|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 4
Sūkta 55
|
1. Info |
| To: | viśvedevās | |
| From: | vāmadeva gautama | |
| Metres: | 1st set of styles: nicṛttriṣṭup (2, 4); bhurikpaṅkti (3, 5); svarāṭpaṅkti (6, 7); virāḍgāyatrī (8, 9); triṣṭup (1); gāyatrī (10) 2nd set of styles: triṣṭubh (1-7); gāyatrī (8-10) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
04.055.01 (Mandala. Sukta. Rik)
3.8.06.01 (Ashtaka. Adhyaya. Varga. Rik)
04.05.065 (Mandala. Anuvāka. Rik)
Samhita Devanagari Accented
को व॑स्त्रा॒ता व॑सवः॒ को व॑रू॒ता द्यावा॑भूमी अदिते॒ त्रासी॑थां नः ।
सही॑यसो वरुण मित्र॒ मर्ता॒त्को वो॑ऽध्व॒रे वरि॑वो धाति देवाः ॥
Samhita Devanagari Nonaccented
को वस्त्राता वसवः को वरूता द्यावाभूमी अदिते त्रासीथां नः ।
सहीयसो वरुण मित्र मर्तात्को वोऽध्वरे वरिवो धाति देवाः ॥
Samhita Transcription Accented
kó vastrātā́ vasavaḥ kó varūtā́ dyā́vābhūmī adite trā́sīthām naḥ ǀ
sáhīyaso varuṇa mitra mártātkó vo’dhvaré várivo dhāti devāḥ ǁ
Samhita Transcription Nonaccented
ko vastrātā vasavaḥ ko varūtā dyāvābhūmī adite trāsīthām naḥ ǀ
sahīyaso varuṇa mitra martātko vo’dhvare varivo dhāti devāḥ ǁ
Padapatha Devanagari Accented
कः । वः॒ । त्रा॒ता । व॒स॒वः॒ । कः । व॒रू॒ता । द्यावा॑भूमी॒ इति॑ । अ॒दि॒ते॒ । त्रासी॑थाम् । नः॒ ।
सही॑यसः । व॒रु॒ण॒ । मि॒त्र॒ । मर्ता॑त् । कः । वः॒ । अ॒ध्व॒रे । वरि॑वः । धा॒ति॒ । दे॒वाः॒ ॥
Padapatha Devanagari Nonaccented
कः । वः । त्राता । वसवः । कः । वरूता । द्यावाभूमी इति । अदिते । त्रासीथाम् । नः ।
सहीयसः । वरुण । मित्र । मर्तात् । कः । वः । अध्वरे । वरिवः । धाति । देवाः ॥
Padapatha Transcription Accented
káḥ ǀ vaḥ ǀ trātā́ ǀ vasavaḥ ǀ káḥ ǀ varūtā́ ǀ dyā́vābhūmī íti ǀ adite ǀ trā́sīthām ǀ naḥ ǀ
sáhīyasaḥ ǀ varuṇa ǀ mitra ǀ mártāt ǀ káḥ ǀ vaḥ ǀ adhvaré ǀ várivaḥ ǀ dhāti ǀ devāḥ ǁ
Padapatha Transcription Nonaccented
kaḥ ǀ vaḥ ǀ trātā ǀ vasavaḥ ǀ kaḥ ǀ varūtā ǀ dyāvābhūmī iti ǀ adite ǀ trāsīthām ǀ naḥ ǀ
sahīyasaḥ ǀ varuṇa ǀ mitra ǀ martāt ǀ kaḥ ǀ vaḥ ǀ adhvare ǀ varivaḥ ǀ dhāti ǀ devāḥ ǁ
04.055.02 (Mandala. Sukta. Rik)
3.8.06.02 (Ashtaka. Adhyaya. Varga. Rik)
04.05.066 (Mandala. Anuvāka. Rik)
Samhita Devanagari Accented
प्र ये धामा॑नि पू॒र्व्याण्यर्चा॒न्वि यदु॒च्छान्वि॑यो॒तारो॒ अमू॑राः ।
वि॒धा॒तारो॒ वि ते द॑धु॒रज॑स्रा ऋ॒तधी॑तयो रुरुचंत द॒स्माः ॥
Samhita Devanagari Nonaccented
प्र ये धामानि पूर्व्याण्यर्चान्वि यदुच्छान्वियोतारो अमूराः ।
विधातारो वि ते दधुरजस्रा ऋतधीतयो रुरुचंत दस्माः ॥
Samhita Transcription Accented
prá yé dhā́māni pūrvyā́ṇyárcānví yáducchā́nviyotā́ro ámūrāḥ ǀ
vidhātā́ro ví té dadhurájasrā ṛtádhītayo rurucanta dasmā́ḥ ǁ
Samhita Transcription Nonaccented
pra ye dhāmāni pūrvyāṇyarcānvi yaducchānviyotāro amūrāḥ ǀ
vidhātāro vi te dadhurajasrā ṛtadhītayo rurucanta dasmāḥ ǁ
Padapatha Devanagari Accented
प्र । ये । धामा॑नि । पू॒र्व्याणि॑ । अर्चा॑न् । वि । यत् । उ॒च्छान् । वि॒ऽयो॒तारः॑ । अमू॑राः ।
वि॒ऽधा॒तारः॑ । वि । ते । द॒धुः॒ । अज॑स्राः । ऋ॒तऽधी॑तयः । रु॒रु॒च॒न्त॒ । द॒स्माः ॥
Padapatha Devanagari Nonaccented
प्र । ये । धामानि । पूर्व्याणि । अर्चान् । वि । यत् । उच्छान् । विऽयोतारः । अमूराः ।
विऽधातारः । वि । ते । दधुः । अजस्राः । ऋतऽधीतयः । रुरुचन्त । दस्माः ॥
Padapatha Transcription Accented
prá ǀ yé ǀ dhā́māni ǀ pūrvyā́ṇi ǀ árcān ǀ ví ǀ yát ǀ ucchā́n ǀ vi-yotā́raḥ ǀ ámūrāḥ ǀ
vi-dhātā́raḥ ǀ ví ǀ té ǀ dadhuḥ ǀ ájasrāḥ ǀ ṛtá-dhītayaḥ ǀ rurucanta ǀ dasmā́ḥ ǁ
Padapatha Transcription Nonaccented
pra ǀ ye ǀ dhāmāni ǀ pūrvyāṇi ǀ arcān ǀ vi ǀ yat ǀ ucchān ǀ vi-yotāraḥ ǀ amūrāḥ ǀ
vi-dhātāraḥ ǀ vi ǀ te ǀ dadhuḥ ǀ ajasrāḥ ǀ ṛta-dhītayaḥ ǀ rurucanta ǀ dasmāḥ ǁ
04.055.03 (Mandala. Sukta. Rik)
3.8.06.03 (Ashtaka. Adhyaya. Varga. Rik)
04.05.067 (Mandala. Anuvāka. Rik)
Samhita Devanagari Accented
प्र प॒स्त्या॒३॒॑मदि॑तिं॒ सिंधु॑म॒र्कैः स्व॒स्तिमी॑ळे स॒ख्याय॑ दे॒वीं ।
उ॒भे यथा॑ नो॒ अह॑नी नि॒पात॑ उ॒षासा॒नक्ता॑ करता॒मद॑ब्धे ॥
Samhita Devanagari Nonaccented
प्र पस्त्यामदितिं सिंधुमर्कैः स्वस्तिमीळे सख्याय देवीं ।
उभे यथा नो अहनी निपात उषासानक्ता करतामदब्धे ॥
Samhita Transcription Accented
prá pastyā́máditim síndhumarkáiḥ svastímīḷe sakhyā́ya devī́m ǀ
ubhé yáthā no áhanī nipā́ta uṣā́sānáktā karatāmádabdhe ǁ
Samhita Transcription Nonaccented
pra pastyāmaditim sindhumarkaiḥ svastimīḷe sakhyāya devīm ǀ
ubhe yathā no ahanī nipāta uṣāsānaktā karatāmadabdhe ǁ
Padapatha Devanagari Accented
प्र । प॒स्त्या॑म् । अदि॑तिम् । सिन्धु॑म् । अ॒र्कैः । स्व॒स्तिम् । ई॒ळे॒ । स॒ख्याय॑ । दे॒वीम् ।
उ॒भे इति॑ । यथा॑ । नः॒ । अह॑नी॒ इति॑ । नि॒ऽपातः॑ । उ॒षसा॒नक्ता॑ । क॒र॒ता॒म् । अद॑ब्धे॒ इति॑ ॥
Padapatha Devanagari Nonaccented
प्र । पस्त्याम् । अदितिम् । सिन्धुम् । अर्कैः । स्वस्तिम् । ईळे । सख्याय । देवीम् ।
उभे इति । यथा । नः । अहनी इति । निऽपातः । उषसानक्ता । करताम् । अदब्धे इति ॥
Padapatha Transcription Accented
prá ǀ pastyā́m ǀ áditim ǀ síndhum ǀ arkáiḥ ǀ svastím ǀ īḷe ǀ sakhyā́ya ǀ devī́m ǀ
ubhé íti ǀ yáthā ǀ naḥ ǀ áhanī íti ǀ ni-pā́taḥ ǀ uṣásānáktā ǀ karatām ǀ ádabdhe íti ǁ
Padapatha Transcription Nonaccented
pra ǀ pastyām ǀ aditim ǀ sindhum ǀ arkaiḥ ǀ svastim ǀ īḷe ǀ sakhyāya ǀ devīm ǀ
ubhe iti ǀ yathā ǀ naḥ ǀ ahanī iti ǀ ni-pātaḥ ǀ uṣasānaktā ǀ karatām ǀ adabdhe iti ǁ
04.055.04 (Mandala. Sukta. Rik)
3.8.06.04 (Ashtaka. Adhyaya. Varga. Rik)
04.05.068 (Mandala. Anuvāka. Rik)
Samhita Devanagari Accented
व्य॑र्य॒मा वरु॑णश्चेति॒ पंथा॑मि॒षस्पतिः॑ सुवि॒तं गा॒तुम॒ग्निः ।
इंद्रा॑विष्णू नृ॒वदु॒ षु स्तवा॑ना॒ शर्म॑ नो यंत॒मम॑व॒द्वरू॑थं ॥
Samhita Devanagari Nonaccented
व्यर्यमा वरुणश्चेति पंथामिषस्पतिः सुवितं गातुमग्निः ।
इंद्राविष्णू नृवदु षु स्तवाना शर्म नो यंतममवद्वरूथं ॥
Samhita Transcription Accented
vyáryamā́ váruṇaśceti pánthāmiṣáspátiḥ suvitám gātúmagníḥ ǀ
índrāviṣṇū nṛvádu ṣú stávānā śárma no yantamámavadvárūtham ǁ
Samhita Transcription Nonaccented
vyaryamā varuṇaśceti panthāmiṣaspatiḥ suvitam gātumagniḥ ǀ
indrāviṣṇū nṛvadu ṣu stavānā śarma no yantamamavadvarūtham ǁ
Padapatha Devanagari Accented
वि । अ॒र्य॒मा । वरु॑णः । चे॒ति॒ । पन्था॑म् । इ॒षः । पतिः॑ । सु॒वि॒तम् । गा॒तुम् । अ॒ग्निः ।
इन्द्रा॑विष्णू॒ इति॑ । नृ॒ऽवत् । ऊं॒ इति॑ । सु । स्तवा॑ना । शर्म॑ । नः॒ । य॒न्त॒म् । अम॑ऽवत् । वरू॑थम् ॥
Padapatha Devanagari Nonaccented
वि । अर्यमा । वरुणः । चेति । पन्थाम् । इषः । पतिः । सुवितम् । गातुम् । अग्निः ।
इन्द्राविष्णू इति । नृऽवत् । ऊं इति । सु । स्तवाना । शर्म । नः । यन्तम् । अमऽवत् । वरूथम् ॥
Padapatha Transcription Accented
ví ǀ aryamā́ ǀ váruṇaḥ ǀ ceti ǀ pánthām ǀ iṣáḥ ǀ pátiḥ ǀ suvitám ǀ gātúm ǀ agníḥ ǀ
índrāviṣṇū íti ǀ nṛ-vát ǀ ūṃ íti ǀ sú ǀ stávānā ǀ śárma ǀ naḥ ǀ yantam ǀ áma-vat ǀ várūtham ǁ
Padapatha Transcription Nonaccented
vi ǀ aryamā ǀ varuṇaḥ ǀ ceti ǀ panthām ǀ iṣaḥ ǀ patiḥ ǀ suvitam ǀ gātum ǀ agniḥ ǀ
indrāviṣṇū iti ǀ nṛ-vat ǀ ūṃ iti ǀ su ǀ stavānā ǀ śarma ǀ naḥ ǀ yantam ǀ ama-vat ǀ varūtham ǁ
04.055.05 (Mandala. Sukta. Rik)
3.8.06.05 (Ashtaka. Adhyaya. Varga. Rik)
04.05.069 (Mandala. Anuvāka. Rik)
Samhita Devanagari Accented
आ पर्व॑तस्य म॒रुता॒मवां॑सि दे॒वस्य॑ त्रा॒तुर॑व्रि॒ भग॑स्य ।
पात्पति॒र्जन्या॒दंह॑सो नो मि॒त्रो मि॒त्रिया॑दु॒त न॑ उरुष्येत् ॥
Samhita Devanagari Nonaccented
आ पर्वतस्य मरुतामवांसि देवस्य त्रातुरव्रि भगस्य ।
पात्पतिर्जन्यादंहसो नो मित्रो मित्रियादुत न उरुष्येत् ॥
Samhita Transcription Accented
ā́ párvatasya marútāmávāṃsi devásya trātúravri bhágasya ǀ
pā́tpátirjányādáṃhaso no mitró mitríyādutá na uruṣyet ǁ
Samhita Transcription Nonaccented
ā parvatasya marutāmavāṃsi devasya trāturavri bhagasya ǀ
pātpatirjanyādaṃhaso no mitro mitriyāduta na uruṣyet ǁ
Padapatha Devanagari Accented
आ । पर्व॑तस्य । म॒रुता॑म् । अवां॑सि । दे॒वस्य॑ । त्रा॒तुः । अ॒व्रि॒ । भग॑स्य ।
पात् । पतिः॑ । जन्या॑त् । अंह॑सः । नः॒ । मि॒त्रः । मि॒त्रिया॑त् । उ॒त । नः॒ । उ॒रु॒ष्ये॒त् ॥
Padapatha Devanagari Nonaccented
आ । पर्वतस्य । मरुताम् । अवांसि । देवस्य । त्रातुः । अव्रि । भगस्य ।
पात् । पतिः । जन्यात् । अंहसः । नः । मित्रः । मित्रियात् । उत । नः । उरुष्येत् ॥
Padapatha Transcription Accented
ā́ ǀ párvatasya ǀ marútām ǀ ávāṃsi ǀ devásya ǀ trātúḥ ǀ avri ǀ bhágasya ǀ
pā́t ǀ pátiḥ ǀ jányāt ǀ áṃhasaḥ ǀ naḥ ǀ mitráḥ ǀ mitríyāt ǀ utá ǀ naḥ ǀ uruṣyet ǁ
Padapatha Transcription Nonaccented
ā ǀ parvatasya ǀ marutām ǀ avāṃsi ǀ devasya ǀ trātuḥ ǀ avri ǀ bhagasya ǀ
pāt ǀ patiḥ ǀ janyāt ǀ aṃhasaḥ ǀ naḥ ǀ mitraḥ ǀ mitriyāt ǀ uta ǀ naḥ ǀ uruṣyet ǁ
04.055.06 (Mandala. Sukta. Rik)
3.8.07.01 (Ashtaka. Adhyaya. Varga. Rik)
04.05.070 (Mandala. Anuvāka. Rik)
Samhita Devanagari Accented
नू रो॑दसी॒ अहि॑ना बु॒ध्न्ये॑न स्तुवी॒त दे॑वी॒ अप्ये॑भिरि॒ष्टैः ।
स॒मु॒द्रं न सं॒चर॑णे सनि॒ष्यवो॑ घ॒र्मस्व॑रसो न॒द्यो॒३॒॑ अप॑ व्रन् ॥
Samhita Devanagari Nonaccented
नू रोदसी अहिना बुध्न्येन स्तुवीत देवी अप्येभिरिष्टैः ।
समुद्रं न संचरणे सनिष्यवो घर्मस्वरसो नद्यो अप व्रन् ॥
Samhita Transcription Accented
nū́ rodasī áhinā budhnyéna stuvītá devī ápyebhiriṣṭáiḥ ǀ
samudrám ná saṃcáraṇe saniṣyávo gharmásvaraso nadyó ápa vran ǁ
Samhita Transcription Nonaccented
nū rodasī ahinā budhnyena stuvīta devī apyebhiriṣṭaiḥ ǀ
samudram na saṃcaraṇe saniṣyavo gharmasvaraso nadyo apa vran ǁ
Padapatha Devanagari Accented
नु । रो॒द॒सी॒ इति॑ । अहि॑ना । बु॒ध्न्ये॑न । स्तु॒वी॒त । दे॒वी॒ इति॑ । अप्ये॑भिः । इ॒ष्टैः ।
स॒मु॒द्रम् । न । स॒म्ऽचर॑णे । स॒नि॒ष्यवः॑ । घ॒र्मऽस्व॑रसः । न॒द्यः॑ । अप॑ । व्र॒न् ॥
Padapatha Devanagari Nonaccented
नु । रोदसी इति । अहिना । बुध्न्येन । स्तुवीत । देवी इति । अप्येभिः । इष्टैः ।
समुद्रम् । न । सम्ऽचरणे । सनिष्यवः । घर्मऽस्वरसः । नद्यः । अप । व्रन् ॥
Padapatha Transcription Accented
nú ǀ rodasī íti ǀ áhinā ǀ budhnyéna ǀ stuvītá ǀ devī íti ǀ ápyebhiḥ ǀ iṣṭáiḥ ǀ
samudrám ǀ ná ǀ sam-cáraṇe ǀ saniṣyávaḥ ǀ gharmá-svarasaḥ ǀ nadyáḥ ǀ ápa ǀ vran ǁ
Padapatha Transcription Nonaccented
nu ǀ rodasī iti ǀ ahinā ǀ budhnyena ǀ stuvīta ǀ devī iti ǀ apyebhiḥ ǀ iṣṭaiḥ ǀ
samudram ǀ na ǀ sam-caraṇe ǀ saniṣyavaḥ ǀ gharma-svarasaḥ ǀ nadyaḥ ǀ apa ǀ vran ǁ
04.055.07 (Mandala. Sukta. Rik)
3.8.07.02 (Ashtaka. Adhyaya. Varga. Rik)
04.05.071 (Mandala. Anuvāka. Rik)
Samhita Devanagari Accented
दे॒वैर्नो॑ दे॒व्यदि॑ति॒र्नि पा॑तु दे॒वस्त्रा॒ता त्रा॑यता॒मप्र॑युच्छन् ।
न॒हि मि॒त्रस्य॒ वरु॑णस्य धा॒सिमर्हा॑मसि प्र॒मियं॒ सान्व॒ग्नेः ॥
Samhita Devanagari Nonaccented
देवैर्नो देव्यदितिर्नि पातु देवस्त्राता त्रायतामप्रयुच्छन् ।
नहि मित्रस्य वरुणस्य धासिमर्हामसि प्रमियं सान्वग्नेः ॥
Samhita Transcription Accented
deváirno devyáditirní pātu devástrātā́ trāyatāmáprayucchan ǀ
nahí mitrásya váruṇasya dhāsímárhāmasi pramíyam sā́nvagnéḥ ǁ
Samhita Transcription Nonaccented
devairno devyaditirni pātu devastrātā trāyatāmaprayucchan ǀ
nahi mitrasya varuṇasya dhāsimarhāmasi pramiyam sānvagneḥ ǁ
Padapatha Devanagari Accented
दे॒वैः । नः॒ । दे॒वी । अदि॑तिः । नि । पा॒तु॒ । दे॒वः । त्रा॒ता । त्रा॒य॒ता॒म् । अप्र॑ऽयुच्छन् ।
न॒हि । मि॒त्रस्य॑ । वरु॑णस्य । धा॒सिम् । अर्हा॑मसि । प्र॒ऽमिय॑म् । सानु॑ । अ॒ग्नेः ॥
Padapatha Devanagari Nonaccented
देवैः । नः । देवी । अदितिः । नि । पातु । देवः । त्राता । त्रायताम् । अप्रऽयुच्छन् ।
नहि । मित्रस्य । वरुणस्य । धासिम् । अर्हामसि । प्रऽमियम् । सानु । अग्नेः ॥
Padapatha Transcription Accented
deváiḥ ǀ naḥ ǀ devī́ ǀ áditiḥ ǀ ní ǀ pātu ǀ deváḥ ǀ trātā́ ǀ trāyatām ǀ ápra-yucchan ǀ
nahí ǀ mitrásya ǀ váruṇasya ǀ dhāsím ǀ árhāmasi ǀ pra-míyam ǀ sā́nu ǀ agnéḥ ǁ
Padapatha Transcription Nonaccented
devaiḥ ǀ naḥ ǀ devī ǀ aditiḥ ǀ ni ǀ pātu ǀ devaḥ ǀ trātā ǀ trāyatām ǀ apra-yucchan ǀ
nahi ǀ mitrasya ǀ varuṇasya ǀ dhāsim ǀ arhāmasi ǀ pra-miyam ǀ sānu ǀ agneḥ ǁ
04.055.08 (Mandala. Sukta. Rik)
3.8.07.03 (Ashtaka. Adhyaya. Varga. Rik)
04.05.072 (Mandala. Anuvāka. Rik)
Samhita Devanagari Accented
अ॒ग्निरी॑शे वस॒व्य॑स्या॒ग्निर्म॒हः सौभ॑गस्य ।
तान्य॒स्मभ्यं॑ रासते ॥
Samhita Devanagari Nonaccented
अग्निरीशे वसव्यस्याग्निर्महः सौभगस्य ।
तान्यस्मभ्यं रासते ॥
Samhita Transcription Accented
agnírīśe vasavyásyāgnírmaháḥ sáubhagasya ǀ
tā́nyasmábhyam rāsate ǁ
Samhita Transcription Nonaccented
agnirīśe vasavyasyāgnirmahaḥ saubhagasya ǀ
tānyasmabhyam rāsate ǁ
Padapatha Devanagari Accented
अ॒ग्निः । ई॒शे॒ । व॒स॒व्य॑स्य । अ॒ग्निः । म॒हः । सौभ॑गस्य ।
तानि॑ । अ॒स्मभ्य॑म् । रा॒स॒ते॒ ॥
Padapatha Devanagari Nonaccented
अग्निः । ईशे । वसव्यस्य । अग्निः । महः । सौभगस्य ।
तानि । अस्मभ्यम् । रासते ॥
Padapatha Transcription Accented
agníḥ ǀ īśe ǀ vasavyásya ǀ agníḥ ǀ maháḥ ǀ sáubhagasya ǀ
tā́ni ǀ asmábhyam ǀ rāsate ǁ
Padapatha Transcription Nonaccented
agniḥ ǀ īśe ǀ vasavyasya ǀ agniḥ ǀ mahaḥ ǀ saubhagasya ǀ
tāni ǀ asmabhyam ǀ rāsate ǁ
04.055.09 (Mandala. Sukta. Rik)
3.8.07.04 (Ashtaka. Adhyaya. Varga. Rik)
04.05.073 (Mandala. Anuvāka. Rik)
Samhita Devanagari Accented
उषो॑ मघो॒न्या व॑ह॒ सूनृ॑ते॒ वार्या॑ पु॒रु ।
अ॒स्मभ्यं॑ वाजिनीवति ॥
Samhita Devanagari Nonaccented
उषो मघोन्या वह सूनृते वार्या पुरु ।
अस्मभ्यं वाजिनीवति ॥
Samhita Transcription Accented
úṣo maghonyā́ vaha sū́nṛte vā́ryā purú ǀ
asmábhyam vājinīvati ǁ
Samhita Transcription Nonaccented
uṣo maghonyā vaha sūnṛte vāryā puru ǀ
asmabhyam vājinīvati ǁ
Padapatha Devanagari Accented
उषः॑ । म॒घो॒नि॒ । आ । व॒ह॒ । सूनृ॑ते । वार्या॑ । पु॒रु ।
अ॒स्मभ्य॑म् । वा॒जि॒नी॒ऽव॒ति॒ ॥
Padapatha Devanagari Nonaccented
उषः । मघोनि । आ । वह । सूनृते । वार्या । पुरु ।
अस्मभ्यम् । वाजिनीऽवति ॥
Padapatha Transcription Accented
úṣaḥ ǀ maghoni ǀ ā́ ǀ vaha ǀ sū́nṛte ǀ vā́ryā ǀ purú ǀ
asmábhyam ǀ vājinī-vati ǁ
Padapatha Transcription Nonaccented
uṣaḥ ǀ maghoni ǀ ā ǀ vaha ǀ sūnṛte ǀ vāryā ǀ puru ǀ
asmabhyam ǀ vājinī-vati ǁ
04.055.10 (Mandala. Sukta. Rik)
3.8.07.05 (Ashtaka. Adhyaya. Varga. Rik)
04.05.074 (Mandala. Anuvāka. Rik)
Samhita Devanagari Accented
तत्सु नः॑ सवि॒ता भगो॒ वरु॑णो मि॒त्रो अ॑र्य॒मा ।
इंद्रो॑ नो॒ राध॒सा ग॑मत् ॥
Samhita Devanagari Nonaccented
तत्सु नः सविता भगो वरुणो मित्रो अर्यमा ।
इंद्रो नो राधसा गमत् ॥
Samhita Transcription Accented
tátsú naḥ savitā́ bhágo váruṇo mitró aryamā́ ǀ
índro no rā́dhasā́ gamat ǁ
Samhita Transcription Nonaccented
tatsu naḥ savitā bhago varuṇo mitro aryamā ǀ
indro no rādhasā gamat ǁ
Padapatha Devanagari Accented
तत् । सु । नः॒ । स॒वि॒ता । भगः॑ । वरु॑णः । मि॒त्रः । अ॒र्य॒मा ।
इन्द्रः॑ । नः॒ । राध॑सा । आ । ग॒म॒त् ॥
Padapatha Devanagari Nonaccented
तत् । सु । नः । सविता । भगः । वरुणः । मित्रः । अर्यमा ।
इन्द्रः । नः । राधसा । आ । गमत् ॥
Padapatha Transcription Accented
tát ǀ sú ǀ naḥ ǀ savitā́ ǀ bhágaḥ ǀ váruṇaḥ ǀ mitráḥ ǀ aryamā́ ǀ
índraḥ ǀ naḥ ǀ rā́dhasā ǀ ā́ ǀ gamat ǁ
Padapatha Transcription Nonaccented
tat ǀ su ǀ naḥ ǀ savitā ǀ bhagaḥ ǀ varuṇaḥ ǀ mitraḥ ǀ aryamā ǀ
indraḥ ǀ naḥ ǀ rādhasā ǀ ā ǀ gamat ǁ