|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 6
|
1. Info |
| To: | agni | |
| From: | vasuśruta ātreya | |
| Metres: | 1st set of styles: nicṛtpaṅkti (1, 8, 9); paṅktiḥ (2, 5); svarāṭbṛhatī (3, 4); bhurigbṛhatī (6, 10); virāṭpaṅkti (7) 2nd set of styles: paṅkti |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.006.01 (Mandala. Sukta. Rik)
3.8.22.01 (Ashtaka. Adhyaya. Varga. Rik)
05.01.059 (Mandala. Anuvāka. Rik)
Samhita Devanagari Accented
अ॒ग्निं तं म॑न्ये॒ यो वसु॒रस्तं॒ यं यंति॑ धे॒नवः॑ ।
अस्त॒मर्वं॑त आ॒शवोऽस्तं॒ नित्या॑सो वा॒जिन॒ इषं॑ स्तो॒तृभ्य॒ आ भ॑र ॥
Samhita Devanagari Nonaccented
अग्निं तं मन्ये यो वसुरस्तं यं यंति धेनवः ।
अस्तमर्वंत आशवोऽस्तं नित्यासो वाजिन इषं स्तोतृभ्य आ भर ॥
Samhita Transcription Accented
agním tám manye yó vásurástam yám yánti dhenávaḥ ǀ
ástamárvanta āśávó’stam nítyāso vājína íṣam stotṛ́bhya ā́ bhara ǁ
Samhita Transcription Nonaccented
agnim tam manye yo vasurastam yam yanti dhenavaḥ ǀ
astamarvanta āśavo’stam nityāso vājina iṣam stotṛbhya ā bhara ǁ
Padapatha Devanagari Accented
अ॒ग्निम् । तम् । म॒न्ये॒ । यः । वसुः॑ । अस्त॑म् । यम् । यन्ति॑ । धे॒नवः॑ ।
अस्त॑म् । अर्व॑न्तः । आ॒शवः॑ । अस्त॑म् । नित्या॑सः । वा॒जिनः॑ । इष॑म् । स्तो॒तृऽभ्यः॑ । आ । भ॒र॒ ॥
Padapatha Devanagari Nonaccented
अग्निम् । तम् । मन्ये । यः । वसुः । अस्तम् । यम् । यन्ति । धेनवः ।
अस्तम् । अर्वन्तः । आशवः । अस्तम् । नित्यासः । वाजिनः । इषम् । स्तोतृऽभ्यः । आ । भर ॥
Padapatha Transcription Accented
agním ǀ tám ǀ manye ǀ yáḥ ǀ vásuḥ ǀ ástam ǀ yám ǀ yánti ǀ dhenávaḥ ǀ
ástam ǀ árvantaḥ ǀ āśávaḥ ǀ ástam ǀ nítyāsaḥ ǀ vājínaḥ ǀ íṣam ǀ stotṛ́-bhyaḥ ǀ ā́ ǀ bhara ǁ
Padapatha Transcription Nonaccented
agnim ǀ tam ǀ manye ǀ yaḥ ǀ vasuḥ ǀ astam ǀ yam ǀ yanti ǀ dhenavaḥ ǀ
astam ǀ arvantaḥ ǀ āśavaḥ ǀ astam ǀ nityāsaḥ ǀ vājinaḥ ǀ iṣam ǀ stotṛ-bhyaḥ ǀ ā ǀ bhara ǁ
05.006.02 (Mandala. Sukta. Rik)
3.8.22.02 (Ashtaka. Adhyaya. Varga. Rik)
05.01.060 (Mandala. Anuvāka. Rik)
Samhita Devanagari Accented
सो अ॒ग्निर्यो वसु॑र्गृ॒णे सं यमा॒यंति॑ धे॒नवः॑ ।
समर्वं॑तो रघु॒द्रुवः॒ सं सु॑जा॒तासः॑ सू॒रय॒ इषं॑ स्तो॒तृभ्य॒ आ भ॑र ॥
Samhita Devanagari Nonaccented
सो अग्निर्यो वसुर्गृणे सं यमायंति धेनवः ।
समर्वंतो रघुद्रुवः सं सुजातासः सूरय इषं स्तोतृभ्य आ भर ॥
Samhita Transcription Accented
só agníryó vásurgṛṇé sám yámāyánti dhenávaḥ ǀ
sámárvanto raghudrúvaḥ sám sujātā́saḥ sūráya íṣam stotṛ́bhya ā́ bhara ǁ
Samhita Transcription Nonaccented
so agniryo vasurgṛṇe sam yamāyanti dhenavaḥ ǀ
samarvanto raghudruvaḥ sam sujātāsaḥ sūraya iṣam stotṛbhya ā bhara ǁ
Padapatha Devanagari Accented
सः । अ॒ग्निः । यः । वसुः॑ । गृ॒णे । सम् । यम् । आ॒ऽयन्ति॑ । धे॒नवः॑ ।
सम् । अर्व॑न्तः । र॒घु॒ऽद्रुवः॑ । सम् । सु॒ऽजा॒तासः॑ । सू॒रयः॑ । इष॑म् । स्तो॒तृऽभ्यः॑ । आ । भ॒र॒ ॥
Padapatha Devanagari Nonaccented
सः । अग्निः । यः । वसुः । गृणे । सम् । यम् । आऽयन्ति । धेनवः ।
सम् । अर्वन्तः । रघुऽद्रुवः । सम् । सुऽजातासः । सूरयः । इषम् । स्तोतृऽभ्यः । आ । भर ॥
Padapatha Transcription Accented
sáḥ ǀ agníḥ ǀ yáḥ ǀ vásuḥ ǀ gṛṇé ǀ sám ǀ yám ǀ ā-yánti ǀ dhenávaḥ ǀ
sám ǀ árvantaḥ ǀ raghu-drúvaḥ ǀ sám ǀ su-jātā́saḥ ǀ sūráyaḥ ǀ íṣam ǀ stotṛ́-bhyaḥ ǀ ā́ ǀ bhara ǁ
Padapatha Transcription Nonaccented
saḥ ǀ agniḥ ǀ yaḥ ǀ vasuḥ ǀ gṛṇe ǀ sam ǀ yam ǀ ā-yanti ǀ dhenavaḥ ǀ
sam ǀ arvantaḥ ǀ raghu-druvaḥ ǀ sam ǀ su-jātāsaḥ ǀ sūrayaḥ ǀ iṣam ǀ stotṛ-bhyaḥ ǀ ā ǀ bhara ǁ
05.006.03 (Mandala. Sukta. Rik)
3.8.22.03 (Ashtaka. Adhyaya. Varga. Rik)
05.01.061 (Mandala. Anuvāka. Rik)
Samhita Devanagari Accented
अ॒ग्निर्हि वा॒जिनं॑ वि॒शे ददा॑ति वि॒श्वच॑र्षणिः ।
अ॒ग्नी रा॒ये स्वा॒भुवं॒ स प्री॒तो या॑ति॒ वार्य॒मिषं॑ स्तो॒तृभ्य॒ आ भ॑र ॥
Samhita Devanagari Nonaccented
अग्निर्हि वाजिनं विशे ददाति विश्वचर्षणिः ।
अग्नी राये स्वाभुवं स प्रीतो याति वार्यमिषं स्तोतृभ्य आ भर ॥
Samhita Transcription Accented
agnírhí vājínam viśé dádāti viśvácarṣaṇiḥ ǀ
agnī́ rāyé svābhúvam sá prītó yāti vā́ryamíṣam stotṛ́bhya ā́ bhara ǁ
Samhita Transcription Nonaccented
agnirhi vājinam viśe dadāti viśvacarṣaṇiḥ ǀ
agnī rāye svābhuvam sa prīto yāti vāryamiṣam stotṛbhya ā bhara ǁ
Padapatha Devanagari Accented
अ॒ग्निः । हि । वा॒जिन॑म् । वि॒शे । ददा॑ति । वि॒श्वऽच॑र्षणिः ।
अ॒ग्निः । रा॒ये । सु॒ऽआ॒भुव॑म् । सः । प्री॒तः । या॒ति॒ । वार्य॑म् । इष॑म् । स्तो॒तृऽभ्यः॑ । आ । भ॒र॒ ॥
Padapatha Devanagari Nonaccented
अग्निः । हि । वाजिनम् । विशे । ददाति । विश्वऽचर्षणिः ।
अग्निः । राये । सुऽआभुवम् । सः । प्रीतः । याति । वार्यम् । इषम् । स्तोतृऽभ्यः । आ । भर ॥
Padapatha Transcription Accented
agníḥ ǀ hí ǀ vājínam ǀ viśé ǀ dádāti ǀ viśvá-carṣaṇiḥ ǀ
agníḥ ǀ rāyé ǀ su-ābhúvam ǀ sáḥ ǀ prītáḥ ǀ yāti ǀ vā́ryam ǀ íṣam ǀ stotṛ́-bhyaḥ ǀ ā́ ǀ bhara ǁ
Padapatha Transcription Nonaccented
agniḥ ǀ hi ǀ vājinam ǀ viśe ǀ dadāti ǀ viśva-carṣaṇiḥ ǀ
agniḥ ǀ rāye ǀ su-ābhuvam ǀ saḥ ǀ prītaḥ ǀ yāti ǀ vāryam ǀ iṣam ǀ stotṛ-bhyaḥ ǀ ā ǀ bhara ǁ
05.006.04 (Mandala. Sukta. Rik)
3.8.22.04 (Ashtaka. Adhyaya. Varga. Rik)
05.01.062 (Mandala. Anuvāka. Rik)
Samhita Devanagari Accented
आ ते॑ अग्न इधीमहि द्यु॒मंतं॑ देवा॒जरं॑ ।
यद्ध॒ स्या ते॒ पनी॑यसी स॒मिद्दी॒दय॑ति॒ द्यवीषं॑ स्तो॒तृभ्य॒ आ भ॑र ॥
Samhita Devanagari Nonaccented
आ ते अग्न इधीमहि द्युमंतं देवाजरं ।
यद्ध स्या ते पनीयसी समिद्दीदयति द्यवीषं स्तोतृभ्य आ भर ॥
Samhita Transcription Accented
ā́ te agna idhīmahi dyumántam devājáram ǀ
yáddha syā́ te pánīyasī samíddīdáyati dyávī́ṣam stotṛ́bhya ā́ bhara ǁ
Samhita Transcription Nonaccented
ā te agna idhīmahi dyumantam devājaram ǀ
yaddha syā te panīyasī samiddīdayati dyavīṣam stotṛbhya ā bhara ǁ
Padapatha Devanagari Accented
आ । ते॒ । अ॒ग्ने॒ । इ॒धी॒म॒हि॒ । द्यु॒ऽमन्त॑म् । दे॒व॒ । अ॒जर॑म् ।
यत् । ह॒ । स्या । ते॒ । पनी॑यसी । स॒म्ऽइत् । दी॒दय॑ति । द्यवि॑ । इष॑म् । स्तो॒तृऽभ्यः॑ । आ । भ॒र॒ ॥
Padapatha Devanagari Nonaccented
आ । ते । अग्ने । इधीमहि । द्युऽमन्तम् । देव । अजरम् ।
यत् । ह । स्या । ते । पनीयसी । सम्ऽइत् । दीदयति । द्यवि । इषम् । स्तोतृऽभ्यः । आ । भर ॥
Padapatha Transcription Accented
ā́ ǀ te ǀ agne ǀ idhīmahi ǀ dyu-mántam ǀ deva ǀ ajáram ǀ
yát ǀ ha ǀ syā́ ǀ te ǀ pánīyasī ǀ sam-ít ǀ dīdáyati ǀ dyávi ǀ íṣam ǀ stotṛ́-bhyaḥ ǀ ā́ ǀ bhara ǁ
Padapatha Transcription Nonaccented
ā ǀ te ǀ agne ǀ idhīmahi ǀ dyu-mantam ǀ deva ǀ ajaram ǀ
yat ǀ ha ǀ syā ǀ te ǀ panīyasī ǀ sam-it ǀ dīdayati ǀ dyavi ǀ iṣam ǀ stotṛ-bhyaḥ ǀ ā ǀ bhara ǁ
05.006.05 (Mandala. Sukta. Rik)
3.8.22.05 (Ashtaka. Adhyaya. Varga. Rik)
05.01.063 (Mandala. Anuvāka. Rik)
Samhita Devanagari Accented
आ ते॑ अग्न ऋ॒चा ह॒विः शुक्र॑स्य शोचिषस्पते ।
सुश्चं॑द्र॒ दस्म॒ विश्प॑ते॒ हव्य॑वा॒ट् तुभ्यं॑ हूयत॒ इषं॑ स्तो॒तृभ्य॒ आ भ॑र ॥
Samhita Devanagari Nonaccented
आ ते अग्न ऋचा हविः शुक्रस्य शोचिषस्पते ।
सुश्चंद्र दस्म विश्पते हव्यवाट् तुभ्यं हूयत इषं स्तोतृभ्य आ भर ॥
Samhita Transcription Accented
ā́ te agna ṛcā́ havíḥ śúkrasya śociṣaspate ǀ
súścandra dásma víśpate hávyavāṭ túbhyam hūyata íṣam stotṛ́bhya ā́ bhara ǁ
Samhita Transcription Nonaccented
ā te agna ṛcā haviḥ śukrasya śociṣaspate ǀ
suścandra dasma viśpate havyavāṭ tubhyam hūyata iṣam stotṛbhya ā bhara ǁ
Padapatha Devanagari Accented
आ । ते॒ । अ॒ग्ने॒ । ऋ॒चा । ह॒विः । शुक्र॑स्य । शो॒चि॒षः॒ । प॒ते॒ ।
सुऽच॑न्द्र । दस्म॑ । विश्प॑ते । हव्य॑ऽवाट् । तुभ्य॑म् । हू॒य॒ते॒ । इष॑म् । स्तो॒तृऽभ्यः॑ । आ । भ॒र॒ ॥
Padapatha Devanagari Nonaccented
आ । ते । अग्ने । ऋचा । हविः । शुक्रस्य । शोचिषः । पते ।
सुऽचन्द्र । दस्म । विश्पते । हव्यऽवाट् । तुभ्यम् । हूयते । इषम् । स्तोतृऽभ्यः । आ । भर ॥
Padapatha Transcription Accented
ā́ ǀ te ǀ agne ǀ ṛcā́ ǀ havíḥ ǀ śúkrasya ǀ śociṣaḥ ǀ pate ǀ
sú-candra ǀ dásma ǀ víśpate ǀ hávya-vāṭ ǀ túbhyam ǀ hūyate ǀ íṣam ǀ stotṛ́-bhyaḥ ǀ ā́ ǀ bhara ǁ
Padapatha Transcription Nonaccented
ā ǀ te ǀ agne ǀ ṛcā ǀ haviḥ ǀ śukrasya ǀ śociṣaḥ ǀ pate ǀ
su-candra ǀ dasma ǀ viśpate ǀ havya-vāṭ ǀ tubhyam ǀ hūyate ǀ iṣam ǀ stotṛ-bhyaḥ ǀ ā ǀ bhara ǁ
05.006.06 (Mandala. Sukta. Rik)
3.8.23.01 (Ashtaka. Adhyaya. Varga. Rik)
05.01.064 (Mandala. Anuvāka. Rik)
Samhita Devanagari Accented
प्रो त्ये अ॒ग्नयो॒ऽग्निषु॒ विश्वं॑ पुष्यंति॒ वार्यं॑ ।
ते हि॑न्विरे॒ त इ॑न्विरे॒ त इ॑षण्यंत्यानु॒षगिषं॑ स्तो॒तृभ्य॒ आ भ॑र ॥
Samhita Devanagari Nonaccented
प्रो त्ये अग्नयोऽग्निषु विश्वं पुष्यंति वार्यं ।
ते हिन्विरे त इन्विरे त इषण्यंत्यानुषगिषं स्तोतृभ्य आ भर ॥
Samhita Transcription Accented
pró tyé agnáyo’gníṣu víśvam puṣyanti vā́ryam ǀ
té hinvire tá invire tá iṣaṇyantyānuṣágíṣam stotṛ́bhya ā́ bhara ǁ
Samhita Transcription Nonaccented
pro tye agnayo’gniṣu viśvam puṣyanti vāryam ǀ
te hinvire ta invire ta iṣaṇyantyānuṣagiṣam stotṛbhya ā bhara ǁ
Padapatha Devanagari Accented
प्रो इति॑ । त्ये । अ॒ग्नयः॑ । अ॒ग्निषु॑ । विश्व॑म् । पु॒ष्य॒न्ति॒ । वार्य॑म् ।
ते । हि॒न्वि॒रे॒ । ते । इ॒न्वि॒रे॒ । ते । इ॒ष॒ण्य॒न्ति॒ । आ॒नु॒षक् । इष॑म् । स्तो॒तृऽभ्यः॑ । आ । भ॒र॒ ॥
Padapatha Devanagari Nonaccented
प्रो इति । त्ये । अग्नयः । अग्निषु । विश्वम् । पुष्यन्ति । वार्यम् ।
ते । हिन्विरे । ते । इन्विरे । ते । इषण्यन्ति । आनुषक् । इषम् । स्तोतृऽभ्यः । आ । भर ॥
Padapatha Transcription Accented
pró íti ǀ tyé ǀ agnáyaḥ ǀ agníṣu ǀ víśvam ǀ puṣyanti ǀ vā́ryam ǀ
té ǀ hinvire ǀ té ǀ invire ǀ té ǀ iṣaṇyanti ǀ ānuṣák ǀ íṣam ǀ stotṛ́-bhyaḥ ǀ ā́ ǀ bhara ǁ
Padapatha Transcription Nonaccented
pro iti ǀ tye ǀ agnayaḥ ǀ agniṣu ǀ viśvam ǀ puṣyanti ǀ vāryam ǀ
te ǀ hinvire ǀ te ǀ invire ǀ te ǀ iṣaṇyanti ǀ ānuṣak ǀ iṣam ǀ stotṛ-bhyaḥ ǀ ā ǀ bhara ǁ
05.006.07 (Mandala. Sukta. Rik)
3.8.23.02 (Ashtaka. Adhyaya. Varga. Rik)
05.01.065 (Mandala. Anuvāka. Rik)
Samhita Devanagari Accented
तव॒ त्ये अ॑ग्ने अ॒र्चयो॒ महि॑ व्राधंत वा॒जिनः॑ ।
ये पत्व॑भिः श॒फानां॑ व्र॒जा भु॒रंत॒ गोना॒मिषं॑ स्तो॒तृभ्य॒ आ भ॑र ॥
Samhita Devanagari Nonaccented
तव त्ये अग्ने अर्चयो महि व्राधंत वाजिनः ।
ये पत्वभिः शफानां व्रजा भुरंत गोनामिषं स्तोतृभ्य आ भर ॥
Samhita Transcription Accented
táva tyé agne arcáyo máhi vrādhanta vājínaḥ ǀ
yé pátvabhiḥ śaphā́nām vrajā́ bhuránta gónāmíṣam stotṛ́bhya ā́ bhara ǁ
Samhita Transcription Nonaccented
tava tye agne arcayo mahi vrādhanta vājinaḥ ǀ
ye patvabhiḥ śaphānām vrajā bhuranta gonāmiṣam stotṛbhya ā bhara ǁ
Padapatha Devanagari Accented
तव॑ । त्ये । अ॒ग्ने॒ । अ॒र्चयः॑ । महि॑ । व्रा॒ध॒न्त॒ । वा॒जिनः॑ ।
ये । पत्व॑ऽभिः । श॒फाना॑म् । व्र॒जा । भु॒रन्त॑ । गोना॑म् । इष॑म् । स्तो॒तृऽभ्यः॑ । आ । भ॒र॒ ॥
Padapatha Devanagari Nonaccented
तव । त्ये । अग्ने । अर्चयः । महि । व्राधन्त । वाजिनः ।
ये । पत्वऽभिः । शफानाम् । व्रजा । भुरन्त । गोनाम् । इषम् । स्तोतृऽभ्यः । आ । भर ॥
Padapatha Transcription Accented
táva ǀ tyé ǀ agne ǀ arcáyaḥ ǀ máhi ǀ vrādhanta ǀ vājínaḥ ǀ
yé ǀ pátva-bhiḥ ǀ śaphā́nām ǀ vrajā́ ǀ bhuránta ǀ gónām ǀ íṣam ǀ stotṛ́-bhyaḥ ǀ ā́ ǀ bhara ǁ
Padapatha Transcription Nonaccented
tava ǀ tye ǀ agne ǀ arcayaḥ ǀ mahi ǀ vrādhanta ǀ vājinaḥ ǀ
ye ǀ patva-bhiḥ ǀ śaphānām ǀ vrajā ǀ bhuranta ǀ gonām ǀ iṣam ǀ stotṛ-bhyaḥ ǀ ā ǀ bhara ǁ
05.006.08 (Mandala. Sukta. Rik)
3.8.23.03 (Ashtaka. Adhyaya. Varga. Rik)
05.01.066 (Mandala. Anuvāka. Rik)
Samhita Devanagari Accented
नवा॑ नो अग्न॒ आ भ॑र स्तो॒तृभ्यः॑ सुक्षि॒तीरिषः॑ ।
ते स्या॑म॒ य आ॑नृ॒चुस्त्वादू॑तासो॒ दमे॑दम॒ इषं॑ स्तो॒तृभ्य॒ आ भ॑र ॥
Samhita Devanagari Nonaccented
नवा नो अग्न आ भर स्तोतृभ्यः सुक्षितीरिषः ।
ते स्याम य आनृचुस्त्वादूतासो दमेदम इषं स्तोतृभ्य आ भर ॥
Samhita Transcription Accented
návā no agna ā́ bhara stotṛ́bhyaḥ sukṣitī́ríṣaḥ ǀ
té syāma yá ānṛcústvā́dūtāso dámedama íṣam stotṛ́bhya ā́ bhara ǁ
Samhita Transcription Nonaccented
navā no agna ā bhara stotṛbhyaḥ sukṣitīriṣaḥ ǀ
te syāma ya ānṛcustvādūtāso damedama iṣam stotṛbhya ā bhara ǁ
Padapatha Devanagari Accented
नवाः॑ । नः॒ । अ॒ग्ने॒ । आ । भ॒र॒ । स्तो॒तृऽभ्यः॑ । सु॒ऽक्षि॒तीः । इषः॑ ।
ते । स्या॒म॒ । ये । आ॒नृ॒चुः । त्वाऽदू॑तासः । दमे॑ऽदमे । इष॑म् । स्तो॒तृऽभ्यः॑ । आ । भ॒र॒ ॥
Padapatha Devanagari Nonaccented
नवाः । नः । अग्ने । आ । भर । स्तोतृऽभ्यः । सुऽक्षितीः । इषः ।
ते । स्याम । ये । आनृचुः । त्वाऽदूतासः । दमेऽदमे । इषम् । स्तोतृऽभ्यः । आ । भर ॥
Padapatha Transcription Accented
návāḥ ǀ naḥ ǀ agne ǀ ā́ ǀ bhara ǀ stotṛ́-bhyaḥ ǀ su-kṣitī́ḥ ǀ íṣaḥ ǀ
té ǀ syāma ǀ yé ǀ ānṛcúḥ ǀ tvā́-dūtāsaḥ ǀ dáme-dame ǀ íṣam ǀ stotṛ́-bhyaḥ ǀ ā́ ǀ bhara ǁ
Padapatha Transcription Nonaccented
navāḥ ǀ naḥ ǀ agne ǀ ā ǀ bhara ǀ stotṛ-bhyaḥ ǀ su-kṣitīḥ ǀ iṣaḥ ǀ
te ǀ syāma ǀ ye ǀ ānṛcuḥ ǀ tvā-dūtāsaḥ ǀ dame-dame ǀ iṣam ǀ stotṛ-bhyaḥ ǀ ā ǀ bhara ǁ
05.006.09 (Mandala. Sukta. Rik)
3.8.23.04 (Ashtaka. Adhyaya. Varga. Rik)
05.01.067 (Mandala. Anuvāka. Rik)
Samhita Devanagari Accented
उ॒भे सु॑श्चंद्र स॒र्पिषो॒ दर्वी॑ श्रीणीष आ॒सनि॑ ।
उ॒तो न॒ उत्पु॑पूर्या उ॒क्थेषु॑ शवसस्पत॒ इषं॑ स्तो॒तृभ्य॒ आ भ॑र ॥
Samhita Devanagari Nonaccented
उभे सुश्चंद्र सर्पिषो दर्वी श्रीणीष आसनि ।
उतो न उत्पुपूर्या उक्थेषु शवसस्पत इषं स्तोतृभ्य आ भर ॥
Samhita Transcription Accented
ubhé suścandra sarpíṣo dárvī śrīṇīṣa āsáni ǀ
utó na útpupūryā ukthéṣu śavasaspata íṣam stotṛ́bhya ā́ bhara ǁ
Samhita Transcription Nonaccented
ubhe suścandra sarpiṣo darvī śrīṇīṣa āsani ǀ
uto na utpupūryā uktheṣu śavasaspata iṣam stotṛbhya ā bhara ǁ
Padapatha Devanagari Accented
उ॒भे इति॑ । सु॒ऽच॒न्द्र॒ । स॒र्पिषः॑ । दर्वी॒ इति॑ । श्री॒णी॒षे॒ । आ॒सनि॑ ।
उ॒तो इति॑ । नः॒ । उत् । पु॒पू॒र्याः॒ । उ॒क्थेषु॑ । श॒व॒सः॒ । प॒ते॒ । इष॑म् । स्तो॒तृऽभ्यः॑ । आ । भ॒र॒ ॥
Padapatha Devanagari Nonaccented
उभे इति । सुऽचन्द्र । सर्पिषः । दर्वी इति । श्रीणीषे । आसनि ।
उतो इति । नः । उत् । पुपूर्याः । उक्थेषु । शवसः । पते । इषम् । स्तोतृऽभ्यः । आ । भर ॥
Padapatha Transcription Accented
ubhé íti ǀ su-candra ǀ sarpíṣaḥ ǀ dárvī íti ǀ śrīṇīṣe ǀ āsáni ǀ
utó íti ǀ naḥ ǀ út ǀ pupūryāḥ ǀ ukthéṣu ǀ śavasaḥ ǀ pate ǀ íṣam ǀ stotṛ́-bhyaḥ ǀ ā́ ǀ bhara ǁ
Padapatha Transcription Nonaccented
ubhe iti ǀ su-candra ǀ sarpiṣaḥ ǀ darvī iti ǀ śrīṇīṣe ǀ āsani ǀ
uto iti ǀ naḥ ǀ ut ǀ pupūryāḥ ǀ uktheṣu ǀ śavasaḥ ǀ pate ǀ iṣam ǀ stotṛ-bhyaḥ ǀ ā ǀ bhara ǁ
05.006.10 (Mandala. Sukta. Rik)
3.8.23.05 (Ashtaka. Adhyaya. Varga. Rik)
05.01.068 (Mandala. Anuvāka. Rik)
Samhita Devanagari Accented
ए॒वाँ अ॒ग्निम॑जुर्यमुर्गी॒र्भिर्य॒ज्ञेभि॑रानु॒षक् ।
दध॑द॒स्मे सु॒वीर्य॑मु॒त त्यदा॒श्वश्व्य॒मिषं॑ स्तो॒तृभ्य॒ आ भ॑र ॥
Samhita Devanagari Nonaccented
एवाँ अग्निमजुर्यमुर्गीर्भिर्यज्ञेभिरानुषक् ।
दधदस्मे सुवीर्यमुत त्यदाश्वश्व्यमिषं स्तोतृभ्य आ भर ॥
Samhita Transcription Accented
evā́m̐ agnímajuryamurgīrbhíryajñébhirānuṣák ǀ
dádhadasmé suvī́ryamutá tyádāśváśvyamíṣam stotṛ́bhya ā́ bhara ǁ
Samhita Transcription Nonaccented
evām̐ agnimajuryamurgīrbhiryajñebhirānuṣak ǀ
dadhadasme suvīryamuta tyadāśvaśvyamiṣam stotṛbhya ā bhara ǁ
Padapatha Devanagari Accented
ए॒व । अ॒ग्निम् । अ॒जु॒र्य॒मुः॒ । गीः॒ऽभिः । य॒ज्ञेभिः॑ । आ॒नु॒षक् ।
दध॑त् । अ॒स्मे इति॑ । सु॒ऽवीर्य॑म् । उ॒त । त्यत् । आ॒शु॒ऽअश्व्य॑म् । इष॑म् । स्तो॒तृऽभ्यः॑ । आ । भ॒र॒ ॥
Padapatha Devanagari Nonaccented
एव । अग्निम् । अजुर्यमुः । गीःऽभिः । यज्ञेभिः । आनुषक् ।
दधत् । अस्मे इति । सुऽवीर्यम् । उत । त्यत् । आशुऽअश्व्यम् । इषम् । स्तोतृऽभ्यः । आ । भर ॥
Padapatha Transcription Accented
evá ǀ agním ǀ ajuryamuḥ ǀ gīḥ-bhíḥ ǀ yajñébhiḥ ǀ ānuṣák ǀ
dádhat ǀ asmé íti ǀ su-vī́ryam ǀ utá ǀ tyát ǀ āśu-áśvyam ǀ íṣam ǀ stotṛ́-bhyaḥ ǀ ā́ ǀ bhara ǁ
Padapatha Transcription Nonaccented
eva ǀ agnim ǀ ajuryamuḥ ǀ gīḥ-bhiḥ ǀ yajñebhiḥ ǀ ānuṣak ǀ
dadhat ǀ asme iti ǀ su-vīryam ǀ uta ǀ tyat ǀ āśu-aśvyam ǀ iṣam ǀ stotṛ-bhyaḥ ǀ ā ǀ bhara ǁ