|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 53
|
1. Info |
| To: | maruts | |
| From: | śyāvāśva ātreya | |
| Metres: | 1st set of styles: uṣṇik (4, 5); paṅktiḥ (6, 16); nicṛtpaṅkti (7, 13); gāyatrī (8, 12); virāḍuṣnik (10, 15); bhuriggāyatrī (1); nicṛdbṛhatī (2); anuṣṭup (3); svarāṭbṛhatī (9); nicṛduṣṇik (11); bṛhatī (14) 2nd set of styles: satobṛhatī (6, 7, 9, 13, 14, 16); kakubh (1, 5, 10, 11, 15); gāyatrī (8, 12); bṛhatī (2); anuṣṭubh (3); pura-uṣṇih (4) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.053.01 (Mandala. Sukta. Rik)
4.3.11.01 (Ashtaka. Adhyaya. Varga. Rik)
05.04.074 (Mandala. Anuvāka. Rik)
Samhita Devanagari Accented
को वे॑द॒ जान॑मेषां॒ को वा॑ पु॒रा सु॒म्नेष्वा॑स म॒रुतां॑ ।
यद्यु॑यु॒ज्रे कि॑ला॒स्यः॑ ॥
Samhita Devanagari Nonaccented
को वेद जानमेषां को वा पुरा सुम्नेष्वास मरुतां ।
यद्युयुज्रे किलास्यः ॥
Samhita Transcription Accented
kó veda jā́nameṣām kó vā purā́ sumnéṣvāsa marútām ǀ
yádyuyujré kilāsyaḥ ǁ
Samhita Transcription Nonaccented
ko veda jānameṣām ko vā purā sumneṣvāsa marutām ǀ
yadyuyujre kilāsyaḥ ǁ
Padapatha Devanagari Accented
कः । वे॒द॒ । जान॑म् । ए॒षा॒म् । कः । वा॒ । पु॒रा । सु॒म्नेषु॑ । आ॒स॒ । म॒रुता॑म् ।
यत् । यु॒यु॒ज्रे । कि॒ला॒स्यः॑ ॥
Padapatha Devanagari Nonaccented
कः । वेद । जानम् । एषाम् । कः । वा । पुरा । सुम्नेषु । आस । मरुताम् ।
यत् । युयुज्रे । किलास्यः ॥
Padapatha Transcription Accented
káḥ ǀ veda ǀ jā́nam ǀ eṣām ǀ káḥ ǀ vā ǀ purā́ ǀ sumnéṣu ǀ āsa ǀ marútām ǀ
yát ǀ yuyujré ǀ kilāsyáḥ ǁ
Padapatha Transcription Nonaccented
kaḥ ǀ veda ǀ jānam ǀ eṣām ǀ kaḥ ǀ vā ǀ purā ǀ sumneṣu ǀ āsa ǀ marutām ǀ
yat ǀ yuyujre ǀ kilāsyaḥ ǁ
05.053.02 (Mandala. Sukta. Rik)
4.3.11.02 (Ashtaka. Adhyaya. Varga. Rik)
05.04.075 (Mandala. Anuvāka. Rik)
Samhita Devanagari Accented
ऐतान्रथे॑षु त॒स्थुषः॒ कः शु॑श्राव क॒था य॑युः ।
कस्मै॑ सस्रुः सु॒दासे॒ अन्वा॒पय॒ इळा॑भिर्वृ॒ष्टयः॑ स॒ह ॥
Samhita Devanagari Nonaccented
ऐतान्रथेषु तस्थुषः कः शुश्राव कथा ययुः ।
कस्मै सस्रुः सुदासे अन्वापय इळाभिर्वृष्टयः सह ॥
Samhita Transcription Accented
áitā́nrátheṣu tasthúṣaḥ káḥ śuśrāva kathā́ yayuḥ ǀ
kásmai sasruḥ sudā́se ánvāpáya íḷābhirvṛṣṭáyaḥ sahá ǁ
Samhita Transcription Nonaccented
aitānratheṣu tasthuṣaḥ kaḥ śuśrāva kathā yayuḥ ǀ
kasmai sasruḥ sudāse anvāpaya iḷābhirvṛṣṭayaḥ saha ǁ
Padapatha Devanagari Accented
आ । ए॒तान् । रथे॑षु । त॒स्थुषः॑ । कः । शु॒श्रा॒व॒ । क॒था । य॒युः॒ ।
कस्मै॑ । स॒स्रुः॒ । सु॒ऽदासे॑ । अनु॑ । आ॒पयः॑ । इळा॑भिः । वृ॒ष्टयः॑ । स॒ह ॥
Padapatha Devanagari Nonaccented
आ । एतान् । रथेषु । तस्थुषः । कः । शुश्राव । कथा । ययुः ।
कस्मै । सस्रुः । सुऽदासे । अनु । आपयः । इळाभिः । वृष्टयः । सह ॥
Padapatha Transcription Accented
ā́ ǀ etā́n ǀ rátheṣu ǀ tasthúṣaḥ ǀ káḥ ǀ śuśrāva ǀ kathā́ ǀ yayuḥ ǀ
kásmai ǀ sasruḥ ǀ su-dā́se ǀ ánu ǀ āpáyaḥ ǀ íḷābhiḥ ǀ vṛṣṭáyaḥ ǀ sahá ǁ
Padapatha Transcription Nonaccented
ā ǀ etān ǀ ratheṣu ǀ tasthuṣaḥ ǀ kaḥ ǀ śuśrāva ǀ kathā ǀ yayuḥ ǀ
kasmai ǀ sasruḥ ǀ su-dāse ǀ anu ǀ āpayaḥ ǀ iḷābhiḥ ǀ vṛṣṭayaḥ ǀ saha ǁ
05.053.03 (Mandala. Sukta. Rik)
4.3.11.03 (Ashtaka. Adhyaya. Varga. Rik)
05.04.076 (Mandala. Anuvāka. Rik)
Samhita Devanagari Accented
ते म॑ आहु॒र्य आ॑य॒युरुप॒ द्युभि॒र्विभि॒र्मदे॑ ।
नरो॒ मर्या॑ अरे॒पस॑ इ॒मान्पश्य॒न्निति॑ ष्टुहि ॥
Samhita Devanagari Nonaccented
ते म आहुर्य आययुरुप द्युभिर्विभिर्मदे ।
नरो मर्या अरेपस इमान्पश्यन्निति ष्टुहि ॥
Samhita Transcription Accented
té ma āhuryá āyayúrúpa dyúbhirvíbhirmáde ǀ
náro máryā arepása imā́npáśyanníti ṣṭuhi ǁ
Samhita Transcription Nonaccented
te ma āhurya āyayurupa dyubhirvibhirmade ǀ
naro maryā arepasa imānpaśyanniti ṣṭuhi ǁ
Padapatha Devanagari Accented
ते । मे॒ । आ॒हुः॒ । ये । आ॒ऽय॒युः । उप॑ । द्युऽभिः॑ । विऽभिः॑ । मदे॑ ।
नरः॑ । मर्याः॑ । अ॒रे॒पसः॑ । इ॒मान् । पश्य॑न् । इति॑ । स्तु॒हि॒ ॥
Padapatha Devanagari Nonaccented
ते । मे । आहुः । ये । आऽययुः । उप । द्युऽभिः । विऽभिः । मदे ।
नरः । मर्याः । अरेपसः । इमान् । पश्यन् । इति । स्तुहि ॥
Padapatha Transcription Accented
té ǀ me ǀ āhuḥ ǀ yé ǀ ā-yayúḥ ǀ úpa ǀ dyú-bhiḥ ǀ ví-bhiḥ ǀ máde ǀ
náraḥ ǀ máryāḥ ǀ arepásaḥ ǀ imā́n ǀ páśyan ǀ íti ǀ stuhi ǁ
Padapatha Transcription Nonaccented
te ǀ me ǀ āhuḥ ǀ ye ǀ ā-yayuḥ ǀ upa ǀ dyu-bhiḥ ǀ vi-bhiḥ ǀ made ǀ
naraḥ ǀ maryāḥ ǀ arepasaḥ ǀ imān ǀ paśyan ǀ iti ǀ stuhi ǁ
05.053.04 (Mandala. Sukta. Rik)
4.3.11.04 (Ashtaka. Adhyaya. Varga. Rik)
05.04.077 (Mandala. Anuvāka. Rik)
Samhita Devanagari Accented
ये अं॒जिषु॒ ये वाशी॑षु॒ स्वभा॑नवः स्र॒क्षु रु॒क्मेषु॑ खा॒दिषु॑ ।
श्रा॒या रथे॑षु॒ धन्व॑सु ॥
Samhita Devanagari Nonaccented
ये अंजिषु ये वाशीषु स्वभानवः स्रक्षु रुक्मेषु खादिषु ।
श्राया रथेषु धन्वसु ॥
Samhita Transcription Accented
yé añjíṣu yé vā́śīṣu svábhānavaḥ srakṣú rukméṣu khādíṣu ǀ
śrāyā́ rátheṣu dhánvasu ǁ
Samhita Transcription Nonaccented
ye añjiṣu ye vāśīṣu svabhānavaḥ srakṣu rukmeṣu khādiṣu ǀ
śrāyā ratheṣu dhanvasu ǁ
Padapatha Devanagari Accented
ये । अ॒ञ्जिषु॑ । ये । वाशी॑षु । स्वऽभा॑नवः । स्र॒क्षु । रु॒क्मेषु॑ । खा॒दिषु॑ ।
श्रा॒याः । रथे॑षु । धन्व॑ऽसु ॥
Padapatha Devanagari Nonaccented
ये । अञ्जिषु । ये । वाशीषु । स्वऽभानवः । स्रक्षु । रुक्मेषु । खादिषु ।
श्रायाः । रथेषु । धन्वऽसु ॥
Padapatha Transcription Accented
yé ǀ añjíṣu ǀ yé ǀ vā́śīṣu ǀ svá-bhānavaḥ ǀ srakṣú ǀ rukméṣu ǀ khādíṣu ǀ
śrāyā́ḥ ǀ rátheṣu ǀ dhánva-su ǁ
Padapatha Transcription Nonaccented
ye ǀ añjiṣu ǀ ye ǀ vāśīṣu ǀ sva-bhānavaḥ ǀ srakṣu ǀ rukmeṣu ǀ khādiṣu ǀ
śrāyāḥ ǀ ratheṣu ǀ dhanva-su ǁ
05.053.05 (Mandala. Sukta. Rik)
4.3.11.05 (Ashtaka. Adhyaya. Varga. Rik)
05.04.078 (Mandala. Anuvāka. Rik)
Samhita Devanagari Accented
यु॒ष्माकं॑ स्मा॒ रथाँ॒ अनु॑ मु॒दे द॑धे मरुतो जीरदानवः ।
वृ॒ष्टी द्यावो॑ य॒तीरि॑व ॥
Samhita Devanagari Nonaccented
युष्माकं स्मा रथाँ अनु मुदे दधे मरुतो जीरदानवः ।
वृष्टी द्यावो यतीरिव ॥
Samhita Transcription Accented
yuṣmā́kam smā ráthām̐ ánu mudé dadhe maruto jīradānavaḥ ǀ
vṛṣṭī́ dyā́vo yatī́riva ǁ
Samhita Transcription Nonaccented
yuṣmākam smā rathām̐ anu mude dadhe maruto jīradānavaḥ ǀ
vṛṣṭī dyāvo yatīriva ǁ
Padapatha Devanagari Accented
यु॒ष्माक॑म् । स्म॒ । रथा॑न् । अनु॑ । मु॒दे । द॒धे॒ । म॒रु॒तः॒ । जी॒र॒ऽदा॒न॒वः॒ ।
वृ॒ष्टी । द्यावः॑ । य॒तीःऽइ॑व ॥
Padapatha Devanagari Nonaccented
युष्माकम् । स्म । रथान् । अनु । मुदे । दधे । मरुतः । जीरऽदानवः ।
वृष्टी । द्यावः । यतीःऽइव ॥
Padapatha Transcription Accented
yuṣmā́kam ǀ sma ǀ ráthān ǀ ánu ǀ mudé ǀ dadhe ǀ marutaḥ ǀ jīra-dānavaḥ ǀ
vṛṣṭī́ ǀ dyā́vaḥ ǀ yatī́ḥ-iva ǁ
Padapatha Transcription Nonaccented
yuṣmākam ǀ sma ǀ rathān ǀ anu ǀ mude ǀ dadhe ǀ marutaḥ ǀ jīra-dānavaḥ ǀ
vṛṣṭī ǀ dyāvaḥ ǀ yatīḥ-iva ǁ
05.053.06 (Mandala. Sukta. Rik)
4.3.12.01 (Ashtaka. Adhyaya. Varga. Rik)
05.04.079 (Mandala. Anuvāka. Rik)
Samhita Devanagari Accented
आ यं नरः॑ सु॒दान॑वो ददा॒शुषे॑ दि॒वः कोश॒मचु॑च्यवुः ।
वि प॒र्जन्यं॑ सृजंति॒ रोद॑सी॒ अनु॒ धन्व॑ना यंति वृ॒ष्टयः॑ ॥
Samhita Devanagari Nonaccented
आ यं नरः सुदानवो ददाशुषे दिवः कोशमचुच्यवुः ।
वि पर्जन्यं सृजंति रोदसी अनु धन्वना यंति वृष्टयः ॥
Samhita Transcription Accented
ā́ yám náraḥ sudā́navo dadāśúṣe diváḥ kóśamácucyavuḥ ǀ
ví parjányam sṛjanti ródasī ánu dhánvanā yanti vṛṣṭáyaḥ ǁ
Samhita Transcription Nonaccented
ā yam naraḥ sudānavo dadāśuṣe divaḥ kośamacucyavuḥ ǀ
vi parjanyam sṛjanti rodasī anu dhanvanā yanti vṛṣṭayaḥ ǁ
Padapatha Devanagari Accented
आ । यम् । नरः॑ । सु॒ऽदान॑वः । द॒दा॒शुषे॑ । दि॒वः । कोश॑म् । अचु॑च्यवुः ।
वि । प॒र्जन्य॑म् । सृ॒ज॒न्ति॒ । रोद॑सी॒ इति॑ । अनु॑ । धन्व॑ना । य॒न्ति॒ । वृ॒ष्टयः॑ ॥
Padapatha Devanagari Nonaccented
आ । यम् । नरः । सुऽदानवः । ददाशुषे । दिवः । कोशम् । अचुच्यवुः ।
वि । पर्जन्यम् । सृजन्ति । रोदसी इति । अनु । धन्वना । यन्ति । वृष्टयः ॥
Padapatha Transcription Accented
ā́ ǀ yám ǀ náraḥ ǀ su-dā́navaḥ ǀ dadāśúṣe ǀ diváḥ ǀ kóśam ǀ ácucyavuḥ ǀ
ví ǀ parjányam ǀ sṛjanti ǀ ródasī íti ǀ ánu ǀ dhánvanā ǀ yanti ǀ vṛṣṭáyaḥ ǁ
Padapatha Transcription Nonaccented
ā ǀ yam ǀ naraḥ ǀ su-dānavaḥ ǀ dadāśuṣe ǀ divaḥ ǀ kośam ǀ acucyavuḥ ǀ
vi ǀ parjanyam ǀ sṛjanti ǀ rodasī iti ǀ anu ǀ dhanvanā ǀ yanti ǀ vṛṣṭayaḥ ǁ
05.053.07 (Mandala. Sukta. Rik)
4.3.12.02 (Ashtaka. Adhyaya. Varga. Rik)
05.04.080 (Mandala. Anuvāka. Rik)
Samhita Devanagari Accented
त॒तृ॒दा॒नाः सिंध॑वः॒ क्षोद॑सा॒ रजः॒ प्र स॑स्रुर्धे॒नवो॑ यथा ।
स्य॒न्ना अश्वा॑ इ॒वाध्व॑नो वि॒मोच॑ने॒ वि यद्वर्तं॑त ए॒न्यः॑ ॥
Samhita Devanagari Nonaccented
ततृदानाः सिंधवः क्षोदसा रजः प्र सस्रुर्धेनवो यथा ।
स्यन्ना अश्वा इवाध्वनो विमोचने वि यद्वर्तंत एन्यः ॥
Samhita Transcription Accented
tatṛdānā́ḥ síndhavaḥ kṣódasā rájaḥ prá sasrurdhenávo yathā ǀ
syannā́ áśvā ivā́dhvano vimócane ví yádvártanta enyáḥ ǁ
Samhita Transcription Nonaccented
tatṛdānāḥ sindhavaḥ kṣodasā rajaḥ pra sasrurdhenavo yathā ǀ
syannā aśvā ivādhvano vimocane vi yadvartanta enyaḥ ǁ
Padapatha Devanagari Accented
त॒तृ॒दा॒नाः । सिन्ध॑वः । क्षोद॑सा । रजः॑ । प्र । स॒स्रुः॒ । धे॒नवः॑ । य॒था॒ ।
स्य॒न्नाः । अश्वाः॑ऽइव । अध्व॑नः । वि॒ऽमोच॑ने । वि । यत् । वर्त॑न्ते । ए॒न्यः॑ ॥
Padapatha Devanagari Nonaccented
ततृदानाः । सिन्धवः । क्षोदसा । रजः । प्र । सस्रुः । धेनवः । यथा ।
स्यन्नाः । अश्वाःऽइव । अध्वनः । विऽमोचने । वि । यत् । वर्तन्ते । एन्यः ॥
Padapatha Transcription Accented
tatṛdānā́ḥ ǀ síndhavaḥ ǀ kṣódasā ǀ rájaḥ ǀ prá ǀ sasruḥ ǀ dhenávaḥ ǀ yathā ǀ
syannā́ḥ ǀ áśvāḥ-iva ǀ ádhvanaḥ ǀ vi-mócane ǀ ví ǀ yát ǀ vártante ǀ enyáḥ ǁ
Padapatha Transcription Nonaccented
tatṛdānāḥ ǀ sindhavaḥ ǀ kṣodasā ǀ rajaḥ ǀ pra ǀ sasruḥ ǀ dhenavaḥ ǀ yathā ǀ
syannāḥ ǀ aśvāḥ-iva ǀ adhvanaḥ ǀ vi-mocane ǀ vi ǀ yat ǀ vartante ǀ enyaḥ ǁ
05.053.08 (Mandala. Sukta. Rik)
4.3.12.03 (Ashtaka. Adhyaya. Varga. Rik)
05.04.081 (Mandala. Anuvāka. Rik)
Samhita Devanagari Accented
आ या॑त मरुतो दि॒व आंतरि॑क्षाद॒मादु॒त ।
माव॑ स्थात परा॒वतः॑ ॥
Samhita Devanagari Nonaccented
आ यात मरुतो दिव आंतरिक्षादमादुत ।
माव स्थात परावतः ॥
Samhita Transcription Accented
ā́ yāta maruto divá ā́ntárikṣādamā́dutá ǀ
mā́va sthāta parāvátaḥ ǁ
Samhita Transcription Nonaccented
ā yāta maruto diva āntarikṣādamāduta ǀ
māva sthāta parāvataḥ ǁ
Padapatha Devanagari Accented
आ । या॒त॒ । म॒रु॒तः॒ । दि॒वः । आ । अ॒न्तरि॑क्षात् । अ॒मात् । उ॒त ।
मा । अव॑ । स्था॒त॒ । प॒रा॒ऽवतः॑ ॥
Padapatha Devanagari Nonaccented
आ । यात । मरुतः । दिवः । आ । अन्तरिक्षात् । अमात् । उत ।
मा । अव । स्थात । पराऽवतः ॥
Padapatha Transcription Accented
ā́ ǀ yāta ǀ marutaḥ ǀ diváḥ ǀ ā́ ǀ antárikṣāt ǀ amā́t ǀ utá ǀ
mā́ ǀ áva ǀ sthāta ǀ parā-vátaḥ ǁ
Padapatha Transcription Nonaccented
ā ǀ yāta ǀ marutaḥ ǀ divaḥ ǀ ā ǀ antarikṣāt ǀ amāt ǀ uta ǀ
mā ǀ ava ǀ sthāta ǀ parā-vataḥ ǁ
05.053.09 (Mandala. Sukta. Rik)
4.3.12.04 (Ashtaka. Adhyaya. Varga. Rik)
05.04.082 (Mandala. Anuvāka. Rik)
Samhita Devanagari Accented
मा वो॑ र॒सानि॑तभा॒ कुभा॒ क्रुमु॒र्मा वः॒ सिंधु॒र्नि री॑रमत् ।
मा वः॒ परि॑ ष्ठात्स॒रयुः॑ पुरी॒षिण्य॒स्मे इत्सु॒म्नम॑स्तु वः ॥
Samhita Devanagari Nonaccented
मा वो रसानितभा कुभा क्रुमुर्मा वः सिंधुर्नि रीरमत् ।
मा वः परि ष्ठात्सरयुः पुरीषिण्यस्मे इत्सुम्नमस्तु वः ॥
Samhita Transcription Accented
mā́ vo rasā́nitabhā kúbhā krúmurmā́ vaḥ síndhurní rīramat ǀ
mā́ vaḥ pári ṣṭhātsaráyuḥ purīṣíṇyasmé ítsumnámastu vaḥ ǁ
Samhita Transcription Nonaccented
mā vo rasānitabhā kubhā krumurmā vaḥ sindhurni rīramat ǀ
mā vaḥ pari ṣṭhātsarayuḥ purīṣiṇyasme itsumnamastu vaḥ ǁ
Padapatha Devanagari Accented
मा । वः॒ । र॒सा । अनि॑तभा । कुभा॑ । क्रुमुः॑ । मा । वः॒ । सिन्धुः॑ । नि । री॒र॒म॒त् ।
मा । वः॒ । परि॑ । स्था॒त् । स॒रयुः॑ । पु॒री॒षिणी॑ । अ॒स्मे इति॑ । इत् । सु॒म्नम् । अ॒स्तु॒ । वः॒ ॥
Padapatha Devanagari Nonaccented
मा । वः । रसा । अनितभा । कुभा । क्रुमुः । मा । वः । सिन्धुः । नि । रीरमत् ।
मा । वः । परि । स्थात् । सरयुः । पुरीषिणी । अस्मे इति । इत् । सुम्नम् । अस्तु । वः ॥
Padapatha Transcription Accented
mā́ ǀ vaḥ ǀ rasā́ ǀ ánitabhā ǀ kúbhā ǀ krúmuḥ ǀ mā́ ǀ vaḥ ǀ síndhuḥ ǀ ní ǀ rīramat ǀ
mā́ ǀ vaḥ ǀ pári ǀ sthāt ǀ saráyuḥ ǀ purīṣíṇī ǀ asmé íti ǀ ít ǀ sumnám ǀ astu ǀ vaḥ ǁ
Padapatha Transcription Nonaccented
mā ǀ vaḥ ǀ rasā ǀ anitabhā ǀ kubhā ǀ krumuḥ ǀ mā ǀ vaḥ ǀ sindhuḥ ǀ ni ǀ rīramat ǀ
mā ǀ vaḥ ǀ pari ǀ sthāt ǀ sarayuḥ ǀ purīṣiṇī ǀ asme iti ǀ it ǀ sumnam ǀ astu ǀ vaḥ ǁ
05.053.10 (Mandala. Sukta. Rik)
4.3.12.05 (Ashtaka. Adhyaya. Varga. Rik)
05.04.083 (Mandala. Anuvāka. Rik)
Samhita Devanagari Accented
तं वः॒ शर्धं॒ रथा॑नां त्वे॒षं ग॒णं मारु॑तं॒ नव्य॑सीनां ।
अनु॒ प्र यं॑ति वृ॒ष्टयः॑ ॥
Samhita Devanagari Nonaccented
तं वः शर्धं रथानां त्वेषं गणं मारुतं नव्यसीनां ।
अनु प्र यंति वृष्टयः ॥
Samhita Transcription Accented
tám vaḥ śárdham ráthānām tveṣám gaṇám mā́rutam návyasīnām ǀ
ánu prá yanti vṛṣṭáyaḥ ǁ
Samhita Transcription Nonaccented
tam vaḥ śardham rathānām tveṣam gaṇam mārutam navyasīnām ǀ
anu pra yanti vṛṣṭayaḥ ǁ
Padapatha Devanagari Accented
तम् । वः॒ । शर्ध॑म् । रथा॑नाम् । त्वे॒षम् । ग॒णम् । मारु॑तम् । नव्य॑सीनाम् ।
अनु॑ । प्र । य॒न्ति॒ । वृ॒ष्टयः॑ ॥
Padapatha Devanagari Nonaccented
तम् । वः । शर्धम् । रथानाम् । त्वेषम् । गणम् । मारुतम् । नव्यसीनाम् ।
अनु । प्र । यन्ति । वृष्टयः ॥
Padapatha Transcription Accented
tám ǀ vaḥ ǀ śárdham ǀ ráthānām ǀ tveṣám ǀ gaṇám ǀ mā́rutam ǀ návyasīnām ǀ
ánu ǀ prá ǀ yanti ǀ vṛṣṭáyaḥ ǁ
Padapatha Transcription Nonaccented
tam ǀ vaḥ ǀ śardham ǀ rathānām ǀ tveṣam ǀ gaṇam ǀ mārutam ǀ navyasīnām ǀ
anu ǀ pra ǀ yanti ǀ vṛṣṭayaḥ ǁ
05.053.11 (Mandala. Sukta. Rik)
4.3.13.01 (Ashtaka. Adhyaya. Varga. Rik)
05.04.084 (Mandala. Anuvāka. Rik)
Samhita Devanagari Accented
शर्धं॑शर्धं व एषां॒ व्रातं॑व्रातं ग॒णंग॑णं सुश॒स्तिभिः॑ ।
अनु॑ क्रामेम धी॒तिभिः॑ ॥
Samhita Devanagari Nonaccented
शर्धंशर्धं व एषां व्रातंव्रातं गणंगणं सुशस्तिभिः ।
अनु क्रामेम धीतिभिः ॥
Samhita Transcription Accented
śárdhaṃśardham va eṣām vrā́taṃvrātam gaṇáṃgaṇam suśastíbhiḥ ǀ
ánu krāmema dhītíbhiḥ ǁ
Samhita Transcription Nonaccented
śardhaṃśardham va eṣām vrātaṃvrātam gaṇaṃgaṇam suśastibhiḥ ǀ
anu krāmema dhītibhiḥ ǁ
Padapatha Devanagari Accented
शर्ध॑म्ऽशर्धम् । वः॒ । ए॒षा॒म् । व्रात॑म्ऽव्रातम् । ग॒णम्ऽग॑णम् । सु॒श॒स्तिऽभिः॑ ।
अनु॑ । क्रा॒मे॒म॒ । धी॒तिऽभिः॑ ॥
Padapatha Devanagari Nonaccented
शर्धम्ऽशर्धम् । वः । एषाम् । व्रातम्ऽव्रातम् । गणम्ऽगणम् । सुशस्तिऽभिः ।
अनु । क्रामेम । धीतिऽभिः ॥
Padapatha Transcription Accented
śárdham-śardham ǀ vaḥ ǀ eṣām ǀ vrā́tam-vrātam ǀ gaṇám-gaṇam ǀ suśastí-bhiḥ ǀ
ánu ǀ krāmema ǀ dhītí-bhiḥ ǁ
Padapatha Transcription Nonaccented
śardham-śardham ǀ vaḥ ǀ eṣām ǀ vrātam-vrātam ǀ gaṇam-gaṇam ǀ suśasti-bhiḥ ǀ
anu ǀ krāmema ǀ dhīti-bhiḥ ǁ
05.053.12 (Mandala. Sukta. Rik)
4.3.13.02 (Ashtaka. Adhyaya. Varga. Rik)
05.04.085 (Mandala. Anuvāka. Rik)
Samhita Devanagari Accented
कस्मा॑ अ॒द्य सुजा॑ताय रा॒तह॑व्याय॒ प्र य॑युः ।
ए॒ना यामे॑न म॒रुतः॑ ॥
Samhita Devanagari Nonaccented
कस्मा अद्य सुजाताय रातहव्याय प्र ययुः ।
एना यामेन मरुतः ॥
Samhita Transcription Accented
kásmā adyá sújātāya rātáhavyāya prá yayuḥ ǀ
enā́ yā́mena marútaḥ ǁ
Samhita Transcription Nonaccented
kasmā adya sujātāya rātahavyāya pra yayuḥ ǀ
enā yāmena marutaḥ ǁ
Padapatha Devanagari Accented
कस्मै॑ । अ॒द्य । सुऽजा॑ताय । रा॒तऽह॑व्याय । प्र । य॒युः॒ ।
ए॒ना । यामे॑न । म॒रुतः॑ ॥
Padapatha Devanagari Nonaccented
कस्मै । अद्य । सुऽजाताय । रातऽहव्याय । प्र । ययुः ।
एना । यामेन । मरुतः ॥
Padapatha Transcription Accented
kásmai ǀ adyá ǀ sú-jātāya ǀ rātá-havyāya ǀ prá ǀ yayuḥ ǀ
enā́ ǀ yā́mena ǀ marútaḥ ǁ
Padapatha Transcription Nonaccented
kasmai ǀ adya ǀ su-jātāya ǀ rāta-havyāya ǀ pra ǀ yayuḥ ǀ
enā ǀ yāmena ǀ marutaḥ ǁ
05.053.13 (Mandala. Sukta. Rik)
4.3.13.03 (Ashtaka. Adhyaya. Varga. Rik)
05.04.086 (Mandala. Anuvāka. Rik)
Samhita Devanagari Accented
येन॑ तो॒काय॒ तन॑याय धा॒न्यं१॒॑ बीजं॒ वह॑ध्वे॒ अक्षि॑तं ।
अ॒स्मभ्यं॒ तद्ध॑त्तन॒ यद्व॒ ईम॑हे॒ राधो॑ वि॒श्वायु॒ सौभ॑गं ॥
Samhita Devanagari Nonaccented
येन तोकाय तनयाय धान्यं बीजं वहध्वे अक्षितं ।
अस्मभ्यं तद्धत्तन यद्व ईमहे राधो विश्वायु सौभगं ॥
Samhita Transcription Accented
yéna tokā́ya tánayāya dhānyám bī́jam váhadhve ákṣitam ǀ
asmábhyam táddhattana yádva ī́mahe rā́dho viśvā́yu sáubhagam ǁ
Samhita Transcription Nonaccented
yena tokāya tanayāya dhānyam bījam vahadhve akṣitam ǀ
asmabhyam taddhattana yadva īmahe rādho viśvāyu saubhagam ǁ
Padapatha Devanagari Accented
येन॑ । तो॒काय॑ । तन॑याय । धा॒न्य॑म् । बीज॑म् । वह॑ध्वे । अक्षि॑तम् ।
अ॒स्मभ्य॑म् । तत् । ध॒त्त॒न॒ । यत् । वः॒ । ईम॑हे । राधः॑ । वि॒श्वऽआ॑यु । सौभ॑गम् ॥
Padapatha Devanagari Nonaccented
येन । तोकाय । तनयाय । धान्यम् । बीजम् । वहध्वे । अक्षितम् ।
अस्मभ्यम् । तत् । धत्तन । यत् । वः । ईमहे । राधः । विश्वऽआयु । सौभगम् ॥
Padapatha Transcription Accented
yéna ǀ tokā́ya ǀ tánayāya ǀ dhānyám ǀ bī́jam ǀ váhadhve ǀ ákṣitam ǀ
asmábhyam ǀ tát ǀ dhattana ǀ yát ǀ vaḥ ǀ ī́mahe ǀ rā́dhaḥ ǀ viśvá-āyu ǀ sáubhagam ǁ
Padapatha Transcription Nonaccented
yena ǀ tokāya ǀ tanayāya ǀ dhānyam ǀ bījam ǀ vahadhve ǀ akṣitam ǀ
asmabhyam ǀ tat ǀ dhattana ǀ yat ǀ vaḥ ǀ īmahe ǀ rādhaḥ ǀ viśva-āyu ǀ saubhagam ǁ
05.053.14 (Mandala. Sukta. Rik)
4.3.13.04 (Ashtaka. Adhyaya. Varga. Rik)
05.04.087 (Mandala. Anuvāka. Rik)
Samhita Devanagari Accented
अती॑याम नि॒दस्ति॒रः स्व॒स्तिभि॑र्हि॒त्वाव॒द्यमरा॑तीः ।
वृ॒ष्ट्वी शं योराप॑ उ॒स्रि भे॑ष॒जं स्याम॑ मरुतः स॒ह ॥
Samhita Devanagari Nonaccented
अतीयाम निदस्तिरः स्वस्तिभिर्हित्वावद्यमरातीः ।
वृष्ट्वी शं योराप उस्रि भेषजं स्याम मरुतः सह ॥
Samhita Transcription Accented
átīyāma nidástiráḥ svastíbhirhitvā́vadyámárātīḥ ǀ
vṛṣṭvī́ śám yórā́pa usrí bheṣajám syā́ma marutaḥ sahá ǁ
Samhita Transcription Nonaccented
atīyāma nidastiraḥ svastibhirhitvāvadyamarātīḥ ǀ
vṛṣṭvī śam yorāpa usri bheṣajam syāma marutaḥ saha ǁ
Padapatha Devanagari Accented
अति॑ । इ॒या॒म॒ । नि॒दः । ति॒रः । स्व॒स्तिऽभिः॑ । हि॒त्वा । अ॒व॒द्यम् । अरा॑तीः ।
वृ॒ष्ट्वी । सम् । योः । आपः॑ । उ॒स्रि । भे॒ष॒जम् । स्याम॑ । म॒रु॒तः॒ । स॒ह ॥
Padapatha Devanagari Nonaccented
अति । इयाम । निदः । तिरः । स्वस्तिऽभिः । हित्वा । अवद्यम् । अरातीः ।
वृष्ट्वी । सम् । योः । आपः । उस्रि । भेषजम् । स्याम । मरुतः । सह ॥
Padapatha Transcription Accented
áti ǀ iyāma ǀ nidáḥ ǀ tiráḥ ǀ svastí-bhiḥ ǀ hitvā́ ǀ avadyám ǀ árātīḥ ǀ
vṛṣṭvī́ ǀ sám ǀ yóḥ ǀ ā́paḥ ǀ usrí ǀ bheṣajám ǀ syā́ma ǀ marutaḥ ǀ sahá ǁ
Padapatha Transcription Nonaccented
ati ǀ iyāma ǀ nidaḥ ǀ tiraḥ ǀ svasti-bhiḥ ǀ hitvā ǀ avadyam ǀ arātīḥ ǀ
vṛṣṭvī ǀ sam ǀ yoḥ ǀ āpaḥ ǀ usri ǀ bheṣajam ǀ syāma ǀ marutaḥ ǀ saha ǁ
05.053.15 (Mandala. Sukta. Rik)
4.3.13.05 (Ashtaka. Adhyaya. Varga. Rik)
05.04.088 (Mandala. Anuvāka. Rik)
Samhita Devanagari Accented
सु॒दे॒वः स॑महासति सु॒वीरो॑ नरो मरुतः॒ स मर्त्यः॑ ।
यं त्राय॑ध्वे॒ स्याम॒ ते ॥
Samhita Devanagari Nonaccented
सुदेवः समहासति सुवीरो नरो मरुतः स मर्त्यः ।
यं त्रायध्वे स्याम ते ॥
Samhita Transcription Accented
sudeváḥ samahāsati suvī́ro naro marutaḥ sá mártyaḥ ǀ
yám trā́yadhve syā́ma té ǁ
Samhita Transcription Nonaccented
sudevaḥ samahāsati suvīro naro marutaḥ sa martyaḥ ǀ
yam trāyadhve syāma te ǁ
Padapatha Devanagari Accented
सु॒ऽदे॒वः । स॒म॒ह॒ । अ॒स॒ति॒ । सु॒ऽवीरः॑ । न॒रः॒ । म॒रु॒तः॒ । सः । मर्त्यः॑ ।
यम् । त्राय॑ध्वे । स्याम॑ । ते ॥
Padapatha Devanagari Nonaccented
सुऽदेवः । समह । असति । सुऽवीरः । नरः । मरुतः । सः । मर्त्यः ।
यम् । त्रायध्वे । स्याम । ते ॥
Padapatha Transcription Accented
su-deváḥ ǀ samaha ǀ asati ǀ su-vī́raḥ ǀ naraḥ ǀ marutaḥ ǀ sáḥ ǀ mártyaḥ ǀ
yám ǀ trā́yadhve ǀ syā́ma ǀ té ǁ
Padapatha Transcription Nonaccented
su-devaḥ ǀ samaha ǀ asati ǀ su-vīraḥ ǀ naraḥ ǀ marutaḥ ǀ saḥ ǀ martyaḥ ǀ
yam ǀ trāyadhve ǀ syāma ǀ te ǁ
05.053.16 (Mandala. Sukta. Rik)
4.3.13.06 (Ashtaka. Adhyaya. Varga. Rik)
05.04.089 (Mandala. Anuvāka. Rik)
Samhita Devanagari Accented
स्तु॒हि भो॒जान्त्स्तु॑व॒तो अ॑स्य॒ याम॑नि॒ रण॒न्गावो॒ न यव॑से ।
य॒तः पूर्वाँ॑ इव॒ सखीँ॒रनु॑ ह्वय गि॒रा गृ॑णीहि का॒मिनः॑ ॥
Samhita Devanagari Nonaccented
स्तुहि भोजान्त्स्तुवतो अस्य यामनि रणन्गावो न यवसे ।
यतः पूर्वाँ इव सखीँरनु ह्वय गिरा गृणीहि कामिनः ॥
Samhita Transcription Accented
stuhí bhojā́ntstuvató asya yā́mani ráṇangā́vo ná yávase ǀ
yatáḥ pū́rvām̐ iva sákhīm̐ránu hvaya girā́ gṛṇīhi kāmínaḥ ǁ
Samhita Transcription Nonaccented
stuhi bhojāntstuvato asya yāmani raṇangāvo na yavase ǀ
yataḥ pūrvām̐ iva sakhīm̐ranu hvaya girā gṛṇīhi kāminaḥ ǁ
Padapatha Devanagari Accented
स्तु॒हि । भो॒जान् । स्तु॒व॒तः । अ॒स्य॒ । याम॑नि । रण॑म् । गावः॑ । न । यव॑से ।
य॒तः । पूर्वा॑न्ऽइव । सखी॑न् । अनु॑ । ह्व॒य॒ । गि॒रा । गृ॒णी॒हि॒ । का॒मिनः॑ ॥
Padapatha Devanagari Nonaccented
स्तुहि । भोजान् । स्तुवतः । अस्य । यामनि । रणम् । गावः । न । यवसे ।
यतः । पूर्वान्ऽइव । सखीन् । अनु । ह्वय । गिरा । गृणीहि । कामिनः ॥
Padapatha Transcription Accented
stuhí ǀ bhojā́n ǀ stuvatáḥ ǀ asya ǀ yā́mani ǀ ráṇam ǀ gā́vaḥ ǀ ná ǀ yávase ǀ
yatáḥ ǀ pū́rvān-iva ǀ sákhīn ǀ ánu ǀ hvaya ǀ girā́ ǀ gṛṇīhi ǀ kāmínaḥ ǁ
Padapatha Transcription Nonaccented
stuhi ǀ bhojān ǀ stuvataḥ ǀ asya ǀ yāmani ǀ raṇam ǀ gāvaḥ ǀ na ǀ yavase ǀ
yataḥ ǀ pūrvān-iva ǀ sakhīn ǀ anu ǀ hvaya ǀ girā ǀ gṛṇīhi ǀ kāminaḥ ǁ