|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 16
|
1. Info |
| To: | agni | |
| From: | pūru ātreya | |
| Metres: | 1st set of styles: virāṭtrisṭup (1-3); bhuriguṣṇik (4); bṛhatī (5) 2nd set of styles: anuṣṭubh (1-4); paṅkti (5) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.016.01 (Mandala. Sukta. Rik)
4.1.08.01 (Ashtaka. Adhyaya. Varga. Rik)
05.02.006 (Mandala. Anuvāka. Rik)
Samhita Devanagari Accented
बृ॒हद्वयो॒ हि भा॒नवेऽर्चा॑ दे॒वाया॒ग्नये॑ ।
यं मि॒त्रं न प्रश॑स्तिभि॒र्मर्ता॑सो दधि॒रे पु॒रः ॥
Samhita Devanagari Nonaccented
बृहद्वयो हि भानवेऽर्चा देवायाग्नये ।
यं मित्रं न प्रशस्तिभिर्मर्तासो दधिरे पुरः ॥
Samhita Transcription Accented
bṛhádváyo hí bhānávé’rcā devā́yāgnáye ǀ
yám mitrám ná práśastibhirmártāso dadhiré puráḥ ǁ
Samhita Transcription Nonaccented
bṛhadvayo hi bhānave’rcā devāyāgnaye ǀ
yam mitram na praśastibhirmartāso dadhire puraḥ ǁ
Padapatha Devanagari Accented
बृ॒हत् । वयः॑ । हि । भा॒नवे॑ । अर्च॑ । दे॒वाय॑ । अ॒ग्नये॑ ।
यम् । मि॒त्रम् । न । प्रश॑स्तिऽभिः । मर्ता॑सः । द॒धि॒रे । पु॒रः ॥
Padapatha Devanagari Nonaccented
बृहत् । वयः । हि । भानवे । अर्च । देवाय । अग्नये ।
यम् । मित्रम् । न । प्रशस्तिऽभिः । मर्तासः । दधिरे । पुरः ॥
Padapatha Transcription Accented
bṛhát ǀ váyaḥ ǀ hí ǀ bhānáve ǀ árca ǀ devā́ya ǀ agnáye ǀ
yám ǀ mitrám ǀ ná ǀ práśasti-bhiḥ ǀ mártāsaḥ ǀ dadhiré ǀ puráḥ ǁ
Padapatha Transcription Nonaccented
bṛhat ǀ vayaḥ ǀ hi ǀ bhānave ǀ arca ǀ devāya ǀ agnaye ǀ
yam ǀ mitram ǀ na ǀ praśasti-bhiḥ ǀ martāsaḥ ǀ dadhire ǀ puraḥ ǁ
05.016.02 (Mandala. Sukta. Rik)
4.1.08.02 (Ashtaka. Adhyaya. Varga. Rik)
05.02.007 (Mandala. Anuvāka. Rik)
Samhita Devanagari Accented
स हि द्युभि॒र्जना॑नां॒ होता॒ दक्ष॑स्य बा॒ह्वोः ।
वि ह॒व्यम॒ग्निरा॑नु॒षग्भगो॒ न वार॑मृण्वति ॥
Samhita Devanagari Nonaccented
स हि द्युभिर्जनानां होता दक्षस्य बाह्वोः ।
वि हव्यमग्निरानुषग्भगो न वारमृण्वति ॥
Samhita Transcription Accented
sá hí dyúbhirjánānām hótā dákṣasya bāhvóḥ ǀ
ví havyámagnírānuṣágbhágo ná vā́ramṛṇvati ǁ
Samhita Transcription Nonaccented
sa hi dyubhirjanānām hotā dakṣasya bāhvoḥ ǀ
vi havyamagnirānuṣagbhago na vāramṛṇvati ǁ
Padapatha Devanagari Accented
सः । हि । द्युऽभिः॑ । जना॑नाम् । होता॑ । दक्ष॑स्य । बा॒ह्वोः ।
वि । ह॒व्यम् । अ॒ग्निः । आ॒नु॒षक् । भगः॑ । न । वार॑म् । ऋ॒ण्व॒ति॒ ॥
Padapatha Devanagari Nonaccented
सः । हि । द्युऽभिः । जनानाम् । होता । दक्षस्य । बाह्वोः ।
वि । हव्यम् । अग्निः । आनुषक् । भगः । न । वारम् । ऋण्वति ॥
Padapatha Transcription Accented
sáḥ ǀ hí ǀ dyú-bhiḥ ǀ jánānām ǀ hótā ǀ dákṣasya ǀ bāhvóḥ ǀ
ví ǀ havyám ǀ agníḥ ǀ ānuṣák ǀ bhágaḥ ǀ ná ǀ vā́ram ǀ ṛṇvati ǁ
Padapatha Transcription Nonaccented
saḥ ǀ hi ǀ dyu-bhiḥ ǀ janānām ǀ hotā ǀ dakṣasya ǀ bāhvoḥ ǀ
vi ǀ havyam ǀ agniḥ ǀ ānuṣak ǀ bhagaḥ ǀ na ǀ vāram ǀ ṛṇvati ǁ
05.016.03 (Mandala. Sukta. Rik)
4.1.08.03 (Ashtaka. Adhyaya. Varga. Rik)
05.02.008 (Mandala. Anuvāka. Rik)
Samhita Devanagari Accented
अ॒स्य स्तोमे॑ म॒घोनः॑ स॒ख्ये वृ॒द्धशो॑चिषः ।
विश्वा॒ यस्मिं॑तुवि॒ष्वणि॒ सम॒र्ये शुष्म॑माद॒धुः ॥
Samhita Devanagari Nonaccented
अस्य स्तोमे मघोनः सख्ये वृद्धशोचिषः ।
विश्वा यस्मिंतुविष्वणि समर्ये शुष्ममादधुः ॥
Samhita Transcription Accented
asyá stóme maghónaḥ sakhyé vṛddháśociṣaḥ ǀ
víśvā yásmintuviṣváṇi sámaryé śúṣmamādadhúḥ ǁ
Samhita Transcription Nonaccented
asya stome maghonaḥ sakhye vṛddhaśociṣaḥ ǀ
viśvā yasmintuviṣvaṇi samarye śuṣmamādadhuḥ ǁ
Padapatha Devanagari Accented
अ॒स्य । स्तोमे॑ । म॒घोनः॑ । स॒ख्ये । वृ॒द्धऽशो॑चिषः ।
विश्वा॑ । यस्मि॑न् । तु॒वि॒ऽस्वनि॑ । सम् । अ॒र्ये । शुष्म॑म् । आ॒ऽद॒धुः ॥
Padapatha Devanagari Nonaccented
अस्य । स्तोमे । मघोनः । सख्ये । वृद्धऽशोचिषः ।
विश्वा । यस्मिन् । तुविऽस्वनि । सम् । अर्ये । शुष्मम् । आऽदधुः ॥
Padapatha Transcription Accented
asyá ǀ stóme ǀ maghónaḥ ǀ sakhyé ǀ vṛddhá-śociṣaḥ ǀ
víśvā ǀ yásmin ǀ tuvi-sváni ǀ sám ǀ aryé ǀ śúṣmam ǀ ā-dadhúḥ ǁ
Padapatha Transcription Nonaccented
asya ǀ stome ǀ maghonaḥ ǀ sakhye ǀ vṛddha-śociṣaḥ ǀ
viśvā ǀ yasmin ǀ tuvi-svani ǀ sam ǀ arye ǀ śuṣmam ǀ ā-dadhuḥ ǁ
05.016.04 (Mandala. Sukta. Rik)
4.1.08.04 (Ashtaka. Adhyaya. Varga. Rik)
05.02.009 (Mandala. Anuvāka. Rik)
Samhita Devanagari Accented
अधा॒ ह्य॑ग्न एषां सु॒वीर्य॑स्य मं॒हना॑ ।
तमिद्य॒ह्वं न रोद॑सी॒ परि॒ श्रवो॑ बभूवतुः ॥
Samhita Devanagari Nonaccented
अधा ह्यग्न एषां सुवीर्यस्य मंहना ।
तमिद्यह्वं न रोदसी परि श्रवो बभूवतुः ॥
Samhita Transcription Accented
ádhā hyágna eṣām suvī́ryasya maṃhánā ǀ
támídyahvám ná ródasī pári śrávo babhūvatuḥ ǁ
Samhita Transcription Nonaccented
adhā hyagna eṣām suvīryasya maṃhanā ǀ
tamidyahvam na rodasī pari śravo babhūvatuḥ ǁ
Padapatha Devanagari Accented
अध॑ । हि । अ॒ग्ने॒ । ए॒षा॒म् । सु॒ऽवीर्य॑स्य । मं॒हना॑ ।
तम् । इत् । य॒ह्वम् । न । रोद॑सी॒ इति॑ । परि॑ । श्रवः॑ । ब॒भू॒व॒तुः॒ ॥
Padapatha Devanagari Nonaccented
अध । हि । अग्ने । एषाम् । सुऽवीर्यस्य । मंहना ।
तम् । इत् । यह्वम् । न । रोदसी इति । परि । श्रवः । बभूवतुः ॥
Padapatha Transcription Accented
ádha ǀ hí ǀ agne ǀ eṣām ǀ su-vī́ryasya ǀ maṃhánā ǀ
tám ǀ ít ǀ yahvám ǀ ná ǀ ródasī íti ǀ pári ǀ śrávaḥ ǀ babhūvatuḥ ǁ
Padapatha Transcription Nonaccented
adha ǀ hi ǀ agne ǀ eṣām ǀ su-vīryasya ǀ maṃhanā ǀ
tam ǀ it ǀ yahvam ǀ na ǀ rodasī iti ǀ pari ǀ śravaḥ ǀ babhūvatuḥ ǁ
05.016.05 (Mandala. Sukta. Rik)
4.1.08.05 (Ashtaka. Adhyaya. Varga. Rik)
05.02.010 (Mandala. Anuvāka. Rik)
Samhita Devanagari Accented
नू न॒ एहि॒ वार्य॒मग्ने॑ गृणा॒न आ भ॑र ।
ये व॒यं ये च॑ सू॒रयः॑ स्व॒स्ति धाम॑हे॒ सचो॒तैधि॑ पृ॒त्सु नो॑ वृ॒धे ॥
Samhita Devanagari Nonaccented
नू न एहि वार्यमग्ने गृणान आ भर ।
ये वयं ये च सूरयः स्वस्ति धामहे सचोतैधि पृत्सु नो वृधे ॥
Samhita Transcription Accented
nū́ na éhi vā́ryamágne gṛṇāná ā́ bhara ǀ
yé vayám yé ca sūráyaḥ svastí dhā́mahe sácotáidhi pṛtsú no vṛdhé ǁ
Samhita Transcription Nonaccented
nū na ehi vāryamagne gṛṇāna ā bhara ǀ
ye vayam ye ca sūrayaḥ svasti dhāmahe sacotaidhi pṛtsu no vṛdhe ǁ
Padapatha Devanagari Accented
नु । नः॒ । आ । इ॒हि॒ । वार्य॑म् । अग्ने॑ । गृ॒णा॒नः । आ । भ॒र॒ ।
ये । व॒यम् । ये । च॒ । सू॒रयः॑ । स्व॒स्ति । धाम॑हे । सचा॑ । उ॒त । ए॒धि॒ । पृ॒त्ऽसु । नः॒ । वृ॒धे ॥
Padapatha Devanagari Nonaccented
नु । नः । आ । इहि । वार्यम् । अग्ने । गृणानः । आ । भर ।
ये । वयम् । ये । च । सूरयः । स्वस्ति । धामहे । सचा । उत । एधि । पृत्ऽसु । नः । वृधे ॥
Padapatha Transcription Accented
nú ǀ naḥ ǀ ā́ ǀ ihi ǀ vā́ryam ǀ ágne ǀ gṛṇānáḥ ǀ ā́ ǀ bhara ǀ
yé ǀ vayám ǀ yé ǀ ca ǀ sūráyaḥ ǀ svastí ǀ dhā́mahe ǀ sácā ǀ utá ǀ edhi ǀ pṛt-sú ǀ naḥ ǀ vṛdhé ǁ
Padapatha Transcription Nonaccented
nu ǀ naḥ ǀ ā ǀ ihi ǀ vāryam ǀ agne ǀ gṛṇānaḥ ǀ ā ǀ bhara ǀ
ye ǀ vayam ǀ ye ǀ ca ǀ sūrayaḥ ǀ svasti ǀ dhāmahe ǀ sacā ǀ uta ǀ edhi ǀ pṛt-su ǀ naḥ ǀ vṛdhe ǁ