|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 31
|
1. Info |
| To: | 1-7, 10-13: indra; 8: indra (b); indra or kutsa (c); indra or uśanas (d); 9: indra, kutsa |
|
| From: | avasyu ātreya | |
| Metres: | 1st set of styles: nicṛttriṣṭup (1, 2, 5, 7, 9, 11); triṣṭup (3, 4, 6, 10); svarāṭpaṅkti (8, 12); virāṭtrisṭup (13) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.031.01 (Mandala. Sukta. Rik)
4.1.29.01 (Ashtaka. Adhyaya. Varga. Rik)
05.02.106 (Mandala. Anuvāka. Rik)
Samhita Devanagari Accented
इंद्रो॒ रथा॑य प्र॒वतं॑ कृणोति॒ यम॒ध्यस्था॑न्म॒घवा॑ वाज॒यंतं॑ ।
यू॒थेव॑ प॒श्वो व्यु॑नोति गो॒पा अरि॑ष्टो याति प्रथ॒मः सिषा॑सन् ॥
Samhita Devanagari Nonaccented
इंद्रो रथाय प्रवतं कृणोति यमध्यस्थान्मघवा वाजयंतं ।
यूथेव पश्वो व्युनोति गोपा अरिष्टो याति प्रथमः सिषासन् ॥
Samhita Transcription Accented
índro ráthāya pravátam kṛṇoti yámadhyásthānmaghávā vājayántam ǀ
yūthéva paśvó vyúnoti gopā́ áriṣṭo yāti prathamáḥ síṣāsan ǁ
Samhita Transcription Nonaccented
indro rathāya pravatam kṛṇoti yamadhyasthānmaghavā vājayantam ǀ
yūtheva paśvo vyunoti gopā ariṣṭo yāti prathamaḥ siṣāsan ǁ
Padapatha Devanagari Accented
इन्द्रः॑ । रथा॑य । प्र॒ऽवत॑म् । कृ॒णो॒ति॒ । यम् । अ॒धि॒ऽअस्था॑त् । म॒घऽवा॑ । वा॒ज॒ऽयन्त॑म् ।
यू॒थाऽइ॑व । प॒श्वः । वि । उ॒नो॒ति॒ । गो॒पाः । अरि॑ष्टः । या॒ति॒ । प्र॒थ॒मः । सिसा॑सन् ॥
Padapatha Devanagari Nonaccented
इन्द्रः । रथाय । प्रऽवतम् । कृणोति । यम् । अधिऽअस्थात् । मघऽवा । वाजऽयन्तम् ।
यूथाऽइव । पश्वः । वि । उनोति । गोपाः । अरिष्टः । याति । प्रथमः । सिसासन् ॥
Padapatha Transcription Accented
índraḥ ǀ ráthāya ǀ pra-vátam ǀ kṛṇoti ǀ yám ǀ adhi-ásthāt ǀ maghá-vā ǀ vāja-yántam ǀ
yūthā́-iva ǀ paśváḥ ǀ ví ǀ unoti ǀ gopā́ḥ ǀ áriṣṭaḥ ǀ yāti ǀ prathamáḥ ǀ sísāsan ǁ
Padapatha Transcription Nonaccented
indraḥ ǀ rathāya ǀ pra-vatam ǀ kṛṇoti ǀ yam ǀ adhi-asthāt ǀ magha-vā ǀ vāja-yantam ǀ
yūthā-iva ǀ paśvaḥ ǀ vi ǀ unoti ǀ gopāḥ ǀ ariṣṭaḥ ǀ yāti ǀ prathamaḥ ǀ sisāsan ǁ
05.031.02 (Mandala. Sukta. Rik)
4.1.29.02 (Ashtaka. Adhyaya. Varga. Rik)
05.02.107 (Mandala. Anuvāka. Rik)
Samhita Devanagari Accented
आ प्र द्र॑व हरिवो॒ मा वि वे॑नः॒ पिशं॑गराते अ॒भि नः॑ सचस्व ।
न॒हि त्वदिं॑द्र॒ वस्यो॑ अ॒न्यदस्त्य॑मे॒नांश्चि॒ज्जनि॑वतश्चकर्थ ॥
Samhita Devanagari Nonaccented
आ प्र द्रव हरिवो मा वि वेनः पिशंगराते अभि नः सचस्व ।
नहि त्वदिंद्र वस्यो अन्यदस्त्यमेनांश्चिज्जनिवतश्चकर्थ ॥
Samhita Transcription Accented
ā́ prá drava harivo mā́ ví venaḥ píśaṅgarāte abhí naḥ sacasva ǀ
nahí tvádindra vásyo anyádástyamenā́ṃścijjánivataścakartha ǁ
Samhita Transcription Nonaccented
ā pra drava harivo mā vi venaḥ piśaṅgarāte abhi naḥ sacasva ǀ
nahi tvadindra vasyo anyadastyamenāṃścijjanivataścakartha ǁ
Padapatha Devanagari Accented
आ । प्र । द्र॒व॒ । ह॒रि॒ऽवः॒ । मा । वि । वे॒नः॒ । पिश॑ङ्गऽराते । अ॒भि । नः॒ । स॒च॒स्व॒ ।
न॒हि । त्वत् । इ॒न्द्र॒ । वस्यः॑ । अ॒न्यत् । अस्ति॑ । अ॒मे॒नान् । चि॒त् । जनि॑ऽवतः । च॒क॒र्थ॒ ॥
Padapatha Devanagari Nonaccented
आ । प्र । द्रव । हरिऽवः । मा । वि । वेनः । पिशङ्गऽराते । अभि । नः । सचस्व ।
नहि । त्वत् । इन्द्र । वस्यः । अन्यत् । अस्ति । अमेनान् । चित् । जनिऽवतः । चकर्थ ॥
Padapatha Transcription Accented
ā́ ǀ prá ǀ drava ǀ hari-vaḥ ǀ mā́ ǀ ví ǀ venaḥ ǀ píśaṅga-rāte ǀ abhí ǀ naḥ ǀ sacasva ǀ
nahí ǀ tvát ǀ indra ǀ vásyaḥ ǀ anyát ǀ ásti ǀ amenā́n ǀ cit ǀ jáni-vataḥ ǀ cakartha ǁ
Padapatha Transcription Nonaccented
ā ǀ pra ǀ drava ǀ hari-vaḥ ǀ mā ǀ vi ǀ venaḥ ǀ piśaṅga-rāte ǀ abhi ǀ naḥ ǀ sacasva ǀ
nahi ǀ tvat ǀ indra ǀ vasyaḥ ǀ anyat ǀ asti ǀ amenān ǀ cit ǀ jani-vataḥ ǀ cakartha ǁ
05.031.03 (Mandala. Sukta. Rik)
4.1.29.03 (Ashtaka. Adhyaya. Varga. Rik)
05.02.108 (Mandala. Anuvāka. Rik)
Samhita Devanagari Accented
उद्यत्सहः॒ सह॑स॒ आज॑निष्ट॒ देदि॑ष्ट॒ इंद्र॑ इंद्रि॒याणि॒ विश्वा॑ ।
प्राचो॑दयत्सु॒दुघा॑ व॒व्रे अं॒तर्वि ज्योति॑षा संववृ॒त्वत्तमो॑ऽवः ॥
Samhita Devanagari Nonaccented
उद्यत्सहः सहस आजनिष्ट देदिष्ट इंद्र इंद्रियाणि विश्वा ।
प्राचोदयत्सुदुघा वव्रे अंतर्वि ज्योतिषा संववृत्वत्तमोऽवः ॥
Samhita Transcription Accented
údyátsáhaḥ sáhasa ā́janiṣṭa dédiṣṭa índra indriyā́ṇi víśvā ǀ
prā́codayatsudúghā vavré antárví jyótiṣā saṃvavṛtváttámo’vaḥ ǁ
Samhita Transcription Nonaccented
udyatsahaḥ sahasa ājaniṣṭa dediṣṭa indra indriyāṇi viśvā ǀ
prācodayatsudughā vavre antarvi jyotiṣā saṃvavṛtvattamo’vaḥ ǁ
Padapatha Devanagari Accented
उत् । यत् । सहः॑ । सह॑सः । आ । अज॑निष्ट । देदि॑ष्टे । इन्द्रः॑ । इ॒न्द्रि॒याणि॑ । विश्वा॑ ।
प्र । अ॒चो॒द॒य॒त् । सु॒ऽदुघाः॑ । व॒व्रे । अ॒न्तः । वि । ज्योति॑षा । स॒म्ऽव॒वृ॒त्वत् । तमः॑ । अ॒व॒रित्य॑वः ॥
Padapatha Devanagari Nonaccented
उत् । यत् । सहः । सहसः । आ । अजनिष्ट । देदिष्टे । इन्द्रः । इन्द्रियाणि । विश्वा ।
प्र । अचोदयत् । सुऽदुघाः । वव्रे । अन्तः । वि । ज्योतिषा । सम्ऽववृत्वत् । तमः । अवरित्यवः ॥
Padapatha Transcription Accented
út ǀ yát ǀ sáhaḥ ǀ sáhasaḥ ǀ ā́ ǀ ájaniṣṭa ǀ dédiṣṭe ǀ índraḥ ǀ indriyā́ṇi ǀ víśvā ǀ
prá ǀ acodayat ǀ su-dúghāḥ ǀ vavré ǀ antáḥ ǀ ví ǀ jyótiṣā ǀ sam-vavṛtvát ǀ támaḥ ǀ avarítyavaḥ ǁ
Padapatha Transcription Nonaccented
ut ǀ yat ǀ sahaḥ ǀ sahasaḥ ǀ ā ǀ ajaniṣṭa ǀ dediṣṭe ǀ indraḥ ǀ indriyāṇi ǀ viśvā ǀ
pra ǀ acodayat ǀ su-dughāḥ ǀ vavre ǀ antaḥ ǀ vi ǀ jyotiṣā ǀ sam-vavṛtvat ǀ tamaḥ ǀ avarityavaḥ ǁ
05.031.04 (Mandala. Sukta. Rik)
4.1.29.04 (Ashtaka. Adhyaya. Varga. Rik)
05.02.109 (Mandala. Anuvāka. Rik)
Samhita Devanagari Accented
अन॑वस्ते॒ रथ॒मश्वा॑य तक्षं॒त्वष्टा॒ वज्रं॑ पुरुहूत द्यु॒मंतं॑ ।
ब्र॒ह्माण॒ इंद्रं॑ म॒हयं॑तो अ॒र्कैरव॑र्धय॒न्नह॑ये॒ हंत॒वा उ॑ ॥
Samhita Devanagari Nonaccented
अनवस्ते रथमश्वाय तक्षंत्वष्टा वज्रं पुरुहूत द्युमंतं ।
ब्रह्माण इंद्रं महयंतो अर्कैरवर्धयन्नहये हंतवा उ ॥
Samhita Transcription Accented
ánavaste ráthamáśvāya takṣantváṣṭā vájram puruhūta dyumántam ǀ
brahmā́ṇa índram maháyanto arkáirávardhayannáhaye hántavā́ u ǁ
Samhita Transcription Nonaccented
anavaste rathamaśvāya takṣantvaṣṭā vajram puruhūta dyumantam ǀ
brahmāṇa indram mahayanto arkairavardhayannahaye hantavā u ǁ
Padapatha Devanagari Accented
अन॑वः । ते॒ । रथ॑म् । अश्वा॑य । त॒क्ष॒न् । त्वष्टा॑ । वज्र॑म् । पु॒रु॒ऽहू॒त॒ । द्यु॒ऽमन्त॑म् ।
ब्र॒ह्माणः॑ । इन्द्र॑म् । म॒हय॑न्तः । अ॒र्कैः । अव॑र्धयन् । अह॑ये । हन्त॒वै । ऊं॒ इति॑ ॥
Padapatha Devanagari Nonaccented
अनवः । ते । रथम् । अश्वाय । तक्षन् । त्वष्टा । वज्रम् । पुरुऽहूत । द्युऽमन्तम् ।
ब्रह्माणः । इन्द्रम् । महयन्तः । अर्कैः । अवर्धयन् । अहये । हन्तवै । ऊं इति ॥
Padapatha Transcription Accented
ánavaḥ ǀ te ǀ rátham ǀ áśvāya ǀ takṣan ǀ tváṣṭā ǀ vájram ǀ puru-hūta ǀ dyu-mántam ǀ
brahmā́ṇaḥ ǀ índram ǀ maháyantaḥ ǀ arkáiḥ ǀ ávardhayan ǀ áhaye ǀ hántavái ǀ ūṃ íti ǁ
Padapatha Transcription Nonaccented
anavaḥ ǀ te ǀ ratham ǀ aśvāya ǀ takṣan ǀ tvaṣṭā ǀ vajram ǀ puru-hūta ǀ dyu-mantam ǀ
brahmāṇaḥ ǀ indram ǀ mahayantaḥ ǀ arkaiḥ ǀ avardhayan ǀ ahaye ǀ hantavai ǀ ūṃ iti ǁ
05.031.05 (Mandala. Sukta. Rik)
4.1.29.05 (Ashtaka. Adhyaya. Varga. Rik)
05.02.110 (Mandala. Anuvāka. Rik)
Samhita Devanagari Accented
वृष्णे॒ यत्ते॒ वृष॑णो अ॒र्कमर्चा॒निंद्र॒ ग्रावा॑णो॒ अदि॑तिः स॒जोषाः॑ ।
अ॒न॒श्वासो॒ ये प॒वयो॑ऽर॒था इंद्रे॑षिता अ॒भ्यव॑र्तंत॒ दस्यू॑न् ॥
Samhita Devanagari Nonaccented
वृष्णे यत्ते वृषणो अर्कमर्चानिंद्र ग्रावाणो अदितिः सजोषाः ।
अनश्वासो ये पवयोऽरथा इंद्रेषिता अभ्यवर्तंत दस्यून् ॥
Samhita Transcription Accented
vṛ́ṣṇe yátte vṛ́ṣaṇo arkámárcāníndra grā́vāṇo áditiḥ sajóṣāḥ ǀ
anaśvā́so yé paváyo’rathā́ índreṣitā abhyávartanta dásyūn ǁ
Samhita Transcription Nonaccented
vṛṣṇe yatte vṛṣaṇo arkamarcānindra grāvāṇo aditiḥ sajoṣāḥ ǀ
anaśvāso ye pavayo’rathā indreṣitā abhyavartanta dasyūn ǁ
Padapatha Devanagari Accented
वृष्णे॑ । यत् । ते॒ । वृष॑णः । अ॒र्कम् । अर्चा॑न् । इन्द्र॑ । ग्रावा॑णः । अदि॑तिः । स॒ऽजोषाः॑ ।
अ॒न॒श्वासः॑ । ये । प॒वयः॑ । अ॒र॒थाः । इन्द्र॑ऽइषिताः । अ॒भि । अव॑र्तन्त । दस्यू॑न् ॥
Padapatha Devanagari Nonaccented
वृष्णे । यत् । ते । वृषणः । अर्कम् । अर्चान् । इन्द्र । ग्रावाणः । अदितिः । सऽजोषाः ।
अनश्वासः । ये । पवयः । अरथाः । इन्द्रऽइषिताः । अभि । अवर्तन्त । दस्यून् ॥
Padapatha Transcription Accented
vṛ́ṣṇe ǀ yát ǀ te ǀ vṛ́ṣaṇaḥ ǀ arkám ǀ árcān ǀ índra ǀ grā́vāṇaḥ ǀ áditiḥ ǀ sa-jóṣāḥ ǀ
anaśvā́saḥ ǀ yé ǀ paváyaḥ ǀ arathā́ḥ ǀ índra-iṣitāḥ ǀ abhí ǀ ávartanta ǀ dásyūn ǁ
Padapatha Transcription Nonaccented
vṛṣṇe ǀ yat ǀ te ǀ vṛṣaṇaḥ ǀ arkam ǀ arcān ǀ indra ǀ grāvāṇaḥ ǀ aditiḥ ǀ sa-joṣāḥ ǀ
anaśvāsaḥ ǀ ye ǀ pavayaḥ ǀ arathāḥ ǀ indra-iṣitāḥ ǀ abhi ǀ avartanta ǀ dasyūn ǁ
05.031.06 (Mandala. Sukta. Rik)
4.1.30.01 (Ashtaka. Adhyaya. Varga. Rik)
05.02.111 (Mandala. Anuvāka. Rik)
Samhita Devanagari Accented
प्र ते॒ पूर्वा॑णि॒ कर॑णानि वोचं॒ प्र नूत॑ना मघव॒न्या च॒कर्थ॑ ।
शक्ती॑वो॒ यद्वि॒भरा॒ रोद॑सी उ॒भे जय॑न्न॒पो मन॑वे॒ दानु॑चित्राः ॥
Samhita Devanagari Nonaccented
प्र ते पूर्वाणि करणानि वोचं प्र नूतना मघवन्या चकर्थ ।
शक्तीवो यद्विभरा रोदसी उभे जयन्नपो मनवे दानुचित्राः ॥
Samhita Transcription Accented
prá te pū́rvāṇi káraṇāni vocam prá nū́tanā maghavanyā́ cakártha ǀ
śáktīvo yádvibhárā ródasī ubhé jáyannapó mánave dā́nucitrāḥ ǁ
Samhita Transcription Nonaccented
pra te pūrvāṇi karaṇāni vocam pra nūtanā maghavanyā cakartha ǀ
śaktīvo yadvibharā rodasī ubhe jayannapo manave dānucitrāḥ ǁ
Padapatha Devanagari Accented
प्र । ते॒ । पूर्वा॑णि । कर॑णानि । वो॒च॒म् । प्र । नूत॑ना । म॒घ॒ऽव॒न् । या । च॒कर्थ॑ ।
शक्ति॑ऽवः । यत् । वि॒ऽभराः॑ । रोद॑सी॒ इति॑ । उ॒भे इति॑ । जय॑न् । अ॒पः । मन॑वे । दानु॑ऽचित्राः ॥
Padapatha Devanagari Nonaccented
प्र । ते । पूर्वाणि । करणानि । वोचम् । प्र । नूतना । मघऽवन् । या । चकर्थ ।
शक्तिऽवः । यत् । विऽभराः । रोदसी इति । उभे इति । जयन् । अपः । मनवे । दानुऽचित्राः ॥
Padapatha Transcription Accented
prá ǀ te ǀ pū́rvāṇi ǀ káraṇāni ǀ vocam ǀ prá ǀ nū́tanā ǀ magha-van ǀ yā́ ǀ cakártha ǀ
śákti-vaḥ ǀ yát ǀ vi-bhárāḥ ǀ ródasī íti ǀ ubhé íti ǀ jáyan ǀ apáḥ ǀ mánave ǀ dā́nu-citrāḥ ǁ
Padapatha Transcription Nonaccented
pra ǀ te ǀ pūrvāṇi ǀ karaṇāni ǀ vocam ǀ pra ǀ nūtanā ǀ magha-van ǀ yā ǀ cakartha ǀ
śakti-vaḥ ǀ yat ǀ vi-bharāḥ ǀ rodasī iti ǀ ubhe iti ǀ jayan ǀ apaḥ ǀ manave ǀ dānu-citrāḥ ǁ
05.031.07 (Mandala. Sukta. Rik)
4.1.30.02 (Ashtaka. Adhyaya. Varga. Rik)
05.02.112 (Mandala. Anuvāka. Rik)
Samhita Devanagari Accented
तदिन्नु ते॒ कर॑णं दस्म वि॒प्राहिं॒ यद्घ्नन्नोजो॒ अत्रामि॑मीथाः ।
शुष्ण॑स्य चि॒त्परि॑ मा॒या अ॑गृभ्णाः प्रपि॒त्वं यन्नप॒ दस्यूँ॑रसेधः ॥
Samhita Devanagari Nonaccented
तदिन्नु ते करणं दस्म विप्राहिं यद्घ्नन्नोजो अत्रामिमीथाः ।
शुष्णस्य चित्परि माया अगृभ्णाः प्रपित्वं यन्नप दस्यूँरसेधः ॥
Samhita Transcription Accented
tádínnú te káraṇam dasma viprā́him yádghnánnójo átrā́mimīthāḥ ǀ
śúṣṇasya citpári māyā́ agṛbhṇāḥ prapitvám yánnápa dásyūm̐rasedhaḥ ǁ
Samhita Transcription Nonaccented
tadinnu te karaṇam dasma viprāhim yadghnannojo atrāmimīthāḥ ǀ
śuṣṇasya citpari māyā agṛbhṇāḥ prapitvam yannapa dasyūm̐rasedhaḥ ǁ
Padapatha Devanagari Accented
तत् । इत् । नु । ते॒ । कर॑णम् । द॒स्म॒ । वि॒प्र॒ । अहि॑म् । यत् । घ्नन् । ओजः॑ । अत्र॑ । अमि॑मीथाः ।
शुष्ण॑स्य । चि॒त् । परि॑ । मा॒याः । अ॒गृ॒भ्णाः॒ । प्र॒ऽपि॒त्वम् । यन् । अप॑ । दस्यू॑न् । अ॒से॒धः॒ ॥
Padapatha Devanagari Nonaccented
तत् । इत् । नु । ते । करणम् । दस्म । विप्र । अहिम् । यत् । घ्नन् । ओजः । अत्र । अमिमीथाः ।
शुष्णस्य । चित् । परि । मायाः । अगृभ्णाः । प्रऽपित्वम् । यन् । अप । दस्यून् । असेधः ॥
Padapatha Transcription Accented
tát ǀ ít ǀ nú ǀ te ǀ káraṇam ǀ dasma ǀ vipra ǀ áhim ǀ yát ǀ ghnán ǀ ójaḥ ǀ átra ǀ ámimīthāḥ ǀ
śúṣṇasya ǀ cit ǀ pári ǀ māyā́ḥ ǀ agṛbhṇāḥ ǀ pra-pitvám ǀ yán ǀ ápa ǀ dásyūn ǀ asedhaḥ ǁ
Padapatha Transcription Nonaccented
tat ǀ it ǀ nu ǀ te ǀ karaṇam ǀ dasma ǀ vipra ǀ ahim ǀ yat ǀ ghnan ǀ ojaḥ ǀ atra ǀ amimīthāḥ ǀ
śuṣṇasya ǀ cit ǀ pari ǀ māyāḥ ǀ agṛbhṇāḥ ǀ pra-pitvam ǀ yan ǀ apa ǀ dasyūn ǀ asedhaḥ ǁ
05.031.08 (Mandala. Sukta. Rik)
4.1.30.03 (Ashtaka. Adhyaya. Varga. Rik)
05.02.113 (Mandala. Anuvāka. Rik)
Samhita Devanagari Accented
त्वम॒पो यद॑वे तु॒र्वशा॒यार॑मयः सु॒दुघाः॑ पा॒र इं॑द्र ।
उ॒ग्रम॑यात॒मव॑हो ह॒ कुत्सं॒ सं ह॒ यद्वा॑मु॒शनारं॑त दे॒वाः ॥
Samhita Devanagari Nonaccented
त्वमपो यदवे तुर्वशायारमयः सुदुघाः पार इंद्र ।
उग्रमयातमवहो ह कुत्सं सं ह यद्वामुशनारंत देवाः ॥
Samhita Transcription Accented
tvámapó yádave turváśāyā́ramayaḥ sudúghāḥ pārá indra ǀ
ugrámayātamávaho ha kútsam sám ha yádvāmuśánā́ranta devā́ḥ ǁ
Samhita Transcription Nonaccented
tvamapo yadave turvaśāyāramayaḥ sudughāḥ pāra indra ǀ
ugramayātamavaho ha kutsam sam ha yadvāmuśanāranta devāḥ ǁ
Padapatha Devanagari Accented
त्वम् । अ॒पः । यद॑वे । तु॒र्वशा॒य । अर॑मयः । सु॒ऽदुघाः॑ । पा॒रः । इ॒न्द्र॒ ।
उ॒ग्रम् । अ॒या॒त॒म् । अव॑हः । ह॒ । कुत्स॑म् । सम् । ह॒ । यत् । वा॒म् । उ॒शना॑ । अर॑न्त । दे॒वाः ॥
Padapatha Devanagari Nonaccented
त्वम् । अपः । यदवे । तुर्वशाय । अरमयः । सुऽदुघाः । पारः । इन्द्र ।
उग्रम् । अयातम् । अवहः । ह । कुत्सम् । सम् । ह । यत् । वाम् । उशना । अरन्त । देवाः ॥
Padapatha Transcription Accented
tvám ǀ apáḥ ǀ yádave ǀ turváśāyá ǀ áramayaḥ ǀ su-dúghāḥ ǀ pāráḥ ǀ indra ǀ
ugrám ǀ ayātam ǀ ávahaḥ ǀ ha ǀ kútsam ǀ sám ǀ ha ǀ yát ǀ vām ǀ uśánā ǀ áranta ǀ devā́ḥ ǁ
Padapatha Transcription Nonaccented
tvam ǀ apaḥ ǀ yadave ǀ turvaśāya ǀ aramayaḥ ǀ su-dughāḥ ǀ pāraḥ ǀ indra ǀ
ugram ǀ ayātam ǀ avahaḥ ǀ ha ǀ kutsam ǀ sam ǀ ha ǀ yat ǀ vām ǀ uśanā ǀ aranta ǀ devāḥ ǁ
05.031.09 (Mandala. Sukta. Rik)
4.1.30.04 (Ashtaka. Adhyaya. Varga. Rik)
05.02.114 (Mandala. Anuvāka. Rik)
Samhita Devanagari Accented
इंद्रा॑कुत्सा॒ वह॑माना॒ रथे॒ना वा॒मत्या॒ अपि॒ कर्णे॑ वहंतु ।
निः षी॑म॒द्भ्यो धम॑थो॒ निः ष॒धस्था॑न्म॒घोनो॑ हृ॒दो व॑रथ॒स्तमां॑सि ॥
Samhita Devanagari Nonaccented
इंद्राकुत्सा वहमाना रथेना वामत्या अपि कर्णे वहंतु ।
निः षीमद्भ्यो धमथो निः षधस्थान्मघोनो हृदो वरथस्तमांसि ॥
Samhita Transcription Accented
índrākutsā váhamānā ráthenā́ vāmátyā ápi kárṇe vahantu ǀ
níḥ ṣīmadbhyó dhámatho níḥ ṣadhásthānmaghóno hṛdó varathastámāṃsi ǁ
Samhita Transcription Nonaccented
indrākutsā vahamānā rathenā vāmatyā api karṇe vahantu ǀ
niḥ ṣīmadbhyo dhamatho niḥ ṣadhasthānmaghono hṛdo varathastamāṃsi ǁ
Padapatha Devanagari Accented
इन्द्रा॑कुत्सा । वह॑माना । रथे॑न । आ । वा॒म् । अत्याः॑ । अपि॑ । कर्णे॑ । व॒ह॒न्तु॒ ।
निः । सी॒म् । अ॒त्ऽभ्यः । धम॑थः । निः । स॒धऽस्था॑त् । म॒घोनः॑ । हृ॒दः । व॒र॒थः॒ । तमां॑सि ॥
Padapatha Devanagari Nonaccented
इन्द्राकुत्सा । वहमाना । रथेन । आ । वाम् । अत्याः । अपि । कर्णे । वहन्तु ।
निः । सीम् । अत्ऽभ्यः । धमथः । निः । सधऽस्थात् । मघोनः । हृदः । वरथः । तमांसि ॥
Padapatha Transcription Accented
índrākutsā ǀ váhamānā ǀ ráthena ǀ ā́ ǀ vām ǀ átyāḥ ǀ ápi ǀ kárṇe ǀ vahantu ǀ
níḥ ǀ sīm ǀ at-bhyáḥ ǀ dhámathaḥ ǀ níḥ ǀ sadhá-sthāt ǀ maghónaḥ ǀ hṛdáḥ ǀ varathaḥ ǀ támāṃsi ǁ
Padapatha Transcription Nonaccented
indrākutsā ǀ vahamānā ǀ rathena ǀ ā ǀ vām ǀ atyāḥ ǀ api ǀ karṇe ǀ vahantu ǀ
niḥ ǀ sīm ǀ at-bhyaḥ ǀ dhamathaḥ ǀ niḥ ǀ sadha-sthāt ǀ maghonaḥ ǀ hṛdaḥ ǀ varathaḥ ǀ tamāṃsi ǁ
05.031.10 (Mandala. Sukta. Rik)
4.1.30.05 (Ashtaka. Adhyaya. Varga. Rik)
05.02.115 (Mandala. Anuvāka. Rik)
Samhita Devanagari Accented
वात॑स्य यु॒क्तान्त्सु॒युज॑श्चि॒दश्वा॑न्क॒विश्चि॑दे॒षो अ॑जगन्नव॒स्युः ।
विश्वे॑ ते॒ अत्र॑ म॒रुतः॒ सखा॑य॒ इंद्र॒ ब्रह्मा॑णि॒ तवि॑षीमवर्धन् ॥
Samhita Devanagari Nonaccented
वातस्य युक्तान्त्सुयुजश्चिदश्वान्कविश्चिदेषो अजगन्नवस्युः ।
विश्वे ते अत्र मरुतः सखाय इंद्र ब्रह्माणि तविषीमवर्धन् ॥
Samhita Transcription Accented
vā́tasya yuktā́ntsuyújaścidáśvānkavíścideṣó ajagannavasyúḥ ǀ
víśve te átra marútaḥ sákhāya índra bráhmāṇi táviṣīmavardhan ǁ
Samhita Transcription Nonaccented
vātasya yuktāntsuyujaścidaśvānkaviścideṣo ajagannavasyuḥ ǀ
viśve te atra marutaḥ sakhāya indra brahmāṇi taviṣīmavardhan ǁ
Padapatha Devanagari Accented
वात॑स्य । यु॒क्तान् । सु॒ऽयुजः॑ । चि॒त् । अश्वा॑न् । क॒विः । चि॒त् । ए॒षः । अ॒ज॒ग॒न् । अ॒व॒स्युः ।
विश्वे॑ । ते॒ । अत्र॑ । म॒रुतः॑ । सखा॑यः । इन्द्र॑ । ब्रह्मा॑णि । तवि॑षीम् । अ॒व॒र्ध॒न् ॥
Padapatha Devanagari Nonaccented
वातस्य । युक्तान् । सुऽयुजः । चित् । अश्वान् । कविः । चित् । एषः । अजगन् । अवस्युः ।
विश्वे । ते । अत्र । मरुतः । सखायः । इन्द्र । ब्रह्माणि । तविषीम् । अवर्धन् ॥
Padapatha Transcription Accented
vā́tasya ǀ yuktā́n ǀ su-yújaḥ ǀ cit ǀ áśvān ǀ kavíḥ ǀ cit ǀ eṣáḥ ǀ ajagan ǀ avasyúḥ ǀ
víśve ǀ te ǀ átra ǀ marútaḥ ǀ sákhāyaḥ ǀ índra ǀ bráhmāṇi ǀ táviṣīm ǀ avardhan ǁ
Padapatha Transcription Nonaccented
vātasya ǀ yuktān ǀ su-yujaḥ ǀ cit ǀ aśvān ǀ kaviḥ ǀ cit ǀ eṣaḥ ǀ ajagan ǀ avasyuḥ ǀ
viśve ǀ te ǀ atra ǀ marutaḥ ǀ sakhāyaḥ ǀ indra ǀ brahmāṇi ǀ taviṣīm ǀ avardhan ǁ
05.031.11 (Mandala. Sukta. Rik)
4.1.31.01 (Ashtaka. Adhyaya. Varga. Rik)
05.02.116 (Mandala. Anuvāka. Rik)
Samhita Devanagari Accented
सूर॑श्चि॒द्रथं॒ परि॑तक्म्यायां॒ पूर्वं॑ कर॒दुप॑रं जूजु॒वांसं॑ ।
भर॑च्च॒क्रमेत॑शः॒ सं रि॑णाति पु॒रो दध॑त्सनिष्यति॒ क्रतुं॑ नः ॥
Samhita Devanagari Nonaccented
सूरश्चिद्रथं परितक्म्यायां पूर्वं करदुपरं जूजुवांसं ।
भरच्चक्रमेतशः सं रिणाति पुरो दधत्सनिष्यति क्रतुं नः ॥
Samhita Transcription Accented
sū́raścidrátham páritakmyāyām pū́rvam karadúparam jūjuvā́ṃsam ǀ
bháraccakrámétaśaḥ sám riṇāti puró dádhatsaniṣyati krátum naḥ ǁ
Samhita Transcription Nonaccented
sūraścidratham paritakmyāyām pūrvam karaduparam jūjuvāṃsam ǀ
bharaccakrametaśaḥ sam riṇāti puro dadhatsaniṣyati kratum naḥ ǁ
Padapatha Devanagari Accented
सूरः॑ । चि॒त् । रथ॑म् । परि॑ऽतक्म्यायाम् । पूर्व॑म् । क॒र॒त् । उप॑रम् । जू॒जु॒ऽवांस॑म् ।
भर॑त् । च॒क्रम् । एत॑शः । सम् । रि॒णा॒ति॒ । पु॒रः । दध॑त् । स॒नि॒ष्य॒ति॒ । क्रतु॑म् । नः॒ ॥
Padapatha Devanagari Nonaccented
सूरः । चित् । रथम् । परिऽतक्म्यायाम् । पूर्वम् । करत् । उपरम् । जूजुऽवांसम् ।
भरत् । चक्रम् । एतशः । सम् । रिणाति । पुरः । दधत् । सनिष्यति । क्रतुम् । नः ॥
Padapatha Transcription Accented
sū́raḥ ǀ cit ǀ rátham ǀ pári-takmyāyām ǀ pū́rvam ǀ karat ǀ úparam ǀ jūju-vā́ṃsam ǀ
bhárat ǀ cakrám ǀ étaśaḥ ǀ sám ǀ riṇāti ǀ puráḥ ǀ dádhat ǀ saniṣyati ǀ krátum ǀ naḥ ǁ
Padapatha Transcription Nonaccented
sūraḥ ǀ cit ǀ ratham ǀ pari-takmyāyām ǀ pūrvam ǀ karat ǀ uparam ǀ jūju-vāṃsam ǀ
bharat ǀ cakram ǀ etaśaḥ ǀ sam ǀ riṇāti ǀ puraḥ ǀ dadhat ǀ saniṣyati ǀ kratum ǀ naḥ ǁ
05.031.12 (Mandala. Sukta. Rik)
4.1.31.02 (Ashtaka. Adhyaya. Varga. Rik)
05.02.117 (Mandala. Anuvāka. Rik)
Samhita Devanagari Accented
आयं ज॑ना अभि॒चक्षे॑ जगा॒मेंद्रः॒ सखा॑यं सु॒तसो॑ममि॒च्छन् ।
वद॒न्ग्रावाव॒ वेदिं॑ भ्रियाते॒ यस्य॑ जी॒रम॑ध्व॒र्यव॒श्चरं॑ति ॥
Samhita Devanagari Nonaccented
आयं जना अभिचक्षे जगामेंद्रः सखायं सुतसोममिच्छन् ।
वदन्ग्रावाव वेदिं भ्रियाते यस्य जीरमध्वर्यवश्चरंति ॥
Samhita Transcription Accented
ā́yám janā abhicákṣe jagāméndraḥ sákhāyam sutásomamicchán ǀ
vádangrā́vā́va védim bhriyāte yásya jīrámadhvaryávaścáranti ǁ
Samhita Transcription Nonaccented
āyam janā abhicakṣe jagāmendraḥ sakhāyam sutasomamicchan ǀ
vadangrāvāva vedim bhriyāte yasya jīramadhvaryavaścaranti ǁ
Padapatha Devanagari Accented
आ । अ॒यम् । ज॒नाः॒ । अ॒भि॒ऽचक्षे॑ । ज॒गा॒म॒ । इन्द्रः॑ । सखा॑यम् । सु॒तऽसो॑मम् । इ॒च्छन् ।
वद॑न् । ग्रावा॑ । अव॑ । वेदि॑म् । भ्रि॒या॒ते॒ । यस्य॑ । जी॒रम् । अ॒ध्व॒र्यवः॑ । चर॑न्ति ॥
Padapatha Devanagari Nonaccented
आ । अयम् । जनाः । अभिऽचक्षे । जगाम । इन्द्रः । सखायम् । सुतऽसोमम् । इच्छन् ।
वदन् । ग्रावा । अव । वेदिम् । भ्रियाते । यस्य । जीरम् । अध्वर्यवः । चरन्ति ॥
Padapatha Transcription Accented
ā́ ǀ ayám ǀ janāḥ ǀ abhi-cákṣe ǀ jagāma ǀ índraḥ ǀ sákhāyam ǀ sutá-somam ǀ icchán ǀ
vádan ǀ grā́vā ǀ áva ǀ védim ǀ bhriyāte ǀ yásya ǀ jīrám ǀ adhvaryávaḥ ǀ cáranti ǁ
Padapatha Transcription Nonaccented
ā ǀ ayam ǀ janāḥ ǀ abhi-cakṣe ǀ jagāma ǀ indraḥ ǀ sakhāyam ǀ suta-somam ǀ icchan ǀ
vadan ǀ grāvā ǀ ava ǀ vedim ǀ bhriyāte ǀ yasya ǀ jīram ǀ adhvaryavaḥ ǀ caranti ǁ
05.031.13 (Mandala. Sukta. Rik)
4.1.31.03 (Ashtaka. Adhyaya. Varga. Rik)
05.02.118 (Mandala. Anuvāka. Rik)
Samhita Devanagari Accented
ये चा॒कनं॑त चा॒कनं॑त॒ नू ते मर्ता॑ अमृत॒ मो ते अंह॒ आर॑न् ।
वा॒वं॒धि यज्यूँ॑रु॒त तेषु॑ धे॒ह्योजो॒ जने॑षु॒ येषु॑ ते॒ स्याम॑ ॥
Samhita Devanagari Nonaccented
ये चाकनंत चाकनंत नू ते मर्ता अमृत मो ते अंह आरन् ।
वावंधि यज्यूँरुत तेषु धेह्योजो जनेषु येषु ते स्याम ॥
Samhita Transcription Accented
yé cākánanta cākánanta nū́ té mártā amṛta mó té áṃha ā́ran ǀ
vāvandhí yájyūm̐rutá téṣu dhehyójo jáneṣu yéṣu te syā́ma ǁ
Samhita Transcription Nonaccented
ye cākananta cākananta nū te martā amṛta mo te aṃha āran ǀ
vāvandhi yajyūm̐ruta teṣu dhehyojo janeṣu yeṣu te syāma ǁ
Padapatha Devanagari Accented
ये । चा॒कन॑न्त । चा॒कन॑न्त । नु । ते । मर्ताः॑ । अ॒मृ॒त॒ । मो इति॑ । ते । अंहः॑ । आ । अ॒र॒न् ।
व॒व॒न्धि । यज्यू॑न् । उ॒त । तेषु॑ । धे॒हि॒ । ओजः॑ । जने॑षु । येषु॑ । ते॒ । स्याम॑ ॥
Padapatha Devanagari Nonaccented
ये । चाकनन्त । चाकनन्त । नु । ते । मर्ताः । अमृत । मो इति । ते । अंहः । आ । अरन् ।
ववन्धि । यज्यून् । उत । तेषु । धेहि । ओजः । जनेषु । येषु । ते । स्याम ॥
Padapatha Transcription Accented
yé ǀ cākánanta ǀ cākánanta ǀ nú ǀ té ǀ mártāḥ ǀ amṛta ǀ mó íti ǀ té ǀ áṃhaḥ ǀ ā́ ǀ aran ǀ
vavandhí ǀ yájyūn ǀ utá ǀ téṣu ǀ dhehi ǀ ójaḥ ǀ jáneṣu ǀ yéṣu ǀ te ǀ syā́ma ǁ
Padapatha Transcription Nonaccented
ye ǀ cākananta ǀ cākananta ǀ nu ǀ te ǀ martāḥ ǀ amṛta ǀ mo iti ǀ te ǀ aṃhaḥ ǀ ā ǀ aran ǀ
vavandhi ǀ yajyūn ǀ uta ǀ teṣu ǀ dhehi ǀ ojaḥ ǀ janeṣu ǀ yeṣu ǀ te ǀ syāma ǁ