|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 8
|
1. Info |
| To: | agni | |
| From: | iṣa ātreya | |
| Metres: | 1st set of styles: virāṭtrisṭup (1, 5); nicṛjjagatī (3, 4); virāḍjagatī (6, 7); bhuriktriṣṭup (2) 2nd set of styles: jagatī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.008.01 (Mandala. Sukta. Rik)
3.8.26.01 (Ashtaka. Adhyaya. Varga. Rik)
05.01.079 (Mandala. Anuvāka. Rik)
Samhita Devanagari Accented
त्वाम॑ग्न ऋता॒यवः॒ समी॑धिरे प्र॒त्नं प्र॒त्नास॑ ऊ॒तये॑ सहस्कृत ।
पु॒रु॒श्चं॒द्रं य॑ज॒तं वि॒श्वधा॑यसं॒ दमू॑नसं गृ॒हप॑तिं॒ वरे॑ण्यं ॥
Samhita Devanagari Nonaccented
त्वामग्न ऋतायवः समीधिरे प्रत्नं प्रत्नास ऊतये सहस्कृत ।
पुरुश्चंद्रं यजतं विश्वधायसं दमूनसं गृहपतिं वरेण्यं ॥
Samhita Transcription Accented
tvā́magna ṛtāyávaḥ sámīdhire pratnám pratnā́sa ūtáye sahaskṛta ǀ
puruścandrám yajatám viśvádhāyasam dámūnasam gṛhápatim váreṇyam ǁ
Samhita Transcription Nonaccented
tvāmagna ṛtāyavaḥ samīdhire pratnam pratnāsa ūtaye sahaskṛta ǀ
puruścandram yajatam viśvadhāyasam damūnasam gṛhapatim vareṇyam ǁ
Padapatha Devanagari Accented
त्वाम् । अ॒ग्ने॒ । ऋ॒त॒ऽयवः॑ । सम् । ई॒धि॒रे॒ । प्र॒त्नम् । प्र॒त्नासः॑ । ऊ॒तये॑ । स॒हः॒ऽकृ॒त॒ ।
पु॒रु॒ऽच॒न्द्रम् । य॒ज॒तम् । वि॒श्वऽधा॑यसम् । दमू॑नसम् । गृ॒हऽप॑तिम् । वरे॑ण्यम् ॥
Padapatha Devanagari Nonaccented
त्वाम् । अग्ने । ऋतऽयवः । सम् । ईधिरे । प्रत्नम् । प्रत्नासः । ऊतये । सहःऽकृत ।
पुरुऽचन्द्रम् । यजतम् । विश्वऽधायसम् । दमूनसम् । गृहऽपतिम् । वरेण्यम् ॥
Padapatha Transcription Accented
tvā́m ǀ agne ǀ ṛta-yávaḥ ǀ sám ǀ īdhire ǀ pratnám ǀ pratnā́saḥ ǀ ūtáye ǀ sahaḥ-kṛta ǀ
puru-candrám ǀ yajatám ǀ viśvá-dhāyasam ǀ dámūnasam ǀ gṛhá-patim ǀ váreṇyam ǁ
Padapatha Transcription Nonaccented
tvām ǀ agne ǀ ṛta-yavaḥ ǀ sam ǀ īdhire ǀ pratnam ǀ pratnāsaḥ ǀ ūtaye ǀ sahaḥ-kṛta ǀ
puru-candram ǀ yajatam ǀ viśva-dhāyasam ǀ damūnasam ǀ gṛha-patim ǀ vareṇyam ǁ
05.008.02 (Mandala. Sukta. Rik)
3.8.26.02 (Ashtaka. Adhyaya. Varga. Rik)
05.01.080 (Mandala. Anuvāka. Rik)
Samhita Devanagari Accented
त्वाम॑ग्ने॒ अति॑थिं पू॒र्व्यं विशः॑ शो॒चिष्के॑शं गृ॒हप॑तिं॒ नि षे॑दिरे ।
बृ॒हत्के॑तुं पुरु॒रूपं॑ धन॒स्पृतं॑ सु॒शर्मा॑णं॒ स्वव॑सं जर॒द्विषं॑ ॥
Samhita Devanagari Nonaccented
त्वामग्ने अतिथिं पूर्व्यं विशः शोचिष्केशं गृहपतिं नि षेदिरे ।
बृहत्केतुं पुरुरूपं धनस्पृतं सुशर्माणं स्ववसं जरद्विषं ॥
Samhita Transcription Accented
tvā́magne átithim pūrvyám víśaḥ śocíṣkeśam gṛhápatim ní ṣedire ǀ
bṛhátketum pururū́pam dhanaspṛ́tam suśármāṇam svávasam jaradvíṣam ǁ
Samhita Transcription Nonaccented
tvāmagne atithim pūrvyam viśaḥ śociṣkeśam gṛhapatim ni ṣedire ǀ
bṛhatketum pururūpam dhanaspṛtam suśarmāṇam svavasam jaradviṣam ǁ
Padapatha Devanagari Accented
त्वाम् । अ॒ग्ने॒ । अति॑थिम् । पू॒र्व्यम् । विशः॑ । शो॒चिःऽके॑शम् । गृ॒हऽप॑तिम् । नि । से॒दि॒रे॒ ।
बृ॒हत्ऽके॑तुम् । पु॒रु॒ऽरूप॑म् । ध॒न॒ऽस्पृत॑म् । सु॒ऽशर्मा॑णम् । सु॒ऽअव॑सम् । ज॒र॒त्ऽविष॑म् ॥
Padapatha Devanagari Nonaccented
त्वाम् । अग्ने । अतिथिम् । पूर्व्यम् । विशः । शोचिःऽकेशम् । गृहऽपतिम् । नि । सेदिरे ।
बृहत्ऽकेतुम् । पुरुऽरूपम् । धनऽस्पृतम् । सुऽशर्माणम् । सुऽअवसम् । जरत्ऽविषम् ॥
Padapatha Transcription Accented
tvā́m ǀ agne ǀ átithim ǀ pūrvyám ǀ víśaḥ ǀ śocíḥ-keśam ǀ gṛhá-patim ǀ ní ǀ sedire ǀ
bṛhát-ketum ǀ puru-rū́pam ǀ dhana-spṛ́tam ǀ su-śármāṇam ǀ su-ávasam ǀ jarat-víṣam ǁ
Padapatha Transcription Nonaccented
tvām ǀ agne ǀ atithim ǀ pūrvyam ǀ viśaḥ ǀ śociḥ-keśam ǀ gṛha-patim ǀ ni ǀ sedire ǀ
bṛhat-ketum ǀ puru-rūpam ǀ dhana-spṛtam ǀ su-śarmāṇam ǀ su-avasam ǀ jarat-viṣam ǁ
05.008.03 (Mandala. Sukta. Rik)
3.8.26.03 (Ashtaka. Adhyaya. Varga. Rik)
05.01.081 (Mandala. Anuvāka. Rik)
Samhita Devanagari Accented
त्वाम॑ग्ने॒ मानु॑षीरीळते॒ विशो॑ होत्रा॒विदं॒ विवि॑चिं रत्न॒धात॑मं ।
गुहा॒ संतं॑ सुभग वि॒श्वद॑र्शतं तुविष्व॒णसं॑ सु॒यजं॑ घृत॒श्रियं॑ ॥
Samhita Devanagari Nonaccented
त्वामग्ने मानुषीरीळते विशो होत्राविदं विविचिं रत्नधातमं ।
गुहा संतं सुभग विश्वदर्शतं तुविष्वणसं सुयजं घृतश्रियं ॥
Samhita Transcription Accented
tvā́magne mā́nuṣīrīḷate víśo hotrāvídam vívicim ratnadhā́tamam ǀ
gúhā sántam subhaga viśvádarśatam tuviṣvaṇásam suyájam ghṛtaśríyam ǁ
Samhita Transcription Nonaccented
tvāmagne mānuṣīrīḷate viśo hotrāvidam vivicim ratnadhātamam ǀ
guhā santam subhaga viśvadarśatam tuviṣvaṇasam suyajam ghṛtaśriyam ǁ
Padapatha Devanagari Accented
त्वाम् । अ॒ग्ने॒ । मानु॑षीः । ई॒ळ॒ते॒ । विशः॑ । हो॒त्रा॒ऽविद॑म् । विवि॑चिम् । र॒त्न॒ऽधात॑मम् ।
गुहा॑ । सन्त॑म् । सु॒ऽभ॒ग॒ । वि॒श्वऽद॑र्शतम् । तु॒वि॒ऽस्व॒नस॑म् । सु॒ऽयज॑म् । घृ॒त॒ऽश्रिय॑म् ॥
Padapatha Devanagari Nonaccented
त्वाम् । अग्ने । मानुषीः । ईळते । विशः । होत्राऽविदम् । विविचिम् । रत्नऽधातमम् ।
गुहा । सन्तम् । सुऽभग । विश्वऽदर्शतम् । तुविऽस्वनसम् । सुऽयजम् । घृतऽश्रियम् ॥
Padapatha Transcription Accented
tvā́m ǀ agne ǀ mā́nuṣīḥ ǀ īḷate ǀ víśaḥ ǀ hotrā-vídam ǀ vívicim ǀ ratna-dhā́tamam ǀ
gúhā ǀ sántam ǀ su-bhaga ǀ viśvá-darśatam ǀ tuvi-svanásam ǀ su-yájam ǀ ghṛta-śríyam ǁ
Padapatha Transcription Nonaccented
tvām ǀ agne ǀ mānuṣīḥ ǀ īḷate ǀ viśaḥ ǀ hotrā-vidam ǀ vivicim ǀ ratna-dhātamam ǀ
guhā ǀ santam ǀ su-bhaga ǀ viśva-darśatam ǀ tuvi-svanasam ǀ su-yajam ǀ ghṛta-śriyam ǁ
05.008.04 (Mandala. Sukta. Rik)
3.8.26.04 (Ashtaka. Adhyaya. Varga. Rik)
05.01.082 (Mandala. Anuvāka. Rik)
Samhita Devanagari Accented
त्वाम॑ग्ने धर्ण॒सिं वि॒श्वधा॑ व॒यं गी॒र्भिर्गृ॒णंतो॒ नम॒सोप॑ सेदिम ।
स नो॑ जुषस्व समिधा॒नो अं॑गिरो दे॒वो मर्त॑स्य य॒शसा॑ सुदी॒तिभिः॑ ॥
Samhita Devanagari Nonaccented
त्वामग्ने धर्णसिं विश्वधा वयं गीर्भिर्गृणंतो नमसोप सेदिम ।
स नो जुषस्व समिधानो अंगिरो देवो मर्तस्य यशसा सुदीतिभिः ॥
Samhita Transcription Accented
tvā́magne dharṇasím viśvádhā vayám gīrbhírgṛṇánto námasópa sedima ǀ
sá no juṣasva samidhānó aṅgiro devó mártasya yaśásā sudītíbhiḥ ǁ
Samhita Transcription Nonaccented
tvāmagne dharṇasim viśvadhā vayam gīrbhirgṛṇanto namasopa sedima ǀ
sa no juṣasva samidhāno aṅgiro devo martasya yaśasā sudītibhiḥ ǁ
Padapatha Devanagari Accented
त्वाम् । अ॒ग्ने॒ । ध॒र्ण॒सिम् । वि॒श्वधा॑ । व॒यम् । गीः॒ऽभिः । गृ॒णन्तः॑ । नम॑सा । उप॑ । से॒दि॒म॒ ।
सः । नः॒ । जु॒ष॒स्व॒ । स॒म्ऽइ॒धा॒नः । अ॒ङ्गि॒रः॒ । दे॒वः । मर्त॑स्य । य॒शसा॑ । सु॒दी॒तिऽभिः॑ ॥
Padapatha Devanagari Nonaccented
त्वाम् । अग्ने । धर्णसिम् । विश्वधा । वयम् । गीःऽभिः । गृणन्तः । नमसा । उप । सेदिम ।
सः । नः । जुषस्व । सम्ऽइधानः । अङ्गिरः । देवः । मर्तस्य । यशसा । सुदीतिऽभिः ॥
Padapatha Transcription Accented
tvā́m ǀ agne ǀ dharṇasím ǀ viśvádhā ǀ vayám ǀ gīḥ-bhíḥ ǀ gṛṇántaḥ ǀ námasā ǀ úpa ǀ sedima ǀ
sáḥ ǀ naḥ ǀ juṣasva ǀ sam-idhānáḥ ǀ aṅgiraḥ ǀ deváḥ ǀ mártasya ǀ yaśásā ǀ sudītí-bhiḥ ǁ
Padapatha Transcription Nonaccented
tvām ǀ agne ǀ dharṇasim ǀ viśvadhā ǀ vayam ǀ gīḥ-bhiḥ ǀ gṛṇantaḥ ǀ namasā ǀ upa ǀ sedima ǀ
saḥ ǀ naḥ ǀ juṣasva ǀ sam-idhānaḥ ǀ aṅgiraḥ ǀ devaḥ ǀ martasya ǀ yaśasā ǀ sudīti-bhiḥ ǁ
05.008.05 (Mandala. Sukta. Rik)
3.8.26.05 (Ashtaka. Adhyaya. Varga. Rik)
05.01.083 (Mandala. Anuvāka. Rik)
Samhita Devanagari Accented
त्वम॑ग्ने पुरु॒रूपो॑ वि॒शेवि॑शे॒ वयो॑ दधासि प्र॒त्नथा॑ पुरुष्टुत ।
पु॒रूण्यन्ना॒ सह॑सा॒ वि रा॑जसि॒ त्विषिः॒ सा ते॑ तित्विषा॒णस्य॒ नाधृषे॑ ॥
Samhita Devanagari Nonaccented
त्वमग्ने पुरुरूपो विशेविशे वयो दधासि प्रत्नथा पुरुष्टुत ।
पुरूण्यन्ना सहसा वि राजसि त्विषिः सा ते तित्विषाणस्य नाधृषे ॥
Samhita Transcription Accented
tvámagne pururū́po viśéviśe váyo dadhāsi pratnáthā puruṣṭuta ǀ
purū́ṇyánnā sáhasā ví rājasi tvíṣiḥ sā́ te titviṣāṇásya nā́dhṛ́ṣe ǁ
Samhita Transcription Nonaccented
tvamagne pururūpo viśeviśe vayo dadhāsi pratnathā puruṣṭuta ǀ
purūṇyannā sahasā vi rājasi tviṣiḥ sā te titviṣāṇasya nādhṛṣe ǁ
Padapatha Devanagari Accented
त्वम् । अ॒ग्ने॒ । पु॒रु॒ऽरूपः॑ । वि॒शेऽवि॑शे । वयः॑ । द॒धा॒सि॒ । प्र॒त्नऽथा॑ । पु॒रु॒ऽस्तु॒त॒ ।
पु॒रूणि॑ । अन्ना॑ । सह॑सा । वि । रा॒ज॒सि॒ । त्विषिः॑ । सा । ते॒ । ति॒त्वि॒षा॒णस्य॑ । न । आ॒ऽधृषे॑ ॥
Padapatha Devanagari Nonaccented
त्वम् । अग्ने । पुरुऽरूपः । विशेऽविशे । वयः । दधासि । प्रत्नऽथा । पुरुऽस्तुत ।
पुरूणि । अन्ना । सहसा । वि । राजसि । त्विषिः । सा । ते । तित्विषाणस्य । न । आऽधृषे ॥
Padapatha Transcription Accented
tvám ǀ agne ǀ puru-rū́paḥ ǀ viśé-viśe ǀ váyaḥ ǀ dadhāsi ǀ pratná-thā ǀ puru-stuta ǀ
purū́ṇi ǀ ánnā ǀ sáhasā ǀ ví ǀ rājasi ǀ tvíṣiḥ ǀ sā́ ǀ te ǀ titviṣāṇásya ǀ ná ǀ ā-dhṛ́ṣe ǁ
Padapatha Transcription Nonaccented
tvam ǀ agne ǀ puru-rūpaḥ ǀ viśe-viśe ǀ vayaḥ ǀ dadhāsi ǀ pratna-thā ǀ puru-stuta ǀ
purūṇi ǀ annā ǀ sahasā ǀ vi ǀ rājasi ǀ tviṣiḥ ǀ sā ǀ te ǀ titviṣāṇasya ǀ na ǀ ā-dhṛṣe ǁ
05.008.06 (Mandala. Sukta. Rik)
3.8.26.06 (Ashtaka. Adhyaya. Varga. Rik)
05.01.084 (Mandala. Anuvāka. Rik)
Samhita Devanagari Accented
त्वाम॑ग्ने समिधा॒नं य॑विष्ठ्य दे॒वा दू॒तं च॑क्रिरे हव्य॒वाह॑नं ।
उ॒रु॒ज्रय॑सं घृ॒तयो॑नि॒माहु॑तं त्वे॒षं चक्षु॑र्दधिरे चोद॒यन्म॑ति ॥
Samhita Devanagari Nonaccented
त्वामग्ने समिधानं यविष्ठ्य देवा दूतं चक्रिरे हव्यवाहनं ।
उरुज्रयसं घृतयोनिमाहुतं त्वेषं चक्षुर्दधिरे चोदयन्मति ॥
Samhita Transcription Accented
tvā́magne samidhānám yaviṣṭhya devā́ dūtám cakrire havyavā́hanam ǀ
urujráyasam ghṛtáyonimā́hutam tveṣám cákṣurdadhire codayánmati ǁ
Samhita Transcription Nonaccented
tvāmagne samidhānam yaviṣṭhya devā dūtam cakrire havyavāhanam ǀ
urujrayasam ghṛtayonimāhutam tveṣam cakṣurdadhire codayanmati ǁ
Padapatha Devanagari Accented
त्वाम् । अ॒ग्ने॒ । स॒म्ऽइ॒धा॒नम् । य॒वि॒ष्ठ्य॒ । दे॒वाः । दू॒तम् । च॒क्रि॒रे॒ । ह॒व्य॒ऽवाह॑नम् ।
उ॒रु॒ऽज्रय॑सम् । घृ॒तऽयो॑निम् । आऽहु॑तम् । त्वे॒षम् । चक्षुः॑ । द॒धि॒रे॒ । चो॒द॒यत्ऽम॑ति ॥
Padapatha Devanagari Nonaccented
त्वाम् । अग्ने । सम्ऽइधानम् । यविष्ठ्य । देवाः । दूतम् । चक्रिरे । हव्यऽवाहनम् ।
उरुऽज्रयसम् । घृतऽयोनिम् । आऽहुतम् । त्वेषम् । चक्षुः । दधिरे । चोदयत्ऽमति ॥
Padapatha Transcription Accented
tvā́m ǀ agne ǀ sam-idhānám ǀ yaviṣṭhya ǀ devā́ḥ ǀ dūtám ǀ cakrire ǀ havya-vā́hanam ǀ
uru-jráyasam ǀ ghṛtá-yonim ǀ ā́-hutam ǀ tveṣám ǀ cákṣuḥ ǀ dadhire ǀ codayát-mati ǁ
Padapatha Transcription Nonaccented
tvām ǀ agne ǀ sam-idhānam ǀ yaviṣṭhya ǀ devāḥ ǀ dūtam ǀ cakrire ǀ havya-vāhanam ǀ
uru-jrayasam ǀ ghṛta-yonim ǀ ā-hutam ǀ tveṣam ǀ cakṣuḥ ǀ dadhire ǀ codayat-mati ǁ
05.008.07 (Mandala. Sukta. Rik)
3.8.26.07 (Ashtaka. Adhyaya. Varga. Rik)
05.01.085 (Mandala. Anuvāka. Rik)
Samhita Devanagari Accented
त्वाम॑ग्ने प्र॒दिव॒ आहु॑तं घृ॒तैः सु॑म्ना॒यवः॑ सुष॒मिधा॒ समी॑धिरे ।
स वा॑वृधा॒न ओष॑धीभिरुक्षि॒तो॒३॒॑ऽभि ज्रयां॑सि॒ पार्थि॑वा॒ वि ति॑ष्ठसे ॥
Samhita Devanagari Nonaccented
त्वामग्ने प्रदिव आहुतं घृतैः सुम्नायवः सुषमिधा समीधिरे ।
स वावृधान ओषधीभिरुक्षितोऽभि ज्रयांसि पार्थिवा वि तिष्ठसे ॥
Samhita Transcription Accented
tvā́magne pradíva ā́hutam ghṛtáiḥ sumnāyávaḥ suṣamídhā sámīdhire ǀ
sá vāvṛdhāná óṣadhībhirukṣitó’bhí jráyāṃsi pā́rthivā ví tiṣṭhase ǁ
Samhita Transcription Nonaccented
tvāmagne pradiva āhutam ghṛtaiḥ sumnāyavaḥ suṣamidhā samīdhire ǀ
sa vāvṛdhāna oṣadhībhirukṣito’bhi jrayāṃsi pārthivā vi tiṣṭhase ǁ
Padapatha Devanagari Accented
त्वाम् । अ॒ग्ने॒ । प्र॒ऽदिवः॑ । आऽहु॑तम् । घृ॒तैः । सु॒म्न॒ऽयवः॑ । सु॒ऽस॒मिधा॑ । सम् । ई॒धि॒रे॒ ।
सः । व॒वृ॒धा॒नः । ओष॑धीभिः । उ॒क्षि॒तः । अ॒भि । ज्रयां॑सि । पार्थि॑वा । वि । ति॒ष्ठ॒से॒ ॥
Padapatha Devanagari Nonaccented
त्वाम् । अग्ने । प्रऽदिवः । आऽहुतम् । घृतैः । सुम्नऽयवः । सुऽसमिधा । सम् । ईधिरे ।
सः । ववृधानः । ओषधीभिः । उक्षितः । अभि । ज्रयांसि । पार्थिवा । वि । तिष्ठसे ॥
Padapatha Transcription Accented
tvā́m ǀ agne ǀ pra-dívaḥ ǀ ā́-hutam ǀ ghṛtáiḥ ǀ sumna-yávaḥ ǀ su-samídhā ǀ sám ǀ īdhire ǀ
sáḥ ǀ vavṛdhānáḥ ǀ óṣadhībhiḥ ǀ ukṣitáḥ ǀ abhí ǀ jráyāṃsi ǀ pā́rthivā ǀ ví ǀ tiṣṭhase ǁ
Padapatha Transcription Nonaccented
tvām ǀ agne ǀ pra-divaḥ ǀ ā-hutam ǀ ghṛtaiḥ ǀ sumna-yavaḥ ǀ su-samidhā ǀ sam ǀ īdhire ǀ
saḥ ǀ vavṛdhānaḥ ǀ oṣadhībhiḥ ǀ ukṣitaḥ ǀ abhi ǀ jrayāṃsi ǀ pārthivā ǀ vi ǀ tiṣṭhase ǁ