|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 29
|
1. Info |
| To: | indra | |
| From: | gaurivīti śāktya | |
| Metres: | 1st set of styles: nicṛttriṣṭup (3, 5, 6, 9-11); virāṭtrisṭup (12-15); triṣṭup (2, 4, 7); bhurikpaṅkti (1); svarāṭpaṅkti (8) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.029.01 (Mandala. Sukta. Rik)
4.1.23.01 (Ashtaka. Adhyaya. Varga. Rik)
05.02.076 (Mandala. Anuvāka. Rik)
Samhita Devanagari Accented
त्र्य॑र्य॒मा मनु॑षो दे॒वता॑ता॒ त्री रो॑च॒ना दि॒व्या धा॑रयंत ।
अर्चं॑ति त्वा म॒रुतः॑ पू॒तद॑क्षा॒स्त्वमे॑षा॒मृषि॑रिंद्रासि॒ धीरः॑ ॥
Samhita Devanagari Nonaccented
त्र्यर्यमा मनुषो देवताता त्री रोचना दिव्या धारयंत ।
अर्चंति त्वा मरुतः पूतदक्षास्त्वमेषामृषिरिंद्रासि धीरः ॥
Samhita Transcription Accented
tryáryamā́ mánuṣo devátātā trī́ rocanā́ divyā́ dhārayanta ǀ
árcanti tvā marútaḥ pūtádakṣāstvámeṣāmṛ́ṣirindrāsi dhī́raḥ ǁ
Samhita Transcription Nonaccented
tryaryamā manuṣo devatātā trī rocanā divyā dhārayanta ǀ
arcanti tvā marutaḥ pūtadakṣāstvameṣāmṛṣirindrāsi dhīraḥ ǁ
Padapatha Devanagari Accented
त्री । अ॒र्य॒मा । मनु॑षः । दे॒वऽता॑ता । त्री । रो॒च॒ना । दि॒व्या । धा॒र॒य॒न्त॒ ।
अर्च॑न्ति । त्वा॒ । म॒रुतः॑ । पू॒तऽद॑क्षाः । त्वम् । ए॒षा॒म् । ऋषिः॑ । इ॒न्द्र॒ । अ॒सि॒ । धीरः॑ ॥
Padapatha Devanagari Nonaccented
त्री । अर्यमा । मनुषः । देवऽताता । त्री । रोचना । दिव्या । धारयन्त ।
अर्चन्ति । त्वा । मरुतः । पूतऽदक्षाः । त्वम् । एषाम् । ऋषिः । इन्द्र । असि । धीरः ॥
Padapatha Transcription Accented
trī́ ǀ aryamā́ ǀ mánuṣaḥ ǀ devá-tātā ǀ trī́ ǀ rocanā́ ǀ divyā́ ǀ dhārayanta ǀ
árcanti ǀ tvā ǀ marútaḥ ǀ pūtá-dakṣāḥ ǀ tvám ǀ eṣām ǀ ṛ́ṣiḥ ǀ indra ǀ asi ǀ dhī́raḥ ǁ
Padapatha Transcription Nonaccented
trī ǀ aryamā ǀ manuṣaḥ ǀ deva-tātā ǀ trī ǀ rocanā ǀ divyā ǀ dhārayanta ǀ
arcanti ǀ tvā ǀ marutaḥ ǀ pūta-dakṣāḥ ǀ tvam ǀ eṣām ǀ ṛṣiḥ ǀ indra ǀ asi ǀ dhīraḥ ǁ
05.029.02 (Mandala. Sukta. Rik)
4.1.23.02 (Ashtaka. Adhyaya. Varga. Rik)
05.02.077 (Mandala. Anuvāka. Rik)
Samhita Devanagari Accented
अनु॒ यदीं॑ म॒रुतो॑ मंदसा॒नमार्च॒न्निंद्रं॑ पपि॒वांसं॑ सु॒तस्य॑ ।
आद॑त्त॒ वज्र॑म॒भि यदहिं॒ हन्न॒पो य॒ह्वीर॑सृज॒त्सर्त॒वा उ॑ ॥
Samhita Devanagari Nonaccented
अनु यदीं मरुतो मंदसानमार्चन्निंद्रं पपिवांसं सुतस्य ।
आदत्त वज्रमभि यदहिं हन्नपो यह्वीरसृजत्सर्तवा उ ॥
Samhita Transcription Accented
ánu yádīm marúto mandasānámā́rcanníndram papivā́ṃsam sutásya ǀ
ā́datta vájramabhí yádáhim hánnapó yahvī́rasṛjatsártavā́ u ǁ
Samhita Transcription Nonaccented
anu yadīm maruto mandasānamārcannindram papivāṃsam sutasya ǀ
ādatta vajramabhi yadahim hannapo yahvīrasṛjatsartavā u ǁ
Padapatha Devanagari Accented
अनु॑ । यत् । ई॒म् । म॒रुतः॑ । म॒न्द॒सा॒नम् । आर्च॑न् । इन्द्र॑म् । प॒पि॒ऽवांस॑म् । सु॒तस्य॑ ।
आ । अ॒द॒त्त॒ । वज्र॑म् । अ॒भि । यत् । अहि॑म् । हन् । अ॒पः । य॒ह्वीः । अ॒सृ॒ज॒त् । सर्त॒वै । ऊं॒ इति॑ ॥
Padapatha Devanagari Nonaccented
अनु । यत् । ईम् । मरुतः । मन्दसानम् । आर्चन् । इन्द्रम् । पपिऽवांसम् । सुतस्य ।
आ । अदत्त । वज्रम् । अभि । यत् । अहिम् । हन् । अपः । यह्वीः । असृजत् । सर्तवै । ऊं इति ॥
Padapatha Transcription Accented
ánu ǀ yát ǀ īm ǀ marútaḥ ǀ mandasānám ǀ ā́rcan ǀ índram ǀ papi-vā́ṃsam ǀ sutásya ǀ
ā́ ǀ adatta ǀ vájram ǀ abhí ǀ yát ǀ áhim ǀ hán ǀ apáḥ ǀ yahvī́ḥ ǀ asṛjat ǀ sártavái ǀ ūṃ íti ǁ
Padapatha Transcription Nonaccented
anu ǀ yat ǀ īm ǀ marutaḥ ǀ mandasānam ǀ ārcan ǀ indram ǀ papi-vāṃsam ǀ sutasya ǀ
ā ǀ adatta ǀ vajram ǀ abhi ǀ yat ǀ ahim ǀ han ǀ apaḥ ǀ yahvīḥ ǀ asṛjat ǀ sartavai ǀ ūṃ iti ǁ
05.029.03 (Mandala. Sukta. Rik)
4.1.23.03 (Ashtaka. Adhyaya. Varga. Rik)
05.02.078 (Mandala. Anuvāka. Rik)
Samhita Devanagari Accented
उ॒त ब्र॑ह्माणो मरुतो मे अ॒स्येंद्रः॒ सोम॑स्य॒ सुषु॑तस्य पेयाः ।
तद्धि ह॒व्यं मनु॑षे॒ गा अविं॑द॒दह॒न्नहिं॑ पपि॒वाँ इंद्रो॑ अस्य ॥
Samhita Devanagari Nonaccented
उत ब्रह्माणो मरुतो मे अस्येंद्रः सोमस्य सुषुतस्य पेयाः ।
तद्धि हव्यं मनुषे गा अविंददहन्नहिं पपिवाँ इंद्रो अस्य ॥
Samhita Transcription Accented
utá brahmāṇo maruto me asyéndraḥ sómasya súṣutasya peyāḥ ǀ
táddhí havyám mánuṣe gā́ ávindadáhannáhim papivā́m̐ índro asya ǁ
Samhita Transcription Nonaccented
uta brahmāṇo maruto me asyendraḥ somasya suṣutasya peyāḥ ǀ
taddhi havyam manuṣe gā avindadahannahim papivām̐ indro asya ǁ
Padapatha Devanagari Accented
उ॒त । ब्र॒ह्मा॒णः॒ । म॒रु॒तः॒ । मे॒ । अ॒स्य॒ । इन्द्रः॑ । सोम॑स्य । सुऽसु॑तस्य । पे॒याः॒ ।
तत् । हि । ह॒व्यम् । मनु॑षे । गाः । अवि॑न्दत् । अह॑न् । अहि॑म् । प॒पि॒ऽवान् । इन्द्रः॑ । अ॒स्य॒ ॥
Padapatha Devanagari Nonaccented
उत । ब्रह्माणः । मरुतः । मे । अस्य । इन्द्रः । सोमस्य । सुऽसुतस्य । पेयाः ।
तत् । हि । हव्यम् । मनुषे । गाः । अविन्दत् । अहन् । अहिम् । पपिऽवान् । इन्द्रः । अस्य ॥
Padapatha Transcription Accented
utá ǀ brahmāṇaḥ ǀ marutaḥ ǀ me ǀ asya ǀ índraḥ ǀ sómasya ǀ sú-sutasya ǀ peyāḥ ǀ
tát ǀ hí ǀ havyám ǀ mánuṣe ǀ gā́ḥ ǀ ávindat ǀ áhan ǀ áhim ǀ papi-vā́n ǀ índraḥ ǀ asya ǁ
Padapatha Transcription Nonaccented
uta ǀ brahmāṇaḥ ǀ marutaḥ ǀ me ǀ asya ǀ indraḥ ǀ somasya ǀ su-sutasya ǀ peyāḥ ǀ
tat ǀ hi ǀ havyam ǀ manuṣe ǀ gāḥ ǀ avindat ǀ ahan ǀ ahim ǀ papi-vān ǀ indraḥ ǀ asya ǁ
05.029.04 (Mandala. Sukta. Rik)
4.1.23.04 (Ashtaka. Adhyaya. Varga. Rik)
05.02.079 (Mandala. Anuvāka. Rik)
Samhita Devanagari Accented
आद्रोद॑सी वित॒रं वि ष्क॑भायत्संविव्या॒नश्चि॑द्भि॒यसे॑ मृ॒गं कः॑ ।
जिग॑र्ति॒मिंद्रो॑ अप॒जर्गु॑राणः॒ प्रति॑ श्व॒संत॒मव॑ दान॒वं ह॑न् ॥
Samhita Devanagari Nonaccented
आद्रोदसी वितरं वि ष्कभायत्संविव्यानश्चिद्भियसे मृगं कः ।
जिगर्तिमिंद्रो अपजर्गुराणः प्रति श्वसंतमव दानवं हन् ॥
Samhita Transcription Accented
ā́dródasī vitarám ví ṣkabhāyatsaṃvivyānáścidbhiyáse mṛgám kaḥ ǀ
jígartimíndro apajárgurāṇaḥ práti śvasántamáva dānavám han ǁ
Samhita Transcription Nonaccented
ādrodasī vitaram vi ṣkabhāyatsaṃvivyānaścidbhiyase mṛgam kaḥ ǀ
jigartimindro apajargurāṇaḥ prati śvasantamava dānavam han ǁ
Padapatha Devanagari Accented
आत् । रोद॑सी॒ इति॑ । वि॒ऽत॒रम् । वि । स्क॒भा॒य॒त् । स॒म्ऽवि॒व्या॒नः । चि॒त् । भि॒यसे॑ । मृ॒गम् । क॒रिति॑ कः ।
जिग॑र्तिम् । इन्द्रः॑ । अ॒प॒ऽजर्गु॑राणः । प्रति॑ । श्व॒सन्त॑म् । अव॑ । दा॒न॒वम् । ह॒न्निति॑ हन् ॥
Padapatha Devanagari Nonaccented
आत् । रोदसी इति । विऽतरम् । वि । स्कभायत् । सम्ऽविव्यानः । चित् । भियसे । मृगम् । करिति कः ।
जिगर्तिम् । इन्द्रः । अपऽजर्गुराणः । प्रति । श्वसन्तम् । अव । दानवम् । हन्निति हन् ॥
Padapatha Transcription Accented
ā́t ǀ ródasī íti ǀ vi-tarám ǀ ví ǀ skabhāyat ǀ sam-vivyānáḥ ǀ cit ǀ bhiyáse ǀ mṛgám ǀ karíti kaḥ ǀ
jígartim ǀ índraḥ ǀ apa-járgurāṇaḥ ǀ práti ǀ śvasántam ǀ áva ǀ dānavám ǀ hanníti han ǁ
Padapatha Transcription Nonaccented
āt ǀ rodasī iti ǀ vi-taram ǀ vi ǀ skabhāyat ǀ sam-vivyānaḥ ǀ cit ǀ bhiyase ǀ mṛgam ǀ kariti kaḥ ǀ
jigartim ǀ indraḥ ǀ apa-jargurāṇaḥ ǀ prati ǀ śvasantam ǀ ava ǀ dānavam ǀ hanniti han ǁ
05.029.05 (Mandala. Sukta. Rik)
4.1.23.05 (Ashtaka. Adhyaya. Varga. Rik)
05.02.080 (Mandala. Anuvāka. Rik)
Samhita Devanagari Accented
अध॒ क्रत्वा॑ मघवं॒तुभ्यं॑ दे॒वा अनु॒ विश्वे॑ अददुः सोम॒पेयं॑ ।
यत्सूर्य॑स्य ह॒रितः॒ पतं॑तीः पु॒रः स॒तीरुप॑रा॒ एत॑शे॒ कः ॥
Samhita Devanagari Nonaccented
अध क्रत्वा मघवंतुभ्यं देवा अनु विश्वे अददुः सोमपेयं ।
यत्सूर्यस्य हरितः पतंतीः पुरः सतीरुपरा एतशे कः ॥
Samhita Transcription Accented
ádha krátvā maghavantúbhyam devā́ ánu víśve adaduḥ somapéyam ǀ
yátsū́ryasya harítaḥ pátantīḥ puráḥ satī́rúparā étaśe káḥ ǁ
Samhita Transcription Nonaccented
adha kratvā maghavantubhyam devā anu viśve adaduḥ somapeyam ǀ
yatsūryasya haritaḥ patantīḥ puraḥ satīruparā etaśe kaḥ ǁ
Padapatha Devanagari Accented
अध॑ । क्रत्वा॑ । म॒घ॒ऽव॒न् । तुभ्य॑म् । दे॒वाः । अनु॑ । विश्वे॑ । अ॒द॒दुः॒ । सो॒म॒ऽपेय॑म् ।
यत् । सूर्य॑स्य । ह॒रितः॑ । पत॑न्तीः । पु॒रः । स॒तीः । उप॑राः । एत॑शे । करिति॒ कः ॥
Padapatha Devanagari Nonaccented
अध । क्रत्वा । मघऽवन् । तुभ्यम् । देवाः । अनु । विश्वे । अददुः । सोमऽपेयम् ।
यत् । सूर्यस्य । हरितः । पतन्तीः । पुरः । सतीः । उपराः । एतशे । करिति कः ॥
Padapatha Transcription Accented
ádha ǀ krátvā ǀ magha-van ǀ túbhyam ǀ devā́ḥ ǀ ánu ǀ víśve ǀ adaduḥ ǀ soma-péyam ǀ
yát ǀ sū́ryasya ǀ harítaḥ ǀ pátantīḥ ǀ puráḥ ǀ satī́ḥ ǀ úparāḥ ǀ étaśe ǀ káríti káḥ ǁ
Padapatha Transcription Nonaccented
adha ǀ kratvā ǀ magha-van ǀ tubhyam ǀ devāḥ ǀ anu ǀ viśve ǀ adaduḥ ǀ soma-peyam ǀ
yat ǀ sūryasya ǀ haritaḥ ǀ patantīḥ ǀ puraḥ ǀ satīḥ ǀ uparāḥ ǀ etaśe ǀ kariti kaḥ ǁ
05.029.06 (Mandala. Sukta. Rik)
4.1.24.01 (Ashtaka. Adhyaya. Varga. Rik)
05.02.081 (Mandala. Anuvāka. Rik)
Samhita Devanagari Accented
नव॒ यद॑स्य नव॒तिं च॑ भो॒गान्त्सा॒कं वज्रे॑ण म॒घवा॑ विवृ॒श्चत् ।
अर्चं॒तींद्रं॑ म॒रुतः॑ स॒धस्थे॒ त्रैष्टु॑भेन॒ वच॑सा बाधत॒ द्यां ॥
Samhita Devanagari Nonaccented
नव यदस्य नवतिं च भोगान्त्साकं वज्रेण मघवा विवृश्चत् ।
अर्चंतींद्रं मरुतः सधस्थे त्रैष्टुभेन वचसा बाधत द्यां ॥
Samhita Transcription Accented
náva yádasya navatím ca bhogā́ntsākám vájreṇa maghávā vivṛścát ǀ
árcantī́ndram marútaḥ sadhásthe tráiṣṭubhena vácasā bādhata dyā́m ǁ
Samhita Transcription Nonaccented
nava yadasya navatim ca bhogāntsākam vajreṇa maghavā vivṛścat ǀ
arcantīndram marutaḥ sadhasthe traiṣṭubhena vacasā bādhata dyām ǁ
Padapatha Devanagari Accented
नव॑ । यत् । अ॒स्य॒ । न॒व॒तिम् । च॒ । भो॒गान् । सा॒कम् । वज्रे॑ण । म॒घऽवा॑ । वि॒ऽवृ॒श्चत् ।
अर्च॑न्ति । इन्द्र॑म् । म॒रुतः॑ । स॒धऽस्थे॑ । त्रैस्तु॑भेन । वच॑सा । बा॒ध॒त॒ । द्याम् ॥
Padapatha Devanagari Nonaccented
नव । यत् । अस्य । नवतिम् । च । भोगान् । साकम् । वज्रेण । मघऽवा । विऽवृश्चत् ।
अर्चन्ति । इन्द्रम् । मरुतः । सधऽस्थे । त्रैस्तुभेन । वचसा । बाधत । द्याम् ॥
Padapatha Transcription Accented
náva ǀ yát ǀ asya ǀ navatím ǀ ca ǀ bhogā́n ǀ sākám ǀ vájreṇa ǀ maghá-vā ǀ vi-vṛścát ǀ
árcanti ǀ índram ǀ marútaḥ ǀ sadhá-sthe ǀ tráistubhena ǀ vácasā ǀ bādhata ǀ dyā́m ǁ
Padapatha Transcription Nonaccented
nava ǀ yat ǀ asya ǀ navatim ǀ ca ǀ bhogān ǀ sākam ǀ vajreṇa ǀ magha-vā ǀ vi-vṛścat ǀ
arcanti ǀ indram ǀ marutaḥ ǀ sadha-sthe ǀ traistubhena ǀ vacasā ǀ bādhata ǀ dyām ǁ
05.029.07 (Mandala. Sukta. Rik)
4.1.24.02 (Ashtaka. Adhyaya. Varga. Rik)
05.02.082 (Mandala. Anuvāka. Rik)
Samhita Devanagari Accented
सखा॒ सख्ये॑ अपच॒त्तूय॑म॒ग्निर॒स्य क्रत्वा॑ महि॒षा त्री श॒तानि॑ ।
त्री सा॒कमिंद्रो॒ मनु॑षः॒ सरां॑सि सु॒तं पि॑बद्वृत्र॒हत्या॑य॒ सोमं॑ ॥
Samhita Devanagari Nonaccented
सखा सख्ये अपचत्तूयमग्निरस्य क्रत्वा महिषा त्री शतानि ।
त्री साकमिंद्रो मनुषः सरांसि सुतं पिबद्वृत्रहत्याय सोमं ॥
Samhita Transcription Accented
sákhā sákhye apacattū́yamagnírasyá krátvā mahiṣā́ trī́ śatā́ni ǀ
trī́ sākámíndro mánuṣaḥ sárāṃsi sutám pibadvṛtrahátyāya sómam ǁ
Samhita Transcription Nonaccented
sakhā sakhye apacattūyamagnirasya kratvā mahiṣā trī śatāni ǀ
trī sākamindro manuṣaḥ sarāṃsi sutam pibadvṛtrahatyāya somam ǁ
Padapatha Devanagari Accented
सखा॑ । सख्ये॑ । अ॒प॒च॒त् । तूय॑म् । अ॒ग्निः । अ॒स्य । क्रत्वा॑ । म॒हि॒षा । त्री । श॒तानि॑ ।
त्री । सा॒कम् । इन्द्रः॑ । मनु॑षः । सरां॑सि । सु॒तम् । पि॒ब॒त् । वृ॒त्र॒ऽहत्या॑य । सोम॑म् ॥
Padapatha Devanagari Nonaccented
सखा । सख्ये । अपचत् । तूयम् । अग्निः । अस्य । क्रत्वा । महिषा । त्री । शतानि ।
त्री । साकम् । इन्द्रः । मनुषः । सरांसि । सुतम् । पिबत् । वृत्रऽहत्याय । सोमम् ॥
Padapatha Transcription Accented
sákhā ǀ sákhye ǀ apacat ǀ tū́yam ǀ agníḥ ǀ asyá ǀ krátvā ǀ mahiṣā́ ǀ trī́ ǀ śatā́ni ǀ
trī́ ǀ sākám ǀ índraḥ ǀ mánuṣaḥ ǀ sárāṃsi ǀ sutám ǀ pibat ǀ vṛtra-hátyāya ǀ sómam ǁ
Padapatha Transcription Nonaccented
sakhā ǀ sakhye ǀ apacat ǀ tūyam ǀ agniḥ ǀ asya ǀ kratvā ǀ mahiṣā ǀ trī ǀ śatāni ǀ
trī ǀ sākam ǀ indraḥ ǀ manuṣaḥ ǀ sarāṃsi ǀ sutam ǀ pibat ǀ vṛtra-hatyāya ǀ somam ǁ
05.029.08 (Mandala. Sukta. Rik)
4.1.24.03 (Ashtaka. Adhyaya. Varga. Rik)
05.02.083 (Mandala. Anuvāka. Rik)
Samhita Devanagari Accented
त्री यच्छ॒ता म॑हि॒षाणा॒मघो॒ मास्त्री सरां॑सि म॒घवा॑ सो॒म्यापाः॑ ।
का॒रं न विश्वे॑ अह्वंत दे॒वा भर॒मिंद्रा॑य॒ यदहिं॑ ज॒घान॑ ॥
Samhita Devanagari Nonaccented
त्री यच्छता महिषाणामघो मास्त्री सरांसि मघवा सोम्यापाः ।
कारं न विश्वे अह्वंत देवा भरमिंद्राय यदहिं जघान ॥
Samhita Transcription Accented
trī́ yácchatā́ mahiṣā́ṇāmágho mā́strī́ sárāṃsi maghávā somyā́pāḥ ǀ
kārám ná víśve ahvanta devā́ bháramíndrāya yádáhim jaghā́na ǁ
Samhita Transcription Nonaccented
trī yacchatā mahiṣāṇāmagho māstrī sarāṃsi maghavā somyāpāḥ ǀ
kāram na viśve ahvanta devā bharamindrāya yadahim jaghāna ǁ
Padapatha Devanagari Accented
त्री । यत् । श॒ता । म॒हि॒षाणा॑म् । अघः॑ । माः । त्री । सरां॑सि । म॒घऽवा॑ । सो॒म्या । अपाः॑ ।
का॒रम् । न । विश्वे॑ । अ॒ह्व॒न्त॒ । दे॒वाः । भर॑म् । इन्द्रा॑य । यत् । अहि॑म् । ज॒घान॑ ॥
Padapatha Devanagari Nonaccented
त्री । यत् । शता । महिषाणाम् । अघः । माः । त्री । सरांसि । मघऽवा । सोम्या । अपाः ।
कारम् । न । विश्वे । अह्वन्त । देवाः । भरम् । इन्द्राय । यत् । अहिम् । जघान ॥
Padapatha Transcription Accented
trī́ ǀ yát ǀ śatā́ ǀ mahiṣā́ṇām ǀ ághaḥ ǀ mā́ḥ ǀ trī́ ǀ sárāṃsi ǀ maghá-vā ǀ somyā́ ǀ ápāḥ ǀ
kārám ǀ ná ǀ víśve ǀ ahvanta ǀ devā́ḥ ǀ bháram ǀ índrāya ǀ yát ǀ áhim ǀ jaghā́na ǁ
Padapatha Transcription Nonaccented
trī ǀ yat ǀ śatā ǀ mahiṣāṇām ǀ aghaḥ ǀ māḥ ǀ trī ǀ sarāṃsi ǀ magha-vā ǀ somyā ǀ apāḥ ǀ
kāram ǀ na ǀ viśve ǀ ahvanta ǀ devāḥ ǀ bharam ǀ indrāya ǀ yat ǀ ahim ǀ jaghāna ǁ
05.029.09 (Mandala. Sukta. Rik)
4.1.24.04 (Ashtaka. Adhyaya. Varga. Rik)
05.02.084 (Mandala. Anuvāka. Rik)
Samhita Devanagari Accented
उ॒शना॒ यत्स॑ह॒स्यै॒३॒॑रया॑तं गृ॒हमिं॑द्र जूजुवा॒नेभि॒रश्वैः॑ ।
व॒न्वा॒नो अत्र॑ स॒रथं॑ ययाथ॒ कुत्से॑न दे॒वैरव॑नोर्ह॒ शुष्णं॑ ॥
Samhita Devanagari Nonaccented
उशना यत्सहस्यैरयातं गृहमिंद्र जूजुवानेभिरश्वैः ।
वन्वानो अत्र सरथं ययाथ कुत्सेन देवैरवनोर्ह शुष्णं ॥
Samhita Transcription Accented
uśánā yátsahasyáiráyātam gṛhámindra jūjuvānébhiráśvaiḥ ǀ
vanvānó átra sarátham yayātha kútsena deváirávanorha śúṣṇam ǁ
Samhita Transcription Nonaccented
uśanā yatsahasyairayātam gṛhamindra jūjuvānebhiraśvaiḥ ǀ
vanvāno atra saratham yayātha kutsena devairavanorha śuṣṇam ǁ
Padapatha Devanagari Accented
उ॒शना॑ । यत् । स॒ह॒स्यैः॑ । अया॑तम् । गृ॒हम् । इ॒न्द्र॒ । जू॒जु॒वा॒नेभिः॑ । अश्वैः॑ ।
व॒न्वा॒नः । अत्र॑ । स॒ऽरथ॑म् । य॒या॒थ॒ । कुत्से॑न । दे॒वैः । अव॑नोः । ह॒ । शुष्ण॑म् ॥
Padapatha Devanagari Nonaccented
उशना । यत् । सहस्यैः । अयातम् । गृहम् । इन्द्र । जूजुवानेभिः । अश्वैः ।
वन्वानः । अत्र । सऽरथम् । ययाथ । कुत्सेन । देवैः । अवनोः । ह । शुष्णम् ॥
Padapatha Transcription Accented
uśánā ǀ yát ǀ sahasyáiḥ ǀ áyātam ǀ gṛhám ǀ indra ǀ jūjuvānébhiḥ ǀ áśvaiḥ ǀ
vanvānáḥ ǀ átra ǀ sa-rátham ǀ yayātha ǀ kútsena ǀ deváiḥ ǀ ávanoḥ ǀ ha ǀ śúṣṇam ǁ
Padapatha Transcription Nonaccented
uśanā ǀ yat ǀ sahasyaiḥ ǀ ayātam ǀ gṛham ǀ indra ǀ jūjuvānebhiḥ ǀ aśvaiḥ ǀ
vanvānaḥ ǀ atra ǀ sa-ratham ǀ yayātha ǀ kutsena ǀ devaiḥ ǀ avanoḥ ǀ ha ǀ śuṣṇam ǁ
05.029.10 (Mandala. Sukta. Rik)
4.1.24.05 (Ashtaka. Adhyaya. Varga. Rik)
05.02.085 (Mandala. Anuvāka. Rik)
Samhita Devanagari Accented
प्रान्यच्च॒क्रम॑वृहः॒ सूर्य॑स्य॒ कुत्सा॑या॒न्यद्वरि॑वो॒ यात॑वेऽकः ।
अ॒नासो॒ दस्यूँ॑रमृणो व॒धेन॒ नि दु॑र्यो॒ण आ॑वृणङ्मृ॒ध्रवा॑चः ॥
Samhita Devanagari Nonaccented
प्रान्यच्चक्रमवृहः सूर्यस्य कुत्सायान्यद्वरिवो यातवेऽकः ।
अनासो दस्यूँरमृणो वधेन नि दुर्योण आवृणङ्मृध्रवाचः ॥
Samhita Transcription Accented
prā́nyáccakrámavṛhaḥ sū́ryasya kútsāyānyádvárivo yā́tave’kaḥ ǀ
anā́so dásyūm̐ramṛṇo vadhéna ní duryoṇá āvṛṇaṅmṛdhrávācaḥ ǁ
Samhita Transcription Nonaccented
prānyaccakramavṛhaḥ sūryasya kutsāyānyadvarivo yātave’kaḥ ǀ
anāso dasyūm̐ramṛṇo vadhena ni duryoṇa āvṛṇaṅmṛdhravācaḥ ǁ
Padapatha Devanagari Accented
प्र । अ॒न्यत् । च॒क्रम् । अ॒वृ॒हः॒ । सूर्य॑स्य । कुत्सा॑य । अ॒न्यत् । वरि॑वः । यात॑वे । अ॒क॒रित्य॑कः ।
अ॒नासः॑ । दस्यू॑न् । अ॒मृ॒णः॒ । व॒धेन॑ । नि । दु॒र्यो॒णे । अ॒वृ॒ण॒क् । मृ॒ध्रऽवा॑चः ॥
Padapatha Devanagari Nonaccented
प्र । अन्यत् । चक्रम् । अवृहः । सूर्यस्य । कुत्साय । अन्यत् । वरिवः । यातवे । अकरित्यकः ।
अनासः । दस्यून् । अमृणः । वधेन । नि । दुर्योणे । अवृणक् । मृध्रऽवाचः ॥
Padapatha Transcription Accented
prá ǀ anyát ǀ cakrám ǀ avṛhaḥ ǀ sū́ryasya ǀ kútsāya ǀ anyát ǀ várivaḥ ǀ yā́tave ǀ akarítyakaḥ ǀ
anā́saḥ ǀ dásyūn ǀ amṛṇaḥ ǀ vadhéna ǀ ní ǀ duryoṇé ǀ avṛṇak ǀ mṛdhrá-vācaḥ ǁ
Padapatha Transcription Nonaccented
pra ǀ anyat ǀ cakram ǀ avṛhaḥ ǀ sūryasya ǀ kutsāya ǀ anyat ǀ varivaḥ ǀ yātave ǀ akarityakaḥ ǀ
anāsaḥ ǀ dasyūn ǀ amṛṇaḥ ǀ vadhena ǀ ni ǀ duryoṇe ǀ avṛṇak ǀ mṛdhra-vācaḥ ǁ
05.029.11 (Mandala. Sukta. Rik)
4.1.25.01 (Ashtaka. Adhyaya. Varga. Rik)
05.02.086 (Mandala. Anuvāka. Rik)
Samhita Devanagari Accented
स्तोमा॑सस्त्वा॒ गौरि॑वीतेरवर्ध॒न्नरं॑धयो वैदथि॒नाय॒ पिप्रुं॑ ।
आ त्वामृ॒जिश्वा॑ स॒ख्याय॑ चक्रे॒ पच॑न्प॒क्तीरपि॑बः॒ सोम॑मस्य ॥
Samhita Devanagari Nonaccented
स्तोमासस्त्वा गौरिवीतेरवर्धन्नरंधयो वैदथिनाय पिप्रुं ।
आ त्वामृजिश्वा सख्याय चक्रे पचन्पक्तीरपिबः सोममस्य ॥
Samhita Transcription Accented
stómāsastvā gáurivīteravardhannárandhayo vaidathinā́ya píprum ǀ
ā́ tvā́mṛjíśvā sakhyā́ya cakre pácanpaktī́rápibaḥ sómamasya ǁ
Samhita Transcription Nonaccented
stomāsastvā gaurivīteravardhannarandhayo vaidathināya piprum ǀ
ā tvāmṛjiśvā sakhyāya cakre pacanpaktīrapibaḥ somamasya ǁ
Padapatha Devanagari Accented
स्तोमा॑सः । त्वा॒ । गौरि॑ऽवीतेः । अ॒व॒र्ध॒न् । अर॑न्धयः । वै॒द॒थि॒नाय॑ । पिप्रु॑म् ।
आ । त्वाम् । ऋ॒जिश्वा॑ । स॒ख्याय॑ । च॒क्रे॒ । पच॑न् । प॒क्तीः । अपि॑बः । सोम॑म् । अ॒स्य॒ ॥
Padapatha Devanagari Nonaccented
स्तोमासः । त्वा । गौरिऽवीतेः । अवर्धन् । अरन्धयः । वैदथिनाय । पिप्रुम् ।
आ । त्वाम् । ऋजिश्वा । सख्याय । चक्रे । पचन् । पक्तीः । अपिबः । सोमम् । अस्य ॥
Padapatha Transcription Accented
stómāsaḥ ǀ tvā ǀ gáuri-vīteḥ ǀ avardhan ǀ árandhayaḥ ǀ vaidathinā́ya ǀ píprum ǀ
ā́ ǀ tvā́m ǀ ṛjíśvā ǀ sakhyā́ya ǀ cakre ǀ pácan ǀ paktī́ḥ ǀ ápibaḥ ǀ sómam ǀ asya ǁ
Padapatha Transcription Nonaccented
stomāsaḥ ǀ tvā ǀ gauri-vīteḥ ǀ avardhan ǀ arandhayaḥ ǀ vaidathināya ǀ piprum ǀ
ā ǀ tvām ǀ ṛjiśvā ǀ sakhyāya ǀ cakre ǀ pacan ǀ paktīḥ ǀ apibaḥ ǀ somam ǀ asya ǁ
05.029.12 (Mandala. Sukta. Rik)
4.1.25.02 (Ashtaka. Adhyaya. Varga. Rik)
05.02.087 (Mandala. Anuvāka. Rik)
Samhita Devanagari Accented
नव॑ग्वासः सु॒तसो॑मास॒ इंद्रं॒ दश॑ग्वासो अ॒भ्य॑र्चंत्य॒र्कैः ।
गव्यं॑ चिदू॒र्वम॑पि॒धान॑वंतं॒ तं चि॒न्नरः॑ शशमा॒ना अप॑ व्रन् ॥
Samhita Devanagari Nonaccented
नवग्वासः सुतसोमास इंद्रं दशग्वासो अभ्यर्चंत्यर्कैः ।
गव्यं चिदूर्वमपिधानवंतं तं चिन्नरः शशमाना अप व्रन् ॥
Samhita Transcription Accented
návagvāsaḥ sutásomāsa índram dáśagvāso abhyárcantyarkáiḥ ǀ
gávyam cidūrvámapidhā́navantam tám cinnáraḥ śaśamānā́ ápa vran ǁ
Samhita Transcription Nonaccented
navagvāsaḥ sutasomāsa indram daśagvāso abhyarcantyarkaiḥ ǀ
gavyam cidūrvamapidhānavantam tam cinnaraḥ śaśamānā apa vran ǁ
Padapatha Devanagari Accented
नव॑ऽग्वासः । सु॒तऽसो॑मासः । इन्द्र॑म् । दश॑ऽग्वासः । अ॒भि । अ॒र्च॒न्ति॒ । अ॒र्कैः ।
गव्य॑म् । चि॒त् । ऊ॒र्वम् । अ॒पि॒धान॑ऽवन्तम् । तम् । चि॒त् । नरः॑ । श॒श॒मा॒नाः । अप॑ । व्र॒न् ॥
Padapatha Devanagari Nonaccented
नवऽग्वासः । सुतऽसोमासः । इन्द्रम् । दशऽग्वासः । अभि । अर्चन्ति । अर्कैः ।
गव्यम् । चित् । ऊर्वम् । अपिधानऽवन्तम् । तम् । चित् । नरः । शशमानाः । अप । व्रन् ॥
Padapatha Transcription Accented
náva-gvāsaḥ ǀ sutá-somāsaḥ ǀ índram ǀ dáśa-gvāsaḥ ǀ abhí ǀ arcanti ǀ arkáiḥ ǀ
gávyam ǀ cit ǀ ūrvám ǀ apidhā́na-vantam ǀ tám ǀ cit ǀ náraḥ ǀ śaśamānā́ḥ ǀ ápa ǀ vran ǁ
Padapatha Transcription Nonaccented
nava-gvāsaḥ ǀ suta-somāsaḥ ǀ indram ǀ daśa-gvāsaḥ ǀ abhi ǀ arcanti ǀ arkaiḥ ǀ
gavyam ǀ cit ǀ ūrvam ǀ apidhāna-vantam ǀ tam ǀ cit ǀ naraḥ ǀ śaśamānāḥ ǀ apa ǀ vran ǁ
05.029.13 (Mandala. Sukta. Rik)
4.1.25.03 (Ashtaka. Adhyaya. Varga. Rik)
05.02.088 (Mandala. Anuvāka. Rik)
Samhita Devanagari Accented
क॒थो नु ते॒ परि॑ चराणि वि॒द्वान्वी॒र्या॑ मघव॒न्या च॒कर्थ॑ ।
या चो॒ नु नव्या॑ कृ॒णवः॑ शविष्ठ॒ प्रेदु॒ ता ते॑ वि॒दथे॑षु ब्रवाम ॥
Samhita Devanagari Nonaccented
कथो नु ते परि चराणि विद्वान्वीर्या मघवन्या चकर्थ ।
या चो नु नव्या कृणवः शविष्ठ प्रेदु ता ते विदथेषु ब्रवाम ॥
Samhita Transcription Accented
kathó nú te pári carāṇi vidvā́nvīryā́ maghavanyā́ cakártha ǀ
yā́ co nú návyā kṛṇávaḥ śaviṣṭha prédu tā́ te vidátheṣu bravāma ǁ
Samhita Transcription Nonaccented
katho nu te pari carāṇi vidvānvīryā maghavanyā cakartha ǀ
yā co nu navyā kṛṇavaḥ śaviṣṭha predu tā te vidatheṣu bravāma ǁ
Padapatha Devanagari Accented
क॒थो इति॑ । नु । ते॒ । परि॑ । च॒रा॒णि॒ । वि॒द्वान् । वी॒र्या॑ । म॒घ॒ऽव॒न् । या । च॒कर्थ॑ ।
या । चो॒ इति॑ । नु । नव्या॑ । कृ॒णवः॑ । श॒वि॒ष्ठ॒ । प्र । इत् । ऊं॒ इति॑ । ता । ते॒ । वि॒दथे॑षु । ब्र॒वा॒म॒ ॥
Padapatha Devanagari Nonaccented
कथो इति । नु । ते । परि । चराणि । विद्वान् । वीर्या । मघऽवन् । या । चकर्थ ।
या । चो इति । नु । नव्या । कृणवः । शविष्ठ । प्र । इत् । ऊं इति । ता । ते । विदथेषु । ब्रवाम ॥
Padapatha Transcription Accented
kathó íti ǀ nú ǀ te ǀ pári ǀ carāṇi ǀ vidvā́n ǀ vīryā́ ǀ magha-van ǀ yā́ ǀ cakártha ǀ
yā́ ǀ co íti ǀ nú ǀ návyā ǀ kṛṇávaḥ ǀ śaviṣṭha ǀ prá ǀ ít ǀ ūṃ íti ǀ tā́ ǀ te ǀ vidátheṣu ǀ bravāma ǁ
Padapatha Transcription Nonaccented
katho iti ǀ nu ǀ te ǀ pari ǀ carāṇi ǀ vidvān ǀ vīryā ǀ magha-van ǀ yā ǀ cakartha ǀ
yā ǀ co iti ǀ nu ǀ navyā ǀ kṛṇavaḥ ǀ śaviṣṭha ǀ pra ǀ it ǀ ūṃ iti ǀ tā ǀ te ǀ vidatheṣu ǀ bravāma ǁ
05.029.14 (Mandala. Sukta. Rik)
4.1.25.04 (Ashtaka. Adhyaya. Varga. Rik)
05.02.089 (Mandala. Anuvāka. Rik)
Samhita Devanagari Accented
ए॒ता विश्वा॑ चकृ॒वाँ इं॑द्र॒ भूर्यप॑रीतो ज॒नुषा॑ वी॒र्ये॑ण ।
या चि॒न्नु व॑ज्रिन्कृ॒णवो॑ दधृ॒ष्वान्न ते॑ व॒र्ता तवि॑ष्या अस्ति॒ तस्याः॑ ॥
Samhita Devanagari Nonaccented
एता विश्वा चकृवाँ इंद्र भूर्यपरीतो जनुषा वीर्येण ।
या चिन्नु वज्रिन्कृणवो दधृष्वान्न ते वर्ता तविष्या अस्ति तस्याः ॥
Samhita Transcription Accented
etā́ víśvā cakṛvā́m̐ indra bhū́ryáparīto janúṣā vīryeṇa ǀ
yā́ cinnú vajrinkṛṇávo dadhṛṣvā́nná te vartā́ táviṣyā asti tásyāḥ ǁ
Samhita Transcription Nonaccented
etā viśvā cakṛvām̐ indra bhūryaparīto januṣā vīryeṇa ǀ
yā cinnu vajrinkṛṇavo dadhṛṣvānna te vartā taviṣyā asti tasyāḥ ǁ
Padapatha Devanagari Accented
ए॒ता । विश्वा॑ । च॒कृ॒ऽवान् । इ॒न्द्र॒ । भूरि॑ । अप॑रिऽइतः । ज॒नुषा॑ । वी॒र्ये॑ण ।
या । चि॒त् । नु । व॒ज्रि॒न् । कृ॒णवः॑ । द॒धृ॒ष्वान् । न । ते॒ । व॒र्ता । तवि॑ष्याः । अ॒स्ति॒ । तस्याः॑ ॥
Padapatha Devanagari Nonaccented
एता । विश्वा । चकृऽवान् । इन्द्र । भूरि । अपरिऽइतः । जनुषा । वीर्येण ।
या । चित् । नु । वज्रिन् । कृणवः । दधृष्वान् । न । ते । वर्ता । तविष्याः । अस्ति । तस्याः ॥
Padapatha Transcription Accented
etā́ ǀ víśvā ǀ cakṛ-vā́n ǀ indra ǀ bhū́ri ǀ ápari-itaḥ ǀ janúṣā ǀ vīryéṇa ǀ
yā́ ǀ cit ǀ nú ǀ vajrin ǀ kṛṇávaḥ ǀ dadhṛṣvā́n ǀ ná ǀ te ǀ vartā́ ǀ táviṣyāḥ ǀ asti ǀ tásyāḥ ǁ
Padapatha Transcription Nonaccented
etā ǀ viśvā ǀ cakṛ-vān ǀ indra ǀ bhūri ǀ apari-itaḥ ǀ januṣā ǀ vīryeṇa ǀ
yā ǀ cit ǀ nu ǀ vajrin ǀ kṛṇavaḥ ǀ dadhṛṣvān ǀ na ǀ te ǀ vartā ǀ taviṣyāḥ ǀ asti ǀ tasyāḥ ǁ
05.029.15 (Mandala. Sukta. Rik)
4.1.25.05 (Ashtaka. Adhyaya. Varga. Rik)
05.02.090 (Mandala. Anuvāka. Rik)
Samhita Devanagari Accented
इंद्र॒ ब्रह्म॑ क्रि॒यमा॑णा जुषस्व॒ या ते॑ शविष्ठ॒ नव्या॒ अक॑र्म ।
वस्त्रे॑व भ॒द्रा सुकृ॑ता वसू॒यू रथं॒ न धीरः॒ स्वपा॑ अतक्षं ॥
Samhita Devanagari Nonaccented
इंद्र ब्रह्म क्रियमाणा जुषस्व या ते शविष्ठ नव्या अकर्म ।
वस्त्रेव भद्रा सुकृता वसूयू रथं न धीरः स्वपा अतक्षं ॥
Samhita Transcription Accented
índra bráhma kriyámāṇā juṣasva yā́ te śaviṣṭha návyā ákarma ǀ
vástreva bhadrā́ súkṛtā vasūyū́ rátham ná dhī́raḥ svápā atakṣam ǁ
Samhita Transcription Nonaccented
indra brahma kriyamāṇā juṣasva yā te śaviṣṭha navyā akarma ǀ
vastreva bhadrā sukṛtā vasūyū ratham na dhīraḥ svapā atakṣam ǁ
Padapatha Devanagari Accented
इन्द्र॑ । ब्रह्म॑ । क्रि॒यमा॑णा । जु॒ष॒स्व॒ । या । ते॒ । श॒वि॒ष्ठ॒ । नव्याः॑ । अक॑र्म ।
वस्त्रा॑ऽइव । भ॒द्रा । सुऽकृ॑ता । व॒सु॒ऽयुः । रथ॑म् । न । धीरः॑ । सु॒ऽअपाः॑ । अ॒त॒क्ष॒म् ॥
Padapatha Devanagari Nonaccented
इन्द्र । ब्रह्म । क्रियमाणा । जुषस्व । या । ते । शविष्ठ । नव्याः । अकर्म ।
वस्त्राऽइव । भद्रा । सुऽकृता । वसुऽयुः । रथम् । न । धीरः । सुऽअपाः । अतक्षम् ॥
Padapatha Transcription Accented
índra ǀ bráhma ǀ kriyámāṇā ǀ juṣasva ǀ yā́ ǀ te ǀ śaviṣṭha ǀ návyāḥ ǀ ákarma ǀ
vástrā-iva ǀ bhadrā́ ǀ sú-kṛtā ǀ vasu-yúḥ ǀ rátham ǀ ná ǀ dhī́raḥ ǀ su-ápāḥ ǀ atakṣam ǁ
Padapatha Transcription Nonaccented
indra ǀ brahma ǀ kriyamāṇā ǀ juṣasva ǀ yā ǀ te ǀ śaviṣṭha ǀ navyāḥ ǀ akarma ǀ
vastrā-iva ǀ bhadrā ǀ su-kṛtā ǀ vasu-yuḥ ǀ ratham ǀ na ǀ dhīraḥ ǀ su-apāḥ ǀ atakṣam ǁ