|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 33
|
1. Info |
| To: | indra | |
| From: | saṃvaraṇa prājāpatya | |
| Metres: | 1st set of styles: paṅktiḥ (1, 2, 7); bhurikpaṅkti (4, 10); svarāṭpaṅkti (5, 6); nicṛtpaṅkti (3); triṣṭup (8); nicṛttriṣṭup (9) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.033.01 (Mandala. Sukta. Rik)
4.2.01.01 (Ashtaka. Adhyaya. Varga. Rik)
05.03.001 (Mandala. Anuvāka. Rik)
Samhita Devanagari Accented
महि॑ म॒हे त॒वसे॑ दीध्ये॒ नॄनिंद्रा॑ये॒त्था त॒वसे॒ अत॑व्यान् ।
यो अ॑स्मै सुम॒तिं वाज॑सातौ स्तु॒तो जने॑ सम॒र्य॑श्चि॒केत॑ ॥
Samhita Devanagari Nonaccented
महि महे तवसे दीध्ये नॄनिंद्रायेत्था तवसे अतव्यान् ।
यो अस्मै सुमतिं वाजसातौ स्तुतो जने समर्यश्चिकेत ॥
Samhita Transcription Accented
máhi mahé taváse dīdhye nṝ́níndrāyetthā́ taváse átavyān ǀ
yó asmai sumatím vā́jasātau stutó jáne samaryáścikéta ǁ
Samhita Transcription Nonaccented
mahi mahe tavase dīdhye nṝnindrāyetthā tavase atavyān ǀ
yo asmai sumatim vājasātau stuto jane samaryaściketa ǁ
Padapatha Devanagari Accented
महि॑ । म॒हे । त॒वसे॑ । दी॒ध्ये॒ । नॄन् । इन्द्रा॑य । इ॒त्था । त॒वसे॑ । अत॑व्यान् ।
यः । अ॒स्मै॒ । सु॒ऽम॒तिम् । वाज॑ऽसातौ । स्तु॒तः । जने॑ । स॒ऽम॒र्यः॑ । चि॒केत॑ ॥
Padapatha Devanagari Nonaccented
महि । महे । तवसे । दीध्ये । नॄन् । इन्द्राय । इत्था । तवसे । अतव्यान् ।
यः । अस्मै । सुऽमतिम् । वाजऽसातौ । स्तुतः । जने । सऽमर्यः । चिकेत ॥
Padapatha Transcription Accented
máhi ǀ mahé ǀ taváse ǀ dīdhye ǀ nṝ́n ǀ índrāya ǀ itthā́ ǀ taváse ǀ átavyān ǀ
yáḥ ǀ asmai ǀ su-matím ǀ vā́ja-sātau ǀ stutáḥ ǀ jáne ǀ sa-maryáḥ ǀ cikéta ǁ
Padapatha Transcription Nonaccented
mahi ǀ mahe ǀ tavase ǀ dīdhye ǀ nṝn ǀ indrāya ǀ itthā ǀ tavase ǀ atavyān ǀ
yaḥ ǀ asmai ǀ su-matim ǀ vāja-sātau ǀ stutaḥ ǀ jane ǀ sa-maryaḥ ǀ ciketa ǁ
05.033.02 (Mandala. Sukta. Rik)
4.2.01.02 (Ashtaka. Adhyaya. Varga. Rik)
05.03.002 (Mandala. Anuvāka. Rik)
Samhita Devanagari Accented
स त्वं न॑ इंद्र धियसा॒नो अ॒र्कैर्हरी॑णां वृष॒न्योक्त्र॑मश्रेः ।
या इ॒त्था म॑घव॒न्ननु॒ जोषं॒ वक्षो॑ अ॒भि प्रार्यः स॑क्षि॒ जना॑न् ॥
Samhita Devanagari Nonaccented
स त्वं न इंद्र धियसानो अर्कैर्हरीणां वृषन्योक्त्रमश्रेः ।
या इत्था मघवन्ननु जोषं वक्षो अभि प्रार्यः सक्षि जनान् ॥
Samhita Transcription Accented
sá tvám na indra dhiyasānó arkáirhárīṇām vṛṣanyóktramaśreḥ ǀ
yā́ itthā́ maghavannánu jóṣam vákṣo abhí prā́ryáḥ sakṣi jánān ǁ
Samhita Transcription Nonaccented
sa tvam na indra dhiyasāno arkairharīṇām vṛṣanyoktramaśreḥ ǀ
yā itthā maghavannanu joṣam vakṣo abhi prāryaḥ sakṣi janān ǁ
Padapatha Devanagari Accented
सः । त्वम् । नः॒ । इ॒न्द्र॒ । धि॒य॒सा॒नः । अ॒र्कैः । हरी॑णाम् । वृ॒ष॒न् । योक्त्र॑म् । अ॒श्रेः॒ ।
याः । इ॒त्था । म॒घ॒ऽव॒न् । अनु॑ । जोष॑म् । वक्षः॑ । अ॒भि । प्र । अ॒र्यः । स॒क्षि॒ । जना॑न् ॥
Padapatha Devanagari Nonaccented
सः । त्वम् । नः । इन्द्र । धियसानः । अर्कैः । हरीणाम् । वृषन् । योक्त्रम् । अश्रेः ।
याः । इत्था । मघऽवन् । अनु । जोषम् । वक्षः । अभि । प्र । अर्यः । सक्षि । जनान् ॥
Padapatha Transcription Accented
sáḥ ǀ tvám ǀ naḥ ǀ indra ǀ dhiyasānáḥ ǀ arkáiḥ ǀ hárīṇām ǀ vṛṣan ǀ yóktram ǀ aśreḥ ǀ
yā́ḥ ǀ itthā́ ǀ magha-van ǀ ánu ǀ jóṣam ǀ vákṣaḥ ǀ abhí ǀ prá ǀ aryáḥ ǀ sakṣi ǀ jánān ǁ
Padapatha Transcription Nonaccented
saḥ ǀ tvam ǀ naḥ ǀ indra ǀ dhiyasānaḥ ǀ arkaiḥ ǀ harīṇām ǀ vṛṣan ǀ yoktram ǀ aśreḥ ǀ
yāḥ ǀ itthā ǀ magha-van ǀ anu ǀ joṣam ǀ vakṣaḥ ǀ abhi ǀ pra ǀ aryaḥ ǀ sakṣi ǀ janān ǁ
05.033.03 (Mandala. Sukta. Rik)
4.2.01.03 (Ashtaka. Adhyaya. Varga. Rik)
05.03.003 (Mandala. Anuvāka. Rik)
Samhita Devanagari Accented
न ते त॑ इंद्रा॒भ्य१॒॑स्मदृ॒ष्वायु॑क्तासो अब्र॒ह्मता॒ यदस॑न् ।
तिष्ठा॒ रथ॒मधि॒ तं व॑ज्रह॒स्ता र॒श्मिं दे॑व यमसे॒ स्वश्वः॑ ॥
Samhita Devanagari Nonaccented
न ते त इंद्राभ्यस्मदृष्वायुक्तासो अब्रह्मता यदसन् ।
तिष्ठा रथमधि तं वज्रहस्ता रश्मिं देव यमसे स्वश्वः ॥
Samhita Transcription Accented
ná té ta indrābhyásmádṛṣvā́yuktāso abrahmátā yádásan ǀ
tíṣṭhā ráthamádhi tám vajrahastā́ raśmím deva yamase sváśvaḥ ǁ
Samhita Transcription Nonaccented
na te ta indrābhyasmadṛṣvāyuktāso abrahmatā yadasan ǀ
tiṣṭhā rathamadhi tam vajrahastā raśmim deva yamase svaśvaḥ ǁ
Padapatha Devanagari Accented
न । ते । ते॒ । इ॒न्द्र॒ । अ॒भि । अ॒स्मत् । ऋ॒ष्व॒ । अयु॑क्तासः । अ॒ब्र॒ह्मता॑ । यत् । अस॑न् ।
तिष्ठ॑ । रथ॑म् । अधि॑ । तम् । व॒ज्र॒ऽह॒स्त॒ । आ । र॒श्मिम् । दे॒व॒ । य॒म॒से॒ । सु॒ऽअश्वः॑ ॥
Padapatha Devanagari Nonaccented
न । ते । ते । इन्द्र । अभि । अस्मत् । ऋष्व । अयुक्तासः । अब्रह्मता । यत् । असन् ।
तिष्ठ । रथम् । अधि । तम् । वज्रऽहस्त । आ । रश्मिम् । देव । यमसे । सुऽअश्वः ॥
Padapatha Transcription Accented
ná ǀ té ǀ te ǀ indra ǀ abhí ǀ asmát ǀ ṛṣva ǀ áyuktāsaḥ ǀ abrahmátā ǀ yát ǀ ásan ǀ
tíṣṭha ǀ rátham ǀ ádhi ǀ tám ǀ vajra-hasta ǀ ā́ ǀ raśmím ǀ deva ǀ yamase ǀ su-áśvaḥ ǁ
Padapatha Transcription Nonaccented
na ǀ te ǀ te ǀ indra ǀ abhi ǀ asmat ǀ ṛṣva ǀ ayuktāsaḥ ǀ abrahmatā ǀ yat ǀ asan ǀ
tiṣṭha ǀ ratham ǀ adhi ǀ tam ǀ vajra-hasta ǀ ā ǀ raśmim ǀ deva ǀ yamase ǀ su-aśvaḥ ǁ
05.033.04 (Mandala. Sukta. Rik)
4.2.01.04 (Ashtaka. Adhyaya. Varga. Rik)
05.03.004 (Mandala. Anuvāka. Rik)
Samhita Devanagari Accented
पु॒रू यत्त॑ इंद्र॒ संत्यु॒क्था गवे॑ च॒कर्थो॒र्वरा॑सु॒ युध्य॑न् ।
त॒त॒क्षे सूर्या॑य चि॒दोक॑सि॒ स्वे वृषा॑ स॒मत्सु॑ दा॒सस्य॒ नाम॑ चित् ॥
Samhita Devanagari Nonaccented
पुरू यत्त इंद्र संत्युक्था गवे चकर्थोर्वरासु युध्यन् ।
ततक्षे सूर्याय चिदोकसि स्वे वृषा समत्सु दासस्य नाम चित् ॥
Samhita Transcription Accented
purū́ yátta indra sántyukthā́ gáve cakárthorvárāsu yúdhyan ǀ
tatakṣé sū́ryāya cidókasi své vṛ́ṣā samátsu dāsásya nā́ma cit ǁ
Samhita Transcription Nonaccented
purū yatta indra santyukthā gave cakarthorvarāsu yudhyan ǀ
tatakṣe sūryāya cidokasi sve vṛṣā samatsu dāsasya nāma cit ǁ
Padapatha Devanagari Accented
पु॒रु । यत् । ते॒ । इ॒न्द्र॒ । सन्ति॑ । उ॒क्था । गवे॑ । च॒कर्थ॑ । उ॒र्वरा॑सु । युध्य॑न् ।
त॒त॒क्षे । सूर्या॑य । चि॒त् । ओक॑सि । स्वे । वृषा॑ । स॒मत्ऽसु॑ । दा॒सस्य॑ । नाम॑ । चि॒त् ॥
Padapatha Devanagari Nonaccented
पुरु । यत् । ते । इन्द्र । सन्ति । उक्था । गवे । चकर्थ । उर्वरासु । युध्यन् ।
ततक्षे । सूर्याय । चित् । ओकसि । स्वे । वृषा । समत्ऽसु । दासस्य । नाम । चित् ॥
Padapatha Transcription Accented
purú ǀ yát ǀ te ǀ indra ǀ sánti ǀ ukthā́ ǀ gáve ǀ cakártha ǀ urvárāsu ǀ yúdhyan ǀ
tatakṣé ǀ sū́ryāya ǀ cit ǀ ókasi ǀ své ǀ vṛ́ṣā ǀ samát-su ǀ dāsásya ǀ nā́ma ǀ cit ǁ
Padapatha Transcription Nonaccented
puru ǀ yat ǀ te ǀ indra ǀ santi ǀ ukthā ǀ gave ǀ cakartha ǀ urvarāsu ǀ yudhyan ǀ
tatakṣe ǀ sūryāya ǀ cit ǀ okasi ǀ sve ǀ vṛṣā ǀ samat-su ǀ dāsasya ǀ nāma ǀ cit ǁ
05.033.05 (Mandala. Sukta. Rik)
4.2.01.05 (Ashtaka. Adhyaya. Varga. Rik)
05.03.005 (Mandala. Anuvāka. Rik)
Samhita Devanagari Accented
व॒यं ते त॑ इंद्र॒ ये च॒ नरः॒ शर्धो॑ जज्ञा॒ना या॒ताश्च॒ रथाः॑ ।
आस्मांज॑गम्यादहिशुष्म॒ सत्वा॒ भगो॒ न हव्यः॑ प्रभृ॒थेषु॒ चारुः॑ ॥
Samhita Devanagari Nonaccented
वयं ते त इंद्र ये च नरः शर्धो जज्ञाना याताश्च रथाः ।
आस्मांजगम्यादहिशुष्म सत्वा भगो न हव्यः प्रभृथेषु चारुः ॥
Samhita Transcription Accented
vayám té ta indra yé ca náraḥ śárdho jajñānā́ yātā́śca ráthāḥ ǀ
ā́smā́ñjagamyādahiśuṣma sátvā bhágo ná hávyaḥ prabhṛthéṣu cā́ruḥ ǁ
Samhita Transcription Nonaccented
vayam te ta indra ye ca naraḥ śardho jajñānā yātāśca rathāḥ ǀ
āsmāñjagamyādahiśuṣma satvā bhago na havyaḥ prabhṛtheṣu cāruḥ ǁ
Padapatha Devanagari Accented
व॒यम् । ते । ते॒ । इ॒न्द्र॒ । ये । च॒ । नरः॑ । शर्धः॑ । ज॒ज्ञा॒नाः । या॒ताः । च॒ । रथाः॑ ।
आ । अ॒स्मान् । ज॒ग॒म्या॒त् । अ॒हि॒ऽशु॒ष्म॒ । सत्वा॑ । भगः॑ । न । हव्यः॑ । प्र॒ऽभृ॒थेषु॑ । चारुः॑ ॥
Padapatha Devanagari Nonaccented
वयम् । ते । ते । इन्द्र । ये । च । नरः । शर्धः । जज्ञानाः । याताः । च । रथाः ।
आ । अस्मान् । जगम्यात् । अहिऽशुष्म । सत्वा । भगः । न । हव्यः । प्रऽभृथेषु । चारुः ॥
Padapatha Transcription Accented
vayám ǀ té ǀ te ǀ indra ǀ yé ǀ ca ǀ náraḥ ǀ śárdhaḥ ǀ jajñānā́ḥ ǀ yātā́ḥ ǀ ca ǀ ráthāḥ ǀ
ā́ ǀ asmā́n ǀ jagamyāt ǀ ahi-śuṣma ǀ sátvā ǀ bhágaḥ ǀ ná ǀ hávyaḥ ǀ pra-bhṛthéṣu ǀ cā́ruḥ ǁ
Padapatha Transcription Nonaccented
vayam ǀ te ǀ te ǀ indra ǀ ye ǀ ca ǀ naraḥ ǀ śardhaḥ ǀ jajñānāḥ ǀ yātāḥ ǀ ca ǀ rathāḥ ǀ
ā ǀ asmān ǀ jagamyāt ǀ ahi-śuṣma ǀ satvā ǀ bhagaḥ ǀ na ǀ havyaḥ ǀ pra-bhṛtheṣu ǀ cāruḥ ǁ
05.033.06 (Mandala. Sukta. Rik)
4.2.02.01 (Ashtaka. Adhyaya. Varga. Rik)
05.03.006 (Mandala. Anuvāka. Rik)
Samhita Devanagari Accented
प॒पृ॒क्षेण्य॑मिंद्र॒ त्वे ह्योजो॑ नृ॒म्णानि॑ च नृ॒तमा॑नो॒ अम॑र्तः ।
स न॒ एनीं॑ वसवानो र॒यिं दाः॒ प्रार्यः स्तु॑षे तुविम॒घस्य॒ दानं॑ ॥
Samhita Devanagari Nonaccented
पपृक्षेण्यमिंद्र त्वे ह्योजो नृम्णानि च नृतमानो अमर्तः ।
स न एनीं वसवानो रयिं दाः प्रार्यः स्तुषे तुविमघस्य दानं ॥
Samhita Transcription Accented
papṛkṣéṇyamindra tvé hyójo nṛmṇā́ni ca nṛtámāno ámartaḥ ǀ
sá na énīm vasavāno rayím dāḥ prā́ryáḥ stuṣe tuvimaghásya dā́nam ǁ
Samhita Transcription Nonaccented
papṛkṣeṇyamindra tve hyojo nṛmṇāni ca nṛtamāno amartaḥ ǀ
sa na enīm vasavāno rayim dāḥ prāryaḥ stuṣe tuvimaghasya dānam ǁ
Padapatha Devanagari Accented
प॒पृ॒क्षेण्य॑म् । इ॒न्द्र॒ । त्वे इति॑ । हि । ओजः॑ । नृ॒म्णानि॑ । च॒ । नृ॒तमा॑नः । अम॑र्तः ।
सः । नः॒ । एनी॑म् । व॒स॒वा॒नः॒ । र॒यिम् । दाः॒ । प्र । अ॒र्यः । स्तु॒षे॒ । तु॒वि॒ऽम॒घस्य॑ । दान॑म् ॥
Padapatha Devanagari Nonaccented
पपृक्षेण्यम् । इन्द्र । त्वे इति । हि । ओजः । नृम्णानि । च । नृतमानः । अमर्तः ।
सः । नः । एनीम् । वसवानः । रयिम् । दाः । प्र । अर्यः । स्तुषे । तुविऽमघस्य । दानम् ॥
Padapatha Transcription Accented
papṛkṣéṇyam ǀ indra ǀ tvé íti ǀ hí ǀ ójaḥ ǀ nṛmṇā́ni ǀ ca ǀ nṛtámānaḥ ǀ ámartaḥ ǀ
sáḥ ǀ naḥ ǀ énīm ǀ vasavānaḥ ǀ rayím ǀ dāḥ ǀ prá ǀ aryáḥ ǀ stuṣe ǀ tuvi-maghásya ǀ dā́nam ǁ
Padapatha Transcription Nonaccented
papṛkṣeṇyam ǀ indra ǀ tve iti ǀ hi ǀ ojaḥ ǀ nṛmṇāni ǀ ca ǀ nṛtamānaḥ ǀ amartaḥ ǀ
saḥ ǀ naḥ ǀ enīm ǀ vasavānaḥ ǀ rayim ǀ dāḥ ǀ pra ǀ aryaḥ ǀ stuṣe ǀ tuvi-maghasya ǀ dānam ǁ
05.033.07 (Mandala. Sukta. Rik)
4.2.02.02 (Ashtaka. Adhyaya. Varga. Rik)
05.03.007 (Mandala. Anuvāka. Rik)
Samhita Devanagari Accented
ए॒वा न॑ इंद्रो॒तिभि॑रव पा॒हि गृ॑ण॒तः शू॑र का॒रून् ।
उ॒त त्वचं॒ दद॑तो॒ वाज॑सातौ पिप्री॒हि मध्वः॒ सुषु॑तस्य॒ चारोः॑ ॥
Samhita Devanagari Nonaccented
एवा न इंद्रोतिभिरव पाहि गृणतः शूर कारून् ।
उत त्वचं ददतो वाजसातौ पिप्रीहि मध्वः सुषुतस्य चारोः ॥
Samhita Transcription Accented
evā́ na indrotíbhirava pāhí gṛṇatáḥ śūra kārū́n ǀ
utá tvácam dádato vā́jasātau piprīhí mádhvaḥ súṣutasya cā́roḥ ǁ
Samhita Transcription Nonaccented
evā na indrotibhirava pāhi gṛṇataḥ śūra kārūn ǀ
uta tvacam dadato vājasātau piprīhi madhvaḥ suṣutasya cāroḥ ǁ
Padapatha Devanagari Accented
ए॒व । नः॒ । इ॒न्द्र॒ । ऊ॒तिऽभिः॑ । अ॒व॒ । पा॒हि । गृ॒ण॒तः । शू॒र॒ । का॒रून् ।
उ॒त । त्वच॑म् । दद॑तः । वाज॑ऽसातौ । पि॒प्री॒हि । मध्वः॑ । सुऽसु॑तस्य । चारोः॑ ॥
Padapatha Devanagari Nonaccented
एव । नः । इन्द्र । ऊतिऽभिः । अव । पाहि । गृणतः । शूर । कारून् ।
उत । त्वचम् । ददतः । वाजऽसातौ । पिप्रीहि । मध्वः । सुऽसुतस्य । चारोः ॥
Padapatha Transcription Accented
evá ǀ naḥ ǀ indra ǀ ūtí-bhiḥ ǀ ava ǀ pāhí ǀ gṛṇatáḥ ǀ śūra ǀ kārū́n ǀ
utá ǀ tvácam ǀ dádataḥ ǀ vā́ja-sātau ǀ piprīhí ǀ mádhvaḥ ǀ sú-sutasya ǀ cā́roḥ ǁ
Padapatha Transcription Nonaccented
eva ǀ naḥ ǀ indra ǀ ūti-bhiḥ ǀ ava ǀ pāhi ǀ gṛṇataḥ ǀ śūra ǀ kārūn ǀ
uta ǀ tvacam ǀ dadataḥ ǀ vāja-sātau ǀ piprīhi ǀ madhvaḥ ǀ su-sutasya ǀ cāroḥ ǁ
05.033.08 (Mandala. Sukta. Rik)
4.2.02.03 (Ashtaka. Adhyaya. Varga. Rik)
05.03.008 (Mandala. Anuvāka. Rik)
Samhita Devanagari Accented
उ॒त त्ये मा॑ पौरुकु॒त्स्यस्य॑ सू॒रेस्त्र॒सद॑स्योर्हिर॒णिनो॒ ररा॑णाः ।
वहं॑तु मा॒ दश॒ श्येता॑सो अस्य गैरिक्षि॒तस्य॒ क्रतु॑भि॒र्नु स॑श्चे ॥
Samhita Devanagari Nonaccented
उत त्ये मा पौरुकुत्स्यस्य सूरेस्त्रसदस्योर्हिरणिनो रराणाः ।
वहंतु मा दश श्येतासो अस्य गैरिक्षितस्य क्रतुभिर्नु सश्चे ॥
Samhita Transcription Accented
utá tyé mā paurukutsyásya sūréstrasádasyorhiraṇíno rárāṇāḥ ǀ
váhantu mā dáśa śyétāso asya gairikṣitásya krátubhirnú saśce ǁ
Samhita Transcription Nonaccented
uta tye mā paurukutsyasya sūrestrasadasyorhiraṇino rarāṇāḥ ǀ
vahantu mā daśa śyetāso asya gairikṣitasya kratubhirnu saśce ǁ
Padapatha Devanagari Accented
उ॒त । त्ये । मा॒ । पौ॒रु॒ऽकु॒त्स्यस्य॑ । सू॒रेः । त्र॒सद॑स्योः । हि॒र॒णिनः॑ । ररा॑णाः ।
वह॑न्तु । मा॒ । दश॑ । श्येता॑सः । अ॒स्य॒ । गै॒रि॒ऽक्षि॒तस्य॑ । क्रतु॑ऽभिः । नु । स॒श्चे॒ ॥
Padapatha Devanagari Nonaccented
उत । त्ये । मा । पौरुऽकुत्स्यस्य । सूरेः । त्रसदस्योः । हिरणिनः । रराणाः ।
वहन्तु । मा । दश । श्येतासः । अस्य । गैरिऽक्षितस्य । क्रतुऽभिः । नु । सश्चे ॥
Padapatha Transcription Accented
utá ǀ tyé ǀ mā ǀ pauru-kutsyásya ǀ sūréḥ ǀ trasádasyoḥ ǀ hiraṇínaḥ ǀ rárāṇāḥ ǀ
váhantu ǀ mā ǀ dáśa ǀ śyétāsaḥ ǀ asya ǀ gairi-kṣitásya ǀ krátu-bhiḥ ǀ nú ǀ saśce ǁ
Padapatha Transcription Nonaccented
uta ǀ tye ǀ mā ǀ pauru-kutsyasya ǀ sūreḥ ǀ trasadasyoḥ ǀ hiraṇinaḥ ǀ rarāṇāḥ ǀ
vahantu ǀ mā ǀ daśa ǀ śyetāsaḥ ǀ asya ǀ gairi-kṣitasya ǀ kratu-bhiḥ ǀ nu ǀ saśce ǁ
05.033.09 (Mandala. Sukta. Rik)
4.2.02.04 (Ashtaka. Adhyaya. Varga. Rik)
05.03.009 (Mandala. Anuvāka. Rik)
Samhita Devanagari Accented
उ॒त त्ये मा॑ मारु॒ताश्व॑स्य॒ शोणाः॒ क्रत्वा॑मघासो वि॒दथ॑स्य रा॒तौ ।
स॒हस्रा॑ मे॒ च्यव॑तानो॒ ददा॑न आनू॒कम॒र्यो वपु॑षे॒ नार्च॑त् ॥
Samhita Devanagari Nonaccented
उत त्ये मा मारुताश्वस्य शोणाः क्रत्वामघासो विदथस्य रातौ ।
सहस्रा मे च्यवतानो ददान आनूकमर्यो वपुषे नार्चत् ॥
Samhita Transcription Accented
utá tyé mā mārutā́śvasya śóṇāḥ krátvāmaghāso vidáthasya rātáu ǀ
sahásrā me cyávatāno dádāna ānūkámaryó vápuṣe nā́rcat ǁ
Samhita Transcription Nonaccented
uta tye mā mārutāśvasya śoṇāḥ kratvāmaghāso vidathasya rātau ǀ
sahasrā me cyavatāno dadāna ānūkamaryo vapuṣe nārcat ǁ
Padapatha Devanagari Accented
उ॒त । त्ये । मा॒ । मा॒रु॒तऽअ॑श्वस्य । शोणाः॑ । क्रत्वा॑ऽमघासः । वि॒दथ॑स्य । रा॒तौ ।
स॒हस्रा॑ । मे॒ । च्यव॑तानः । ददा॑नः । आ॒नू॒कम् । अ॒र्यः । वपु॑षे । न । आ॒र्च॒त् ॥
Padapatha Devanagari Nonaccented
उत । त्ये । मा । मारुतऽअश्वस्य । शोणाः । क्रत्वाऽमघासः । विदथस्य । रातौ ।
सहस्रा । मे । च्यवतानः । ददानः । आनूकम् । अर्यः । वपुषे । न । आर्चत् ॥
Padapatha Transcription Accented
utá ǀ tyé ǀ mā ǀ mārutá-aśvasya ǀ śóṇāḥ ǀ krátvā-maghāsaḥ ǀ vidáthasya ǀ rātáu ǀ
sahásrā ǀ me ǀ cyávatānaḥ ǀ dádānaḥ ǀ ānūkám ǀ aryáḥ ǀ vápuṣe ǀ ná ǀ ārcat ǁ
Padapatha Transcription Nonaccented
uta ǀ tye ǀ mā ǀ māruta-aśvasya ǀ śoṇāḥ ǀ kratvā-maghāsaḥ ǀ vidathasya ǀ rātau ǀ
sahasrā ǀ me ǀ cyavatānaḥ ǀ dadānaḥ ǀ ānūkam ǀ aryaḥ ǀ vapuṣe ǀ na ǀ ārcat ǁ
05.033.10 (Mandala. Sukta. Rik)
4.2.02.05 (Ashtaka. Adhyaya. Varga. Rik)
05.03.010 (Mandala. Anuvāka. Rik)
Samhita Devanagari Accented
उ॒त त्ये मा॑ ध्व॒न्य॑स्य॒ जुष्टा॑ लक्ष्म॒ण्य॑स्य सु॒रुचो॒ यता॑नाः ।
म॒ह्ना रा॒यः सं॒वर॑णस्य॒ ऋषे॑र्व्र॒जं न गावः॒ प्रय॑ता॒ अपि॑ ग्मन् ॥
Samhita Devanagari Nonaccented
उत त्ये मा ध्वन्यस्य जुष्टा लक्ष्मण्यस्य सुरुचो यतानाः ।
मह्ना रायः संवरणस्य ऋषेर्व्रजं न गावः प्रयता अपि ग्मन् ॥
Samhita Transcription Accented
utá tyé mā dhvanyásya júṣṭā lakṣmaṇyásya surúco yátānāḥ ǀ
mahnā́ rāyáḥ saṃváraṇasya ṛ́ṣervrajám ná gā́vaḥ práyatā ápi gman ǁ
Samhita Transcription Nonaccented
uta tye mā dhvanyasya juṣṭā lakṣmaṇyasya suruco yatānāḥ ǀ
mahnā rāyaḥ saṃvaraṇasya ṛṣervrajam na gāvaḥ prayatā api gman ǁ
Padapatha Devanagari Accented
उ॒त । त्ये । मा॒ । ध्व॒न्य॑स्य । जुष्टाः॑ । ल॒क्ष्म॒ण्य॑स्य । सु॒ऽरुचः॑ । यता॑नाः ।
म॒ह्ना । रा॒यः । स॒म्ऽवर॑णस्य । ऋषेः॑ । व्र॒जम् । न । गावः॑ । प्रऽय॑ताः । अपि॑ । ग्म॒न् ॥
Padapatha Devanagari Nonaccented
उत । त्ये । मा । ध्वन्यस्य । जुष्टाः । लक्ष्मण्यस्य । सुऽरुचः । यतानाः ।
मह्ना । रायः । सम्ऽवरणस्य । ऋषेः । व्रजम् । न । गावः । प्रऽयताः । अपि । ग्मन् ॥
Padapatha Transcription Accented
utá ǀ tyé ǀ mā ǀ dhvanyásya ǀ júṣṭāḥ ǀ lakṣmaṇyásya ǀ su-rúcaḥ ǀ yátānāḥ ǀ
mahnā́ ǀ rāyáḥ ǀ sam-váraṇasya ǀ ṛ́ṣeḥ ǀ vrajám ǀ ná ǀ gā́vaḥ ǀ prá-yatāḥ ǀ ápi ǀ gman ǁ
Padapatha Transcription Nonaccented
uta ǀ tye ǀ mā ǀ dhvanyasya ǀ juṣṭāḥ ǀ lakṣmaṇyasya ǀ su-rucaḥ ǀ yatānāḥ ǀ
mahnā ǀ rāyaḥ ǀ sam-varaṇasya ǀ ṛṣeḥ ǀ vrajam ǀ na ǀ gāvaḥ ǀ pra-yatāḥ ǀ api ǀ gman ǁ