|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 5
Sūkta 65
|
1. Info |
| To: | mitra, varuṇa | |
| From: | rātahavya ātreya | |
| Metres: | 1st set of styles: anuṣṭup (1, 4); nicṛdanuṣṭup (2); svarāḍuṣnik (3); bhuriguṣṇik (5); virāṭpaṅkti (6) 2nd set of styles: anuṣṭubh (1-5); paṅkti (6) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
05.065.01 (Mandala. Sukta. Rik)
4.4.03.01 (Ashtaka. Adhyaya. Varga. Rik)
05.05.075 (Mandala. Anuvāka. Rik)
Samhita Devanagari Accented
यश्चि॒केत॒ स सु॒क्रतु॑र्देव॒त्रा स ब्र॑वीतु नः ।
वरु॑णो॒ यस्य॑ दर्श॒तो मि॒त्रो वा॒ वन॑ते॒ गिरः॑ ॥
Samhita Devanagari Nonaccented
यश्चिकेत स सुक्रतुर्देवत्रा स ब्रवीतु नः ।
वरुणो यस्य दर्शतो मित्रो वा वनते गिरः ॥
Samhita Transcription Accented
yáścikéta sá sukráturdevatrā́ sá bravītu naḥ ǀ
váruṇo yásya darśató mitró vā vánate gíraḥ ǁ
Samhita Transcription Nonaccented
yaściketa sa sukraturdevatrā sa bravītu naḥ ǀ
varuṇo yasya darśato mitro vā vanate giraḥ ǁ
Padapatha Devanagari Accented
यः । चि॒केत॑ । सः । सु॒ऽक्रतुः॑ । दे॒व॒ऽत्रा । सः । ब्र॒वी॒तु॒ । नः॒ ।
वरु॑णः । यस्य॑ । द॒र्श॒तः । मि॒त्रः । वा॒ । वन॑ते । गिरः॑ ॥
Padapatha Devanagari Nonaccented
यः । चिकेत । सः । सुऽक्रतुः । देवऽत्रा । सः । ब्रवीतु । नः ।
वरुणः । यस्य । दर्शतः । मित्रः । वा । वनते । गिरः ॥
Padapatha Transcription Accented
yáḥ ǀ cikéta ǀ sáḥ ǀ su-krátuḥ ǀ deva-trā́ ǀ sáḥ ǀ bravītu ǀ naḥ ǀ
váruṇaḥ ǀ yásya ǀ darśatáḥ ǀ mitráḥ ǀ vā ǀ vánate ǀ gíraḥ ǁ
Padapatha Transcription Nonaccented
yaḥ ǀ ciketa ǀ saḥ ǀ su-kratuḥ ǀ deva-trā ǀ saḥ ǀ bravītu ǀ naḥ ǀ
varuṇaḥ ǀ yasya ǀ darśataḥ ǀ mitraḥ ǀ vā ǀ vanate ǀ giraḥ ǁ
05.065.02 (Mandala. Sukta. Rik)
4.4.03.02 (Ashtaka. Adhyaya. Varga. Rik)
05.05.076 (Mandala. Anuvāka. Rik)
Samhita Devanagari Accented
ता हि श्रेष्ठ॑वर्चसा॒ राजा॑ना दीर्घ॒श्रुत्त॑मा ।
ता सत्प॑ती ऋता॒वृध॑ ऋ॒तावा॑ना॒ जने॑जने ॥
Samhita Devanagari Nonaccented
ता हि श्रेष्ठवर्चसा राजाना दीर्घश्रुत्तमा ।
ता सत्पती ऋतावृध ऋतावाना जनेजने ॥
Samhita Transcription Accented
tā́ hí śréṣṭhavarcasā rā́jānā dīrghaśrúttamā ǀ
tā́ sátpatī ṛtāvṛ́dha ṛtā́vānā jánejane ǁ
Samhita Transcription Nonaccented
tā hi śreṣṭhavarcasā rājānā dīrghaśruttamā ǀ
tā satpatī ṛtāvṛdha ṛtāvānā janejane ǁ
Padapatha Devanagari Accented
ता । हि । श्रेष्ठ॑ऽवर्चसा । राजा॑ना । दी॒र्घ॒श्रुत्ऽत॑मा ।
ता । सत्प॑ती॒ इति॒ सत्ऽप॑ती । ऋ॒त॒ऽवृधा॑ । ऋ॒तऽवा॑ना । जने॑ऽजने ॥
Padapatha Devanagari Nonaccented
ता । हि । श्रेष्ठऽवर्चसा । राजाना । दीर्घश्रुत्ऽतमा ।
ता । सत्पती इति सत्ऽपती । ऋतऽवृधा । ऋतऽवाना । जनेऽजने ॥
Padapatha Transcription Accented
tā́ ǀ hí ǀ śréṣṭha-varcasā ǀ rā́jānā ǀ dīrghaśrút-tamā ǀ
tā́ ǀ sátpatī íti sát-patī ǀ ṛta-vṛ́dhā ǀ ṛtá-vānā ǀ jáne-jane ǁ
Padapatha Transcription Nonaccented
tā ǀ hi ǀ śreṣṭha-varcasā ǀ rājānā ǀ dīrghaśrut-tamā ǀ
tā ǀ satpatī iti sat-patī ǀ ṛta-vṛdhā ǀ ṛta-vānā ǀ jane-jane ǁ
05.065.03 (Mandala. Sukta. Rik)
4.4.03.03 (Ashtaka. Adhyaya. Varga. Rik)
05.05.077 (Mandala. Anuvāka. Rik)
Samhita Devanagari Accented
ता वा॑मिया॒नोऽव॑से॒ पूर्वा॒ उप॑ ब्रुवे॒ सचा॑ ।
स्वश्वा॑सः॒ सु चे॒तुना॒ वाजाँ॑ अ॒भि प्र दा॒वने॑ ॥
Samhita Devanagari Nonaccented
ता वामियानोऽवसे पूर्वा उप ब्रुवे सचा ।
स्वश्वासः सु चेतुना वाजाँ अभि प्र दावने ॥
Samhita Transcription Accented
tā́ vāmiyānó’vase pū́rvā úpa bruve sácā ǀ
sváśvāsaḥ sú cetúnā vā́jām̐ abhí prá dāváne ǁ
Samhita Transcription Nonaccented
tā vāmiyāno’vase pūrvā upa bruve sacā ǀ
svaśvāsaḥ su cetunā vājām̐ abhi pra dāvane ǁ
Padapatha Devanagari Accented
ता । वा॒म् । इ॒या॒नः । अव॑से । पूर्वौ॑ । उप॑ । ब्रु॒वे॒ । सचा॑ ।
सु॒ऽअश्वा॑सः । सु । चे॒तुना॑ । वाजा॑न् । अ॒भि । प्र । दा॒वने॑ ॥
Padapatha Devanagari Nonaccented
ता । वाम् । इयानः । अवसे । पूर्वौ । उप । ब्रुवे । सचा ।
सुऽअश्वासः । सु । चेतुना । वाजान् । अभि । प्र । दावने ॥
Padapatha Transcription Accented
tā́ ǀ vām ǀ iyānáḥ ǀ ávase ǀ pū́rvau ǀ úpa ǀ bruve ǀ sácā ǀ
su-áśvāsaḥ ǀ sú ǀ cetúnā ǀ vā́jān ǀ abhí ǀ prá ǀ dāváne ǁ
Padapatha Transcription Nonaccented
tā ǀ vām ǀ iyānaḥ ǀ avase ǀ pūrvau ǀ upa ǀ bruve ǀ sacā ǀ
su-aśvāsaḥ ǀ su ǀ cetunā ǀ vājān ǀ abhi ǀ pra ǀ dāvane ǁ
05.065.04 (Mandala. Sukta. Rik)
4.4.03.04 (Ashtaka. Adhyaya. Varga. Rik)
05.05.078 (Mandala. Anuvāka. Rik)
Samhita Devanagari Accented
मि॒त्रो अं॒होश्चि॒दादु॒रु क्षया॑य गा॒तुं व॑नते ।
मि॒त्रस्य॒ हि प्र॒तूर्व॑तः सुम॒तिरस्ति॑ विध॒तः ॥
Samhita Devanagari Nonaccented
मित्रो अंहोश्चिदादुरु क्षयाय गातुं वनते ।
मित्रस्य हि प्रतूर्वतः सुमतिरस्ति विधतः ॥
Samhita Transcription Accented
mitró aṃhóścidā́durú kṣáyāya gātúm vanate ǀ
mitrásya hí pratū́rvataḥ sumatírásti vidhatáḥ ǁ
Samhita Transcription Nonaccented
mitro aṃhościdāduru kṣayāya gātum vanate ǀ
mitrasya hi pratūrvataḥ sumatirasti vidhataḥ ǁ
Padapatha Devanagari Accented
मि॒त्रः । अं॒होः । चि॒त् । आत् । उ॒रु । क्षया॑य । गा॒तुम् । व॒न॒ते॒ ।
मि॒त्रस्य॑ । हि । प्र॒ऽतूर्व॑तः । सु॒ऽम॒तिः । अस्ति॑ । वि॒ध॒तः ॥
Padapatha Devanagari Nonaccented
मित्रः । अंहोः । चित् । आत् । उरु । क्षयाय । गातुम् । वनते ।
मित्रस्य । हि । प्रऽतूर्वतः । सुऽमतिः । अस्ति । विधतः ॥
Padapatha Transcription Accented
mitráḥ ǀ aṃhóḥ ǀ cit ǀ ā́t ǀ urú ǀ kṣáyāya ǀ gātúm ǀ vanate ǀ
mitrásya ǀ hí ǀ pra-tū́rvataḥ ǀ su-matíḥ ǀ ásti ǀ vidhatáḥ ǁ
Padapatha Transcription Nonaccented
mitraḥ ǀ aṃhoḥ ǀ cit ǀ āt ǀ uru ǀ kṣayāya ǀ gātum ǀ vanate ǀ
mitrasya ǀ hi ǀ pra-tūrvataḥ ǀ su-matiḥ ǀ asti ǀ vidhataḥ ǁ
05.065.05 (Mandala. Sukta. Rik)
4.4.03.05 (Ashtaka. Adhyaya. Varga. Rik)
05.05.079 (Mandala. Anuvāka. Rik)
Samhita Devanagari Accented
व॒यं मि॒त्रस्याव॑सि॒ स्याम॑ स॒प्रथ॑स्तमे ।
अ॒ने॒हस॒स्त्वोत॑यः स॒त्रा वरु॑णशेषसः ॥
Samhita Devanagari Nonaccented
वयं मित्रस्यावसि स्याम सप्रथस्तमे ।
अनेहसस्त्वोतयः सत्रा वरुणशेषसः ॥
Samhita Transcription Accented
vayám mitrásyā́vasi syā́ma sapráthastame ǀ
anehásastvótayaḥ satrā́ váruṇaśeṣasaḥ ǁ
Samhita Transcription Nonaccented
vayam mitrasyāvasi syāma saprathastame ǀ
anehasastvotayaḥ satrā varuṇaśeṣasaḥ ǁ
Padapatha Devanagari Accented
व॒यम् । मि॒त्रस्य॑ । अव॑सि । स्याम॑ । स॒प्रथः॑ऽतमे ।
अ॒ने॒हसः॑ । त्वाऽऊ॑तयः । स॒त्रा । वरु॑णऽशेषसः ॥
Padapatha Devanagari Nonaccented
वयम् । मित्रस्य । अवसि । स्याम । सप्रथःऽतमे ।
अनेहसः । त्वाऽऊतयः । सत्रा । वरुणऽशेषसः ॥
Padapatha Transcription Accented
vayám ǀ mitrásya ǀ ávasi ǀ syā́ma ǀ sapráthaḥ-tame ǀ
anehásaḥ ǀ tvā́-ūtayaḥ ǀ satrā́ ǀ váruṇa-śeṣasaḥ ǁ
Padapatha Transcription Nonaccented
vayam ǀ mitrasya ǀ avasi ǀ syāma ǀ saprathaḥ-tame ǀ
anehasaḥ ǀ tvā-ūtayaḥ ǀ satrā ǀ varuṇa-śeṣasaḥ ǁ
05.065.06 (Mandala. Sukta. Rik)
4.4.03.06 (Ashtaka. Adhyaya. Varga. Rik)
05.05.080 (Mandala. Anuvāka. Rik)
Samhita Devanagari Accented
यु॒वं मि॑त्रे॒मं जनं॒ यत॑थः॒ सं च॑ नयथः ।
मा म॒घोनः॒ परि॑ ख्यतं॒ मो अ॒स्माक॒मृषी॑णां गोपी॒थे न॑ उरुष्यतं ॥
Samhita Devanagari Nonaccented
युवं मित्रेमं जनं यतथः सं च नयथः ।
मा मघोनः परि ख्यतं मो अस्माकमृषीणां गोपीथे न उरुष्यतं ॥
Samhita Transcription Accented
yuvám mitremám jánam yátathaḥ sám ca nayathaḥ ǀ
mā́ maghónaḥ pári khyatam mó asmā́kamṛ́ṣīṇām gopīthé na uruṣyatam ǁ
Samhita Transcription Nonaccented
yuvam mitremam janam yatathaḥ sam ca nayathaḥ ǀ
mā maghonaḥ pari khyatam mo asmākamṛṣīṇām gopīthe na uruṣyatam ǁ
Padapatha Devanagari Accented
यु॒वम् । मि॒त्रा॒ । इ॒मम् । जन॑म् । यत॑थः । सम् । च॒ । न॒य॒थः॒ ।
मा । म॒घोनः॑ । परि॑ । ख्य॒त॒म् । मो इति॑ । अ॒स्माक॑म् । ऋषी॑णाम् । गो॒ऽपी॒थे । नः॒ । उ॒रु॒ष्य॒त॒म् ॥
Padapatha Devanagari Nonaccented
युवम् । मित्रा । इमम् । जनम् । यतथः । सम् । च । नयथः ।
मा । मघोनः । परि । ख्यतम् । मो इति । अस्माकम् । ऋषीणाम् । गोऽपीथे । नः । उरुष्यतम् ॥
Padapatha Transcription Accented
yuvám ǀ mitrā ǀ imám ǀ jánam ǀ yátathaḥ ǀ sám ǀ ca ǀ nayathaḥ ǀ
mā́ ǀ maghónaḥ ǀ pári ǀ khyatam ǀ mó íti ǀ asmā́kam ǀ ṛ́ṣīṇām ǀ go-pīthé ǀ naḥ ǀ uruṣyatam ǁ
Padapatha Transcription Nonaccented
yuvam ǀ mitrā ǀ imam ǀ janam ǀ yatathaḥ ǀ sam ǀ ca ǀ nayathaḥ ǀ
mā ǀ maghonaḥ ǀ pari ǀ khyatam ǀ mo iti ǀ asmākam ǀ ṛṣīṇām ǀ go-pīthe ǀ naḥ ǀ uruṣyatam ǁ