|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 21
|
1. Info |
| To: | agni | |
| From: | sasa ātreya | |
| Metres: | 1st set of styles: anuṣṭup (1); bhuriguṣṇik (2); svarāḍuṣnik (3); nicṛdbṛhatī (4) 2nd set of styles: anuṣṭubh (1-3); paṅkti (4) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.021.01 (Mandala. Sukta. Rik)
4.1.13.01 (Ashtaka. Adhyaya. Varga. Rik)
05.02.030 (Mandala. Anuvāka. Rik)
Samhita Devanagari Accented
म॒नु॒ष्वत्त्वा॒ नि धी॑महि मनु॒ष्वत्समि॑धीमहि ।
अग्ने॑ मनु॒ष्वदं॑गिरो दे॒वांदे॑वय॒ते य॑ज ॥
Samhita Devanagari Nonaccented
मनुष्वत्त्वा नि धीमहि मनुष्वत्समिधीमहि ।
अग्ने मनुष्वदंगिरो देवांदेवयते यज ॥
Samhita Transcription Accented
manuṣváttvā ní dhīmahi manuṣvátsámidhīmahi ǀ
ágne manuṣvádaṅgiro devā́ndevayaté yaja ǁ
Samhita Transcription Nonaccented
manuṣvattvā ni dhīmahi manuṣvatsamidhīmahi ǀ
agne manuṣvadaṅgiro devāndevayate yaja ǁ
Padapatha Devanagari Accented
म॒नु॒ष्वत् । त्वा॒ । नि । धी॒म॒हि॒ । म॒नु॒ष्वत् । सम् । इ॒धी॒म॒हि॒ ।
अग्ने॑ । म॒नु॒ष्वत् । अ॒ङ्गि॒रः॒ । दे॒वान् । दे॒व॒ऽय॒ते । य॒ज॒ ॥
Padapatha Devanagari Nonaccented
मनुष्वत् । त्वा । नि । धीमहि । मनुष्वत् । सम् । इधीमहि ।
अग्ने । मनुष्वत् । अङ्गिरः । देवान् । देवऽयते । यज ॥
Padapatha Transcription Accented
manuṣvát ǀ tvā ǀ ní ǀ dhīmahi ǀ manuṣvát ǀ sám ǀ idhīmahi ǀ
ágne ǀ manuṣvát ǀ aṅgiraḥ ǀ devā́n ǀ deva-yaté ǀ yaja ǁ
Padapatha Transcription Nonaccented
manuṣvat ǀ tvā ǀ ni ǀ dhīmahi ǀ manuṣvat ǀ sam ǀ idhīmahi ǀ
agne ǀ manuṣvat ǀ aṅgiraḥ ǀ devān ǀ deva-yate ǀ yaja ǁ
05.021.02 (Mandala. Sukta. Rik)
4.1.13.02 (Ashtaka. Adhyaya. Varga. Rik)
05.02.031 (Mandala. Anuvāka. Rik)
Samhita Devanagari Accented
त्वं हि मानु॑षे॒ जनेऽग्ने॒ सुप्री॑त इ॒ध्यसे॑ ।
स्रुच॑स्त्वा यंत्यानु॒षक्सुजा॑त॒ सर्पि॑रासुते ॥
Samhita Devanagari Nonaccented
त्वं हि मानुषे जनेऽग्ने सुप्रीत इध्यसे ।
स्रुचस्त्वा यंत्यानुषक्सुजात सर्पिरासुते ॥
Samhita Transcription Accented
tvám hí mā́nuṣe jáné’gne súprīta idhyáse ǀ
srúcastvā yantyānuṣáksújāta sárpirāsute ǁ
Samhita Transcription Nonaccented
tvam hi mānuṣe jane’gne suprīta idhyase ǀ
srucastvā yantyānuṣaksujāta sarpirāsute ǁ
Padapatha Devanagari Accented
त्वम् । हि । मानु॑षे । जने॑ । अग्ने॑ । सुऽप्री॑तः । इ॒ध्यसे॑ ।
स्रुचः॑ । त्वा॒ । य॒न्ति॒ । आ॒नु॒षक् । सुऽजा॑त । सर्पिः॑ऽआसुते ॥
Padapatha Devanagari Nonaccented
त्वम् । हि । मानुषे । जने । अग्ने । सुऽप्रीतः । इध्यसे ।
स्रुचः । त्वा । यन्ति । आनुषक् । सुऽजात । सर्पिःऽआसुते ॥
Padapatha Transcription Accented
tvám ǀ hí ǀ mā́nuṣe ǀ jáne ǀ ágne ǀ sú-prītaḥ ǀ idhyáse ǀ
srúcaḥ ǀ tvā ǀ yanti ǀ ānuṣák ǀ sú-jāta ǀ sárpiḥ-āsute ǁ
Padapatha Transcription Nonaccented
tvam ǀ hi ǀ mānuṣe ǀ jane ǀ agne ǀ su-prītaḥ ǀ idhyase ǀ
srucaḥ ǀ tvā ǀ yanti ǀ ānuṣak ǀ su-jāta ǀ sarpiḥ-āsute ǁ
05.021.03 (Mandala. Sukta. Rik)
4.1.13.03 (Ashtaka. Adhyaya. Varga. Rik)
05.02.032 (Mandala. Anuvāka. Rik)
Samhita Devanagari Accented
त्वां विश्वे॑ स॒जोष॑सो दे॒वासो॑ दू॒तम॑क्रत ।
स॒प॒र्यंत॑स्त्वा कवे य॒ज्ञेषु॑ दे॒वमी॑ळते ॥
Samhita Devanagari Nonaccented
त्वां विश्वे सजोषसो देवासो दूतमक्रत ।
सपर्यंतस्त्वा कवे यज्ञेषु देवमीळते ॥
Samhita Transcription Accented
tvā́m víśve sajóṣaso devā́so dūtámakrata ǀ
saparyántastvā kave yajñéṣu devámīḷate ǁ
Samhita Transcription Nonaccented
tvām viśve sajoṣaso devāso dūtamakrata ǀ
saparyantastvā kave yajñeṣu devamīḷate ǁ
Padapatha Devanagari Accented
त्वाम् । विश्वे॑ । स॒ऽजोष॑सः । दे॒वासः॑ । दू॒तम् । अ॒क्र॒त॒ ।
स॒प॒र्यन्तः॑ । त्वा॒ । क॒वे॒ । य॒ज्ञेषु॑ । दे॒वम् । ई॒ळ॒ते॒ ॥
Padapatha Devanagari Nonaccented
त्वाम् । विश्वे । सऽजोषसः । देवासः । दूतम् । अक्रत ।
सपर्यन्तः । त्वा । कवे । यज्ञेषु । देवम् । ईळते ॥
Padapatha Transcription Accented
tvā́m ǀ víśve ǀ sa-jóṣasaḥ ǀ devā́saḥ ǀ dūtám ǀ akrata ǀ
saparyántaḥ ǀ tvā ǀ kave ǀ yajñéṣu ǀ devám ǀ īḷate ǁ
Padapatha Transcription Nonaccented
tvām ǀ viśve ǀ sa-joṣasaḥ ǀ devāsaḥ ǀ dūtam ǀ akrata ǀ
saparyantaḥ ǀ tvā ǀ kave ǀ yajñeṣu ǀ devam ǀ īḷate ǁ
05.021.04 (Mandala. Sukta. Rik)
4.1.13.04 (Ashtaka. Adhyaya. Varga. Rik)
05.02.033 (Mandala. Anuvāka. Rik)
Samhita Devanagari Accented
दे॒वं वो॑ देवय॒ज्यया॒ग्निमी॑ळीत॒ मर्त्यः॑ ।
समि॑द्धः शुक्र दीदिह्यृ॒तस्य॒ योनि॒मास॑दः स॒सस्य॒ योनि॒मास॑दः ॥
Samhita Devanagari Nonaccented
देवं वो देवयज्ययाग्निमीळीत मर्त्यः ।
समिद्धः शुक्र दीदिह्यृतस्य योनिमासदः ससस्य योनिमासदः ॥
Samhita Transcription Accented
devám vo devayajyáyāgnímīḷīta mártyaḥ ǀ
sámiddhaḥ śukra dīdihyṛtásya yónimā́sadaḥ sasásya yónimā́sadaḥ ǁ
Samhita Transcription Nonaccented
devam vo devayajyayāgnimīḷīta martyaḥ ǀ
samiddhaḥ śukra dīdihyṛtasya yonimāsadaḥ sasasya yonimāsadaḥ ǁ
Padapatha Devanagari Accented
दे॒वम् । वः॒ । दे॒व॒ऽय॒ज्यया॑ । अ॒ग्निम् । ई॒ळी॒त॒ । मर्त्यः॑ ।
सम्ऽइ॑द्धः । शु॒क्र॒ । दी॒दि॒हि॒ । ऋ॒तस्य॑ । योनि॑म् । आ । अ॒स॒दः॒ । स॒सस्य॑ । योनि॑म् । आ । अ॒स॒दः॒ ॥
Padapatha Devanagari Nonaccented
देवम् । वः । देवऽयज्यया । अग्निम् । ईळीत । मर्त्यः ।
सम्ऽइद्धः । शुक्र । दीदिहि । ऋतस्य । योनिम् । आ । असदः । ससस्य । योनिम् । आ । असदः ॥
Padapatha Transcription Accented
devám ǀ vaḥ ǀ deva-yajyáyā ǀ agním ǀ īḷīta ǀ mártyaḥ ǀ
sám-iddhaḥ ǀ śukra ǀ dīdihi ǀ ṛtásya ǀ yónim ǀ ā́ ǀ asadaḥ ǀ sasásya ǀ yónim ǀ ā́ ǀ asadaḥ ǁ
Padapatha Transcription Nonaccented
devam ǀ vaḥ ǀ deva-yajyayā ǀ agnim ǀ īḷīta ǀ martyaḥ ǀ
sam-iddhaḥ ǀ śukra ǀ dīdihi ǀ ṛtasya ǀ yonim ǀ ā ǀ asadaḥ ǀ sasasya ǀ yonim ǀ ā ǀ asadaḥ ǁ