|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 56
|
1. Info |
| To: | maruts | |
| From: | śyāvāśva ātreya | |
| Metres: | 1st set of styles: nicṛdbṛhatī (1, 2, 5); nicṛtpaṅkti (6, 7); bṛhatī (8, 9); virāṭpaṅkti (3); virāḍabṛhatī (4) 2nd set of styles: bṛhatī (1, 2, 4-6, 8, 9); satobṛhatī (3, 7) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.056.01 (Mandala. Sukta. Rik)
4.3.19.01 (Ashtaka. Adhyaya. Varga. Rik)
05.04.115 (Mandala. Anuvāka. Rik)
Samhita Devanagari Accented
अग्ने॒ शर्धं॑त॒मा ग॒णं पि॒ष्टं रु॒क्मेभि॑रं॒जिभिः॑ ।
विशो॑ अ॒द्य म॒रुता॒मव॑ ह्वये दि॒वश्चि॑द्रोच॒नादधि॑ ॥
Samhita Devanagari Nonaccented
अग्ने शर्धंतमा गणं पिष्टं रुक्मेभिरंजिभिः ।
विशो अद्य मरुतामव ह्वये दिवश्चिद्रोचनादधि ॥
Samhita Transcription Accented
ágne śárdhantamā́ gaṇám piṣṭám rukmébhirañjíbhiḥ ǀ
víśo adyá marútāmáva hvaye diváścidrocanā́dadhi ǁ
Samhita Transcription Nonaccented
agne śardhantamā gaṇam piṣṭam rukmebhirañjibhiḥ ǀ
viśo adya marutāmava hvaye divaścidrocanādadhi ǁ
Padapatha Devanagari Accented
अग्ने॑ । शर्ध॑न्तम् । आ । ग॒णम् । पि॒ष्टम् । रु॒क्मेभिः॑ । अ॒ञ्जिऽभिः॑ ।
विशः॑ । अ॒द्य । म॒रुता॑म् । अव॑ । ह्व॒ये॒ । दि॒वः । चि॒त् । रो॒च॒नात् । अधि॑ ॥
Padapatha Devanagari Nonaccented
अग्ने । शर्धन्तम् । आ । गणम् । पिष्टम् । रुक्मेभिः । अञ्जिऽभिः ।
विशः । अद्य । मरुताम् । अव । ह्वये । दिवः । चित् । रोचनात् । अधि ॥
Padapatha Transcription Accented
ágne ǀ śárdhantam ǀ ā́ ǀ gaṇám ǀ piṣṭám ǀ rukmébhiḥ ǀ añjí-bhiḥ ǀ
víśaḥ ǀ adyá ǀ marútām ǀ áva ǀ hvaye ǀ diváḥ ǀ cit ǀ rocanā́t ǀ ádhi ǁ
Padapatha Transcription Nonaccented
agne ǀ śardhantam ǀ ā ǀ gaṇam ǀ piṣṭam ǀ rukmebhiḥ ǀ añji-bhiḥ ǀ
viśaḥ ǀ adya ǀ marutām ǀ ava ǀ hvaye ǀ divaḥ ǀ cit ǀ rocanāt ǀ adhi ǁ
05.056.02 (Mandala. Sukta. Rik)
4.3.19.02 (Ashtaka. Adhyaya. Varga. Rik)
05.04.116 (Mandala. Anuvāka. Rik)
Samhita Devanagari Accented
यथा॑ चि॒न्मन्य॑से हृ॒दा तदिन्मे॑ जग्मुरा॒शसः॑ ।
ये ते॒ नेदि॑ष्ठं॒ हव॑नान्या॒गमं॒तान्व॑र्ध भी॒मसं॑दृशः ॥
Samhita Devanagari Nonaccented
यथा चिन्मन्यसे हृदा तदिन्मे जग्मुराशसः ।
ये ते नेदिष्ठं हवनान्यागमंतान्वर्ध भीमसंदृशः ॥
Samhita Transcription Accented
yáthā cinmányase hṛdā́ tádínme jagmurāśásaḥ ǀ
yé te nédiṣṭham hávanānyāgámantā́nvardha bhīmásaṃdṛśaḥ ǁ
Samhita Transcription Nonaccented
yathā cinmanyase hṛdā tadinme jagmurāśasaḥ ǀ
ye te nediṣṭham havanānyāgamantānvardha bhīmasaṃdṛśaḥ ǁ
Padapatha Devanagari Accented
यथा॑ । चि॒त् । मन्य॑से । हृ॒दा । तत् । इत् । मे॒ । ज॒ग्मुः॒ । आ॒ऽशसः॑ ।
ये । ते॒ । नेदि॑ष्ठम् । हव॑नानि । आ॒ऽगम॑न् । तान् । व॒र्ध॒ । भी॒मऽस॑न्दृशः ॥
Padapatha Devanagari Nonaccented
यथा । चित् । मन्यसे । हृदा । तत् । इत् । मे । जग्मुः । आऽशसः ।
ये । ते । नेदिष्ठम् । हवनानि । आऽगमन् । तान् । वर्ध । भीमऽसन्दृशः ॥
Padapatha Transcription Accented
yáthā ǀ cit ǀ mányase ǀ hṛdā́ ǀ tát ǀ ít ǀ me ǀ jagmuḥ ǀ ā-śásaḥ ǀ
yé ǀ te ǀ nédiṣṭham ǀ hávanāni ǀ ā-gáman ǀ tā́n ǀ vardha ǀ bhīmá-sandṛśaḥ ǁ
Padapatha Transcription Nonaccented
yathā ǀ cit ǀ manyase ǀ hṛdā ǀ tat ǀ it ǀ me ǀ jagmuḥ ǀ ā-śasaḥ ǀ
ye ǀ te ǀ nediṣṭham ǀ havanāni ǀ ā-gaman ǀ tān ǀ vardha ǀ bhīma-sandṛśaḥ ǁ
05.056.03 (Mandala. Sukta. Rik)
4.3.19.03 (Ashtaka. Adhyaya. Varga. Rik)
05.04.117 (Mandala. Anuvāka. Rik)
Samhita Devanagari Accented
मी॒ळ्हुष्म॑तीव पृथि॒वी परा॑हता॒ मदं॑त्येत्य॒स्मदा ।
ऋक्षो॒ न वो॑ मरुतः॒ शिमी॑वाँ॒ अमो॑ दु॒ध्रो गौरि॑व भीम॒युः ॥
Samhita Devanagari Nonaccented
मीळ्हुष्मतीव पृथिवी पराहता मदंत्येत्यस्मदा ।
ऋक्षो न वो मरुतः शिमीवाँ अमो दुध्रो गौरिव भीमयुः ॥
Samhita Transcription Accented
mīḷhúṣmatīva pṛthivī́ párāhatā mádantyetyasmádā́ ǀ
ṛ́kṣo ná vo marutaḥ śímīvām̐ ámo dudhró gáuriva bhīmayúḥ ǁ
Samhita Transcription Nonaccented
mīḷhuṣmatīva pṛthivī parāhatā madantyetyasmadā ǀ
ṛkṣo na vo marutaḥ śimīvām̐ amo dudhro gauriva bhīmayuḥ ǁ
Padapatha Devanagari Accented
मी॒ळ्हुष्म॑तीऽइव । पृ॒थि॒वी । परा॑ऽहता । मद॑न्ती । ए॒ति॒ । अ॒स्मत् । आ ।
ऋक्षः॑ । न । वः॒ । म॒रु॒तः॒ । शिमी॑ऽवान् । अमः॑ । दु॒ध्रः । गौःऽइ॑व । भी॒म॒ऽयुः ॥
Padapatha Devanagari Nonaccented
मीळ्हुष्मतीऽइव । पृथिवी । पराऽहता । मदन्ती । एति । अस्मत् । आ ।
ऋक्षः । न । वः । मरुतः । शिमीऽवान् । अमः । दुध्रः । गौःऽइव । भीमऽयुः ॥
Padapatha Transcription Accented
mīḷhúṣmatī-iva ǀ pṛthivī́ ǀ párā-hatā ǀ mádantī ǀ eti ǀ asmát ǀ ā́ ǀ
ṛ́kṣaḥ ǀ ná ǀ vaḥ ǀ marutaḥ ǀ śímī-vān ǀ ámaḥ ǀ dudhráḥ ǀ gáuḥ-iva ǀ bhīma-yúḥ ǁ
Padapatha Transcription Nonaccented
mīḷhuṣmatī-iva ǀ pṛthivī ǀ parā-hatā ǀ madantī ǀ eti ǀ asmat ǀ ā ǀ
ṛkṣaḥ ǀ na ǀ vaḥ ǀ marutaḥ ǀ śimī-vān ǀ amaḥ ǀ dudhraḥ ǀ gauḥ-iva ǀ bhīma-yuḥ ǁ
05.056.04 (Mandala. Sukta. Rik)
4.3.19.04 (Ashtaka. Adhyaya. Varga. Rik)
05.04.118 (Mandala. Anuvāka. Rik)
Samhita Devanagari Accented
नि ये रि॒णंत्योज॑सा॒ वृथा॒ गावो॒ न दु॒र्धुरः॑ ।
अश्मा॑नं चित्स्व॒र्यं१॒॑ पर्व॑तं गि॒रिं प्र च्या॑वयंति॒ याम॑भिः ॥
Samhita Devanagari Nonaccented
नि ये रिणंत्योजसा वृथा गावो न दुर्धुरः ।
अश्मानं चित्स्वर्यं पर्वतं गिरिं प्र च्यावयंति यामभिः ॥
Samhita Transcription Accented
ní yé riṇántyójasā vṛ́thā gā́vo ná durdhúraḥ ǀ
áśmānam citsvaryám párvatam girím prá cyāvayanti yā́mabhiḥ ǁ
Samhita Transcription Nonaccented
ni ye riṇantyojasā vṛthā gāvo na durdhuraḥ ǀ
aśmānam citsvaryam parvatam girim pra cyāvayanti yāmabhiḥ ǁ
Padapatha Devanagari Accented
नि । ये । रि॒णन्ति॑ । ओज॑सा । वृथा॑ । गावः॑ । न । दुः॒ऽधुरः॑ ।
अश्मा॑नम् । चि॒त् । स्व॒र्य॑म् । पर्व॑तम् । गि॒रिम् । प्र । च्य॒व॒य॒न्ति॒ । याम॑ऽभिः ॥
Padapatha Devanagari Nonaccented
नि । ये । रिणन्ति । ओजसा । वृथा । गावः । न । दुःऽधुरः ।
अश्मानम् । चित् । स्वर्यम् । पर्वतम् । गिरिम् । प्र । च्यवयन्ति । यामऽभिः ॥
Padapatha Transcription Accented
ní ǀ yé ǀ riṇánti ǀ ójasā ǀ vṛ́thā ǀ gā́vaḥ ǀ ná ǀ duḥ-dhúraḥ ǀ
áśmānam ǀ cit ǀ svaryám ǀ párvatam ǀ girím ǀ prá ǀ cyavayanti ǀ yā́ma-bhiḥ ǁ
Padapatha Transcription Nonaccented
ni ǀ ye ǀ riṇanti ǀ ojasā ǀ vṛthā ǀ gāvaḥ ǀ na ǀ duḥ-dhuraḥ ǀ
aśmānam ǀ cit ǀ svaryam ǀ parvatam ǀ girim ǀ pra ǀ cyavayanti ǀ yāma-bhiḥ ǁ
05.056.05 (Mandala. Sukta. Rik)
4.3.19.05 (Ashtaka. Adhyaya. Varga. Rik)
05.04.119 (Mandala. Anuvāka. Rik)
Samhita Devanagari Accented
उत्ति॑ष्ठ नू॒नमे॑षां॒ स्तोमैः॒ समु॑क्षितानां ।
म॒रुतां॑ पुरु॒तम॒मपू॑र्व्यं॒ गवां॒ सर्ग॑मिव ह्वये ॥
Samhita Devanagari Nonaccented
उत्तिष्ठ नूनमेषां स्तोमैः समुक्षितानां ।
मरुतां पुरुतममपूर्व्यं गवां सर्गमिव ह्वये ॥
Samhita Transcription Accented
úttiṣṭha nūnámeṣām stómaiḥ sámukṣitānām ǀ
marútām purutámamápūrvyam gávām sárgamiva hvaye ǁ
Samhita Transcription Nonaccented
uttiṣṭha nūnameṣām stomaiḥ samukṣitānām ǀ
marutām purutamamapūrvyam gavām sargamiva hvaye ǁ
Padapatha Devanagari Accented
उत् । ति॒ष्ठ॒ । नू॒नम् । ए॒षा॒म् । स्तोमैः॑ । सम्ऽउ॑क्षितानाम् ।
म॒रुता॑म् । पु॒रु॒ऽतम॑म् । अपू॑र्व्यम् । गवा॑म् । सर्ग॑म्ऽइव । ह्व॒ये॒ ॥
Padapatha Devanagari Nonaccented
उत् । तिष्ठ । नूनम् । एषाम् । स्तोमैः । सम्ऽउक्षितानाम् ।
मरुताम् । पुरुऽतमम् । अपूर्व्यम् । गवाम् । सर्गम्ऽइव । ह्वये ॥
Padapatha Transcription Accented
út ǀ tiṣṭha ǀ nūnám ǀ eṣām ǀ stómaiḥ ǀ sám-ukṣitānām ǀ
marútām ǀ puru-támam ǀ ápūrvyam ǀ gávām ǀ sárgam-iva ǀ hvaye ǁ
Padapatha Transcription Nonaccented
ut ǀ tiṣṭha ǀ nūnam ǀ eṣām ǀ stomaiḥ ǀ sam-ukṣitānām ǀ
marutām ǀ puru-tamam ǀ apūrvyam ǀ gavām ǀ sargam-iva ǀ hvaye ǁ
05.056.06 (Mandala. Sukta. Rik)
4.3.20.01 (Ashtaka. Adhyaya. Varga. Rik)
05.04.120 (Mandala. Anuvāka. Rik)
Samhita Devanagari Accented
युं॒ग्ध्वं ह्यरु॑षी॒ रथे॑ युं॒ग्ध्वं रथे॑षु रो॒हितः॑ ।
युं॒ग्ध्वं हरी॑ अजि॒रा धु॒रि वोळ्ह॑वे॒ वहि॑ष्ठा धु॒रि वोळ्ह॑वे ॥
Samhita Devanagari Nonaccented
युंग्ध्वं ह्यरुषी रथे युंग्ध्वं रथेषु रोहितः ।
युंग्ध्वं हरी अजिरा धुरि वोळ्हवे वहिष्ठा धुरि वोळ्हवे ॥
Samhita Transcription Accented
yuṅgdhvám hyáruṣī ráthe yuṅgdhvám rátheṣu rohítaḥ ǀ
yuṅgdhvám hárī ajirā́ dhurí vóḷhave váhiṣṭhā dhurí vóḷhave ǁ
Samhita Transcription Nonaccented
yuṅgdhvam hyaruṣī rathe yuṅgdhvam ratheṣu rohitaḥ ǀ
yuṅgdhvam harī ajirā dhuri voḷhave vahiṣṭhā dhuri voḷhave ǁ
Padapatha Devanagari Accented
यु॒ङ्ग्ध्वम् । हि । अरु॑षीः । रथे॑ । यु॒ङ्ग्ध्वम् । रथे॑षु । रो॒हितः॑ ।
यु॒ङ्ग्ध्वम् । हरी॒ इति॑ । अ॒जि॒रा । धु॒रि । वोळ्ह॑वे । वहि॑ष्ठा । धु॒रि । वोळ्ह॑वे ॥
Padapatha Devanagari Nonaccented
युङ्ग्ध्वम् । हि । अरुषीः । रथे । युङ्ग्ध्वम् । रथेषु । रोहितः ।
युङ्ग्ध्वम् । हरी इति । अजिरा । धुरि । वोळ्हवे । वहिष्ठा । धुरि । वोळ्हवे ॥
Padapatha Transcription Accented
yuṅgdhvám ǀ hí ǀ áruṣīḥ ǀ ráthe ǀ yuṅgdhvám ǀ rátheṣu ǀ rohítaḥ ǀ
yuṅgdhvám ǀ hárī íti ǀ ajirā́ ǀ dhurí ǀ vóḷhave ǀ váhiṣṭhā ǀ dhurí ǀ vóḷhave ǁ
Padapatha Transcription Nonaccented
yuṅgdhvam ǀ hi ǀ aruṣīḥ ǀ rathe ǀ yuṅgdhvam ǀ ratheṣu ǀ rohitaḥ ǀ
yuṅgdhvam ǀ harī iti ǀ ajirā ǀ dhuri ǀ voḷhave ǀ vahiṣṭhā ǀ dhuri ǀ voḷhave ǁ
05.056.07 (Mandala. Sukta. Rik)
4.3.20.02 (Ashtaka. Adhyaya. Varga. Rik)
05.04.121 (Mandala. Anuvāka. Rik)
Samhita Devanagari Accented
उ॒त स्य वा॒ज्य॑रु॒षस्तु॑वि॒ष्वणि॑रि॒ह स्म॑ धायि दर्श॒तः ।
मा वो॒ यामे॑षु मरुतश्चि॒रं क॑र॒त्प्र तं रथे॑षु चोदत ॥
Samhita Devanagari Nonaccented
उत स्य वाज्यरुषस्तुविष्वणिरिह स्म धायि दर्शतः ।
मा वो यामेषु मरुतश्चिरं करत्प्र तं रथेषु चोदत ॥
Samhita Transcription Accented
utá syá vājyáruṣástuviṣváṇirihá sma dhāyi darśatáḥ ǀ
mā́ vo yā́meṣu marutaścirám karatprá tám rátheṣu codata ǁ
Samhita Transcription Nonaccented
uta sya vājyaruṣastuviṣvaṇiriha sma dhāyi darśataḥ ǀ
mā vo yāmeṣu marutaściram karatpra tam ratheṣu codata ǁ
Padapatha Devanagari Accented
उ॒त । स्यः । वा॒जी । अ॒रु॒षः । तु॒वि॒ऽस्वनिः॑ । इ॒ह । स्म॒ । धा॒यि॒ । द॒र्श॒तः ।
मा । वः॒ । यामे॑षु । म॒रु॒तः॒ । चि॒रम् । क॒र॒त् । प्र । तम् । रथे॑षु । चो॒द॒त॒ ॥
Padapatha Devanagari Nonaccented
उत । स्यः । वाजी । अरुषः । तुविऽस्वनिः । इह । स्म । धायि । दर्शतः ।
मा । वः । यामेषु । मरुतः । चिरम् । करत् । प्र । तम् । रथेषु । चोदत ॥
Padapatha Transcription Accented
utá ǀ syáḥ ǀ vājī́ ǀ aruṣáḥ ǀ tuvi-svániḥ ǀ ihá ǀ sma ǀ dhāyi ǀ darśatáḥ ǀ
mā́ ǀ vaḥ ǀ yā́meṣu ǀ marutaḥ ǀ cirám ǀ karat ǀ prá ǀ tám ǀ rátheṣu ǀ codata ǁ
Padapatha Transcription Nonaccented
uta ǀ syaḥ ǀ vājī ǀ aruṣaḥ ǀ tuvi-svaniḥ ǀ iha ǀ sma ǀ dhāyi ǀ darśataḥ ǀ
mā ǀ vaḥ ǀ yāmeṣu ǀ marutaḥ ǀ ciram ǀ karat ǀ pra ǀ tam ǀ ratheṣu ǀ codata ǁ
05.056.08 (Mandala. Sukta. Rik)
4.3.20.03 (Ashtaka. Adhyaya. Varga. Rik)
05.04.122 (Mandala. Anuvāka. Rik)
Samhita Devanagari Accented
रथं॒ नु मारु॑तं व॒यं श्र॑व॒स्युमा हु॑वामहे ।
आ यस्मिं॑त॒स्थौ सु॒रणा॑नि॒ बिभ्र॑ती॒ सचा॑ म॒रुत्सु॑ रोद॒सी ॥
Samhita Devanagari Nonaccented
रथं नु मारुतं वयं श्रवस्युमा हुवामहे ।
आ यस्मिंतस्थौ सुरणानि बिभ्रती सचा मरुत्सु रोदसी ॥
Samhita Transcription Accented
rátham nú mā́rutam vayám śravasyúmā́ huvāmahe ǀ
ā́ yásmintastháu suráṇāni bíbhratī sácā marútsu rodasī́ ǁ
Samhita Transcription Nonaccented
ratham nu mārutam vayam śravasyumā huvāmahe ǀ
ā yasmintasthau suraṇāni bibhratī sacā marutsu rodasī ǁ
Padapatha Devanagari Accented
रथ॑म् । नु । मारु॑तम् । व॒यम् । श्र॒व॒स्युम् । आ । हु॒वा॒म॒हे॒ ।
आ । यस्मि॑न् । त॒स्थौ । सु॒रणा॑नि । बिभ्र॑ती । सचा॑ । म॒रुत्ऽसु॑ । रो॒द॒सी ॥
Padapatha Devanagari Nonaccented
रथम् । नु । मारुतम् । वयम् । श्रवस्युम् । आ । हुवामहे ।
आ । यस्मिन् । तस्थौ । सुरणानि । बिभ्रती । सचा । मरुत्ऽसु । रोदसी ॥
Padapatha Transcription Accented
rátham ǀ nú ǀ mā́rutam ǀ vayám ǀ śravasyúm ǀ ā́ ǀ huvāmahe ǀ
ā́ ǀ yásmin ǀ tastháu ǀ suráṇāni ǀ bíbhratī ǀ sácā ǀ marút-su ǀ rodasī́ ǁ
Padapatha Transcription Nonaccented
ratham ǀ nu ǀ mārutam ǀ vayam ǀ śravasyum ǀ ā ǀ huvāmahe ǀ
ā ǀ yasmin ǀ tasthau ǀ suraṇāni ǀ bibhratī ǀ sacā ǀ marut-su ǀ rodasī ǁ
05.056.09 (Mandala. Sukta. Rik)
4.3.20.04 (Ashtaka. Adhyaya. Varga. Rik)
05.04.123 (Mandala. Anuvāka. Rik)
Samhita Devanagari Accented
तं वः॒ शर्धं॑ रथे॒शुभं॑ त्वे॒षं प॑न॒स्युमा हु॑वे ।
यस्मि॒न्त्सुजा॑ता सु॒भगा॑ मही॒यते॒ सचा॑ म॒रुत्सु॑ मीळ्हु॒षी ॥
Samhita Devanagari Nonaccented
तं वः शर्धं रथेशुभं त्वेषं पनस्युमा हुवे ।
यस्मिन्त्सुजाता सुभगा महीयते सचा मरुत्सु मीळ्हुषी ॥
Samhita Transcription Accented
tám vaḥ śárdham ratheśúbham tveṣám panasyúmā́ huve ǀ
yásmintsújātā subhágā mahīyáte sácā marútsu mīḷhuṣī́ ǁ
Samhita Transcription Nonaccented
tam vaḥ śardham ratheśubham tveṣam panasyumā huve ǀ
yasmintsujātā subhagā mahīyate sacā marutsu mīḷhuṣī ǁ
Padapatha Devanagari Accented
तम् । वः॒ । शर्ध॑म् । र॒थे॒ऽशुभ॑म् । त्वे॒षम् । प॒न॒स्युम् । आ । हु॒वे॒ ।
यस्मि॑न् । सुऽजा॑ता । सु॒ऽभगा॑ । म॒ही॒यते॑ । सचा॑ । म॒रुत्ऽसु॑ । मी॒ळ्हु॒षी ॥
Padapatha Devanagari Nonaccented
तम् । वः । शर्धम् । रथेऽशुभम् । त्वेषम् । पनस्युम् । आ । हुवे ।
यस्मिन् । सुऽजाता । सुऽभगा । महीयते । सचा । मरुत्ऽसु । मीळ्हुषी ॥
Padapatha Transcription Accented
tám ǀ vaḥ ǀ śárdham ǀ rathe-śúbham ǀ tveṣám ǀ panasyúm ǀ ā́ ǀ huve ǀ
yásmin ǀ sú-jātā ǀ su-bhágā ǀ mahīyáte ǀ sácā ǀ marút-su ǀ mīḷhuṣī́ ǁ
Padapatha Transcription Nonaccented
tam ǀ vaḥ ǀ śardham ǀ rathe-śubham ǀ tveṣam ǀ panasyum ǀ ā ǀ huve ǀ
yasmin ǀ su-jātā ǀ su-bhagā ǀ mahīyate ǀ sacā ǀ marut-su ǀ mīḷhuṣī ǁ