|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 7
|
1. Info |
| To: | agni | |
| From: | iṣa ātreya | |
| Metres: | 1st set of styles: nicṛdanuṣṭup (4, 5, 8, 9); svarāḍuṣnik (6, 7); virāḍanuṣṭup (1); anuṣṭup (2); bhuriganuṣṭup (3); nicṛdbṛhatī (10) 2nd set of styles: anuṣṭubh (1-9); paṅkti (10) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.007.01 (Mandala. Sukta. Rik)
3.8.24.01 (Ashtaka. Adhyaya. Varga. Rik)
05.01.069 (Mandala. Anuvāka. Rik)
Samhita Devanagari Accented
सखा॑यः॒ सं वः॑ स॒म्यंच॒मिषं॒ स्तोमं॑ चा॒ग्नये॑ ।
वर्षि॑ष्ठाय क्षिती॒नामू॒र्जो नप्त्रे॒ सह॑स्वते ॥
Samhita Devanagari Nonaccented
सखायः सं वः सम्यंचमिषं स्तोमं चाग्नये ।
वर्षिष्ठाय क्षितीनामूर्जो नप्त्रे सहस्वते ॥
Samhita Transcription Accented
sákhāyaḥ sám vaḥ samyáñcamíṣam stómam cāgnáye ǀ
várṣiṣṭhāya kṣitīnā́mūrjó náptre sáhasvate ǁ
Samhita Transcription Nonaccented
sakhāyaḥ sam vaḥ samyañcamiṣam stomam cāgnaye ǀ
varṣiṣṭhāya kṣitīnāmūrjo naptre sahasvate ǁ
Padapatha Devanagari Accented
सखा॑यः । सम् । वः॒ । स॒म्यञ्च॑म् । इष॑म् । स्तोम॑म् । च॒ । अ॒ग्नये॑ ।
वर्षि॑ष्ठाय । क्षि॒ती॒नाम् । ऊ॒र्जः । नप्त्रे॑ । सह॑स्वते ॥
Padapatha Devanagari Nonaccented
सखायः । सम् । वः । सम्यञ्चम् । इषम् । स्तोमम् । च । अग्नये ।
वर्षिष्ठाय । क्षितीनाम् । ऊर्जः । नप्त्रे । सहस्वते ॥
Padapatha Transcription Accented
sákhāyaḥ ǀ sám ǀ vaḥ ǀ samyáñcam ǀ íṣam ǀ stómam ǀ ca ǀ agnáye ǀ
várṣiṣṭhāya ǀ kṣitīnā́m ǀ ūrjáḥ ǀ náptre ǀ sáhasvate ǁ
Padapatha Transcription Nonaccented
sakhāyaḥ ǀ sam ǀ vaḥ ǀ samyañcam ǀ iṣam ǀ stomam ǀ ca ǀ agnaye ǀ
varṣiṣṭhāya ǀ kṣitīnām ǀ ūrjaḥ ǀ naptre ǀ sahasvate ǁ
05.007.02 (Mandala. Sukta. Rik)
3.8.24.02 (Ashtaka. Adhyaya. Varga. Rik)
05.01.070 (Mandala. Anuvāka. Rik)
Samhita Devanagari Accented
कुत्रा॑ चि॒द्यस्य॒ समृ॑तौ र॒ण्वा नरो॑ नृ॒षद॑ने ।
अर्हं॑तश्चि॒द्यमिं॑ध॒ते सं॑ज॒नयं॑ति जं॒तवः॑ ॥
Samhita Devanagari Nonaccented
कुत्रा चिद्यस्य समृतौ रण्वा नरो नृषदने ।
अर्हंतश्चिद्यमिंधते संजनयंति जंतवः ॥
Samhita Transcription Accented
kútrā cidyásya sámṛtau raṇvā́ náro nṛṣádane ǀ
árhantaścidyámindhaté saṃjanáyanti jantávaḥ ǁ
Samhita Transcription Nonaccented
kutrā cidyasya samṛtau raṇvā naro nṛṣadane ǀ
arhantaścidyamindhate saṃjanayanti jantavaḥ ǁ
Padapatha Devanagari Accented
कुत्र॑ । चि॒त् । यस्य॑ । सम्ऽऋ॑तौ । र॒ण्वाः । नरः॑ । नृ॒ऽसद॑ने ।
अर्ह॑न्तः । चि॒त् । यम् । इ॒न्ध॒ते । स॒म्ऽज॒नय॑न्ति । ज॒न्तवः॑ ॥
Padapatha Devanagari Nonaccented
कुत्र । चित् । यस्य । सम्ऽऋतौ । रण्वाः । नरः । नृऽसदने ।
अर्हन्तः । चित् । यम् । इन्धते । सम्ऽजनयन्ति । जन्तवः ॥
Padapatha Transcription Accented
kútra ǀ cit ǀ yásya ǀ sám-ṛtau ǀ raṇvā́ḥ ǀ náraḥ ǀ nṛ-sádane ǀ
árhantaḥ ǀ cit ǀ yám ǀ indhaté ǀ sam-janáyanti ǀ jantávaḥ ǁ
Padapatha Transcription Nonaccented
kutra ǀ cit ǀ yasya ǀ sam-ṛtau ǀ raṇvāḥ ǀ naraḥ ǀ nṛ-sadane ǀ
arhantaḥ ǀ cit ǀ yam ǀ indhate ǀ sam-janayanti ǀ jantavaḥ ǁ
05.007.03 (Mandala. Sukta. Rik)
3.8.24.03 (Ashtaka. Adhyaya. Varga. Rik)
05.01.071 (Mandala. Anuvāka. Rik)
Samhita Devanagari Accented
सं यदि॒षो वना॑महे॒ सं ह॒व्या मानु॑षाणां ।
उ॒त द्यु॒म्नस्य॒ शव॑स ऋ॒तस्य॑ र॒श्मिमा द॑दे ॥
Samhita Devanagari Nonaccented
सं यदिषो वनामहे सं हव्या मानुषाणां ।
उत द्युम्नस्य शवस ऋतस्य रश्मिमा ददे ॥
Samhita Transcription Accented
sám yádiṣó vánāmahe sám havyā́ mā́nuṣāṇām ǀ
utá dyumnásya śávasa ṛtásya raśmímā́ dade ǁ
Samhita Transcription Nonaccented
sam yadiṣo vanāmahe sam havyā mānuṣāṇām ǀ
uta dyumnasya śavasa ṛtasya raśmimā dade ǁ
Padapatha Devanagari Accented
सम् । यत् । इ॒षः । वना॑महे । सम् । ह॒व्या । मानु॑षाणाम् ।
उ॒त । द्यु॒म्नस्य॑ । शव॑सा । ऋ॒तस्य॑ । र॒श्मिम् । आ । द॒दे॒ ॥
Padapatha Devanagari Nonaccented
सम् । यत् । इषः । वनामहे । सम् । हव्या । मानुषाणाम् ।
उत । द्युम्नस्य । शवसा । ऋतस्य । रश्मिम् । आ । ददे ॥
Padapatha Transcription Accented
sám ǀ yát ǀ iṣáḥ ǀ vánāmahe ǀ sám ǀ havyā́ ǀ mā́nuṣāṇām ǀ
utá ǀ dyumnásya ǀ śávasā ǀ ṛtásya ǀ raśmím ǀ ā́ ǀ dade ǁ
Padapatha Transcription Nonaccented
sam ǀ yat ǀ iṣaḥ ǀ vanāmahe ǀ sam ǀ havyā ǀ mānuṣāṇām ǀ
uta ǀ dyumnasya ǀ śavasā ǀ ṛtasya ǀ raśmim ǀ ā ǀ dade ǁ
05.007.04 (Mandala. Sukta. Rik)
3.8.24.04 (Ashtaka. Adhyaya. Varga. Rik)
05.01.072 (Mandala. Anuvāka. Rik)
Samhita Devanagari Accented
स स्मा॑ कृणोति के॒तुमा नक्तं॑ चिद्दू॒र आ स॒ते ।
पा॒व॒को यद्वन॒स्पती॒न्प्र स्मा॑ मि॒नात्य॒जरः॑ ॥
Samhita Devanagari Nonaccented
स स्मा कृणोति केतुमा नक्तं चिद्दूर आ सते ।
पावको यद्वनस्पतीन्प्र स्मा मिनात्यजरः ॥
Samhita Transcription Accented
sá smā kṛṇoti ketúmā́ náktam ciddūrá ā́ saté ǀ
pāvakó yádvánaspátīnprá smā minā́tyajáraḥ ǁ
Samhita Transcription Nonaccented
sa smā kṛṇoti ketumā naktam ciddūra ā sate ǀ
pāvako yadvanaspatīnpra smā minātyajaraḥ ǁ
Padapatha Devanagari Accented
सः । स्म॒ । कृ॒णो॒ति॒ । के॒तुम् । आ । नक्त॑म् । चि॒त् । दू॒रे । आ । स॒ते ।
पा॒व॒कः । यत् । वन॒स्पती॑न् । प्र । स्म॒ । मि॒नाति॑ । अ॒जरः॑ ॥
Padapatha Devanagari Nonaccented
सः । स्म । कृणोति । केतुम् । आ । नक्तम् । चित् । दूरे । आ । सते ।
पावकः । यत् । वनस्पतीन् । प्र । स्म । मिनाति । अजरः ॥
Padapatha Transcription Accented
sáḥ ǀ sma ǀ kṛṇoti ǀ ketúm ǀ ā́ ǀ náktam ǀ cit ǀ dūré ǀ ā́ ǀ saté ǀ
pāvakáḥ ǀ yát ǀ vánaspátīn ǀ prá ǀ sma ǀ minā́ti ǀ ajáraḥ ǁ
Padapatha Transcription Nonaccented
saḥ ǀ sma ǀ kṛṇoti ǀ ketum ǀ ā ǀ naktam ǀ cit ǀ dūre ǀ ā ǀ sate ǀ
pāvakaḥ ǀ yat ǀ vanaspatīn ǀ pra ǀ sma ǀ mināti ǀ ajaraḥ ǁ
05.007.05 (Mandala. Sukta. Rik)
3.8.24.05 (Ashtaka. Adhyaya. Varga. Rik)
05.01.073 (Mandala. Anuvāka. Rik)
Samhita Devanagari Accented
अव॑ स्म॒ यस्य॒ वेष॑णे॒ स्वेदं॑ प॒थिषु॒ जुह्व॑ति ।
अ॒भीमह॒ स्वजे॑न्यं॒ भूमा॑ पृ॒ष्ठेव॑ रुरुहुः ॥
Samhita Devanagari Nonaccented
अव स्म यस्य वेषणे स्वेदं पथिषु जुह्वति ।
अभीमह स्वजेन्यं भूमा पृष्ठेव रुरुहुः ॥
Samhita Transcription Accented
áva sma yásya véṣaṇe svédam pathíṣu júhvati ǀ
abhī́máha svájenyam bhū́mā pṛṣṭhéva ruruhuḥ ǁ
Samhita Transcription Nonaccented
ava sma yasya veṣaṇe svedam pathiṣu juhvati ǀ
abhīmaha svajenyam bhūmā pṛṣṭheva ruruhuḥ ǁ
Padapatha Devanagari Accented
अव॑ । स्म॒ । यस्य॑ । वेष॑णे । स्वेद॑म् । प॒थिषु॑ । जुह्व॑ति ।
अ॒भि । ई॒म् । अह॑ । स्वऽजे॑न्यम् । भूम॑ । पृ॒ष्ठाऽइ॑व । रु॒रु॒हुः॒ ॥
Padapatha Devanagari Nonaccented
अव । स्म । यस्य । वेषणे । स्वेदम् । पथिषु । जुह्वति ।
अभि । ईम् । अह । स्वऽजेन्यम् । भूम । पृष्ठाऽइव । रुरुहुः ॥
Padapatha Transcription Accented
áva ǀ sma ǀ yásya ǀ véṣaṇe ǀ svédam ǀ pathíṣu ǀ júhvati ǀ
abhí ǀ īm ǀ áha ǀ svá-jenyam ǀ bhū́ma ǀ pṛṣṭhā́-iva ǀ ruruhuḥ ǁ
Padapatha Transcription Nonaccented
ava ǀ sma ǀ yasya ǀ veṣaṇe ǀ svedam ǀ pathiṣu ǀ juhvati ǀ
abhi ǀ īm ǀ aha ǀ sva-jenyam ǀ bhūma ǀ pṛṣṭhā-iva ǀ ruruhuḥ ǁ
05.007.06 (Mandala. Sukta. Rik)
3.8.25.01 (Ashtaka. Adhyaya. Varga. Rik)
05.01.074 (Mandala. Anuvāka. Rik)
Samhita Devanagari Accented
यं मर्त्यः॑ पुरु॒स्पृहं॑ वि॒दद्विश्व॑स्य॒ धाय॑से ।
प्र स्वाद॑नं पितू॒नामस्त॑तातिं चिदा॒यवे॑ ॥
Samhita Devanagari Nonaccented
यं मर्त्यः पुरुस्पृहं विदद्विश्वस्य धायसे ।
प्र स्वादनं पितूनामस्ततातिं चिदायवे ॥
Samhita Transcription Accented
yám mártyaḥ puruspṛ́ham vidádvíśvasya dhā́yase ǀ
prá svā́danam pitūnā́mástatātim cidāyáve ǁ
Samhita Transcription Nonaccented
yam martyaḥ puruspṛham vidadviśvasya dhāyase ǀ
pra svādanam pitūnāmastatātim cidāyave ǁ
Padapatha Devanagari Accented
यम् । मर्त्यः॑ । पु॒रु॒ऽस्पृह॑म् । वि॒दत् । विश्व॑स्य । धाय॑से ।
प्र । स्वाद॑नम् । पि॒तू॒नाम् । अस्त॑ऽतातिम् । चि॒त् । आ॒यवे॑ ॥
Padapatha Devanagari Nonaccented
यम् । मर्त्यः । पुरुऽस्पृहम् । विदत् । विश्वस्य । धायसे ।
प्र । स्वादनम् । पितूनाम् । अस्तऽतातिम् । चित् । आयवे ॥
Padapatha Transcription Accented
yám ǀ mártyaḥ ǀ puru-spṛ́ham ǀ vidát ǀ víśvasya ǀ dhā́yase ǀ
prá ǀ svā́danam ǀ pitūnā́m ǀ ásta-tātim ǀ cit ǀ āyáve ǁ
Padapatha Transcription Nonaccented
yam ǀ martyaḥ ǀ puru-spṛham ǀ vidat ǀ viśvasya ǀ dhāyase ǀ
pra ǀ svādanam ǀ pitūnām ǀ asta-tātim ǀ cit ǀ āyave ǁ
05.007.07 (Mandala. Sukta. Rik)
3.8.25.02 (Ashtaka. Adhyaya. Varga. Rik)
05.01.075 (Mandala. Anuvāka. Rik)
Samhita Devanagari Accented
स हि ष्मा॒ धन्वाक्षि॑तं॒ दाता॒ न दात्या प॒शुः ।
हिरि॑श्मश्रुः॒ शुचि॑दन्नृ॒भुरनि॑भृष्टतविषिः ॥
Samhita Devanagari Nonaccented
स हि ष्मा धन्वाक्षितं दाता न दात्या पशुः ।
हिरिश्मश्रुः शुचिदन्नृभुरनिभृष्टतविषिः ॥
Samhita Transcription Accented
sá hí ṣmā dhánvā́kṣitam dā́tā ná dā́tyā́ paśúḥ ǀ
híriśmaśruḥ śúcidannṛbhúránibhṛṣṭataviṣiḥ ǁ
Samhita Transcription Nonaccented
sa hi ṣmā dhanvākṣitam dātā na dātyā paśuḥ ǀ
hiriśmaśruḥ śucidannṛbhuranibhṛṣṭataviṣiḥ ǁ
Padapatha Devanagari Accented
सः । हि । स्म॒ । धन्व॑ । आऽक्षि॑तम् । दाता॑ । न । दाति॑ । आ । प॒शुः ।
हिरि॑ऽश्मश्रुः । शुचि॑ऽदन् । ऋ॒भुः । अनि॑भृष्टऽतविषिः ॥
Padapatha Devanagari Nonaccented
सः । हि । स्म । धन्व । आऽक्षितम् । दाता । न । दाति । आ । पशुः ।
हिरिऽश्मश्रुः । शुचिऽदन् । ऋभुः । अनिभृष्टऽतविषिः ॥
Padapatha Transcription Accented
sáḥ ǀ hí ǀ sma ǀ dhánva ǀ ā́-kṣitam ǀ dā́tā ǀ ná ǀ dā́ti ǀ ā́ ǀ paśúḥ ǀ
híri-śmaśruḥ ǀ śúci-dan ǀ ṛbhúḥ ǀ ánibhṛṣṭa-taviṣiḥ ǁ
Padapatha Transcription Nonaccented
saḥ ǀ hi ǀ sma ǀ dhanva ǀ ā-kṣitam ǀ dātā ǀ na ǀ dāti ǀ ā ǀ paśuḥ ǀ
hiri-śmaśruḥ ǀ śuci-dan ǀ ṛbhuḥ ǀ anibhṛṣṭa-taviṣiḥ ǁ
05.007.08 (Mandala. Sukta. Rik)
3.8.25.03 (Ashtaka. Adhyaya. Varga. Rik)
05.01.076 (Mandala. Anuvāka. Rik)
Samhita Devanagari Accented
शुचिः॑ ष्म॒ यस्मा॑ अत्रि॒वत्प्र स्वधि॑तीव॒ रीय॑ते ।
सु॒षूर॑सूत मा॒ता क्रा॒णा यदा॑न॒शे भगं॑ ॥
Samhita Devanagari Nonaccented
शुचिः ष्म यस्मा अत्रिवत्प्र स्वधितीव रीयते ।
सुषूरसूत माता क्राणा यदानशे भगं ॥
Samhita Transcription Accented
śúciḥ ṣma yásmā atrivátprá svádhitīva rī́yate ǀ
suṣū́rasūta mātā́ krāṇā́ yádānaśé bhágam ǁ
Samhita Transcription Nonaccented
śuciḥ ṣma yasmā atrivatpra svadhitīva rīyate ǀ
suṣūrasūta mātā krāṇā yadānaśe bhagam ǁ
Padapatha Devanagari Accented
शुचिः॑ । स्म॒ । यस्मै॑ । अ॒त्रि॒ऽवत् । प्र । स्वधि॑तिःऽइव । रीय॑ते ।
सु॒ऽसूः । अ॒सू॒त॒ । मा॒ता । क्रा॒णा । यत् । आ॒न॒शे । भग॑म् ॥
Padapatha Devanagari Nonaccented
शुचिः । स्म । यस्मै । अत्रिऽवत् । प्र । स्वधितिःऽइव । रीयते ।
सुऽसूः । असूत । माता । क्राणा । यत् । आनशे । भगम् ॥
Padapatha Transcription Accented
śúciḥ ǀ sma ǀ yásmai ǀ atri-vát ǀ prá ǀ svádhitiḥ-iva ǀ rī́yate ǀ
su-sū́ḥ ǀ asūta ǀ mātā́ ǀ krāṇā́ ǀ yát ǀ ānaśé ǀ bhágam ǁ
Padapatha Transcription Nonaccented
śuciḥ ǀ sma ǀ yasmai ǀ atri-vat ǀ pra ǀ svadhitiḥ-iva ǀ rīyate ǀ
su-sūḥ ǀ asūta ǀ mātā ǀ krāṇā ǀ yat ǀ ānaśe ǀ bhagam ǁ
05.007.09 (Mandala. Sukta. Rik)
3.8.25.04 (Ashtaka. Adhyaya. Varga. Rik)
05.01.077 (Mandala. Anuvāka. Rik)
Samhita Devanagari Accented
आ यस्ते॑ सर्पिरासु॒तेऽग्ने॒ शमस्ति॒ धाय॑से ।
ऐषु॑ द्यु॒म्नमु॒त श्रव॒ आ चि॒त्तं मर्त्ये॑षु धाः ॥
Samhita Devanagari Nonaccented
आ यस्ते सर्पिरासुतेऽग्ने शमस्ति धायसे ।
ऐषु द्युम्नमुत श्रव आ चित्तं मर्त्येषु धाः ॥
Samhita Transcription Accented
ā́ yáste sarpirāsuté’gne śámásti dhā́yase ǀ
áiṣu dyumnámutá śráva ā́ cittám mártyeṣu dhāḥ ǁ
Samhita Transcription Nonaccented
ā yaste sarpirāsute’gne śamasti dhāyase ǀ
aiṣu dyumnamuta śrava ā cittam martyeṣu dhāḥ ǁ
Padapatha Devanagari Accented
आ । यः । ते॒ । स॒र्पिः॒ऽआ॒सु॒ते॒ । अग्ने॑ । शम् । अस्ति॑ । धाय॑से ।
आ । ए॒षु॒ । द्यु॒म्नम् । उ॒त । श्रवः॑ । आ । चि॒त्तम् । मर्त्ये॑षु । धाः॒ ॥
Padapatha Devanagari Nonaccented
आ । यः । ते । सर्पिःऽआसुते । अग्ने । शम् । अस्ति । धायसे ।
आ । एषु । द्युम्नम् । उत । श्रवः । आ । चित्तम् । मर्त्येषु । धाः ॥
Padapatha Transcription Accented
ā́ ǀ yáḥ ǀ te ǀ sarpiḥ-āsute ǀ ágne ǀ śám ǀ ásti ǀ dhā́yase ǀ
ā́ ǀ eṣu ǀ dyumnám ǀ utá ǀ śrávaḥ ǀ ā́ ǀ cittám ǀ mártyeṣu ǀ dhāḥ ǁ
Padapatha Transcription Nonaccented
ā ǀ yaḥ ǀ te ǀ sarpiḥ-āsute ǀ agne ǀ śam ǀ asti ǀ dhāyase ǀ
ā ǀ eṣu ǀ dyumnam ǀ uta ǀ śravaḥ ǀ ā ǀ cittam ǀ martyeṣu ǀ dhāḥ ǁ
05.007.10 (Mandala. Sukta. Rik)
3.8.25.05 (Ashtaka. Adhyaya. Varga. Rik)
05.01.078 (Mandala. Anuvāka. Rik)
Samhita Devanagari Accented
इति॑ चिन्म॒न्युम॒ध्रिज॒स्त्वादा॑त॒मा प॒शुं द॑दे ।
आद॑ग्ने॒ अपृ॑ण॒तोऽत्रिः॑ सासह्या॒द्दस्यू॑नि॒षः सा॑सह्या॒न्नॄन् ॥
Samhita Devanagari Nonaccented
इति चिन्मन्युमध्रिजस्त्वादातमा पशुं ददे ।
आदग्ने अपृणतोऽत्रिः सासह्याद्दस्यूनिषः सासह्यान्नॄन् ॥
Samhita Transcription Accented
íti cinmanyúmadhríjastvā́dātamā́ paśúm dade ǀ
ā́dagne ápṛṇató’triḥ sāsahyāddásyūniṣáḥ sāsahyānnṝ́n ǁ
Samhita Transcription Nonaccented
iti cinmanyumadhrijastvādātamā paśum dade ǀ
ādagne apṛṇato’triḥ sāsahyāddasyūniṣaḥ sāsahyānnṝn ǁ
Padapatha Devanagari Accented
इति॑ । चि॒त् । म॒न्युम् । अ॒ध्रिजः॑ । त्वाऽदा॑तम् । आ । प॒शुम् । द॒दे॒ ।
आत् । अ॒ग्ने॒ । अपृ॑णतः । अत्रिः॑ । स॒स॒ह्या॒त् । दस्यू॑न् । इ॒षः । स॒स॒ह्या॒त् । नॄन् ॥
Padapatha Devanagari Nonaccented
इति । चित् । मन्युम् । अध्रिजः । त्वाऽदातम् । आ । पशुम् । ददे ।
आत् । अग्ने । अपृणतः । अत्रिः । ससह्यात् । दस्यून् । इषः । ससह्यात् । नॄन् ॥
Padapatha Transcription Accented
íti ǀ cit ǀ manyúm ǀ adhríjaḥ ǀ tvā́-dātam ǀ ā́ ǀ paśúm ǀ dade ǀ
ā́t ǀ agne ǀ ápṛṇataḥ ǀ átriḥ ǀ sasahyāt ǀ dásyūn ǀ iṣáḥ ǀ sasahyāt ǀ nṝ́n ǁ
Padapatha Transcription Nonaccented
iti ǀ cit ǀ manyum ǀ adhrijaḥ ǀ tvā-dātam ǀ ā ǀ paśum ǀ dade ǀ
āt ǀ agne ǀ apṛṇataḥ ǀ atriḥ ǀ sasahyāt ǀ dasyūn ǀ iṣaḥ ǀ sasahyāt ǀ nṝn ǁ