|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 58
|
1. Info |
| To: | maruts | |
| From: | śyāvāśva ātreya | |
| Metres: | 1st set of styles: nicṛttriṣṭup (1, 3, 4, 6, 8); triṣṭup (2, 5); bhurikpaṅkti (7) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.058.01 (Mandala. Sukta. Rik)
4.3.23.01 (Ashtaka. Adhyaya. Varga. Rik)
05.05.009 (Mandala. Anuvāka. Rik)
Samhita Devanagari Accented
तमु॑ नू॒नं तवि॑षीमंतमेषां स्तु॒षे ग॒णं मारु॑तं॒ नव्य॑सीनां ।
य आ॒श्व॑श्वा॒ अम॑व॒द्वहं॑त उ॒तेशि॑रे अ॒मृत॑स्य स्व॒राजः॑ ॥
Samhita Devanagari Nonaccented
तमु नूनं तविषीमंतमेषां स्तुषे गणं मारुतं नव्यसीनां ।
य आश्वश्वा अमवद्वहंत उतेशिरे अमृतस्य स्वराजः ॥
Samhita Transcription Accented
támu nūnám táviṣīmantameṣām stuṣé gaṇám mā́rutam návyasīnām ǀ
yá āśváśvā ámavadváhanta utéśire amṛ́tasya svarā́jaḥ ǁ
Samhita Transcription Nonaccented
tamu nūnam taviṣīmantameṣām stuṣe gaṇam mārutam navyasīnām ǀ
ya āśvaśvā amavadvahanta uteśire amṛtasya svarājaḥ ǁ
Padapatha Devanagari Accented
तम् । ऊं॒ इति॑ । नू॒नम् । तवि॑षीऽमन्तम् । ए॒षा॒म् । स्तु॒षे । ग॒णम् । मारु॑तम् । नव्य॑सीनाम् ।
ये । आ॒शुऽअ॑श्वाः । अम॑ऽवत् । वह॑न्ते । उ॒त । ई॒शि॒रे॒ । अ॒मृत॑स्य । स्व॒ऽराजः॑ ॥
Padapatha Devanagari Nonaccented
तम् । ऊं इति । नूनम् । तविषीऽमन्तम् । एषाम् । स्तुषे । गणम् । मारुतम् । नव्यसीनाम् ।
ये । आशुऽअश्वाः । अमऽवत् । वहन्ते । उत । ईशिरे । अमृतस्य । स्वऽराजः ॥
Padapatha Transcription Accented
tám ǀ ūṃ íti ǀ nūnám ǀ táviṣī-mantam ǀ eṣām ǀ stuṣé ǀ gaṇám ǀ mā́rutam ǀ návyasīnām ǀ
yé ǀ āśú-aśvāḥ ǀ áma-vat ǀ váhante ǀ utá ǀ īśire ǀ amṛ́tasya ǀ sva-rā́jaḥ ǁ
Padapatha Transcription Nonaccented
tam ǀ ūṃ iti ǀ nūnam ǀ taviṣī-mantam ǀ eṣām ǀ stuṣe ǀ gaṇam ǀ mārutam ǀ navyasīnām ǀ
ye ǀ āśu-aśvāḥ ǀ ama-vat ǀ vahante ǀ uta ǀ īśire ǀ amṛtasya ǀ sva-rājaḥ ǁ
05.058.02 (Mandala. Sukta. Rik)
4.3.23.02 (Ashtaka. Adhyaya. Varga. Rik)
05.05.010 (Mandala. Anuvāka. Rik)
Samhita Devanagari Accented
त्वे॒षं ग॒णं त॒वसं॒ खादि॑हस्तं॒ धुनि॑व्रतं मा॒यिनं॒ दाति॑वारं ।
म॒यो॒भुवो॒ ये अमि॑ता महि॒त्वा वंद॑स्व विप्र तुवि॒राध॑सो॒ नॄन् ॥
Samhita Devanagari Nonaccented
त्वेषं गणं तवसं खादिहस्तं धुनिव्रतं मायिनं दातिवारं ।
मयोभुवो ये अमिता महित्वा वंदस्व विप्र तुविराधसो नॄन् ॥
Samhita Transcription Accented
tveṣám gaṇám tavásam khā́dihastam dhúnivratam māyínam dā́tivāram ǀ
mayobhúvo yé ámitā mahitvā́ vándasva vipra tuvirā́dhaso nṝ́n ǁ
Samhita Transcription Nonaccented
tveṣam gaṇam tavasam khādihastam dhunivratam māyinam dātivāram ǀ
mayobhuvo ye amitā mahitvā vandasva vipra tuvirādhaso nṝn ǁ
Padapatha Devanagari Accented
त्वे॒षम् । ग॒णम् । त॒वस॑म् । खादि॑ऽहस्तम् । धुनि॑ऽव्रतम् । मा॒यिन॑म् । दाति॑ऽवारम् ।
म॒यः॒ऽभुवः॑ । ये । अमि॑ताः । म॒हि॒ऽत्वा । वन्द॑स्व । वि॒प्र॒ । तु॒वि॒ऽराध॑सः । नॄन् ॥
Padapatha Devanagari Nonaccented
त्वेषम् । गणम् । तवसम् । खादिऽहस्तम् । धुनिऽव्रतम् । मायिनम् । दातिऽवारम् ।
मयःऽभुवः । ये । अमिताः । महिऽत्वा । वन्दस्व । विप्र । तुविऽराधसः । नॄन् ॥
Padapatha Transcription Accented
tveṣám ǀ gaṇám ǀ tavásam ǀ khā́di-hastam ǀ dhúni-vratam ǀ māyínam ǀ dā́ti-vāram ǀ
mayaḥ-bhúvaḥ ǀ yé ǀ ámitāḥ ǀ mahi-tvā́ ǀ vándasva ǀ vipra ǀ tuvi-rā́dhasaḥ ǀ nṝ́n ǁ
Padapatha Transcription Nonaccented
tveṣam ǀ gaṇam ǀ tavasam ǀ khādi-hastam ǀ dhuni-vratam ǀ māyinam ǀ dāti-vāram ǀ
mayaḥ-bhuvaḥ ǀ ye ǀ amitāḥ ǀ mahi-tvā ǀ vandasva ǀ vipra ǀ tuvi-rādhasaḥ ǀ nṝn ǁ
05.058.03 (Mandala. Sukta. Rik)
4.3.23.03 (Ashtaka. Adhyaya. Varga. Rik)
05.05.011 (Mandala. Anuvāka. Rik)
Samhita Devanagari Accented
आ वो॑ यंतूदवा॒हासो॑ अ॒द्य वृ॒ष्टिं ये विश्वे॑ म॒रुतो॑ जु॒नंति॑ ।
अ॒यं यो अ॒ग्निर्म॑रुतः॒ समि॑द्ध ए॒तं जु॑षध्वं कवयो युवानः ॥
Samhita Devanagari Nonaccented
आ वो यंतूदवाहासो अद्य वृष्टिं ये विश्वे मरुतो जुनंति ।
अयं यो अग्निर्मरुतः समिद्ध एतं जुषध्वं कवयो युवानः ॥
Samhita Transcription Accented
ā́ vo yantūdavāhā́so adyá vṛṣṭím yé víśve marúto junánti ǀ
ayám yó agnírmarutaḥ sámiddha etám juṣadhvam kavayo yuvānaḥ ǁ
Samhita Transcription Nonaccented
ā vo yantūdavāhāso adya vṛṣṭim ye viśve maruto junanti ǀ
ayam yo agnirmarutaḥ samiddha etam juṣadhvam kavayo yuvānaḥ ǁ
Padapatha Devanagari Accented
आ । वः॒ । य॒न्तु॒ । उ॒द॒ऽवा॒हासः॑ । अ॒द्य । वृ॒ष्टिम् । ये । विश्वे॑ । म॒रुतः॑ । जु॒नन्ति॑ ।
अ॒यम् । यः । अ॒ग्निः । म॒रु॒तः॒ । सम्ऽइ॑द्धः । ए॒तम् । जु॒ष॒ध्व॒म् । क॒व॒यः॒ । यु॒वा॒नः॒ ॥
Padapatha Devanagari Nonaccented
आ । वः । यन्तु । उदऽवाहासः । अद्य । वृष्टिम् । ये । विश्वे । मरुतः । जुनन्ति ।
अयम् । यः । अग्निः । मरुतः । सम्ऽइद्धः । एतम् । जुषध्वम् । कवयः । युवानः ॥
Padapatha Transcription Accented
ā́ ǀ vaḥ ǀ yantu ǀ uda-vāhā́saḥ ǀ adyá ǀ vṛṣṭím ǀ yé ǀ víśve ǀ marútaḥ ǀ junánti ǀ
ayám ǀ yáḥ ǀ agníḥ ǀ marutaḥ ǀ sám-iddhaḥ ǀ etám ǀ juṣadhvam ǀ kavayaḥ ǀ yuvānaḥ ǁ
Padapatha Transcription Nonaccented
ā ǀ vaḥ ǀ yantu ǀ uda-vāhāsaḥ ǀ adya ǀ vṛṣṭim ǀ ye ǀ viśve ǀ marutaḥ ǀ junanti ǀ
ayam ǀ yaḥ ǀ agniḥ ǀ marutaḥ ǀ sam-iddhaḥ ǀ etam ǀ juṣadhvam ǀ kavayaḥ ǀ yuvānaḥ ǁ
05.058.04 (Mandala. Sukta. Rik)
4.3.23.04 (Ashtaka. Adhyaya. Varga. Rik)
05.05.012 (Mandala. Anuvāka. Rik)
Samhita Devanagari Accented
यू॒यं राजा॑न॒मिर्यं॒ जना॑य विभ्वत॒ष्टं ज॑नयथा यजत्राः ।
यु॒ष्मदे॑ति मुष्टि॒हा बा॒हुजू॑तो यु॒ष्मत्सद॑श्वो मरुतः सु॒वीरः॑ ॥
Samhita Devanagari Nonaccented
यूयं राजानमिर्यं जनाय विभ्वतष्टं जनयथा यजत्राः ।
युष्मदेति मुष्टिहा बाहुजूतो युष्मत्सदश्वो मरुतः सुवीरः ॥
Samhita Transcription Accented
yūyám rā́jānamíryam jánāya vibhvataṣṭám janayathā yajatrāḥ ǀ
yuṣmádeti muṣṭihā́ bāhújūto yuṣmátsádaśvo marutaḥ suvī́raḥ ǁ
Samhita Transcription Nonaccented
yūyam rājānamiryam janāya vibhvataṣṭam janayathā yajatrāḥ ǀ
yuṣmadeti muṣṭihā bāhujūto yuṣmatsadaśvo marutaḥ suvīraḥ ǁ
Padapatha Devanagari Accented
यू॒यम् । राजा॑नम् । इर्य॑म् । जना॑य । वि॒भ्व॒ऽत॒ष्टम् । ज॒न॒य॒थ॒ । य॒ज॒त्राः॒ ।
यु॒ष्मत् । ए॒ति॒ । मु॒ष्टि॒ऽहा । बा॒हुऽजू॑तः । यु॒ष्मत् । सत्ऽअ॑श्वः । म॒रु॒तः॒ । सु॒ऽवीरः॑ ॥
Padapatha Devanagari Nonaccented
यूयम् । राजानम् । इर्यम् । जनाय । विभ्वऽतष्टम् । जनयथ । यजत्राः ।
युष्मत् । एति । मुष्टिऽहा । बाहुऽजूतः । युष्मत् । सत्ऽअश्वः । मरुतः । सुऽवीरः ॥
Padapatha Transcription Accented
yūyám ǀ rā́jānam ǀ íryam ǀ jánāya ǀ vibhva-taṣṭám ǀ janayatha ǀ yajatrāḥ ǀ
yuṣmát ǀ eti ǀ muṣṭi-hā́ ǀ bāhú-jūtaḥ ǀ yuṣmát ǀ sát-aśvaḥ ǀ marutaḥ ǀ su-vī́raḥ ǁ
Padapatha Transcription Nonaccented
yūyam ǀ rājānam ǀ iryam ǀ janāya ǀ vibhva-taṣṭam ǀ janayatha ǀ yajatrāḥ ǀ
yuṣmat ǀ eti ǀ muṣṭi-hā ǀ bāhu-jūtaḥ ǀ yuṣmat ǀ sat-aśvaḥ ǀ marutaḥ ǀ su-vīraḥ ǁ
05.058.05 (Mandala. Sukta. Rik)
4.3.23.05 (Ashtaka. Adhyaya. Varga. Rik)
05.05.013 (Mandala. Anuvāka. Rik)
Samhita Devanagari Accented
अ॒रा इ॒वेदच॑रमा॒ अहे॑व॒ प्रप्र॑ जायंते॒ अक॑वा॒ महो॑भिः ।
पृश्नेः॑ पु॒त्रा उ॑प॒मासो॒ रभि॑ष्ठाः॒ स्वया॑ म॒त्या म॒रुतः॒ सं मि॑मिक्षुः ॥
Samhita Devanagari Nonaccented
अरा इवेदचरमा अहेव प्रप्र जायंते अकवा महोभिः ।
पृश्नेः पुत्रा उपमासो रभिष्ठाः स्वया मत्या मरुतः सं मिमिक्षुः ॥
Samhita Transcription Accented
arā́ ivédácaramā áheva prápra jāyante ákavā máhobhiḥ ǀ
pṛ́śneḥ putrā́ upamā́so rábhiṣṭhāḥ sváyā matyā́ marútaḥ sám mimikṣuḥ ǁ
Samhita Transcription Nonaccented
arā ivedacaramā aheva prapra jāyante akavā mahobhiḥ ǀ
pṛśneḥ putrā upamāso rabhiṣṭhāḥ svayā matyā marutaḥ sam mimikṣuḥ ǁ
Padapatha Devanagari Accented
अ॒राःऽइ॑व । इत् । अच॑रमाः । अहा॑ऽइव । प्रऽप्र॑ । जा॒य॒न्ते॒ । अक॑वाः । महः॑ऽभिः ।
पृश्नेः॑ । पु॒त्राः । उ॒प॒ऽमासः॑ । रभि॑ष्ठाः । स्वया॑ । म॒त्या । म॒रुतः॑ । सम् । मि॒मि॒क्षुः॒ ॥
Padapatha Devanagari Nonaccented
अराःऽइव । इत् । अचरमाः । अहाऽइव । प्रऽप्र । जायन्ते । अकवाः । महःऽभिः ।
पृश्नेः । पुत्राः । उपऽमासः । रभिष्ठाः । स्वया । मत्या । मरुतः । सम् । मिमिक्षुः ॥
Padapatha Transcription Accented
arā́ḥ-iva ǀ ít ǀ ácaramāḥ ǀ áhā-iva ǀ prá-pra ǀ jāyante ǀ ákavāḥ ǀ máhaḥ-bhiḥ ǀ
pṛ́śneḥ ǀ putrā́ḥ ǀ upa-mā́saḥ ǀ rábhiṣṭhāḥ ǀ sváyā ǀ matyā́ ǀ marútaḥ ǀ sám ǀ mimikṣuḥ ǁ
Padapatha Transcription Nonaccented
arāḥ-iva ǀ it ǀ acaramāḥ ǀ ahā-iva ǀ pra-pra ǀ jāyante ǀ akavāḥ ǀ mahaḥ-bhiḥ ǀ
pṛśneḥ ǀ putrāḥ ǀ upa-māsaḥ ǀ rabhiṣṭhāḥ ǀ svayā ǀ matyā ǀ marutaḥ ǀ sam ǀ mimikṣuḥ ǁ
05.058.06 (Mandala. Sukta. Rik)
4.3.23.06 (Ashtaka. Adhyaya. Varga. Rik)
05.05.014 (Mandala. Anuvāka. Rik)
Samhita Devanagari Accented
यत्प्राया॑सिष्ट॒ पृष॑तीभि॒रश्वै॑र्वीळुप॒विभि॑र्मरुतो॒ रथे॑भिः ।
क्षोदं॑त॒ आपो॑ रिण॒ते वना॒न्यवो॒स्रियो॑ वृष॒भः क्रं॑दतु॒ द्यौः ॥
Samhita Devanagari Nonaccented
यत्प्रायासिष्ट पृषतीभिरश्वैर्वीळुपविभिर्मरुतो रथेभिः ।
क्षोदंत आपो रिणते वनान्यवोस्रियो वृषभः क्रंदतु द्यौः ॥
Samhita Transcription Accented
yátprā́yāsiṣṭa pṛ́ṣatībhiráśvairvīḷupavíbhirmaruto ráthebhiḥ ǀ
kṣódanta ā́po riṇaté vánānyávosríyo vṛṣabháḥ krandatu dyáuḥ ǁ
Samhita Transcription Nonaccented
yatprāyāsiṣṭa pṛṣatībhiraśvairvīḷupavibhirmaruto rathebhiḥ ǀ
kṣodanta āpo riṇate vanānyavosriyo vṛṣabhaḥ krandatu dyauḥ ǁ
Padapatha Devanagari Accented
यत् । प्र । अया॑सिष्ट । पृष॑तीभिः । अश्वैः॑ । वी॒ळु॒प॒विऽभिः॑ । म॒रु॒तः॒ । रथे॑भिः ।
क्षोद॑न्ते । आपः॑ । रि॒ण॒ते । वना॑नि । अव॑ । उ॒स्रियः॑ । वृ॒ष॒भः । क्र॒न्द॒तु॒ । द्यौः ॥
Padapatha Devanagari Nonaccented
यत् । प्र । अयासिष्ट । पृषतीभिः । अश्वैः । वीळुपविऽभिः । मरुतः । रथेभिः ।
क्षोदन्ते । आपः । रिणते । वनानि । अव । उस्रियः । वृषभः । क्रन्दतु । द्यौः ॥
Padapatha Transcription Accented
yát ǀ prá ǀ áyāsiṣṭa ǀ pṛ́ṣatībhiḥ ǀ áśvaiḥ ǀ vīḷupaví-bhiḥ ǀ marutaḥ ǀ ráthebhiḥ ǀ
kṣódante ǀ ā́paḥ ǀ riṇaté ǀ vánāni ǀ áva ǀ usríyaḥ ǀ vṛṣabháḥ ǀ krandatu ǀ dyáuḥ ǁ
Padapatha Transcription Nonaccented
yat ǀ pra ǀ ayāsiṣṭa ǀ pṛṣatībhiḥ ǀ aśvaiḥ ǀ vīḷupavi-bhiḥ ǀ marutaḥ ǀ rathebhiḥ ǀ
kṣodante ǀ āpaḥ ǀ riṇate ǀ vanāni ǀ ava ǀ usriyaḥ ǀ vṛṣabhaḥ ǀ krandatu ǀ dyauḥ ǁ
05.058.07 (Mandala. Sukta. Rik)
4.3.23.07 (Ashtaka. Adhyaya. Varga. Rik)
05.05.015 (Mandala. Anuvāka. Rik)
Samhita Devanagari Accented
प्रथि॑ष्ट॒ याम॑न्पृथि॒वी चि॑देषां॒ भर्ते॑व॒ गर्भं॒ स्वमिच्छवो॑ धुः ।
वाता॒न्ह्यश्वां॑धु॒र्या॑युयु॒ज्रे व॒र्षं स्वेदं॑ चक्रिरे रु॒द्रिया॑सः ॥
Samhita Devanagari Nonaccented
प्रथिष्ट यामन्पृथिवी चिदेषां भर्तेव गर्भं स्वमिच्छवो धुः ।
वातान्ह्यश्वांधुर्यायुयुज्रे वर्षं स्वेदं चक्रिरे रुद्रियासः ॥
Samhita Transcription Accented
práthiṣṭa yā́manpṛthivī́ cideṣām bhárteva gárbham svámícchávo dhuḥ ǀ
vā́tānhyáśvāndhuryā́yuyujré varṣám svédam cakrire rudríyāsaḥ ǁ
Samhita Transcription Nonaccented
prathiṣṭa yāmanpṛthivī cideṣām bharteva garbham svamicchavo dhuḥ ǀ
vātānhyaśvāndhuryāyuyujre varṣam svedam cakrire rudriyāsaḥ ǁ
Padapatha Devanagari Accented
प्रथि॑ष्ट । याम॑न् । पृ॒थि॒वी । चि॒त् । ए॒षा॒म् । भर्ता॑ऽइव । गर्भ॑म् । स्वम् । इत् । शवः॑ । धुः॒ ।
वाता॑न् । हि । अश्वा॑न् । धु॒रि । आ॒ऽयु॒यु॒ज्रे । व॒र्षम् । स्वेद॑म् । च॒क्रि॒रे॒ । रु॒द्रिया॑सः ॥
Padapatha Devanagari Nonaccented
प्रथिष्ट । यामन् । पृथिवी । चित् । एषाम् । भर्ताऽइव । गर्भम् । स्वम् । इत् । शवः । धुः ।
वातान् । हि । अश्वान् । धुरि । आऽयुयुज्रे । वर्षम् । स्वेदम् । चक्रिरे । रुद्रियासः ॥
Padapatha Transcription Accented
práthiṣṭa ǀ yā́man ǀ pṛthivī́ ǀ cit ǀ eṣām ǀ bhártā-iva ǀ gárbham ǀ svám ǀ ít ǀ śávaḥ ǀ dhuḥ ǀ
vā́tān ǀ hí ǀ áśvān ǀ dhurí ǀ ā-yuyujré ǀ varṣám ǀ svédam ǀ cakrire ǀ rudríyāsaḥ ǁ
Padapatha Transcription Nonaccented
prathiṣṭa ǀ yāman ǀ pṛthivī ǀ cit ǀ eṣām ǀ bhartā-iva ǀ garbham ǀ svam ǀ it ǀ śavaḥ ǀ dhuḥ ǀ
vātān ǀ hi ǀ aśvān ǀ dhuri ǀ ā-yuyujre ǀ varṣam ǀ svedam ǀ cakrire ǀ rudriyāsaḥ ǁ
05.058.08 (Mandala. Sukta. Rik)
4.3.23.08 (Ashtaka. Adhyaya. Varga. Rik)
05.05.016 (Mandala. Anuvāka. Rik)
Samhita Devanagari Accented
ह॒ये नरो॒ मरु॑तो मृ॒ळता॑ न॒स्तुवी॑मघासो॒ अमृ॑ता॒ ऋत॑ज्ञाः ।
सत्य॑श्रुतः॒ कव॑यो॒ युवा॑नो॒ बृह॑द्गिरयो बृ॒हदु॒क्षमा॑णाः ॥
Samhita Devanagari Nonaccented
हये नरो मरुतो मृळता नस्तुवीमघासो अमृता ऋतज्ञाः ।
सत्यश्रुतः कवयो युवानो बृहद्गिरयो बृहदुक्षमाणाः ॥
Samhita Transcription Accented
hayé náro máruto mṛḷátā nastúvīmaghāso ámṛtā ṛ́tajñāḥ ǀ
sátyaśrutaḥ kávayo yúvāno bṛ́hadgirayo bṛhádukṣámāṇāḥ ǁ
Samhita Transcription Nonaccented
haye naro maruto mṛḷatā nastuvīmaghāso amṛtā ṛtajñāḥ ǀ
satyaśrutaḥ kavayo yuvāno bṛhadgirayo bṛhadukṣamāṇāḥ ǁ
Padapatha Devanagari Accented
ह॒ये । नरः॑ । मरु॑तः । मृ॒ळत॑ । नः॒ । तुवि॑ऽमघासः । अमृ॑ताः । ऋत॑ऽज्ञाः ।
सत्य॑ऽश्रुतः । कव॑यः । युवा॑नः । बृह॑त्ऽगिरयः । बृ॒हत् । उ॒क्षमा॑णाः ॥
Padapatha Devanagari Nonaccented
हये । नरः । मरुतः । मृळत । नः । तुविऽमघासः । अमृताः । ऋतऽज्ञाः ।
सत्यऽश्रुतः । कवयः । युवानः । बृहत्ऽगिरयः । बृहत् । उक्षमाणाः ॥
Padapatha Transcription Accented
hayé ǀ náraḥ ǀ márutaḥ ǀ mṛḷáta ǀ naḥ ǀ túvi-maghāsaḥ ǀ ámṛtāḥ ǀ ṛ́ta-jñāḥ ǀ
sátya-śrutaḥ ǀ kávayaḥ ǀ yúvānaḥ ǀ bṛ́hat-girayaḥ ǀ bṛhát ǀ ukṣámāṇāḥ ǁ
Padapatha Transcription Nonaccented
haye ǀ naraḥ ǀ marutaḥ ǀ mṛḷata ǀ naḥ ǀ tuvi-maghāsaḥ ǀ amṛtāḥ ǀ ṛta-jñāḥ ǀ
satya-śrutaḥ ǀ kavayaḥ ǀ yuvānaḥ ǀ bṛhat-girayaḥ ǀ bṛhat ǀ ukṣamāṇāḥ ǁ