|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 4
|
1. Info |
| To: | agni | |
| From: | vasuśruta ātreya | |
| Metres: | 1st set of styles: bhurikpaṅkti (1, 10, 11); nicṛttriṣṭup (3, 6, 8); virāṭtrisṭup (2, 9); svarāṭpaṅkti (4, 7); triṣṭup (5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.004.01 (Mandala. Sukta. Rik)
3.8.18.01 (Ashtaka. Adhyaya. Varga. Rik)
05.01.037 (Mandala. Anuvāka. Rik)
Samhita Devanagari Accented
त्वाम॑ग्ने॒ वसु॑पतिं॒ वसू॑नाम॒भि प्र मं॑दे अध्व॒रेषु॑ राजन् ।
त्वया॒ वाजं॑ वाज॒यंतो॑ जयेमा॒भि ष्या॑म पृत्सु॒तीर्मर्त्या॑नां ॥
Samhita Devanagari Nonaccented
त्वामग्ने वसुपतिं वसूनामभि प्र मंदे अध्वरेषु राजन् ।
त्वया वाजं वाजयंतो जयेमाभि ष्याम पृत्सुतीर्मर्त्यानां ॥
Samhita Transcription Accented
tvā́magne vásupatim vásūnāmabhí prá mande adhvaréṣu rājan ǀ
tváyā vā́jam vājayánto jayemābhí ṣyāma pṛtsutī́rmártyānām ǁ
Samhita Transcription Nonaccented
tvāmagne vasupatim vasūnāmabhi pra mande adhvareṣu rājan ǀ
tvayā vājam vājayanto jayemābhi ṣyāma pṛtsutīrmartyānām ǁ
Padapatha Devanagari Accented
त्वाम् । अ॒ग्ने॒ । वसु॑ऽपतिम् । वसू॑नाम् । अ॒भि । प्र । म॒न्दे॒ । अ॒ध्व॒रेषु॑ । रा॒ज॒न् ।
त्वया॑ । वाज॑म् । वा॒ज॒ऽयन्तः॑ । ज॒ये॒म॒ । अ॒भि । स्या॒म॒ । पृ॒त्सु॒तीः । मर्त्या॑नाम् ॥
Padapatha Devanagari Nonaccented
त्वाम् । अग्ने । वसुऽपतिम् । वसूनाम् । अभि । प्र । मन्दे । अध्वरेषु । राजन् ।
त्वया । वाजम् । वाजऽयन्तः । जयेम । अभि । स्याम । पृत्सुतीः । मर्त्यानाम् ॥
Padapatha Transcription Accented
tvā́m ǀ agne ǀ vásu-patim ǀ vásūnām ǀ abhí ǀ prá ǀ mande ǀ adhvaréṣu ǀ rājan ǀ
tváyā ǀ vā́jam ǀ vāja-yántaḥ ǀ jayema ǀ abhí ǀ syāma ǀ pṛtsutī́ḥ ǀ mártyānām ǁ
Padapatha Transcription Nonaccented
tvām ǀ agne ǀ vasu-patim ǀ vasūnām ǀ abhi ǀ pra ǀ mande ǀ adhvareṣu ǀ rājan ǀ
tvayā ǀ vājam ǀ vāja-yantaḥ ǀ jayema ǀ abhi ǀ syāma ǀ pṛtsutīḥ ǀ martyānām ǁ
05.004.02 (Mandala. Sukta. Rik)
3.8.18.02 (Ashtaka. Adhyaya. Varga. Rik)
05.01.038 (Mandala. Anuvāka. Rik)
Samhita Devanagari Accented
ह॒व्य॒वाळ॒ग्निर॒जरः॑ पि॒ता नो॑ वि॒भुर्वि॒भावा॑ सु॒दृशी॑को अ॒स्मे ।
सु॒गा॒र्ह॒प॒त्याः समिषो॑ दिदीह्यस्म॒द्र्य१॒॑क्सं मि॑मीहि॒ श्रवां॑सि ॥
Samhita Devanagari Nonaccented
हव्यवाळग्निरजरः पिता नो विभुर्विभावा सुदृशीको अस्मे ।
सुगार्हपत्याः समिषो दिदीह्यस्मद्र्यक्सं मिमीहि श्रवांसि ॥
Samhita Transcription Accented
havyavā́ḷagnírajáraḥ pitā́ no vibhúrvibhā́vā sudṛ́śīko asmé ǀ
sugārhapatyā́ḥ sámíṣo didīhyasmadryáksám mimīhi śrávāṃsi ǁ
Samhita Transcription Nonaccented
havyavāḷagnirajaraḥ pitā no vibhurvibhāvā sudṛśīko asme ǀ
sugārhapatyāḥ samiṣo didīhyasmadryaksam mimīhi śravāṃsi ǁ
Padapatha Devanagari Accented
ह॒व्य॒ऽवाट् । अ॒ग्निः । अ॒जरः॑ । पि॒ता । नः॒ । वि॒ऽभुः । वि॒भाऽवा॑ । सु॒ऽदृशी॑कः । अ॒स्मे इति॑ ।
सु॒ऽगा॒र्ह॒प॒त्याः । सम् । इषः॑ । दि॒दी॒हि॒ । अ॒स्म॒द्र्य॑क् । सम् । मि॒मी॒हि॒ । श्रवां॑सि ॥
Padapatha Devanagari Nonaccented
हव्यऽवाट् । अग्निः । अजरः । पिता । नः । विऽभुः । विभाऽवा । सुऽदृशीकः । अस्मे इति ।
सुऽगार्हपत्याः । सम् । इषः । दिदीहि । अस्मद्र्यक् । सम् । मिमीहि । श्रवांसि ॥
Padapatha Transcription Accented
havya-vā́ṭ ǀ agníḥ ǀ ajáraḥ ǀ pitā́ ǀ naḥ ǀ vi-bhúḥ ǀ vibhā́-vā ǀ su-dṛ́śīkaḥ ǀ asmé íti ǀ
su-gārhapatyā́ḥ ǀ sám ǀ íṣaḥ ǀ didīhi ǀ asmadryák ǀ sám ǀ mimīhi ǀ śrávāṃsi ǁ
Padapatha Transcription Nonaccented
havya-vāṭ ǀ agniḥ ǀ ajaraḥ ǀ pitā ǀ naḥ ǀ vi-bhuḥ ǀ vibhā-vā ǀ su-dṛśīkaḥ ǀ asme iti ǀ
su-gārhapatyāḥ ǀ sam ǀ iṣaḥ ǀ didīhi ǀ asmadryak ǀ sam ǀ mimīhi ǀ śravāṃsi ǁ
05.004.03 (Mandala. Sukta. Rik)
3.8.18.03 (Ashtaka. Adhyaya. Varga. Rik)
05.01.039 (Mandala. Anuvāka. Rik)
Samhita Devanagari Accented
वि॒शां क॒विं वि॒श्पतिं॒ मानु॑षीणां॒ शुचिं॑ पाव॒कं घृ॒तपृ॑ष्ठम॒ग्निं ।
नि होता॑रं विश्व॒विदं॑ दधिध्वे॒ स दे॒वेषु॑ वनते॒ वार्या॑णि ॥
Samhita Devanagari Nonaccented
विशां कविं विश्पतिं मानुषीणां शुचिं पावकं घृतपृष्ठमग्निं ।
नि होतारं विश्वविदं दधिध्वे स देवेषु वनते वार्याणि ॥
Samhita Transcription Accented
viśā́m kavím viśpátim mā́nuṣīṇām śúcim pāvakám ghṛtápṛṣṭhamagním ǀ
ní hótāram viśvavídam dadhidhve sá devéṣu vanate vā́ryāṇi ǁ
Samhita Transcription Nonaccented
viśām kavim viśpatim mānuṣīṇām śucim pāvakam ghṛtapṛṣṭhamagnim ǀ
ni hotāram viśvavidam dadhidhve sa deveṣu vanate vāryāṇi ǁ
Padapatha Devanagari Accented
वि॒शाम् । क॒विम् । वि॒श्पति॑म् । मानु॑षीणाम् । शुचि॑म् । पा॒व॒कम् । घृ॒तऽपृ॑ष्ठम् । अ॒ग्निम् ।
नि । होता॑रम् । वि॒श्व॒ऽविद॑म् । द॒धि॒ध्वे॒ । सः । दे॒वेषु॑ । व॒न॒ते॒ । वार्या॑णि ॥
Padapatha Devanagari Nonaccented
विशाम् । कविम् । विश्पतिम् । मानुषीणाम् । शुचिम् । पावकम् । घृतऽपृष्ठम् । अग्निम् ।
नि । होतारम् । विश्वऽविदम् । दधिध्वे । सः । देवेषु । वनते । वार्याणि ॥
Padapatha Transcription Accented
viśā́m ǀ kavím ǀ viśpátim ǀ mā́nuṣīṇām ǀ śúcim ǀ pāvakám ǀ ghṛtá-pṛṣṭham ǀ agním ǀ
ní ǀ hótāram ǀ viśva-vídam ǀ dadhidhve ǀ sáḥ ǀ devéṣu ǀ vanate ǀ vā́ryāṇi ǁ
Padapatha Transcription Nonaccented
viśām ǀ kavim ǀ viśpatim ǀ mānuṣīṇām ǀ śucim ǀ pāvakam ǀ ghṛta-pṛṣṭham ǀ agnim ǀ
ni ǀ hotāram ǀ viśva-vidam ǀ dadhidhve ǀ saḥ ǀ deveṣu ǀ vanate ǀ vāryāṇi ǁ
05.004.04 (Mandala. Sukta. Rik)
3.8.18.04 (Ashtaka. Adhyaya. Varga. Rik)
05.01.040 (Mandala. Anuvāka. Rik)
Samhita Devanagari Accented
जु॒षस्वा॑ग्न॒ इळ॑या स॒जोषा॒ यत॑मानो र॒श्मिभिः॒ सूर्य॑स्य ।
जु॒षस्व॑ नः स॒मिधं॑ जातवेद॒ आ च॑ दे॒वान्ह॑वि॒रद्या॑य वक्षि ॥
Samhita Devanagari Nonaccented
जुषस्वाग्न इळया सजोषा यतमानो रश्मिभिः सूर्यस्य ।
जुषस्व नः समिधं जातवेद आ च देवान्हविरद्याय वक्षि ॥
Samhita Transcription Accented
juṣásvāgna íḷayā sajóṣā yátamāno raśmíbhiḥ sū́ryasya ǀ
juṣásva naḥ samídham jātaveda ā́ ca devā́nhavirádyāya vakṣi ǁ
Samhita Transcription Nonaccented
juṣasvāgna iḷayā sajoṣā yatamāno raśmibhiḥ sūryasya ǀ
juṣasva naḥ samidham jātaveda ā ca devānhaviradyāya vakṣi ǁ
Padapatha Devanagari Accented
जु॒षस्व॑ । अ॒ग्ने॒ । इळ॑या । स॒ऽजोषाः॑ । यत॑मानः । र॒श्मिऽभिः॑ । सूर्य॑स्य ।
जु॒षस्व॑ । नः॒ । स॒म्ऽइध॑म् । जा॒त॒ऽवे॒दः॒ । आ । च॒ । दे॒वान् । ह॒विः॒ऽअद्या॑य । व॒क्षि॒ ॥
Padapatha Devanagari Nonaccented
जुषस्व । अग्ने । इळया । सऽजोषाः । यतमानः । रश्मिऽभिः । सूर्यस्य ।
जुषस्व । नः । सम्ऽइधम् । जातऽवेदः । आ । च । देवान् । हविःऽअद्याय । वक्षि ॥
Padapatha Transcription Accented
juṣásva ǀ agne ǀ íḷayā ǀ sa-jóṣāḥ ǀ yátamānaḥ ǀ raśmí-bhiḥ ǀ sū́ryasya ǀ
juṣásva ǀ naḥ ǀ sam-ídham ǀ jāta-vedaḥ ǀ ā́ ǀ ca ǀ devā́n ǀ haviḥ-ádyāya ǀ vakṣi ǁ
Padapatha Transcription Nonaccented
juṣasva ǀ agne ǀ iḷayā ǀ sa-joṣāḥ ǀ yatamānaḥ ǀ raśmi-bhiḥ ǀ sūryasya ǀ
juṣasva ǀ naḥ ǀ sam-idham ǀ jāta-vedaḥ ǀ ā ǀ ca ǀ devān ǀ haviḥ-adyāya ǀ vakṣi ǁ
05.004.05 (Mandala. Sukta. Rik)
3.8.18.05 (Ashtaka. Adhyaya. Varga. Rik)
05.01.041 (Mandala. Anuvāka. Rik)
Samhita Devanagari Accented
जुष्टो॒ दमू॑ना॒ अति॑थिर्दुरो॒ण इ॒मं नो॑ य॒ज्ञमुप॑ याहि वि॒द्वान् ।
विश्वा॑ अग्ने अभि॒युजो॑ वि॒हत्या॑ शत्रूय॒तामा भ॑रा॒ भोज॑नानि ॥
Samhita Devanagari Nonaccented
जुष्टो दमूना अतिथिर्दुरोण इमं नो यज्ञमुप याहि विद्वान् ।
विश्वा अग्ने अभियुजो विहत्या शत्रूयतामा भरा भोजनानि ॥
Samhita Transcription Accented
júṣṭo dámūnā átithirduroṇá imám no yajñámúpa yāhi vidvā́n ǀ
víśvā agne abhiyújo vihátyā śatrūyatā́mā́ bharā bhójanāni ǁ
Samhita Transcription Nonaccented
juṣṭo damūnā atithirduroṇa imam no yajñamupa yāhi vidvān ǀ
viśvā agne abhiyujo vihatyā śatrūyatāmā bharā bhojanāni ǁ
Padapatha Devanagari Accented
जुष्टः॑ । दमू॑नाः । अति॑थिः । दु॒रो॒णे । इ॒मम् । नः॒ । य॒ज्ञम् । उप॑ । या॒हि॒ । वि॒द्वान् ।
विश्वा॑ । अ॒ग्ने॒ । अ॒भि॒ऽयुजः॑ । वि॒ऽहत्य॑ । श॒त्रु॒ऽय॒ताम् । आ । भ॒र॒ । भोज॑नानि ॥
Padapatha Devanagari Nonaccented
जुष्टः । दमूनाः । अतिथिः । दुरोणे । इमम् । नः । यज्ञम् । उप । याहि । विद्वान् ।
विश्वा । अग्ने । अभिऽयुजः । विऽहत्य । शत्रुऽयताम् । आ । भर । भोजनानि ॥
Padapatha Transcription Accented
júṣṭaḥ ǀ dámūnāḥ ǀ átithiḥ ǀ duroṇé ǀ imám ǀ naḥ ǀ yajñám ǀ úpa ǀ yāhi ǀ vidvā́n ǀ
víśvā ǀ agne ǀ abhi-yújaḥ ǀ vi-hátya ǀ śatru-yatā́m ǀ ā́ ǀ bhara ǀ bhójanāni ǁ
Padapatha Transcription Nonaccented
juṣṭaḥ ǀ damūnāḥ ǀ atithiḥ ǀ duroṇe ǀ imam ǀ naḥ ǀ yajñam ǀ upa ǀ yāhi ǀ vidvān ǀ
viśvā ǀ agne ǀ abhi-yujaḥ ǀ vi-hatya ǀ śatru-yatām ǀ ā ǀ bhara ǀ bhojanāni ǁ
05.004.06 (Mandala. Sukta. Rik)
3.8.19.01 (Ashtaka. Adhyaya. Varga. Rik)
05.01.042 (Mandala. Anuvāka. Rik)
Samhita Devanagari Accented
व॒धेन॒ दस्युं॒ प्र हि चा॒तय॑स्व॒ वयः॑ कृण्वा॒नस्त॒न्वे॒३॒॑ स्वायै॑ ।
पिप॑र्षि॒ यत्स॑हसस्पुत्र दे॒वान्त्सो अ॑ग्ने पाहि नृतम॒ वाजे॑ अ॒स्मान् ॥
Samhita Devanagari Nonaccented
वधेन दस्युं प्र हि चातयस्व वयः कृण्वानस्तन्वे स्वायै ।
पिपर्षि यत्सहसस्पुत्र देवान्त्सो अग्ने पाहि नृतम वाजे अस्मान् ॥
Samhita Transcription Accented
vadhéna dásyum prá hí cātáyasva váyaḥ kṛṇvānástanve svā́yai ǀ
píparṣi yátsahasasputra devā́ntsó agne pāhi nṛtama vā́je asmā́n ǁ
Samhita Transcription Nonaccented
vadhena dasyum pra hi cātayasva vayaḥ kṛṇvānastanve svāyai ǀ
piparṣi yatsahasasputra devāntso agne pāhi nṛtama vāje asmān ǁ
Padapatha Devanagari Accented
वे॒धेन॑ । दस्यु॑म् । प्र । हि । चा॒तय॑स्व । वयः॑ । कृ॒ण्वा॒नः । त॒न्वे॑ । स्वायै॑ ।
पिप॑र्षि । यत् । स॒ह॒सः॒ । पु॒त्र॒ । दे॒वान् । सः । अ॒ग्ने॒ । पा॒हि॒ । नृ॒ऽत॒म॒ । वाजे॑ । अ॒स्मान् ॥
Padapatha Devanagari Nonaccented
वेधेन । दस्युम् । प्र । हि । चातयस्व । वयः । कृण्वानः । तन्वे । स्वायै ।
पिपर्षि । यत् । सहसः । पुत्र । देवान् । सः । अग्ने । पाहि । नृऽतम । वाजे । अस्मान् ॥
Padapatha Transcription Accented
vedhéna ǀ dásyum ǀ prá ǀ hí ǀ cātáyasva ǀ váyaḥ ǀ kṛṇvānáḥ ǀ tanvé ǀ svā́yai ǀ
píparṣi ǀ yát ǀ sahasaḥ ǀ putra ǀ devā́n ǀ sáḥ ǀ agne ǀ pāhi ǀ nṛ-tama ǀ vā́je ǀ asmā́n ǁ
Padapatha Transcription Nonaccented
vedhena ǀ dasyum ǀ pra ǀ hi ǀ cātayasva ǀ vayaḥ ǀ kṛṇvānaḥ ǀ tanve ǀ svāyai ǀ
piparṣi ǀ yat ǀ sahasaḥ ǀ putra ǀ devān ǀ saḥ ǀ agne ǀ pāhi ǀ nṛ-tama ǀ vāje ǀ asmān ǁ
05.004.07 (Mandala. Sukta. Rik)
3.8.19.02 (Ashtaka. Adhyaya. Varga. Rik)
05.01.043 (Mandala. Anuvāka. Rik)
Samhita Devanagari Accented
व॒यं ते॑ अग्न उ॒क्थैर्वि॑धेम व॒यं ह॒व्यैः पा॑वक भद्रशोचे ।
अ॒स्मे र॒यिं वि॒श्ववा॑रं॒ समि॑न्वा॒स्मे विश्वा॑नि॒ द्रवि॑णानि धेहि ॥
Samhita Devanagari Nonaccented
वयं ते अग्न उक्थैर्विधेम वयं हव्यैः पावक भद्रशोचे ।
अस्मे रयिं विश्ववारं समिन्वास्मे विश्वानि द्रविणानि धेहि ॥
Samhita Transcription Accented
vayám te agna uktháirvidhema vayám havyáiḥ pāvaka bhadraśoce ǀ
asmé rayím viśvávāram sáminvāsmé víśvāni dráviṇāni dhehi ǁ
Samhita Transcription Nonaccented
vayam te agna ukthairvidhema vayam havyaiḥ pāvaka bhadraśoce ǀ
asme rayim viśvavāram saminvāsme viśvāni draviṇāni dhehi ǁ
Padapatha Devanagari Accented
व॒यम् । ते॒ । अ॒ग्ने॒ । उ॒क्थैः । वि॒धे॒म॒ । व॒यम् । ह॒व्यैः । पा॒व॒क॒ । भ॒द्र॒ऽशो॒चे॒ ।
अ॒स्मे इति॑ । र॒यिम् । वि॒श्वऽवा॑रम् । सम् । इ॒न्व॒ । अ॒स्मे इति॑ । विश्वा॑नि । द्रवि॑णानि । धे॒हि॒ ॥
Padapatha Devanagari Nonaccented
वयम् । ते । अग्ने । उक्थैः । विधेम । वयम् । हव्यैः । पावक । भद्रऽशोचे ।
अस्मे इति । रयिम् । विश्वऽवारम् । सम् । इन्व । अस्मे इति । विश्वानि । द्रविणानि । धेहि ॥
Padapatha Transcription Accented
vayám ǀ te ǀ agne ǀ uktháiḥ ǀ vidhema ǀ vayám ǀ havyáiḥ ǀ pāvaka ǀ bhadra-śoce ǀ
asmé íti ǀ rayím ǀ viśvá-vāram ǀ sám ǀ inva ǀ asmé íti ǀ víśvāni ǀ dráviṇāni ǀ dhehi ǁ
Padapatha Transcription Nonaccented
vayam ǀ te ǀ agne ǀ ukthaiḥ ǀ vidhema ǀ vayam ǀ havyaiḥ ǀ pāvaka ǀ bhadra-śoce ǀ
asme iti ǀ rayim ǀ viśva-vāram ǀ sam ǀ inva ǀ asme iti ǀ viśvāni ǀ draviṇāni ǀ dhehi ǁ
05.004.08 (Mandala. Sukta. Rik)
3.8.19.03 (Ashtaka. Adhyaya. Varga. Rik)
05.01.044 (Mandala. Anuvāka. Rik)
Samhita Devanagari Accented
अ॒स्माक॑मग्ने अध्व॒रं जु॑षस्व॒ सह॑सः सूनो त्रिषधस्थ ह॒व्यं ।
व॒यं दे॒वेषु॑ सु॒कृतः॑ स्याम॒ शर्म॑णा नस्त्रि॒वरू॑थेन पाहि ॥
Samhita Devanagari Nonaccented
अस्माकमग्ने अध्वरं जुषस्व सहसः सूनो त्रिषधस्थ हव्यं ।
वयं देवेषु सुकृतः स्याम शर्मणा नस्त्रिवरूथेन पाहि ॥
Samhita Transcription Accented
asmā́kamagne adhvarám juṣasva sáhasaḥ sūno triṣadhastha havyám ǀ
vayám devéṣu sukṛ́taḥ syāma śármaṇā nastrivárūthena pāhi ǁ
Samhita Transcription Nonaccented
asmākamagne adhvaram juṣasva sahasaḥ sūno triṣadhastha havyam ǀ
vayam deveṣu sukṛtaḥ syāma śarmaṇā nastrivarūthena pāhi ǁ
Padapatha Devanagari Accented
अ॒स्माक॑म् । अ॒ग्ने॒ । अ॒ध्व॒रम् । जु॒ष॒स्व॒ । सह॑सः । सू॒नो॒ इति॑ । त्रि॒ऽस॒ध॒स्थ॒ । ह॒व्यम् ।
व॒यम् । दे॒वेषु॑ । सु॒ऽकृतः॑ । स्या॒म॒ । शर्म॑णा । नः॒ । त्रि॒ऽवरू॑थेन । पा॒हि॒ ॥
Padapatha Devanagari Nonaccented
अस्माकम् । अग्ने । अध्वरम् । जुषस्व । सहसः । सूनो इति । त्रिऽसधस्थ । हव्यम् ।
वयम् । देवेषु । सुऽकृतः । स्याम । शर्मणा । नः । त्रिऽवरूथेन । पाहि ॥
Padapatha Transcription Accented
asmā́kam ǀ agne ǀ adhvarám ǀ juṣasva ǀ sáhasaḥ ǀ sūno íti ǀ tri-sadhastha ǀ havyám ǀ
vayám ǀ devéṣu ǀ su-kṛ́taḥ ǀ syāma ǀ śármaṇā ǀ naḥ ǀ tri-várūthena ǀ pāhi ǁ
Padapatha Transcription Nonaccented
asmākam ǀ agne ǀ adhvaram ǀ juṣasva ǀ sahasaḥ ǀ sūno iti ǀ tri-sadhastha ǀ havyam ǀ
vayam ǀ deveṣu ǀ su-kṛtaḥ ǀ syāma ǀ śarmaṇā ǀ naḥ ǀ tri-varūthena ǀ pāhi ǁ
05.004.09 (Mandala. Sukta. Rik)
3.8.19.04 (Ashtaka. Adhyaya. Varga. Rik)
05.01.045 (Mandala. Anuvāka. Rik)
Samhita Devanagari Accented
विश्वा॑नि नो दु॒र्गहा॑ जातवेदः॒ सिंधुं॒ न ना॒वा दु॑रि॒ताति॑ पर्षि ।
अग्ने॑ अत्रि॒वन्नम॑सा गृणा॒नो॒३॒॑ऽस्माकं॑ बोध्यवि॒ता त॒नूनां॑ ॥
Samhita Devanagari Nonaccented
विश्वानि नो दुर्गहा जातवेदः सिंधुं न नावा दुरिताति पर्षि ।
अग्ने अत्रिवन्नमसा गृणानोऽस्माकं बोध्यविता तनूनां ॥
Samhita Transcription Accented
víśvāni no durgáhā jātavedaḥ síndhum ná nāvā́ duritā́ti parṣi ǀ
ágne atrivánnámasā gṛṇānó’smā́kam bodhyavitā́ tanū́nām ǁ
Samhita Transcription Nonaccented
viśvāni no durgahā jātavedaḥ sindhum na nāvā duritāti parṣi ǀ
agne atrivannamasā gṛṇāno’smākam bodhyavitā tanūnām ǁ
Padapatha Devanagari Accented
विश्वा॑नि । नः॒ । दुः॒ऽगहा॑ । जा॒त॒ऽवे॒दः॒ । सिन्धु॑म् । न । ना॒वा । दुः॒ऽइ॒ता । अति॑ । प॒र्षि॒ ।
अग्ने॑ । अ॒त्रि॒ऽवत् । नम॑सा । गृ॒णा॒नः । अ॒स्माक॑म् । बो॒धि॒ । अ॒वि॒ता । त॒नूना॑म् ॥
Padapatha Devanagari Nonaccented
विश्वानि । नः । दुःऽगहा । जातऽवेदः । सिन्धुम् । न । नावा । दुःऽइता । अति । पर्षि ।
अग्ने । अत्रिऽवत् । नमसा । गृणानः । अस्माकम् । बोधि । अविता । तनूनाम् ॥
Padapatha Transcription Accented
víśvāni ǀ naḥ ǀ duḥ-gáhā ǀ jāta-vedaḥ ǀ síndhum ǀ ná ǀ nāvā́ ǀ duḥ-itā́ ǀ áti ǀ parṣi ǀ
ágne ǀ atri-vát ǀ námasā ǀ gṛṇānáḥ ǀ asmā́kam ǀ bodhi ǀ avitā́ ǀ tanū́nām ǁ
Padapatha Transcription Nonaccented
viśvāni ǀ naḥ ǀ duḥ-gahā ǀ jāta-vedaḥ ǀ sindhum ǀ na ǀ nāvā ǀ duḥ-itā ǀ ati ǀ parṣi ǀ
agne ǀ atri-vat ǀ namasā ǀ gṛṇānaḥ ǀ asmākam ǀ bodhi ǀ avitā ǀ tanūnām ǁ
05.004.10 (Mandala. Sukta. Rik)
3.8.19.05 (Ashtaka. Adhyaya. Varga. Rik)
05.01.046 (Mandala. Anuvāka. Rik)
Samhita Devanagari Accented
यस्त्वा॑ हृ॒दा की॒रिणा॒ मन्य॑मा॒नोऽम॑र्त्यं॒ मर्त्यो॒ जोह॑वीमि ।
जात॑वेदो॒ यशो॑ अ॒स्मासु॑ धेहि प्र॒जाभि॑रग्ने अमृत॒त्वम॑श्यां ॥
Samhita Devanagari Nonaccented
यस्त्वा हृदा कीरिणा मन्यमानोऽमर्त्यं मर्त्यो जोहवीमि ।
जातवेदो यशो अस्मासु धेहि प्रजाभिरग्ने अमृतत्वमश्यां ॥
Samhita Transcription Accented
yástvā hṛdā́ kīríṇā mányamānó’martyam mártyo jóhavīmi ǀ
jā́tavedo yáśo asmā́su dhehi prajā́bhiragne amṛtatvámaśyām ǁ
Samhita Transcription Nonaccented
yastvā hṛdā kīriṇā manyamāno’martyam martyo johavīmi ǀ
jātavedo yaśo asmāsu dhehi prajābhiragne amṛtatvamaśyām ǁ
Padapatha Devanagari Accented
यः । त्वा॒ । हृ॒दा । की॒रिणा॑ । मन्य॑मानः । अम॑र्त्यम् । मर्त्यः॑ । जोह॑वीमि ।
जात॑ऽवेदः । यशः॑ । अ॒स्मासु॑ । धे॒हि॒ । प्र॒ऽजाभिः॑ । अ॒ग्ने॒ । अ॒मृ॒त॒ऽत्वम् । अ॒श्या॒म् ॥
Padapatha Devanagari Nonaccented
यः । त्वा । हृदा । कीरिणा । मन्यमानः । अमर्त्यम् । मर्त्यः । जोहवीमि ।
जातऽवेदः । यशः । अस्मासु । धेहि । प्रऽजाभिः । अग्ने । अमृतऽत्वम् । अश्याम् ॥
Padapatha Transcription Accented
yáḥ ǀ tvā ǀ hṛdā́ ǀ kīríṇā ǀ mányamānaḥ ǀ ámartyam ǀ mártyaḥ ǀ jóhavīmi ǀ
jā́ta-vedaḥ ǀ yáśaḥ ǀ asmā́su ǀ dhehi ǀ pra-jā́bhiḥ ǀ agne ǀ amṛta-tvám ǀ aśyām ǁ
Padapatha Transcription Nonaccented
yaḥ ǀ tvā ǀ hṛdā ǀ kīriṇā ǀ manyamānaḥ ǀ amartyam ǀ martyaḥ ǀ johavīmi ǀ
jāta-vedaḥ ǀ yaśaḥ ǀ asmāsu ǀ dhehi ǀ pra-jābhiḥ ǀ agne ǀ amṛta-tvam ǀ aśyām ǁ
05.004.11 (Mandala. Sukta. Rik)
3.8.19.06 (Ashtaka. Adhyaya. Varga. Rik)
05.01.047 (Mandala. Anuvāka. Rik)
Samhita Devanagari Accented
यस्मै॒ त्वं सु॒कृते॑ जातवेद उ लो॒कम॑ग्ने कृ॒णवः॑ स्यो॒नं ।
अ॒श्विनं॒ स पु॒त्रिणं॑ वी॒रवं॑तं॒ गोमं॑तं र॒यिं न॑शते स्व॒स्ति ॥
Samhita Devanagari Nonaccented
यस्मै त्वं सुकृते जातवेद उ लोकमग्ने कृणवः स्योनं ।
अश्विनं स पुत्रिणं वीरवंतं गोमंतं रयिं नशते स्वस्ति ॥
Samhita Transcription Accented
yásmai tvám sukṛ́te jātaveda u lokámagne kṛṇávaḥ syonám ǀ
aśvínam sá putríṇam vīrávantam gómantam rayím naśate svastí ǁ
Samhita Transcription Nonaccented
yasmai tvam sukṛte jātaveda u lokamagne kṛṇavaḥ syonam ǀ
aśvinam sa putriṇam vīravantam gomantam rayim naśate svasti ǁ
Padapatha Devanagari Accented
यस्मै॑ । त्वम् । सु॒ऽकृते॑ । जा॒त॒ऽवे॒दः॒ । ऊं॒ इति॑ । लो॒कम् । अ॒ग्ने॒ । कृ॒णवः॑ । स्यो॒नम् ।
अ॒श्विन॑म् । सः । पु॒त्रिण॑म् । वी॒रऽव॑न्तम् । गोऽम॑न्तम् । र॒यिम् । न॒श॒ते॒ । स्व॒स्ति ॥
Padapatha Devanagari Nonaccented
यस्मै । त्वम् । सुऽकृते । जातऽवेदः । ऊं इति । लोकम् । अग्ने । कृणवः । स्योनम् ।
अश्विनम् । सः । पुत्रिणम् । वीरऽवन्तम् । गोऽमन्तम् । रयिम् । नशते । स्वस्ति ॥
Padapatha Transcription Accented
yásmai ǀ tvám ǀ su-kṛ́te ǀ jāta-vedaḥ ǀ ūṃ íti ǀ lokám ǀ agne ǀ kṛṇávaḥ ǀ syonám ǀ
aśvínam ǀ sáḥ ǀ putríṇam ǀ vīrá-vantam ǀ gó-mantam ǀ rayím ǀ naśate ǀ svastí ǁ
Padapatha Transcription Nonaccented
yasmai ǀ tvam ǀ su-kṛte ǀ jāta-vedaḥ ǀ ūṃ iti ǀ lokam ǀ agne ǀ kṛṇavaḥ ǀ syonam ǀ
aśvinam ǀ saḥ ǀ putriṇam ǀ vīra-vantam ǀ go-mantam ǀ rayim ǀ naśate ǀ svasti ǁ