|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 22
|
1. Info |
| To: | agni | |
| From: | viśvasāman ātreya | |
| Metres: | 1st set of styles: svarāḍuṣnik (2, 3); virāḍanuṣṭup (1); bṛhatī (4) 2nd set of styles: anuṣṭubh (1-3); paṅkti (4) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.022.01 (Mandala. Sukta. Rik)
4.1.14.01 (Ashtaka. Adhyaya. Varga. Rik)
05.02.034 (Mandala. Anuvāka. Rik)
Samhita Devanagari Accented
प्र वि॑श्वसामन्नत्रि॒वदर्चा॑ पाव॒कशो॑चिषे ।
यो अ॑ध्व॒रेष्वीड्यो॒ होता॑ मं॒द्रत॑मो वि॒शि ॥
Samhita Devanagari Nonaccented
प्र विश्वसामन्नत्रिवदर्चा पावकशोचिषे ।
यो अध्वरेष्वीड्यो होता मंद्रतमो विशि ॥
Samhita Transcription Accented
prá viśvasāmannatrivádárcā pāvakáśociṣe ǀ
yó adhvaréṣvī́ḍyo hótā mandrátamo viśí ǁ
Samhita Transcription Nonaccented
pra viśvasāmannatrivadarcā pāvakaśociṣe ǀ
yo adhvareṣvīḍyo hotā mandratamo viśi ǁ
Padapatha Devanagari Accented
प्र । वि॒श्व॒ऽसा॒म॒न् । अ॒त्रि॒ऽवत् । अर्च॑ । पा॒व॒कऽशो॑चिषे ।
यः । अ॒ध्व॒रेषु॑ । ईड्यः॑ । होता॑ । म॒न्द्रऽत॑मः । वि॒शि ॥
Padapatha Devanagari Nonaccented
प्र । विश्वऽसामन् । अत्रिऽवत् । अर्च । पावकऽशोचिषे ।
यः । अध्वरेषु । ईड्यः । होता । मन्द्रऽतमः । विशि ॥
Padapatha Transcription Accented
prá ǀ viśva-sāman ǀ atri-vát ǀ árca ǀ pāvaká-śociṣe ǀ
yáḥ ǀ adhvaréṣu ǀ ī́ḍyaḥ ǀ hótā ǀ mandrá-tamaḥ ǀ viśí ǁ
Padapatha Transcription Nonaccented
pra ǀ viśva-sāman ǀ atri-vat ǀ arca ǀ pāvaka-śociṣe ǀ
yaḥ ǀ adhvareṣu ǀ īḍyaḥ ǀ hotā ǀ mandra-tamaḥ ǀ viśi ǁ
05.022.02 (Mandala. Sukta. Rik)
4.1.14.02 (Ashtaka. Adhyaya. Varga. Rik)
05.02.035 (Mandala. Anuvāka. Rik)
Samhita Devanagari Accented
न्य१॒॑ग्निं जा॒तवे॑दसं॒ दधा॑ता दे॒वमृ॒त्विजं॑ ।
प्र य॒ज्ञ ए॑त्वानु॒षग॒द्या दे॒वव्य॑चस्तमः ॥
Samhita Devanagari Nonaccented
न्यग्निं जातवेदसं दधाता देवमृत्विजं ।
प्र यज्ञ एत्वानुषगद्या देवव्यचस्तमः ॥
Samhita Transcription Accented
nyágním jātávedasam dádhātā devámṛtvíjam ǀ
prá yajñá etvānuṣágadyā́ devávyacastamaḥ ǁ
Samhita Transcription Nonaccented
nyagnim jātavedasam dadhātā devamṛtvijam ǀ
pra yajña etvānuṣagadyā devavyacastamaḥ ǁ
Padapatha Devanagari Accented
नि । अ॒ग्निम् । जा॒तऽवे॑दसम् । दधा॑त । दे॒वम् । ऋ॒त्विज॑म् ।
प्र । य॒ज्ञः । ए॒तु॒ । आ॒नु॒षक् । अ॒द्य । दे॒वव्य॑चःऽतमः ॥
Padapatha Devanagari Nonaccented
नि । अग्निम् । जातऽवेदसम् । दधात । देवम् । ऋत्विजम् ।
प्र । यज्ञः । एतु । आनुषक् । अद्य । देवव्यचःऽतमः ॥
Padapatha Transcription Accented
ní ǀ agním ǀ jātá-vedasam ǀ dádhāta ǀ devám ǀ ṛtvíjam ǀ
prá ǀ yajñáḥ ǀ etu ǀ ānuṣák ǀ adyá ǀ devávyacaḥ-tamaḥ ǁ
Padapatha Transcription Nonaccented
ni ǀ agnim ǀ jāta-vedasam ǀ dadhāta ǀ devam ǀ ṛtvijam ǀ
pra ǀ yajñaḥ ǀ etu ǀ ānuṣak ǀ adya ǀ devavyacaḥ-tamaḥ ǁ
05.022.03 (Mandala. Sukta. Rik)
4.1.14.03 (Ashtaka. Adhyaya. Varga. Rik)
05.02.036 (Mandala. Anuvāka. Rik)
Samhita Devanagari Accented
चि॒कि॒त्विन्म॑नसं त्वा दे॒वं मर्ता॑स ऊ॒तये॑ ।
वरे॑ण्यस्य॒ तेऽव॑स इया॒नासो॑ अमन्महि ॥
Samhita Devanagari Nonaccented
चिकित्विन्मनसं त्वा देवं मर्तास ऊतये ।
वरेण्यस्य तेऽवस इयानासो अमन्महि ॥
Samhita Transcription Accented
cikitvínmanasam tvā devám mártāsa ūtáye ǀ
váreṇyasya té’vasa iyānā́so amanmahi ǁ
Samhita Transcription Nonaccented
cikitvinmanasam tvā devam martāsa ūtaye ǀ
vareṇyasya te’vasa iyānāso amanmahi ǁ
Padapatha Devanagari Accented
चि॒कि॒त्वित्ऽम॑नसम् । त्वा॒ । दे॒वम् । मर्ता॑सः । ऊ॒तये॑ ।
वरे॑ण्यस्य । ते॒ । अव॑सः । इ॒या॒नासः॑ । अ॒म॒न्म॒हि॒ ॥
Padapatha Devanagari Nonaccented
चिकित्वित्ऽमनसम् । त्वा । देवम् । मर्तासः । ऊतये ।
वरेण्यस्य । ते । अवसः । इयानासः । अमन्महि ॥
Padapatha Transcription Accented
cikitvít-manasam ǀ tvā ǀ devám ǀ mártāsaḥ ǀ ūtáye ǀ
váreṇyasya ǀ te ǀ ávasaḥ ǀ iyānā́saḥ ǀ amanmahi ǁ
Padapatha Transcription Nonaccented
cikitvit-manasam ǀ tvā ǀ devam ǀ martāsaḥ ǀ ūtaye ǀ
vareṇyasya ǀ te ǀ avasaḥ ǀ iyānāsaḥ ǀ amanmahi ǁ
05.022.04 (Mandala. Sukta. Rik)
4.1.14.04 (Ashtaka. Adhyaya. Varga. Rik)
05.02.037 (Mandala. Anuvāka. Rik)
Samhita Devanagari Accented
अग्ने॑ चिकि॒द्ध्य१॒॑स्य न॑ इ॒दं वचः॑ सहस्य ।
तं त्वा॑ सुशिप्र दंपते॒ स्तोमै॑र्वर्धं॒त्यत्र॑यो गी॒र्भिः शुं॑भं॒त्यत्र॑यः ॥
Samhita Devanagari Nonaccented
अग्ने चिकिद्ध्यस्य न इदं वचः सहस्य ।
तं त्वा सुशिप्र दंपते स्तोमैर्वर्धंत्यत्रयो गीर्भिः शुंभंत्यत्रयः ॥
Samhita Transcription Accented
ágne cikiddhyásyá na idám vácaḥ sahasya ǀ
tám tvā suśipra dampate stómairvardhantyátrayo gīrbhíḥ śumbhantyátrayaḥ ǁ
Samhita Transcription Nonaccented
agne cikiddhyasya na idam vacaḥ sahasya ǀ
tam tvā suśipra dampate stomairvardhantyatrayo gīrbhiḥ śumbhantyatrayaḥ ǁ
Padapatha Devanagari Accented
अग्ने॑ । चि॒कि॒द्धि । अ॒स्य । नः॒ । इ॒दम् । वचः॑ । स॒ह॒स्य॒ ।
तम् । त्वा॒ । सु॒ऽशि॒प्र॒ । द॒म्ऽप॒ते॒ । स्तोमैः॑ । व॒र्ध॒न्ति॒ । अत्र॑यः । गीः॒ऽभिः । शु॒म्भ॒न्ति॒ । अत्र॑यः ॥
Padapatha Devanagari Nonaccented
अग्ने । चिकिद्धि । अस्य । नः । इदम् । वचः । सहस्य ।
तम् । त्वा । सुऽशिप्र । दम्ऽपते । स्तोमैः । वर्धन्ति । अत्रयः । गीःऽभिः । शुम्भन्ति । अत्रयः ॥
Padapatha Transcription Accented
ágne ǀ cikiddhí ǀ asyá ǀ naḥ ǀ idám ǀ vácaḥ ǀ sahasya ǀ
tám ǀ tvā ǀ su-śipra ǀ dam-pate ǀ stómaiḥ ǀ vardhanti ǀ átrayaḥ ǀ gīḥ-bhíḥ ǀ śumbhanti ǀ átrayaḥ ǁ
Padapatha Transcription Nonaccented
agne ǀ cikiddhi ǀ asya ǀ naḥ ǀ idam ǀ vacaḥ ǀ sahasya ǀ
tam ǀ tvā ǀ su-śipra ǀ dam-pate ǀ stomaiḥ ǀ vardhanti ǀ atrayaḥ ǀ gīḥ-bhiḥ ǀ śumbhanti ǀ atrayaḥ ǁ