|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 52
|
1. Info |
| To: | maruts | |
| From: | śyāvāśva ātreya | |
| Metres: | 1st set of styles: virāḍanuṣṭup (1, 4, 5, 15); nicṛdanuṣṭup (2, 7, 10); virāḍuṣnik (3, 9, 11); anuṣṭup (8, 12, 13); bṛhatī (14, 17); paṅktiḥ (6); nicṛdbṛhatī (16) 2nd set of styles: anuṣṭubh (1-5, 7-15); paṅkti (6, 16, 17) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.052.01 (Mandala. Sukta. Rik)
4.3.08.01 (Ashtaka. Adhyaya. Varga. Rik)
05.04.057 (Mandala. Anuvāka. Rik)
Samhita Devanagari Accented
प्र श्या॑वाश्व धृष्णु॒यार्चा॑ म॒रुद्भि॒र्ऋक्व॑भिः ।
ये अ॑द्रो॒घम॑नुष्व॒धं श्रवो॒ मदं॑ति य॒ज्ञियाः॑ ॥
Samhita Devanagari Nonaccented
प्र श्यावाश्व धृष्णुयार्चा मरुद्भिर्ऋक्वभिः ।
ये अद्रोघमनुष्वधं श्रवो मदंति यज्ञियाः ॥
Samhita Transcription Accented
prá śyāvāśva dhṛṣṇuyā́rcā marúdbhirṛ́kvabhiḥ ǀ
yé adroghámanuṣvadhám śrávo mádanti yajñíyāḥ ǁ
Samhita Transcription Nonaccented
pra śyāvāśva dhṛṣṇuyārcā marudbhirṛkvabhiḥ ǀ
ye adroghamanuṣvadham śravo madanti yajñiyāḥ ǁ
Padapatha Devanagari Accented
प्र । श्या॒व॒ऽअ॒श्व॒ । धृ॒ष्णु॒ऽया । अर्च॑ । म॒रुत्ऽभिः॑ । ऋक्व॑ऽभिः ।
ये । अ॒द्रो॒घम् । अ॒नु॒ऽस्व॒धम् । श्रवः॑ । मद॑न्ति । य॒ज्ञियाः॑ ॥
Padapatha Devanagari Nonaccented
प्र । श्यावऽअश्व । धृष्णुऽया । अर्च । मरुत्ऽभिः । ऋक्वऽभिः ।
ये । अद्रोघम् । अनुऽस्वधम् । श्रवः । मदन्ति । यज्ञियाः ॥
Padapatha Transcription Accented
prá ǀ śyāva-aśva ǀ dhṛṣṇu-yā́ ǀ árca ǀ marút-bhiḥ ǀ ṛ́kva-bhiḥ ǀ
yé ǀ adroghám ǀ anu-svadhám ǀ śrávaḥ ǀ mádanti ǀ yajñíyāḥ ǁ
Padapatha Transcription Nonaccented
pra ǀ śyāva-aśva ǀ dhṛṣṇu-yā ǀ arca ǀ marut-bhiḥ ǀ ṛkva-bhiḥ ǀ
ye ǀ adrogham ǀ anu-svadham ǀ śravaḥ ǀ madanti ǀ yajñiyāḥ ǁ
05.052.02 (Mandala. Sukta. Rik)
4.3.08.02 (Ashtaka. Adhyaya. Varga. Rik)
05.04.058 (Mandala. Anuvāka. Rik)
Samhita Devanagari Accented
ते हि स्थि॒रस्य॒ शव॑सः॒ सखा॑यः॒ संति॑ धृष्णु॒या ।
ते याम॒न्ना धृ॑ष॒द्विन॒स्त्मना॑ पांति॒ शश्व॑तः ॥
Samhita Devanagari Nonaccented
ते हि स्थिरस्य शवसः सखायः संति धृष्णुया ।
ते यामन्ना धृषद्विनस्त्मना पांति शश्वतः ॥
Samhita Transcription Accented
té hí sthirásya śávasaḥ sákhāyaḥ sánti dhṛṣṇuyā́ ǀ
té yā́mannā́ dhṛṣadvínastmánā pānti śáśvataḥ ǁ
Samhita Transcription Nonaccented
te hi sthirasya śavasaḥ sakhāyaḥ santi dhṛṣṇuyā ǀ
te yāmannā dhṛṣadvinastmanā pānti śaśvataḥ ǁ
Padapatha Devanagari Accented
ते । हि । स्थि॒रस्य॑ । शव॑सः । सखा॑यः । सन्ति॑ । धृ॒ष्णु॒ऽया ।
ते । याम॑न् । आ । धृ॒ष॒त्ऽविनः॑ । त्मना॑ । पा॒न्ति॒ । शश्व॑तः ॥
Padapatha Devanagari Nonaccented
ते । हि । स्थिरस्य । शवसः । सखायः । सन्ति । धृष्णुऽया ।
ते । यामन् । आ । धृषत्ऽविनः । त्मना । पान्ति । शश्वतः ॥
Padapatha Transcription Accented
té ǀ hí ǀ sthirásya ǀ śávasaḥ ǀ sákhāyaḥ ǀ sánti ǀ dhṛṣṇu-yā́ ǀ
té ǀ yā́man ǀ ā́ ǀ dhṛṣat-vínaḥ ǀ tmánā ǀ pānti ǀ śáśvataḥ ǁ
Padapatha Transcription Nonaccented
te ǀ hi ǀ sthirasya ǀ śavasaḥ ǀ sakhāyaḥ ǀ santi ǀ dhṛṣṇu-yā ǀ
te ǀ yāman ǀ ā ǀ dhṛṣat-vinaḥ ǀ tmanā ǀ pānti ǀ śaśvataḥ ǁ
05.052.03 (Mandala. Sukta. Rik)
4.3.08.03 (Ashtaka. Adhyaya. Varga. Rik)
05.04.059 (Mandala. Anuvāka. Rik)
Samhita Devanagari Accented
ते स्यं॒द्रासो॒ नोक्षणोऽति॑ ष्कंदंति॒ शर्व॑रीः ।
म॒रुता॒मधा॒ महो॑ दि॒वि क्ष॒मा च॑ मन्महे ॥
Samhita Devanagari Nonaccented
ते स्यंद्रासो नोक्षणोऽति ष्कंदंति शर्वरीः ।
मरुतामधा महो दिवि क्षमा च मन्महे ॥
Samhita Transcription Accented
té syandrā́so nókṣáṇó’ti ṣkandanti śárvarīḥ ǀ
marútāmádhā máho diví kṣamā́ ca manmahe ǁ
Samhita Transcription Nonaccented
te syandrāso nokṣaṇo’ti ṣkandanti śarvarīḥ ǀ
marutāmadhā maho divi kṣamā ca manmahe ǁ
Padapatha Devanagari Accented
ते । स्य॒न्द्रासः॑ । न । उ॒क्षणः॑ । अति॑ । स्क॒न्द॒न्ति॒ । शर्व॑रीः ।
म॒रुता॑म् । अध॑ । महः॑ । दि॒वि । क्ष॒मा । च॒ । म॒न्म॒हे॒ ॥
Padapatha Devanagari Nonaccented
ते । स्यन्द्रासः । न । उक्षणः । अति । स्कन्दन्ति । शर्वरीः ।
मरुताम् । अध । महः । दिवि । क्षमा । च । मन्महे ॥
Padapatha Transcription Accented
té ǀ syandrā́saḥ ǀ ná ǀ ukṣáṇaḥ ǀ áti ǀ skandanti ǀ śárvarīḥ ǀ
marútām ǀ ádha ǀ máhaḥ ǀ diví ǀ kṣamā́ ǀ ca ǀ manmahe ǁ
Padapatha Transcription Nonaccented
te ǀ syandrāsaḥ ǀ na ǀ ukṣaṇaḥ ǀ ati ǀ skandanti ǀ śarvarīḥ ǀ
marutām ǀ adha ǀ mahaḥ ǀ divi ǀ kṣamā ǀ ca ǀ manmahe ǁ
05.052.04 (Mandala. Sukta. Rik)
4.3.08.04 (Ashtaka. Adhyaya. Varga. Rik)
05.04.060 (Mandala. Anuvāka. Rik)
Samhita Devanagari Accented
म॒रुत्सु॑ वो दधीमहि॒ स्तोमं॑ य॒ज्ञं च॑ धृष्णु॒या ।
विश्वे॒ ये मानु॑षा यु॒गा पांति॒ मर्त्यं॑ रि॒षः ॥
Samhita Devanagari Nonaccented
मरुत्सु वो दधीमहि स्तोमं यज्ञं च धृष्णुया ।
विश्वे ये मानुषा युगा पांति मर्त्यं रिषः ॥
Samhita Transcription Accented
marútsu vo dadhīmahi stómam yajñám ca dhṛṣṇuyā́ ǀ
víśve yé mā́nuṣā yugā́ pā́nti mártyam riṣáḥ ǁ
Samhita Transcription Nonaccented
marutsu vo dadhīmahi stomam yajñam ca dhṛṣṇuyā ǀ
viśve ye mānuṣā yugā pānti martyam riṣaḥ ǁ
Padapatha Devanagari Accented
म॒रुत्ऽसु॑ । वः॒ । द॒धी॒म॒हि॒ । स्तोम॑म् । य॒ज्ञम् । च॒ । धृ॒ष्णु॒ऽया ।
विश्वे॑ । ये । मानु॑षा । यु॒गा । पान्ति॑ । मर्त्य॑म् । रि॒षः ॥
Padapatha Devanagari Nonaccented
मरुत्ऽसु । वः । दधीमहि । स्तोमम् । यज्ञम् । च । धृष्णुऽया ।
विश्वे । ये । मानुषा । युगा । पान्ति । मर्त्यम् । रिषः ॥
Padapatha Transcription Accented
marút-su ǀ vaḥ ǀ dadhīmahi ǀ stómam ǀ yajñám ǀ ca ǀ dhṛṣṇu-yā́ ǀ
víśve ǀ yé ǀ mā́nuṣā ǀ yugā́ ǀ pā́nti ǀ mártyam ǀ riṣáḥ ǁ
Padapatha Transcription Nonaccented
marut-su ǀ vaḥ ǀ dadhīmahi ǀ stomam ǀ yajñam ǀ ca ǀ dhṛṣṇu-yā ǀ
viśve ǀ ye ǀ mānuṣā ǀ yugā ǀ pānti ǀ martyam ǀ riṣaḥ ǁ
05.052.05 (Mandala. Sukta. Rik)
4.3.08.05 (Ashtaka. Adhyaya. Varga. Rik)
05.04.061 (Mandala. Anuvāka. Rik)
Samhita Devanagari Accented
अर्हं॑तो॒ ये सु॒दान॑वो॒ नरो॒ असा॑मिशवसः ।
प्र य॒ज्ञं य॒ज्ञिये॑भ्यो दि॒वो अ॑र्चा म॒रुद्भ्यः॑ ॥
Samhita Devanagari Nonaccented
अर्हंतो ये सुदानवो नरो असामिशवसः ।
प्र यज्ञं यज्ञियेभ्यो दिवो अर्चा मरुद्भ्यः ॥
Samhita Transcription Accented
árhanto yé sudā́navo náro ásāmiśavasaḥ ǀ
prá yajñám yajñíyebhyo divó arcā marúdbhyaḥ ǁ
Samhita Transcription Nonaccented
arhanto ye sudānavo naro asāmiśavasaḥ ǀ
pra yajñam yajñiyebhyo divo arcā marudbhyaḥ ǁ
Padapatha Devanagari Accented
अर्ह॑न्तः । ये । सु॒ऽदान॑वः । नरः॑ । असा॑मिऽशवसः ।
प्र । य॒ज्ञम् । य॒ज्ञिये॑भ्यः । दि॒वः । अ॒र्च॒ । म॒रुत्ऽभ्यः॑ ॥
Padapatha Devanagari Nonaccented
अर्हन्तः । ये । सुऽदानवः । नरः । असामिऽशवसः ।
प्र । यज्ञम् । यज्ञियेभ्यः । दिवः । अर्च । मरुत्ऽभ्यः ॥
Padapatha Transcription Accented
árhantaḥ ǀ yé ǀ su-dā́navaḥ ǀ náraḥ ǀ ásāmi-śavasaḥ ǀ
prá ǀ yajñám ǀ yajñíyebhyaḥ ǀ diváḥ ǀ arca ǀ marút-bhyaḥ ǁ
Padapatha Transcription Nonaccented
arhantaḥ ǀ ye ǀ su-dānavaḥ ǀ naraḥ ǀ asāmi-śavasaḥ ǀ
pra ǀ yajñam ǀ yajñiyebhyaḥ ǀ divaḥ ǀ arca ǀ marut-bhyaḥ ǁ
05.052.06 (Mandala. Sukta. Rik)
4.3.09.01 (Ashtaka. Adhyaya. Varga. Rik)
05.04.062 (Mandala. Anuvāka. Rik)
Samhita Devanagari Accented
आ रु॒क्मैरा यु॒धा नर॑ ऋ॒ष्वा ऋ॒ष्टीर॑सृक्षत ।
अन्वे॑नाँ॒ अह॑ वि॒द्युतो॑ म॒रुतो॒ जझ्झ॑तीरिव भा॒नुर॑र्त॒ त्मना॑ दि॒वः ॥
Samhita Devanagari Nonaccented
आ रुक्मैरा युधा नर ऋष्वा ऋष्टीरसृक्षत ।
अन्वेनाँ अह विद्युतो मरुतो जझ्झतीरिव भानुरर्त त्मना दिवः ॥
Samhita Transcription Accented
ā́ rukmáirā́ yudhā́ nára ṛṣvā́ ṛṣṭī́rasṛkṣata ǀ
ánvenām̐ áha vidyúto marúto jájhjhatīriva bhānúrarta tmánā diváḥ ǁ
Samhita Transcription Nonaccented
ā rukmairā yudhā nara ṛṣvā ṛṣṭīrasṛkṣata ǀ
anvenām̐ aha vidyuto maruto jajhjhatīriva bhānurarta tmanā divaḥ ǁ
Padapatha Devanagari Accented
आ । रु॒क्मैः । आ । यु॒धा । नरः॑ । ऋ॒ष्वाः । ऋ॒ष्टीः । अ॒सृ॒क्ष॒त॒ ।
अनु॑ । ए॒ना॒न् । अह॑ । वि॒ऽद्युतः॑ । म॒रुतः॑ । जझ्झ॑तीःऽइव । भा॒नुः । अ॒र्त॒ । त्मना॑ । दि॒वः ॥
Padapatha Devanagari Nonaccented
आ । रुक्मैः । आ । युधा । नरः । ऋष्वाः । ऋष्टीः । असृक्षत ।
अनु । एनान् । अह । विऽद्युतः । मरुतः । जझ्झतीःऽइव । भानुः । अर्त । त्मना । दिवः ॥
Padapatha Transcription Accented
ā́ ǀ rukmáiḥ ǀ ā́ ǀ yudhā́ ǀ náraḥ ǀ ṛṣvā́ḥ ǀ ṛṣṭī́ḥ ǀ asṛkṣata ǀ
ánu ǀ enān ǀ áha ǀ vi-dyútaḥ ǀ marútaḥ ǀ jájhjhatīḥ-iva ǀ bhānúḥ ǀ arta ǀ tmánā ǀ diváḥ ǁ
Padapatha Transcription Nonaccented
ā ǀ rukmaiḥ ǀ ā ǀ yudhā ǀ naraḥ ǀ ṛṣvāḥ ǀ ṛṣṭīḥ ǀ asṛkṣata ǀ
anu ǀ enān ǀ aha ǀ vi-dyutaḥ ǀ marutaḥ ǀ jajhjhatīḥ-iva ǀ bhānuḥ ǀ arta ǀ tmanā ǀ divaḥ ǁ
05.052.07 (Mandala. Sukta. Rik)
4.3.09.02 (Ashtaka. Adhyaya. Varga. Rik)
05.04.063 (Mandala. Anuvāka. Rik)
Samhita Devanagari Accented
ये वा॑वृ॒धंत॒ पार्थि॑वा॒ य उ॒रावं॒तरि॑क्ष॒ आ ।
वृ॒जने॑ वा न॒दीनां॑ स॒धस्थे॑ वा म॒हो दि॒वः ॥
Samhita Devanagari Nonaccented
ये वावृधंत पार्थिवा य उरावंतरिक्ष आ ।
वृजने वा नदीनां सधस्थे वा महो दिवः ॥
Samhita Transcription Accented
yé vāvṛdhánta pā́rthivā yá urā́vantárikṣa ā́ ǀ
vṛjáne vā nadī́nām sadhásthe vā mahó diváḥ ǁ
Samhita Transcription Nonaccented
ye vāvṛdhanta pārthivā ya urāvantarikṣa ā ǀ
vṛjane vā nadīnām sadhasthe vā maho divaḥ ǁ
Padapatha Devanagari Accented
ये । व॒वृ॒धन्त॑ । पार्थि॑वाः । ये । उ॒रौ । अ॒न्तरि॑क्षे । आ ।
वृ॒जने॑ । वा॒ । न॒दीना॑म् । स॒धऽस्थे॑ । वा॒ । म॒हः । दि॒वः ॥
Padapatha Devanagari Nonaccented
ये । ववृधन्त । पार्थिवाः । ये । उरौ । अन्तरिक्षे । आ ।
वृजने । वा । नदीनाम् । सधऽस्थे । वा । महः । दिवः ॥
Padapatha Transcription Accented
yé ǀ vavṛdhánta ǀ pā́rthivāḥ ǀ yé ǀ uráu ǀ antárikṣe ǀ ā́ ǀ
vṛjáne ǀ vā ǀ nadī́nām ǀ sadhá-sthe ǀ vā ǀ maháḥ ǀ diváḥ ǁ
Padapatha Transcription Nonaccented
ye ǀ vavṛdhanta ǀ pārthivāḥ ǀ ye ǀ urau ǀ antarikṣe ǀ ā ǀ
vṛjane ǀ vā ǀ nadīnām ǀ sadha-sthe ǀ vā ǀ mahaḥ ǀ divaḥ ǁ
05.052.08 (Mandala. Sukta. Rik)
4.3.09.03 (Ashtaka. Adhyaya. Varga. Rik)
05.04.064 (Mandala. Anuvāka. Rik)
Samhita Devanagari Accented
शर्धो॒ मारु॑त॒मुच्छं॑स स॒त्यश॑वस॒मृभ्व॑सं ।
उ॒त स्म॒ ते शु॒भे नरः॒ प्र स्यं॒द्रा यु॑जत॒ त्मना॑ ॥
Samhita Devanagari Nonaccented
शर्धो मारुतमुच्छंस सत्यशवसमृभ्वसं ।
उत स्म ते शुभे नरः प्र स्यंद्रा युजत त्मना ॥
Samhita Transcription Accented
śárdho mā́rutamúcchaṃsa satyáśavasamṛ́bhvasam ǀ
utá sma té śubhé náraḥ prá syandrā́ yujata tmánā ǁ
Samhita Transcription Nonaccented
śardho mārutamucchaṃsa satyaśavasamṛbhvasam ǀ
uta sma te śubhe naraḥ pra syandrā yujata tmanā ǁ
Padapatha Devanagari Accented
शर्धः॑ । मारु॑तम् । उत् । शं॒स॒ । स॒त्यऽश॑वसम् । ऋभ्व॑सम् ।
उ॒त । स्म॒ । ते । शु॒भे । नरः॑ । प्र । स्य॒न्द्राः । यु॒ज॒त॒ । त्मना॑ ॥
Padapatha Devanagari Nonaccented
शर्धः । मारुतम् । उत् । शंस । सत्यऽशवसम् । ऋभ्वसम् ।
उत । स्म । ते । शुभे । नरः । प्र । स्यन्द्राः । युजत । त्मना ॥
Padapatha Transcription Accented
śárdhaḥ ǀ mā́rutam ǀ út ǀ śaṃsa ǀ satyá-śavasam ǀ ṛ́bhvasam ǀ
utá ǀ sma ǀ té ǀ śubhé ǀ náraḥ ǀ prá ǀ syandrā́ḥ ǀ yujata ǀ tmánā ǁ
Padapatha Transcription Nonaccented
śardhaḥ ǀ mārutam ǀ ut ǀ śaṃsa ǀ satya-śavasam ǀ ṛbhvasam ǀ
uta ǀ sma ǀ te ǀ śubhe ǀ naraḥ ǀ pra ǀ syandrāḥ ǀ yujata ǀ tmanā ǁ
05.052.09 (Mandala. Sukta. Rik)
4.3.09.04 (Ashtaka. Adhyaya. Varga. Rik)
05.04.065 (Mandala. Anuvāka. Rik)
Samhita Devanagari Accented
उ॒त स्म॒ ते परु॑ष्ण्या॒मूर्णा॑ वसत शुं॒ध्यवः॑ ।
उ॒त प॒व्या रथा॑ना॒मद्रिं॑ भिंदं॒त्योज॑सा ॥
Samhita Devanagari Nonaccented
उत स्म ते परुष्ण्यामूर्णा वसत शुंध्यवः ।
उत पव्या रथानामद्रिं भिंदंत्योजसा ॥
Samhita Transcription Accented
utá sma té páruṣṇyāmū́rṇā vasata śundhyávaḥ ǀ
utá pavyā́ ráthānāmádrim bhindantyójasā ǁ
Samhita Transcription Nonaccented
uta sma te paruṣṇyāmūrṇā vasata śundhyavaḥ ǀ
uta pavyā rathānāmadrim bhindantyojasā ǁ
Padapatha Devanagari Accented
उ॒त । स्म॒ । ते । परु॑ष्ण्याम् । ऊर्णाः॑ । व॒स॒त॒ । शु॒न्ध्यवः॑ ।
उ॒त । प॒व्या । रथा॑नाम् । अद्रि॑म् । भि॒न्द॒न्ति॒ । ओज॑सा ॥
Padapatha Devanagari Nonaccented
उत । स्म । ते । परुष्ण्याम् । ऊर्णाः । वसत । शुन्ध्यवः ।
उत । पव्या । रथानाम् । अद्रिम् । भिन्दन्ति । ओजसा ॥
Padapatha Transcription Accented
utá ǀ sma ǀ té ǀ páruṣṇyām ǀ ū́rṇāḥ ǀ vasata ǀ śundhyávaḥ ǀ
utá ǀ pavyā́ ǀ ráthānām ǀ ádrim ǀ bhindanti ǀ ójasā ǁ
Padapatha Transcription Nonaccented
uta ǀ sma ǀ te ǀ paruṣṇyām ǀ ūrṇāḥ ǀ vasata ǀ śundhyavaḥ ǀ
uta ǀ pavyā ǀ rathānām ǀ adrim ǀ bhindanti ǀ ojasā ǁ
05.052.10 (Mandala. Sukta. Rik)
4.3.09.05 (Ashtaka. Adhyaya. Varga. Rik)
05.04.066 (Mandala. Anuvāka. Rik)
Samhita Devanagari Accented
आप॑थयो॒ विप॑थ॒योऽंत॑स्पथा॒ अनु॑पथाः ।
ए॒तेभि॒र्मह्यं॒ नाम॑भिर्य॒ज्ञं वि॑ष्टा॒र ओ॑हते ॥
Samhita Devanagari Nonaccented
आपथयो विपथयोऽंतस्पथा अनुपथाः ।
एतेभिर्मह्यं नामभिर्यज्ञं विष्टार ओहते ॥
Samhita Transcription Accented
ā́pathayo vípathayó’ntaspathā ánupathāḥ ǀ
etébhirmáhyam nā́mabhiryajñám viṣṭārá ohate ǁ
Samhita Transcription Nonaccented
āpathayo vipathayo’ntaspathā anupathāḥ ǀ
etebhirmahyam nāmabhiryajñam viṣṭāra ohate ǁ
Padapatha Devanagari Accented
आप॑थयः । विऽप॑थयः । अन्तः॑ऽपथाः । अनु॑ऽपथाः ।
ए॒तेभिः॑ । मह्य॑म् । नाम॑ऽभिः । य॒ज्ञम् । वि॒ऽस्ता॒रः । ओ॒ह॒ते॒ ॥
Padapatha Devanagari Nonaccented
आपथयः । विऽपथयः । अन्तःऽपथाः । अनुऽपथाः ।
एतेभिः । मह्यम् । नामऽभिः । यज्ञम् । विऽस्तारः । ओहते ॥
Padapatha Transcription Accented
ā́pathayaḥ ǀ ví-pathayaḥ ǀ ántaḥ-pathāḥ ǀ ánu-pathāḥ ǀ
etébhiḥ ǀ máhyam ǀ nā́ma-bhiḥ ǀ yajñám ǀ vi-stāráḥ ǀ ohate ǁ
Padapatha Transcription Nonaccented
āpathayaḥ ǀ vi-pathayaḥ ǀ antaḥ-pathāḥ ǀ anu-pathāḥ ǀ
etebhiḥ ǀ mahyam ǀ nāma-bhiḥ ǀ yajñam ǀ vi-stāraḥ ǀ ohate ǁ
05.052.11 (Mandala. Sukta. Rik)
4.3.10.01 (Ashtaka. Adhyaya. Varga. Rik)
05.04.067 (Mandala. Anuvāka. Rik)
Samhita Devanagari Accented
अधा॒ नरो॒ न्यो॑ह॒तेऽधा॑ नि॒युत॑ ओहते ।
अधा॒ पारा॑वता॒ इति॑ चि॒त्रा रू॒पाणि॒ दर्श्या॑ ॥
Samhita Devanagari Nonaccented
अधा नरो न्योहतेऽधा नियुत ओहते ।
अधा पारावता इति चित्रा रूपाणि दर्श्या ॥
Samhita Transcription Accented
ádhā náro nyóhaté’dhā niyúta ohate ǀ
ádhā pā́rāvatā íti citrā́ rūpā́ṇi dárśyā ǁ
Samhita Transcription Nonaccented
adhā naro nyohate’dhā niyuta ohate ǀ
adhā pārāvatā iti citrā rūpāṇi darśyā ǁ
Padapatha Devanagari Accented
अध॑ । नरः॑ । नि । ओ॒ह॒ते॒ । अध॑ । नि॒ऽयुतः॑ । ओ॒ह॒ते॒ ।
अध॑ । पारा॑वताः । इति॑ । चि॒त्रा । रू॒पाणि॑ । दर्श्या॑ ॥
Padapatha Devanagari Nonaccented
अध । नरः । नि । ओहते । अध । निऽयुतः । ओहते ।
अध । पारावताः । इति । चित्रा । रूपाणि । दर्श्या ॥
Padapatha Transcription Accented
ádha ǀ náraḥ ǀ ní ǀ ohate ǀ ádha ǀ ni-yútaḥ ǀ ohate ǀ
ádha ǀ pā́rāvatāḥ ǀ íti ǀ citrā́ ǀ rūpā́ṇi ǀ dárśyā ǁ
Padapatha Transcription Nonaccented
adha ǀ naraḥ ǀ ni ǀ ohate ǀ adha ǀ ni-yutaḥ ǀ ohate ǀ
adha ǀ pārāvatāḥ ǀ iti ǀ citrā ǀ rūpāṇi ǀ darśyā ǁ
05.052.12 (Mandala. Sukta. Rik)
4.3.10.02 (Ashtaka. Adhyaya. Varga. Rik)
05.04.068 (Mandala. Anuvāka. Rik)
Samhita Devanagari Accented
छं॒दः॒स्तुभः॑ कुभ॒न्यव॒ उत्स॒मा की॒रिणो॑ नृतुः ।
ते मे॒ के चि॒न्न ता॒यव॒ ऊमा॑ आसंदृ॒शि त्वि॒षे ॥
Samhita Devanagari Nonaccented
छंदःस्तुभः कुभन्यव उत्समा कीरिणो नृतुः ।
ते मे के चिन्न तायव ऊमा आसंदृशि त्विषे ॥
Samhita Transcription Accented
chandaḥstúbhaḥ kubhanyáva útsamā́ kīríṇo nṛtuḥ ǀ
té me ké cinná tāyáva ū́mā āsandṛśí tviṣé ǁ
Samhita Transcription Nonaccented
chandaḥstubhaḥ kubhanyava utsamā kīriṇo nṛtuḥ ǀ
te me ke cinna tāyava ūmā āsandṛśi tviṣe ǁ
Padapatha Devanagari Accented
छ॒न्दः॒ऽस्तुभः॑ । कु॒भ॒न्यवः॑ । उत्स॑म् । आ । की॒रिणः॑ । नृ॒तुः॒ ।
ते । मे॒ । के । चि॒त् । न । ता॒यवः॑ । ऊमाः॑ । आ॒स॒न् । दृ॒शि । त्वि॒षे ॥
Padapatha Devanagari Nonaccented
छन्दःऽस्तुभः । कुभन्यवः । उत्सम् । आ । कीरिणः । नृतुः ।
ते । मे । के । चित् । न । तायवः । ऊमाः । आसन् । दृशि । त्विषे ॥
Padapatha Transcription Accented
chandaḥ-stúbhaḥ ǀ kubhanyávaḥ ǀ útsam ǀ ā́ ǀ kīríṇaḥ ǀ nṛtuḥ ǀ
té ǀ me ǀ ké ǀ cit ǀ ná ǀ tāyávaḥ ǀ ū́māḥ ǀ āsan ǀ dṛśí ǀ tviṣé ǁ
Padapatha Transcription Nonaccented
chandaḥ-stubhaḥ ǀ kubhanyavaḥ ǀ utsam ǀ ā ǀ kīriṇaḥ ǀ nṛtuḥ ǀ
te ǀ me ǀ ke ǀ cit ǀ na ǀ tāyavaḥ ǀ ūmāḥ ǀ āsan ǀ dṛśi ǀ tviṣe ǁ
05.052.13 (Mandala. Sukta. Rik)
4.3.10.03 (Ashtaka. Adhyaya. Varga. Rik)
05.04.069 (Mandala. Anuvāka. Rik)
Samhita Devanagari Accented
य ऋ॒ष्वा ऋ॒ष्टिवि॑द्युतः क॒वयः॒ संति॑ वे॒धसः॑ ।
तमृ॑षे॒ मारु॑तं ग॒णं न॑म॒स्या र॒मया॑ गि॒रा ॥
Samhita Devanagari Nonaccented
य ऋष्वा ऋष्टिविद्युतः कवयः संति वेधसः ।
तमृषे मारुतं गणं नमस्या रमया गिरा ॥
Samhita Transcription Accented
yá ṛṣvā́ ṛṣṭívidyutaḥ kaváyaḥ sánti vedhásaḥ ǀ
támṛṣe mā́rutam gaṇám namasyā́ ramáyā girā́ ǁ
Samhita Transcription Nonaccented
ya ṛṣvā ṛṣṭividyutaḥ kavayaḥ santi vedhasaḥ ǀ
tamṛṣe mārutam gaṇam namasyā ramayā girā ǁ
Padapatha Devanagari Accented
यः । ऋ॒ष्वाः । ऋ॒ष्टिऽवि॑द्युतः । क॒वयः॑ । सन्ति॑ । वे॒धसः॑ ।
तम् । ऋ॒षे॒ । मारु॑तम् । ग॒णम् । न॒म॒स्य । र॒मय॑ । गि॒रा ॥
Padapatha Devanagari Nonaccented
यः । ऋष्वाः । ऋष्टिऽविद्युतः । कवयः । सन्ति । वेधसः ।
तम् । ऋषे । मारुतम् । गणम् । नमस्य । रमय । गिरा ॥
Padapatha Transcription Accented
yáḥ ǀ ṛṣvā́ḥ ǀ ṛṣṭí-vidyutaḥ ǀ kaváyaḥ ǀ sánti ǀ vedhásaḥ ǀ
tám ǀ ṛṣe ǀ mā́rutam ǀ gaṇám ǀ namasyá ǀ ramáya ǀ girā́ ǁ
Padapatha Transcription Nonaccented
yaḥ ǀ ṛṣvāḥ ǀ ṛṣṭi-vidyutaḥ ǀ kavayaḥ ǀ santi ǀ vedhasaḥ ǀ
tam ǀ ṛṣe ǀ mārutam ǀ gaṇam ǀ namasya ǀ ramaya ǀ girā ǁ
05.052.14 (Mandala. Sukta. Rik)
4.3.10.04 (Ashtaka. Adhyaya. Varga. Rik)
05.04.070 (Mandala. Anuvāka. Rik)
Samhita Devanagari Accented
अच्छ॑ ऋषे॒ मारु॑तं ग॒णं दा॒ना मि॒त्रं न यो॒षणा॑ ।
दि॒वो वा॑ धृष्णव॒ ओज॑सा स्तु॒ता धी॒भिरि॑षण्यत ॥
Samhita Devanagari Nonaccented
अच्छ ऋषे मारुतं गणं दाना मित्रं न योषणा ।
दिवो वा धृष्णव ओजसा स्तुता धीभिरिषण्यत ॥
Samhita Transcription Accented
áccha ṛṣe mā́rutam gaṇám dānā́ mitrám ná yoṣáṇā ǀ
divó vā dhṛṣṇava ójasā stutā́ dhībhíriṣaṇyata ǁ
Samhita Transcription Nonaccented
accha ṛṣe mārutam gaṇam dānā mitram na yoṣaṇā ǀ
divo vā dhṛṣṇava ojasā stutā dhībhiriṣaṇyata ǁ
Padapatha Devanagari Accented
अच्छ॑ । ऋ॒षे॒ । मारु॑तम् । ग॒णम् । दा॒ना । मि॒त्रम् । न । यो॒षणा॑ ।
दि॒वः । वा॒ । धृ॒ष्ण॒वः॒ । ओज॑सा । स्तु॒ताः । धी॒भिः । इ॒ष॒ण्य॒त॒ ॥
Padapatha Devanagari Nonaccented
अच्छ । ऋषे । मारुतम् । गणम् । दाना । मित्रम् । न । योषणा ।
दिवः । वा । धृष्णवः । ओजसा । स्तुताः । धीभिः । इषण्यत ॥
Padapatha Transcription Accented
áccha ǀ ṛṣe ǀ mā́rutam ǀ gaṇám ǀ dānā́ ǀ mitrám ǀ ná ǀ yoṣáṇā ǀ
diváḥ ǀ vā ǀ dhṛṣṇavaḥ ǀ ójasā ǀ stutā́ḥ ǀ dhībhíḥ ǀ iṣaṇyata ǁ
Padapatha Transcription Nonaccented
accha ǀ ṛṣe ǀ mārutam ǀ gaṇam ǀ dānā ǀ mitram ǀ na ǀ yoṣaṇā ǀ
divaḥ ǀ vā ǀ dhṛṣṇavaḥ ǀ ojasā ǀ stutāḥ ǀ dhībhiḥ ǀ iṣaṇyata ǁ
05.052.15 (Mandala. Sukta. Rik)
4.3.10.05 (Ashtaka. Adhyaya. Varga. Rik)
05.04.071 (Mandala. Anuvāka. Rik)
Samhita Devanagari Accented
नू म॑न्वा॒न ए॑षां दे॒वाँ अच्छा॒ न व॒क्षणा॑ ।
दा॒ना स॑चेत सू॒रिभि॒र्याम॑श्रुतेभिरं॒जिभिः॑ ॥
Samhita Devanagari Nonaccented
नू मन्वान एषां देवाँ अच्छा न वक्षणा ।
दाना सचेत सूरिभिर्यामश्रुतेभिरंजिभिः ॥
Samhita Transcription Accented
nū́ manvāná eṣām devā́m̐ ácchā ná vakṣáṇā ǀ
dānā́ saceta sūríbhiryā́maśrutebhirañjíbhiḥ ǁ
Samhita Transcription Nonaccented
nū manvāna eṣām devām̐ acchā na vakṣaṇā ǀ
dānā saceta sūribhiryāmaśrutebhirañjibhiḥ ǁ
Padapatha Devanagari Accented
नु । म॒न्वा॒नः । ए॒षा॒म् । दे॒वान् । अच्छ॑ । न । व॒क्षणा॑ ।
दा॒ना । स॒चे॒त॒ । सू॒रिऽभिः॑ । याम॑ऽश्रुतेभिः । अ॒ञ्जिऽभिः॑ ॥
Padapatha Devanagari Nonaccented
नु । मन्वानः । एषाम् । देवान् । अच्छ । न । वक्षणा ।
दाना । सचेत । सूरिऽभिः । यामऽश्रुतेभिः । अञ्जिऽभिः ॥
Padapatha Transcription Accented
nú ǀ manvānáḥ ǀ eṣām ǀ devā́n ǀ áccha ǀ ná ǀ vakṣáṇā ǀ
dānā́ ǀ saceta ǀ sūrí-bhiḥ ǀ yā́ma-śrutebhiḥ ǀ añjí-bhiḥ ǁ
Padapatha Transcription Nonaccented
nu ǀ manvānaḥ ǀ eṣām ǀ devān ǀ accha ǀ na ǀ vakṣaṇā ǀ
dānā ǀ saceta ǀ sūri-bhiḥ ǀ yāma-śrutebhiḥ ǀ añji-bhiḥ ǁ
05.052.16 (Mandala. Sukta. Rik)
4.3.10.06 (Ashtaka. Adhyaya. Varga. Rik)
05.04.072 (Mandala. Anuvāka. Rik)
Samhita Devanagari Accented
प्र ये मे॑ बंध्वे॒षे गां वोचं॑त सू॒रयः॒ पृश्निं॑ वोचंत मा॒तरं॑ ।
अधा॑ पि॒तर॑मि॒ष्मिणं॑ रु॒द्रं वो॑चंत॒ शिक्व॑सः ॥
Samhita Devanagari Nonaccented
प्र ये मे बंध्वेषे गां वोचंत सूरयः पृश्निं वोचंत मातरं ।
अधा पितरमिष्मिणं रुद्रं वोचंत शिक्वसः ॥
Samhita Transcription Accented
prá yé me bandhveṣé gā́m vócanta sūráyaḥ pṛ́śnim vocanta mātáram ǀ
ádhā pitáramiṣmíṇam rudrám vocanta śíkvasaḥ ǁ
Samhita Transcription Nonaccented
pra ye me bandhveṣe gām vocanta sūrayaḥ pṛśnim vocanta mātaram ǀ
adhā pitaramiṣmiṇam rudram vocanta śikvasaḥ ǁ
Padapatha Devanagari Accented
प्र । ये । मे॒ । ब॒न्धु॒ऽए॒षे । गाम् । वोच॑न्त । सू॒रयः॑ । पृश्नि॑म् । वो॒च॒न्त॒ । मा॒तर॑म् ।
अध॑ । पि॒तर॑म् । इ॒ष्मिण॑म् । रु॒द्रम् । वो॒च॒न्त॒ । शिक्व॑सः ॥
Padapatha Devanagari Nonaccented
प्र । ये । मे । बन्धुऽएषे । गाम् । वोचन्त । सूरयः । पृश्निम् । वोचन्त । मातरम् ।
अध । पितरम् । इष्मिणम् । रुद्रम् । वोचन्त । शिक्वसः ॥
Padapatha Transcription Accented
prá ǀ yé ǀ me ǀ bandhu-eṣé ǀ gā́m ǀ vócanta ǀ sūráyaḥ ǀ pṛ́śnim ǀ vocanta ǀ mātáram ǀ
ádha ǀ pitáram ǀ iṣmíṇam ǀ rudrám ǀ vocanta ǀ śíkvasaḥ ǁ
Padapatha Transcription Nonaccented
pra ǀ ye ǀ me ǀ bandhu-eṣe ǀ gām ǀ vocanta ǀ sūrayaḥ ǀ pṛśnim ǀ vocanta ǀ mātaram ǀ
adha ǀ pitaram ǀ iṣmiṇam ǀ rudram ǀ vocanta ǀ śikvasaḥ ǁ
05.052.17 (Mandala. Sukta. Rik)
4.3.10.07 (Ashtaka. Adhyaya. Varga. Rik)
05.04.073 (Mandala. Anuvāka. Rik)
Samhita Devanagari Accented
स॒प्त मे॑ स॒प्त शा॒किन॒ एक॑मेका श॒ता द॑दुः ।
य॒मुना॑या॒मधि॑ श्रु॒तमुद्राधो॒ गव्यं॑ मृजे॒ नि राधो॒ अश्व्यं॑ मृजे ॥
Samhita Devanagari Nonaccented
सप्त मे सप्त शाकिन एकमेका शता ददुः ।
यमुनायामधि श्रुतमुद्राधो गव्यं मृजे नि राधो अश्व्यं मृजे ॥
Samhita Transcription Accented
saptá me saptá śākína ékamekā śatā́ daduḥ ǀ
yamúnāyāmádhi śrutámúdrā́dho gávyam mṛje ní rā́dho áśvyam mṛje ǁ
Samhita Transcription Nonaccented
sapta me sapta śākina ekamekā śatā daduḥ ǀ
yamunāyāmadhi śrutamudrādho gavyam mṛje ni rādho aśvyam mṛje ǁ
Padapatha Devanagari Accented
स॒प्त । मे॒ । स॒प्त । शा॒किनः॑ । एक॑म्ऽएका । श॒ता । द॒दुः॒ ।
य॒मुना॑याम् । अधि॑ । श्रु॒तम् । उत् । राधः॑ । गव्य॑म् । मृ॒जे॒ । नि । राधः॑ । अश्व्य॑म् । मृ॒जे॒ ॥
Padapatha Devanagari Nonaccented
सप्त । मे । सप्त । शाकिनः । एकम्ऽएका । शता । ददुः ।
यमुनायाम् । अधि । श्रुतम् । उत् । राधः । गव्यम् । मृजे । नि । राधः । अश्व्यम् । मृजे ॥
Padapatha Transcription Accented
saptá ǀ me ǀ saptá ǀ śākínaḥ ǀ ékam-ekā ǀ śatā́ ǀ daduḥ ǀ
yamúnāyām ǀ ádhi ǀ śrutám ǀ út ǀ rā́dhaḥ ǀ gávyam ǀ mṛje ǀ ní ǀ rā́dhaḥ ǀ áśvyam ǀ mṛje ǁ
Padapatha Transcription Nonaccented
sapta ǀ me ǀ sapta ǀ śākinaḥ ǀ ekam-ekā ǀ śatā ǀ daduḥ ǀ
yamunāyām ǀ adhi ǀ śrutam ǀ ut ǀ rādhaḥ ǀ gavyam ǀ mṛje ǀ ni ǀ rādhaḥ ǀ aśvyam ǀ mṛje ǁ