|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 38
|
1. Info |
| To: | indra | |
| From: | atri bhauma | |
| Metres: | 1st set of styles: nicṛdanuṣṭup (2-4); anuṣṭup (1); virāḍanuṣṭup (5) 2nd set of styles: anuṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.038.01 (Mandala. Sukta. Rik)
4.2.09.01 (Ashtaka. Adhyaya. Varga. Rik)
05.03.039 (Mandala. Anuvāka. Rik)
Samhita Devanagari Accented
उ॒रोष्ट॑ इंद्र॒ राध॑सो वि॒भ्वी रा॒तिः श॑तक्रतो ।
अधा॑ नो विश्वचर्षणे द्यु॒म्ना सु॑क्षत्र मंहय ॥
Samhita Devanagari Nonaccented
उरोष्ट इंद्र राधसो विभ्वी रातिः शतक्रतो ।
अधा नो विश्वचर्षणे द्युम्ना सुक्षत्र मंहय ॥
Samhita Transcription Accented
uróṣṭa indra rā́dhaso vibhvī́ rātíḥ śatakrato ǀ
ádhā no viśvacarṣaṇe dyumnā́ sukṣatra maṃhaya ǁ
Samhita Transcription Nonaccented
uroṣṭa indra rādhaso vibhvī rātiḥ śatakrato ǀ
adhā no viśvacarṣaṇe dyumnā sukṣatra maṃhaya ǁ
Padapatha Devanagari Accented
उ॒रोः । ते॒ । इ॒न्द्र॒ । राध॑सः । वि॒ऽभ्वी । रा॒तिः । श॒त॒क्र॒तो॒ इति॑ शतऽक्रतो ।
अध॑ । नः॒ । वि॒श्व॒ऽच॒र्ष॒णे॒ । द्यु॒म्ना । सु॒ऽक्ष॒त्र॒ । मं॒ह॒य॒ ॥
Padapatha Devanagari Nonaccented
उरोः । ते । इन्द्र । राधसः । विऽभ्वी । रातिः । शतक्रतो इति शतऽक्रतो ।
अध । नः । विश्वऽचर्षणे । द्युम्ना । सुऽक्षत्र । मंहय ॥
Padapatha Transcription Accented
uróḥ ǀ te ǀ indra ǀ rā́dhasaḥ ǀ vi-bhvī́ ǀ rātíḥ ǀ śatakrato íti śata-krato ǀ
ádha ǀ naḥ ǀ viśva-carṣaṇe ǀ dyumnā́ ǀ su-kṣatra ǀ maṃhaya ǁ
Padapatha Transcription Nonaccented
uroḥ ǀ te ǀ indra ǀ rādhasaḥ ǀ vi-bhvī ǀ rātiḥ ǀ śatakrato iti śata-krato ǀ
adha ǀ naḥ ǀ viśva-carṣaṇe ǀ dyumnā ǀ su-kṣatra ǀ maṃhaya ǁ
05.038.02 (Mandala. Sukta. Rik)
4.2.09.02 (Ashtaka. Adhyaya. Varga. Rik)
05.03.040 (Mandala. Anuvāka. Rik)
Samhita Devanagari Accented
यदी॑मिंद्र श्र॒वाय्य॒मिषं॑ शविष्ठ दधि॒षे ।
प॒प्र॒थे दी॑र्घ॒श्रुत्त॑मं॒ हिर॑ण्यवर्ण दु॒ष्टरं॑ ॥
Samhita Devanagari Nonaccented
यदीमिंद्र श्रवाय्यमिषं शविष्ठ दधिषे ।
पप्रथे दीर्घश्रुत्तमं हिरण्यवर्ण दुष्टरं ॥
Samhita Transcription Accented
yádīmindra śravā́yyamíṣam śaviṣṭha dadhiṣé ǀ
paprathé dīrghaśrúttamam híraṇyavarṇa duṣṭáram ǁ
Samhita Transcription Nonaccented
yadīmindra śravāyyamiṣam śaviṣṭha dadhiṣe ǀ
paprathe dīrghaśruttamam hiraṇyavarṇa duṣṭaram ǁ
Padapatha Devanagari Accented
यत् । ई॒म् । इ॒न्द्र॒ । श्र॒वाय्य॑म् । इष॑म् । श॒वि॒ष्ठ॒ । द॒धि॒षे ।
प॒प्र॒थे । दी॒र्घ॒श्रुत्ऽत॑मम् । हिर॑ण्यऽवर्ण । दु॒स्तर॑म् ॥
Padapatha Devanagari Nonaccented
यत् । ईम् । इन्द्र । श्रवाय्यम् । इषम् । शविष्ठ । दधिषे ।
पप्रथे । दीर्घश्रुत्ऽतमम् । हिरण्यऽवर्ण । दुस्तरम् ॥
Padapatha Transcription Accented
yát ǀ īm ǀ indra ǀ śravā́yyam ǀ íṣam ǀ śaviṣṭha ǀ dadhiṣé ǀ
paprathé ǀ dīrghaśrút-tamam ǀ híraṇya-varṇa ǀ dustáram ǁ
Padapatha Transcription Nonaccented
yat ǀ īm ǀ indra ǀ śravāyyam ǀ iṣam ǀ śaviṣṭha ǀ dadhiṣe ǀ
paprathe ǀ dīrghaśrut-tamam ǀ hiraṇya-varṇa ǀ dustaram ǁ
05.038.03 (Mandala. Sukta. Rik)
4.2.09.03 (Ashtaka. Adhyaya. Varga. Rik)
05.03.041 (Mandala. Anuvāka. Rik)
Samhita Devanagari Accented
शुष्मा॑सो॒ ये ते॑ अद्रिवो मे॒हना॑ केत॒सापः॑ ।
उ॒भा दे॒वाव॒भिष्ट॑ये दि॒वश्च॒ ग्मश्च॑ राजथः ॥
Samhita Devanagari Nonaccented
शुष्मासो ये ते अद्रिवो मेहना केतसापः ।
उभा देवावभिष्टये दिवश्च ग्मश्च राजथः ॥
Samhita Transcription Accented
śúṣmāso yé te adrivo mehánā ketasā́paḥ ǀ
ubhā́ devā́vabhíṣṭaye diváśca gmáśca rājathaḥ ǁ
Samhita Transcription Nonaccented
śuṣmāso ye te adrivo mehanā ketasāpaḥ ǀ
ubhā devāvabhiṣṭaye divaśca gmaśca rājathaḥ ǁ
Padapatha Devanagari Accented
शुष्मा॑सः । ये । ते॒ । अ॒द्रि॒ऽवः॒ । मे॒हना॑ । के॒त॒ऽसापः॑ ।
उ॒भा । दे॒वौ । अ॒भिष्ट॑ये । दि॒वः । च॒ । ग्मः । च॒ । रा॒ज॒थः॒ ॥
Padapatha Devanagari Nonaccented
शुष्मासः । ये । ते । अद्रिऽवः । मेहना । केतऽसापः ।
उभा । देवौ । अभिष्टये । दिवः । च । ग्मः । च । राजथः ॥
Padapatha Transcription Accented
śúṣmāsaḥ ǀ yé ǀ te ǀ adri-vaḥ ǀ mehánā ǀ keta-sā́paḥ ǀ
ubhā́ ǀ deváu ǀ abhíṣṭaye ǀ diváḥ ǀ ca ǀ gmáḥ ǀ ca ǀ rājathaḥ ǁ
Padapatha Transcription Nonaccented
śuṣmāsaḥ ǀ ye ǀ te ǀ adri-vaḥ ǀ mehanā ǀ keta-sāpaḥ ǀ
ubhā ǀ devau ǀ abhiṣṭaye ǀ divaḥ ǀ ca ǀ gmaḥ ǀ ca ǀ rājathaḥ ǁ
05.038.04 (Mandala. Sukta. Rik)
4.2.09.04 (Ashtaka. Adhyaya. Varga. Rik)
05.03.042 (Mandala. Anuvāka. Rik)
Samhita Devanagari Accented
उ॒तो नो॑ अ॒स्य कस्य॑ चि॒द्दक्ष॑स्य॒ तव॑ वृत्रहन् ।
अ॒स्मभ्यं॑ नृ॒म्णमा भ॑रा॒स्मभ्यं॑ नृमणस्यसे ॥
Samhita Devanagari Nonaccented
उतो नो अस्य कस्य चिद्दक्षस्य तव वृत्रहन् ।
अस्मभ्यं नृम्णमा भरास्मभ्यं नृमणस्यसे ॥
Samhita Transcription Accented
utó no asyá kásya ciddákṣasya táva vṛtrahan ǀ
asmábhyam nṛmṇámā́ bharāsmábhyam nṛmaṇasyase ǁ
Samhita Transcription Nonaccented
uto no asya kasya ciddakṣasya tava vṛtrahan ǀ
asmabhyam nṛmṇamā bharāsmabhyam nṛmaṇasyase ǁ
Padapatha Devanagari Accented
उ॒तो इति॑ । नः॒ । अ॒स्य । कस्य॑ । चि॒त् । दक्ष॑स्य । तव॑ । वृ॒त्र॒ऽह॒न् ।
अ॒स्मभ्य॑म् । नृ॒म्णम् । आ । भ॒र॒ । अ॒स्मभ्य॑म् । नृ॒ऽम॒न॒स्य॒से॒ ॥
Padapatha Devanagari Nonaccented
उतो इति । नः । अस्य । कस्य । चित् । दक्षस्य । तव । वृत्रऽहन् ।
अस्मभ्यम् । नृम्णम् । आ । भर । अस्मभ्यम् । नृऽमनस्यसे ॥
Padapatha Transcription Accented
utó íti ǀ naḥ ǀ asyá ǀ kásya ǀ cit ǀ dákṣasya ǀ táva ǀ vṛtra-han ǀ
asmábhyam ǀ nṛmṇám ǀ ā́ ǀ bhara ǀ asmábhyam ǀ nṛ-manasyase ǁ
Padapatha Transcription Nonaccented
uto iti ǀ naḥ ǀ asya ǀ kasya ǀ cit ǀ dakṣasya ǀ tava ǀ vṛtra-han ǀ
asmabhyam ǀ nṛmṇam ǀ ā ǀ bhara ǀ asmabhyam ǀ nṛ-manasyase ǁ
05.038.05 (Mandala. Sukta. Rik)
4.2.09.05 (Ashtaka. Adhyaya. Varga. Rik)
05.03.043 (Mandala. Anuvāka. Rik)
Samhita Devanagari Accented
नू त॑ आ॒भिर॒भिष्टि॑भि॒स्तव॒ शर्मं॑छतक्रतो ।
इंद्र॒ स्याम॑ सुगो॒पाः शूर॒ स्याम॑ सुगो॒पाः ॥
Samhita Devanagari Nonaccented
नू त आभिरभिष्टिभिस्तव शर्मंछतक्रतो ।
इंद्र स्याम सुगोपाः शूर स्याम सुगोपाः ॥
Samhita Transcription Accented
nū́ ta ābhírabhíṣṭibhistáva śármañchatakrato ǀ
índra syā́ma sugopā́ḥ śū́ra syā́ma sugopā́ḥ ǁ
Samhita Transcription Nonaccented
nū ta ābhirabhiṣṭibhistava śarmañchatakrato ǀ
indra syāma sugopāḥ śūra syāma sugopāḥ ǁ
Padapatha Devanagari Accented
नु । ते॒ । आ॒भिः । अ॒भिष्टि॑ऽभिः । तव॑ । शर्म॑न् । श॒त॒क्र॒तो॒ इति॑ शतऽक्रतो ।
इन्द्र॑ । स्याम॑ । सु॒ऽगो॒पाः । शूर॑ । स्याम॑ । सु॒ऽगो॒पाः ॥
Padapatha Devanagari Nonaccented
नु । ते । आभिः । अभिष्टिऽभिः । तव । शर्मन् । शतक्रतो इति शतऽक्रतो ।
इन्द्र । स्याम । सुऽगोपाः । शूर । स्याम । सुऽगोपाः ॥
Padapatha Transcription Accented
nú ǀ te ǀ ābhíḥ ǀ abhíṣṭi-bhiḥ ǀ táva ǀ śárman ǀ śatakrato íti śata-krato ǀ
índra ǀ syā́ma ǀ su-gopā́ḥ ǀ śū́ra ǀ syā́ma ǀ su-gopā́ḥ ǁ
Padapatha Transcription Nonaccented
nu ǀ te ǀ ābhiḥ ǀ abhiṣṭi-bhiḥ ǀ tava ǀ śarman ǀ śatakrato iti śata-krato ǀ
indra ǀ syāma ǀ su-gopāḥ ǀ śūra ǀ syāma ǀ su-gopāḥ ǁ