|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 35
|
1. Info |
| To: | indra | |
| From: | prabhūvasu āṅgirasa | |
| Metres: | 1st set of styles: svarāḍuṣnik (4-6); nicṛdanuṣṭup (1); bhuriguṣṇik (2); bhuriganuṣṭup (3); anuṣṭup (7); bhurigbṛhatī (8) 2nd set of styles: anuṣṭubh (1-7); paṅkti (8) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.035.01 (Mandala. Sukta. Rik)
4.2.05.01 (Ashtaka. Adhyaya. Varga. Rik)
05.03.020 (Mandala. Anuvāka. Rik)
Samhita Devanagari Accented
यस्ते॒ साधि॒ष्ठोऽव॑स॒ इंद्र॒ क्रतु॒ष्टमा भ॑र ।
अ॒स्मभ्यं॑ चर्षणी॒सहं॒ सस्निं॒ वाजे॑षु दु॒ष्टरं॑ ॥
Samhita Devanagari Nonaccented
यस्ते साधिष्ठोऽवस इंद्र क्रतुष्टमा भर ।
अस्मभ्यं चर्षणीसहं सस्निं वाजेषु दुष्टरं ॥
Samhita Transcription Accented
yáste sā́dhiṣṭhó’vasa índra krátuṣṭámā́ bhara ǀ
asmábhyam carṣaṇīsáham sásnim vā́jeṣu duṣṭáram ǁ
Samhita Transcription Nonaccented
yaste sādhiṣṭho’vasa indra kratuṣṭamā bhara ǀ
asmabhyam carṣaṇīsaham sasnim vājeṣu duṣṭaram ǁ
Padapatha Devanagari Accented
यः । ते॒ । साधि॑ष्ठः । अव॑से । इन्द्र॑ । क्रतुः॑ । तम् । आ । भ॒र॒ ।
अ॒स्मभ्य॑म् । च॒र्ष॒णि॒ऽसह॑म् । सस्नि॑म् । वाजे॑षु । दु॒स्तर॑म् ॥
Padapatha Devanagari Nonaccented
यः । ते । साधिष्ठः । अवसे । इन्द्र । क्रतुः । तम् । आ । भर ।
अस्मभ्यम् । चर्षणिऽसहम् । सस्निम् । वाजेषु । दुस्तरम् ॥
Padapatha Transcription Accented
yáḥ ǀ te ǀ sā́dhiṣṭhaḥ ǀ ávase ǀ índra ǀ krátuḥ ǀ tám ǀ ā́ ǀ bhara ǀ
asmábhyam ǀ carṣaṇi-sáham ǀ sásnim ǀ vā́jeṣu ǀ dustáram ǁ
Padapatha Transcription Nonaccented
yaḥ ǀ te ǀ sādhiṣṭhaḥ ǀ avase ǀ indra ǀ kratuḥ ǀ tam ǀ ā ǀ bhara ǀ
asmabhyam ǀ carṣaṇi-saham ǀ sasnim ǀ vājeṣu ǀ dustaram ǁ
05.035.02 (Mandala. Sukta. Rik)
4.2.05.02 (Ashtaka. Adhyaya. Varga. Rik)
05.03.021 (Mandala. Anuvāka. Rik)
Samhita Devanagari Accented
यदिं॑द्र ते॒ चत॑स्रो॒ यच्छू॑र॒ संति॑ ति॒स्रः ।
यद्वा॒ पंच॑ क्षिती॒नामव॒स्तत्सु न॒ आ भ॑र ॥
Samhita Devanagari Nonaccented
यदिंद्र ते चतस्रो यच्छूर संति तिस्रः ।
यद्वा पंच क्षितीनामवस्तत्सु न आ भर ॥
Samhita Transcription Accented
yádindra te cátasro yácchūra sánti tisráḥ ǀ
yádvā páñca kṣitīnā́mávastátsú na ā́ bhara ǁ
Samhita Transcription Nonaccented
yadindra te catasro yacchūra santi tisraḥ ǀ
yadvā pañca kṣitīnāmavastatsu na ā bhara ǁ
Padapatha Devanagari Accented
यत् । इ॒न्द्र॒ । ते॒ । चत॑स्रः । यत् । शू॒र॒ । सन्ति॑ । ति॒स्रः ।
यत् । वा॒ । पञ्च॑ । क्षि॒ती॒नाम् । अवः॑ । तत् । सु । नः॒ । आ । भ॒र॒ ॥
Padapatha Devanagari Nonaccented
यत् । इन्द्र । ते । चतस्रः । यत् । शूर । सन्ति । तिस्रः ।
यत् । वा । पञ्च । क्षितीनाम् । अवः । तत् । सु । नः । आ । भर ॥
Padapatha Transcription Accented
yát ǀ indra ǀ te ǀ cátasraḥ ǀ yát ǀ śūra ǀ sánti ǀ tisráḥ ǀ
yát ǀ vā ǀ páñca ǀ kṣitīnā́m ǀ ávaḥ ǀ tát ǀ sú ǀ naḥ ǀ ā́ ǀ bhara ǁ
Padapatha Transcription Nonaccented
yat ǀ indra ǀ te ǀ catasraḥ ǀ yat ǀ śūra ǀ santi ǀ tisraḥ ǀ
yat ǀ vā ǀ pañca ǀ kṣitīnām ǀ avaḥ ǀ tat ǀ su ǀ naḥ ǀ ā ǀ bhara ǁ
05.035.03 (Mandala. Sukta. Rik)
4.2.05.03 (Ashtaka. Adhyaya. Varga. Rik)
05.03.022 (Mandala. Anuvāka. Rik)
Samhita Devanagari Accented
आ तेऽवो॒ वरे॑ण्यं॒ वृषं॑तमस्य हूमहे ।
वृष॑जूति॒र्हि ज॑ज्ञि॒ष आ॒भूभि॑रिंद्र तु॒र्वणिः॑ ॥
Samhita Devanagari Nonaccented
आ तेऽवो वरेण्यं वृषंतमस्य हूमहे ।
वृषजूतिर्हि जज्ञिष आभूभिरिंद्र तुर्वणिः ॥
Samhita Transcription Accented
ā́ té’vo váreṇyam vṛ́ṣantamasya hūmahe ǀ
vṛ́ṣajūtirhí jajñiṣá ābhū́bhirindra turváṇiḥ ǁ
Samhita Transcription Nonaccented
ā te’vo vareṇyam vṛṣantamasya hūmahe ǀ
vṛṣajūtirhi jajñiṣa ābhūbhirindra turvaṇiḥ ǁ
Padapatha Devanagari Accented
आ । ते॒ । अवः॑ । वरे॑ण्यम् । वृष॑न्ऽतमस्य । हू॒म॒हे॒ ।
वृष॑ऽजूतिः । हि । ज॒ज्ञि॒षे । आ॒ऽभूभिः॑ । इ॒न्द्र॒ । तु॒र्वणिः॑ ॥
Padapatha Devanagari Nonaccented
आ । ते । अवः । वरेण्यम् । वृषन्ऽतमस्य । हूमहे ।
वृषऽजूतिः । हि । जज्ञिषे । आऽभूभिः । इन्द्र । तुर्वणिः ॥
Padapatha Transcription Accented
ā́ ǀ te ǀ ávaḥ ǀ váreṇyam ǀ vṛ́ṣan-tamasya ǀ hūmahe ǀ
vṛ́ṣa-jūtiḥ ǀ hí ǀ jajñiṣé ǀ ā-bhū́bhiḥ ǀ indra ǀ turváṇiḥ ǁ
Padapatha Transcription Nonaccented
ā ǀ te ǀ avaḥ ǀ vareṇyam ǀ vṛṣan-tamasya ǀ hūmahe ǀ
vṛṣa-jūtiḥ ǀ hi ǀ jajñiṣe ǀ ā-bhūbhiḥ ǀ indra ǀ turvaṇiḥ ǁ
05.035.04 (Mandala. Sukta. Rik)
4.2.05.04 (Ashtaka. Adhyaya. Varga. Rik)
05.03.023 (Mandala. Anuvāka. Rik)
Samhita Devanagari Accented
वृषा॒ ह्यसि॒ राध॑से जज्ञि॒षे वृष्णि॑ ते॒ शवः॑ ।
स्वक्ष॑त्रं ते धृ॒षन्मनः॑ सत्रा॒हमिं॑द्र॒ पौंस्यं॑ ॥
Samhita Devanagari Nonaccented
वृषा ह्यसि राधसे जज्ञिषे वृष्णि ते शवः ।
स्वक्षत्रं ते धृषन्मनः सत्राहमिंद्र पौंस्यं ॥
Samhita Transcription Accented
vṛ́ṣā hyási rā́dhase jajñiṣé vṛ́ṣṇi te śávaḥ ǀ
svákṣatram te dhṛṣánmánaḥ satrāhámindra páuṃsyam ǁ
Samhita Transcription Nonaccented
vṛṣā hyasi rādhase jajñiṣe vṛṣṇi te śavaḥ ǀ
svakṣatram te dhṛṣanmanaḥ satrāhamindra pauṃsyam ǁ
Padapatha Devanagari Accented
वृषा॑ । हि । असि॑ । राध॑से । ज॒ज्ञि॒षे । वृष्णि॑ । ते॒ । शवः॑ ।
स्वऽक्ष॑त्रम् । ते॒ । धृ॒षत् । मनः॑ । स॒त्रा॒ऽहम् । इ॒न्द्र॒ । पौंस्य॑म् ॥
Padapatha Devanagari Nonaccented
वृषा । हि । असि । राधसे । जज्ञिषे । वृष्णि । ते । शवः ।
स्वऽक्षत्रम् । ते । धृषत् । मनः । सत्राऽहम् । इन्द्र । पौंस्यम् ॥
Padapatha Transcription Accented
vṛ́ṣā ǀ hí ǀ ási ǀ rā́dhase ǀ jajñiṣé ǀ vṛ́ṣṇi ǀ te ǀ śávaḥ ǀ
svá-kṣatram ǀ te ǀ dhṛṣát ǀ mánaḥ ǀ satrā-hám ǀ indra ǀ páuṃsyam ǁ
Padapatha Transcription Nonaccented
vṛṣā ǀ hi ǀ asi ǀ rādhase ǀ jajñiṣe ǀ vṛṣṇi ǀ te ǀ śavaḥ ǀ
sva-kṣatram ǀ te ǀ dhṛṣat ǀ manaḥ ǀ satrā-ham ǀ indra ǀ pauṃsyam ǁ
05.035.05 (Mandala. Sukta. Rik)
4.2.05.05 (Ashtaka. Adhyaya. Varga. Rik)
05.03.024 (Mandala. Anuvāka. Rik)
Samhita Devanagari Accented
त्वं तमिं॑द्र॒ मर्त्य॑ममित्र॒यंत॑मद्रिवः ।
स॒र्व॒र॒था श॑तक्रतो॒ नि या॑हि शवसस्पते ॥
Samhita Devanagari Nonaccented
त्वं तमिंद्र मर्त्यममित्रयंतमद्रिवः ।
सर्वरथा शतक्रतो नि याहि शवसस्पते ॥
Samhita Transcription Accented
tvám támindra mártyamamitrayántamadrivaḥ ǀ
sarvarathā́ śatakrato ní yāhi śavasaspate ǁ
Samhita Transcription Nonaccented
tvam tamindra martyamamitrayantamadrivaḥ ǀ
sarvarathā śatakrato ni yāhi śavasaspate ǁ
Padapatha Devanagari Accented
त्वम् । तम् । इ॒न्द्र॒ । मर्त्य॑म् । अ॒मि॒त्र॒ऽयन्त॑म् । अ॒द्रि॒ऽवः॒ ।
स॒र्व॒ऽर॒था । श॒त॒क्र॒तो॒ इति॑ शतऽक्रतो । नि । या॒हि॒ । श॒व॒सः॒ । प॒ते॒ ॥
Padapatha Devanagari Nonaccented
त्वम् । तम् । इन्द्र । मर्त्यम् । अमित्रऽयन्तम् । अद्रिऽवः ।
सर्वऽरथा । शतक्रतो इति शतऽक्रतो । नि । याहि । शवसः । पते ॥
Padapatha Transcription Accented
tvám ǀ tám ǀ indra ǀ mártyam ǀ amitra-yántam ǀ adri-vaḥ ǀ
sarva-rathā́ ǀ śatakrato íti śata-krato ǀ ní ǀ yāhi ǀ śavasaḥ ǀ pate ǁ
Padapatha Transcription Nonaccented
tvam ǀ tam ǀ indra ǀ martyam ǀ amitra-yantam ǀ adri-vaḥ ǀ
sarva-rathā ǀ śatakrato iti śata-krato ǀ ni ǀ yāhi ǀ śavasaḥ ǀ pate ǁ
05.035.06 (Mandala. Sukta. Rik)
4.2.06.01 (Ashtaka. Adhyaya. Varga. Rik)
05.03.025 (Mandala. Anuvāka. Rik)
Samhita Devanagari Accented
त्वामिद्वृ॑त्रहंतम॒ जना॑सो वृ॒क्तब॑र्हिषः ।
उ॒ग्रं पू॒र्वीषु॑ पू॒र्व्यं हवं॑ते॒ वाज॑सातये ॥
Samhita Devanagari Nonaccented
त्वामिद्वृत्रहंतम जनासो वृक्तबर्हिषः ।
उग्रं पूर्वीषु पूर्व्यं हवंते वाजसातये ॥
Samhita Transcription Accented
tvā́mídvṛtrahantama jánāso vṛktábarhiṣaḥ ǀ
ugrám pūrvī́ṣu pūrvyám hávante vā́jasātaye ǁ
Samhita Transcription Nonaccented
tvāmidvṛtrahantama janāso vṛktabarhiṣaḥ ǀ
ugram pūrvīṣu pūrvyam havante vājasātaye ǁ
Padapatha Devanagari Accented
त्वाम् । इत् । वृ॒त्र॒ह॒न्ऽत॒म॒ । जना॑सः । वृ॒क्तऽब॑र्हिषः ।
उ॒ग्रम् । पू॒र्वीषु॑ । पू॒र्व्यम् । हव॑न्ते । वाज॑ऽसातये ॥
Padapatha Devanagari Nonaccented
त्वाम् । इत् । वृत्रहन्ऽतम । जनासः । वृक्तऽबर्हिषः ।
उग्रम् । पूर्वीषु । पूर्व्यम् । हवन्ते । वाजऽसातये ॥
Padapatha Transcription Accented
tvā́m ǀ ít ǀ vṛtrahan-tama ǀ jánāsaḥ ǀ vṛktá-barhiṣaḥ ǀ
ugrám ǀ pūrvī́ṣu ǀ pūrvyám ǀ hávante ǀ vā́ja-sātaye ǁ
Padapatha Transcription Nonaccented
tvām ǀ it ǀ vṛtrahan-tama ǀ janāsaḥ ǀ vṛkta-barhiṣaḥ ǀ
ugram ǀ pūrvīṣu ǀ pūrvyam ǀ havante ǀ vāja-sātaye ǁ
05.035.07 (Mandala. Sukta. Rik)
4.2.06.02 (Ashtaka. Adhyaya. Varga. Rik)
05.03.026 (Mandala. Anuvāka. Rik)
Samhita Devanagari Accented
अ॒स्माक॑मिंद्र दु॒ष्टरं॑ पुरो॒यावा॑नमा॒जिषु॑ ।
स॒यावा॑नं॒ धने॑धने वाज॒यंत॑मवा॒ रथं॑ ॥
Samhita Devanagari Nonaccented
अस्माकमिंद्र दुष्टरं पुरोयावानमाजिषु ।
सयावानं धनेधने वाजयंतमवा रथं ॥
Samhita Transcription Accented
asmā́kamindra duṣṭáram puroyā́vānamājíṣu ǀ
sayā́vānam dhánedhane vājayántamavā rátham ǁ
Samhita Transcription Nonaccented
asmākamindra duṣṭaram puroyāvānamājiṣu ǀ
sayāvānam dhanedhane vājayantamavā ratham ǁ
Padapatha Devanagari Accented
अ॒स्माक॑म् । इ॒न्द्र॒ । दु॒स्तर॑म् । पु॒रः॒ऽयावा॑नम् । आ॒जिषु॑ ।
स॒ऽयावा॑नम् । धने॑ऽधने । वा॒ज॒ऽयन्त॑म् । अ॒व॒ । रथ॑म् ॥
Padapatha Devanagari Nonaccented
अस्माकम् । इन्द्र । दुस्तरम् । पुरःऽयावानम् । आजिषु ।
सऽयावानम् । धनेऽधने । वाजऽयन्तम् । अव । रथम् ॥
Padapatha Transcription Accented
asmā́kam ǀ indra ǀ dustáram ǀ puraḥ-yā́vānam ǀ ājíṣu ǀ
sa-yā́vānam ǀ dháne-dhane ǀ vāja-yántam ǀ ava ǀ rátham ǁ
Padapatha Transcription Nonaccented
asmākam ǀ indra ǀ dustaram ǀ puraḥ-yāvānam ǀ ājiṣu ǀ
sa-yāvānam ǀ dhane-dhane ǀ vāja-yantam ǀ ava ǀ ratham ǁ
05.035.08 (Mandala. Sukta. Rik)
4.2.06.03 (Ashtaka. Adhyaya. Varga. Rik)
05.03.027 (Mandala. Anuvāka. Rik)
Samhita Devanagari Accented
अ॒स्माक॑मिं॒द्रेहि॑ नो॒ रथ॑मवा॒ पुरं॑ध्या ।
व॒यं श॑विष्ठ॒ वार्यं॑ दि॒वि श्रवो॑ दधीमहि दि॒वि स्तोमं॑ मनामहे ॥
Samhita Devanagari Nonaccented
अस्माकमिंद्रेहि नो रथमवा पुरंध्या ।
वयं शविष्ठ वार्यं दिवि श्रवो दधीमहि दिवि स्तोमं मनामहे ॥
Samhita Transcription Accented
asmā́kamindréhi no ráthamavā púraṃdhyā ǀ
vayám śaviṣṭha vā́ryam diví śrávo dadhīmahi diví stómam manāmahe ǁ
Samhita Transcription Nonaccented
asmākamindrehi no rathamavā puraṃdhyā ǀ
vayam śaviṣṭha vāryam divi śravo dadhīmahi divi stomam manāmahe ǁ
Padapatha Devanagari Accented
अ॒स्माक॑म् । इ॒न्द्र॒ । आ । इ॒हि॒ । नः॒ । रथ॑म् । अ॒व॒ । पुर॑म्ऽध्या ।
व॒यम् । श॒वि॒ष्ठ॒ । वार्य॑म् । दि॒वि । श्रवः॑ । द॒धी॒म॒हि॒ । दि॒वि । स्तोम॑म् । म॒ना॒म॒हे॒ ॥
Padapatha Devanagari Nonaccented
अस्माकम् । इन्द्र । आ । इहि । नः । रथम् । अव । पुरम्ऽध्या ।
वयम् । शविष्ठ । वार्यम् । दिवि । श्रवः । दधीमहि । दिवि । स्तोमम् । मनामहे ॥
Padapatha Transcription Accented
asmā́kam ǀ indra ǀ ā́ ǀ ihi ǀ naḥ ǀ rátham ǀ ava ǀ púram-dhyā ǀ
vayám ǀ śaviṣṭha ǀ vā́ryam ǀ diví ǀ śrávaḥ ǀ dadhīmahi ǀ diví ǀ stómam ǀ manāmahe ǁ
Padapatha Transcription Nonaccented
asmākam ǀ indra ǀ ā ǀ ihi ǀ naḥ ǀ ratham ǀ ava ǀ puram-dhyā ǀ
vayam ǀ śaviṣṭha ǀ vāryam ǀ divi ǀ śravaḥ ǀ dadhīmahi ǀ divi ǀ stomam ǀ manāmahe ǁ