|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 62
|
1. Info |
| To: | mitra, varuṇa | |
| From: | śrutavid ātreya | |
| Metres: | 1st set of styles: nicṛttriṣṭup (3-6); virāṭtrisṭup (7-9); triṣṭup (1, 2) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.062.01 (Mandala. Sukta. Rik)
4.3.30.01 (Ashtaka. Adhyaya. Varga. Rik)
05.05.052 (Mandala. Anuvāka. Rik)
Samhita Devanagari Accented
ऋ॒तेन॑ ऋ॒तमपि॑हितं ध्रु॒वं वां॒ सूर्य॑स्य॒ यत्र॑ विमु॒चंत्यश्वा॑न् ।
दश॑ श॒ता स॒ह त॑स्थु॒स्तदेकं॑ दे॒वानां॒ श्रेष्ठं॒ वपु॑षामपश्यं ॥
Samhita Devanagari Nonaccented
ऋतेन ऋतमपिहितं ध्रुवं वां सूर्यस्य यत्र विमुचंत्यश्वान् ।
दश शता सह तस्थुस्तदेकं देवानां श्रेष्ठं वपुषामपश्यं ॥
Samhita Transcription Accented
ṛténa ṛtámápihitam dhruvám vām sū́ryasya yátra vimucántyáśvān ǀ
dáśa śatā́ sahá tasthustádékam devā́nām śréṣṭham vápuṣāmapaśyam ǁ
Samhita Transcription Nonaccented
ṛtena ṛtamapihitam dhruvam vām sūryasya yatra vimucantyaśvān ǀ
daśa śatā saha tasthustadekam devānām śreṣṭham vapuṣāmapaśyam ǁ
Padapatha Devanagari Accented
ऋ॒तेन॑ । ऋ॒तम् । अपि॑ऽहितम् । ध्रु॒वम् । वा॒म् । सूर्य॑स्य । यत्र॑ । वि॒ऽमु॒चन्ति॑ । अश्वा॑न् ।
दश॑ । श॒ता । स॒ह । त॒स्थुः॒ । तत् । एक॑म् । दे॒वाना॑म् । श्रेष्ठ॑म् । वपु॑षाम् । अ॒प॒श्य॒म् ॥
Padapatha Devanagari Nonaccented
ऋतेन । ऋतम् । अपिऽहितम् । ध्रुवम् । वाम् । सूर्यस्य । यत्र । विऽमुचन्ति । अश्वान् ।
दश । शता । सह । तस्थुः । तत् । एकम् । देवानाम् । श्रेष्ठम् । वपुषाम् । अपश्यम् ॥
Padapatha Transcription Accented
ṛténa ǀ ṛtám ǀ ápi-hitam ǀ dhruvám ǀ vām ǀ sū́ryasya ǀ yátra ǀ vi-mucánti ǀ áśvān ǀ
dáśa ǀ śatā́ ǀ sahá ǀ tasthuḥ ǀ tát ǀ ékam ǀ devā́nām ǀ śréṣṭham ǀ vápuṣām ǀ apaśyam ǁ
Padapatha Transcription Nonaccented
ṛtena ǀ ṛtam ǀ api-hitam ǀ dhruvam ǀ vām ǀ sūryasya ǀ yatra ǀ vi-mucanti ǀ aśvān ǀ
daśa ǀ śatā ǀ saha ǀ tasthuḥ ǀ tat ǀ ekam ǀ devānām ǀ śreṣṭham ǀ vapuṣām ǀ apaśyam ǁ
05.062.02 (Mandala. Sukta. Rik)
4.3.30.02 (Ashtaka. Adhyaya. Varga. Rik)
05.05.053 (Mandala. Anuvāka. Rik)
Samhita Devanagari Accented
तत्सु वां॑ मित्रावरुणा महि॒त्वमी॒र्मा त॒स्थुषी॒रह॑भिर्दुदुह्रे ।
विश्वाः॑ पिन्वथः॒ स्वस॑रस्य॒ धेना॒ अनु॑ वा॒मेकः॑ प॒विरा व॑वर्त ॥
Samhita Devanagari Nonaccented
तत्सु वां मित्रावरुणा महित्वमीर्मा तस्थुषीरहभिर्दुदुह्रे ।
विश्वाः पिन्वथः स्वसरस्य धेना अनु वामेकः पविरा ववर्त ॥
Samhita Transcription Accented
tátsú vām mitrāvaruṇā mahitvámīrmā́ tasthúṣīráhabhirduduhre ǀ
víśvāḥ pinvathaḥ svásarasya dhénā ánu vāmékaḥ pavírā́ vavarta ǁ
Samhita Transcription Nonaccented
tatsu vām mitrāvaruṇā mahitvamīrmā tasthuṣīrahabhirduduhre ǀ
viśvāḥ pinvathaḥ svasarasya dhenā anu vāmekaḥ pavirā vavarta ǁ
Padapatha Devanagari Accented
तत् । सु । वा॒म् । मि॒त्रा॒व॒रु॒णा॒ । म॒हि॒ऽत्वम् । ई॒र्मा । त॒स्थुषीः॑ । अह॑ऽभिः । दु॒दु॒ह्रे॒ ।
विश्वाः॑ । पि॒न्व॒थः॒ । स्वस॑रस्य । धेनाः॑ । अनु॑ । वा॒म् । एकः॑ । प॒विः । आ । व॒व॒र्त॒ ॥
Padapatha Devanagari Nonaccented
तत् । सु । वाम् । मित्रावरुणा । महिऽत्वम् । ईर्मा । तस्थुषीः । अहऽभिः । दुदुह्रे ।
विश्वाः । पिन्वथः । स्वसरस्य । धेनाः । अनु । वाम् । एकः । पविः । आ । ववर्त ॥
Padapatha Transcription Accented
tát ǀ sú ǀ vām ǀ mitrāvaruṇā ǀ mahi-tvám ǀ īrmā́ ǀ tasthúṣīḥ ǀ áha-bhiḥ ǀ duduhre ǀ
víśvāḥ ǀ pinvathaḥ ǀ svásarasya ǀ dhénāḥ ǀ ánu ǀ vām ǀ ékaḥ ǀ pavíḥ ǀ ā́ ǀ vavarta ǁ
Padapatha Transcription Nonaccented
tat ǀ su ǀ vām ǀ mitrāvaruṇā ǀ mahi-tvam ǀ īrmā ǀ tasthuṣīḥ ǀ aha-bhiḥ ǀ duduhre ǀ
viśvāḥ ǀ pinvathaḥ ǀ svasarasya ǀ dhenāḥ ǀ anu ǀ vām ǀ ekaḥ ǀ paviḥ ǀ ā ǀ vavarta ǁ
05.062.03 (Mandala. Sukta. Rik)
4.3.30.03 (Ashtaka. Adhyaya. Varga. Rik)
05.05.054 (Mandala. Anuvāka. Rik)
Samhita Devanagari Accented
अधा॑रयतं पृथि॒वीमु॒त द्यां मित्र॑राजाना वरुणा॒ महो॑भिः ।
व॒र्धय॑त॒मोष॑धीः॒ पिन्व॑तं॒ गा अव॑ वृ॒ष्टिं सृ॑जतं जीरदानू ॥
Samhita Devanagari Nonaccented
अधारयतं पृथिवीमुत द्यां मित्रराजाना वरुणा महोभिः ।
वर्धयतमोषधीः पिन्वतं गा अव वृष्टिं सृजतं जीरदानू ॥
Samhita Transcription Accented
ádhārayatam pṛthivī́mutá dyā́m mítrarājānā varuṇā máhobhiḥ ǀ
vardháyatamóṣadhīḥ pínvatam gā́ áva vṛṣṭím sṛjatam jīradānū ǁ
Samhita Transcription Nonaccented
adhārayatam pṛthivīmuta dyām mitrarājānā varuṇā mahobhiḥ ǀ
vardhayatamoṣadhīḥ pinvatam gā ava vṛṣṭim sṛjatam jīradānū ǁ
Padapatha Devanagari Accented
अधा॑रयतम् । पृ॒थि॒वीम् । उ॒त । द्याम् । मित्र॑ऽराजाना । व॒रु॒णा॒ । महः॑ऽभिः ।
व॒र्धय॑तम् । ओष॑धीः । पिन्व॑तम् । गाः । अव॑ । वृ॒ष्टिम् । सृ॒ज॒त॒म् । जी॒र॒दा॒नू॒ इति॑ जीरऽदानू ॥
Padapatha Devanagari Nonaccented
अधारयतम् । पृथिवीम् । उत । द्याम् । मित्रऽराजाना । वरुणा । महःऽभिः ।
वर्धयतम् । ओषधीः । पिन्वतम् । गाः । अव । वृष्टिम् । सृजतम् । जीरदानू इति जीरऽदानू ॥
Padapatha Transcription Accented
ádhārayatam ǀ pṛthivī́m ǀ utá ǀ dyā́m ǀ mítra-rājānā ǀ varuṇā ǀ máhaḥ-bhiḥ ǀ
vardháyatam ǀ óṣadhīḥ ǀ pínvatam ǀ gā́ḥ ǀ áva ǀ vṛṣṭím ǀ sṛjatam ǀ jīradānū íti jīra-dānū ǁ
Padapatha Transcription Nonaccented
adhārayatam ǀ pṛthivīm ǀ uta ǀ dyām ǀ mitra-rājānā ǀ varuṇā ǀ mahaḥ-bhiḥ ǀ
vardhayatam ǀ oṣadhīḥ ǀ pinvatam ǀ gāḥ ǀ ava ǀ vṛṣṭim ǀ sṛjatam ǀ jīradānū iti jīra-dānū ǁ
05.062.04 (Mandala. Sukta. Rik)
4.3.30.04 (Ashtaka. Adhyaya. Varga. Rik)
05.05.055 (Mandala. Anuvāka. Rik)
Samhita Devanagari Accented
आ वा॒मश्वा॑सः सु॒युजो॑ वहंतु य॒तर॑श्मय॒ उप॑ यंत्व॒र्वाक् ।
घृ॒तस्य॑ नि॒र्णिगनु॑ वर्तते वा॒मुप॒ सिंध॑वः प्र॒दिवि॑ क्षरंति ॥
Samhita Devanagari Nonaccented
आ वामश्वासः सुयुजो वहंतु यतरश्मय उप यंत्वर्वाक् ।
घृतस्य निर्णिगनु वर्तते वामुप सिंधवः प्रदिवि क्षरंति ॥
Samhita Transcription Accented
ā́ vāmáśvāsaḥ suyújo vahantu yatáraśmaya úpa yantvarvā́k ǀ
ghṛtásya nirṇígánu vartate vāmúpa síndhavaḥ pradívi kṣaranti ǁ
Samhita Transcription Nonaccented
ā vāmaśvāsaḥ suyujo vahantu yataraśmaya upa yantvarvāk ǀ
ghṛtasya nirṇiganu vartate vāmupa sindhavaḥ pradivi kṣaranti ǁ
Padapatha Devanagari Accented
आ । वा॒म् । अश्वा॑सः । सु॒ऽयुजः॑ । व॒ह॒न्तु॒ । य॒तऽर॑श्मयः । उप॑ । य॒न्तु॒ । अ॒र्वाक् ।
घृ॒तस्य॑ । निः॒ऽनिक् । अनु॑ । व॒र्त॒ते॒ । वा॒म् । उप॑ । सिन्ध॑वः । प्र॒ऽदिवि॑ । क्ष॒र॒न्ति॒ ॥
Padapatha Devanagari Nonaccented
आ । वाम् । अश्वासः । सुऽयुजः । वहन्तु । यतऽरश्मयः । उप । यन्तु । अर्वाक् ।
घृतस्य । निःऽनिक् । अनु । वर्तते । वाम् । उप । सिन्धवः । प्रऽदिवि । क्षरन्ति ॥
Padapatha Transcription Accented
ā́ ǀ vām ǀ áśvāsaḥ ǀ su-yújaḥ ǀ vahantu ǀ yatá-raśmayaḥ ǀ úpa ǀ yantu ǀ arvā́k ǀ
ghṛtásya ǀ niḥ-ník ǀ ánu ǀ vartate ǀ vām ǀ úpa ǀ síndhavaḥ ǀ pra-dívi ǀ kṣaranti ǁ
Padapatha Transcription Nonaccented
ā ǀ vām ǀ aśvāsaḥ ǀ su-yujaḥ ǀ vahantu ǀ yata-raśmayaḥ ǀ upa ǀ yantu ǀ arvāk ǀ
ghṛtasya ǀ niḥ-nik ǀ anu ǀ vartate ǀ vām ǀ upa ǀ sindhavaḥ ǀ pra-divi ǀ kṣaranti ǁ
05.062.05 (Mandala. Sukta. Rik)
4.3.30.05 (Ashtaka. Adhyaya. Varga. Rik)
05.05.056 (Mandala. Anuvāka. Rik)
Samhita Devanagari Accented
अनु॑ श्रु॒ताम॒मतिं॒ वर्ध॑दु॒र्वीं ब॒र्हिरि॑व॒ यजु॑षा॒ रक्ष॑माणा ।
नम॑स्वंता धृतद॒क्षाधि॒ गर्ते॒ मित्रासा॑थे वरु॒णेळा॑स्वं॒तः ॥
Samhita Devanagari Nonaccented
अनु श्रुताममतिं वर्धदुर्वीं बर्हिरिव यजुषा रक्षमाणा ।
नमस्वंता धृतदक्षाधि गर्ते मित्रासाथे वरुणेळास्वंतः ॥
Samhita Transcription Accented
ánu śrutā́mamátim várdhadurvī́m barhíriva yájuṣā rákṣamāṇā ǀ
námasvantā dhṛtadakṣā́dhi gárte mítrā́sāthe varuṇéḷāsvantáḥ ǁ
Samhita Transcription Nonaccented
anu śrutāmamatim vardhadurvīm barhiriva yajuṣā rakṣamāṇā ǀ
namasvantā dhṛtadakṣādhi garte mitrāsāthe varuṇeḷāsvantaḥ ǁ
Padapatha Devanagari Accented
अनु॑ । श्रु॒ताम् । अ॒मति॑म् । वर्ध॑त् । उ॒र्वीम् । ब॒र्हिःऽइ॑व । यजु॑षा । रक्ष॑माणा ।
नम॑स्वन्ता । धृ॒त॒ऽद॒क्षा॒ । अधि॑ । गर्ते॑ । मित्र॑ । आसा॑थे॒ इति॑ । व॒रु॒ण॒ । इळा॑सु । अ॒न्तरिति॑ ॥
Padapatha Devanagari Nonaccented
अनु । श्रुताम् । अमतिम् । वर्धत् । उर्वीम् । बर्हिःऽइव । यजुषा । रक्षमाणा ।
नमस्वन्ता । धृतऽदक्षा । अधि । गर्ते । मित्र । आसाथे इति । वरुण । इळासु । अन्तरिति ॥
Padapatha Transcription Accented
ánu ǀ śrutā́m ǀ amátim ǀ várdhat ǀ urvī́m ǀ barhíḥ-iva ǀ yájuṣā ǀ rákṣamāṇā ǀ
námasvantā ǀ dhṛta-dakṣā ǀ ádhi ǀ gárte ǀ mítra ǀ ā́sāthe íti ǀ varuṇa ǀ íḷāsu ǀ antáríti ǁ
Padapatha Transcription Nonaccented
anu ǀ śrutām ǀ amatim ǀ vardhat ǀ urvīm ǀ barhiḥ-iva ǀ yajuṣā ǀ rakṣamāṇā ǀ
namasvantā ǀ dhṛta-dakṣā ǀ adhi ǀ garte ǀ mitra ǀ āsāthe iti ǀ varuṇa ǀ iḷāsu ǀ antariti ǁ
05.062.06 (Mandala. Sukta. Rik)
4.3.31.01 (Ashtaka. Adhyaya. Varga. Rik)
05.05.057 (Mandala. Anuvāka. Rik)
Samhita Devanagari Accented
अक्र॑विहस्ता सु॒कृते॑ पर॒स्पा यं त्रासा॑थे वरु॒णेळा॑स्वं॒तः ।
राजा॑ना क्ष॒त्रमहृ॑णीयमाना स॒हस्र॑स्थूणं बिभृथः स॒ह द्वौ ॥
Samhita Devanagari Nonaccented
अक्रविहस्ता सुकृते परस्पा यं त्रासाथे वरुणेळास्वंतः ।
राजाना क्षत्रमहृणीयमाना सहस्रस्थूणं बिभृथः सह द्वौ ॥
Samhita Transcription Accented
ákravihastā sukṛ́te paraspā́ yám trā́sāthe varuṇéḷāsvantáḥ ǀ
rā́jānā kṣatrámáhṛṇīyamānā sahásrasthūṇam bibhṛthaḥ sahá dváu ǁ
Samhita Transcription Nonaccented
akravihastā sukṛte paraspā yam trāsāthe varuṇeḷāsvantaḥ ǀ
rājānā kṣatramahṛṇīyamānā sahasrasthūṇam bibhṛthaḥ saha dvau ǁ
Padapatha Devanagari Accented
अक्र॑विऽहस्ता । सु॒ऽकृते॑ । प॒रः॒ऽपा । यम् । त्रासा॑थे इति॑ । व॒रु॒णा॒ । इळा॑सु । अ॒न्तरिति॑ ।
राजा॑ना । क्ष॒त्रम् । अहृ॑णीयमाना । स॒हस्र॑ऽस्थूणम् । बि॒भृ॒थः॒ । स॒ह । द्वौ ॥
Padapatha Devanagari Nonaccented
अक्रविऽहस्ता । सुऽकृते । परःऽपा । यम् । त्रासाथे इति । वरुणा । इळासु । अन्तरिति ।
राजाना । क्षत्रम् । अहृणीयमाना । सहस्रऽस्थूणम् । बिभृथः । सह । द्वौ ॥
Padapatha Transcription Accented
ákravi-hastā ǀ su-kṛ́te ǀ paraḥ-pā́ ǀ yám ǀ trā́sāthe íti ǀ varuṇā ǀ íḷāsu ǀ antáríti ǀ
rā́jānā ǀ kṣatrám ǀ áhṛṇīyamānā ǀ sahásra-sthūṇam ǀ bibhṛthaḥ ǀ sahá ǀ dváu ǁ
Padapatha Transcription Nonaccented
akravi-hastā ǀ su-kṛte ǀ paraḥ-pā ǀ yam ǀ trāsāthe iti ǀ varuṇā ǀ iḷāsu ǀ antariti ǀ
rājānā ǀ kṣatram ǀ ahṛṇīyamānā ǀ sahasra-sthūṇam ǀ bibhṛthaḥ ǀ saha ǀ dvau ǁ
05.062.07 (Mandala. Sukta. Rik)
4.3.31.02 (Ashtaka. Adhyaya. Varga. Rik)
05.05.058 (Mandala. Anuvāka. Rik)
Samhita Devanagari Accented
हिर॑ण्यनिर्णि॒गयो॑ अस्य॒ स्थूणा॒ वि भ्रा॑जते दि॒व्य१॒॑श्वाज॑नीव ।
भ॒द्रे क्षेत्रे॒ निमि॑ता॒ तिल्वि॑ले वा स॒नेम॒ मध्वो॒ अधि॑गर्त्यस्य ॥
Samhita Devanagari Nonaccented
हिरण्यनिर्णिगयो अस्य स्थूणा वि भ्राजते दिव्यश्वाजनीव ।
भद्रे क्षेत्रे निमिता तिल्विले वा सनेम मध्वो अधिगर्त्यस्य ॥
Samhita Transcription Accented
híraṇyanirṇigáyo asya sthū́ṇā ví bhrājate divyáśvā́janīva ǀ
bhadré kṣétre nímitā tílvile vā sanéma mádhvo ádhigartyasya ǁ
Samhita Transcription Nonaccented
hiraṇyanirṇigayo asya sthūṇā vi bhrājate divyaśvājanīva ǀ
bhadre kṣetre nimitā tilvile vā sanema madhvo adhigartyasya ǁ
Padapatha Devanagari Accented
हिर॑ण्यऽनिर्निक् । अयः॑ । अ॒स्य॒ । स्थूणा॑ । वि । भ्रा॒ज॒ते॒ । दि॒वि । अ॒श्वाज॑नीऽइव ।
भ॒द्रे । क्षेत्रे॑ । निऽमि॑ता । तिल्वि॑ले । वा॒ । स॒नेम॑ । मध्वः॑ । अधि॑ऽगर्त्यस्य ॥
Padapatha Devanagari Nonaccented
हिरण्यऽनिर्निक् । अयः । अस्य । स्थूणा । वि । भ्राजते । दिवि । अश्वाजनीऽइव ।
भद्रे । क्षेत्रे । निऽमिता । तिल्विले । वा । सनेम । मध्वः । अधिऽगर्त्यस्य ॥
Padapatha Transcription Accented
híraṇya-nirnik ǀ áyaḥ ǀ asya ǀ sthū́ṇā ǀ ví ǀ bhrājate ǀ diví ǀ aśvā́janī-iva ǀ
bhadré ǀ kṣétre ǀ ní-mitā ǀ tílvile ǀ vā ǀ sanéma ǀ mádhvaḥ ǀ ádhi-gartyasya ǁ
Padapatha Transcription Nonaccented
hiraṇya-nirnik ǀ ayaḥ ǀ asya ǀ sthūṇā ǀ vi ǀ bhrājate ǀ divi ǀ aśvājanī-iva ǀ
bhadre ǀ kṣetre ǀ ni-mitā ǀ tilvile ǀ vā ǀ sanema ǀ madhvaḥ ǀ adhi-gartyasya ǁ
05.062.08 (Mandala. Sukta. Rik)
4.3.31.03 (Ashtaka. Adhyaya. Varga. Rik)
05.05.059 (Mandala. Anuvāka. Rik)
Samhita Devanagari Accented
हिर॑ण्यरूपमु॒षसो॒ व्यु॑ष्टा॒वयः॑स्थूण॒मुदि॑ता॒ सूर्य॑स्य ।
आ रो॑हथो वरुण मित्र॒ गर्त॒मत॑श्चक्षाथे॒ अदि॑तिं॒ दितिं॑ च ॥
Samhita Devanagari Nonaccented
हिरण्यरूपमुषसो व्युष्टावयःस्थूणमुदिता सूर्यस्य ।
आ रोहथो वरुण मित्र गर्तमतश्चक्षाथे अदितिं दितिं च ॥
Samhita Transcription Accented
híraṇyarūpamuṣáso vyúṣṭāváyaḥsthūṇamúditā sū́ryasya ǀ
ā́ rohatho varuṇa mitra gártamátaścakṣāthe áditim dítim ca ǁ
Samhita Transcription Nonaccented
hiraṇyarūpamuṣaso vyuṣṭāvayaḥsthūṇamuditā sūryasya ǀ
ā rohatho varuṇa mitra gartamataścakṣāthe aditim ditim ca ǁ
Padapatha Devanagari Accented
हिर॑ण्यऽरूपम् । उ॒षसः॑ । विऽउ॑ष्टौ । अयः॑ऽस्थूणम् । उत्ऽइ॑ता । सूर्य॑स्य ।
आ । रो॒ह॒थः॒ । व॒रु॒ण॒ । मि॒त्र॒ । गर्त॑म् । अतः॑ । च॒क्षा॒थे॒ इति॑ । अदि॑तिम् । दिति॑म् । च॒ ॥
Padapatha Devanagari Nonaccented
हिरण्यऽरूपम् । उषसः । विऽउष्टौ । अयःऽस्थूणम् । उत्ऽइता । सूर्यस्य ।
आ । रोहथः । वरुण । मित्र । गर्तम् । अतः । चक्षाथे इति । अदितिम् । दितिम् । च ॥
Padapatha Transcription Accented
híraṇya-rūpam ǀ uṣásaḥ ǀ ví-uṣṭau ǀ áyaḥ-sthūṇam ǀ út-itā ǀ sū́ryasya ǀ
ā́ ǀ rohathaḥ ǀ varuṇa ǀ mitra ǀ gártam ǀ átaḥ ǀ cakṣāthe íti ǀ áditim ǀ dítim ǀ ca ǁ
Padapatha Transcription Nonaccented
hiraṇya-rūpam ǀ uṣasaḥ ǀ vi-uṣṭau ǀ ayaḥ-sthūṇam ǀ ut-itā ǀ sūryasya ǀ
ā ǀ rohathaḥ ǀ varuṇa ǀ mitra ǀ gartam ǀ ataḥ ǀ cakṣāthe iti ǀ aditim ǀ ditim ǀ ca ǁ
05.062.09 (Mandala. Sukta. Rik)
4.3.31.04 (Ashtaka. Adhyaya. Varga. Rik)
05.05.060 (Mandala. Anuvāka. Rik)
Samhita Devanagari Accented
यद्बंहि॑ष्ठं॒ नाति॒विधे॑ सुदानू॒ अच्छि॑द्रं॒ शर्म॑ भुवनस्य गोपा ।
तेन॑ नो मित्रावरुणावविष्टं॒ सिषा॑संतो जिगी॒वांसः॑ स्याम ॥
Samhita Devanagari Nonaccented
यद्बंहिष्ठं नातिविधे सुदानू अच्छिद्रं शर्म भुवनस्य गोपा ।
तेन नो मित्रावरुणावविष्टं सिषासंतो जिगीवांसः स्याम ॥
Samhita Transcription Accented
yádbáṃhiṣṭham nā́tivídhe sudānū ácchidram śárma bhuvanasya gopā ǀ
téna no mitrāvaruṇāvaviṣṭam síṣāsanto jigīvā́ṃsaḥ syāma ǁ
Samhita Transcription Nonaccented
yadbaṃhiṣṭham nātividhe sudānū acchidram śarma bhuvanasya gopā ǀ
tena no mitrāvaruṇāvaviṣṭam siṣāsanto jigīvāṃsaḥ syāma ǁ
Padapatha Devanagari Accented
यत् । बंहि॑ष्ठम् । न । अ॒ति॒ऽविधे॑ । सु॒दा॒नू॒ इति॑ सुऽदानू । अच्छि॑द्रम् । शर्म॑ । भु॒व॒न॒स्य॒ । गो॒पा॒ ।
तेन॑ । नः॒ । मि॒त्रा॒व॒रु॒णौ॒ । अ॒वि॒ष्ट॒म् । सिसा॑सन्तः । जि॒गी॒वांसः॑ । स्या॒म॒ ॥
Padapatha Devanagari Nonaccented
यत् । बंहिष्ठम् । न । अतिऽविधे । सुदानू इति सुऽदानू । अच्छिद्रम् । शर्म । भुवनस्य । गोपा ।
तेन । नः । मित्रावरुणौ । अविष्टम् । सिसासन्तः । जिगीवांसः । स्याम ॥
Padapatha Transcription Accented
yát ǀ báṃhiṣṭham ǀ ná ǀ ati-vídhe ǀ sudānū íti su-dānū ǀ ácchidram ǀ śárma ǀ bhuvanasya ǀ gopā ǀ
téna ǀ naḥ ǀ mitrāvaruṇau ǀ aviṣṭam ǀ sísāsantaḥ ǀ jigīvā́ṃsaḥ ǀ syāma ǁ
Padapatha Transcription Nonaccented
yat ǀ baṃhiṣṭham ǀ na ǀ ati-vidhe ǀ sudānū iti su-dānū ǀ acchidram ǀ śarma ǀ bhuvanasya ǀ gopā ǀ
tena ǀ naḥ ǀ mitrāvaruṇau ǀ aviṣṭam ǀ sisāsantaḥ ǀ jigīvāṃsaḥ ǀ syāma ǁ