|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 28
|
1. Info |
| To: | agni | |
| From: | viśvavārā ātreyī | |
| Metres: | 1st set of styles: virāṭtrisṭup (2, 4-6); triṣṭup (1); nicṛttriṣṭup (3) 2nd set of styles: triṣṭubh (1, 3); gāyatrī (5, 6); jagatī (2); anuṣṭubh (4) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.028.01 (Mandala. Sukta. Rik)
4.1.22.01 (Ashtaka. Adhyaya. Varga. Rik)
05.02.070 (Mandala. Anuvāka. Rik)
Samhita Devanagari Accented
समि॑द्धो अ॒ग्निर्दि॒वि शो॒चिर॑श्रेत्प्र॒त्यङ्ङु॒षस॑मुर्वि॒या वि भा॑ति ।
एति॒ प्राची॑ वि॒श्ववा॑रा॒ नमो॑भिर्दे॒वाँ ईळा॑ना ह॒विषा॑ घृ॒ताची॑ ॥
Samhita Devanagari Nonaccented
समिद्धो अग्निर्दिवि शोचिरश्रेत्प्रत्यङ्ङुषसमुर्विया वि भाति ।
एति प्राची विश्ववारा नमोभिर्देवाँ ईळाना हविषा घृताची ॥
Samhita Transcription Accented
sámiddho agnírdiví śocíraśretpratyáṅṅuṣásamurviyā́ ví bhāti ǀ
éti prā́cī viśvávārā námobhirdevā́m̐ ī́ḷānā havíṣā ghṛtā́cī ǁ
Samhita Transcription Nonaccented
samiddho agnirdivi śociraśretpratyaṅṅuṣasamurviyā vi bhāti ǀ
eti prācī viśvavārā namobhirdevām̐ īḷānā haviṣā ghṛtācī ǁ
Padapatha Devanagari Accented
सम्ऽइ॑द्धः । अ॒ग्निः । दि॒वि । शो॒चिः । अ॒श्रे॒त् । प्र॒त्यङ् । उ॒षस॑म् । उ॒र्वि॒या । वि । भा॒ति॒ ।
एति॑ । प्राची॑ । वि॒श्वऽवा॑रा । नमः॑ऽभिः । दे॒वान् । ईळा॑ना । ह॒विषा॑ । घृ॒ताची॑ ॥
Padapatha Devanagari Nonaccented
सम्ऽइद्धः । अग्निः । दिवि । शोचिः । अश्रेत् । प्रत्यङ् । उषसम् । उर्विया । वि । भाति ।
एति । प्राची । विश्वऽवारा । नमःऽभिः । देवान् । ईळाना । हविषा । घृताची ॥
Padapatha Transcription Accented
sám-iddhaḥ ǀ agníḥ ǀ diví ǀ śocíḥ ǀ aśret ǀ pratyáṅ ǀ uṣásam ǀ urviyā́ ǀ ví ǀ bhāti ǀ
éti ǀ prā́cī ǀ viśvá-vārā ǀ námaḥ-bhiḥ ǀ devā́n ǀ ī́ḷānā ǀ havíṣā ǀ ghṛtā́cī ǁ
Padapatha Transcription Nonaccented
sam-iddhaḥ ǀ agniḥ ǀ divi ǀ śociḥ ǀ aśret ǀ pratyaṅ ǀ uṣasam ǀ urviyā ǀ vi ǀ bhāti ǀ
eti ǀ prācī ǀ viśva-vārā ǀ namaḥ-bhiḥ ǀ devān ǀ īḷānā ǀ haviṣā ǀ ghṛtācī ǁ
05.028.02 (Mandala. Sukta. Rik)
4.1.22.02 (Ashtaka. Adhyaya. Varga. Rik)
05.02.071 (Mandala. Anuvāka. Rik)
Samhita Devanagari Accented
स॒मि॒ध्यमा॑नो अ॒मृत॑स्य राजसि ह॒विष्कृ॒ण्वंतं॑ सचसे स्व॒स्तये॑ ।
विश्वं॒ स ध॑त्ते॒ द्रवि॑णं॒ यमिन्व॑स्याति॒थ्यम॑ग्ने॒ नि च॑ धत्त॒ इत्पु॒रः ॥
Samhita Devanagari Nonaccented
समिध्यमानो अमृतस्य राजसि हविष्कृण्वंतं सचसे स्वस्तये ।
विश्वं स धत्ते द्रविणं यमिन्वस्यातिथ्यमग्ने नि च धत्त इत्पुरः ॥
Samhita Transcription Accented
samidhyámāno amṛ́tasya rājasi havíṣkṛṇvántam sacase svastáye ǀ
víśvam sá dhatte dráviṇam yámínvasyātithyámagne ní ca dhatta ítpuráḥ ǁ
Samhita Transcription Nonaccented
samidhyamāno amṛtasya rājasi haviṣkṛṇvantam sacase svastaye ǀ
viśvam sa dhatte draviṇam yaminvasyātithyamagne ni ca dhatta itpuraḥ ǁ
Padapatha Devanagari Accented
स॒म्ऽइ॒ध्यमा॑नः । अ॒मृत॑स्य । रा॒ज॒सि॒ । ह॒विः । कृ॒ण्वन्त॑म् । स॒च॒से॒ । स्व॒स्तये॑ ।
विश्व॑म् । सः । ध॒त्ते॒ । द्रवि॑णम् । यम् । इन्व॑सि । आ॒ति॒थ्यम् । अ॒ग्ने॒ । नि । च॒ । ध॒त्ते॒ । इत् । पु॒रः ॥
Padapatha Devanagari Nonaccented
सम्ऽइध्यमानः । अमृतस्य । राजसि । हविः । कृण्वन्तम् । सचसे । स्वस्तये ।
विश्वम् । सः । धत्ते । द्रविणम् । यम् । इन्वसि । आतिथ्यम् । अग्ने । नि । च । धत्ते । इत् । पुरः ॥
Padapatha Transcription Accented
sam-idhyámānaḥ ǀ amṛ́tasya ǀ rājasi ǀ havíḥ ǀ kṛṇvántam ǀ sacase ǀ svastáye ǀ
víśvam ǀ sáḥ ǀ dhatte ǀ dráviṇam ǀ yám ǀ ínvasi ǀ ātithyám ǀ agne ǀ ní ǀ ca ǀ dhatte ǀ ít ǀ puráḥ ǁ
Padapatha Transcription Nonaccented
sam-idhyamānaḥ ǀ amṛtasya ǀ rājasi ǀ haviḥ ǀ kṛṇvantam ǀ sacase ǀ svastaye ǀ
viśvam ǀ saḥ ǀ dhatte ǀ draviṇam ǀ yam ǀ invasi ǀ ātithyam ǀ agne ǀ ni ǀ ca ǀ dhatte ǀ it ǀ puraḥ ǁ
05.028.03 (Mandala. Sukta. Rik)
4.1.22.03 (Ashtaka. Adhyaya. Varga. Rik)
05.02.072 (Mandala. Anuvāka. Rik)
Samhita Devanagari Accented
अग्ने॒ शर्ध॑ मह॒ते सौभ॑गाय॒ तव॑ द्यु॒म्नान्यु॑त्त॒मानि॑ संतु ।
सं जा॑स्प॒त्यं सु॒यम॒मा कृ॑णुष्व शत्रूय॒ताम॒भि ति॑ष्ठा॒ महां॑सि ॥
Samhita Devanagari Nonaccented
अग्ने शर्ध महते सौभगाय तव द्युम्नान्युत्तमानि संतु ।
सं जास्पत्यं सुयममा कृणुष्व शत्रूयतामभि तिष्ठा महांसि ॥
Samhita Transcription Accented
ágne śárdha mahaté sáubhagāya táva dyumnā́nyuttamā́ni santu ǀ
sám jāspatyám suyámamā́ kṛṇuṣva śatrūyatā́mabhí tiṣṭhā máhāṃsi ǁ
Samhita Transcription Nonaccented
agne śardha mahate saubhagāya tava dyumnānyuttamāni santu ǀ
sam jāspatyam suyamamā kṛṇuṣva śatrūyatāmabhi tiṣṭhā mahāṃsi ǁ
Padapatha Devanagari Accented
अग्ने॑ । शर्ध॑ । म॒ह॒ते । सौभ॑गाय । तव॑ । द्यु॒म्नानि॑ । उ॒त्ऽत॒मानि॑ । स॒न्तु॒ ।
सम् । जः॒ऽप॒त्यम् । सु॒ऽयम॑म् । आ । कृ॒णु॒ष्व॒ । श॒त्रु॒ऽय॒ताम् । अ॒भि । ति॒ष्ठ॒ । महां॑सि ॥
Padapatha Devanagari Nonaccented
अग्ने । शर्ध । महते । सौभगाय । तव । द्युम्नानि । उत्ऽतमानि । सन्तु ।
सम् । जःऽपत्यम् । सुऽयमम् । आ । कृणुष्व । शत्रुऽयताम् । अभि । तिष्ठ । महांसि ॥
Padapatha Transcription Accented
ágne ǀ śárdha ǀ mahaté ǀ sáubhagāya ǀ táva ǀ dyumnā́ni ǀ ut-tamā́ni ǀ santu ǀ
sám ǀ jaḥ-patyám ǀ su-yámam ǀ ā́ ǀ kṛṇuṣva ǀ śatru-yatā́m ǀ abhí ǀ tiṣṭha ǀ máhāṃsi ǁ
Padapatha Transcription Nonaccented
agne ǀ śardha ǀ mahate ǀ saubhagāya ǀ tava ǀ dyumnāni ǀ ut-tamāni ǀ santu ǀ
sam ǀ jaḥ-patyam ǀ su-yamam ǀ ā ǀ kṛṇuṣva ǀ śatru-yatām ǀ abhi ǀ tiṣṭha ǀ mahāṃsi ǁ
05.028.04 (Mandala. Sukta. Rik)
4.1.22.04 (Ashtaka. Adhyaya. Varga. Rik)
05.02.073 (Mandala. Anuvāka. Rik)
Samhita Devanagari Accented
समि॑द्धस्य॒ प्रम॑ह॒सोऽग्ने॒ वंदे॒ तव॒ श्रियं॑ ।
वृ॒ष॒भो द्यु॒म्नवाँ॑ असि॒ सम॑ध्व॒रेष्वि॑ध्यसे ॥
Samhita Devanagari Nonaccented
समिद्धस्य प्रमहसोऽग्ने वंदे तव श्रियं ।
वृषभो द्युम्नवाँ असि समध्वरेष्विध्यसे ॥
Samhita Transcription Accented
sámiddhasya prámahasó’gne vánde táva śríyam ǀ
vṛṣabhó dyumnávām̐ asi sámadhvaréṣvidhyase ǁ
Samhita Transcription Nonaccented
samiddhasya pramahaso’gne vande tava śriyam ǀ
vṛṣabho dyumnavām̐ asi samadhvareṣvidhyase ǁ
Padapatha Devanagari Accented
सम्ऽइ॑द्धस्य । प्रऽम॑हसः । अ॒ग्ने॒ । वन्दे॑ । तव॑ । श्रिय॑म् ।
वृ॒ष॒भः । द्यु॒म्नऽवा॑न् । अ॒सि॒ । सम् । अ॒ध्व॒रेषु॑ । इ॒ध्य॒से॒ ॥
Padapatha Devanagari Nonaccented
सम्ऽइद्धस्य । प्रऽमहसः । अग्ने । वन्दे । तव । श्रियम् ।
वृषभः । द्युम्नऽवान् । असि । सम् । अध्वरेषु । इध्यसे ॥
Padapatha Transcription Accented
sám-iddhasya ǀ prá-mahasaḥ ǀ agne ǀ vánde ǀ táva ǀ śríyam ǀ
vṛṣabháḥ ǀ dyumná-vān ǀ asi ǀ sám ǀ adhvaréṣu ǀ idhyase ǁ
Padapatha Transcription Nonaccented
sam-iddhasya ǀ pra-mahasaḥ ǀ agne ǀ vande ǀ tava ǀ śriyam ǀ
vṛṣabhaḥ ǀ dyumna-vān ǀ asi ǀ sam ǀ adhvareṣu ǀ idhyase ǁ
05.028.05 (Mandala. Sukta. Rik)
4.1.22.05 (Ashtaka. Adhyaya. Varga. Rik)
05.02.074 (Mandala. Anuvāka. Rik)
Samhita Devanagari Accented
समि॑द्धो अग्न आहुत दे॒वान्य॑क्षि स्वध्वर ।
त्वं हि ह॑व्य॒वाळसि॑ ॥
Samhita Devanagari Nonaccented
समिद्धो अग्न आहुत देवान्यक्षि स्वध्वर ।
त्वं हि हव्यवाळसि ॥
Samhita Transcription Accented
sámiddho agna āhuta devā́nyakṣi svadhvara ǀ
tvám hí havyavā́ḷási ǁ
Samhita Transcription Nonaccented
samiddho agna āhuta devānyakṣi svadhvara ǀ
tvam hi havyavāḷasi ǁ
Padapatha Devanagari Accented
सम्ऽइ॑द्धः । अ॒ग्ने॒ । आ॒ऽहु॒त॒ । दे॒वान् । य॒क्षि॒ । सु॒ऽअ॒ध्व॒र॒ ।
त्वम् । हि । ह॒व्य॒ऽवाट् । असि॑ ॥
Padapatha Devanagari Nonaccented
सम्ऽइद्धः । अग्ने । आऽहुत । देवान् । यक्षि । सुऽअध्वर ।
त्वम् । हि । हव्यऽवाट् । असि ॥
Padapatha Transcription Accented
sám-iddhaḥ ǀ agne ǀ ā-huta ǀ devā́n ǀ yakṣi ǀ su-adhvara ǀ
tvám ǀ hí ǀ havya-vā́ṭ ǀ ási ǁ
Padapatha Transcription Nonaccented
sam-iddhaḥ ǀ agne ǀ ā-huta ǀ devān ǀ yakṣi ǀ su-adhvara ǀ
tvam ǀ hi ǀ havya-vāṭ ǀ asi ǁ
05.028.06 (Mandala. Sukta. Rik)
4.1.22.06 (Ashtaka. Adhyaya. Varga. Rik)
05.02.075 (Mandala. Anuvāka. Rik)
Samhita Devanagari Accented
आ जु॑होता दुव॒स्यता॒ग्निं प्र॑य॒त्य॑ध्व॒रे ।
वृ॒णी॒ध्वं ह॑व्य॒वाह॑नं ॥
Samhita Devanagari Nonaccented
आ जुहोता दुवस्यताग्निं प्रयत्यध्वरे ।
वृणीध्वं हव्यवाहनं ॥
Samhita Transcription Accented
ā́ juhotā duvasyátāgním prayatyádhvaré ǀ
vṛṇīdhvám havyavā́hanam ǁ
Samhita Transcription Nonaccented
ā juhotā duvasyatāgnim prayatyadhvare ǀ
vṛṇīdhvam havyavāhanam ǁ
Padapatha Devanagari Accented
आ । जु॒हो॒त॒ । दु॒व॒स्यत॑ । अ॒ग्निम् । प्र॒ऽय॒ति । अ॒ध्व॒रे ।
वृ॒णी॒ध्वम् । ह॒व्य॒ऽवाह॑नम् ॥
Padapatha Devanagari Nonaccented
आ । जुहोत । दुवस्यत । अग्निम् । प्रऽयति । अध्वरे ।
वृणीध्वम् । हव्यऽवाहनम् ॥
Padapatha Transcription Accented
ā́ ǀ juhota ǀ duvasyáta ǀ agním ǀ pra-yatí ǀ adhvaré ǀ
vṛṇīdhvám ǀ havya-vā́hanam ǁ
Padapatha Transcription Nonaccented
ā ǀ juhota ǀ duvasyata ǀ agnim ǀ pra-yati ǀ adhvare ǀ
vṛṇīdhvam ǀ havya-vāhanam ǁ