Devanagari Accented
का । वा॒म् । भू॒त् । उप॑ऽमातिः । कया॑ । नः॒ । आ । अ॒श्वि॒ना॒ । ग॒म॒थः॒ । हू॒यमा॑ना ।
कः । वा॒म् । म॒हः । चि॒त् । त्यज॑सः । अ॒भीके॑ । उ॒रु॒ष्यत॑म् । मा॒ध्वी॒ इति॑ । द॒स्रा॒ । नः॒ । ऊ॒ती ॥
Padapatha Devanagari Nonaccented
का । वाम् । भूत् । उपऽमातिः । कया । नः । आ । अश्विना । गमथः । हूयमाना ।
कः । वाम् । महः । चित् । त्यजसः । अभीके । उरुष्यतम् । माध्वी इति । दस्रा । नः । ऊती ॥
Padapatha Transcription Accented
kā́ ǀ vām ǀ bhūt ǀ úpa-mātiḥ ǀ káyā ǀ naḥ ǀ ā́ ǀ aśvinā ǀ gamathaḥ ǀ hūyámānā ǀ
káḥ ǀ vām ǀ maháḥ ǀ cit ǀ tyájasaḥ ǀ abhī́ke ǀ uruṣyátam ǀ mādhvī íti ǀ dasrā ǀ naḥ ǀ ūtī́ ǁ
Padapatha Transcription Nonaccented
kā ǀ vām ǀ bhūt ǀ upa-mātiḥ ǀ kayā ǀ naḥ ǀ ā ǀ aśvinā ǀ gamathaḥ ǀ hūyamānā ǀ
kaḥ ǀ vām ǀ mahaḥ ǀ cit ǀ tyajasaḥ ǀ abhīke ǀ uruṣyatam ǀ mādhvī iti ǀ dasrā ǀ naḥ ǀ ūtī ǁ
04.043.05 (Mandala. Sukta. Rik)
3.7.19.05 (Ashtaka. Adhyaya. Varga. Rik)
04.04.095 (Mandala. Anuvāka. Rik)
Samhita Devanagari Accented
उ॒रु वां॒ रथः॒ परि॑ नक्षति॒ द्यामा यत्स॑मु॒द्राद॒भि वर्त॑ते वां ।
मध्वा॑ माध्वी॒ मधु॑ वां प्रुषाय॒न्यत्सीं॑ वां॒ पृक्षो॑ भु॒रजं॑त प॒क्वाः ॥
Samhita Devanagari Nonaccented
उरु वां रथः परि नक्षति द्यामा यत्समुद्रादभि वर्तते वां ।
मध्वा माध्वी मधु वां प्रुषायन्यत्सीं वां पृक्षो भुरजंत पक्वाः ॥
Samhita Transcription Accented
urú vām ráthaḥ pári nakṣati dyā́mā́ yátsamudrā́dabhí vártate vām ǀ
mádhvā mādhvī mádhu vām pruṣāyanyátsīm vām pṛ́kṣo bhurájanta pakvā́ḥ ǁ
Samhita Transcription Nonaccented
uru vām rathaḥ pari nakṣati dyāmā yatsamudrādabhi vartate vām ǀ
madhvā mādhvī madhu vām pruṣāyanyatsīm vām pṛkṣo bhurajanta pakvāḥ ǁ
Padapatha Devanagari Accented
उ॒रु । वा॒म् । रथः॑ । परि॑ । न॒क्ष॒ति॒ । द्याम् । आ । यत् । स॒मु॒द्रात् । अ॒भि । वर्त॑ते । वा॒म् ।
मध्वा॑ । मा॒ध्वी॒ इति॑ । मधु॑ । वा॒म् । प्रु॒षा॒य॒न् । यत् । सी॒म् । वा॒म् । पृक्षः॑ । भु॒रज॑न्त । प॒क्वाः ॥
Padapatha Devanagari Nonaccented
उरु । वाम् । रथः । परि । नक्षति । द्याम् । आ । यत् । समुद्रात् । अभि । वर्तते । वाम् ।
मध्वा । माध्वी इति । मधु । वाम् । प्रुषायन् । यत् । सीम् । वाम् । पृक्षः । भुरजन्त । पक्वाः ॥
Padapatha Transcription Accented
urú ǀ vām ǀ ráthaḥ ǀ pári ǀ nakṣati ǀ dyā́m ǀ ā́ ǀ yát ǀ samudrā́t ǀ abhí ǀ vártate ǀ vām ǀ
mádhvā ǀ mādhvī íti ǀ mádhu ǀ vām ǀ pruṣāyan ǀ yát ǀ sīm ǀ vām ǀ pṛ́kṣaḥ ǀ bhurájanta ǀ pakvā́ḥ ǁ
Padapatha Transcription Nonaccented
uru ǀ vām ǀ rathaḥ ǀ pari ǀ nakṣati ǀ dyām ǀ ā ǀ yat ǀ samudrāt ǀ abhi ǀ vartate ǀ vām ǀ
madhvā ǀ mādhvī iti ǀ madhu ǀ vām ǀ pruṣāyan ǀ yat ǀ sīm ǀ vām ǀ pṛkṣaḥ ǀ bhurajanta ǀ pakvāḥ ǁ
04.043.06 (Mandala. Sukta. Rik)
3.7.19.06 (Ashtaka. Adhyaya. Varga. Rik)
04.04.096 (Mandala. Anuvāka. Rik)
Samhita Devanagari Accented
सिंधु॑र्ह वां र॒सया॑ सिंच॒दश्वा॑न्घृ॒णा वयो॑ऽरु॒षासः॒ परि॑ ग्मन् ।
तदू॒ षु वा॑मजि॒रं चे॑ति॒ यानं॒ येन॒ पती॒ भव॑थः सू॒र्यायाः॑ ॥
Samhita Devanagari Nonaccented
सिंधुर्ह वां रसया सिंचदश्वान्घृणा वयोऽरुषासः परि ग्मन् ।
तदू षु वामजिरं चेति यानं येन पती भवथः सूर्यायाः ॥
Samhita Transcription Accented
síndhurha vām rasáyā siñcadáśvānghṛṇā́ váyo’ruṣā́saḥ pári gman ǀ
tádū ṣú vāmajirám ceti yā́nam yéna pátī bhávathaḥ sūryā́yāḥ ǁ
Samhita Transcription Nonaccented
sindhurha vām rasayā siñcadaśvānghṛṇā vayo’ruṣāsaḥ pari gman ǀ
tadū ṣu vāmajiram ceti yānam yena patī bhavathaḥ sūryāyāḥ ǁ
Padapatha Devanagari Accented
सिन्धुः॑ । ह॒ । वा॒म् । र॒सया॑ । सि॒ञ्च॒त् । अश्वा॑न् । घृ॒णा । वयः॑ । अ॒रु॒षासः॑ । परि॑ । ग्म॒न् ।
तत् । ऊं॒ इति॑ । सु । वा॒म् । अ॒जि॒रम् । चे॒ति॒ । यान॑म् । येन॑ । पती॒ इति॑ । भव॑थः । सू॒र्यायाः॑ ॥
Padapatha Devanagari Nonaccented
सिन्धुः । ह । वाम् । रसया । सिञ्चत् । अश्वान् । घृणा । वयः । अरुषासः । परि । ग्मन् ।
तत् । ऊं इति । सु । वाम् । अजिरम् । चेति । यानम् । येन । पती इति । भवथः । सूर्यायाः ॥
Padapatha Transcription Accented
síndhuḥ ǀ ha ǀ vām ǀ rasáyā ǀ siñcat ǀ áśvān ǀ ghṛṇā́ ǀ váyaḥ ǀ aruṣā́saḥ ǀ pári ǀ gman ǀ
tát ǀ ūṃ íti ǀ sú ǀ vām ǀ ajirám ǀ ceti ǀ yā́nam ǀ yéna ǀ pátī íti ǀ bhávathaḥ ǀ sūryā́yāḥ ǁ
Padapatha Transcription Nonaccented
sindhuḥ ǀ ha ǀ vām ǀ rasayā ǀ siñcat ǀ aśvān ǀ ghṛṇā ǀ vayaḥ ǀ aruṣāsaḥ ǀ pari ǀ gman ǀ
tat ǀ ūṃ iti ǀ su ǀ vām ǀ ajiram ǀ ceti ǀ yānam ǀ yena ǀ patī iti ǀ bhavathaḥ ǀ sūryāyāḥ ǁ
04.043.07 (Mandala. Sukta. Rik)
3.7.19.07 (Ashtaka. Adhyaya. Varga. Rik)
04.04.097 (Mandala. Anuvāka. Rik)
Samhita Devanagari Accented
इ॒हेह॒ यद्वां॑ सम॒ना प॑पृ॒क्षे सेयम॒स्मे सु॑म॒तिर्वा॑जरत्ना ।
उ॒रु॒ष्यतं॑ जरि॒तारं॑ यु॒वं ह॑ श्रि॒तः कामो॑ नासत्या युव॒द्रिक् ॥
Samhita Devanagari Nonaccented
इहेह यद्वां समना पपृक्षे सेयमस्मे सुमतिर्वाजरत्ना ।
उरुष्यतं जरितारं युवं ह श्रितः कामो नासत्या युवद्रिक् ॥
Samhita Transcription Accented
ihéha yádvām samanā́ papṛkṣé séyámasmé sumatírvājaratnā ǀ
uruṣyátam jaritā́ram yuvám ha śritáḥ kā́mo nāsatyā yuvadrík ǁ
Samhita Transcription Nonaccented
iheha yadvām samanā papṛkṣe seyamasme sumatirvājaratnā ǀ
uruṣyatam jaritāram yuvam ha śritaḥ kāmo nāsatyā yuvadrik ǁ
Padapatha Devanagari Accented
इ॒हऽइ॑ह । यत् । वा॒म् । स॒म॒ना । प॒पृ॒क्षे । सा । इ॒यम् । अ॒स्मे इति॑ । सु॒ऽम॒तिः । वा॒ज॒ऽर॒त्ना॒ ।
उ॒रु॒ष्यत॑म् । ज॒रि॒तार॑म् । यु॒वम् । ह॒ । श्रि॒तः । कामः॑ । ना॒स॒त्या॒ । यु॒व॒द्रिक् ॥
Padapatha Devanagari Nonaccented
इहऽइह । यत् । वाम् । समना । पपृक्षे । सा । इयम् । अस्मे इति । सुऽमतिः । वाजऽरत्ना ।
उरुष्यतम् । जरितारम् । युवम् । ह । श्रितः । कामः । नासत्या । युवद्रिक् ॥
Padapatha Transcription Accented
ihá-iha ǀ yát ǀ vām ǀ samanā́ ǀ papṛkṣé ǀ sā́ ǀ iyám ǀ asmé íti ǀ su-matíḥ ǀ vāja-ratnā ǀ
uruṣyátam ǀ jaritā́ram ǀ yuvám ǀ ha ǀ śritáḥ ǀ kā́maḥ ǀ nāsatyā ǀ yuvadrík ǁ
Padapatha Transcription Nonaccented
iha-iha ǀ yat ǀ vām ǀ samanā ǀ papṛkṣe ǀ sā ǀ iyam ǀ asme iti ǀ su-matiḥ ǀ vāja-ratnā ǀ
uruṣyatam ǀ jaritāram ǀ yuvam ǀ ha ǀ śritaḥ ǀ kāmaḥ ǀ nāsatyā ǀ yuvadrik ǁ