|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 23
|
1. Info |
| To: | agni | |
| From: | dyumna viśvacarṣaṇi ātreya | |
| Metres: | 1st set of styles: nicṛdanuṣṭup (1, 2); virāḍanuṣṭup (3); nicṛtpaṅkti (4) 2nd set of styles: anuṣṭubh (1-3); paṅkti (4) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.023.01 (Mandala. Sukta. Rik)
4.1.15.01 (Ashtaka. Adhyaya. Varga. Rik)
05.02.038 (Mandala. Anuvāka. Rik)
Samhita Devanagari Accented
अग्ने॒ सहं॑त॒मा भ॑र द्यु॒म्नस्य॑ प्रा॒सहा॑ र॒यिं ।
विश्वा॒ यश्च॑र्ष॒णीर॒भ्या॒३॒॑सा वाजे॑षु सा॒सह॑त् ॥
Samhita Devanagari Nonaccented
अग्ने सहंतमा भर द्युम्नस्य प्रासहा रयिं ।
विश्वा यश्चर्षणीरभ्यासा वाजेषु सासहत् ॥
Samhita Transcription Accented
ágne sáhantamā́ bhara dyumnásya prāsáhā rayím ǀ
víśvā yáścarṣaṇī́rabhyā́sā́ vā́jeṣu sāsáhat ǁ
Samhita Transcription Nonaccented
agne sahantamā bhara dyumnasya prāsahā rayim ǀ
viśvā yaścarṣaṇīrabhyāsā vājeṣu sāsahat ǁ
Padapatha Devanagari Accented
अग्ने॑ । सह॑न्तम् । आ । भ॒र॒ । द्यु॒म्नस्य॑ । प्र॒ऽसहा॑ । र॒यिम् ।
विश्वाः॑ । यः । च॒र्ष॒णीः । अ॒भि । आ॒सा । वाजे॑षु । स॒सह॑त् ॥
Padapatha Devanagari Nonaccented
अग्ने । सहन्तम् । आ । भर । द्युम्नस्य । प्रऽसहा । रयिम् ।
विश्वाः । यः । चर्षणीः । अभि । आसा । वाजेषु । ससहत् ॥
Padapatha Transcription Accented
ágne ǀ sáhantam ǀ ā́ ǀ bhara ǀ dyumnásya ǀ pra-sáhā ǀ rayím ǀ
víśvāḥ ǀ yáḥ ǀ carṣaṇī́ḥ ǀ abhí ǀ āsā́ ǀ vā́jeṣu ǀ sasáhat ǁ
Padapatha Transcription Nonaccented
agne ǀ sahantam ǀ ā ǀ bhara ǀ dyumnasya ǀ pra-sahā ǀ rayim ǀ
viśvāḥ ǀ yaḥ ǀ carṣaṇīḥ ǀ abhi ǀ āsā ǀ vājeṣu ǀ sasahat ǁ
05.023.02 (Mandala. Sukta. Rik)
4.1.15.02 (Ashtaka. Adhyaya. Varga. Rik)
05.02.039 (Mandala. Anuvāka. Rik)
Samhita Devanagari Accented
तम॑ग्ने पृतना॒षहं॑ र॒यिं स॑हस्व॒ आ भ॑र ।
त्वं हि स॒त्यो अद्भु॑तो दा॒ता वाज॑स्य॒ गोम॑तः ॥
Samhita Devanagari Nonaccented
तमग्ने पृतनाषहं रयिं सहस्व आ भर ।
त्वं हि सत्यो अद्भुतो दाता वाजस्य गोमतः ॥
Samhita Transcription Accented
támagne pṛtanāṣáham rayím sahasva ā́ bhara ǀ
tvám hí satyó ádbhuto dātā́ vā́jasya gómataḥ ǁ
Samhita Transcription Nonaccented
tamagne pṛtanāṣaham rayim sahasva ā bhara ǀ
tvam hi satyo adbhuto dātā vājasya gomataḥ ǁ
Padapatha Devanagari Accented
तम् । अ॒ग्ने॒ । पृ॒त॒ना॒ऽसह॑म् । र॒यिम् । स॒ह॒स्वः॒ । आ । भ॒र॒ ।
त्वम् । हि । स॒त्यः । अद्भु॑तः । दा॒ता । वाज॑स्य । गोऽम॑तः ॥
Padapatha Devanagari Nonaccented
तम् । अग्ने । पृतनाऽसहम् । रयिम् । सहस्वः । आ । भर ।
त्वम् । हि । सत्यः । अद्भुतः । दाता । वाजस्य । गोऽमतः ॥
Padapatha Transcription Accented
tám ǀ agne ǀ pṛtanā-sáham ǀ rayím ǀ sahasvaḥ ǀ ā́ ǀ bhara ǀ
tvám ǀ hí ǀ satyáḥ ǀ ádbhutaḥ ǀ dātā́ ǀ vā́jasya ǀ gó-mataḥ ǁ
Padapatha Transcription Nonaccented
tam ǀ agne ǀ pṛtanā-saham ǀ rayim ǀ sahasvaḥ ǀ ā ǀ bhara ǀ
tvam ǀ hi ǀ satyaḥ ǀ adbhutaḥ ǀ dātā ǀ vājasya ǀ go-mataḥ ǁ
05.023.03 (Mandala. Sukta. Rik)
4.1.15.03 (Ashtaka. Adhyaya. Varga. Rik)
05.02.040 (Mandala. Anuvāka. Rik)
Samhita Devanagari Accented
विश्वे॒ हि त्वा॑ स॒जोष॑सो॒ जना॑सो वृ॒क्तब॑र्हिषः ।
होता॑रं॒ सद्म॑सु प्रि॒यं व्यंति॒ वार्या॑ पु॒रु ॥
Samhita Devanagari Nonaccented
विश्वे हि त्वा सजोषसो जनासो वृक्तबर्हिषः ।
होतारं सद्मसु प्रियं व्यंति वार्या पुरु ॥
Samhita Transcription Accented
víśve hí tvā sajóṣaso jánāso vṛktábarhiṣaḥ ǀ
hótāram sádmasu priyám vyánti vā́ryā purú ǁ
Samhita Transcription Nonaccented
viśve hi tvā sajoṣaso janāso vṛktabarhiṣaḥ ǀ
hotāram sadmasu priyam vyanti vāryā puru ǁ
Padapatha Devanagari Accented
विश्वे॑ । हि । त्वा॒ । स॒ऽजोष॑सः । जना॑सः । वृ॒क्तऽब॑र्हिषः ।
होता॑रम् । सद्म॑ऽसु । प्रि॒यम् । व्यन्ति॑ । वार्या॑ । पु॒रु ॥
Padapatha Devanagari Nonaccented
विश्वे । हि । त्वा । सऽजोषसः । जनासः । वृक्तऽबर्हिषः ।
होतारम् । सद्मऽसु । प्रियम् । व्यन्ति । वार्या । पुरु ॥
Padapatha Transcription Accented
víśve ǀ hí ǀ tvā ǀ sa-jóṣasaḥ ǀ jánāsaḥ ǀ vṛktá-barhiṣaḥ ǀ
hótāram ǀ sádma-su ǀ priyám ǀ vyánti ǀ vā́ryā ǀ purú ǁ
Padapatha Transcription Nonaccented
viśve ǀ hi ǀ tvā ǀ sa-joṣasaḥ ǀ janāsaḥ ǀ vṛkta-barhiṣaḥ ǀ
hotāram ǀ sadma-su ǀ priyam ǀ vyanti ǀ vāryā ǀ puru ǁ
05.023.04 (Mandala. Sukta. Rik)
4.1.15.04 (Ashtaka. Adhyaya. Varga. Rik)
05.02.041 (Mandala. Anuvāka. Rik)
Samhita Devanagari Accented
स हि ष्मा॑ वि॒श्वच॑र्षणिर॒भिमा॑ति॒ सहो॑ द॒धे ।
अग्न॑ ए॒षु क्षये॒ष्वा रे॒वन्नः॑ शुक्र दीदिहि द्यु॒मत्पा॑वक दीदिहि ॥
Samhita Devanagari Nonaccented
स हि ष्मा विश्वचर्षणिरभिमाति सहो दधे ।
अग्न एषु क्षयेष्वा रेवन्नः शुक्र दीदिहि द्युमत्पावक दीदिहि ॥
Samhita Transcription Accented
sá hí ṣmā viśvácarṣaṇirabhímāti sáho dadhé ǀ
ágna eṣú kṣáyeṣvā́ revánnaḥ śukra dīdihi dyumátpāvaka dīdihi ǁ
Samhita Transcription Nonaccented
sa hi ṣmā viśvacarṣaṇirabhimāti saho dadhe ǀ
agna eṣu kṣayeṣvā revannaḥ śukra dīdihi dyumatpāvaka dīdihi ǁ
Padapatha Devanagari Accented
सः । हि । स्म॒ । वि॒श्वऽच॑र्षणिः । अ॒भिऽमा॑ति । सहः॑ । द॒धे ।
अग्ने॑ । ए॒षु । क्षये॑षु । आ । रे॒वत् । नः॒ । शु॒क्र॒ । दी॒दि॒हि॒ । द्यु॒ऽमत् । पा॒व॒क॒ । दी॒दि॒हि॒ ॥
Padapatha Devanagari Nonaccented
सः । हि । स्म । विश्वऽचर्षणिः । अभिऽमाति । सहः । दधे ।
अग्ने । एषु । क्षयेषु । आ । रेवत् । नः । शुक्र । दीदिहि । द्युऽमत् । पावक । दीदिहि ॥
Padapatha Transcription Accented
sáḥ ǀ hí ǀ sma ǀ viśvá-carṣaṇiḥ ǀ abhí-māti ǀ sáhaḥ ǀ dadhé ǀ
ágne ǀ eṣú ǀ kṣáyeṣu ǀ ā́ ǀ revát ǀ naḥ ǀ śukra ǀ dīdihi ǀ dyu-mát ǀ pāvaka ǀ dīdihi ǁ
Padapatha Transcription Nonaccented
saḥ ǀ hi ǀ sma ǀ viśva-carṣaṇiḥ ǀ abhi-māti ǀ sahaḥ ǀ dadhe ǀ
agne ǀ eṣu ǀ kṣayeṣu ǀ ā ǀ revat ǀ naḥ ǀ śukra ǀ dīdihi ǀ dyu-mat ǀ pāvaka ǀ dīdihi ǁ