|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 39
|
1. Info |
| To: | indra | |
| From: | atri bhauma | |
| Metres: | 1st set of styles: nicṛdanuṣṭup (2, 3); virāḍanuṣṭup (1); svarāḍuṣnik (4); bṛhatī (5) 2nd set of styles: anuṣṭubh (1-4); paṅkti (5) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.039.01 (Mandala. Sukta. Rik)
4.2.10.01 (Ashtaka. Adhyaya. Varga. Rik)
05.03.044 (Mandala. Anuvāka. Rik)
Samhita Devanagari Accented
यदिं॑द्र चित्र मे॒हनास्ति॒ त्वादा॑तमद्रिवः ।
राध॒स्तन्नो॑ विदद्वस उभयाह॒स्त्या भ॑र ॥
Samhita Devanagari Nonaccented
यदिंद्र चित्र मेहनास्ति त्वादातमद्रिवः ।
राधस्तन्नो विदद्वस उभयाहस्त्या भर ॥
Samhita Transcription Accented
yádindra citra mehánā́sti tvā́dātamadrivaḥ ǀ
rā́dhastánno vidadvasa ubhayāhastyā́ bhara ǁ
Samhita Transcription Nonaccented
yadindra citra mehanāsti tvādātamadrivaḥ ǀ
rādhastanno vidadvasa ubhayāhastyā bhara ǁ
Padapatha Devanagari Accented
यत् । इ॒न्द्र॒ । चि॒त्र॒ । मे॒हना॑ । अस्ति॑ । त्वाऽदा॑तम् । अ॒द्रि॒ऽवः॒ ।
राधः॑ । तत् । नः॒ । वि॒द॒द्व॒सो॒ इति॑ विदत्ऽवसो । उ॒भ॒या॒ह॒स्ति । आ । भ॒र॒ ॥
Padapatha Devanagari Nonaccented
यत् । इन्द्र । चित्र । मेहना । अस्ति । त्वाऽदातम् । अद्रिऽवः ।
राधः । तत् । नः । विदद्वसो इति विदत्ऽवसो । उभयाहस्ति । आ । भर ॥
Padapatha Transcription Accented
yát ǀ indra ǀ citra ǀ mehánā ǀ ásti ǀ tvā́-dātam ǀ adri-vaḥ ǀ
rā́dhaḥ ǀ tát ǀ naḥ ǀ vidadvaso íti vidat-vaso ǀ ubhayāhastí ǀ ā́ ǀ bhara ǁ
Padapatha Transcription Nonaccented
yat ǀ indra ǀ citra ǀ mehanā ǀ asti ǀ tvā-dātam ǀ adri-vaḥ ǀ
rādhaḥ ǀ tat ǀ naḥ ǀ vidadvaso iti vidat-vaso ǀ ubhayāhasti ǀ ā ǀ bhara ǁ
05.039.02 (Mandala. Sukta. Rik)
4.2.10.02 (Ashtaka. Adhyaya. Varga. Rik)
05.03.045 (Mandala. Anuvāka. Rik)
Samhita Devanagari Accented
यन्मन्य॑से॒ वरे॑ण्य॒मिंद्र॑ द्यु॒क्षं तदा भ॑र ।
वि॒द्याम॒ तस्य॑ ते व॒यमकू॑पारस्य दा॒वने॑ ॥
Samhita Devanagari Nonaccented
यन्मन्यसे वरेण्यमिंद्र द्युक्षं तदा भर ।
विद्याम तस्य ते वयमकूपारस्य दावने ॥
Samhita Transcription Accented
yánmányase váreṇyamíndra dyukṣám tádā́ bhara ǀ
vidyā́ma tásya te vayámákūpārasya dāváne ǁ
Samhita Transcription Nonaccented
yanmanyase vareṇyamindra dyukṣam tadā bhara ǀ
vidyāma tasya te vayamakūpārasya dāvane ǁ
Padapatha Devanagari Accented
यत् । मन्य॑से । वरे॑ण्यम् । इन्द्र॑ । द्यु॒क्षम् । तत् । आ । भ॒र॒ ।
वि॒द्याम॑ । तस्य॑ । ते॒ । व॒यम् । अकू॑पारस्य । दा॒वने॑ ॥
Padapatha Devanagari Nonaccented
यत् । मन्यसे । वरेण्यम् । इन्द्र । द्युक्षम् । तत् । आ । भर ।
विद्याम । तस्य । ते । वयम् । अकूपारस्य । दावने ॥
Padapatha Transcription Accented
yát ǀ mányase ǀ váreṇyam ǀ índra ǀ dyukṣám ǀ tát ǀ ā́ ǀ bhara ǀ
vidyā́ma ǀ tásya ǀ te ǀ vayám ǀ ákūpārasya ǀ dāváne ǁ
Padapatha Transcription Nonaccented
yat ǀ manyase ǀ vareṇyam ǀ indra ǀ dyukṣam ǀ tat ǀ ā ǀ bhara ǀ
vidyāma ǀ tasya ǀ te ǀ vayam ǀ akūpārasya ǀ dāvane ǁ
05.039.03 (Mandala. Sukta. Rik)
4.2.10.03 (Ashtaka. Adhyaya. Varga. Rik)
05.03.046 (Mandala. Anuvāka. Rik)
Samhita Devanagari Accented
यत्ते॑ दि॒त्सु प्र॒राध्यं॒ मनो॒ अस्ति॑ श्रु॒तं बृ॒हत् ।
तेन॑ दृ॒ळ्हा चि॑दद्रिव॒ आ वाजं॑ दर्षि सा॒तये॑ ॥
Samhita Devanagari Nonaccented
यत्ते दित्सु प्रराध्यं मनो अस्ति श्रुतं बृहत् ।
तेन दृळ्हा चिदद्रिव आ वाजं दर्षि सातये ॥
Samhita Transcription Accented
yátte ditsú prarā́dhyam máno ásti śrutám bṛhát ǀ
téna dṛḷhā́ cidadriva ā́ vā́jam darṣi sātáye ǁ
Samhita Transcription Nonaccented
yatte ditsu prarādhyam mano asti śrutam bṛhat ǀ
tena dṛḷhā cidadriva ā vājam darṣi sātaye ǁ
Padapatha Devanagari Accented
यत् । ते॒ । दि॒त्सु । प्र॒ऽराध्य॑म् । मनः॑ । अस्ति॑ । श्रु॒तम् । बृ॒हत् ।
तेन॑ । दृ॒ळ्हा । चि॒त् । अ॒द्रि॒ऽवः॒ । आ । वाज॑म् । द॒र्षि॒ । सा॒तये॑ ॥
Padapatha Devanagari Nonaccented
यत् । ते । दित्सु । प्रऽराध्यम् । मनः । अस्ति । श्रुतम् । बृहत् ।
तेन । दृळ्हा । चित् । अद्रिऽवः । आ । वाजम् । दर्षि । सातये ॥
Padapatha Transcription Accented
yát ǀ te ǀ ditsú ǀ pra-rā́dhyam ǀ mánaḥ ǀ ásti ǀ śrutám ǀ bṛhát ǀ
téna ǀ dṛḷhā́ ǀ cit ǀ adri-vaḥ ǀ ā́ ǀ vā́jam ǀ darṣi ǀ sātáye ǁ
Padapatha Transcription Nonaccented
yat ǀ te ǀ ditsu ǀ pra-rādhyam ǀ manaḥ ǀ asti ǀ śrutam ǀ bṛhat ǀ
tena ǀ dṛḷhā ǀ cit ǀ adri-vaḥ ǀ ā ǀ vājam ǀ darṣi ǀ sātaye ǁ
05.039.04 (Mandala. Sukta. Rik)
4.2.10.04 (Ashtaka. Adhyaya. Varga. Rik)
05.03.047 (Mandala. Anuvāka. Rik)
Samhita Devanagari Accented
मंहि॑ष्ठं वो म॒घोनां॒ राजा॑नं चर्षणी॒नां ।
इंद्र॒मुप॒ प्रश॑स्तये पू॒र्वीभि॑र्जुजुषे॒ गिरः॑ ॥
Samhita Devanagari Nonaccented
मंहिष्ठं वो मघोनां राजानं चर्षणीनां ।
इंद्रमुप प्रशस्तये पूर्वीभिर्जुजुषे गिरः ॥
Samhita Transcription Accented
máṃhiṣṭham vo maghónām rā́jānam carṣaṇīnā́m ǀ
índramúpa práśastaye pūrvī́bhirjujuṣe gíraḥ ǁ
Samhita Transcription Nonaccented
maṃhiṣṭham vo maghonām rājānam carṣaṇīnām ǀ
indramupa praśastaye pūrvībhirjujuṣe giraḥ ǁ
Padapatha Devanagari Accented
मंहि॑ष्ठम् । वः॒ । म॒घोना॑म् । राजा॑नम् । च॒र्ष॒णी॒नाम् ।
इन्द्र॑म् । उप॑ । प्रऽश॑स्तये । पू॒र्वीभिः॑ । जु॒जु॒षे॒ । गिरः॑ ॥
Padapatha Devanagari Nonaccented
मंहिष्ठम् । वः । मघोनाम् । राजानम् । चर्षणीनाम् ।
इन्द्रम् । उप । प्रऽशस्तये । पूर्वीभिः । जुजुषे । गिरः ॥
Padapatha Transcription Accented
máṃhiṣṭham ǀ vaḥ ǀ maghónām ǀ rā́jānam ǀ carṣaṇīnā́m ǀ
índram ǀ úpa ǀ prá-śastaye ǀ pūrvī́bhiḥ ǀ jujuṣe ǀ gíraḥ ǁ
Padapatha Transcription Nonaccented
maṃhiṣṭham ǀ vaḥ ǀ maghonām ǀ rājānam ǀ carṣaṇīnām ǀ
indram ǀ upa ǀ pra-śastaye ǀ pūrvībhiḥ ǀ jujuṣe ǀ giraḥ ǁ
05.039.05 (Mandala. Sukta. Rik)
4.2.10.05 (Ashtaka. Adhyaya. Varga. Rik)
05.03.048 (Mandala. Anuvāka. Rik)
Samhita Devanagari Accented
अस्मा॒ इत्काव्यं॒ वच॑ उ॒क्थमिंद्रा॑य॒ शंस्यं॑ ।
तस्मा॑ उ॒ ब्रह्म॑वाहसे॒ गिरो॑ वर्धं॒त्यत्र॑यो॒ गिरः॑ शुंभं॒त्यत्र॑यः ॥
Samhita Devanagari Nonaccented
अस्मा इत्काव्यं वच उक्थमिंद्राय शंस्यं ।
तस्मा उ ब्रह्मवाहसे गिरो वर्धंत्यत्रयो गिरः शुंभंत्यत्रयः ॥
Samhita Transcription Accented
ásmā ítkā́vyam váca ukthámíndrāya śáṃsyam ǀ
tásmā u bráhmavāhase gíro vardhantyátrayo gíraḥ śumbhantyátrayaḥ ǁ
Samhita Transcription Nonaccented
asmā itkāvyam vaca ukthamindrāya śaṃsyam ǀ
tasmā u brahmavāhase giro vardhantyatrayo giraḥ śumbhantyatrayaḥ ǁ
Padapatha Devanagari Accented
अस्मै॑ । इत् । काव्य॑म् । वचः॑ । उ॒क्थम् । इन्द्रा॑य । शंस्य॑म् ।
तस्मै॑ । ऊं॒ इति॑ । ब्रह्म॑ऽवाहसे । गिरः॑ । व॒र्ध॒न्ति॒ । अत्र॑यः । गिरः॑ । शु॒म्भ॒न्ति॒ । अत्र॑यः ॥
Padapatha Devanagari Nonaccented
अस्मै । इत् । काव्यम् । वचः । उक्थम् । इन्द्राय । शंस्यम् ।
तस्मै । ऊं इति । ब्रह्मऽवाहसे । गिरः । वर्धन्ति । अत्रयः । गिरः । शुम्भन्ति । अत्रयः ॥
Padapatha Transcription Accented
ásmai ǀ ít ǀ kā́vyam ǀ vácaḥ ǀ ukthám ǀ índrāya ǀ śáṃsyam ǀ
tásmai ǀ ūṃ íti ǀ bráhma-vāhase ǀ gíraḥ ǀ vardhanti ǀ átrayaḥ ǀ gíraḥ ǀ śumbhanti ǀ átrayaḥ ǁ
Padapatha Transcription Nonaccented
asmai ǀ it ǀ kāvyam ǀ vacaḥ ǀ uktham ǀ indrāya ǀ śaṃsyam ǀ
tasmai ǀ ūṃ iti ǀ brahma-vāhase ǀ giraḥ ǀ vardhanti ǀ atrayaḥ ǀ giraḥ ǀ śumbhanti ǀ atrayaḥ ǁ