|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 47
|
1. Info |
| To: | viśvedevās | |
| From: | pratiratha ātreya | |
| Metres: | 1st set of styles: triṣṭup (1-3, 7); bhuriktriṣṭup (4); bhurikpaṅkti (5); virāṭtrisṭup (6) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.047.01 (Mandala. Sukta. Rik)
4.3.01.01 (Ashtaka. Adhyaya. Varga. Rik)
05.04.020 (Mandala. Anuvāka. Rik)
Samhita Devanagari Accented
प्र॒युं॒ज॒ती दि॒व ए॑ति ब्रुवा॒णा म॒ही मा॒ता दु॑हि॒तुर्बो॒धयं॑ती ।
आ॒विवा॑संती युव॒तिर्म॑नी॒षा पि॒तृभ्य॒ आ सद॑ने॒ जोहु॑वाना ॥
Samhita Devanagari Nonaccented
प्रयुंजती दिव एति ब्रुवाणा मही माता दुहितुर्बोधयंती ।
आविवासंती युवतिर्मनीषा पितृभ्य आ सदने जोहुवाना ॥
Samhita Transcription Accented
prayuñjatī́ divá eti bruvāṇā́ mahī́ mātā́ duhitúrbodháyantī ǀ
āvívāsantī yuvatírmanīṣā́ pitṛ́bhya ā́ sádane jóhuvānā ǁ
Samhita Transcription Nonaccented
prayuñjatī diva eti bruvāṇā mahī mātā duhiturbodhayantī ǀ
āvivāsantī yuvatirmanīṣā pitṛbhya ā sadane johuvānā ǁ
Padapatha Devanagari Accented
प्र॒यु॒ञ्ज॒ती । दि॒वः । ए॒ति॒ । ब्रु॒वा॒णा । म॒ही । मा॒ता । दु॒हि॒तुः । बो॒धय॑न्ती ।
आ॒ऽविवा॑सन्ती । यु॒व॒तिः । म॒नी॒षा । पि॒तृऽभ्यः॑ । आ । सद॑ने । जोहु॑वाना ॥
Padapatha Devanagari Nonaccented
प्रयुञ्जती । दिवः । एति । ब्रुवाणा । मही । माता । दुहितुः । बोधयन्ती ।
आऽविवासन्ती । युवतिः । मनीषा । पितृऽभ्यः । आ । सदने । जोहुवाना ॥
Padapatha Transcription Accented
prayuñjatī́ ǀ diváḥ ǀ eti ǀ bruvāṇā́ ǀ mahī́ ǀ mātā́ ǀ duhitúḥ ǀ bodháyantī ǀ
ā-vívāsantī ǀ yuvatíḥ ǀ manīṣā́ ǀ pitṛ́-bhyaḥ ǀ ā́ ǀ sádane ǀ jóhuvānā ǁ
Padapatha Transcription Nonaccented
prayuñjatī ǀ divaḥ ǀ eti ǀ bruvāṇā ǀ mahī ǀ mātā ǀ duhituḥ ǀ bodhayantī ǀ
ā-vivāsantī ǀ yuvatiḥ ǀ manīṣā ǀ pitṛ-bhyaḥ ǀ ā ǀ sadane ǀ johuvānā ǁ
05.047.02 (Mandala. Sukta. Rik)
4.3.01.02 (Ashtaka. Adhyaya. Varga. Rik)
05.04.021 (Mandala. Anuvāka. Rik)
Samhita Devanagari Accented
अ॒जि॒रास॒स्तद॑प॒ ईय॑माना आतस्थि॒वांसो॑ अ॒मृत॑स्य॒ नाभिं॑ ।
अ॒नं॒तास॑ उ॒रवो॑ वि॒श्वतः॑ सीं॒ परि॒ द्यावा॑पृथि॒वी यं॑ति॒ पंथाः॑ ॥
Samhita Devanagari Nonaccented
अजिरासस्तदप ईयमाना आतस्थिवांसो अमृतस्य नाभिं ।
अनंतास उरवो विश्वतः सीं परि द्यावापृथिवी यंति पंथाः ॥
Samhita Transcription Accented
ajirā́sastádapa ī́yamānā ātasthivā́ṃso amṛ́tasya nā́bhim ǀ
anantā́sa urávo viśvátaḥ sīm pári dyā́vāpṛthivī́ yanti pánthāḥ ǁ
Samhita Transcription Nonaccented
ajirāsastadapa īyamānā ātasthivāṃso amṛtasya nābhim ǀ
anantāsa uravo viśvataḥ sīm pari dyāvāpṛthivī yanti panthāḥ ǁ
Padapatha Devanagari Accented
अ॒जि॒रासः॑ । तत्ऽअ॑पः । ईय॑मानाः । आ॒त॒स्थि॒ऽवांसः॑ । अ॒मृत॑स्य । नाभि॑म् ।
अ॒न॒न्तासः॑ । उ॒रवः॑ । वि॒श्वतः॑ । सी॒म् । परि॑ । द्यावा॑पृथि॒वी इति॑ । य॒न्ति॒ । पन्थाः॑ ॥
Padapatha Devanagari Nonaccented
अजिरासः । तत्ऽअपः । ईयमानाः । आतस्थिऽवांसः । अमृतस्य । नाभिम् ।
अनन्तासः । उरवः । विश्वतः । सीम् । परि । द्यावापृथिवी इति । यन्ति । पन्थाः ॥
Padapatha Transcription Accented
ajirā́saḥ ǀ tát-apaḥ ǀ ī́yamānāḥ ǀ ātasthi-vā́ṃsaḥ ǀ amṛ́tasya ǀ nā́bhim ǀ
anantā́saḥ ǀ urávaḥ ǀ viśvátaḥ ǀ sīm ǀ pári ǀ dyā́vāpṛthivī́ íti ǀ yanti ǀ pánthāḥ ǁ
Padapatha Transcription Nonaccented
ajirāsaḥ ǀ tat-apaḥ ǀ īyamānāḥ ǀ ātasthi-vāṃsaḥ ǀ amṛtasya ǀ nābhim ǀ
anantāsaḥ ǀ uravaḥ ǀ viśvataḥ ǀ sīm ǀ pari ǀ dyāvāpṛthivī iti ǀ yanti ǀ panthāḥ ǁ
05.047.03 (Mandala. Sukta. Rik)
4.3.01.03 (Ashtaka. Adhyaya. Varga. Rik)
05.04.022 (Mandala. Anuvāka. Rik)
Samhita Devanagari Accented
उ॒क्षा स॑मु॒द्रो अ॑रु॒षः सु॑प॒र्णः पूर्व॑स्य॒ योनिं॑ पि॒तुरा वि॑वेश ।
मध्ये॑ दि॒वो निहि॑तः॒ पृश्नि॒रश्मा॒ वि च॑क्रमे॒ रज॑सस्पा॒त्यंतौ॑ ॥
Samhita Devanagari Nonaccented
उक्षा समुद्रो अरुषः सुपर्णः पूर्वस्य योनिं पितुरा विवेश ।
मध्ये दिवो निहितः पृश्निरश्मा वि चक्रमे रजसस्पात्यंतौ ॥
Samhita Transcription Accented
ukṣā́ samudró aruṣáḥ suparṇáḥ pū́rvasya yónim pitúrā́ viveśa ǀ
mádhye divó níhitaḥ pṛ́śniráśmā ví cakrame rájasaspātyántau ǁ
Samhita Transcription Nonaccented
ukṣā samudro aruṣaḥ suparṇaḥ pūrvasya yonim piturā viveśa ǀ
madhye divo nihitaḥ pṛśniraśmā vi cakrame rajasaspātyantau ǁ
Padapatha Devanagari Accented
उ॒क्षा । स॒मु॒द्रः । अ॒रु॒षः । सु॒ऽप॒र्णः । पूर्व॑स्य । योनि॑म् । पि॒तुः । आ । वि॒वे॒श॒ ।
मध्ये॑ । दि॒वः । निऽहि॑तः । पृश्निः॑ । अश्मा॑ । वि । च॒क्र॒मे॒ । रज॑सः । पा॒ति॒ । अन्तौ॑ ॥
Padapatha Devanagari Nonaccented
उक्षा । समुद्रः । अरुषः । सुऽपर्णः । पूर्वस्य । योनिम् । पितुः । आ । विवेश ।
मध्ये । दिवः । निऽहितः । पृश्निः । अश्मा । वि । चक्रमे । रजसः । पाति । अन्तौ ॥
Padapatha Transcription Accented
ukṣā́ ǀ samudráḥ ǀ aruṣáḥ ǀ su-parṇáḥ ǀ pū́rvasya ǀ yónim ǀ pitúḥ ǀ ā́ ǀ viveśa ǀ
mádhye ǀ diváḥ ǀ ní-hitaḥ ǀ pṛ́śniḥ ǀ áśmā ǀ ví ǀ cakrame ǀ rájasaḥ ǀ pāti ǀ ántau ǁ
Padapatha Transcription Nonaccented
ukṣā ǀ samudraḥ ǀ aruṣaḥ ǀ su-parṇaḥ ǀ pūrvasya ǀ yonim ǀ pituḥ ǀ ā ǀ viveśa ǀ
madhye ǀ divaḥ ǀ ni-hitaḥ ǀ pṛśniḥ ǀ aśmā ǀ vi ǀ cakrame ǀ rajasaḥ ǀ pāti ǀ antau ǁ
05.047.04 (Mandala. Sukta. Rik)
4.3.01.04 (Ashtaka. Adhyaya. Varga. Rik)
05.04.023 (Mandala. Anuvāka. Rik)
Samhita Devanagari Accented
च॒त्वार॑ ईं बिभ्रति क्षेम॒यंतो॒ दश॒ गर्भं॑ च॒रसे॑ धापयंते ।
त्रि॒धात॑वः पर॒मा अ॑स्य॒ गावो॑ दि॒वश्च॑रंति॒ परि॑ स॒द्यो अंता॑न् ॥
Samhita Devanagari Nonaccented
चत्वार ईं बिभ्रति क्षेमयंतो दश गर्भं चरसे धापयंते ।
त्रिधातवः परमा अस्य गावो दिवश्चरंति परि सद्यो अंतान् ॥
Samhita Transcription Accented
catvā́ra īm bibhrati kṣemayánto dáśa gárbham caráse dhāpayante ǀ
tridhā́tavaḥ paramā́ asya gā́vo diváścaranti pári sadyó ántān ǁ
Samhita Transcription Nonaccented
catvāra īm bibhrati kṣemayanto daśa garbham carase dhāpayante ǀ
tridhātavaḥ paramā asya gāvo divaścaranti pari sadyo antān ǁ
Padapatha Devanagari Accented
च॒त्वारः॑ । ई॒म् । बि॒भ्र॒ति॒ । क्षे॒म॒ऽयन्तः॑ । दश॑ । गर्भ॑म् । च॒रसे॑ । धा॒प॒य॒न्ते॒ ।
त्रि॒ऽधात॑वः । प॒र॒माः । अ॒स्य॒ । गावः॑ । दि॒वः । च॒र॒न्ति॒ । परि॑ । स॒द्यः । अन्ता॑न् ॥
Padapatha Devanagari Nonaccented
चत्वारः । ईम् । बिभ्रति । क्षेमऽयन्तः । दश । गर्भम् । चरसे । धापयन्ते ।
त्रिऽधातवः । परमाः । अस्य । गावः । दिवः । चरन्ति । परि । सद्यः । अन्तान् ॥
Padapatha Transcription Accented
catvā́raḥ ǀ īm ǀ bibhrati ǀ kṣema-yántaḥ ǀ dáśa ǀ gárbham ǀ caráse ǀ dhāpayante ǀ
tri-dhā́tavaḥ ǀ paramā́ḥ ǀ asya ǀ gā́vaḥ ǀ diváḥ ǀ caranti ǀ pári ǀ sadyáḥ ǀ ántān ǁ
Padapatha Transcription Nonaccented
catvāraḥ ǀ īm ǀ bibhrati ǀ kṣema-yantaḥ ǀ daśa ǀ garbham ǀ carase ǀ dhāpayante ǀ
tri-dhātavaḥ ǀ paramāḥ ǀ asya ǀ gāvaḥ ǀ divaḥ ǀ caranti ǀ pari ǀ sadyaḥ ǀ antān ǁ
05.047.05 (Mandala. Sukta. Rik)
4.3.01.05 (Ashtaka. Adhyaya. Varga. Rik)
05.04.024 (Mandala. Anuvāka. Rik)
Samhita Devanagari Accented
इ॒दं वपु॑र्नि॒वच॑नं जनास॒श्चरं॑ति॒ यन्न॒द्य॑स्त॒स्थुरापः॑ ।
द्वे यदीं॑ बिभृ॒तो मा॒तुर॒न्ये इ॒हेह॑ जा॒ते य॒म्या॒३॒॑ सबं॑धू ॥
Samhita Devanagari Nonaccented
इदं वपुर्निवचनं जनासश्चरंति यन्नद्यस्तस्थुरापः ।
द्वे यदीं बिभृतो मातुरन्ये इहेह जाते यम्या सबंधू ॥
Samhita Transcription Accented
idám vápurnivácanam janāsaścáranti yánnadyástasthúrā́paḥ ǀ
dvé yádīm bibhṛtó mātúranyé ihéha jāté yamyā́ sábandhū ǁ
Samhita Transcription Nonaccented
idam vapurnivacanam janāsaścaranti yannadyastasthurāpaḥ ǀ
dve yadīm bibhṛto māturanye iheha jāte yamyā sabandhū ǁ
Padapatha Devanagari Accented
इ॒दम् । वपुः॑ । नि॒ऽवच॑नम् । ज॒ना॒सः॒ । चर॑न्ति । यत् । न॒द्यः॑ । त॒स्थुः । आपः॑ ।
द्वे इति॑ । यत् । ई॒म् । बि॒भृ॒तः । मा॒तुः । अ॒न्ये इति॑ । इ॒हऽइ॑ह । जा॒ते इति॑ । य॒म्या॑ । सब॑न्धू॒ इति॒ सऽब॑न्धू ॥
Padapatha Devanagari Nonaccented
इदम् । वपुः । निऽवचनम् । जनासः । चरन्ति । यत् । नद्यः । तस्थुः । आपः ।
द्वे इति । यत् । ईम् । बिभृतः । मातुः । अन्ये इति । इहऽइह । जाते इति । यम्या । सबन्धू इति सऽबन्धू ॥
Padapatha Transcription Accented
idám ǀ vápuḥ ǀ ni-vácanam ǀ janāsaḥ ǀ cáranti ǀ yát ǀ nadyáḥ ǀ tasthúḥ ǀ ā́paḥ ǀ
dvé íti ǀ yát ǀ īm ǀ bibhṛtáḥ ǀ mātúḥ ǀ anyé íti ǀ ihá-iha ǀ jāté íti ǀ yamyā́ ǀ sábandhū íti sá-bandhū ǁ
Padapatha Transcription Nonaccented
idam ǀ vapuḥ ǀ ni-vacanam ǀ janāsaḥ ǀ caranti ǀ yat ǀ nadyaḥ ǀ tasthuḥ ǀ āpaḥ ǀ
dve iti ǀ yat ǀ īm ǀ bibhṛtaḥ ǀ mātuḥ ǀ anye iti ǀ iha-iha ǀ jāte iti ǀ yamyā ǀ sabandhū iti sa-bandhū ǁ
05.047.06 (Mandala. Sukta. Rik)
4.3.01.06 (Ashtaka. Adhyaya. Varga. Rik)
05.04.025 (Mandala. Anuvāka. Rik)
Samhita Devanagari Accented
वि त॑न्वते॒ धियो॑ अस्मा॒ अपां॑सि॒ वस्त्रा॑ पु॒त्राय॑ मा॒तरो॑ वयंति ।
उ॒प॒प्र॒क्षे वृष॑णो॒ मोद॑माना दि॒वस्प॒था व॒ध्वो॑ यं॒त्यच्छ॑ ॥
Samhita Devanagari Nonaccented
वि तन्वते धियो अस्मा अपांसि वस्त्रा पुत्राय मातरो वयंति ।
उपप्रक्षे वृषणो मोदमाना दिवस्पथा वध्वो यंत्यच्छ ॥
Samhita Transcription Accented
ví tanvate dhíyo asmā ápāṃsi vástrā putrā́ya mātáro vayanti ǀ
upaprakṣé vṛ́ṣaṇo módamānā diváspathā́ vadhvó yantyáccha ǁ
Samhita Transcription Nonaccented
vi tanvate dhiyo asmā apāṃsi vastrā putrāya mātaro vayanti ǀ
upaprakṣe vṛṣaṇo modamānā divaspathā vadhvo yantyaccha ǁ
Padapatha Devanagari Accented
वि । त॒न्व॒ते॒ । धियः॑ । अ॒स्मै॒ । अपां॑सि । वस्त्रा॑ । पु॒त्राय॑ । मा॒तरः॑ । व॒य॒न्ति॒ ।
उ॒प॒ऽप्र॒क्षे । वृष॑णः । मोद॑मानाः । दि॒वः । प॒था । व॒ध्वः॑ । य॒न्ति॒ । अच्छ॑ ॥
Padapatha Devanagari Nonaccented
वि । तन्वते । धियः । अस्मै । अपांसि । वस्त्रा । पुत्राय । मातरः । वयन्ति ।
उपऽप्रक्षे । वृषणः । मोदमानाः । दिवः । पथा । वध्वः । यन्ति । अच्छ ॥
Padapatha Transcription Accented
ví ǀ tanvate ǀ dhíyaḥ ǀ asmai ǀ ápāṃsi ǀ vástrā ǀ putrā́ya ǀ mātáraḥ ǀ vayanti ǀ
upa-prakṣé ǀ vṛ́ṣaṇaḥ ǀ módamānāḥ ǀ diváḥ ǀ pathā́ ǀ vadhváḥ ǀ yanti ǀ áccha ǁ
Padapatha Transcription Nonaccented
vi ǀ tanvate ǀ dhiyaḥ ǀ asmai ǀ apāṃsi ǀ vastrā ǀ putrāya ǀ mātaraḥ ǀ vayanti ǀ
upa-prakṣe ǀ vṛṣaṇaḥ ǀ modamānāḥ ǀ divaḥ ǀ pathā ǀ vadhvaḥ ǀ yanti ǀ accha ǁ
05.047.07 (Mandala. Sukta. Rik)
4.3.01.07 (Ashtaka. Adhyaya. Varga. Rik)
05.04.026 (Mandala. Anuvāka. Rik)
Samhita Devanagari Accented
तद॑स्तु मित्रावरुणा॒ तद॑ग्ने॒ शं योर॒स्मभ्य॑मि॒दम॑स्तु श॒स्तं ।
अ॒शी॒महि॑ गा॒धमु॒त प्र॑ति॒ष्ठां नमो॑ दि॒वे बृ॑ह॒ते साद॑नाय ॥
Samhita Devanagari Nonaccented
तदस्तु मित्रावरुणा तदग्ने शं योरस्मभ्यमिदमस्तु शस्तं ।
अशीमहि गाधमुत प्रतिष्ठां नमो दिवे बृहते सादनाय ॥
Samhita Transcription Accented
tádastu mitrāvaruṇā tádagne śám yórasmábhyamidámastu śastám ǀ
aśīmáhi gādhámutá pratiṣṭhā́m námo divé bṛhaté sā́danāya ǁ
Samhita Transcription Nonaccented
tadastu mitrāvaruṇā tadagne śam yorasmabhyamidamastu śastam ǀ
aśīmahi gādhamuta pratiṣṭhām namo dive bṛhate sādanāya ǁ
Padapatha Devanagari Accented
तत् । अ॒स्तु॒ । मि॒त्रा॒व॒रु॒णा॒ । तत् । अ॒ग्ने॒ । शम् । योः । अ॒स्मभ्य॑म् । इ॒दम् । अ॒स्तु॒ । श॒स्तम् ।
अ॒शी॒महि॑ । गा॒धम् । उ॒त । प्र॒ति॒ऽस्थाम् । नमः॑ । दि॒वे । बृ॒ह॒ते । सद॑नाय ॥
Padapatha Devanagari Nonaccented
तत् । अस्तु । मित्रावरुणा । तत् । अग्ने । शम् । योः । अस्मभ्यम् । इदम् । अस्तु । शस्तम् ।
अशीमहि । गाधम् । उत । प्रतिऽस्थाम् । नमः । दिवे । बृहते । सदनाय ॥
Padapatha Transcription Accented
tát ǀ astu ǀ mitrāvaruṇā ǀ tát ǀ agne ǀ śám ǀ yóḥ ǀ asmábhyam ǀ idám ǀ astu ǀ śastám ǀ
aśīmáhi ǀ gādhám ǀ utá ǀ prati-sthā́m ǀ námaḥ ǀ divé ǀ bṛhaté ǀ sádanāya ǁ
Padapatha Transcription Nonaccented
tat ǀ astu ǀ mitrāvaruṇā ǀ tat ǀ agne ǀ śam ǀ yoḥ ǀ asmabhyam ǀ idam ǀ astu ǀ śastam ǀ
aśīmahi ǀ gādham ǀ uta ǀ prati-sthām ǀ namaḥ ǀ dive ǀ bṛhate ǀ sadanāya ǁ